Published_ 06 October 2023

လျှပ်စစ်လိုအပ်ချက်ရှိနေ၍ ကာဇက်စတန်နိုင်ငံမှ ပတ်ဝန်းကျင်မထိခိုက်စေဘဲ ကျောက်မီးသွေးမှလျှပ်စစ်ထုတ် ယူနိုင်ရေးနည်းပညာများကို မြန်မာနိုင်ငံမှစွမ်းအင်ဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့ဝင်များက လေ့လာခဲ့ကြောင်း သိရသည်။

ရှန်ဟိုင်းပူးပေါင်းဆောင်ရွက်မှုအဖွဲ့၏ စွမ်းအင်ဖိုရမ်ကိုတက်ရောက်ရန် မြန်မာနိုင်ငံမှ စွမ်းအင်ဝန်ကြီးဌာန၊ ပြည်ထောင်စုဝန်ကြီးနှင့်အဖွဲ့သည် ကာဇက်စတန်နိုင်ငံ Astanaမြို့သို့ရောက်ရှိခဲ့ခြင်းဖြစ်ပြီး ကာဇက်စတန်နိုင်ငံ မှစွမ်းအင်ဝန်ကြီးနှင့်တွေ့ဆုံခဲ့ခြင်းဖြစ်သည်။

မြန်မာ-ကာဇက်စတန် နှစ်နိုင်ငံ စွမ်းအင်ဝန်ကြီးနှစ်ဦးတွေ့ဆုံစဉ် မြန်မာနိုင်ငံမှစွမ်းအင်ဝန်ကြီးက ‘မြန်မာနိုင်ငံတွင်ကျောက်မီးသွေးထွက်ရှိသော်လည်းထိရောက်စွာအသုံးမချနိုင်သေးကြောင်း၊မိမိတို့နိုင်ငံတွင် လျှပ်စစ်ဓာတ်အားလိုအပ်ချက်ရှိနေ၍ကျောက်မီးသွေးမှ လျှပ်စစ်ထုတ်ယူရန်လည်းကြိုးပမ်းလျက်ရှိနေကြောင်း၊ ကာဇက်စတန်နိုင်ငံသည်ကျောက်မီးသွေးထွက်ရှိသည့်နိုင်ငံဖြစ်သလို လျှပ်စစ်ဓာတ်အားထုတ်လုပ်မှု၏၇၀ရာ ခိုင်နှုန်းကိုကျောက်မီးသွေးမှထုတ်လုပ်လျက်ရှိသည်ဟုသိရှိရကြောင်း၊

ယင်းကဲ့သို့ထုတ်လုပ်လျက်ရှိသည့်အတွက် ပတ်ဝန်းကျင်မထိခိုက်စေဘဲ ကျောက်မီးသွေးမှလျှပ်စစ်ထုတ်ယူနိုင်ရေး နည်းပညာ၊Human Resourceဆိုင်ရာများ၊အထူးသဖြင့်ရေနံရှာဖွေရေးဘာသာရပ်၊ရေနံအင်ဂျင်နီယာဘာသာရပ်၊ ရေနံဓာတုဗေဒဘာသာရပ်နှင့်သတ္တုဗေဒဘာသာရပ်များကို Academicသာမဟုတ်ဘဲ On Job Trainingများပေး နိုင်ရန်ဆွေးနွေးပြောကြားခဲ့သည်။

အဆိုပါကာဇက်စတန်နိုင်ငံမှကျောက်မီးသွေးစက်ရုံများသည် ကျောက်မီးသွေးနှင့် သဘာဝဓာတ်ငွေ့နှစ်မျိုးလုံး အသုံးပြုနိုင်သည့် လျှပ်စစ်ဓာတ်အားပေးစက်ရုံဖြစ်ပြီး လောင်ကျွမ်းပြီးကျောက်မီးသွေးပြာများကို နည်းပညာ အသုံးပြုပြီး အဆင့်ဆင့်သန့်စင်ကြောင်း၊၉၉ရာခိုင်နှုန်းသန့်စင်ပြီးလေထဲသို့လွှင့်ထုတ်ကြောင်း၊ ပတ်ဝန်းကျင် ထိခိုက်မှုမရှိကြောင်း ပြည်ထောင်စုဝန်ကြီးကို ရှင်းလင်းတင်ပြခဲ့ကြောင်း သိရသည်။
#Yangon-Times/tthl
#Local_News
#YMG #Yangon_Times #Yangon_Media_Group

Published_ 06 October 2023

ရိုးရာလှေ(နဂါးလှေ)မီတာ(၁၀၀၀)ပြိုင်ပွဲတွင် မြန်မာအမျိုးသား လှေလှော်အသင်းမှ ‌တတိယဆုကြေးတံဆိပ်ဆွတ်ခူးခဲ့ကြောင်း မြန်မာနိုင်ငံလှေလှော်အဖွဲ့ချုပ်မှ သိရသည်။

မြန်မာနိုင်ငံအတွက် အာရှအဆင့် တတိယမြောက်ဆုတံဆိပ်ကို အမျိုးသား မီတာ ( ၁၀၀၀ ) နဂါးလှေအားကစားနည်းမှ ရရှိခဲ့ခြင်းဖြစ်သည်။

တရုတ်နိုင်ငံ၊ဟန်ကျိုးတွင်ကျင်းပနေသည့် အာရှအားကစားပြိုင်ပွဲတွင် မြန်မာပိုက်ကျော်ခြင်း အမျိုးသားလေးယောက်တွဲမှရွှေတံဆိပ်ဆု၊ မြန်မာလှေလှော်အသင်း အမျိုးသမီးမီတာ၅၀၀ပြိုင်ပွဲတွင် တတိယကြေးတံဆိပ်နှင့် ယခု နဂါးလှေမီတာ(၁၀၀၀)ပြိုင်ပွဲတွင် မြန်မာအမျိုးသား လှေလှော်အသင်းမှ ‌တတိယဆုကြေးတံဆိပ်ဆွတ်ခူးခဲ့ကြောင်း မြန်မာနိုင်ငံလှေလှော်အဖွဲ့ချုပ်နှင့်အားကစားနှင့်လူငယ်‌ရေးရာဝန်ကြီးဌာနမှ သိရသည်။
#Yangon-Times/tthl
#Local_News
#YMG #Yangon_Times #Yangon_Media_Group

Published_ 06 October 2023

အရည်အသွေးမီ မြန်မာ့ရော်ဘာပို့ကုန်များတိုးတက်တင်ပို့နိုင်ရေးဆောင်ရွက်သွားရမည်ဖြစ်ကြောင်း  နိုင်ငံတော် စီမံအုပ်ချုပ်ရေးကောင်စီဝင် မန်းငြိမ်းမောင်က ပြောကြားခဲ့သည်။

မြန်မာ့ရော်ဘာ ကဏ္ဍဖွံ့ဖြိုးတိုးတက်ရေး ညှိနှိုင်းဆွေးနွေးပွဲကို အောက်တို ၅ရက်ကကျင်းပခဲ့ရာတွင် အထက်ပါအတိုင်းပြောကြားခဲ့ခြင်းဖြစ်သည်။

မြန်မာ့ရော်ဘာကုန်ကြမ်းများကို နိုင်ငံဈေးကွက်ရရှိရေးအတွက် မြန်မာ့ရော်ဘာအရည်အသွေးစံသတ်မှတ်ချက် စနစ်တကျပေါ်ပေါက်ပြီး အာမခံချက်ရှိသည့်  ရော်ဘာတင်ပို့နိုင်မှသာ မြန်မာ့ရော်ဘာသည်  ကမ္ဘာ့ပေါက်ဈေးအတိုင်း ရမည်ဟုလည်း ဆိုသည်။

မြန်မာ့ရော်ဘာကုန်ကြမ်းများ ကမ္ဘာ့ပေါက်ဈေးအတိုင်း ရရှိရန်  နိုင်ငံတစ်ဝန်း အဆင့်မြင့်ရော်ဘာစက်ရုံ တွေပေါ်ပေါက်ဖို့လိုပြီး ယင်းအတွက်ဌာနဆိုင်ရာများက ဥပဒေ၊ နည်းဥပဒေ၊ လုပ်ထုံးလုပ်နည်းများနှင့် အညီ ပေါင်းစပ်ညှိနှိုင်း ကူညီပံ့ပိုးပေးရမည်ဖြစ်ကြောင်းမန်းငြိမ်းမောင်က ဆက်လက် ပြောကြားခဲ့သည်။
#Yangon-Times/PP
#Local_News
#YMG #Yangon_Times #Yangon_Media_Group

Published 06 October 2023

အိမ်သာတက်ပြီးနောက် စအိုသန့်ရှင်းရေး လုပ်တဲ့အခါမှာ စက္ကူသုတ်တဲ့ပုံစံက ကျန်းမာရေးအပေါ် သိသာစွာ သက်ရောက်နေတယ်ဆိုတာ သိကြပါသလား။

မတ်တပ်ရပ်လျက်ဖြစ်စေ၊ ဒူးထောက်လျက်ဖြစ်စေ၊ ထိုင်လျက်ဖြစ်စေ၊ အိမ်သာသုံးစက္ကူ ဘယ်လိုမျိုးဖြစ်စေ၊ နည်းသည်ဖြစ်စေ များသည်ဖြစ်စေ လူအတော်များများက စက္ကူသုတ်တဲ့ ပုံစံရဲ့ အရေးကြီးပုံကို သတိမထားမိကြပါဘူး။

အမျိုးသမီးတွေအနေနဲ့ အင်္ဂါအရှေ့ပိုင်းကနေ အနောက်ပိုင်းသို့ သုတ်သွားဖို့က အရေးကြီးပါတယ်။

ထိုသို့မဟုတ်ဘဲ ဆန့်ကျင်ဘက်အတိုင်း သုတ်ပါက ဘက်တီးရီးယားတွေက ဆီးလမ်းကြောင်းစနစ်သို့ ဝင်ရောက်လာနိုင်ကာ ရောဂါပိုးကူးစက်ခြင်း ဖြစ်နိုင်ပါတယ်။

အမျိုးသမီးတွေမှာ စအိုဘက်ကနေ ဆီးလမ်းကြောင်းအပေါက်ဘက်သို့ သုတ်ခြင်းဖြင့် အန္တရာယ်ပြုဘက်တီးရီးယား များ ဆီးလမ်းကြောင်းသို့ ဝင်ရောက်လာနိုင်ချေ များစေပါတယ်။

အမျိုးသမီး ၃ ယောက်မှာ ၁ ယောက်နှုန်းက အသက် ၂၄ နှစ်အရွယ်မှာ ပဋိဇီဝဆေး ကုသမှုခံယူရတဲ့အထိ ဆီးလမ်းကြောင်းပိုးဝင်ခြင်းမျိုး ခံစားရနိုင်ကာ အမျိုးသမီးတဝက်ခန့်နီးပါးက ဘဝမှာ ဒီလိုကူးစက်မှုမျိုး ကြုံတွေ့ရတတ်ပါတယ်။

အမျိုးသားတွေဟာလည်း ဆီးလမ်းကြောင်းပိုးဝင်တာမျိုး ခံစားရတတ်ပေမယ့် သုတ်သင်သန့်ရှင်းတဲ့ နည်းလမ်းကြောင့်တော့ မဟုတ်ပါဘူး။

အမျိုးသမီးတွေလောက် မဆိုးဘူးဆိုပေမယ့် ဘက်တီးရီးယား၊ ရောဂါကူးစက်မှု၊ ရောဂါထိတွေ့မှုများ လျှော့ချနိုင်စေရန် တစ်ကိုယ်ရည်သန့်ရှင်းမှု ကျင့်ကြံလုပ်ယူရပါမယ်။

သုတ်သင်သန့်ရှင်းစဥ် အသုံးပြုတဲ့ စက္ကူအရေအတွက်ကလည်း လူတစ်ယောက်နဲ့ တစ်ယောက် သိသာစွာ ကွဲပြားနေကြပါတယ်။

လေ့လာချက်များအရ တစ်ခါသန့်ရှင်းရေးလုပ်တိုင်း တစ်ရှူးစက္ကူ ၇ ရွက်က လုံလောက်ပါတယ်။

အချို့တွေက ၁၀ ရွက် - ၁၂ ရွက်လောက် အသုံးပြုကြပေမယ့် အချို့ကတော့ ၄ ရွက် - ၅ ရွက်လောက် အသုံးပြုကြပါတယ်။

ကြံ့ခိုင်ပြီး စုပ်ယူအားကောင်းတဲ့ အိမ်သာသုံးစက္ကူများဖြင့် ညင်သာစွာသုတ်ပေးဖို့ ပညာရှင်များက အကြံပြုကြပါတယ်။

မှန်ကန်စွာ သန့်ရှင်းသုတ်သင်ခြင်းနဲ့ တစ်ကိုယ်ရည်သန့်ရှင်းမှု ထိန်းသိမ်းခြင်းတို့ဖြင့် ဆီးလမ်းကြောင်း ရောဂါပိုးကူးစက်ခြင်းနဲ့ ဆက်စပ်ရောဂါများကို လျှော့ချနိုင်မှာ ဖြစ်ပါတယ်။

ပြောဆိုဆွေးနွေးဖို့ ရှက်မယ်ထင်ရင်တောင် ကျန်းမာရေးနဲ့ ပတ်သက်ပြီး အရေးပေးဖို့လိုပါတယ်။
Source: The Jerusalem Post.
#World_Health
#YMG #Yangon_Times #Yangon_Media_Group

Published_ 06 October 2023

Encyclopedia Britannica နဲ့ ကမ္ဘာ့ဂင်းနစ်စံချိန်များအရ နိုင်းလ်မြစ်ဟာ ကမ္ဘာပေါ်မှာ အရှည်လျားဆုံးမြစ် ဖြစ်ပါတယ်။

ဒါပေမဲ့ အမေဇုံမြစ်ကို မကြာခင်စူးစမ်းလေ့လာပြီး နောက်မှာတော့ အပြောင်းအလဲ ဖြစ်လာနိုင်ပါတယ်။

နိုင်ငံတကာ သုတေသီများနဲ့ စူးစမ်းလေ့လာရေးအဖွဲ့က သဘာဝတရားကြီးရဲ့ အထူးဆန်းဆုံးဖြစ်ရပ်တွေထဲက တစ်ခုကို ဖြေရှင်းရန်အတွက် ၂၀၂၄ ဧပြီလမှာ ၇,၀၀၀ ကီလိုမီတာ ရှည်လျားတဲ့ ခရီးလမ်းကြောင်းမှာ သင်္ဘောခရီးထွက်ကြမှာ ဖြစ်ပါတယ်။

အသက် ၅၅ နှစ်အရွယ် စူးစမ်းလေ့လာရေးအဖွဲ့ ခေါင်းဆောင် ဘရာဇီးလ်လူမျိုး ယူရီဆာနာဒါက CNN နဲ့ ပြောကြားရာမှာ နိုင်းလ်မြစ်က တီကောင်မျှသာဖြစ်ပြီး အမေဇုံမြစ်ကတော့ စပါးကြီးမြွေလောက်ရှိတယ်လို့ မှတ်ချက်ပြုလိုက်ပါတယ်။

အမေဇုံမြစ်က ကမ္ဘာပေါ်မှာ ရေအများပြားဆုံးရှိတဲ့မြစ် ဖြစ်နေပေမယ့် ကမ္ဘာ့အရှည်လျားဆုံးမြစ် ဖြစ်မဖြစ်ကတော့ မေးခွန်းတွေရှိနေပါတယ်။

အမေဇုံမြစ်ဟာ အခြားမြစ်တွေထဲက ရေတွေထက် အနည်းဆုံး ၄ ဆပိုများပါတယ်။

အမေဇုံမြစ် အစပြုတာနဲ့ ပတ်သက်ပြီး အငြင်းပွားစရာများ ရှိနေပါတယ်။

ရှေးအစဥ်အဆက်အရ ပီရူးတောင်ပိုင်း အေပျူရီမက်မြစ်ဖျားပိုင်းက အမေဇုံမြစ်ရဲ့ မူလအစနေရာဖြစ်တယ်လို့ သုတေသီများ ယူဆနေကြပါတယ်။

ဂျိမ်းစ်ရော့ကီကွန်တိုစ်လိုမျိုး စူးစမ်းလေ့လာရေးသမားတွေကတော့ ပီရူးမြောက်ပိုင်း မန်တယ်ရိုမြစ်ကနေ အစပြုတယ်လို့ ရှာဖွေတွေ့ရှိခဲ့ကြပါတယ်။

လာမယ့်နှစ် လေ့လာရေးခရီးကို ပီရူး၊ ကိုလံဘီယာ၊ ဘရာဇီးလ်တို့ကို ဖြတ်သန်းပြီး အမေဇုံမြစ်တလျှောက် လေ့လာသွားကြမှာ ဖြစ်ပြီး မန်တယ်ရိုမြစ်နေရာကနေ စတင်သွားမှာ ဖြစ်ပါတယ်။

နောက်ထပ်စူးစမ်းလေ့လာမှုကို ၂၀၂၅ အစောပိုင်းမှာ ပီရူးနိုင်ငံ အေပျူရီမက်မြစ်ကနေ စတင်လေ့လာသွားဦးမှာ ဖြစ်ပါတယ်။
Source: WION
#World_Science
#YMG #Yangon_Times #Yangon_Media_Group

တရုတ်နိုင်ငံမှ ကူညီဆောက်လုပ်ပေးသည့် မြန်နှုန်းမြင့် HSR ရထားလမ်း အင်ဒိုနီးရှားဂျာကာတာတွင် ပထမဆုံးဖွင့်လှစ်ပြေးဆွဲ

တနင်္လာနေ့နံနက်ပိုင်း အင်ဒိုနီးရှားနိုင်ငံ ဂျာကာတာရှိ ဟာလင်ဘူတာရုံမှာ သမ္မတ ဂျိုကိုဝီဒိုဒိုက ဂျာကာတာ-ဘန်ဒန်း အမြန်ရထားလမ်း(HSR)ကို တရားဝင်စတင် ပြေးဆွဲပြီဖြစ်ကြောင်း ကြေညာလိုက်ပါတယ်။
#Asia_Development
#Published_ 05 October 2023
#YMG #Yangon_Times #Yangon_Media_Group

#Daily_News
Published_ 05 October 2023

၁။ သီတင်းကျွတ်လပြည့်နေ့တွင် ဗိုလ်တထောင်စေတီတော်၌ ဆီမီး(၉၀၀၀) ထွန်းညှိပူဇော်မည်

၂။ နယ်မြေဒေသ‌အေးချမ်း‌ရေးနှင့် လျှပ်စစ်မီးအခက်အခဲက ခရီးသွားလုပ်ငန်းကဏ္ဍများအတွက် အဓိကစိန်ခေါ်မှုဖြစ်နေဟုဆို

၃။ စက်သုံးဆီဈေးများ ဆက်တိုက်ကျလာပြီး ရန်ကုန်ဈေးကွက်တွင် 92 တစ်လီတာ ကျပ် ၂၀၀ဝ အောက်သို့ ပြန်ရောက်ရှိ

၄။ တရုတ်နိုင်ငံမှ ကူညီဆောက်လုပ်ပေးသည့် မြန်နှုန်းမြင့် HSR ရထားလမ်း အင်ဒိုနီးရှား ဂျာကာတာတွင် ပထမဆုံးဖွင့်လှစ်ပြေးဆွဲ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 05 October 2023

၂၀၂၃ ခုနှစ်၊ နှစ်လယ်မြန်မာ့ကျောက်မျက်ရတနာပြပွဲကို အောက်တိုဘာလ ၂၀ ရက်မှ ၂၈ ရက်အထိ ကိုးရက်တိုင်တိုင် နေပြည်တော်၊ မဏိရတနာကျောက်စိမ်းခန်းမတွင် ကျင်းပပြုလုပ်မည်ဖြစ်‌ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ သိရသည်။

အဆိုပါပြပွဲကို သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ ကြီးကြပ်မှုဖြင့် မြန်မာ့ကျောက်မျက်က်ရတနာပြပွဲ ဗဟိုကော်မတီမှကျင်းပမည်ဖြစ်ကြောင်းသိရသည် ။

ပြပွဲတွင် မြန်မာနိုင်ငံမှ ထွက်ရှိသော ပုလဲ၊ ကျောက်မျက်နှင့် ကျောက်စိမ်းအတွဲများကို တင်ပြရောင်းချသွားမည်ဖြစ်ကြောင်းသိရသည်။

အဆိုပါ ပြပွဲ၌ နိုင်ငံခြားသားများကို ရောင်းချနိုင်ရန်အတွက် အဓိကရည်ရွယ်ဆောင်ရွက်ခြင်းဖြစ်သော်လည်း မြန်မာ့ကျောက်မျက်ရတနာ ဥပဒေနှင့်အညီ ခွင့်ပြုမိန့်ရယူ၍ ကျောက်မျက်ရတနာများ တူးဖော်ထုတ်လုပ်ခြင်းလုပ်ငန်း ဆောင်ရွက်လျက်ရှိသည့် နိုင်ငံသားကျောက်မျက်ရတနာလုပ်ငန်းရှင်များ၊ လိုင်စင်ရယူ၍ ကျောက်မျက်ရတနာရောင်းဝယ်ခြင်းလုပ်ငန်းများ ဆောင်ရွက်လျက်ရှိသည့် နိုင်ငံသား ကျောက်မျက်ရတနာလုပ်ငန်းရှင်များကိုလည်း သတ်မှတ်ချက်များနှင့်အညီ တက်ရောက်ဝယ်ယူခွင့်ပြုမည်ဖြစ်ကြောင်းသိရသည်။

၄အပြင် တက်ရောက်ဝယ်ယူခွင့်ကိစ္စများနှင့် ပတ်သက်၍ အသေးစိတ်သိရှိလိုပါက မြန်မာ့ကျောက်မျက်ရတနာပြပွဲဗဟိုကော်မတီ၊ မြန်မာနိုင်ငံကျောက်မျက်ရတနာရောင်းဝယ်ရေးလုပ်ငန်း ရုံးချုပ် (နေပြည်တော်)၊ မြန်မာ့ပုလဲထုတ်လုပ်ရေးနှင့် ရောင်းဝယ်ရေးလုပ်ငန်း ရုံးချုပ်(နေပြည်တော်)တို့တွင် ဆက်သွယ်စုံစမ်းနိုင်ကြောင်း သိရသည် ။
Yangon_Times/NN
#Local_News
#YMG #Yangon_Times #Yangon_Media_Group

Published_ 05 October 2023

မူဆယ်နယ်စပ်ရှိ ကျင်စန်းကျော့နယ်စပ်ဂိတ်တွင် ရှန်တိန်စနစ်အစား ယာဉ်မောင်းများ တိုက်ရိုက်မောင်းနှင်မှုကို အောက်တိုဘာ၆ရက်နေ့၌ စတင်တော့မည်ဖြစ်ကြောင်း မူဆယ်သစ်သီးဝလံကုန်စည်ဒိုင်မှ သိရသည် ။

အဆိုပါယာဉ်မောင်းများနှင့်ယာဉ် နောက်များအား ကျင်စန်းကျော့ဂိတ်တွင် တခါသုံးကဒ်TBP ထုတ်ပေးသွားမည်ဖြစ်ပြီး ဝမ်တိန်သို့ တိုက်ရိုက်မောင်းနှင်နိုင်မည် ဖြစ်ကြောင်းသိရသည် ။

ထို့အပြင် ယာဉ်မောင်းများအနေဖြင့်လတ်တလောဝင်ရောက်မည့်Export ဆိုင်ရာအချက်အလက် စာရွက်စာတမ်းများ(Ed& Allowed shipment)နှင့် မော်တော်ယာဉ်အထောက်အထားခိုင်လုံပါက လာမည့်ရက်ပိုင်းအတွင်းTBPကဒ်ဖြင့်covid-19 ရောဂါကာလမတိုင်ခင်က ကဲ့သို့ နယ်စပ်ဖြတ်သန်း၍ တိုက်ရိုက်မောင်းဝင်နိုင်တော့မည်ဖြစ်သည်။

ကုန်သွယ်မှုနှင့်ဆိုင်သော အစီအစဉ်ဖြင့် ကျင်ဆန်ကျော့ဂိတ်တွင် လွယ်ကူလျင်မြန်စွာပြုလုပ်နိုင်မည့်အကြောင်း ကနဦးသိရှိရပြီး ရှန်တိန်ခနှင့်အတူ တရုတ်ဖက်အခြားကုန်ကျစရိတ်များအထူးသက်သာသွားနိုင်မည်ဟု မျှော်လင့်ရကြောင်း ခွာညိုသစ်သီးပွဲရုံမှ တာဝန်ရှိသူတစ်ဦးက ပြောသည် ။

ပွဲရုံများမှ မိမိတို့ပွဲရုံမှ သစ်သီးတင်ဆောင်မလာသော ယာဉ်မောင်းများနှင့်ယာဉ်နောက်လိုက်များ၏ ကိုယ်ရေးအချက်အလက်များအား ကုန်စည်ဒိုင်သို့ တစ်ရက်ကြိုတင်၍ စာရင်းပေးပို့ရမည် ဖြစ်ကြောင်းသိရသည်။

ထိုသို့စာရင်းပေးပို့ရာတွင်အမည် ၊ မှတ်ပုံတင်မိတ္တူ ၊ အိမ်ထောင်စုဇယားပါ
လိပ်စာ ၊ အိမ်ထောင်စုဇယားတွင်ပါရှိသော EIDနံပါတ် ၊ ကားနံပါတ် ၊ ဖုန်းနံပါတ် ၊ ပွဲရုံနံပါတ် များအား ပေးပို့ရမည်ဖြစ်ကြောင်းသိရသည် ။
Yangon_Times/NN
#Local_News
#YMG #Yangon_Times #Yangon_Media_Group

မိုင်းရယ်နဲ့ ငွေရည်ပုလဲသကြားစက်များ ကြံတစ်တန်ဈေးတိုးမြှင့်ပေးလာ

သကြားဈေးနှင့် သွင်းအားစုစရိတ် မြင့်တက်နေသောကြောင့် လာမည့်ကြံကြိတ်ခွဲ
ရာသီအတွက် ကြံတစ်တန် ကျပ်တစ်သိန်းနှစ်သောင်းအထိ တိုးမြင့်ပေးလာ
Yangon_Times/NN
#Local_News
#Published_ 05 October 2023
#YMG #Yangon_Times #Yangon_Media_Group

မုတ်သုန်လေအားနည်းသဖြင့် မိုးရွာနိုင်သော်လည်း မိုးသည်းထန်ရန်မရှိသေး

‘လေပွေလှိုင်း သက်ရောက်မှုကြောင့် အခုရက်ပိုင်းအတွင်း မိုးရွာနိုင်သော်လည်း အရင်ကလောက် မိုးသည်းထန်တာတွေ မရှိနိုင်သေးဘူး’ မိုးလေဝသနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူးဦးလှထွန်း)
Yangon_Times/tthl
#Local_News
#Published_ 05 October 2023
#YMG #Yangon_Times #Yangon_Media_Group

Published 5 October 2023

ထိုင်းနိုင်ငံ အတွင်း နေထိုင်ခွင့် သက်တမ်း ကုန်ဆုံးတော့မည့် MOU မြန်မာအလုပ်သမားများ အတွက်သက်တမ်းတိုးကာလ ကို လာမည့် နှစ် ဧပြီလ အထိ ထိုင်းအစိုးရက အချိန် တိုးပေးလိုက်ကြောင်း ထိုင်းနိုင်ငံရှိ မြန်မာအလုပ်သမားအရေး ကူညီပေးသူတွေထံ က သိရသည်။

၂၀၂၀ ခုနှစ်၊ နိုဝင်ဘာလ ၁ ရက်မှ၊ ၂၀၂၃ ခုနှစ်၊ဒီဇင်ဘာလ ၃၁ ရက်တွင် ၄ နှစ်သက်တမ်းပြည့်မည့် MoU အလုပ်သမားများ ကို သက်တမ်းတိုးရန် အချိန် တိုးပေးခဲ့ ခြင်း ဖြစ်ကာသတ်မှတ်ကာလ အတွင်း သက်တမ်းတိုးခြင်း ကို ပြီးစီးအောင် ပြုလုပ်ရမည် ဖြစ်ကြောင်း သိရသည်။

အဆိုပါ သက်တမ်းပြည့်နေသည့် MoU အလုပ်သမားများ ကို မြန်မာ နိုင်ငံ အလုပ်သမားဝန်ကြီးဌာန အနေဖြင့် MoU U- turn စနစ်ဖြင့် မြဝတီနှင့် ကော့သောင်းမြို့ တို့တွင် One Stop Services စနစ် ဖြင့် စခန်းများ ဖွင့်လှစ်ပြီး ပတ်စပို့သက်တမ်း ၂နှစ်နှင့် အထက် ကျန်ရှိသေးသည့်
သူများ ကို စက်တင်ဘာ ၁၁ရက်က စတင် လုပ်ဆောင် ပေးနေကြောင်း သိရသည်။

'' MoU U- turn စနစ်နဲ့ ပြန်ဝင်ဖို့ က စာအုပ် သက်တမ်း ၂ နှစ်နဲ့ အထက် ရှိမှ လုပ်လို့ရမှာ စာအုပ် သက်တမ်း ကုန်နေတဲ့ သူတွေက သက်တမ်းတိုး ဖို့ က အချိန် လိုသေးတယ်၊အခုလို အချိန် တိုးပေး လိုက်တဲ့ အတွက် ထိုင်းမှာ နေထိုင်ခွင့် သက်တမ်း ကုန်နေတဲ့ သူတွေ အဆင်ပြေသွားတယ် ''ဟု ထိုင်းနိုင်ငံရှိ မြန်မာအလုပ်သမားအရေး ကူညီပေးသူတစ်ဦး ကပြောသည်။

ထိုင်းအစိုးရအနေဖြင့် ထိုင်းရောက် မြန်မာအပါအဝင် ရွေ့ပြောင်း လုပ်သားများ ကိုလည်း ၂၀၂၃ ခုနှစ်၊ ဇူလိုင်လ ၅ရက်တွင် ဘတ် ပန်းရောင် ကတ် ရိုက်ရန် အမည်စာရင်းတင်သွင်းထားသူများအနေဖြင့်၂၀၂၅ ခုနှစ်၊ ဖေဖော်ဝါရီ ၁၃ ရက်အထိ နေထိုင်ခွင့်ရရှိမည်ဖြစ်ပြီး ယခင်က အောက်တိုဘာလအထိသာ သတ်မှတ်ထားသည့် အလုပ်ပါမစ်ပြုလုပ်ချိန်အား ၂၀၂၄ ခုနှစ်၊ ဇန်နဝါရီ ၁၅ ရက်နေအထိ ၃ လ အချိန်တိုးမြှင့် သတ်မှတ်ပေးလိုက်ကြောင်း သိရသည်။
Yangon_Times/LW
#Local_News
#YMG #Yangon_Times #Yangon_Media_Group