စက်တင်ဘာ ၁၈၊၂၀၂၄

နေပြည်တော်၊ တပ်ကုန်းမြို့နယ်၊ ကြက်သွန်ခင်းကျေးရွာအုပ်စု၊ချောင်းခြားကျေးရွာရှိ  သဘာဝဘေးဒဏ် ခံစားနေရသည့် ပြည်သူများသည် အလှူရှင်များမှ လာရောက်လှူဒါန်းသော အစားအသောက်များစားမိ   သဖြင့် အစာအဆိပ်သင့်ရောဂါများဖြစ်ပွားခဲ့ရာ  ဆေးရုံများသို့ တင်ပို့ကုသခဲ့ရကြောင်း နစက သတင်း  ထုတ် ပြန်ချက်အရသိရပါတယ်။

အဆိုပါ ချောင်းခြားကျေးရွာတွင် စက်တင်ဘာ ၁၇ ရက်နေ့၊ နံနက် (၁၀:၀၀)နာရီခန့်တွင် အလှူရှင်များမှ လာရောက်လှူဒါန်းသော ဒံပေါက်၊ ကြက်သားအာလူးဟင်း၊ ဘဲဥခရမ်းချဉ်သီးချက်များအား စားသောက်

ပြီးနောက် ယင်းနေ့၊ ညနေပိုင်းတွင် ဝမ်းလျှောခြင်း၊ အော့အန်ခြင်းအစရှိသော အစာအဆိပ်သင့်ရောဂါ လက္ခဏာများ ဖြစ်ပွားခဲ့တာဖြစ်ပါတယ်။

ရောဂါဖြစ်ပွားခဲ့သူတွေကို ဆေးရုံများသို့ တင်ပို့ခဲ့ရာတပ်ကုန်းမြို့နယ် ခုတင် (၁၀၀) ပြည်သူ့ဆေးရုံတွင် ပြင်ပလူနာအဖြစ် (၅၀)ဦး၊ အတွင်းလူနာအဖြစ် (၅၆)ဦး၊ ကလေးရောဂါအထူးကုဆေးရုံကြီး-နေပြည်တော်တွင်အတွင်းလူနာအဖြစ် (၅)ဦး၊ နေပြည်တော်ပြည်သူ့ဆေးရုံကြီး (ခုတင်-၃၀၀)တွင် အတွင်းလူနာအဖြစ်(၄)ဦး တက်ရောက်ကုသမှုခံယူလျက်ရှိပြီး လူနာများ အခြေအနေမှာ သက်သာ ကောင်းမွန်လျက်ရှိတယ်လို့ သတင်းထထုတ်ပြန်ချက်မှာဖော်ပြထားပါတယ်။

သတင်းရရှိလျင်ရရှိခြင်း စက်တင်ဘာ ၁၇ ရက် ညနေပိုင်းတွင် ရောဂါဖြစ်ပွားရာ ချောင်းချားကျေးရွာသို့ တပ်ကုန်းမြို့နယ် ခုတင် (၁၀၀) ပြည်သူ့ဆေးရုံမှ ဆရာဝန်တစ်ဦး ဦးဆောင်သော အရေးပေါ်တုံ့ပြန်  ဆောင်ရွက်ရေးအဖွဲ့ (၁)ဖွဲ့၊ တပ်ကုန်းမြို့နယ်ပြည်သူ့ကျန်းမာရေးဦးစီးဌာနမှ ကျန်းမာရေးမှူး(၁) ဦး   ဆောင်သော အရေးပေါ်တုံ့ပြန် ဆောင်ရွက်ရေးအဖွဲ့ (၁)ဖွဲ့၊ ညောင်လွန့် ကျေးလက်ကျန်းမာရေးဌာန မှ ကျန်းမာရေးမှူး(၂) ဦးဆောင်သော အရေးပေါ်တုံ့ပြန်ဆောင်ရွက်ရေးအဖွဲ့ (၁)ဖွဲ့၊ စက်တင်ဘာ ၁၈ ရက်  ရက်နေ့တွင် နေပြည်တော်ပြည်သူ့ ကျန်းမာရေးဦးစီးဌာနမှ လက်ထောက်ညွှန်ကြားရေးမှူး(ကူးစက်) ဦး   ဆောင်သော အရေးပေါ်တုံ့ပြန်ဆောင်ရွက်ရေးအဖွဲ့ (၁)ဖွဲ့၊ နေပြည်တော်ပြည်သူ့ဆေးရုံကြီး (ခုတင်-၃၀၀)မှ ဆရာဝန်တစ်ဦး ဦးဆောင်သော ဆေးအဖွဲ့ (၁)ဖွဲ့၊ တပ်ကုန်းမြို့နယ် ပြည်သူ့ကျန်းမာရေး   ဦးစီး   ဌာနမှ ကျန်းမာရေးမှူး (၁) ဦးဆောင်သော အရေးပေါ်တုံ့ပြန် ဆောင်ရွက်ရေးအဖွဲ့(၁)ဖွဲ့တို့မှ ကွင်းဆင်း၍ ရောဂါကာကွယ်ထိန်းချုပ်ရေးလုပ်ငန်းများကို ဆောင်ရွက်လျက်ရှိတယ်လို့လည်းသိရပါတယ်။

သဘာဝဘေးဒဏ်ခံစားရသော ပြည်သူများအား အစားအသောက်များ လှူဒါန်းရာတွင် အလှူရှင်များ  အနေဖြင့် ပူပူနွေးနွေး ပြင်ဆင်ထားသည့် သန့်ရှင်းသော အစားသောက်များအား ပြင်ဆင်ပေးပို့ လှူဒါန်းကြရန်နှင့် ကြီးကြပ်ရေးအဖွဲ့၊ စီမံခန့်ခွဲမှုအဖွဲ့များနှင့် ဆက်သွယ်၍ ဆောင်ရွက်ရန်၊ယာယီ ကယ်ဆယ်ရေးစခန်းများတွင် တာဝန်ယူဆောင်ရွက်နေကြသော စီမံခန့်ခွဲမှုအဖွဲ့နှင့် ကျန်းမာရေး ဝန်ထမ်းများမှ စခန်းများတွင် လှူဒါန်းကြသော အစားအသောက်များအား ကျန်းမာရေးနှင့်ညီညွတ် စေရန်နှင့် သန့်ရှင်းမှုရှိစေရန် ကြီးကြပ်ဆောင်ရွက်ခြင်းတို့ကို ဆောင်ရွက်ပေးကြပါရန်ကျန်းမာရေး ဌာနမှ တိုက်တွန်းနှိုးဆော်ထားပါတယ်။

#ymg/knl

#Local_News
Published 18 September 2024

▪️ မန္တလေးတိုင်းဒေသကြီး၊ အမရပူရမြို့နယ်၊ မြစ်ငယ်မြို့၊ တောင်ကိုင်းကျေးရွာအနီး၌ အင်ဂျင်ဝိုင်သိုလှောင်ဆိုင် မီးလောင်မှုဖြစ်ပွားတစ်ခုဖြစ်ပွားခဲ့ကြောင်း မန္တလေးတိုင်းဒေသကြီး၊ မီးသတ်တပ်ဖွဲ့ မှ သိရသည်။

▪️ စက်တင်ဘာ ၁၈ ရက်နေ့ မနက်၁၀နာရီ  ၄၅ မိနစ်အချိန်ခန့်က  မန္တလေးတိုင်းဒေသကြီး၊ အမရပူရမြို့နယ် မြစ်ငယ်မြို့ တောင်ကိုင်းကျေးရွာတွင် မီးလောင်မှုဖြစ်ပွားခဲ့ခြင်းဖြစ်ကြောင်း သိရသည်။

▪️ "မြစ်ငယ်၊ တောင်ကိုင်းရွာအနီး အင်ဂျင်ဝိုင်သိုလှောင်ဆိုင် မီးလောင်မှုဖြစ်ပွားတာပါ၊ ထိစပ်မီးသတ်ယာဥ်များထွက်ခွာငြိမ်းသတ်ခဲ့ပါတယ်၊ Leve (1) အဆင့်ပါ၊" ဟု မန္တလေးတိုင်းဒေသကြီး ၊မီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။

▪️ အဆိုပါ သတင်းရရှိသဖြင့် အမရပူရမြို့နယ်မီးသတ်စခန်းမှ မီးသတ်ယာဉ်များ မှ၁၁ နာရီ၀၅ မိနစ် အချိန်တွင် Level 1 ယာဉ်အုပ်စု ထွက်ခွာငြှိမ်းသတ်ခဲ့ရာ ၁၁ နာရီ၁၆ မိနစ်အချိန်၌  မီးထိန်း၍ ၁၁ နာရီ ၂၀မိနစ် အချိန်၌ မီးငြိမ်းခဲ့ကြောင်း သိရသည်။

#YMG/NN #Yangon_Times

#World_Politics
Published 18 September 2024

▪️ ဒေါ်နယ်အိုဝင်လို့ခေါ်တဲ့ အသက် ၇၁ နှစ်အရွယ် အငြိမ်းစားတစ်ဦးက အမေရိကန်သမ္မတဟောင်း ဒေါ်နယ်ထရမ့်ကို ထောက်ခံသူဖြစ်ပြီး တစ်ယောက်ယောက်က ထရမ့်ကို ပစ်သတ်မယ်ဆိုရင် သူ့ရှေ့ကနေ အရင်ဆုံးပြေးကာပေးသွားမယ်လို့ ပြောသွားပါတယ်။

▪️ ပြီးခဲ့တဲ့ ရက်သတ္တပတ်အကုန်က ထရမ့်ကို လုပ်ကြံဖို့ကြိုးပမ်းမှုတစ်ခု ဖြစ်ပျက်ပြီးနောက် ဒေါ်နယ်ထရမ့် ပထမဆုံးစည်းရုံးရေးပွဲသို့ ထောက်ခံသူအများအပြား ရောက်လာကြကာ သမ္မတဟောင်း ထပ်မံလုပ်ကြံခံရမှာကို စိုးရိမ်နေကြပါတယ်။

▪️ မီချီဂန်ပြည်နယ်မှ မော်တော်ယာဉ်လုပ်သားဟောင်း အိုဝင်က သူ့အသက်ထက် ထရမ့်ရဲ့အသက်က ပိုအရေးကြီးတယ်လို့ ပြောလိုက်ကာ စည်းရုံးရေးပွဲပြုလုပ်နေတဲ့ ဖလင့်မြို့တော်ခန်းမသို့ အင်္ဂါနေ့ညနေမှာ ရောက်ရှိနေပါတယ်။

▪️ ဇူလိုင်လက ထရမ့်လုပ်ကြံခံရစဉ် လက်သီးလက်မောင်းတန်းပြီး နားရွက်မှာ သွေးထွက်နေတဲ့ နာမည်ကြီးပုံပါတဲ့ အင်္ကျီကို ဝတ်ဆင်ထားကာ ဒီလိုဖြစ်ပျက်ရခြင်းအတွက် အိုဝင်က ဒီမိုကရက်တွေကို တာဝန်ယူခိုင်းပါတယ်။

▪️ ထရမ့် ဒုတိယအကြိမ် သမ္မတဖြစ်မလာအောင် လုပ်ကြံချင်နေကြတယ်လို့ ထင်မြင်ကြောင်း အိုဝင်က ပြောပါတယ်။

▪️ တနင်္ဂနွေနေ့က ဖလော်ရီဒါရှိ ဂေါက်ကွင်းအနီးမှာ လုပ်ကြံကြိုးပမ်းမှုတစ်ခု အထမမြောက်ခဲ့ပြီးနောက် ထရမ့်က သမ္မတဂျိုးဘိုင်ဒင်နဲ့ ဒီမိုကရက် ရွေးကောက်ပွဲပြိုင်ဘက် ကာမယ်လာဟားရစ်တို့ကို အပြစ်တင်လိုက်ပါတယ်။

▪️ ထရမ့်အနိုင်ရမယ်ဆိုတာသိလို့ သူတို့တတ်နိုင်သလောက် လုပ်နေကြတယ်လို့ ဂျွန်ရပ်ဆဲလ်ဆိုတဲ့ မဲပေးသူတစ်ဦးကလည်း ပြောပါတယ်။

▪️ နိုဝင်ဘာလရွေးကောက်ပွဲ အဆုံးအဖြတ် ပေးနိုင်ဖွယ်ရှိတဲ့ အဓိကပြည်နယ်ကြီး ၇ ခုထဲက တစ်ခုဖြစ်တဲ့ မီချီဂန်မှ မြို့တော်ခန်းမကို ရပ်ဆဲလ်တက်ရောက်လာတာ ဖြစ်ပါတယ်။

▪️ ၂၀၁၆ ခုနှစ် ထရမ့်အနိုင်ရစဉ်ထဲက ထောက်ခံလာတဲ့ အသက် ၄၂ နှစ်အရွယ် ရေချယ်လ်ကူးပါးကတော့ ပထမဆုံးအကြိမ် တက်ရောက်လာပါတယ်။

▪️ ထရမ့်က ပြည်သူတွေအတွက် လုပ်ဆောင်နေတာ ဖြစ်ကြောင်း၊ ဈေးနှုန်းတွေ ကျဆင်းဖို့ လိုအပ်ကြောင်း၊ လုံခြုံရေးတွေ စောင့်ကြပ်နေတဲ့အတွက် ပွဲကိုလာရတာ မကြောက်ရွံ့ကြောင်း ပြောသွားပါတယ်။

▪️ အသက် ၅၃ နှစ်ရှိ ဖော့ခ်နာကတော့ နှစ်ဖက်စလုံးက အမုန်းတရားတွေ ဖြေလျှော့သင့်ပြီလို့ ပြောပါတယ်။

▪️ ရက် ၆၀ အတွင်း နှစ်ကြိမ်လုပ်ကြံခံရပေမယ့် ထရမ့်က မားမားမတ်မတ် ရပ်တည်နေဆဲဖြစ်ပြီး ချီးကျူးထိုက်တယ်လို့ ပြောသွားပါတယ်။

#Source: Barron's

#Local_News
Published_18 Sept 2024

▪️ ရေကြီးနစ်မြုပ်မှုကြောင့်နေပြည်တော်ကောင်စီ နယ်မြေ၊ ကယားပြည်နယ်၊ ကရင်ပြည်နယ်၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်၊ ရှမ်းပြည်နယ်နှင့် ဧရာဝတီတိုင်းဒေသကြီး တို့တွင် ၂၂၆ ဦးသေဆုံးခဲ့ပြီး ပျောက်ဆုံးသူ ၇၇ ဦး၊ ရေစီးဖြင့်မျောပါသူ ၁၂ ဦး၊ ဒဏ်ရာ ရရှိသူ ၄၇ ဦးရှိကြောင်း ယနေ့ စက်တင်ဘာလ ၁၇ ရက်တွင်ပြုလုပ်သော သဘာဝဘေးအန္တရာယ်စီမံခန့်ခွဲမှုဆိုင်ရာအစည်းအဝေးက သိရသည်။

▪️ ယင်းအပြင်လူနေအိမ် ၁၉၁၅ လုံး လုံးဝပျက်စီးခဲ့ ပြီး ၂၀၁ လုံးမှာ တစ်စိတ်တစ်ပိုင်းပျက်စီးခဲ့ကြောင်း၊ ရေဝင် နစ်မြုပ်မှုမှာ ၁၅၈၃၄၃ လုံးရှိကြောင်း၊ ယာယီဒုက္ခသည်စခန်းများတွင် ၁၆၃၅၇၃ ဦးရောက်ရှိလျက်ရှိပြီး ဆွေမျိုးများအိမ်တွင် သွားရောက်နေထိုင်သူ ၂၃၄၅၃၅ ဦးရှိကြောင်း သိရသည်။

▪️ အဆိုပါရေဘေးသင့်သူများအတွက် ထိုက်သင့်သည့် ထောက်ပံ့မှုများကိုဆောင်ရွက်ပေးသွားမည် ဖြစ်ပြီး အသင့်စားခေါက်ဆွဲများအပါအဝင်အခြားစားသောက်ဖွယ်ရာများကို ထောက်ပံ့ပေးသွားမည်ဖြစ်ကြောင်း သိရသည်။

▪️ တိုင်ဖွန်းမုန်တိုင်း ရာဂီ၏အရှိန်ကြောင့် မြန်မာနိုင်ငံရှိတိုင်းဒေသကြီးနှင့် ပြည်နယ် ၉ ခုတို့၌ မိုးသည်ထန်စွာ ရွာသွန်းမှုများဖြစ်ပေါ်ခဲ့ပြီး သဘာဝဘေးအန္တရာယ်များဖြစ်ပေါ်ခဲ့မှု၊ မိုးကြီးခြင်း၊ ရေကြီးရေလျှံခြင်း၊ လမ်းတံတားများ၊ တာတမံများထိခိုက်ပျက်စီးခြင်း၊ ကမ်းပြိုခြင်းများဖြစ်ပေါ်ခဲ့ကြောင်း သိရသည်။

▪️ ရေကြီးရေလျှံမှုများကြောင့် ပျက်စီးသွားသော မီးရထားလမ်းများနှင့် တံတားများ ပြန်လည်ပြင်ဆင်နိုင်ရေး စီစဉ်နေပြီး မိုဘိုင်းဆက်သွယ်ရေးတာဝါတိုင်များ ကောင်းမွန်ရေးဆောင်ရွက်ပေးလျက်ရှိကြောင်း သိရသည်။

▪️ အစည်းအဝေးတွင်နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌက ကယ်ဆယ်ရေးအဖွဲ့များအနေဖြင့် ရှင်းလင်း ရေးလုပ်ငန်းများ ဆောင်ရွက်ရာတွင် လမ်းပန်းဆက်သွယ်မှုကို အနှောင့်အယှက်ဖြစ်စေမည့်အရာများကို အမြန်ဆုံးရှင်းလင်းရန်၊ အလှူငွေများ လက်ခံရာတွင်လည်း ကော်မတီအနေဖြင့် စနစ်တကျ စီမံခန့်ခွဲရန်၊ အစားအသောက်များ လှူဒါန်းမှုကိုလက်ခံ ရာတွင်လည်း သန့်ရှင်းလတ်ဆက်သည့် အစားအသောက်များဖြစ်ရန်၊ လမ်းပန်းဆက်သွယ်ရေး မပြတ်တောက်စေရေးအတွက် ပျက်စီးခဲ့သည့် လမ်း၊ တံတားများကို အမြန်ဆုံးပြန်လည်ပြုပြင် တည်ဆောက်ရန်၊ မိုးလေဝသသတင်းများကိုလည်း ပြည်သူများရှင်းလင်းစွာဖြင့် အချိန်တိုအတွင်နားလည် မှုလွယ်ကူ စေရေး ထုတ်ပြန်ရန် ၊သစ်များထုတ်လုပ်လျက်ရှိသည့် သစ်ဆိပ်များတွင် သစ်များ ခုတ်ယူထားရှိပြီး သယ်ယူရန်ကျန်ရှိနေသည့် သစ်လုံးများမှာရေစီးဖြင့် မျောပါလာခဲ့သည့်အတွက် ထိခိုက်မှုများဖြစ် ပေါ်စေခဲ့ သောကြောင့်သစ်ထုတ်လုပ်မှုများပြုလုပ်ရာတွင် ခုတ်ယူထားသည့်သစ်များကို သစ်ကွင်းများ၌ မကျန်ရှိမှုမရှိစေရေး သတ်မှတ်သစ်ဆိပ်နေရာများသို့ မိုးမကျမီ သယ်ဆောင်ထားရန်ပြောကြားခဲ့ကြောင်း သိရသည်။

▪️ ယင်းအပြင် တရားမဝင်သစ်ထုတ်လုပ်မှုများမရှိစရေး ပူးပေါင်းအဖွဲ့များဖြင့် တားမြစ်ရန် ၊ရေများကျဆင်းချိန်တွင် ကျောက်ထုတ်စခန်းများမှ ကျောက်များမှာ ရေစီးဖြင့် မျောပါလာခဲ့သည့်အတွက် အန္တရာယ်ရှိသောကြောင့် သဘာဝဘေးအန္တရာယ်ကို ကြိုတင်တွက်ဆ၍ လုပ်ငန်းများကို ဆောင်ရွက်သွားရန်၊ပျက်စီးသွားသည့် သီးနှံများကို စနစ်တကျပြန်လည်စိုက်ပျိုးသွားရန်နှင့် လိုအပ်သည့် စိုက်ပျိုးရေးထောက်ပံ့ငွေများနှင့် စိုက်ပျိုးရေးချေးငွေများ ပေးအပ်နိုင်ရေးအတွက် စီစဉ်ဆောင်ရွက်သွားရန်၊ ကုန်စည်စီးဆင်းမှုများ ကောင်းမွန်ချောမွေ့စေရေးအတွက်လည်း မီးရထားလမ်းများ ပြန်လည်ကောင်းမွန်စေရေး ပြင်ဆင်ဆောင်ရွက်သွားရန်လိုကြောင်း ဖြင့် မှာကြားခဲ့ကြောင်း သိရသည်။

▪️ အောက်တိုဘာလ ၁ ရက်တွင် လူဦးရေနှင့် အိမ်အကြောင်းအရာသန်းခေါင်စာရင်းကောက်ယူခြင်း လုပ်ငန်း များကို ဆောင်ရွက်တော့မည်ဖြစ်သောကြောင့် ကူညီကယ်ဆယ်ရေးစခန်း များရှိ ပြည်သူများအား နေရပ်များသို့ အတတ်နိုင်ဆုံးအမြန်ဆုံး ပြန်လည်နေထိုင်နိုင်ရေးဆောင်ရွက်ပေးသွားရန်၊ ကူညီကယ်ဆယ်ရေးနှင့်ပတ်သက်၍ ပျက်စီးမှုအနည်း၊ အများအလိုက်ဦးစားပေးအဆင့်သတ်မှတ်ပြီး အမြန်ဆုံးပြီးစီးစေရန်နှင့် အချိန်အကြာဆုံး ၆ လတာကာလအတွင်း ပြီးစီးစေရေး ဆောင်ရွက်သွားရန်၊ ပိတ်ထားရသည့် ကျောင်းများကိုလည်း အမြန်ဆုံးဖွင့်လှစ်ပေးနိုင်ရေး ဆောင်ရွက်သွားရန်၊ ကျောင်းပြန်လည်ဖွင့်လှစ်ချိန်တွင် သင်ခန်းစာများလစ်ဟင်းမှု မရှိစေရေး အချိန်ပိုများ သင်ကြားပေးရန်၊ ကျောင်းပိတ်ရက် အလွန်များပြားသွားမည်ဆိုပါက နွေရာသီတွင် ပြန်လည်သင်ကြားပေးနိုင်ရေး စီမံသွားရန်တို့ကို ပြောကြားခဲ့ကြောင်း သိရသည်။

#Yangon_Times/PP

#World_Health
Published 18 September 2024

▪️ အနိုင်ကျင့်ခံရတယ်ဆိုတာ ကလေးအတွက်ရော မိဘအတွက်ပါ စိတ်ပျက်စရာ ကောင်းပါတယ်။
ဒါကိုဖြေရှင်းဖို့ စိတ်ရှည်ရှည်နဲ့ ကလေးတွေကို ထောက်ပံ့အားပေးဖို့ လိုအပ်ပါတယ်။

▪️ အနိုင်ကျင့်ခံရတဲ့အခါ ကလေးတွေမှာ စိတ်ခံစားချက် အမာရွတ်ဖြစ်နိုင်ပြီး စိုးရိမ်ပူပန်ခြင်း၊ စိတ်ဓာတ်ကျခြင်းတို့ ဖြစ်စေနိုင်ပါတယ်။

▪️ မိမိကိုယ်ကို ယုံကြည်မှုနဲ့ လူမှုရေးပိုင်း တိုးတက်မှုကို ထိခိုက်စေပါတယ်။
မိဘတွေအနေနဲ့ ကလေးတွေကို စိတ်ပိုင်းဆိုင်ရာ ထောက်ပံ့အားပေးပါမှ ယုံကြည်ချက်နဲ့ ခံနိုင်ရည်စွမ်း ရရှိစေလာမှာ ဖြစ်ပါတယ်။

ဒီအတွက် နည်းလမ်းတွေကတော့..

▪️ (၁) လုံခြုံစိတ်ချစွာဖွင့်ပြောနိုင်အောင် အားပေးပါ
သင့်ကလေးက ဘာတွေဖြစ်နေလဲဆိုတာကို စိတ်ချလက်ချ ပြောနိုင်မှ စိတ်သက်သာရာ ရပါမယ်။
ဒါကြောင့် ပွင့်ပွင့်လင်းလင်း ပြောနိုင်အောင် အားပေးထောက်ပံ့သင့်ပါတယ်။

▪️ ကလေးတွေက သူတို့အနိုင်ကျင့်ခံရတာကို ပြန်ပြောရမှာ ကြောက်ရွံ့ရှက်တတ်ကြပါတယ်။
ဒါကြောင့် ကလေးဘက်ကနေ ရပ်တည်ဖို့အသင့်ရှိနေတယ်ဆိုတာကို သေချာသိအောင် အားပေးသင့်ပါတယ်။

▪️ (၂) ကျောင်းနှင့်ပူးပေါင်းဆောင်ရွက်ပါ
အနိုင်ကျင့်ခံရတဲ့ ပြဿနာကို ဖြေရှင်းဖို့ ကလေးတက်တဲ့ကျောင်းနဲ့ ပူးပေါင်းဖို့လိုပါတယ်။

▪️ ကျောင်းတွေမှာ အနိုင်ကျင့်ခြင်းကို ဖြေရှင်းဖို့ မူဝါဒတွေရှိတတ်ပြီး စောင့်ကြည့်ဖို့အတွက် ကျောင်းထိန်းသိမ်းရေးအဖွဲ့တွေ ရှိကြပါတယ်။

▪️ ဒါမှသာ ကျောင်းတွေက စည်းကမ်းအရ အရေးယူပြီး ဆရာများကလည်း ကလေးလုံခြုံအောင် ထောက်ပံ့နိုင်မှာ ဖြစ်ပါတယ်။

▪️ (၃) ကလေးကို ယုံကြည်ချက်မြှင့်တင်ပေးပါ
အနိုင်ကျင့်ခံရပြီးနောက် ကလေးယုံကြည်မှု ပြန်ရစေမယ့် နည်းလမ်းတွေ ပြုလုပ်ပေးဖို့ အရေးကြီးပါတယ်။

▪️ ပြင်ပလှုပ်ရှားသွားလာခြင်းက ကလေးတွေကို စိတ်အင်အားမြှင့်တင်ပေးပြီး ယုံကြည်ချက်ကို ပြန်ရစေပါတယ်။

▪️ အပေါင်းအဖွဲ့များနဲ့ ပြောဆိုဆော့ကစားခြင်း၊ အားကစား ဂီတ အနုပညာများ ပြုလုပ်ခြင်းတို့ လုပ်ခိုင်းသင့်ပါတယ်။

▪️ (၄) စိတ်ပိုင်းဆိုင်ရာကြံ့ခိုင်အောင် သင်ကြားပေးပါ
အနိုင်ကျင့်ခံရခြင်းကို ထိရောက်စွာ ခံနိုင်ရည်ရှိအောင် ကူညီသင်ကြားသင့်ပါတယ်။
ဒါမှသာ အနိုင်ကျင့်ခံရခြင်းရဲ့ သက်ရောက်မှုကို လျှော့ချနိုင်မှာ ဖြစ်ပါတယ်။

▪️ စိတ်ပိုင်းဆိုင်ရာ ကြံ့ခိုင်မှုရှိမှသာ အနိုင်ကျင့်ခံရခြင်းကို ခံနိုင်ရည်ရှိပြီး မလိုလားအပ်တဲ့ အန္တရာယ်တွေ လျှော့ချနိုင်မှာ ဖြစ်ပါတယ်။

▪️ (၅) အွန်လိုင်းအနိုင်ကျင့်ခြင်းကိုလည်း စောင့်ကြည့်ပါ
ဒီဂျစ်တယ်ခေတ်ကြီးမှာ ကျောင်းတွေမှာသာ အနိုင်ကျင့်ခံရတာ မဟုတ်ဘဲ အွန်လိုင်းမှာလည်း ဖြစ်တတ်ပါတယ်။

▪️ ကလေးတွေ အွန်လိုင်းအသုံးပြုခြင်းကို သတိထားစောင့်ကြည့်သင့်ပြီး ကလေးတွေက အွန်လိုင်းကနေ မသင့်လျော်တာကို မဖြေရှင်းတတ်ကြပါဘူး။

▪️ ဒါကြောင့် သူတို့အသုံးပြုတဲ့ အွန်လိုင်းလှုပ်ရှားမှုတွေကို စောင့်ကြည့်ကာ ကိုယ်ပိုင်ကန့်သတ်မှုများ ထားရှိရပါမယ်။

▪️ (၆) ကျွမ်းကျင်သူအကူအညီရယူပါ
ကလေးမှာ အနိုင်ကျင့်ခံရခြင်းရဲ့ သက်ရောက်မှု ဆက်ရှိနေရင် ကျွမ်းကျင်သူထံမှ အကူအညီရယူသင့်ပါတယ်။

▪️ ဒီလိုမဟုတ်ပါက ဒီဒဏ်ကို ကြာရှည်ခံရတဲ့အခါ စိတ်ပိုင်းဆိုင်ရာ ပြဿနာများ ခံစားရနိုင်ပါတယ်။

▪️ မိဘတွေရဲ့ ထောက်ပံ့အားပေးမှုက ကလေးတွေရဲ့ စိတ်ပိုင်းဆိုင်ရာ အခြေအနေကို လုံခြုံစိတ်ချရစေတယ်ဆိုတာကို သတိရနေသင့်ပါတယ်။

#Source: DoctorNDTV

#World_News
Published 18 September 2024

▪️ ၂၀၂၃ ခုနှစ်က ဂရင်းလန်းမှာ တောင်ထိပ်တစ်ခု ပင်လယ်ထဲသို့ ပြိုကျခဲ့ပြီး မီတာ ၂၀၀ အနက်အထိ ဧရာမဆူနာမီလှိုင်းကြီး ဖြစ်ပွားခဲ့ပါတယ်။

▪️ လှိုင်းရိုက်ခတ်မှု ကြီးမားလွန်းသဖြင့် ဒစ်ဆန်ဂျော့မှာ ၉ ရက်ကြာအောင် လှုပ်ခတ်နေခဲ့ပါတယ်။
ဒီဖြစ်ရပ်ကြောင့် ငလျင်လှိုင်းများဖြစ်ပေါ်ပြီး ကမ္ဘာ့မြေအပေါ်ယံလွှာကို ဖြတ်သန်းကာ ၉ ရက်ဆက်တိုက် လှုပ်ခတ်ခဲ့ပါတယ်။

▪️ ၂၀၂၃ တုန်းက ထူးဆန်းတဲ့ ငလျင်အချက်ပြမှုတွေကို ရရှိခဲ့ကြပေမယ့် ဘာဖြစ်မှန်း မသိခဲ့ကြပါဘူး။

▪️ နိုင်ငံတကာ သိပ္ပံပညာရှင်များအဖွဲ့က ဒါကိုဖြေရှင်းဖို့ ဆုံးဖြတ်ခဲ့ကြပြီး မူလငလျင်အချက်မှုကနေ စတင်ကာ ဂရင်းလန်းရှိ ဆူနာမီလှိုင်းများအထိ ခြေရာခံခဲ့ကြပါတယ်။

▪️ အားလုံးက မြေပြိုတာနဲ့ ဆက်စပ်နေမယ်လို့ပဲ ထင်ခဲ့ကြကာ တကယ့်အကြောင်းအရင်းကို မသိခဲ့ကြဘူးလို့ ဒိန်းမတ်နှင့် ဂရင်းလန်း ဘူမိစစ်တမ်းမှ ဘူမိဗေဒပညာရှင် ခရစ္စရှန်စဗန်းဗစ်က ပြောပါတယ်။

▪️ ပြိုကျလာတဲ့ ကျောက်တုံးတွေ ရေခဲတွေက အိုလံပစ်ရေကူးကန် ၁ သောင်းအရွယ်အစားလောက် ရှိခဲ့ပြီး ပေ ၂၀၀ နက်တဲ့ ဧရာမဆူနာမီကြီး ဖြစ်ပေါ်ခဲ့ကာ ၉ ရက်အတွင်း အကြိမ် ၁ သောင်းလောက် လှုပ်ခတ်ခဲ့ပါတယ်။

▪️ ဒီဆူနာမီဟာ ၂၀၀၄ ခုနှစ်က အင်ဒိုနီးရှားနဲ့ ၂၀၁၁ ခုနှစ်က ဂျပန်မှာ ဖြစ်ပွားတဲ့ ပင်လယ်ရေအောက်ငလျင်တွေထက် အဆပေါင်းများစွာ ပိုနက်ပါတယ်။

▪️ ၁၅ နိုင်ငံရှိ အဖွဲ့အစည်း ၄၀ လောက်မှ သိပ္ပံပညာရှင် ၆၆ ယောက်ဟာလည်း ထိုအချက်ပြမှုရဲ့ ရင်းမြစ်ကိုရှာဖွေခဲ့ကြပါတယ်။

▪️ ရာသီဥတုဖောက်ပြန်မှုကြောင့် တစ်ကမ္ဘာလုံး ပူနွေးလာရာမှာ ရေခဲပြင်များ ပါးလွှာလာပြီး တောင်ထိပ်တွေ တောင့်မခံနိုင်တော့ပါဘူး။

▪️ ဒီလိုဖြစ်တာဟာ နောက်ဆုံးအကြိမ် မဖြစ်နိုင်ဘဲ ဆက်လက်ပူနွေးနိုင်တာကြောင့် ရေခဲပြင်တွေ ဆက်လက်ပါးလာကာ ကမ္ဘာ့ဝင်ရိုးစွန်းတွေ တောင်တန်းတွေမှာ ဒီထက်ပိုပြီး ကြီးကြီးမားမား ဖြစ်နိုင်ခြေရှိတယ်လို့ သိပ္ပံပညာရှင်များ ဆိုပါတယ်။

#Source: WION

သက်ကြီးရွယ်အိုများပြားလာခြင်းနှင့် ကလေးမွေးနှုန်းကျဆင်းလာခြင်းကြောင့် စပိန်တွင်အငြိမ်းစားယူရမည့် သက်တမ်းထပ်မံမြှင့်တင်လာရဖွယ်ရှိ

အသက်အရွယ် ကြီးရင့်လာခြင်းနဲ့ မျိုးပွားနှုန်း ကျဆင်းလာခြင်းတို့က ကမ္ဘာတဝှမ်းက နိုင်ငံတွေမှာ အခက်အခဲဖြစ်လာပြီး လူမှုပြဿနာ ချိန်ညှိဖို့အတွက် ပင်စင်ယူရမယ့် အသက်အရွယ်ကို မြှင့်တင်ဖို့ မူဝါဒချမှတ်သူတွေ စဉ်းစားလာပါတယ်။
#World_News
Published 17 September 2024
#ကလေးမွေးနှုန်းကျဆင်း #အငြိမ်းစားယူရမည့်သက်တမ်းထပ်မံမြှင့်
#YMG #Yangon_Times #Yangon_Media_Group

#Daily_News
Published 17 September 2024

၁။ ထူးကဲဒီရေတက်မည့်ရက်နှင့် ရန်ကုန်မိုးများမည့်ရက်တိုက်နေ၍ ရန်ကုန်ရေကြီးရေလျှံဖြစ်နိုင်

၂။ ပျဉ်းမနားမြို့ရေဘေးသင့်ပြည်သူများ‌ နေရပ်ပြန်နိုင်ရန် အဓိကလိုအပ်ချက်ဖြစ်သည့် ရေတွင်းများဆယ်ယူ‌‌ပေးနေ

၃။ သဘင်အစည်းအရုံးမှ ရေဘေးသင့်ပြည်သူများနှင့်ရေဘေးသင့် သဘင်မိသားစုများကို ကူညီလှူဒါန်းနေ

၄။ သက်ကြီးရွယ်အိုများပြားလာခြင်းနှင့် ကလေးမွေးနှုန်းကျဆင်းလာခြင်းကြောင့် စပိန်တွင်အငြိမ်းစားယူရမည့်သက်တမ်းထပ်မံတိုးမြှင့်လာရဖွယ်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၇ စက်တင်ဘာ ၂၀၂၄

ရေးဘင် Ray-Ban မျက်မှန်တွေထုတ်လုပ်တဲ့ EssilorLuxottica ကုမ္ပဏီက သူတို့ဟာ ဖေ့စ်ဘုတ်ခ်နှင့် အင်စတာဂရမ်ပိုင်ရှင် မက်တာ Meta ကုမ္ပဏီတို့ဟာ စမတ်မျက်မှန်တွေထုတ်လုပ်ဖို့ မိတ်ဖက်ပူးပေါင်းလုပ်ကြတယ်လို့သိရပါတယ်။

အသုံးပြုသူတွေဖုန်းခေါ်ဆိုတာ၊ ဓါတ်ပုံတွေရိုက်တာ နှင့် သီချင်းတွေနားထောင်တာတွေလုပ်လို့ရတဲ့ မျက်မှန်တွေ ထုတ်လုပ် လာနိုင်ပြီးနောက် ရေးဘင်နှင့် မက်တာတို့ စမတ်မျက်မှန်ပူးတွဲ ထုတ်လုပ်ဖို့ သတင်းထွက်ပေါ်လာတာဖြစ်ပါတယ်။

ကမ္ဘာပေါ်မှာ မျက်မှန်ထုတ်လုပ်တဲ့ ထိပ်တန်းကုမ္ပဏီကြီးနှင့် အမေရိကန် နည်းပညာကုမ္ပဏီကြီးဟာ ၂၀၁၉ခုနှစ်ကတည်းက ပူးပေါင်းဆောင်ရွက်လာခဲ့ကြပါတယ်။ ပြီးခဲ့တဲ့နှစ်ကတော့သူတို့ဟာ ဉာဏ်ရည်တုအသုံးပြုထားတဲ့ ပထမဆုံး ရေးဘင်မက်တာ  မျက်မှန်ကို စတင်ထုတ်လုပ်ခဲ့ပါတယ်။

ကုမ္ပဏီနှစ်ခုဟာ ကာလရှည်သဘောတူညီချက်အသစ်တစ်ရပ်အရ လာမယ့် ဆယ်စုနှစ်မှာ မျိုးဆက်စုံ စမတ်မျက်မှန်တွေ ထုတ်လုပ်ရာမှာ အတူပူးပေါင်းဆောင်ရွက်ကြမှာဖြစ်ပါတယ်” လို့ ရေးဘင်က သတင်းထုတ်ပြန်ပါတယ်။

“ မျက်မှန်ကနေ  အဓိကကျတဲ့ နည်းပညာပလက်ဖောင်းအသွင်ပြောင်းမယ့် အခွင့်အလမ်းတွေ ကျွန်တော်တို့ရရှိနေပါပြီ” လို့ မက်တာရဲ့ အမှုဆောင်အရာရှိချုပ် မတ်ဇူကာဘတ်ကလည်း သတင်းထုတ်ပြန်ရာမှာ ပြောဆိုထားပါတယ်။

EssilorLuxottica ကုမ္ပဏီဟာ ရေးဘင်ကို ၁၉၉၉ ခုနှစ်ဝန်းကျင်ကတည်းက ဝယ်ယူခဲ့တာဖြစ်ပါတယ်။

Source AFP

ရွှေတိဂုံစေတီတော်လုံးတော်ပြည့် ရွှေသင်္ကန်းကပ်လှူဖို့ ၂၀၂၄ခုနှစ် အောက်တိုဘာလမှ၂၀၂၅မတ်လအထိရွှေချွတ်၊ ရွှေချခြင်းတွေ ဆောင်ရွက်ဖို့ရှိပြီး၂၀၂၅ခုနှစ်မေလအတွင်းအပြီးသတ်ဆောင်ရွက်သွားဖို့ရှိတယ်လို့ သိရပါတယ်။
#Local_News
Published 17 September 2024
#ရွှေတိဂုံစေတီတော် #ရွှေသင်္ကန်းကပ်လှူ
#YMG/tthl #Yangon_Times

တစ်လခွဲကျော်အတွင်း ဒေါ်လာသန်းပေါင်း၂၁၀ကျော်ဗဟိုဘဏ်ထုတ်ရောင်းပေးထားတယ်လို့ မြန်မာနိုင်ငံတော်ဗဟိုဘဏ်ရဲ့ထုတ်ပြန်ချက်တွေအရ သိရပါတယ်။
#Local_News
Published 17 September 2024
#ဒေါ်လာ #ဗဟိုဘဏ်ထုတ်ရောင်း
#YMG/NN #Yangon_Times

ရေဘေးသင့်ပြည်သူတွေနဲ့ ရေဘေးသင့်နေတဲ့သဘင်မိသားစုတွေကို မြန်မာနိုင်ငံသဘင်အစည်း အရုံးမှ ကူညီလှူဒါန်းမှုတွေဆောင်ရွက်သွားဖို့ရှိတယ်လို့ သိရပါတယ်။
#Local_News
Published 17 September 2024
#သဘင်အစည်းအရုံး #ရေဘေးသင့်ပြည်သူ
#YMG/tthl #Yangon_Times