Published_8 Nov 2024
စီးပွားရေး၊ ပညာရေး၊ ကျန်းမာ ရေးနှင့် အခြား နယ်ပယ်ပေါင်းစုံတို့တွင် ပူးပေါင်းဆောင်ရွက်မှုများ တိုးမြှင့် ဆောင်ရွက်နိုင်ရေး လုပ်ဆောင်နေ ကြောင်း တရုတ်ပြည်သူ့သမ္မတနိုင်ငံ၊ ကူမင်းမြို့၌ ကျင်းပခဲ့သည့် အဋ္ဌမ အကြိမ်မြောက် မဟာမဲခေါင် ဒေသခွဲ ထိပ်သီး အစည်းအဝေး 8th Greater Mekong Subregion (GMS ) အပါအဝင်ထိပ်သီးအစည်းအဝေးများသို့ တက်ရောက် ခဲ့ပြီး ချုံချင့်မြို့ကောင်စစ်ဝန်ချုပ်ရုံး ဝန်ထမ်း မိသားစုများ အား သွားရောင်တွေ့ဆုံစဉ် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ်က ပြောကြားခဲ့ သည်။
ယနေ့ နိုဝင်ဘာလ ၈ ရက်နံနက်ပိုင်းတွင် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ်က ချုံချင့်မြို့ရှိ မြန်မာကောင်စစ်ဝန်ချုပ်ရုံး ဝန်ထမ်းမိသားစုများနှင့် ပညာတော်သင် သင်တန်းသားများအား သွား ရောက်တွေ့ဆုံအမှာစကား ပြောကြားရာတွင် အထက်ပါအတိုင်း ပြောကြားခဲ့ခြင်းဖြစ်ကြောင်း သိရသည်။
ယမန်နေ့နိုဝင်ဘာလ ၇ ရက်ညနေပိုင်းတွင် ကူမင်းမြို့ အပြည်ပြည်ဆိုင်ရာလေဆိပ်မှ ချုံချင့်မြို့သို့သွားရောက် စဉ် တရုတ်ကွန်မြူနစ်ပါတီ၊ အမြဲ တမ်းကော်မတီအဖွဲ့ဝင် Mr. Yang Yalin နှင့် တာဝန်ရှိသူများ၊ တရုတ်ရိုးရာ ယဉ်ကျေးမှု အဖွဲ့များက နှစ်နိုင်ငံအလံများ ဝှေ့ယမ်း၍ ရိုးရာယဉ်ကျေးမှုအကအလှများ ကပြကာ လေဆိပ်၌ ပို့ဆောင်နှုတ်ဆက်ကြကြောင်း ၊ချုံချင့်မြို့၊ ကျန်းပေ အပြည်ပြည်ဆိုင်ရာလေဆိပ်သို့ ရောက်ရှိကြရာ ချုံချင့်မြို့၊ ဒုတိယမြို့တော်ဝန် Mr. Shang Kui နှင့် အဖွဲ့ဝင်များ၊ ချုံချင့်မြို့ရှိ မြန်မာ ကောင်စစ်ဝန်ချုပ်ရုံးမှ ကောင်စစ် ဝန်ချုပ်ဦးကျော်ဇေယျာလင်းနှင့်တာဝန်ရှိသူများ က ပန်းစည်းကမ်း၍ ကြိုဆိုနှုတ် ဆက်ကြကြောင်း သိရ သည်။
ယင်းအပြင် ကောင်စစ် ဝန်ချုပ်ရုံးတွင် နိုင်ငံ့တာဝန်ထမ်း ဆောင်နေသူများအနေဖြင့် သံတမန်ရေးရာဆိုင်ရာ ဆက်ဆံရေးသာမက အခြားကဏ္ဍများ၌လည်း အောင်မြင် အောင် ဆောင်ရွက်နိုင်ရန်လိုကြောင်း၊ နှစ်နိုင်ငံ အကြား အကျိုးတူစီးပွားရေးလုပ်ငန်းများ၊ ပို့ကုန် သွင်း ကုန်လုပ်ငန်းများ၊ ရင်းနှီးမြှုပ်နှံမှုလုပ်ငန်း များဆောင်ရွက် နိုင်ရန် အခွင့်အလမ်းများ ဖော် ဆောင်ပေးနိုင်ရ မည်ဖြစ်ကြောင်း၊ နိုင်ငံ တစ်နိုင်ငံ၊ ဒေသတစ်ခု ဖွံ့ဖြိုးတိုးတက်မှု ၏အခြေခံအုတ်မြစ်သည် လူသား သားအရင်း အမြစ် များ အများအပြားမွေးထုတ်ပေး နိုင်ခြင်းပင်ဖြစ်သည့် အတွက် ပညာရေးမြှင့်တင်မှု အခန်းကဏ္ဍအတွက် လည်း သံတမန်ဝန်ထမ်းများအနေဖြင့် ဖော်ဆောင်ပေးကြရ မည် ဖြစ်ကြောင်း၊ တာဝန်များကို ထမ်းဆောင်ရာ တွင် မိမိကိုယ်ကို ထိန်းထိန်းသိမ်းသိမ်း နေထိုင်ခြင်း၊ လုပ်ငန်း တာဝန်များကိုကျေပွန်အောင်ဆောင်ရွက်ခြင်း၊ ဆက်ဆံရေးကောင်းမွန်ခြင်းတို့ဖြင့် မိမိတို့နိုင်ငံ့၏ဂုဏ်ကိုလည်း မြှင့်တင်ဆောင်ရွက်သွားရန်လို ကြောင်း၊ မြန်မာ-တရုတ် ချစ်ကြည်ရေးနှင့် ကူးသန်းရောင်းဝယ်ရေးတွင် အဓိက အထောက်အကူပြုသည့် နေရာတစ်ခုအဖြစ် ရောက်ရှိအောင် ဆောင်ရွက်ပြီး နိုင်ငံ့ဂုဏ် ကို မြှင့်တင်နိုင်ပါ စေကြောင်းဖြင့် မှာကြားခဲ့ကြောင်း သိရသည်။
Yangon_Times/PP

တရုတ်ပြည်သူ့လွတ်မြောက်ရေး တပ်မတော်(PLA)ရဲ့ လေတပ်ကနေ ကိုယ်ပျောက်တိုက်လေယာဉ်သစ် J-35Aကို တရားဝင်ပြသသွားမှာဖြစ်ပြီး မျှော်လင့်နေတဲ့သူတွေ ကြည့်ရှုခွင့်ရမှာဖြစ်ကာ အမေရိကန်ပြီးရင် ကိုယ်ပျောက်တိုက်လေယာဉ် ၂ မျိုးပိုင်ဆိုင်တဲ့ ဒုတိယမြောက်နိုင်ငံ ဖြစ်လာမှာပါ။

#World_News
Published 8 November 2024
#တရုတ်ပြည် #ကိုယ်ပျောက်တိုက်လေယာဉ်သစ်
#YMG #Yangon_Times #Yangon_Media_Group

၈ နိုဝင်ဘာ ၂၀၂၄

အမေရိကန်ရဲ့ ၄၇ဦးမြောက်သမ္မတအဖြစ်ရွေးကောက်ခံရတဲ့ ဒေါ်နယ်ထရမ့်ဟာ ထိုင်းမြန်မာနယ်စပ်မှာရှိတဲ့ မြန်မာ ဒုက္ခသည်စခန်းတွေက မြန်မာဒုက္ခသည်တွေကို ပြန်လည်နေရာချထားရေး အစီအစဉ် ဖျက်သိမ်းပစ်လိုက်ဖွယ် ရှိနေတယ်လို့ လူ့အခွင့်အရေးကျွမ်းကျင်သူတစ်ဦးကပြောတဲ့အကြောင်း ထိုင်းနိုင်ငံအခြေစိုက် သည်နေရှင်း သတင်း စာက ရေးသားလိုက်ပါတယ်။

အဆိုပါအစီအစဉ်ကတော့ ထိုင်းနိုင်ငံမှာရှိနေတဲ့ လူဦးရေ ခြောက်သောင်းခန့်ရှိတဲ့ လူနည်းစု ဒုက္ခသည်အုပ်စုကို  အမြဲတမ်းနေထိုင်ခွင့်ပေးမယ်လို့ကမ်းလှမ်းတဲ့ နိုင်ငံတွေဆီ ပြန်လည်နေရာချထားပေးပြီးနောက် အဲဒီစခန်းတွေကို  ပိတ်သိမ်းမယ့်အစီအစဉ်ဖြစ်ပါတယ်။ အဲဒီအစီအစဉ်ကို အမေရိကန်ရဲ့ ဒီမိုကရက်တစ်ပါတီဦးဆောင်တဲ့အစိုးရနှင့် ထိုင်းနိုင်ငံတို့ ဆွေးနွေးထားခဲ့ကြတာလို့လည်း သတင်းမှာဖော်ပြထားပါတယ်။

အင်္ဂါနေ့ရွေးကောက်ပွဲမှာ ဒီမိုကရက်တွေရှုံးနိမ့်သွားတာရယ်၊ ပြီးတော့ ရွေးကောက်ခံသမ္မတ ဒေါ်နယ်ထရမ့်ဟာ လူ့ အခွင့်အရေး ကိစ္စတွေကို ဦးစားမပေးတဲ့သူဖြစ်တာတွေရယ်ကြောင့် အဆိုပါအစီအစဉ်ကို ဖျက်သိမ်းနိုင်တယ်လို့ လူ့အခွင့်အရေးနှင့် အလုပ်သမားအရေးအဖွဲ့ Human Rights & Labour Advocates (AHRLA) မှ အာရှညွှန်ကြား ရေးမှူး ဖိလစ် ရောဘတ်ဆန်က ပြောကြားခဲ့တာဖြစ်ပါတယ်။

ခရွန်သက်တာရာကစ် သတင်းစာနှင့်မေးမြန်းခန်းမှာ ရောဘတ်ဆန်က  ထရမ့်ရဲ့ဦးဆောင်မှုအောက်မှာ အမေရိကန်အနေနှင့် ကုန်သွယ်ရေးကာကွယ်ရေးမူဝါဒကို အကောင်အထည်ဖော်မှာဖြစ်ပြီး နိုင်ငံခြားက တင်သွင်း တာတွေကို အခွန် အနည်းဆုံး ၁၀ ရာခိုင်နှုန်းကောက်လိမ့်မယ်လို့ ဖြည့်စွက်ပြောပါတယ်။ အဲဒါကြောင့် ထိုင်းနိုင်ငံရဲ့ အကြီးဆုံး ပို့ကုန်ဈေးကွက်ဖြစ်တဲ့ထိုင်းနိုင်ငံအပေါ်ထိခိုက်မှုရှိလိမ့်မယ်လို့ဆိုပါတယ်။

အဲဒီအပြင် ထရမ့်ဟာ သူမဲဆွယ်ပွဲတုန်းကပြောခဲ့တဲ့ အမေရိကန်မှာ အကြာကြီးနေခဲ့ပြီး နိုင်ငံသားမဖြစ်တဲ့သူတွေကို ဖမ်းဆီးပြီး နေရပ်ပြန်ပို့မယ်ဆိုတဲ့ အစီအစဉ်ကိုသာ အကောင်အထည်ဖော်ခဲ့ရင်း အမေရိကန်မှာ အကျပ်အတည်း တွေနှင့်ဖရိုဖရဲဖြစ်ကုန်မယ်လို့လည်း ရောဘတ်ဆန်က ခန့်မှန်းပါတယ်။

“ ဖြစ်နိုင်ချေရှိနေတာက နိုင်ငံခြားသားတွေ အထူးသဖြင့် လက်တင်အမေရိကားက သူတွေဟာ အိမ်ပြန်ပို့ခံရ နိုင်တယ်။ အထူးသဖြင့် မျိုးဆက်ဟောင်းတွေ။သူတို့ရဲ့ ကလေးတွေက အမေရိကန်မှာမွေးပြီး အလိုအလျောက် နိုင်ငံသားဖြစ်လာလို့သူတို့ကတော့ ဆက်နေလို့ရလိမ့်မယ်” လို့ သူကပြောပါတယ်။

Source : The Nation

#Daily_News
Published 8 November 2024

၁။ပွင့်လင်းရာသီ ကမ်းခြေခရီး‌စဉ်၊ပုဂံခရီးစဉ် အပတ်စဉ် လေကြောင်းလိုင်းများပြေးဆွဲပေးနေ

၂။ဒီဇယ်ဈေးတက်ပြီး၊ဓာတ်ဆီဈေးကျဆင်းလာ

၃။ရန်ကုန်၊ဧရာဝတီ၊ပဲခူး၊ကရင်၊မွန်တွင်မိုးသည်းထန်မည်၊ ဒေသအချို့ညအပူချိန်များကျဆင်းလာမည်

၄။ တရုတ်ပြည်၏ဒုတိယမြောက်ကိုယ်ပျောက်တိုက်လေယာဉ်သစ်အား လေတပ်တွင်တရားဝင်အသုံးပြုခွင့်ပေးသွားမည်
... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#World_News
Published 08 November 2024
▪️ ရုရှားသမ္မတ ဗလာဒီမာပူတင်က အမေရိကန်ရွေးကောက်ပွဲမှာ အနိုင်ရသွားတဲ့ ဒေါ်နယ်ထရမ့်ကို ဂုဏ်ပြုလိုက်ပြီး သေနတ်သမားတစ်ဦး လုပ်ကြံတာ ခံရစဉ်က ရဲရင့်သတ္တိပြသခဲ့တဲ့အတွက် ချီးကျူးလိုက်သလို ထရမ့်နဲ့ ဆွေးနွေးဖို့ ရုရှားအသင့်ဖြစ်နေကြောင်း ပြောသွားပါတယ်။

▪️ ထရမ့်အနိုင်ရပြီးနောက် ပူတင်ပထမဆုံး ပြောကြားရာမှာ ဇူလိုင်လ ပန်ဆယ်လ်ဗေးနီးယားမှာ စည်းရုံးရေးပွဲ မိန့်ခွန်းပြောနေစဉ် လုပ်ကြံခံရတုန်းက ထရမ့်ဟာ
တကယ့်ယောကျ်ားတစ်ဦးလို ပြုမူခဲ့တယ်လို့ ပြောပါတယ်။

▪️ စည်းရုံးရေးပွဲမှာတုန်းက ထရမ့်ဟာ ယူကရိန်းနဲ့ ပတ်သက်လို့ မှတ်ချက်ပြောကြားခဲ့တာဟာ ရုရှားနဲ့ ဆက်ဆံရေး ပြန်လည့်သင့်မြတ်စေမယ်လို့ ဆိုပါတယ်။

▪️ ရုရှားနဲ့ ဆက်ဆံရေး ပြန်လည်သင့်မြတ်စေပြီး ယူကရိန်းအရေး အဆုံးသတ်မယ်လို့ ပြောသွားတာက အနည်းဆုံးတော့ စိတ်ဝင်စားစရာ ဖြစ်စေတယ်လို့ ပူတင်က ပြောပါတယ်။

▪️ ထရမ့်ဟာ ရုရှားဘက်သို့ တစ်နည်းနည်းပါတယ်လို့ အနောက်တိုင်းမီဒီယာများ စွပ်စွဲနေတာတွေကို ထရမ့်ရော ရုရှားရောက အကြိမ်ကြိမ်ငြင်းဆိုထားကာ ၂၀၁၇-၂၀၂၁ ထရမ့်သမ္မတဖြစ်စဉ်က ရုရှားအပေါ် ခက်ခက်ထန်ထန် ဆက်ဆံခဲ့တယ်လို့ ရုရှားအရာရှိများ ထောက်ပြထားပါတယ်။

▪️ ၂၀၁၆ အမေရိကန်သမ္မတ ရွေးကောက်ပွဲတုန်းက ထရမ့်စည်းရုံးရေးပွဲတွေနဲ့ ရုရှားတို့ကြား ပတ်သက်မှုတွေ ရှိတယ်ဆိုတဲ့ စွပ်စွဲချက်တွေကို အမေရိကန် အထူးအကြံပေးပုဂ္ဂိုလ် ရောဘတ်မူလာက စစ်ဆေးခဲ့ပေမယ့် ၂၀၁၉ ခုနှစ်မှာ အထောက်အထား မတွေ့ဘူးလို့ ထုတ်ပြန်ခဲ့ပါတယ်။

▪️ ၂၀၂၄ သမ္မတရွေးကောက်ပွဲတွေမှာလည်း ရုရှားက ဝင်နှောင့်ခဲ့ပြီး သတင်းမှားများ ဖြန့်ခဲ့တယ်လို့ အမေရိကန်မှ စွပ်စွဲနေတာတွေကို ရုရှားက အကြိမ်ကြိမ် ပယ်ချထားပါတယ်။

▪️ ပူတင်က စစ်ပွဲအဆုံးသတ်ရေးအတွက် သူ့ဘက်က လိုချင်တာကို ဖော်ပြရာမှာ
ယူကရိန်းအနေနဲ့ နေတိုး(NATO)အဖွဲ့ထဲ ဝင်ရောက်ရေးကို လက်လျှော့ရန်နဲ့ ရုရှားသိမ်းပိုက်ထားတဲ့ နယ်မြေ ၄ ကနေ တပ်များပြန်ရုပ်သိမ်းပေးရန် ကြေညာထားပါတယ်။

▪️ ရုရှားဟာ အမေရိကန်နဲ့ ဆက်ဆံရေး ပြန်လည်သင့်မြတ်ရန် အသင့်ဖြစ်နေပေမယ့် အမေရိကန်ကပဲ ဆုံးဖြတ်ရမှာဖြစ်တယ်လို့ ပူတင်က ဆိုလိုက်ပါတယ်။

#Source:Reuters

ပြည်ထောင်စုနယ်မြေ နေပြည်တော်၊ ဒက္ခိဏသီရိမြိုနယ်ရှိ မာရဝိဇယဗုဒ္ဓ ရုပ်ပွါးတော်မြတ်ကြီးနဲ့  ဗုဒ္ဓဥယျာဉ်တော်မှာ ဒုတိယအကြိမ်မြောက် မသိုးသင်္ကန်းရက်လုပ် ပူဇော်ပွဲနဲ့  တန်ဆောင်တိုင် မီးထွန်းပွဲကို အခုလအတွင်းကျင်းပသွားမယ်လို့ သိရပါတယ်။

#Local_News
Published 8 November 2024
#မာရဝိဇယ #တန်ဆောင်တိုင်မီးထွန်းပွဲ
#YMG/NN #Yangon_Times

ရန်ကုန်၊ဧရာဝတီ၊ပဲခူး၊ကရင်၊မွန်တွင်မိုးသည်းထန်ဖို့ရှိပြီး ကချင်ပြည်နယ်၊ ရှမ်းပြည်နယ်နဲ့ ချင်းပြည်နယ်တို့မှာ ညအပူချိန်တွေကျဆင်းလာဖို့ရှိတယ်လို့ သိရပါတယ်။

#Local_News
Published 8 November 2024
#ရန်ကုန်_ဧရာဝတီ_ပဲခူး #ညအပူချိန်ကျဆင်း
#YMG/tthl #Yangon_Times

#Local_News
Published 8 November 2024

▪️ ထိုင်းနိုင်ငံအတွင်း သက်တမ်းကျော်လွန်နေထိုင်သည့် မြန်မာနိုင်ငံသားများအား ဒဏ်ကြေးငွေအပြင် ထိုင်းနိုင်ငံတွင်းဝင်ရောက်ခွင့်ပိတ်ပင်သွားမည်ဖြစ်ကြောင်း ထိုင်းနိုင်ငံဆိုင်ရာ မြန်မာသံရုံးက ယနေ့ နိုဝင်ဘာလ ၈ ရက်တွင် ထုတ်ပြန်လိုက်သည်။

▪️ ထိုင်းတော်ဝင်ရဲတပ်ဖွဲ့၊ လူဝင်မှုကြီးကြပ်ရေးဗျူရိုအနေဖြင့် လူဝင်မှုကြီးကြပ်ရေး အက်ဥပဒေ (B.E.2522) နှင့်အညီ နေထိုင်ခွင့်သက်တမ်းတိုးခြင်းဆိုင်ရာကိစ္စရပ်များကိုအထူးအလေးထား အရေးယူဆောင်ရွက်လျက်ရှိရာ ယင်းကဲ့သို့ ချမှတ်ထားသည့် စည်းမျဉ်းစည်းကမ်းများနှင့်အညီ လိုက်နာခြင်း မရှိ(မရှိ)ဘဲ ထိုင်းနိုင်ငံအတွင်း သက်တမ်းကျော်လွန်နေထိုင်သူများအား လူဝင်မှု ကြီးကြပ်ရေးဗျူရိုအနေဖြင့် သတ်မှတ်ချက်အတိုင်း အရေးယူမည် ဖြစ်ကြောင်းအဆိုပါ ထုတ်ပြန်ချက်တွင် ပါရှိသည်။

▪️ အရေးယူဆောင်ရွက်ရာတွင် ထိုင်းနိုင်ငံအတွင်း သက်တမ်းလွန်နေထိုင်သူများ (မည်သည့်အထောက်အထား ကိုင်ဆောင်လက်မှတ်ကိုင်ဆောင်သူမဆို)အနေဖြင့် တစ်ရက်လျှင် ဘတ် ၅၀၀/- နှုန်းဖြင့် စုစုပေါင်း ၂၀,၀၀၀/- ထက်မပိုသော ဒဏ်ကြေးငွေအား လူဝင်မှုကြီးကြပ်ရေးဗျူရိုတွင် ချွင်းချက်မရှိ ပေးဆောင်ရမည်ဖြစ်ကြောင်း သိရသည်။

▪️ ယင်းအပြင် သက်တမ်းလွန်နေထိုင်သူများအနေဖြင့် ၎င်းတို့ နေထိုင်ခဲ့သည့် သက်တမ်းလွန်ကာလအလိုက် ထိုင်းနိုင်ငံအတွင်းသို့ ပြန်လည်ဝင်ရောက်ခွင့်ကို ပိတ်ပင်သွားမည်ဖြစ်ကြောင်းလည်း သိရသည်။

▪️ ပိတ်ပင်မှုပြုလုပ်ရာတွင်(၁)ရက်ပေါင်း(၉၀)နှင့်အထက် သက်တမ်းလွန်နေထိုင်ခဲ့ပါကထိုင်းနိုင်ငံသို့ ပြန် လည် ဝင်ရောက်ခွင့် (၁) နှစ်၊ (၂) (၁)နှစ်နှင့်အထက် သက်တမ်းလွန်နေထိုင်ခဲ့ပါက ထိုင်းနိုင်ငံသို့ ပြန်လည် ဝင်ရောက် ခွင့် (၃)နှစ်၊ (၃) (၃) နှစ်နှင့်အထက် သက်တမ်းလွန်နေထိုင်ခဲ့ပါက ထိုင်းနိုင်ငံသို့ ပြန်လည် ဝင်ရောက် ခွင့် (၅) နှစ်၊ (၄) (၅) နှစ်နှင့်အထက် သက်တမ်းလွန်နေထိုင်ခဲ့ပါက ထိုင်းနိုင်ငံသို့ ပြန်လည် ဝင်ရောက်ခွင့် (၁၀) နှစ် စ သည်ဖြင့် လုပ်ဆောင်သွားမည် ဖြစ်ကြောင်း သိရသည်။

▪️ ယင်းကြောင့် ထိုင်းနိုင်ငံတွင် အကြောင်းအမျိုးမျိုးဖြင့် ရောက်ရှိနေကြသည့် မြန်မာနိုင်ငံသားများအနေဖြင့် ထိုင်းလူဝင်မှုကြီးကြပ်ရေးဗျူရိုမှ ချမှတ်ထားသည့် စည်းမျဉ်းစည်းကမ်းများကို သတိပြုလိုက်နာခြင်းဖြင့် ထိုင်းနိုင်ငံအတွင်း သက်တမ်းကျော်လွန်နေထိုင်ခြင်း၊ ဒဏ်ကြေးပေးဆောင်ရခြင်းနှင့် ပြည်ဝင်ခွင့် ပိတ်ပင်ခံ ရခြင်းတို့ မဖြစ်ပွားစေရေး သတိပြုနိုင်ကြရန် ထိုင်းနိုင်ငံဆိုင်ရာ မြန်မာသံရုံးက နှိုးဆော်ထားကြောင်း သိရသည်။

#Yangon_Times/PP

စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ရန်ကုန် ဈေးကွက်အတွက်ဒီကနေ့ ထုတ်ပြန်ချက်အရ ဒီဇယ်ဈေးတက်ပြီး၊ဓာတ်ဆီဈေးကျဆင်းလာတယ်လို့ သိရပါတယ်။

#Local_News
Published 8 November 2024
#ရန်ကုန်ဈေးကွက် #ဒီဇယ်ဈေးတက် #ဓာတ်ဆီဈေးကျ
#YMG/NN #Yangon_Times

ပွင့်လင်းရာသီမှာ ချောင်းသာကမ်းခြေနဲ့ ငွေဆောင်ကမ်းခြေများသို သွားရောက်ကြမယ့် ခရီးသည် တွေအတွက် နိုဝင်ဘာလအတွင်းရန်ကုန်-ပုသိမ် လေကြောင်းလိုင်းပြေးဆွဲ‌ပေးလျက်ရှိတယ်လို သိရပါတယ်။

#Local_News
Published 8 November 2024
#ပွင့်လင်းရာသီ #ရန်ကုန်-ပုသိမ်လေကြောင်းလိုင်းပြေးဆွဲ‌ပေး
#YMG/tthl #Yangon_Times

#Local_News
Published 8 November 2024

▪️ မြန်မာ-ထိုင်း နှစ်နိုင်ငံနယ်စပ်ဒေသတည်ငြိမ်‌ရေးနှင့် နယ်စပ်ကုန်သွယ်ရေးတို့အတွက် နိုင်ငံတော်စီမံ အုပ်ချုပ်ရေးကောင်စီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် ထိုင်းနိုင်ငံဝန်ကြီးချုပ် H.E. Ms. Paetongtarn Shinawatra တို့ တရုတ်ပြည်သူ့သမ္မတနိုင်ငံ ကူးမင်းမြို့ရှိ Wyndham Grand ဟိုတယ်၌ နိုဝင်ဘာလ ၇ ရက် က တွေ့ဆုံဆွေးနွေးခဲ့ကြကြောင်း သိရသည်။

▪️ တရုတ်ပြည်သူ့သမ္မတနိုင်ငံ၊ ကူမင်းမြို့၌ ကျင်းပပြုလုပ်သည့် အဋ္ဌမအကြိမ်မြောက် မဟာမဲခေါင်ဒေသခွဲ ထိပ်သီးအစည်းအဝေးအပါအဝင် ထိပ်သီးအစည်းအဝေးများသို့ တက်ရောက်ရန် လာရောက်ချိန်တွင် အထက်ပါအတိုင်း ဆွေးနွေးကြခြင်းလည်း ဖြစ်ကြောင်း သိရသည်။

▪️ မြန်မာနိုင်ငံနှင့် ထိုင်းနိုင်ငံတို့သည် ခွဲခြား၍မရသည့် အိမ်နီချင်း မိတ်ဆွေကောင်းနိုင်ငံများဖြစ်ပြီး တစ်နိုင်ငံ နှင့် တစ် နိုင်ငံ အရေးကိစ္စများ သက်ရောက်မှုရှိသည့် အခြေအနေများ၊ နှစ်နိုင်ငံနယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေးနှင့် ဖွံ့ဖြိုးတိုးတက်ရေးဆိုင်ရာကိစ္စရပ်များ၊ နိုင်ငံဖြတ်ကျော်မှုခင်းတိုက်ဖျက်ရေး၊ မူးယစ် ဆေးဝါးတားဆီးနှိမ်နင်းရေးနှင့် အွန်လိုင်းလောင်းကစားမှု တိုက်ဖျက်ရေးဆိုင်ရာကိစ္စရပ်များတို့ကို ဆွေးနွေးခဲ့ ကြခြင်း ဖြစ်ကြောင်း သိရသည်။

▪️ အလားတူ အလုပ်သမားဆိုင်ရာကိစ္စရပ်များ၊ နှစ်နိုင်ငံဝန်ကြီးဌာနအချင်းချင်းနှင့် ဌာနဆိုင်ရာအချင်းချင်း ပူးပေါင်းဆောင်ရွက်မှုများ မြှင့်တင်ဆောင်ရွက်ရေး၊မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုနှင့် ချ မှတ် ထားသည့် ဦးတည်ချက်များအတိုင်း အကောင်အထည် ဖော်ဆောင်ရွက်နေမှု ၊ပါတီစုံဒီမိုကရေစီ အထွေ ထွေရွေးကောက်ပွဲ ကျင်းပနိုင်ရေး ကြိုတင်ပြင်ဆင်ဆောင်ရွက်နေမှု တို့ကို ဆွေးနွေးခဲ့ကြခြင်းဖြစ်ကြောင်း သိရသည်။

Yangon_Times/PP

#Local_News
Published 8 November 2024

▪️ ရန်ကုန်-ပြည်လမ်းပေါ်၌ ရပ်ထားသည့် (၆)ဘီးကုန်တင်ယာဉ်ကို  မီနီအိုးဝေမှ အရှိန်မထိန်းနိုင်ဘဲ ၀င်တိုက်မှုတစ်ခု ယမာန်နေ့ညသန်းခေါင်က ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ နိုဝင်ဘာ၇ ရက်နေ့ ည  ၁၁နာရီ  ၃၄မိနစ် အချိန်ခန့်က ရန်ကုန်တိုင်းဒေသကြီး၊ တိုက်ကြီးမြို့နယ်၊ တာဂွကျေးရွာ၊ ရန်ကုန်- ပြည်လမ်းပေါ်တွင် ရပ်ထားသော(၆)ဘီးကုန်တင်ယာဉ်အား မီနီအိုးဝေမှ အရှိန်မထိန်းနိုင်ပဲ ၀င်တိုက်ခဲ့ကြောင်းသိရသည်။

▪️ အဆိုပါဖြစ်စဉ်ကြောင့် ယာဉ်ပေါ်ပါလူ(၂)ဦးညပ်နေကြောင်း သတင်းရရှိသဖြင့် တိုက်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ကြောင်း သိရသည်။

▪️ ထိုသို့ ဆောင်ရွက်ခဲ့ရာ ည၁၁နာရီ ၅၉ မိနစ်အချိန်တွင် ယာဉ်ပေါ်ပါကျား(၂)ဦး ထိခိုက်ဒဏ်ရာ(မစိုးရိမ်ရ) တို့အား မိုးစေတနာပရဟိတ လူနာတင်ယာဉ်နှင့်နိဗ္ဗာန်ချမ်းသာမင်္ဂလာအသင်း လူနာတင်ယာဉ်တို့ဖြင့် တိုက်ကြီးမြို့နယ် ပြည်သူ့ဆေးရုံကြီးသို့ ပိုဆောင်ပေးခဲ့ ကြောင်းသိရသည်။

#YMG/NN #Yangon_Times