#Local_News
Published 16 September 20224

▪️ အီရတ်နိုင်ငံ၌ အခက်အခဲကြုံတွေ့နေရသည့် ချင်းနှင့်ရခိုင်တိုင်းရင်းသူနှစ်ဦးအား အမိနိုင်ငံသို့ ပြန်လည်ခေါ်ဆောင်ခဲ့ကြောင်း သိရသည်။

▪️ နိုင်ငံတော်အစိုးရအနေဖြင့် ပြည်ပတွင်ရောက်ရှိနေသည့် အမိနိုင်ငံ သားများ အခက်အခဲကြုံတွေ့ရပါက နိုင်ငံသားများအပေါ် အလေးအနက် တန်ဖိုးထားသည့်အနေဖြင့်မည်သို့သောအခြေအနေနှင့် တွေ့ကြုံရသည်ဖြစ်စေ မြန်မာသံရုံးနှင့် မြန်မာကောင်စစ်ဝန်ချုပ်ရုံးတို့သည် သက်ဆိုင်ရာ သံရုံးများနှင့် ချိတ်ဆက်၍ အမိနိုင်ငံသားများမြန်မာနိုင်ငံသို့ အမြန်ဆုံး အေးချမ်းလုံခြုံစွာ ပြန်လည်ရောက်ရှိနိုင်ရန် စီစဉ်ဆောင်ရွက်ပေးလျက်ရှိခြင်းဖြစ်သည်။

▪️ ထိုသို့ ဆောင်ရွက်ပေးရာတွင်  အီရတ်နိုင်ငံအာဘေးမြို့၌ အခက်အခဲကြုံတွေ့နေရသည့် မြန်မာနိုင်ငံသားချင်းတိုင်းရင်းသူ Lal Lawm Tluangi နှင့် ရခိုင်တိုင်းရင်းသူ မစန္ဒီလင်းတို့အား အမိနိုင်ငံသို့ အမြန်ဆုံးပြန်လည်ပို့ဆောင်နိုင်ရန်ကိုင်ရိုမြို့ရှိ မြန်မာသံရုံးသည် ကာဒစ္စတန်ကိုယ်ပိုင်အုပ်ချုပ်ခွင့်ရဒေသ အစိုးရထံသံတမန်စာပေးပို့၍ ညှိနှိုင်းဆောင်ရွက်ခြင်း၊ SEED Organi-zation နှင့် ပူးပေါင်းဆောင်ရွက်ခြင်းတို့ဖြင့် ၎င်းတို့နှစ်ဦးသည် မြန်မာနိုင်ငံသို့ ပြန်လည်ထွက်ခွာ ခွင့် (Exit permit) ရရှိခဲ့ရာ စက်တင်ဘာ ၁၂ ရက်တွင် Erbil – Istanbul – Bangkok – Yangon ခရီးစဉ်ဖြင့် ထွက်ခွာခဲ့ကြပြီး စက်တင်ဘာ ၁၄ ရက် နံနက် ၁၁ နာရီခွဲတွင် ရန်ကုန်မြို့သို့ ပြန်လည်ရောက်ရှိခဲ့‌ ကြောင်း သိရသည်။

▪️ နိုင်ငံတော် အစိုးရသည် ပြည်ပတွင် အလုပ်လုပ်ကိုင်စဉ် အခက်အခဲကြုံတွေ့ရသည့် မြန်မာနိုင်ငံသားများအား မြန်မာ သံရုံးနှင့် မြန်မာကောင်စစ်ဝန်ချုပ်ရုံးတို့မှ ညှိနှိုင်းကူညီဆောင်ရွက်မှုဖြင့် အမိနိုင်ငံသို့ ပြန်လည်ခေါ်ဆောင်ပေးလျက်ရှိကြောင်း သိရသည်။

#YMG/NN #Yangon_Times

၁၆ စက်တင်ဘာ ၂၀၂၄

“စူပါတိုင်ဖွန်းယာဂီဟာ မြန်မာနိုင်ငံနေရာအများစုကို ထိခိုက်စေခဲ့ပြီး မြန်မာနိုင်ငံရဲ့မကြာသေးခင်သမိုင်းကြောင်းအရ အဆိုး  ရွားဆုံး ရေကြီးမှုတစ်ခုဖြစ်ခဲ့ရတယ်” လို့  မြန်မာနိုင်ငံဆိုင်ရာ ကမ္ဘာ့စားနပ်ရိက္ခာအစီအစဉ် ဌာနေကိုယ်စားလှယ် ရှီလာ   မက်သယူးက သတင်းထုတ်ပြန်ချက်မှာ ပြောဆိုထားတယ်လို့ အေအက်ဖ်ပီက သတင်းရေးသားပါတယ်။

ဒါပေမယ့် စိုက်ပျိုးရေးလုပ်ငန်းတွေပေါ် ထိခိုက်မှုအသေးစိတ် အတိအကျကို မသိရသေးဘူးလို့ သူမက ဆက်ပြောပါတယ်။

“ ဒါပေမယ့် သေချာတာတစ်ခုကတော့ စားနပ်ရိက္ခာလုံခြုံရေးအပေါ် ထိခိုက်မှုကတော့ အကြီးအကျယ်ပျက်စီးတာပဲ”လို့ သူမကဖြည့်စွက်ပြောပါတယ်။

မြန်မာနိုင်ငံမှာရေကြီးရေလျှံမှုကြောင့်  ၁၁၃ ဦးသေဆုံးခဲ့ပြီး လူပေါင်း သုံးသိန်းနှစ်သောင်းကျော်ကို ရွှေ့ပြောင်းပေးခဲ့ရပါတယ်။

မြန်မာနိုင်ငံမှာ ၂၀၁၁ခုနှစ်နှင့် ၂၀၁၅ တို့မှာ ရေကြီးရေလျှံမှုဆိုးဆိုးရွားရွားဖြစ်ခဲ့ပြီး လူပေါင်း ၁၀၀ ကျော်သေဆုံးခဲ့ပါတယ်။  ၂၀၀၈ခုနှစ် နာဂစ်ဆိုင်ကလုံးမုန်တိုင်းကြောင့်  လူပေါင်း ၁၃၈,၀၀၀ ကျော် သေဆုံးပျောက်ဆုံးဖြစ်ခဲ့ရပါတယ်။

နောက်ဆုံးအကျပ်အတည်းကြောင့် အစိုးရအနေနှင့် နိုင်ငံခြားအကူအညီကို မတောင်းခံစဖူး တောင်းခံခဲ့ပါတယ်။ အိမ်နီးချင်း အိန္ဒိယက ရိက္ခာခြောက်၊အဝတ်အစားနှင့်ဆေးဝါး ၁၀ တန်ကူညီဖို့ရှိနေပါတယ်။

Source AFP

ရွှေရည်ညွန်းဈေးကျပ်တစ်သိန်းခန့် အထိမြင့်တက်လာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရပါတယ်။
#Local_News
Published 16 September 2024
#ရွှေဈေးမြင့်တက် #ရွှေရည်ညွန်းဈေး
#YMG/NN #Yangon_Times

အခု ၂၀၂၄-၂၀၂၅ ဘဏ္ဍာနှစ် ဧပြီလကနေ ဩဂုတ်လအထိ ၅ လအတွင်းပြည်ပနိုင်ငံ‌ ပေါင်း၄၀ကျော်သို့ ကန်ဒေါ်လာ သန်း၁၃၀ ကျော်တန်ဖိုးရှိ ငါးမျိုးစုံတင်ပို့ထားတယ်လို့ ငါးလုပ်ငန်းဦးစီဌာနရဲ့ စာရင်းတွေအရ သိရပါတယ်။
#Local_News
Published 16 September 2024
#ငါးမျိုးစုံတင်ပို့ #ငါးလုပ်ငန်းဦးစီဌာန
#YMG/NN #Yangon_Times

ရေဘေးသင့်ပြည်သူတွေအနေနဲ့ ရေကျချိန်မှာ ကလိုရင်းခတ်ထားတဲ့ရေကိုသောက်သုံးဖို့၊ ရေသန့်သောက်ဖို့နဲ့ ကြိုချက်ထားတဲ့ရေကို သောက်သုံးဖို့နဲ့ရေသန့်ဆေးပြားတွေခတ်ပြီး သောက်သုံးဖို့ ကျန်းမာရေးဝန်ကြီးဌာနမှ တိုက်တွန်းထားတယ်လို့ သိရပါတယ်။
#Local_News
Published 16 September 2024
#သောက်သုံးရေ #ရေသန့်ဆေးပြားတွေခတ်
#YMG/tthl #Yangon_Times

၁၆ စက်တင်ဘာ ၂၀၂၄

တိုင်ဖွန်းမုန်တိုင်း ယာဂီကြောင့် ဗီယက်နမ်တွင် အမေရိကန်ဒေါ်လာ ၁.၆ ဘီလျံခန့် ဆုံးရှုံးမှုဖြစ်ပွားခဲ့တယ်လို့ နိုင်ငံပိုင်

မီဒီယာက ယနေ့တနင်္လာနေ့မှာ ထုတ်ဖော်ပြောကြားလိုက်ပါတယ်။ ကုလသမဂ္ဂ စားနပ်ရိက္ခာအစီအစဉ်က မြန်မာနိုင်ငံမှာ ဖြစ်ပွားခဲ့တဲ့ ရေကြီးရေလျှံမှုတွေဟာ မကြာသေးခင်ကာလများအတွင်း မြန်မာနိုင်ငံရဲ့ အဆိုးရွားဆုံးရေကြီးမှုလို့ ပြောလိုက်ချိန်

မှာ ဗီယက်နမ်ကလည်း ယင်းရဲ့ဆုံးရှုံးမှုကိုထုတ်ပြောလာတာဖြစ်ပါတယ်။

ယာဂီဟာ မြန်မာ၊ဗီယက်နမ်၊လာအို၊ ထိုင်း နိုင်ငံတွေကို အင်အားပြင်းလှတဲ့ လေတွေနှင့်အတူ မိုးတွေသည်းသည်း

ထန်ထန်ရွာချခဲ့ပါတယ်။ အဲဒါကြောင့် ရေကြီးရေလျှံမှုတွေနှင့်မြေပြိုမှုတွေဖြစ်ခဲ့ရပြီး တရားဝင်ထုတ်ပြန်ချက်များအရ လူပေါင်း ၄၀၀ ကျော်သေဆုံးခဲ့ရပါတယ်။

ယာဂီဟာ လူဦးရေထူထပ်လှပြီး စိုက်ပျိုးရေးဒေသကြီးဖြစ်တဲ့  မြစ်နီမြစ်ဝကျွန်းပေါ်တစ်လျောက်ပြင်းစွာတိုက်ခတ်ခဲ့ပါတယ်။ ဗီယက်နမ်ရဲ့ အဲဒီဒေသဟာ အဓိကကုန်ထုတ်လုပ်တဲ့နေရာကြီးလည်းဖြစ်လို့ စက်ရုံတွေနှင့် အခြေခံအဆောက်အဦတွေကို ပျက်စီးသွားစေရပြီး လယ်ကွင်းတွေကိုလည်း ရေလွှမ်းမိုးသွားခဲ့ရပါတယ်။

အဲဒီတိုင်ဖွန်းမုန်တိုင်းကြောင့် ပျက်စီးဆုံးရှုံးမှုတန်ဖိုးဟာ ဗီယက်နမ်ဒေါင်ငွေ ထရီလီယံ ၄၀ (အမေရိကန်ဒေါ်လာ ၁.၆ ဘီလျံ) ခန့်ရှိကြောင်း နိုင်ငံပိုင်မီဒီယာက အစိုးရရဲ့ကနဦးတွက်ချက်မှုကို ကိုးကားပြီး သတင်းထုတ်ပြန်ခဲ့ပါတယ်။

ဗီယက်နမ်မှာသေဆုံးသူပေါင်းဟာ ယနေ့အထိ ၂၉၂ ဦးရှိပြီး ၃၈ ဦးပျောက်ဆုံးနေပါတယ်။ အိမ်ခြေပေါင်း နှစ်သိန်းသုံးသောင်း ကျော်ပျက်စီးခဲ့ပြီး စိုက်ခင်းဟက်တာ နှစ်သိန်းရှစ်သောင်းခန့် ပျက်စီးခဲ့တယ်လို့ အာဏာပိုင်တွေကပြောပါတယ်။

#AFP

#Local_News
Published 16 September 2024

▪️ လယ်ဝေးနှင့်တပ်ကုန်းမြို့များရှိ ရေဝင်ရောက်ရာမှ တင်ကျန်ခဲ့သော နုန်းမြေများအား သက်ဆိုင်ဂာအဖွဲ့အစည်းများ ပူးပေါင်းရှင်းလင်းနေကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၁၆ ရက်နေ့၊  မနက်၉ နာရီအချိန်ခန့်က နေပြည်တော်၊ လယ်ဝေးမြို့နယ်၊ ပေါက်မြိုင်ကျေးရွာ၊ အလက(ပေါက်မြိုင်)စာသင်ကျောင်းအတွင်း ရေဝင်ရောက်ခဲ့သဖြင့် တင်ကျန်ခဲ့သော နုန်းမြေများအား သာဝတ္ထိနယ်မြေမီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်နေကြောင်း သိရသည်။

▪️ ထို့အတူ  နေပြည်တော်၊ တပ်ကုန်းမြို့၊ ဘုရင့်နောင်ရပ်ကွက်၊  သဒ္ဓါဓိကဘိုးဘွားရိပ်သာအတွင်း ရေဝင်ရောက်မှုဖြစ်ပွားခဲ့သဖြင့် တင်ကျန်ခဲ့သော နုန်းမြေများအား ဥတ္တရခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ကြောင်း သိရသည်။

#YMG/NN #Yangon_Times

၁၆ စက်တင်ဘာ ၂၀၂၄

အိန္ဒိယအစိုးရက တိုင်ဖွန်းမုန်တိုင်း ယာဂီကြောင့် ရေကြီးရေလျှံမှုများဖြစ်ခဲ့ရသည့် မြန်မာနိုင်ငံအတွက်  အရေးပေါ်အကူအညီ (၁၀)တန်ကို ပေးပို့လှူဒါန်းသွားမယ်လို့ ရန်ကုန်မြို့ရှိ အိန္ဒိယသံရုံးရဲ့သတင်းထုတ်ပြန်ချက်အရသိရပါတယ်။

အိန္ဒိယနိုင်ငံက ရိက္ခာခြောက်၊ အဝတ်အထည်တွေ နှင့် ဆေးဝါးများအပါအဝင် တန်ချိန်၁၀ တန်ရှိတဲ့ ပစ္စည်းတွေကို မြန်မာနိုင်ငံသို့ ပေးအပ်သွားမှာဖြစ်ပါတယ်။

အဲဒီအကူအညီတွေသယ်ဆောင်လာတဲ့ အိန္ဒိယစစ်ရေယာဉ် INS Satpura ဟာ အိန္ဒိယနိုင်ငံမှ ယနေ့ထွက်ခွာသွားပြီးဖြစ်ပါတယ်။

အိန္ဒိယနိုင်ငံဟာ စေတနာ စစ်ဆင်ရေး လို့အမည်ရတဲ့  Operation Sadbhav  နှင့် အိန္ဒိယက မြန်မာနိုင်ငံအပါအဝင် ဗီယက်နမ်နှင့် လာအိုတို့ကိုပါ ကူညီဖို့ဆောင်ရွက်နေပါတယ်။

အိန္ဒိယလေတပ်ဟာ ဗီယက်နမ်သို့ အကူအညီတန်ချိန် ၃၅တန်နှင့် လာအိုသို့ အကူအညီ၁၀တန် ကို မြန်မာနိုင်ငံနှင့်တစ်ပြိုင်နက် ပေးပို့ကူညီသွားမှာဖြစ်ကြောင်းသိရပါတယ်။

#knl/ymg

#World_News
Published 16 September 2024

▪️ ဥရောပအလယ်ပိုင်းမှာ ရေကြီးရေလျှံမှုများကြောင့် တနင်္ဂနွေနေ့အထိ သေဆုံးသူ ၈ ဦးရှိထားပြီး ရက်အတန်ကြာ မိုးသည်းထန်စွာ ရွာသွန်းနေသဖြင့် ချက်သမ္မတနိုင်ငံရှိ ဒေသအများအပြားမှာ မြစ်ကမ်းပါးများ ပြိုကျပြီးနောက်မှာတော့ လူထောင်ပေါင်းများစွာ နေအိမ်တွေကနေ ဘေးကင်းရာသို့ ရွှေ့ပြောင်းခဲ့ရပါတယ်။

▪️ ဘော်ရစ်လို့ခေါ်တဲ့ လေဖိအားနည်းရပ်ဝန်းဟာ ဩစတြီးယားမှ ရိုမေးနီးယားအထိ မိုးရွာသွန်းစေခဲ့ပြီး ဆယ်စုနှစ် ၃ ခုနီးပါးအတွင်း ချက်သမ္မတနိုင်ငံနဲ့ ပိုလန်နိုင်ငံတို့မှ ဒေသတွေမှာ အပြင်းထန်ဆုံး ရေလွှမ်းမိုးမှု ဖြစ်လာပါတယ်။

▪️ ရိုမေးနီးယားမှာ ရေကြီးမှုဒဏ်ကို ခံရပြီးနောက် တနင်္လာနေ့ မတိုင်ခင်အထိ ပိုမိုမိုးကြီးလေကြီး နိုင်တယ်လို့ ခန့်မှန်းထားပေမယ့် တနင်္ဂနွေနေ့မှာ မိုးလျော့ပါးသွားပါတယ်။

▪️ ယခုရက်သတ္တပတ်အကုန်မှာ ချက်နိုင်ငံမှာလည်း အိမ်ခြေပေါင်း ၂ သိန်းအနည်းဆုံး ပျက်စီးခဲ့ပြီး ဓာတ်အားလိုင်းများ ပြတ်တောက်နေပါတယ်။

▪️ တနင်္ဂနွေနေ့က ပိုလန်အနောက်တောင်ပိုင်းမှာ လူတစ်ဦးရေနစ်ခဲ့ပြီး ဩစတြီးယားမှာ မီးသတ်သမားတစ်ဦး ကယ်ဆယ်ရေး ပြုလုပ်ရန်ကြိုးပမ်းစဉ် သေဆုံးခဲ့သလို ရိုမေးနီးယားမှာလည်း လူ ၂ ဦးသေဆုံးခဲ့ပါတယ်။

▪️ ချက်နယ်စပ်အနီး ပိုလန်ရဲ့ ဂလူကိုလေဇီသမိုင်းဝင်မြို့မှာ တံတားတစ်စင်း ပြိုကျခဲ့ပြီး တနင်္ဂနွေအစောပိုင်းက ဒေသခံအာဏာပိုင်များမှ ဘေးကင်းရာသို့ ထွက်ပြေးကြရန် အမိန့်ထုတ်ပြန်ခဲ့ပါတယ်။

▪️ တောင်ပေါ်မြို့ စထရိုနိစလက်စကီမှာလည်း ရေကာတာတစ်ခု ပေါက်ထွက်ပြီး တံတားတစ်စင်းပြိုကျခဲ့တယ်လို့ ဒေသတွင်းမီဒီယာက ဖော်ပြထားပါတယ်။

▪️ ပိုလန်ဝန်ကြီးချုပ် ဒေါ်နယ်တက်စ်က သဘာဝဘေးသင့် နိုင်ငံအဖြစ် ကြေညာကာ ဥရောပသမဂ္ဂမှ အကူအညီ တောင်းခံရန် ကြေညာသွားမယ်လို့ X ဆိုရှယ်မီဒီယာမှာ ဖော်ပြခဲ့ပါတယ်။

▪️ ရိုက်တာသတင်းဌာနမှ ဖော်ပြတဲ့ဗီဒီယိုတွေထဲမှာ လျှံထွက်လာတဲ့ရေတွေက လစ်ပိုဗာလက်စ်နေကနေ အိမ်နီးချင်း ဂျက်ဆီနစ်သို့ ရောက်ရှိလာကာ အိမ်အချို့ပျက်စီးသွားပြီး အပျက်အစီးတွေ ပါလာပါတယ်။

▪️ အရေးပေါ်ကယ်ဆယ်ရေးတွေက ရဟတ်ယာဉ်ဖြင့် သောင်တင်နေတဲ့သူတွေကို ကယ်ထုတ်ခဲ့ကာ နိုင်ငံထဲက လူပေါင်း ၁ သောင်းကျော် ထွက်ပြေးခဲ့ရတယ်လို့ မီးသတ်အကြီးအကဲက ချက်ရုပ်သံဌာနကို ပြောပါတယ်။

▪️ ရိုမေးနီးယားမှာ မိုးလျော့ပါးလာသခြင့် အလုပ်သမားတွေက ဓာတ်အားလိုင်း ပြန်လည်ပြုပြင်ဖို့ ကြိုးစားနေကြကာ သန့်ရှင်းရေးတွေ စတင်ပြုလုပ်နေပါပြီ။

#Source: Reuters

#World_Health
Published 16 September 2024

▪️ ကမ္ဘာပေါ်က လူပေါင်းသန်း ၅၄၀ လောက်ဟာ ဆီးချိုရောဂါ ဒုတိယအမျိုးအစား ခံစားနေရပြီး စားသောက်ပြီးနောက် သွေးတွင်းသကြားဓာတ် မတက်စေမယ့် သဘာဝပစ္စည်းတွေကို လိုအပ်နေကြပါတယ်။

▪️ အစ္စရေးလ်နိုင်ငံ ရှီဘာဆေးဘက်ဆိုင်ရာဌာနဲ့ ဘင်ဂူရီယန်တက္ကသိုလ်တို့မှ သိပ္ပံပညာရှင်များက မန်ကိုင်လို့ခေါ်တဲ့ ဘဲစားရေမှော်ပင်များဟာ စားသောက်ပြီးနောက် သွေးတွင်းသကြားဓာတ်ကို သိသိသာသာ လျှော့ချပေးနိုင်တယ်လို့ တွေ့ရှိလာပါတယ်။

▪️ နာတာရှည်ရောဂါတစ်မျိုးဖြစ်တဲ့ ဆီးချိုဟာ လေ့ကျင့်ခန်းမလုပ်ခြင်း၊ အစားအစာ ကျန်းမာရေးနဲ့ မညီညွတ်ခြင်း၊ အဝလွန်ခြင်းတို့ကြောင့် ဖြစ်တာများပြီး ရှီဘာမှ ပရောက်ဖက်ဆာ အေမီယာတိုင်ရို့ရှ်၊ ဒေါက်တာ ဂဲလ်ဆာဘန်၊ ပရော်ဖက်ဆာ အိုင်းရစ်ရှိုင်တို့က ဘဲစားရေမှော်ပင်များရဲ့ သွေးတွင်းသကြားဓာတ် သက်ရောက်မှုတွေကို လေ့လာခဲ့ကြပါတယ်။

▪️ ထိုင်းနိုင်ငံအပါအဝင် အရှေ့တောင်အာရှ နိုင်ငံတွေမှာ ဘဲစားရေမှော်ပင်က ကျန်းမာရေးအတွက် အကျိုးရှိတယ်ဆိုပြီး ယူဆထားကြကာ ဘဲ၊ ငုံး၊ ငါး၊ ကျွဲနွား၊ ဝက်တွေစားသုံးတဲ့ အစာလည်း ဖြစ်ပါတယ်။

▪️ ရေနေအပင်တစ်မျိုးဖြစ်ကာ သဘာဝအတိုင်း ပေါက်ရောက်တတ်သလို အခုဆိုရင် ထိန်းချုပ်မွေးမြူနေပြီလည်း ဖြစ်ကာ အမျှင်ဓာတ်၊ သံဓာတ်၊ ပရိုတိန်း၊ ဗိုက်တာမင်-ဘီ၁၂နဲ့ အကျိုးပြု ပိုလီဖီနောလ် အမျိုးပေါင်း ၂၀၀ ခန့်ပါဝင်ပါတယ်။

▪️ သွေးတွင်းသကြားဓာတ် ကြာမြင့်စွာ မြင့်တက်လာပြီဆိုရင် သွေးကြောများ၊ အာရုံကြောစနစ်များ ထိခိုက်စေပြီး နှလုံးဖောက်ခြင်း၊ လေဖြတ်ခြင်း၊ ကျောက်ကပ်ထိခြင်း၊ မျက်စိကွယ်ခြင်း၊ လက်ဖျားခြေဖျားများ အာရုံထိတွေ့မှု မရခြင်းတို့ ဖြစ်လာတတ်ပါတယ်။

▪️ စမ်းသပ်ပါဝင်သူ ၄၅ ဦးထဲက ၃ ပုံ ၂ ပုံလောက်ဟာ ၂ ပတ်ကြာတဲ့အထိ ညစာစားပြီး ရေမှော်ပင်ဖျော်ရည်ကို သောက်သုံးရာမှာ သွေးတွင်းသကြားဓာတ် ၂၀ ရာခိုင်နှုန်း လျော့နည်းပြီး ချက်ချင်းပုံမှန်ပြန်ဖြစ်ခဲ့ပါတယ်။

▪️ ဒီထက်ပိုမိုကျယ်ပြန့်တဲ့ လေ့လာမှုများ ပြုလုပ်ပြီး အကျိုးအာနိသင် အထောက်အထား ရယူသွားမယ်လို့ သုတေသီများ ဆိုပါတယ်။

#Source: The Jerusalem Post

#Local_News
Published 16 September 2024

▪️ ရန်ကုန်တိုင်းဒေသကြီး၊ ရွှေလင်ဗန်းစက်မှုဇုန်၌ ယနေ့မနက်ပိုင်း၌  မီးလောင်မှုတစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ၁၆ ရက်နေ့၊ မနက်၄ နာရီ၄၃မိနစ်အချိန်ခန့်က  ရန်ကုန်တိုင်းဒေသကြီး၊ လှိုင်သာယာ(အနောက်ပိုင်းမြို့နယ်)၊ ရွှေလင်ဗန်းစက်မှုဇုန်၊ မင်းကြီးမဟာမင်းခေါင်လမ်း အကွက်အမှတ်(၅၄) တွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် မြောက်ပိုင်းခရိုင်မီးသတ်စခန်းမှ မီးသတ်ယာဉ်(၃)စီး၊ လှိုင်သာယာမြို့နယ်မီးသတ်စခန်းမှ မီးသတ်ယာဉ်(၄)စီး၊ ရွှေပြည်သာမြို့နယ်မီးသတ်စခန်းမှ မီးသတ်ယာဉ်(၁)စီး၊ အင်းစိန်မြို့နယ်မီးသတ်စခန်းမှ မီးသတ်ယာဉ်(၂)စီးတို့ဖြင့် ထွက်ခွာငြှိမ်းသတ်ခဲ့ရာ မနက် ၅ နာရီ ၅မိနစ်အချိန် level 1 ယာဉ်အုပ်စု ထွက်ခွာငြှိမ်းသတ်ခဲ့ရာ ၅နာရီ  ၂၇မိနစ်အချိန်၌  မီးထိန်းနိုင်ခဲ့ပြီ ၅နာရီ ၃၉မိနစ်အချိန်တွင်  မီးငြိမ်းခဲ့‌ကြောင်း သိရသည်။

#YMG/NN #Yangon_Times

#World_Health
Published 16 September 2024

▪️ ကွန်ဂိုဒီမိုကရက်တစ် သမ္မတနိုင်ငံမှာ မျောက်ကျောက်ဗိုင်းရပ်စ် မျိုးကွဲအသစ် ဖြစ်ပေါ်နေတာကြောင့် စိုးရိမ်မှု မြင့်တက်လာရကာ ထိုမျိုးဗီဇကွဲက ထင်ထားတာထက် ပိုမိုလျင်မြန်စွာ ဆင့်ကဲပြောင်းလဲလာတယ်လို့ သိပ္ပံပညာရှင်များ ပြောနေပါတယ်။

▪️ ဒါ့အပြင် စောင့်ကြည့်ရေး အတိုင်းအတာတွေကလည်း အကန့်အသတ်နဲ့သာ ရှိနေပါတယ်။
မျိုးကွဲဗိုင်းရပ်စ် clade 1b ဟာ ကွန်ဂိုနိုင်ငံမှာ ဆင့်ကဲပြောင်းလဲလာတဲ့ မျိုးကွဲဖြစ်ပြီး ယခုနှစ်အတွင်း ဖြစ်ပွားသူ ၁၈၀၀၀ ကျော်ရှိကာ ၆၁၅ ဦးသေဆုံးထားကြောင်း WHO ကထုတ်ပြန်ထားပါတယ်။

▪️ ယခုလက်ရှိ အာဖရိက ၄ နိုင်ငံ၊ ဆွီဒင်နဲ့ ထိုင်းနိုင်ငံတို့မှာလည်း တွေ့ရှိထားပါတယ်။
၂၀၂၂ ခုနှစ်မှာ ပျံ့ပွားတုန်းက သိပ်ပြီးသတိမထားခဲ့ကြဘဲ clade 1b မျိုးကွဲအသစ် ပျံ့ပွားမှသာ WHO ကအရေးပေါ် ကြေညာလိုက်တာ ဖြစ်ပါတယ်။

▪️ ဗိုင်းရပ်စ်က လျင်မြန်စွာ ဆင့်ကဲပြောင်းလဲနေတာကြောင့် စောင့်ကြည့်ထိန်းချုပ်ဖို့ ခက်ခက်ခဲခဲ ကြိုးပမ်းနေရကြောင်း သိပ္ပံပညာရှင်များ သတိပေးထားပါတယ်။

▪️ အာဖရိကမှာ ပျံ့ပွားနေတာကို သိရှိနားလည်ဖို့ အကန့်အသတ်ရှိနေတာကြောင့် စိုးရိမ်နေရတယ်လို့ WHO မျောက်ကျောက်အရေးပေါ်ကော်မတီ ဥက္ကဌ ဒေါက်တာ ဒီမီအိုဂွိုင်နာက ပြောပါတယ်။

▪️ ဆင့်ကဲပြောင်းလဲမှုတွေကြောင့် ဖြစ်လာတဲ့ မျိုးကွဲအသစ်ဟာ လူသားတွေမှာ လျင်မြန်စွာ ပျံ့နှံ့နိုင်တာကြောင့် ကျန်းမာရေးကျွမ်းကျင်သူများ စိုးရိမ်စရာ ဖြစ်လာပါတယ်။

▪️ ရေကျောက်ရောဂါနဲ့ ဆက်စပ်နေတဲ့ မျောက်ကျောက်ရောဂါဟာ ရောဂါကူးစက်ထားတဲ့ တိရိစ္ဆာန်နဲ့ ထိတွေ့ရာကနေ စတင်ကူးစက်ခဲ့တာဖြစ်ပါတယ်။

▪️ ယခုမျိုးကွဲအသစ် clade 1b ကတော့ ကွန်ဂိုနိုင်ငံမှာ အရွယ်ရောက်ပြီးသူများကြား လိင်ကိစ္စထိတွေ့မှုကနေ အဓိကကူးစက်နေပြီး အပျော်မယ်တွေကြား စတင်ပျံ့နှံ့ခဲ့တာ ဖြစ်ပါတယ်။

▪️ ဒါ့အပြင် နေရာရွှေ့ပြောင်းရေးစခန်းတွေလိုမျိုး လူများတဲ့နေရာတွေမှာ ကလေးတွေကြား အနီးကပ်ထိတွေ့မှုကနေလည်း ကူးစက်နေပါတယ်။

▪️ အာဖရိကဓာတ်ခွဲခန်းတွေမှာ လိုအပ်တဲ့ ဓာတုပစ္စည်းတွေနဲ့ ရောဂါစမ်းသပ်ရေးပစ္စည်းတွေ ရရှိရန် ခက်ခဲနေတာကြောင့် ထိရောက်တဲ့ ကာကွယ်ဆေးနည်းလမ်းများ မရရှိနိုင်ဖြစ်နေပါတယ်။

▪️ ဒါ့အပြင် လက်ရှိဖြစ်ပွားနေတဲ့ ပဋိပက္ခတွေနဲ့ ထိုဒေသများရှိ ကျန်းမာရေး စောင့်ရှောက်မှုစနစ်တို့ကြောင့် ပိုမိုဆိုးရွားနေပါတယ်။

#Source: India Today