မလေးရှားနိုင်ငံမှာ တရားမဝင်နေထိုင်နေတဲ့ မြန်မာနိုင်ငံသားတွေအတွက် မလေးရှားရှိ မြန်မာသံရုံးက ထုတ်ပေးနေတဲ့ မည်သူမည်ဝါဖြစ်ကြောင်း သက်သေခံလက်မှတ်(C of I) လာရောက်လျှောက်ထားမှုကို လာမယ့် မတ်လ ၁၈ရက်ကစပြီး အွန်လိုင်းကတစ်ဆင့် QR code ဖြင့် ရက်ချိန်း ရယူတဲ့စနစ်ကို ပြောင်းလဲဆောင်ရွက်သွားတော့မယ်လို့ မလေးရှားနိုင်ငံဆိုင်ရာ မြန်မာသံရုံး(ကွာလာလမ်ပူ)မှ မတ်လ ၁၂ရက် က ထုတ်ပြန်ကြေညာလိုက်ပါတယ်။
#Local_News
Published_ 13 March 2024
#အွန်လိုင်းမှQR_codeရက်ချိန်းယူ #မြန်မာသံရုံး(ကွာလာလမ်ပူ)
#YMG/LW #Yangon_Times

#Local_News
Published 13 March 2024

အင်တာနက် ဝန်ဆောင်မှုကုမ္ပဏီတစ်ခုမှ အင်တာနက်စာချုပ် ဖောက်ဖျက်ခြင်းကြောင့် ဖြစ်ပေါ်လာသော နစ်နာမှုများအပေါ်တာဝန်ယူမှု၊ တာဝန်ခံမှုမရှိသောကြောင့် ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း)နေသူတစ်ဦးက စားသုံးသူရေးရာဦးစီးဌာနသို့ Email မှတဆင့် တိုင်ကြားလာသဖြင့် ဖြေရှင်းပေးခဲ့ကြောင်း စားသုံးသူရေးရာဦးစီဌာန၏ ထုတ်ပြန်ချက်အရ သိရသည်။

တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြားသူနှင့် တိုင်ကြားခံရသည့် အင်တာနက်ဝန်ဆောင်မှုကုမ္ပဏီမှ တာဝန်ရှိသူများကို ရန်ကုန်တိုင်းဒေသကြီးဦးစီးမှူးရုံးသို့ ခေါ်ယူ၍ နှစ်ဦးနှစ်ဖက် စေ့စပ်ညှိနှိုင်းပေးမှုများ ကို နှစ်ကြိမ်တိုင်ဆောင် ရွက်ခဲ့ရာ ပြေလည်မှုများ မရရှိခဲ့ကြောင်း သိရသည်။

ထို့ကြောင့် ရန်ကုန်တိုင်းဒေသကြီးဦးစီးမှူးရုံးက ကုမ္ပဏီမှ တိုင်ကြားသူ၏နေအိမ်တွင် တပ်ဆင် ထားသည့်စက်အား ပြန်လည်ဖြုတ်သိမ်းသွားရန်နှင့် အင်တာနက်အသုံးပြုရန် (၃)လစာပေးဆောင်ထားသည့် ငွေကျပ် ၈၅,၅၀၀ အား အပြည့်အဝ ပြန်လည်ပေးလျော်သွားရန် စီမံခန့်ခွဲရေးဆိုင်ရာအမိန့်ကို ချမှတ်ခဲ့ကြောင်းသိရသည်။

ထိုသို့ ဌာနမှစီမံခန့်ခွဲရေးဆိုင်ရာအမိန့် ချမှတ်ခဲ့မှုအပေါ် ကုမ္ပဏီအနေဖြင့် ဆောင်ရွက်ပေးရန် တိုင်ကြားသူထံဆက်သွယ်၍ ညှိနှိုင်းပြောကြားခဲ့သော်လည်း တိုင်ကြားသူမှ လက်ခံခြင်းမရှိသဖြင့် ထပ်မံညှိနှိုင်းမှုများပြုလုပ်ခဲ့ရာ နှစ်ဦးနှစ်ဖက် သဘောတူညီချက်အရ ကုမ္ပဏီက တိုင်ကြားသူထံ တစ်နှစ်စာလျော်ကြေးငွေကျပ် ၃၄၂,၀၀၀ အား ပြန်လည်ပေးအပ်ခဲ့ပြီး တိုင်ကြားသူ၏နေအိမ်တွင် တပ်ဆင်ထားသည့် အင်တာနက်စက်ကို ပြန်လည်ဖြုတ်သိမ်းခဲ့ပါကြောင်း အကြောင်းပြန်ကြားလာခဲ့သဖြင့် တိုင်ကြားသူမှလည်း ကျေနပ်မှုရှိပါသောကြောင့် တိုင်ကြားမှုကို ပိတ်သိမ်းဆောင်ရွက်ခဲ့ကြောင်း သိရသည်။

#Local_News #ဝန်ဆောင်မှုနှင့်ပတ်သက်၍ နစ်နာသူကတိုင်ကြား #စားသုံးသူရေးရာဦးစီးဌာနကဖြေရှင်းပေးခဲ့
#YMG/LW #Yangon_Times

#Local_News
Published_ 13 March 2024

ဧရာဝတီတိုင်းဒေသကြီး၊ ငပုတောမြို့နယ်၊ ဟိုင်းကြီးကျွန်းမြို့အနီးရှိ ဆံတော်ရှင် မော်တင်စွန်းစေတီ ကမ်းခြေတွင်လင်းပိုင်ငယ်များ ငါးဖမ်းပိုက်ဖြင့် မိကာပါလာပြီး၊ အသက်ရှင်လျှက်ပြန်လွှတ်ပေးလိုက်ကြောင်း ဒေသခံများနှင့် ငါးလုပ်ငန်းဦးစီးဌာနမှ သိရသည်။

အဆိုပါလင်းပိုင်ငယ်များသည် မတ်လ (၁၂) ရက် နံနက်ပိုင်းက ပင်လယ်ပျော် လင်းပိုင်ငယ်များ ငါးဖမ်းပိုက်ဖြင့်မိကာ ပါလာခြင်းဖြစ်‌ကြောင်း သိရသည်။

'မနေ့က လင်းပိုင်ငယ် ၁၅ကောင်ဝိုင်းပိုက်နဲ့ညှိလာတာပါ၊အကုန်လုံးအသက်ရှင်ပါတယ်၊ ပြန်လွတ်လိုက်ပါပြီ' ဟု ငါးလုပ်ငန်းဦးစီးဌာနမှ တာဝန်ရှိသူတစ်ဦးကပြောသည်။

ထိုသို့ ပိုက်ဖြင့်ပါလာသည့် လင်းပိုင်ငယ်များအား ပင်လယ်အတွင်း ပြန်လွှတ်ပေးနိုင်ရန် ဒေသခံ ရေလုပ်သားများနှင့် သက်ဆိုင်ရာ ဒေသအာဏာပိုင်များက စီစဉ်ဆောင်ရွက်ခဲ့ကြောင်းလည်း သိရသည်။

ဆံတော်ရှင်မြတ် မော်တင်စွန်း စေတီတော်မြတ်ကြီး၏ ဗုဒ္ဓပူဇနိယဘုရားပွဲတော်ကို မတ်လ (၁၀) ရက်မှ (၂၄) ရက်အထိ (၁၅) ရက်ကြာ စည်ကားစွာကျင်းပလျက် ရှိနေပြီး ဘုရားဖူးပြည်သူများ လာရောက်ဖူးမျှော်လျက်ရှိကြောင်းလည်း သိရသည်။

#Local_News #လင်းပိုင်ငယ်၁၅ကောင်မိလာ ##ဆံတော်ရှင်မြတ်မော်တင်စွန်းဘုရားကမ်းခြေ #YMG/NN #Yangon_Times

#Local_News
Published_ 13 March 2024

ကျိုင်းတုံမြို့တွင် အလုပ်ရရှိပြီး မြန်မာငွေကျပ်သိန်း ၃၀ ရမည်ဟု စည်းရုံးပြောဆိုပြီး တရုတ်ဇနီးမယားအဖြစ် ပို့ဆောင်ရောင်းစားရန်စီစဉ်ခဲ့သူများကို ဖမ်းဆီးရမိခဲ့ကြောင်း သိရသည်။

ဧရာဝတီတိုင်းဒေသကြီး ငပုတောမြို့နယ်နေ ဒေါ်သန်းသန်းအေးနှင့် ဟိုင်းကြီးကျွန်းမြို့နယ်နေ ဒေါ်မအေးတို့က ငပုတောမြို့နယ်နေ မ ---၊ ၁၆/၂၀၂၃ နှစ်၊ နေပြည်တော်နေ မ ---၊ ၁၉/၂၀၂၃ နှစ် နှင့် ဟိုင်းကြီးကျွန်းမြို့နယ်နေ မ--- ၊ ၂၀/၂၀၂၃ နှစ်တို့ကို ကျိုင်းတုံမြို့တွင် အလုပ်ရရှိမည်၊ မြန်မာ ငွေကျပ်သိန်း ၃၀ ရမည်ဟု စည်းရုံးပြောဆိုပြီး တရုတ်ဇနီးမယားအဖြစ် ပို့ဆောင်ရောင်းစားရန် စီစဉ်ခဲ့ခြင်းဖြစ်သည်။

ယင်းကဲ့သို့စီစဉ်သဖြင့် ရန်ကုန်တိုင်းဒေသကြီး မြောက်ဥက္ကလာပမြို့နယ်နေ အောင်မြတ်သူ (ခ)အောင်အောင် (ခ) ကတုံး၊ ကျိုင်းတုံမြို့မရဲစခန်း (ပ) ၁၈၀/၂၀၂၃၊ လူကုန်ကူးမှုတားဆီးနှိမ်နင်းရေးဥပဒေပုဒ်မ - ၃၅/၄၄ ဖြင့် အမှုရေးဖွင့်ခဲ့ပြီး ကျိုင်းတုံခရိုင်တရားရုံးသို့ တရားစွဲတင်ပို့ခဲ့ရာ မတ် ၁၁ ရက်တွင် တရားခံ အောင်မြတ်သူ (ခ) အောင်အောင် (ခ) ကတုံး၊ သန်းသန်းအေးနှင့် မအေးတို့ သုံးဦးကို လူကုန်ကူးမှု တားဆီးနှိမ်နင်းရေး ဥပဒေပုဒ်မ ၃၅ အရလည်းကောင်း အလုပ်နှင့် ထောင်ဒဏ် ၁၅ နှစ်စီ အသီးသီးကျခံစေရန် အမိန့်ချမှတ်ခဲ့ကြောင်း သိရသည်။

#Local_News #ရောင်းစားသူများကိုဖမ်းမိ #tthl #Yangon_Times

#Local_News
Published-13 March 2024

ရန်ကုန်တိုင်းဒေသကြီး၊ ဒဂုံမြို့နယ်ရှိ ရွှေတိဂုံစေတီတော်တွင် ရွှေတိဂုံစေတီတော်၏ ခေတ်အဆက် ဆက်ပုံရိပ်များဓာတ်ပုံပြပွဲကို ၁၀ရက်တိုင်တိုင် ပြသသွားမည်ဖြစ်‌ကြောင်းပွဲကျင်းပရေးကော်မတီမှ သိရသည်။

အဆိုပါ  ဓာတ်ပုံပြပွဲကို ရွှေတိဂုံစေတီတော်ရင်ပြင်တော် ပေါ်ရှိ ချမ်းသာကြီးတန်ဆောင်းတွင် မတ်လ ၂၉ ရက်မှ ဧပြီလ ၇ ရက်ထိ ခင်းကျင်းပြသသွားမည်ဖြစ်ကြောင်းသိရသည်။

ထို့အပြင် ဓာတ်ပုံပြပွဲတွင် ကိုလိုနီခေတ် ၁,၈ဝဝ ပြည့်နှစ် ခန့်မှစတင်ကာ မျက်မှောက်ကာလထိ ခေတ်အဆက်ဆက် သာသနိကအဆောက်အအုံများမြင်ကွင်း၊ ရှေးမြန်မာတို့၏ သဒ္ဓါထက်သန်သည့်မြင်ကွင်းများ၊ ဘာသာတရား ရိုသေကိုင်းရှိုင်းမှု ပုံရိပ်များကို ဓာတ်ပုံများမှတစ်ဆင့် တွေ့မြင်ခံစားရမှာဖြစ်ကြောင်း သိရသည်။

၎င်းအပြင် ဓာတ်ပုံကင်မရာ စတင်ပေါ်ပေါက်သည့် ကာလ ကိုလိုနီခေတ်ဦး ဓာတ်ပုံများမှ တစ်ဆင့် မြန်မာတို့၏ ဝတ်စားဆင်ယင်မှု၊ ဘာသာတရား ကိုင်းရှိုင်းမှုများကို ယနေ့ခေတ်အထိ ရိုက်ကူးထားလေ့ရှိသော ရွှေတိဂုံစေတီတော်ကြီး၏ ဓာတ်ပုံပေါင်း ၂၁၀ ကျော်တွင်တွေ့မြင်နိုင်မည်ဖြစ်ကြောင်း သိရသည်။

#Local_News #ရွှေတိဂုံစေတီတော် #ဓာတ်ပုံပြပွဲ၁၀ရက်တိုင်တိုင်ကျင်းပ #YMG/ NN #Yangon_Times

#World_Health
Published 13 March 2024

သင့်လျော်မှန်ကန်တဲ့ အစားအစာတွေစားပြီး မိမိကိုယ်ကို ကြည့်ကောင်းအောင် ပြုလုပ်နိုင်တယ်လို့ ကျွမ်းကျင်သူများ ဆိုပါတယ်။

လူကို ကြည့်ကောင်းစေပြီး အသားအရေ ကောင်းမွန်စေတဲ့အပြင် ခန္ဓာကိုယ်အနံ့ကိုပင် ကောင်းစေနိုင်တဲ့ သဘာဝအစားအစာတွေ ရှိပါတယ်။

အသီးအနှံနဲ့ ဟင်းရွက်တွေကို အရောင်စိမ်းလန်းစေတဲ့ ကယ်ရိုတင်နွိုက်တွေ ပါဝင်တဲ့ အစားအစာတွေကို အရင်ဆုံး ဦးစားပေးသင့်ပါတယ်။

အချိန်ရက်သတ္တပတ် ၆ ပတ်ကျော် စားသုံးပြီးနောက် ပိုမိုစွဲဆောင်မှု ဖြစ်စေကြောင်း ၂၀၁၂ ခုနှစ်က တွေ့ရှိခဲ့ပါတယ်။

အချို့လေ့လာချက်များအရ ကယ်ရိုတင်နွိုက်တွေဟာ အသားအရေကို တင်းရင်းစေခြင်း၊ ရေဓာတ်ဖြည့်ပေးခြင်း၊ ချောမွတ်စေခြင်း၊ အရေးကြောင်းနဲ့ အစက်အပျောက် လျော့ကျခြင်းတို့ ပေးစွမ်းနိုင်တယ်လို့ အာဟာရပညာရှင် မက်ကင်ဇီဘားဂတ်စ်က ပြောပြပါတယ်။

ထိုအစားအစာတွေထဲမှာ ကန်စွန်းဥ၊ မုန်လာဥ၊ သခွားမွှေး၊ ကိုက်လံ၊ ဟင်းနုနွယ်တို့ ပါဝင်ပါတယ်။

ဒါ့အပြင် ငရုတ်ပွသီး၊ ပြောင်းဖူး၊ ကညွတ်၊ အာလူး၊ ခရမ်းချဥ်သီး၊ ဖရဲသီး၊ ကျွဲကောသီး၊ မာလကာသီးတို့လည်း ပါဝင်ပါတယ်။

ကယ်ရိုတင်နွိုက်တွေက ခရမ်းလွန်ရောင်ခြည်ဒဏ်မှ ကာကွယ်ပေးတဲ့အပြင် ခန္ဓာကိုယ်အနံ့ကိုလည်း ကောင်းမွန်စေပါတယ်။

အသီးအရွက်များများစားတဲ့ ယောက်ျားလေးတွေရဲ့ ချွေးနံ့ကို အမျိုးသမီးတွေ ပိုပြီးနှစ်သက်ကြတယ်လို့ စမ်းသပ်တွေ့ရှိထားပါတယ်။

အချို့သော ဓာတ်တိုးဆန့်ကျင်ပစ္စည်းများနဲ့ အာဟာရဓာတ်တွေဟာ အနံ့ဆိုးဖြစ်စေတဲ့ ဒြပ်ပေါင်းတွေကို ချေဖျက်နိုင်ဖွယ်ရှိတယ်လို့ ဘားဂတ်စ်က ဆိုပါတယ်။

အသားတွေမှာ တွေ့ရတဲ့ ပရိုတိန်းကော်လာဂျင်ကလည်း အရေပြားတင်းရင်းစေတဲ့အပြင် ကြွက်သား၊ အရေပြား၊ လက်သည်း၊ ဆံပင်ကြီးထွားမှုကို ထောက်ပံ့ပေးပါတယ်။

အိုမီဂါ၃ ဖက်တီးအက်ဆစ်က ရေဓာတ်ကို ထိန်းသိမ်းပေးကာ ရောင်ရမ်းဆန့်ကျင်သတ္တိ ပေးစွမ်းနိုင်ပါတယ်။

#World_Health #ရုပ်ဆင်းသွင်ပြင် #မြှင့်တင်ပေးနိုင်မည့်အစားအစာများ #Source: New York Post

#World_Health
Published 13 March 2024

အခွံမာသီးတွေက သွေးတွင်းသကြားဓာတ် ဆောင့်တက်တာမျိုး မဖြစ်စေဘဲ အရည်အသွေးကောင်းမွန်တဲ့ အဆီများ၊ ဇင့် မဂ္ဂနီဆီယံ၊ ကယ်လ်စီယံ၊ သံဓာတ်တို့လို သတ္တုဓာတ်များစွာ ပါဝင်ပါတယ်။

အရည်အသွေးမြင့် ပရိုတိန်းများလည်း ပါဝင်တာကြောင့် အချုပ်အားဖြင့် အလွန်အာဟာရရှိတဲ့ အစားအစာတွေလို့ ပြောလို့ရပါတယ်။

အမျိုးမျိုးသော အခွံမာသီးတွေကို နေ့စဥ်စားစရာထဲ ထည့်သွင်းစားသုံးတဲ့အခါ ဘာတွေဖြစ်လာလဲဆိုတာကို သုတေသီများ လေ့လာဖော်ပြခဲ့ကြပါတယ်။

၁၅ ဂရမ်ရှိတဲ့ သစ်ကြားသီး၊ အစိမ်းရောင်အခွံမာသီး၊ သီဟိုဠ်စေ့၊ ဗာဒံစေ့တို့ကို ၄ လကြာအောင် စားသုံးခိုင်းခဲ့ပါတယ်။

ဒီနောက် ဦးနှောက်သို့ သွေးစီးဆင်းမှုကောင်းမွန်စေခြင်း၊ အင်ဆူလင်ကို ဦးနှောက်တုန့်ပြန်မှု တိုးတက်စေခြင်း၊ အသိဉာဏ်နဲ့ မှတ်ဉာဏ်လုပ်ဆောင်ချက် တိုးတက်ခြင်းတို့ မြင်တွေ့ခဲ့ရပါတယ်။

ဒါကြောင့် အခွံမာသီးအမျိုးမျိုးကို နေ့စဥ်စားသုံးခြင်းဖြင့် နှလုံးကျန်းမာရေး၊ ဆီးချိုကာကွယ်ရေးအတွက် သာမက ဦးနှောက်ကျန်းမာရေးအတွက်လည်း ကောင်းမွန်စေတယ်လို့ သုတေသီများ အကြံပြုသွားပါတယ်။

#World_Health #အခွံမာသီးစားသုံးခြင်း #Source: The Jerusalem Post

တရုတ်စီးပွားရေးနှင့် စက်မှုကဏ္ဍအမျိုးမျိုးတွင် လူထိန်းရန်မလိုသော ယာဥ်ပျံများအသုံးပြုလာကာ စီးပွားရေးတိုးတက်မှုအထောက်အကူဖြစ်လာနေ

တရုတ်ပြည်ရှိ ကဏ္ဍအမျိုးမျိုးမှာ လူထိန်းရန်မလိုသောယာဥ်ပျံ (UAV)များကို အများအပြား သုံးစွဲလာကြပြီး တိုင်းပြည်ရဲ့ အနိမ့်ပျံကဏ္ဍစီးပွားရေး ဖွံ့ဖြိုးတိုးတက်လာအောင် ကူညီထောက်ပံ့ပေးနေပါတယ်။
#Asia_Development
Published 12 March 2024
#တရုတ်စီးပွားရေး #ယာဥ်ပျံများအသုံးပြု
#YMG_News #Yangon_Times #Yangon_Media_Group

#Daily_News
Published_ 12 March 2024

၁။ တရုတ်သို့ တရားဝင်လုပ်သားစေလွှတ်နိုင်ရန် ဆွေးနွေးညှိနှိုင်းမှုများ ပြုလုပ်နေဟုဆို

၂။ သင်္ကြန်ကာလ ဗုဒ္ဓဂါယာခရီးစဉ်အတွက် ရက်တိုခရီးသွားလာရန် အော်ဒါများပြား၊ ဒေါ်လာဈေးကျပါက ပိုသွားလာနိုင်

၃။ အနုပညာအထက်တန်းကျောင်းမှ အနုပညာဝါသနာပါသည့် ကျောင်းသားသစ်များခေါ်ယူနေ

၄။ တရုတ်စီးပွားရေးနှင့် စက်မှုကဏ္ဍအမျိုးမျိုးတွင် လူထိန်းရန်မလိုသော ယာဥ်ပျံများအသုံးပြုလာကာ စီးပွားရေးတိုးတက်မှုအထောက်အကူဖြစ်လာနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၁၂ မတ် ၂၀၂၄

ဘန်ကောက်, မတ် ၁၂ (ရိုက်တာ)- ထိုင်းနိုင်ငံရဲ့ အတိုက်အခံ ရှေ့သို့ချီပါတီ Move Forward party ကို ဖျက်သိမ်းပစ်ဖို့ တရားရုံး ကို တောင်းဆိုမယ်လို့ ထိုင်းရွေးကောက်ပွဲကော်မရှင်က အင်္ဂါနေ့မှာပြောကြားပါတယ်။ နိုင်ငံရဲ အုပ်ချုပ်ရေးစနစ်ကို အဟန့် အတားလုပ်ကာ ဘုရင်စနစ်ကို စော်ကားမှုကိုဆန့်ကျင်တဲ့ ဥပဒေကို ပြင်ဖို့ ပါတီရဲ့ လှုံ့ဆော်စည်းရုံးမှုတွေအပေါ် စိုးရိမ်ပူပန်မှု ကြောင့် ဖြစ်ပါတယ်။

ဇန်နဝါရီလတုန်းက ထိုင်းရဲ့ ဖွဲ့စည်းပုံအခြေခံဥပဒေတရားရုံးက အဆိုပါပါတီဟာ ဘုရင်စနစ်ကိုစော်ကားသူတွေအပေါ် အရေး  ယူတဲ့ ဥပဒေကို ပြင်ဆင်ဖို့ စီစဉ်ဆောင်ရွက်တာဟာ အခြေခံဥပဒေကိုဖောက်ဖျက်ကျူးလွန်တာဖြစ်တယ်လို့ အမိန့်ချခဲ့ပြီး   နောက် ယခု လိုရွေးကောက်ပွဲကော်မရှင်ရဲ့ဆုံးဖြတ်ချက်ထွက်ပေါ်လာတာပါ။

ပါတီရဲ့ အဆိုပြုထားတဲ့ ပြစ်မှုဆိုင်ရာ ဥပဒေပုဒ်မ၁၁၂ ပြင်ဆင်ချက်ဟာ ထိုင်းနိုင်ငံရဲ့ စည်းမျဉ်းခံဘုရင်စနစ်ကိုဖျက်ဆီးပစ်ဖို့ ကြိုးစားတာဖြစ်ကြောင်းတွေ့ရှိရတယ်လို့ အခြေခံဥပဒေခုံရုံးက အမိန့်ချခဲ့တာပါ။

“ ဒါဟာ ဘုရင်ကို နိုင်ငံ့ခေါင်းဆောင်အဖြစ်ထားရှိတဲ့ ဒီမိုကရက်စီစနစ်ကို Move Forward party ပါတီက အနှောက်အယှက်   ပြုတဲ့  အထောက်အထားပဲဖြစ်တယ်” လို့ အင်္ဂါနေ့(မတ်၁၂)မှာ ထုတ်ပြန်တဲ့ ရွေးကောက်ပွဲကော်မရှင်ရဲ့ထုတ်ပြန်ချက်မှာ ဖော်ပြ ထားပါတယ်။

“ ရွေးကောက်ပွဲကော်မရှင်ဟာ အခြေခံဥပဒေတရားရုံးရဲ့ စီရင်ချက်ကို သုံးသပ်လေ့လာစဉ်းစားပြီးတဲ့နောက် Move Forward party ပါတီကို ဖျက်သိမ်းပေးဖို့ အခြေခံဥပဒေတရားရုံးကို တောင်းဆိုဖို့ ကန့်ကွက်သူမရှိ ဆုံးဖြတ်ခဲ့ကြပါတယ်” လို့ ကော်မရှင်က သတင်းထုတ်ပြန်ပါတယ်။

တကယ်လို့သာ ပါတီဖျက်သိမ်းခံရရင် ပါတီရဲ့ ခေါင်းဆောင်တွေဟာ နိုင်ငံရေးအလုပ်တွေကနေ ၁၀နှစ်တိတိ အပိတ်ခံရမှာ ဖြစ်ပါတယ်။

Move Forward ပါတီကတော့ သူတို့ဟာ စည်းမျဉ်းခံဘုရင်စနစ်ကိုပိုမိုအားကောင်းလာဖို့နှင့် ဥပဒေကို အလွဲသုံးစားလုပ်တာ   တွေ တားဆီးပေးဖို့ပဲ ရည်ရွယ်တာဖြစ်တယ်လို့စောဒကတက်ထားပါတယ်။

“ ကျွန်တော်တို့အနေနှင့် ဘုရင်က နိုင်ငံ့ခေါင်းဆောင်အဖြစ်ရှိတဲ့ ဒီမိုကရေစီစနစ်ကို ဖြိုလှဲပစ်ဖို့ ရည်ရွယ်ချက်မရှိပါဘူး” လို့ အဲဒီ ပါတီရဲ့ပြောရေးဆိုခွင့်ရှိသူ ပါရစ် ဝါချာရာဆင်ဒူက ရိုက်တာသတင်းဌာနကိုပြောပါတယ်။

“ ကျွန်တော်တို့ရဲ့ရိုးသားမှုကို တရားရုံးမှာ ပြသမှာပါ” လို့သူကဆက်ပြောပါတယ်။

Move Forward ပါတီက အမွေဆက်ခံယူခဲ့တဲ့ ယင်းအရင်ပါတီဖြစ်တဲ့ Future Forward ဟာ အလားတူမူဝါဒတွေရှိခဲ့ပြီး ပါတီ ရန်ပုံငွေစည်းမျဉ်းဖောက်ဖျက်မှုနှင့် ၂၀၂၀ပြည့်နှစ်မှာ ဖျက်သိမ်းခံခဲ့ရပါတယ်။

Source: Bangkok Post

@ymg/knl

၁၂ မတ် ၂၀၂၄

ဝါရှင်တန်, မတ် ၁၁ (ရိုက်တာ)- အမေရိကန်နိုင်ငံသည် အင်အားကြီးနိုင်ငံယှဉ်ပြိုင်မှု၊နိင်ငံဖြတ်ကျော်စိန်ခေါ်မှုများနှင့် ဒေသ ဆိုင်ရာပဋိပက္ခများကြောင့် ပို၍ပို၍ကျိုးပျက်လွယ်လာသည့် ကမ္ဘာ့အစီအစဉ်နှင့် ရင်ဆိုင်နေရကြောင်း အမေရိကန် ထောက်  လှမ်းရေးအေဂျင်စီတွေက တနင်္လာနေ့မှာ ပြောကြားလိုက်ပါတယ်။  အမေရိကန်ထောက်လှမ်းရေးအေဂျင်စီတွေက ကွန်ဂရက် သို့    တင်ပြသည့် အစီရင်ခံစာထဲမှာ ယင်းကိုဖော်ပြထားခြင်းဖြစ်ပါတယ်။

“ ရည်မှန်းချက်ကြီးပေမယ့် စိုးရိမ်တကြီးဖြစ်နေတဲ့တရုတ်၊ ထိပ်တိုက်ရင်ဆိုင်နေတဲ့ရုရှားနှင့်  အီရန်လို့အချို့သော ဒေသဆိုင်ရာ အင်အားကြီးတွေနှင့် ပိုပြီးစွမ်းဆောင်နိုင်ကြတဲ့ အစိုးရမဟုတ်တဲ့ အဖွဲ့အစည်းတွေဟာ နှစ်ရှည်လများအုပ်ချုပ်လာတဲ့ နိုင်ငံတကာ စနစ်ကိုရော အဲဒီစနစ်အတွင်းက အမေရိကန်ရဲ့ အဓိကကျနေမှုကိုရော စိန်ခေါ်နေကြတယ်” လို့  အဆိုပါအေဂျင်စီ များရဲ့ ၂၀၂၄ခုနှစ် နှစ်ပတ်လည် ခြိမ်းခြောက်မှုအကဲဖြတ်အစီရင်ခံစာထဲမှာ ဖော်ပြထားပါတယ်။

အဲဒီအစီရင်ခံစာထဲမှာ အမေရိကန်ရဲ့ အကြီးမာဆုံးပြိုင်ဘက်တွေဖြစ်တဲ့ တရုတ်နှင့်ရုရှားတို့ရဲ့ ခြိမ်းခြောက်မှုတွေကို ကျယ်ပြန့် စွာ အာရုံစိုက်ထားပါတယ်။ ယင်းအပြင် ရုရှားက ယူကရိန်းကို ကျူးကျော်မှုစတင်အပြီး (၂)နှစ်ကျော်ကြာ အခြေအနေ၊ အောက်တိုဘာ ၇ ရက်တိုက်ခိုက်မှုစကတည်းက ဂါဇာတွင် အစ္စရေးရဲ့ ဟားမာ့းစ်တို့အပေါ် စစ်ဆင်နေမှုနှင့်ဆက်စပ်လာတဲ့ ကျယ်ပြန့်တဲ့ ပဋိပက္ခတွေရဲ့ အန္တရာယ်တွေကိုလည်း အစီရင်ခံစာမှာ အလေးပေးဖော်ပြထားပါတယ်။

ရုရှားက ယူကရိန်းမှာစစ်ပွဲဆင်နွှဲတဲ့အခါ တရုတ်နိုင်ငံဟာ ရုရှားရဲ့ စက်မှုအခြေစိုက်လုပ်ငန်းတွေကို ထောက်ခံအားပေးခြင်းဖြင့် ရုရှားကို စီးပွားရေးနှင့်လုံခြုံရေးဆိုင်ရာ အကူအညီတွေပေးနေတယ်လို့လည်း အစီရင်ခံစာကဆိုပါတယ်။အဲဒီအပြင် တရုတ်နိုင်ငံဟာ အမေရိကန်ရဲ့ ယခုနှစ်ရွေးကောက်ပွဲအပေါ် လွှမ်းမိုးဖို့ကြိုးစားတဲ့အနေနှင့် နည်းပညာတွေသုံးလာနိုင်တယ် လို့လည်း အစီရင်ခံစာက သတိပေးထားပါတယ်။

“ ၂၀၂၄ အမေရိကန်ရွေးကောက်ပွဲကို တရုတ်က အဆင့်တစ်ခုအထိ လွှမ်းမိုးဖို့ကြိုးစားကောင်းကြိုးစားနိုင်တယ်။ ဘာဖြစ်လို့လဲ ဆိုတော့ တရုတ်ဟာ တရုတ်ဝေဖန်သူတွေကို ဘေးပို့ပြီး အမေရိကန်ရဲ့ လူမှုအကွဲအပြဲတွေကို ပုံကြီးချဲ့လိုတဲ့ ဆန္ဒရှိနေတယ်” လို့ အစီရင်ခံစာကရေးသားပါတယ်။

ဆီးနိတ်ရဲ့ ထောက်လှမ်းရေးကော်မတီကို တင်သွင်းတဲ့ အမျိုးသားထောက်လှမ်းရေးအဖွဲ့ ညွှန်ကြားရေးမှူး အက်ဗရီ ဟိန်းစ်ရဲ့ အစီရင်ခံစာမှာ အမတ်တွေအနေနှင့် ယူကရိန်းကို စစ်ရေးအကူအညီအထောက်အပံ့ပိုပေးရေးကိစ္စ အတည်ပြုပေးကြဖို့လည်း သူမက တောင်းဆိုထားပါတယ်။ အမေရိကန်ရဲ့ အကူအညီမရှိဘဲနှင့် ရုရှားဆီက ပြန်သိမ်းထားတဲ့ ယူကရိန်းနယ်မြေကို သူတို့အနေနှင့် ဘယ်လိုထိန်းထားမလဲဆိုတာ မစဉ်းစားတတ်ဘူး” လို့လည်း သူမကပြောပါတယ်။

ယူကရိန်းစစ်ပွဲစကတည်းက တရုတ်နှင့်ရုရှားအကြား ကုန်သွယ်ရေးတွေတိုးတက်လာနေတာကိုလည်း အစီရင်ခံစာက သတိပြု ရေးသားထားပါတယ်။ ၂၀၂၂ခုနှစ်ကစပြီး စစ်ရေးသုံးပစ္စည်းတွေဖြစ်နိုင်တဲ့ တရုတ်ပစ္စည်းတွေ တင်ပို့မှုဟာ သုံးဆကျော်မြင့် တက်လာတယ်လို့လည်း ဆိုပါတယ်။

စီအိုင်အေညွှန်ကြားရေးမှူး ဝီလျံဘန်းကလည်း ဟိန်းစ်လိုပဲ ပြောပါတယ်။  ယူကရိန်းကို ဆက်လက်ထောက်ခံအားပေးခြင်း ဟာ တိုင်ဝမ် ဒါမှမဟုတ် တောင်တရုတ်ပင်လယ်နှင့်ပတ်သက်လို့ ရန်လိုနေတဲ့ တရုတ်ကို သတင်းစကားပါးတာမျိုးဖြစ်လိမ့် မယ်လို့ သူက ပြောပါတယ်။

“ (တရုတ်ခေါင်းဆောင်) ရှီကျင့်ဖျင်ဟာ ယူကရိန်းအနေနှင့် သတ္တရှိရှိကြံ့ကြံခံခံ ခုခံလိမ့်မယ်လို့ သူထင်မထားခဲ့ဘူး။ သူက အခု အပိုးသတ်လိုက်တယ်လို့ ကျွန်တော်တို့ အကဲဖြတ်ထားတယ်” လို့ ဘန်းကပြောပါတယ်။

ဂါဇာက အစ္စရေးနှင့် ဟားမာ့စ်တို့ရဲ့ ပဋိပက္ခဟာ ကမ္ဘာလုံးဆိုင်ရာ မလုံခြုံမှုအဖြစ် ကူးစက်သွားနိုင်တယ်လို့ ဟိန်း(စ်)က စိုးရိမ်ပူပန်နေတယ်။ “ ဂါဇာက ပဋိပက္ခဟာ ဒေသဖွံ့ဖြိုးတိုးတက်ရေးမှာ ကျယ်ပြန့်တဲ့ ကမ္ဘာလုံးဆိုင်ရာ ရှုပ်ထွေးမှုရှိနေနိုင်တယ် ဆိုတဲ့ ပြယုဒ်တစ်ခုဖြစ်တယ်”

အောက်တိုဘာ ၇ရက် ဟားမာ့စ်တို့ တိုက်ခိုက်မှုပြီးကတည်းက အစ္စလမ်မစ်အုပ်စုတွေနှင့် အခြားသော နိုင်ငံခြားစစ်သွေးကြွ တွေက အမေရိကန်တွေအပေါ်ခြိမ်းခြောက်မှုတွေ တိုးလာနေတယ်လို့လည်း အက်ဖ်ဘီအိုင် ညွှန်ကြားရေးမှူး ခရစ်စတိုဖာ ရေး ကပြောကြားလိုက်ပါတယ်။

Source Reuters

@ymg/knl

#Local_News
Published 12 March 2024

ဖေ့ဘွတ်စ် Messenger မတ်ဆင်ဂျာတွင် လုံခြုံရေးစနစ်အရဇော်ဂျီစာသားမှ ယူနီကုတ်စာသားအဖြစ် အလိုအလျောက် မပြောင်းပေးတော့ဘူးဟု Messenger မှ ယနေ့မတ်လ(၁၂)ရက်၌ ထုတ်ပြန်လိုက်သည်။

ယင်းကဲ့သို့‌မပြောင်းပေးနိုင်သည့်အတွက် ဖုန်း၏ ဘာသာစကားဆက်တင်များတွင် မြန်မာဘာသာ (ယူနီကုတ်) အသုံးပြုရန် ပြင်ဆင်ထားခြင်း မရှိသေးပါက ပေးပို့သော မက်ဆေ့များသည် အခြားသူများထံတွင် မှန်ကန်စွာပေါ်မည် မဟုတ်သည့်အပြင် အခြားသူများမှ ပေးပို့လာသည်များကိုလည်း အလုံးစုံ ဖတ်ရှု၍ မရခြင်းများ ရှိနိုင်သဖြင့်ဖုန်းဘာသာစကားဆက်တင်များကိုမြန်မာဘာသာ (ယူနီကုတ်)ဖြစ်အောင်ပြင်ဆင်ရန် တိုက်တွန်းထားသည်။

ထုတ်ပြန်ချက်တွင် Messenger ပေါ်တွင် အလုံးစုံ လျှို့ဝှက်စနစ်ဖြင့် သင့်မက်ဆေ့များကို သီးသန့်ပိုဆန်ပြီး ပိုမိုလုံခြုံစိတ်ချရစေရန် ကျွန်ုပ်တို့ လုပ်ဆောင်နေပါသည်။ အလုံးစုံ လျှို့ဝှက်စနစ်သည် သင့်မက်ဆေ့များနှင့် ခေါ်ဆိုမှုများတွင် ထပ်ဆောင်းဘေးကင်းလုံခြုံရေးနှင့် ကာကွယ်မှုကို ထည့်သွင်းပေးသည့်အတွက် သင်နှင့် သင်စကားပြောနေသူသာ ၎င်းမက်ဆေ့တို့ကို မြင်နိုင်၊ ကြားနိုင် သို့မဟုတ် ဖတ်ရှုနိုင်မည် ဖြစ်ကြောင်း၊

မြန်မာနိုင်ငံအတွက် Messenger တွင် အလုံးစုံ လျှို့ဝှက်စနစ်ကို အကောင်အထည်ဖော်ပြီးသည်နှင့် မြန်မာဘာသာ (ယူနီကုတ်) နှင့် မြန်မာဘာသာ (ဇော်ဂျီ) တို့အကြား အလိုအလျောက် စာသား ပြောင်းလဲခြင်းကို Messenger ပေါ်တွင် ထောက်ပံ့ပေးတော့မည် မဟုတ်ပါကြောင်း၊

ဆိုလိုသည်မှာ သင့်ဖုန်း၏ ဘာသာစကားဆက်တင်များတွင် မြန်မာဘာသာ (ယူနီကုတ်) အသုံးပြုရန် ပြင်ဆင်ထားခြင်း မရှိသေးပါက သင်ပေးပို့သော မက်ဆေ့များသည် အခြားသူများထံတွင် မှန်ကန်စွာပေါ်မည် မဟုတ်သည့်အပြင် အခြားသူများမှ ပေးပို့လာသည်များကိုလည်း သင်အလုံးစုံ ဖတ်ရှု၍ မရခြင်းများ ရှိနိုင်ကြောင်း၊

 သင့်ဖုန်း၏ ဘာသာစကားဆက်တင်များကို မြန်မာဘာသာ (ယူနီကုတ်) အသုံးပြုဖို့ ပြင်ဆင်ရန် ကျွန်ုပ်တို့ အကြံပြုသလို သင့်သူငယ်ချင်းများနှင့် မိသားစုကိုလည်း သူတို့၏ ဖုန်း ဘာသာစကားဆက်တင်များကို ပြင်ဆင်ဖို့ တိုက်တွန်းရန် ကျွန်ုပ်တို့ အကြံပြုကြောင်းနှင့်

သင်၏ ဘာသာစကားဆက်တင်များကို မြန်မာဘာသာ (ယူနီကုတ်) အဖြစ် သတ်မှတ်ထားသော်လည်း မြန်မာဘာသာ (ဇော်ဂျီ) ကို အသုံးပြုနေသည့် အခြားသူများထံမှ မက်ဆေ့များကို ရရှိသည့်အခါ သူတို့ပေးပို့သည့် စာသားအားလုံးကိုလည်း သင်ဖတ်ရှုနိုင်မည်မဟုတ်ကြောင်း သိမှတ်ထားပေးရန်ထုတ်ပြန်ထားသည်။

ယင်းအပြင်မှတ်ချက် - အလိုအလျောက် စာသား ပြောင်းလဲခြင်းကို Facebook တွင် ရရှိနိုင်ပါသေးကြောင်းလည်းဖော်ပြထားသည်။

#Local_News #မတ်ဆင်ဂျာ #အော်တိုမပြောင်းပေးတော့ဟုထုတ်ပြန် #tthl #Yangon_Times