#Daily_News
Published 9 November 2024

၁။ရာသီဥတုအခြေအနေအရ တောင်ကြီးတန်ဆောင်တိုင်ပွဲတော် ရက်ပြောင်းလဲ

၂။အောက်တိုဘာလအတွင်း ဆန်နှင့် ဆန်ကွဲ တန်ချိန်လေးသိန်းကျော်တင်ပို့နိုင်ခဲ့ပြီး ပို့ကုန်လျာထားချက်ထက်ကျော်လွန်ခဲ့

၃။လေအေးနှင့်လေနွေးတွေ့ဆုံမှုအပြင် လေဖိအားနည်းရပ်ဝန်းထပ်မံဖြစ်ပေါ်မည်ဖြစ်၍မိုးသည်းထန်ပြီးလေပြင်းတိုက်ဦးမည်

၄။ ရေဘေးဒဏ်ခံခဲ့ရသည့်စပိန်နိုင်ငံဗလင်စီယာတွင်ပြန်လည်ထူထောင်ရေးလုပ်ငန်းပြုလုပ်နေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#World_News
Published 09 November 2024

▪️ မြောက်ကိုရီးယားဟာ စနေနေ့အထိ ၂ ရက်တိုက် နယ်စပ်နားတဝိုက်မှ GPS အချက်ပြစနစ်တွေကို နှောင့်ယှက်နေတယ်လို့ တောင်ကိုရီးယားစစ်တပ်က ပြောလိုက်ကာ လေယာဉ်ခရီးစဉ်များနဲ့ သင်္ဘောသွားလာမှုများကို သက်ရောက်နေပါတယ်။

▪️ မြောက်ကိုရီးယား ခေါင်းဆောင် ကင်မ်ဂျုံအန်းက နျူကလီးယားနဲ့ ဒုံးကျည်အစီအစဉ်များကို ဆက်လက်ဖော်ဆောင်နေပြီး အီလက်ထရွန်နစ်နဲ့ စိတ်ဓာတ်ရေးရာ တိုက်ခိုက်မှုများ ပြုလုပ်နေသဖြင့် ကိုရီးယားနှစ်နိုင်ငံကြား တင်းမာမှုမြင့်တက်နေပါတယ်။

▪️ ကဲဆောင်နယ်စပ်မြို့နဲ့ အနီးနားရှိ ဟဲဂျူမြို့နားတဝိုက်မှာ သောကြာနေ့နဲ့ စနေနေ့တို့ကနေ GPS အချက်ပြစနစ်တွေကို မြောက်ကိုရီးယားတို့ နှောင့်ယှက်ခဲ့သဖြင့် အရပ်ဘက်လေယာဉ်ဒါဇင်ခန့်နဲ့ သင်္ဘောအများအပြား သွားလာမှု အနှောင့်အယှက် ဖြစ်ရတယ်လို့ တောင်ကိုရီးယား ပူးတွဲစစ်ဦးစီးချုပ်က ကြေညာလိုက်ပါတယ်။

▪️ အနောက်ဘက်နယ်စပ်နားတဝိုက်က လေယာဉ်များနဲ့ သင်္ဘောများကို သတိပေးထားပေမယ့် မြောက်ကိုရီးယားတို့ GPS တွေကို ဘယ်လောက်အထိ နှောင့်ယှက်နေလဲဆိုတာတော့ အတိအကျ မဖော်ပြပါဘူး။

▪️ GPS နှောင့်ယှက်မှု ဖြစ်စေတာတွေကို ချက်ချင်းရပ်ဆိုင်းရန် မြောက်ကိုရီးယားကို တိုက်တွန်းလိုပြီး ဖြစ်လာတဲ့ အကျိုးဆက်များအတွက် အပြည့်အဝတာဝန်ယူရန် အပြင်းအထန် သတိပေးလိုကြောင်း တောင်ကိုရီးယား ပူးတွဲစစ်ဦးစီးချုပ်က ထုတ်ပြန်ထားပါတယ်။

▪️ နှစ်စဉ် လူပေါင်း ၅၆ သန်းနဲ့ ကုန်ပစ္စည်းတန်ချိန် ၃.၆ သန်း သယ်ယူပို့ဆောင်နေတဲ့ အင်ချွန် အပြည်ပြည်ဆိုင်ရာ လေဆိပ်ဟာ မြောက်ကိုရီးယားကနေ ၁၀၀ ကီလိုမီတာအောက်သာ ကွာဝေးပါတယ်။

▪️ အခုထက်ထိတော့ လေကြောင်းမတော်တဆမှုကြီးတွေ မဖြစ်သေးပေမယ့် GPS နှောင့်ယှက်မှုကြောင့် လေယာဉ်များ မြင်ကွင်းအားနည်းသွားနိုင်ကြောင်း၊ ဒါဟာ နိုင်ငံတကာ လမ်းကြောင်းဘေးကင်းရေး စည်းမျဉ်းများကို ချိုးဖောက်ရာကျကြောင်း တောင်ကိုရီးယား သုံးသပ်ရေးသမား ဆော့ဂျွန်ယွန်းက ဖော်ပြထားပါတယ်။

▪️ ကင်မ်ဂျုံအန်းဟာ ယခုနောက်ပိုင်းနှစ်တွေမှာ တောင်ကိုရီးယားအစိုးရအပေါ် မကျေနပ်မှုတွေ ပြသလာပြီး ကိုရီးယားနှစ်နိုင်ငံ သင့်မြတ်ရေး သဘောတူညီချက် စွန့်လွှတ်တာတွေ၊ တောင်နဲ့ဆက်စပ်နေတဲ့ ရထားလမ်းတွေ ဖောက်ခွဲပစ်တာတွေ၊ တိုက်ချင်းပစ်ဒုံးကျည်သစ် စမ်းသပ်တာတွေ ပြုလုပ်ခဲ့ပါတယ်။

#Source: AP News

ရန်ကုန်မြို့မှာသုံးရက်ကြာကျင်းပနေတဲ့ တန်ဆောင်တိုင်ဈေးရောင်းပွဲတော်မှာ မြေပဲဆီနဲ့ နှမ်းဆီတွေအကန့်အသတ်မရှိ ရောင်းချပေးနေတာကြောင့်  လွတ်လပ်စွာ ဝယ်ယူနိုင်ပြီလို့ မြန်မာနိုင်ငံဆီစက်ပိုင်ရှင်များအသင်းက သိရပါတယ်။

#Local_News
Published 9 November 2024
#တန်ဆောင်တိုင်ဈေးရောင်းပွဲတော် #မြေပဲဆီနှင့်နှမ်းဆီရောင်းချပေး
#YMG/NN #Yangon_Times

လေအေးနဲ့လေနွေးတွေ့ဆုံမှုအပြင် လေဖိအားနည်းရပ်ဝန်းထပ်ဖြစ်လာပြီး မိုးသည်းဦးမှာဖြစ်တယ်လို့ သိရပါတယ်။

#Local_News
Published 9 November 2024
#လေအေးနဲ့လေနွေးတွေ့ဆုံ #မိုးသည်းဦးမည်
#YMG/tthl #Yangon_Times

ပြီးခဲ့တဲ့ အောက်တိုဘာလ တစ်လတာအတွင်း ဆန်နဲ့ ဆန်ကွဲ တန်ချိန်လေးသိန်းကျော်တင်ပို့နိုင်ခဲ့ပြီး ပို့ကုန်လျာထားချက်ထက်ကျော်လွန်ခဲ့တယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။

#Local_News
Published 9 November 2024
#ဆန်နှင့်ဆန်ကွဲ #ပို့ကုန်လျာထားချက်ထက်ကျော်လွန်
#YMG/NN #Yangon_Times

တောင်ကြီးတန်ဆောင်တိုင်ရိုးရာ မီးပုံးပျံပြိုင်ပွဲကိုရာသီဥတုအခြေအနေအရ မူလက ကျင်းပမယ့်နိုဝင်ဘာလ(၉)ရက်မှာ မကျင်းပဖြစ်ဘဲ နောက်နှစ်ရက်ဆုတ်ကာ နိုဝင်ဘာ(၁၁)ရက်နေ(၁၇)ရက်အထိရက်အထိပြောင်းလဲကျင်းပသွားမှာဖြစ်ပါတယ်။

#Local_News
Published 9 November 2024
#ရာသီဥတုအခြေအနေ #တောင်ကြီးတန်‌ဆောင်ရက်ပြောင်း
#YMG/tthl #Yangon_Times

#Local_News
Published 9 November 2024

▪️ ဧရာဝတီတိုင်းဒေသကြီး၊ကျိုက်လတ်မြို့၌ မိုးသည်းထန်စွာရွာသွန်း၍
သစ်ပင်များ လဲကျမှုများယနေ့မနက်အစောပိုင်း၌ ဖြစ်ပွားခဲ့ကြောင်း မြန်မာနိုင်ငံ မီးသတ်တပ်ဖွဲ့မှသိရသည်။

▪️ နိုဝင်ဘာ ၈ ရက်နေ့၊ မနက် ၄နာရီ၂၂မိနစ် အချိန်ခန့်က  ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့၊ အမှတ်(၃)ရပ်ကွက်၊ (၆)ဖြတ်လမ်းတွင် မိုးသည်းထန်စွာရွာသွန်းပြီး မြေသားပျော့အိမှုကြောင့်လမ်းမပေါ်သို့ သစ်ပင်လဲကျမှုဖြစ်ပွားခဲ့ကြောင်းသိရသည်။

▪️ အဆိုပါ  သတင်းရရှိသဖြင့် ကျိုက်လတ်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ သက်ဆိုင်အဖွဲ့အစည်းများဖြင့် ပူးပေါင်း၍ ခုတ်ထွင်ရှင်းလင်းရေးလုပ်ငန်းများ ဆောင်ရွက်ခဲ့ရာ မနက် ၅နာရီ  အချိန်တွင်ရှင်းလင်းပြီးစီးခဲ့‌ကြောင်း သိရသည်။

#YMG/NN #Yangon_Times

#Local_News
Published 9 November 2024

▪️ ယမန်နေ့ နိုဝင်ဘာလ ၈ ရက် ညက ကွယ်လွန်ခဲ့သော လျှပ်စစ်ဝန်ကြီးဟောင်း
ဦးဝင်းခိုင်အသုဘကို ယနေ့ နိုဝင်ဘာလ ၉ ရက် နံနက် ၁၁ နာရီ ကြာနီကန် သုဿာန်၌ပြုလုပ်သင်္ဂြိုလ်ခဲ့ကြောင်း သိရသည်။

▪️ အသက် ၇၄ နှစ်အရွယ် ဦးဝင်းခိုင်သည် အကျဉ်းကျနေစဉ် နှလုံးသွေးကြောကျဉ်းရောဂါကြောင့် မန္တလေးအထွေထွေရောဂါကုဆေးရုံကြီး၊(၁၀)ထပ်ဆောင်၊ (၆)လွှာရှိ၊ အထူးကြပ်မတ်ကုသဆောင် (ICU) တွင် ဆေးကု သမှုခံနေစဉ် ကွယ်လွန်သွားခဲ့ခြင်းဖြစ်ကြောင်း သိရသည်။

▪️ ဦးဝင်းခိုင်ကို အဂတိလိုက်စားမှု တိုက်ဖျက်ရေးဥပဒေ ပုဒ်မ-၅၅ ဖြင့် အမှုဖွင့်တရားစီရင်ကာ ထောင်ဒဏ် ၂၈နှစ် ချမှတ်ခံခဲ့ထားခြင်းဖြစ်ပြီး မန္တလေးဆေးရုံကြီးသို့ပြောင်းရွှေ့ကုသမှုခံယူနေစဉ်အောက်တိုဘာလ၂၉ရက်က လွတ်ငြိမ်းသက်သာခွင့်ပေးလိုက်ကြောင်း သိရသည်။

▪️ သူ့တွင် နှလုံးသွေးကြောကျဉ်းရောဂါ ရှိနေသည့်အတွက် လွန်ခဲ့သော၂၀၂၃ ခုနှစ် ဇွန်လကလည်း မန္တလေးဆေးရုံကြီးသို့တက်၍ ကုသမှုခံယူခဲ့ရသေးကြောင်း သိရသည်။

#Yangon_Times/PP

#Local_News
Published 9 November 2024

မော်လမြိုင်မြို့ ၊ရိုးဂိုးကျေးရွာရှိ မင်းသန့် စက်သုံးဆီအရောင်းဆိုင် မီးလောင်မှုတွင် ဒဏ်ရာရခဲ့သည့် စက်သုံးဆီဆိုင်ရှင်၏ သားကို ရန်ကုန်ဆေးရုံကြီး၌ အတွင်းလူနာအဖြစ်  ဆေးကုသမှုခံယူနေပြီး ကျန်ဒဏ်ရာရရှိသူ ၂၁ဦးမှာ မော်လမြိုင်ဆေးရုံကြီး၌ ဆက်လက်ကုသမှုခံယူနေ ကြောင်းသိရသည်။

အဆိုပါ မီးလောင်မှုတွင် မီးငြှိမ်းသတ်နေသူ ၂၃ ဦးထိခိုက် ဒဏ်ရာရရှိခဲ့ပြီး ဆီဘောက်ဆာ ယာဉ်မောင်းတစ်ဦးသေဆုံးခဲ့ခြင်းဖြစ်သည်။

ထို့နောက် ကျန်ရှိသည့်  ဒဏ်ရာရရှိသူများတွင် ပါဝင်သော ဆိုင်ပိုင်ရှင်၏သားဖြစ်သူမှာ စိုးရိမ်ရသဖြင့် မော်လမြိုင် ဆေးရုံကြီးတွင် ကုသမှုခံယူနေရာမှ  နိုဝင်ဘာလ ၈ ရက် ညနေ ၅ နာရီခန့်က မော်လမြိုင်လေဆိပ်မှ စင်းလုံးငှားလေယာဉ်ဖြင့် ရန်ကုန်သို့ပို့ဆောင်ခဲ့ခြင်းဖြစ်သည်။

နိုဝင်ဘာ ၇ ရက်နေ့ ညနေပိုင်းက မော်လမြိုင်-မုဒုံသွားလမ်းမကြီး၊ ရိုးဂိုးကျေးရွာလမ်းဝရှိ မင်းသန့် စက်သုံးဆီဆိုင်အတွင်း ဆီဘောက်ဆာယာဉ်ဆီဖြည့်နေစဉ် မီးလောင်ကျွမ်းရာမှု ဖြစ်ပွားရာမှတဆင့် ပေါက် ကွဲမှုနှစ်ကြိမ်ဆက် တိုက်ဖြစ်ပွားခြင်းဖြစ်သည်။

အဆိုပါ ဖြစ်စဉ်ကြောင့် ဆီဆိုင်ပိုင်ရှင်သား၊ ဆီဘောက်ဆာ ယာဉ်မောင်း (‌သေဆုံး) ၊ မီးသတ် ဝန်ထမ်း ကိုးဦး၊လူမှုကူညီရေးအဖွဲ့ ငါးဖွဲ့ မှ ၁၂ဦး တို့ ထိခိုက်ဒဏ်ရာရရှိခဲ့ကြောင်းသိရသည်။

#YMG/NN #Yangon_Times

#World_Health
Published 09 November 2024

▪️ Ozempic နဲ့ Wegovy တို့လို ဆေးတွေဟာ အရိုးအဆစ်ရောင်ရောဂါ ပြင်းထန်သူတွေမှာ ဒူးနာခြင်းကို သိသိသာသာ လျှော့ချပေးနိုင်တယ်လို့ လေ့လာချက်ကြီးတစ်ခုမှာ တွေ့ရှိထားပါတယ်။

▪️ ဒီရောဂါဟာ အရိုးအစွန်ဘက်တွေမှာရှိတဲ့ အရိုးနုအလွှာမှာ ထိခိုက်ပျက်စီးတာကြောင့် အဓိကဖြစ်ပါတယ်။

▪️ အဆစ်ရောင်ရောဂါဟာ တင်ပါးဆုံးတွေမှာ အများဆုံးဖြစ်ပြီး ပေါင်ခြံနဲ့ တင်ပါးဘေးတို့မှာ နာကျင်ရသလို ဒူးဆစ်တွေမှာလည်း အဖြစ်များပြီး ဒူးရှေ့၊ ဘေးဘက်၊ နောက်ဘက်တို့မှာ နာကျင်တတ်လို့ NYU Langone မှ တင်ပါးနဲ့ဒူးအထူးကု ဒေါက်တာ ဗီနေးအက်ဂါဝယ်လ်က ပြောပါတယ်။

▪️ ဆီးချိုကုသဖို့ ထုတ်လုပ်ထားတဲ့ semaglutide ဆေးတွေဟာ အရိုးအဆစ်ရောင်လူနာတွေမှာ နာကျင်မှုကို သက်သာစေမယ်လို့ သုတေသီများ မျှော်လင့်ထားပါတယ်။

▪️ ရလဒ်တွေက ထင်ထားတာထက် ပိုပြီးကောင်းမွန်နေကြောင်း တွေ့ရှိထားပါတယ်။

▪️ တွေ့ရှိချက်အရ ဒူးနာခြင်းကို ၅၀ ရာခိုင်နှုန်းနီးပါးလောက် လျှော့ချနိုင်တာ တွေ့ရှိခဲ့တယ်လို့ ဒေါက်တာ ဘော့ကာတာက ပြောသွားပါတယ်။

▪️ ဒူးအဆစ်နာရောဂါ ခံစားနေရတဲ့ အဝလွန်လူနာ ၄၀၇ ဦးကို ထိုဆေးဝါးများထုတ်လုပ်တဲ့ နိုဗိုနော်ဒစ်ကုမ္ပဏီမှ စမ်းသပ်လေ့လာခဲ့ကြပါတယ်။

▪️ နာကျင်ခြင်းအမှတ်ကို ၁၀၀ သတ်မှတ်ရာမှာ စမ်းသပ်ပါဝင်သူတွေက ၇၀.၉ မှတ်လောက် နာကျင်ကြပါတယ်။

▪️ ဒီလိုနာကျင်မှုတွေကြောင့် သိပ်ပြီးလှုပ်ရှားမှု မလုပ်နိုင်ကြဘူးလို့ ဆိုပါတယ်။
အများအားဖြင့် အမျိုးသမီးတွေဖြစ်ကာ ပျမ်းမျှအသက် ၅၆ နှစ်နဲ့ ပျမ်းမျှခန္ဓာကိုယ် BMI ၄၀.၃ ရှိပါတယ်။

▪️ BMI ၃၀နဲ့အထက်ကို အဝလွန်တယ်လို့ သတ်မှတ်ပါတယ်။
Semaglutide သုံးစေတဲ့သူတွေဟာ ပျမ်းမျှကိုယ်အလေးချိန် ၁၃.၇ ရာခိုင်နှုန်း ကျဆင်းသွားပြီး နာကျင်မှုအတိုင်းအတာလည်း ကျဆင်းသွားတာကို အံ့အားသင့်ဖွယ် တွေ့ရှိခဲ့ကြပါတယ်။

▪️ နာကျင်မှု အမှတ်က ၄၁.၇ လျော့ကျသွားတယ်လို့ ဖော်ပြခဲ့ကြပါတယ်။
နာကျင်မှုကို ခွဲစိတ်ခြင်းဖြင့် ကုသနိုင်ပေမယ့် အလွန်အကုန်အကျ များတာကြောင့် ဒူးနာခြင်းအတွက် ထိရောက်တဲ့နည်းလမ်းတွေ လိုအပ်နေပါတယ်။

▪️ Semaglutide က အရိုးအဆစ်နာခြင်းကို ကုသရာမှာ နှစ်ဆလောက်ပိုထိရောက်ပြီး ကိုယ်အလေးချိန် လျော့စေတဲ့အပြင် ရောင်ရမ်းခြင်းကို လျှော့ချပေးပါတယ်။
Wegovy ဆေးဟာ ဆီးချို၊ နှလုံးရောဂါရှိသူတွေမှာ လေ့ကျင့်ခန်းလုပ်နိုင်စွမ်းကို တိုးတက်စေပြီး လေဖြတ်ခြင်း၊ နှလုံးသွေးကြောပြဿနာများကိုလည်း လျော့ကျစေနိုင်တယ်လို့ အထောက်အထား တွေ့ရှိထားပါတယ်။

#Source:New York Post

#World_Science
Published 09 November 2024
▪️ မားစ်ဂြိုဟ်(အင်္ဂါဂြိုဟ်)မှာ သက်ရှိများ နေထိုင်ခဲ့ဖွယ်ရှိတယ်လို့ သိပ္ပံပညာရှင်များ အချက်အလက်သစ် ရရှိထားပါတယ်။

▪️ အင်္ဂါဂြိုဟ်ဟာ လွန်ခဲ့တဲ့ နှစ်ဘီလီယံခန့်က သက်ရှိတွေ နေထိုင်ခဲ့ဖွယ်ရှိတဲ့ အထောက်အထားများကို ဖော်ပြလာပါတယ်။

▪️ ဒါဖြင့် တကယ်ရှိခဲ့တယ်ဆိုရင် ဘယ်တုန်းကပျောက်ကွယ်သွားကြတာလဲလို့ မေးစရာ ရှိလာပါတယ်။

▪️ မားစ်ဂြိုဟ်မှာ သက်ရှိများ ရှိနိုင်တဲ့ သံလိုက်စက်ကွင်းဟာ လွန်ခဲ့တဲ့ နှစ်ဘီလီယံမတိုင်ခင်အထိ ရှိနေခဲ့တယ်လို့ ဟားဗတ်ဒ် ကမ္ဘာမြေနှင့်ဂြိုဟ်သိပ္ပံဌာနမှ သုတေသီများ ဖော်ပြလာပါတယ်။

▪️ ဂရစ်ဖင်အနုပညာနှင့်သိပ္ပံကျောင်းမှ ကျောင်းသား ဆာရာစတီးလ်ဦးဆောင်ကာ မားစ်ဂြိုဟ်ရဲ့ သက်တမ်းနဲ့ သံလိုက်စက်ကွင်းတို့ကို ပုံစံတူသရုပ်ဖော်ခြင်း၊ ကွန်ပျူတာသရုပ်ဖော်ခြင်းတို့ဖြင့် လေ့လာခဲ့ပါတယ်။

▪️ မားစ်ဂြိုဟ်ရဲ့ သံလိုက်ဖြစ်ပေါ်ခြင်းနဲ့ အေးမြခြင်း စက်ဝန်းတို့ကို သရုပ်ဖော်ခဲ့ကာ အခြား သံလိုက်စက်ကွင်းများ မရှိချိန်မှာ ကျောက်တုံးပူများကြား မြစ်ဝှမ်းများ အစပြုခဲ့တယ်လို့ ဆိုပါတယ်။

▪️ မီးတောင်ဝများ ပေါ်ပေါက်ဖို့အတွက် သံလိုက်စက်ကွင်းများ စောစောပျောက်သွားဖို့ မလိုဘူးလို့လည်း ဆိုပါတယ်။

▪️ မားစ်ဂြိုဟ်ရဲ့ ဒိုင်နမိုမှာ မြောက်နဲ့ တောင်ဝင်ရိုးစွန်း နေရာပြောင်းသွားချိန်မှာ မီးတောင်ဝများ ဖြစ်ပေါ်တယ်လို့ ဆိုပါတယ်။

▪️ ကမ္ဘာသံလိုက်ဝင်ရိုးစွန်းတွေဟာလည်း နှစ်သိန်းချီကြာတိုင်း နေရာပြောင်းသွားကြကာ မားစ်ဂြိုဟ်ဒိုင်နမို စောစီးစွာ ပျက်စီးသွားရတဲ့ အကြောင်းကို ကောင်းကောင်း မသိရပါဘူး။

▪️ စကြဝဠာစနစ်တစ်ခုလုံး ဒီလိုဖြစ်ရတဲ့ အကြောင်းအရင်းကို သိရှိဖို့ ကြိုးစားနေကြတယ်လို့ စတီးလ်က ဆိုပါတယ်။

▪️ ဂြိုဟ်သံလိုက်စက်ကွင်းတွေက ဒီမေးခွန်းတွေကို ရှင်းပြနိုင်ဖွယ်ရှိနေပြီး ဂြိုဟ်တွေရဲ့ အတွင်းပိုင်းနဲ့ အစောပိုင်းသမိုင်းကြောင်းတို့ သိရှိနိုင်မယ့် နည်းလမ်းတွေပဲ ဖြစ်တယ်လို့ ပြောသွားပါတယ်။

#Source: WION

Published_8 Nov 2024

တရုတ်ပြည်သူ့သမ္မတနိုင်ငံသို့ ရောက်ရှိနေသည့် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီး ချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ယနေ့ နိုဝင်ဘာလ ၈ ရက် တွင် ချုံချင့်မြို့ရှိ စက်ရုံအလုပ်ရုံများ သို့သွားရောက်လေ့လာခဲ့ကြကြောင်း သိရသည်။

ချုံချင့်မြို့ရှိ Zhongyue Aviation UAV Firefignting-Drone Co.Ltd. ကုမ္ပဏီမှထုတ်လုပ်ထားသော လူမှု ကယ်ဆယ်ရေးလုပ်ငန်းများတွင် အသုံးပြုသည့် အဆင့်မြင့်ဒရုန်းများ ခင်းကျင်းပြသထားရှိမှုကို လိုက်လံ ကြည့် ရှုလေ့လာကြရာတွင်အထပ်မြင့်အဆောက်အဦများ၊ တောမီးလောင်ကျွမ်း မှုများနှင့် အခြားသော သဘာ ဝဘေး ကယ်ဆယ်ရေးလုပ်ငန်းတို့တွင် ဒရုန်းများအသုံးပြု၍ ပြုလုပ်ပုံအဆင့်ဆင့် ရှင်းလင်း တင်ပြကြပြီး ဒရုန်းဖြင့် မီးငြှိမ်းသတ်မှုကိုလက် တွေ့သရုပ်ပြသခဲ့ကြောင်း သိရသည်။

SERES မော်တော်ကားကုမ္ပဏီ ၊ Chongqing International Logistics Hub Park တို့ကို သွားရောက်ခဲ့ကြ ကြောင်း ၊ Chongqing International Logistics Hub Park တွင် တရုတ်-ဥရောပ-အနောက်နိုင်ငံ တို့ အကြား ကုန်စည်စီးဆင်းလျက်ရှိသည့် ကုန်းလမ်း၊ ရေလမ်း လမ်းပြမြေပုံ၊ ချုံချင့်မြို့၏ဖွံ့ဖြိုးတိုးတက်မှုသမိုင်း၊ ယန်စီမြစ် ပေါ်ရှိ ကုန်စည်စီးဆင်းမှုဆိပ်ကမ်းများနှင့် လမ်းပန်း ဆက်သွယ်ရေးနှင့် မြို့ပြပုံစံငယ် တို့ကို လေ့လာခဲ့ကြောင်း သိရသည်။

ယင်းနောက် Weima လယ်ယာစက်မှုထုတ်ကုန်ကုမ္ပဏီ၊Chongqing Planning Exhibition ပြတိုက်တို့ကိုသွား ရောက်ခဲ့ကြောင်း၊ ပြတိုက်သို့ရောက်ရှိချိန်တွင် ချုံချင့်မြို့၏ခေတ်အဆက်ဆက် ဖြစ် ပေါ်ပြောင်းလဲတိုးတက်ခဲ့မှု များ၊ ဒေသနေပြည် သူများ၏ လူနေ မှုဘဝအဆင့်အတန်းမြင့် မားတိုးတက်လာမှုနှင့် ရိုးရာယဉ်ကျေးမှုပုံစံများ၊ မြို့ပြပုံစံငယ်များ၊ ကဏ္ဍပေါင်းစုံမှ ဖွံ့ဖြိုးတိုးတက်နေမှုကိုဖော်ပြထားသည့် အထူးပြုလုပ်ချက်ဗီဒီယိုများစ သည် ဖြင့်ပြကွက်တစ်ခုချင်းစီအလိုက် ကြည့်ရှုခဲ့ကြောင်း သိရသည်။

ညပိုင်းတွင် ချုံချင့်မြို့ရှိ Yuantongsi သင်္ဘောဆိပ်သို့ ရောက်ရှိပြီး ယန်စီမြစ် အတွင်းသင်္ဘောစီး၍ လေ့လာ ခဲ့ကြကြောင်းနှင့် သင်္ဘောပေါ်တွင် လိုက်ပါလာသည့် ချုံချင့်မြို့မှ စီးပွားရေးလုပ်ငန်းရှင်များအားတွေ့ဆုံကာ တရုတ်-မြန်မာ စီးပွားရေး ဆိုင်ရာ ပူးပေါင်းဆောင်ရွက်မှုများနှင့် ရင်းနှီးမြှုပ်နှံမှုများကို တိုးမြှင့်ဆောင်ရွက်သွားနိုင် မည့် အခြေအနေများနှင့် ပတ်သက်၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေး ခဲ့ကြကြောင်း သိရသည်။

Yangon_Times/PP