#Daily_News
Published 24 September 2024

၁။ ရေဘေးသင့်အင်းလေးဒေသအတွက် သောက်သုံးရေနှင့် ဆိုလာဓာတ်မီးများအရေးပေါ်လိုအပ်နေ

၂။ တောင်ကိုးလုံးတောင် အနောက်ဘက်ခြမ်းပြိုကျ၍ ကျေးရွာလေးရွာရှိ မူလွန်ကျောင်းအပါအဝင်  နေအိမ်နှင့်လမ်းများပျက်စီးပိတ်မိနေ

၃။ ကမ္ဘာ့ရွှေဈေးမြင့်တက်ပြီးဒေါ်လာ (၂၆၃၀)အထိဖြစ်လာ၊ မြန်မာ့ရွှေဈေးပါလိုက်တက်

၄။ အဆင့်မြင့်နည်းပညာသစ်များပါဝင်သည့် စမတ်နာရီများနှင့် တက်ဘလက်များအား ဟွာဝေးပြသ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

"ခွေးရုပ်ဘူတာကျေးရွာမှာလက်ရှိ အချိန်အထိမိုးကမပြတ်ရွာနေတော့ ကိုယ့်အိမ်ကိုယ်မနေရဲဘူး၊ရွာအခြေအနေကတော့တော်တော်ဆိုးနေပါတယ်၊ မြေပြိုတဲ့အထဲပါသွားတာက ၁၀လုံး၊ နေလို့မရတဲ့အိမ်တွေကတော့ ၃၀လောက်ပေါ့၊ လုံးဝဘာမှမဖြစ်တဲ့ အိမ်တွေရှိပေမယ့်လည်း မြေကတောင်စောင်းမှာဖြစ်တဲ့အတွက် မြေအက်ကွဲကြောင်းတွေဖြစ်ပြီးတော့ မနေရဲဘူးပေါ့၊" ကျေးရွာတာဝန်ခံ ဦးသူရအောင်
#Local_News
Published 24 September 2024
#ခွေးရုပ်ဘူတာကျေးရွာ #မြေအက်ကွဲကြောင်းဖြစ်ပေါ်နေ
#YMG/NN #Yangon_Times

#Local_News
Published_ 24 September 2024

▪️ စိန်ခေါ်မှုများနှင့် ရင်ဆိုင်နေရသော်လည်း အာဆီယံနှင့်တရုတ်နိုင်ငံတို့မှာ အကြီးမားဆုံး ကုန်သွယ်ဖက်နိုင်ငံများအဖြစ် ရပ်တည်နေတယ်လို့ မြန်မာသံအမတ်ကြီးက ၂၀၂၄ ခုနှစ်၊ ဒုတိယအကြိမ်မြောက် China-ASEAN Industrial Cooperation and “Two Countries and Twin Parks” စီမံကိန်းဆိုင်ရာ စကားဝိုင်းဆွေးနွေးပွဲသို့ တရုတ်နိုင်ငံဆိုင်ရာ မြန်မာသံအမတ်ကြီးက ပြောကြားခဲ့ပါတယ်။

▪️ တရုတ်နိုင်ငံ၊ နန်နင်းမြို့မှာကျင်းပတဲ့ (၂၁)ကြိမ်မြောက် အာဆီယံ-တရုတ် ကုန်စည် ပြပွဲရဲ့ ဆက်စပ်အစည်းအဝေး တစ်ခုအဖြစ် ၂၀၂၄ ခုနှစ်၊ ဒုတိယအကြိမ်မြောက် China-ASEAN Industrial Cooperation and “Two Countries and Twin Parks” စီမံကိန်းဆိုင်ရာ စကားဝိုင်းဆွေးနွေးပွဲကို တရုတ်-အာဆီယံ စက်မှုလုပ်ငန်းဆိုင်ရာ ပူးပေါင်းဆောင်ရွက်ရေးနှင့် နှစ်ဦးနှစ်ဘက်အပြန်အလှန် ကုန်သွယ်မှုနှင့် ရင်းနှီးမြှုပ်နှံမှု လွယ်ကူ ချောမွေ့စွာ ဆောင်ရွက်နိုင်ရေး ရည်ရွယ်၍ နန်နင်းမြို့ရှိ Wo Sheng ဟိုတယ်တွင် စက်တင်ဘာ(၂၃)ရက်ကကျင်းပခဲ့ရာ မြန်မာသံအမတ်ကြီး ဦးတင်မောင်ဆွေ တက်ရောက် မိန့်ခွန်းပြောကြားခဲ့တာ ဖြစ်ပါတယ်။

▪️ မြန်မာသံအမတ်ကြီးက အာဆီယံ-တရုတ်ဆက်ဆံရေး ပိုမိုရင့်ကျက်လာသည်နှင့် အမျှ နှစ်ဖက်စလုံးအတွက် လူမှုစီးပွားဖွံ့ဖြိုးတိုးတက်မှု၊ ယဉ်ကျေးမှုနှင့် ပြည်သူအချင်းချင်း အပြန်အလှန်အကျိုးဖြစ်ထွန်းမှု စတဲ့ရလဒ်ကောင်းများ ဖြစ်ပေါ်လျက်ရှိတယ်လို့ ဆိုပါတယ်။

▪️ မြန်မာနိုင်ငံအနေဖြင့် တရုတ်နှင့်အာဆီယံနိုင်ငံများမှ စိုက်ပျိုးရေး၊ မွေးမြူရေး၊ သယ်ယူပို့ဆောင်ရေး၊ သတင်းအချက်အလက်နှင့်နည်းပညာ၊ ဆက်သွယ်ရေး၊ စွမ်းအင်၊ အခြေခံအဆောက်အအုံ ဖွံ့ဖြိုးတိုးတက်ရေး၊ ကုန်ထုတ်လုပ်မှုနှင့် စက်မှုကဏ္ဍအသီးသီးတို့တွင်လည်း ရင်းနှီးမြှုပ်နှံမှုရေးအတွက် ပူးပေါင်းဆောင်ရွက်ရန် ဖိတ်ခေါ်လိုကြောင်း ပြောကြားခဲ့ပါတယ်။

▪️ အဆိုပါ စကားဝိုင်းဆွေးနွေးပွဲကို ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရဒေသ ဒုတိယ အုပ်ချုပ်ရေးမှူး၊ ဖန်ချန်းဂန်မြို့တော်ပါတီအတွင်းရေးမှုး၊ အာဆီယံ-တရုတ်စင်တာ၏ အထွေထွေ အတွင်းရေးမှူးချုပ်၊ ကမ္ဘောဒီးယားနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ လက်ထောက်အတွင်းဝန်နှင့်ဖိလစ်ပိုင်နိုင်ငံ Bataan Freeport Area အာဏာပိုင်အဖွဲ့ ဥက္ကဋ္ဌတို့မှ တက်ရောက်မိန့်ခွန်းပြောကြားခဲ့ပြီး တရုတ်နှင့်အာဆီယံနိုင်ငံများမှ အစိုးရကိုယ်စားလှယ်များ၊ စီးပွားရေးလုပ်ငန်းရှင်များနှင့် အခြားဖိတ်ကြားထားတဲ့ ဧည့်သည်တော်ပေါင်း (၇၀၀)ခန့် တက်ရောက်ခဲ့ကြောင်း သတင်းရရှိပါတယ်။

#Ymg_mnn #Yangon_Media_Group

၂၄ စက်တင်ဘာ ၂၀၂၄

ပုပ်ရဟန်းမင်းကြီး ဖရန်စစ်က ဒေါ်အောင်ဆန်းစုကြည် လွတ်မြောက်ရေးအတွက် မေတ္တာရပ်ခံခဲ့ပြီး ဗာတီ   ကန်ကိုလည်း  လုံခြုံသည့်ခိုလှုံရာနေရာ အဖြစ် ကမ်းလှမ်းလိုက်ကြောင်း ပုပ်ရဟန်းမင်းကြီးက အာရှ         ရှိ ခရစ်ယာန်ဘာသာဝင်များနှင့် ပုဂ္ဂိုလ်ရေးတွေ့ဆုံမှုတွင် ပြောဆိုခဲ့တယ်လို့ ဘန်ကောက်ပို့စ် သတင်းအရ သိရပါတယ်။

“ ဒေါ်အောင်ဆန်းစုကြည် လွတ်မြောက်ပြီး သူ့သားနှင့် ရောမမှာတွေ့ဖို့ ကျွန်ုပ် မေတ္တာရပ်ခံခဲ့ပါတယ်။ ကျွန်ုပ်တို့ရဲ့ နယ်မြေ ဗာတီကန်မှာ သူ့သားနှင့်တွေ့ဆုံဖို့ ကျွန်ုပ် ကမ်းလှမ်းခဲ့ပါတယ်” လို့ မကြာသေးခင်က အရှေ့တောင်အာရှတစ်လွှား  ၁၂ရက်ကြာခရီးအတွင်း ပုဂ္ဂိုလ်ရေး ပြောဆိုမှုတစ်ခုမှာ ပုပ်ရဟန်းမင်း ကပြောဆိုခဲ့တာဖြစ်ပါတယ်။

အသက် ၈၇နှစ်ရှိပြီဖြစ်တဲ့ ပုပ်ရဟန်းမင်းကြီးဟာ ၂၀၁၇ခုနှစ် ဒီဇင်ဘာလတုန်းက မြန်မာနိုင်ငံကို လာရောက်လည်ပတ်ခဲ့ပါသေးတယ်။

အီတလီသတင်းစာတစ်စောင်ဖြစ်တဲ့ Corriere della Sera က ပုပ်ရဟန်းမင်းကြီရဲ့ အဆိုပါ ပြောကြားချက်ပါဝင်တဲ့ ရောမအခြေစိုက် ခရစ်ယာန်ဘုန်းတော်ကြီး အန်တိုနီယိုစပက်ဒါရို ရဲ့ဆောင်းပါး ကို ရေးသားဖော်ပြခဲ့တာဖြစ်ပါတယ်။ဘုန်းတော်ကြီး အန်တိုနီယိုစပက်ဒါရိုဟာ တွေ့ဆုံပွဲတွေတက်ခဲ့သူ ဖြစ်ပြီး ပုပ်ရဟန်းမင်းကြီးရဲ့ ခွင့်ပြုချက်နှင့် ရေးသားခဲ့တာလို့ဆိုပါတယ်။

“ မြန်မာနိုင်ငံရဲ့အနာဂတ်ဟာ  ဂုဏ်သိက္ခာနှင့် အားလုံးရဲ့ အခွင့်အရေးကို လေးစားကြခြင်းဖြင့် အခြေပြုရ လိမ့်မယ်။ အာလုံးရဲ့ အကျိုးစီးပွားကို လူတိုင်းဆောင်ရွက်ခွင့်ရှိတဲ့ ဒီမိုကရက်တစ်အစီအစဉ်တစ်ခုကို လေးစားကြရမယ်” လို့လည်း ပုပ်ဖရန်စစ်က ဆက်လက်ပြောကြားပါတယ်။

အသက် ၇၈နှစ်ရှိပြီဖြစ်တဲ့ ဒေါ်အောင်ဆန်းစုကြည်ဟာ ၂၀၂၁ခုနှစ် တပ်မတော်က အာဏာရယူပြီး  ကတည်းက ထိန်းသိမ်းခံခဲ့ရပြီး ယခုအခါ နိုင်ငံတော်သစ္စာဖောက်မှုမှသည် လာဘ်စားမှု နှင့် ဆက်သွယ်ရေး ဥပဒေချိုးဖောက်မှုများဖြင့် ထောင်ဒဏ် ၂၇နှစ်ကျခံနေရပါတယ်။ အဲဒီအမှုတွေကို သူမက ငြင်းဆန်ထားပါတယ်။ ပြီးခဲ့တဲ့ ဧပြီလမှာတော့ သူမကို အကျဉ်းထောင်ကနေ နေအိမ်အကျယ်ချုပ် အဖြစ် ပြောင်းရွှေ့ချထားခဲ့ပါတယ်လို့ ဘန်ကောက်ပို့စ်ကရေးသားပါတယ်။

@ymg/knl

#Local_News
Published 24 September 2024

▪️ လာမည့် (၂၄)နာရီအတွင်း ပဲခူးမြစ်ရေ စိုးရိမ်ရေမှတ်အထက် မြင့်တက်လာနိုင်၍ အချိန်မီရှောင်ရှားကြရန်  မိုးလေဝသနှင့် ဇလဗေဒညွှန်ကြားမှုဦးစီးဌာနမှ အသိ‌‌ပေးထုတ်ပြန်လိုက်သည်။

▪️ ယနေ့ စက်တင်ဘာ (၂၄)ရက် နေ့လယ်၁၂နာရီခွဲအချိန် မြစ်ရေတိုင်းထွာချက်များအရ ပဲခူးမြစ်ရေမှာ ပဲခူးမြို့၏ စိုးရိမ်ရေမှတ်အောက်(၁)ပေခွဲခန့် ရောက်ရှိနေပြီး နောက် (၂၄) နာရီအတွင်း ပဲခူးမြို၏ စိုးရိမ်ရေမှတ်သို့ ရောက်ရှိလာနိုင်ကြောင်း သိရသည်။

▪️ ထို့ကြောင့် ပဲခူးမြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများ ကြိုတင်သတိပြုနိုင်ပါရန်နှင့် မြစ်ရေမြင့်တက်လာပါက အချိန်မီရှောင်ရှားနိုင်ရန် မိုးလေဝသနှင့် ဇလဗေဒ ညွှန်ကြားမှုဦးစီးဌာန သတိပေးနှိုးဆော်ထားခြင်း ဖြစ်သည်။

▪️ ထို့အပြင် စစ်တောင်းမြစ်ရေသည် တောင်ငူနှင့်မဒေါက်မြို့သည် စိုးရိမ်ရေမှတ်အထက်တွင်ရှိနေပြီး နောက်၂၄ နာရီအတွင်းပေဝက်စီခန့် ပြန်လည်ကျဆင်းနိုင်သော်လည်း စိုးရိမ်ရေမှတ်အထက်၌ ဆက်လက်ရှိနိုင်ကြောင်း သတိပေးထားသည်။

#YMG/NN #Yangon_Times

ကမ္ဘာ့ရွှေဈေးမြင့်တက်လာတဲ့အတွက် မြန်မာ့ရွှေဈေး ရည်ညွှန်းဈေးလည်း မနေ့က (၇)သောင်းကျော်ထပ်တက်သလို ဒီကနေ့မှာလည်း (၄)သောင်း‌ကျော်မြင့်တက်လာတယ်လို့ သိရပါတယ်။
#Local_News
Published 24 September 2024
#ကမ္ဘာ့ရွှေဈေးမြင့်တက် #မြန်မာ့ရွှေဈေးတက်
#YMG/tthl #Yangon_Times

မန္တလေးတိုင်းသာစည်မြို့နယ်နဲ့ ကလောမြို့အစပ်မှာရှိတဲ့ တောင်ကိုးလုံးတောင်အနောက်ဘက်ခြမ်းပြိုကျခဲ့တာကြောင့် မူလွန်ကျောင်းအပါအဝင် ကျေးရွာလေးရွာက နေအိမ်တွေပြိုကျပျက်စီးသွားတာ၊ လမ်းတွေပိတ်မိနေတာတွေဖြစ်ပေါ်နေတယ်လို့ ဒေသခံတွေဆီက သိရပါတယ်။
#Local_News
Published 24 September 2024
#နေအိမ်တွေပြိုကျပျက်စီး #လမ်းတွေပိတ်
#YMG/NN #Yangon_Times

ရေဘေးသင့်အင်းလေးဒေသအတွက် သောက်သုံးရေနှင့် ဆိုလာဓာတ်မီးများအရေးပေါ်လိုအပ်နေပါတယ်။ အင်းလေးမှာ ကျေးရွာ(၆၀) ကျော်နစ်မြုပ်နေပြီး ကျေးရွာ (၃၀)ကျော်ကတော့ အကူအညီတွေ လုံးဝမရဖူးသေးဘူးလို့ သိရပါတယ်။
#Local_News
Published 24 September 2024
#သောက်သုံးရေ #ဆိုလာဓာတ်မီးများအရေးပေါ်လိုအပ်
#YMG/tthl #Yangon_Times

#World_News
Published 24 September 2024

▪️ အမေရိကန်မှ ပြတ်ပြတ်သားသား ဆုံးဖြတ်လုပ်ဆောင်မယ်ဆိုပါက လာမယ့်နှစ်မှာ ရုရှားနဲ့ ယူကရိန်းစစ်ပွဲ မြန်မြန်ဆန်ဆန် အဆုံးသတ်နိုင်လိမ့်မယ်လို့ ယူကရိန်းသမ္မတ ဗိုလိုဒီမီယာဇယ်လန်စကီက တနင်္လာနေ့မှာ ပြောကြားလိုက်ပါတယ်။

▪️ ယခုနှစ်ကုန်ပိုင်းမှာ အမေရိကန်နဲ့ ယူကရိန်းတို့ကြား ပူးပေါင်းဆောင်ရွက်ရေး အားကောင်းလာစေမယ့် အခွင့်အရေး ရှိနေပြီလို့ ဇယ်လန်စကီက အမေရိကန် ကွန်ဂရက်မှ နှစ်ဖက်ပါတီထောက်ခံသူ ကိုယ်စားလှယ်နဲ့ တွေ့ဆုံအပြီး တယ်လီဂရမ်မှာ ဖော်ပြခဲ့ပါတယ်။

▪️ ဇယ်လန်စကီက ကုလသမဂ္ဂ အထွေထွေညီလာခံ တက်ရောက်ရန် အမေရိကန်သို့ ရောက်ရှိနေတာဖြစ်ပါတယ်။

▪️ ဒီနောက်မှာ ဝါရှင်တန်သို့သွားပြီး သူ့ရဲ့ စစ်ပွဲအောင်နိုင်ရေး အစီအစဉ်ကို ချပြမှာဖြစ်ကာ နိုဝင်ဘာ ၅ ရက်နေ့ အမေရိကန် ရွေးကောက်ပွဲမှာ မည်သူအနိုင်ရသည်ဖြစ်စေ အိမ်ဖြူတော်ရဲ့ စစ်ပွဲအပေါ်မူဝါဒနဲ့ ပတ်သက်ပြီး ဆက်လက်တောင်းဆိုသွားမှာ ဖြစ်ပါတယ်။

▪️ ရီပတ်ဘလစ်ကန် သမ္မတရွေးကောက်ခံ ကိုယ်စားလှယ် ဒေါ်နယ်ထရမ့်က ယင်းသာ ရွေးချယ်ခံရပါက စစ်ပွဲကို ရက်ပိုင်းအတွင်း အဆုံးသတ်ပေးမယ်လို့ ပြောထားပေမယ့် ယူကရိန်းသမ္မတဟာ ဒီမိုကရက်တွေကို အနိုင်ရစေချင်တယ်လို့ သက်သေမရှိဘဲ ဆိုထားပါတယ်။

▪️ ဇယ်လန်စကီကတော့ အိမ်ဖြူတော်မှာ ဘယ်သူပဲတာဝန်ယူသည်ဖြစ်စေ ပူးပေါင်းလုပ်ဆောင်သွားရန် ဆန္ဒရှိတယ်လို့ ပြောထားပါတယ်။

▪️ ABC News နဲ့ အင်တာဗျူးရာမှာ ဇယ်လန်စကီက ယူကရိန်းကို ဆက်လက်ထောက်ပံ့ဖို့ အမေရိကန်နဲ့ မဟာမိတ်များကို တိုက်တွန်းလိုက်ပါတယ်။

▪️ အမေရိကန်နဲ့ မဟာမိတ်တွေက ယူကရိန်းကို ဒေါ်လာဘီလီယံချီ ထောက်ပံ့ထားကာ ရုရှားကိုတော့ ဒဏ်ခတ်ပိတ်ဆို့မှု အများအပြား ချမှတ်နေပါတယ်။

▪️ တကယ်တော့ ငြိမ်းချမ်းရေးရဖို့က ထင်ထားတာထက် ပိုနီးစပ်နေပြီလို့ ဇယ်လန်စကီက မှတ်ချက်ပြုပါတယ်။

▪️ အရေးသာနေတဲ့ အနေအထားကနေပဲ ရုရှားသမ္မတပူတင်ကို စစ်ပွဲရပ်တန့်စေလိမ့်မယ်လို့ ပြောသွားပါတယ်။

#Source: Reuters

#Local_News
Published_24 Sept 2024

▪️ MNDAA သိမ်းယူထားသော ရှမ်းပြည်နယ်မြောက်ပိုင်း၏ မြို့တော်လားရှိုးမြို့ကို ယနေ့ စက်တင်ဘာလ ၂၄ ရက် နံနက်တစ်နာရီခွဲခန့်အချိန်က ဗုံးကြဲရာတွင် ၉ ဦး၊ နံနက် ၄ နာရီခန့်အချိန် ဗုံးကြဲခံရမှုတွင် ၆ ဦး ပြင်း ထန်ဒဏ်ရာများ ရရှိခဲ့ကာ တစ်ဦးသေးဆုံးခဲ့ကြောင်း MNDAA က ထုတ်ပြန်ထားသည်။

▪️ နံနက် ၁ နာရီခွဲအချိန်တွင် လေကြောင်းမှ ပေါင် ၅၀၀ ဗုံး နှစ်လုံးကြဲချခဲ့ကာ နံနက် ၄ နာရီခန့်တွင်လည်း ပေါင်း ၅၀၀ ဗုံး နှစ်လုံးကြဲချခဲ့ခြင်း ဖြစ်ကြောင်း ယင်းတွင် ဖော်ပြထားသည်။

▪️ အချို့သောတယ်လီဂရမ်သတင်းများတွင်မူ ဗုံးကြဲခံရမှုကြောင့် MNDAA စစ်သား အယောက် ၂၀ကျော်သေဆုံးသည်ဟု ရေးသားဖော်ပြနေကြသည်။

▪️ အဆိုပါ ဗုံးကြဲခံရမှုကြောင့် လားရှိုးမြို့ ရပ်ကွက် (၂)ရှိ ရထိုက်ဟိုတယ်နှင့် Golden Sunflower ဟိုတယ်၊ Family Cafe အနီးတစ်ဝိုက်ရှိ နေအိမ် ၊အဆောက်အဦးများ မီးလောင်ပျက်စီးခဲ့ကြောင်း သိရသည်။

▪️ MNDAA က လားရှိုးမြို့တွင် စစ်ပြီးပြီဟုဆိုကာ ပြန်လည်ထူထောင်ရေး ကာလအဖြစ်သတ်မှတ်ထားစဉ် လေကြောင်းတိုက်ခိုက်မှုကို ရက်ဆက်ခံနေရခြင်လည်း ဖြစ်သည်။

▪️ ပြီးခဲ့သည့် ဩဂုတ်လ (၃၀)ရက် ၊ စက်တင်ဘာလ ( ၉)ရက် ၊ ( ၁၀ ) ရက် နှင့် (၂၁) ရက် တို့တွင်လည်း လေကြောင်းမှ ဗုံးကြဲတိုက်ခိုက်ခြင်းကို ခံခဲ့ရကြောင်း ၎င်းတို့က ထုတ်ပြန်ထားသည်။

▪️ နစက အနေဖြင့် MNDAA၊ TNLA နှင့် AA တို့ကို အကြမ်းဖက်အုပ်စုအဖြစ် ပြီးခဲ့သည့်စက်တင်ဘာလ ၂ ရက်တွင် ကြေညာထားခဲ့သည်။

#Yangon_Times/PP

#Local_News
Published_24 Sept 2024

▪️ မန္တလေးတိုင်းဒေသကြီး၊ အောင်မြေသာစံမြို့နယ်၊ အောင်မြေသာစံရပ်ကွက်၊ ၂၀လမ်း၊ ၈၆-၈၇လမ်းကြားတွင် အဆောက်အဦပြိုကျမှုဖြစ်ပွားခဲ့သောကြောင့် လူ ၅ ဦးဒဏ်ရာ ရခဲ့ကြောင်း မြန်မာနိုင်ငံ မီးသတ်တပ်ဖွဲ့က သိရသည်။

▪️ ယနေ့ စက်တင်ဘာလ ၂၄ ရက် နံနက် ၂ နာရီ ၅ မိနစ်ခန့်က အဆောက်အဦးပြိုကျကြောင်း သတင်းအရ အောင်‌မြေသာစံမြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၅)စီး၊ သန္ဓေမီးသတ် တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ရကြောင်း သိရသည်။

▪️ အဆိုပါဖြစ်စဉ်ကြောင့် ကျား(၂)ဦး၊ မ(၃)ဦး စုစုပေါင်း(၅)ဦးအနက် ကျား(၁)ဦး ထိခိုက်ဒဏ်ရာ(မစိုးရိမ်ရ)၊ ကျား (၁)ဦး ထိခိုက်ဒဏ်ရာ(စိုးရိမ်ရ) နှင့် မ(၂)ဦး ထိခိုက်ဒဏ်ရာ(မစိုးရိမ်ရ)၊ မ(၁)ဦး ထိခိုက်ဒဏ်ရာ(စိုးရိမ်ရ) တို့အား စေတနာ မေတ္တာ ဂရုဏာအသင်းမှ သူနာတင်ယာဉ်(၁)စီး၊ ချမ်းသာသုခအသင်းမှ သူနာတင်ယာဉ်(၁) စီးတို့ ဖြင့် မန္တလေးပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#Yangon_Times/PP

#World_Science
Published 24 September 2024

▪️ စားစရာထုပ်ပိုးခြင်းနဲ့ ပြင်ဆင်ခြင်းတို့မှာ အသုံးပြုတဲ့ ဓာတုပစ္စည်းပေါင်း ၃၆၀၀ ကျော်ကို လူသားခန္ဓာကိုယ်တွေထဲမှာ တွေ့ရှိခဲ့တယ်လို့ စက်တင်ဘာ ၁၇ ရက်နေ့က လေ့လာဖော်ပြခဲ့ပါတယ်။

▪️ အချို့ဓာတုတွေဆိုရင် ကျန်းမာရေးကို အန္တရာယ်ဖြစ်စေနိုင်ကာ အခြားဓာတုတွေကိုတော့ သိပ်မသိကြသေးပါဘူး။

▪️ ထိုထဲက ဓာတုပစ္စည်း ၁၀၀ လောက်ဟာ လူ့ကျန်းမာရေးအတွက် စိုးရိမ်စရာဖြစ်တယ်လို့ ဦးဆောင်သုတေသီ ဘာဂျစ်ဂူကဲက ပြောပါတယ်။

▪️ PFAS နဲ့ ဘိုင်စဖီနောလ်-အေ တို့လို ဓာတုပစ္စည်းတွေဆိုရင် ခန္ဓာကိုယ်ထဲ တွေ့ရှိထားပြီး ဖြစ်သလို့ တားမြစ်တဲ့ထဲ ပါဝင်ပါတယ်။

▪️ အခြားဓာတုတွေရဲ့ သက်ရောက်ပုံတွေကိုတော့ သေချာမသိသေးတာကြောင့် ပိုမိုလေ့လာဖို့ ဂူကဲက တောင်းဆိုလိုက်ပါတယ်။

▪️ စက္ကူ၊ ဖန်၊ သတ္တု၊ ပလတ်စတစ်တို့နဲ့ ပြုလုပ်တဲ့ အထုပ်အပိုးကနေ အစားအစာထဲသို့ ရောက်နိုင်တဲ့ ဓာတုပစ္စည်း (FCC) ၁၄၀၀၀ ခန့်ရှိတယ်လို့ သုတေသီများ ပြောပါတယ်။

▪️ ခန္ဓာကိုယ်ထဲမှာ တွေ့ရတဲ့ ဓာတုပစ္စည်းတွေ အားလုံး အထုပ်အပိုးကြောင့်ပဲလို့တော့ မဆိုနိုင်ဘဲ အခြားအကြောင်းအရာတွေကြောင့်လည်း ဖြစ်နိုင်ပါတယ်။

▪️ ပလတ်စတစ်လုပ်ရာမှာ အသုံးပြုပြီး ဟော်မုန်းအနှောင့်အယှက် ဖြစ်စေတဲ့ ဘိုင်စဖီနော်လ်-အေကိုလည်း တွေ့ထားပြီး ကလေးနို့ဗူးတွေမှာ အသုံးပြုခြင်းကို တားမြစ်ထားပါတယ်။

▪️ သဲလိတ်လို့ခေါ်တဲ့ ဓာတုပစ္စည်းဟာဆိုရင် မျိုးမပွားနိုင်ခြင်းကို ဖြစ်စေတယ်လို့ တွေ့ရှိထားပါတယ်။

▪️ ထိုဓာတုတွေ အများအပြား တွေ့ရလားဆိုတာတော့ လေ့လာချက်မှာ မပြောထားပါဘူး။

▪️ ဒါပေမဲ့ ဒီဓာတုပစ္စည်းတွေက ပလတ်စတစ်ကနေ စားစရာသို့ ရောက်ရှိနိုင်ကာ နမူနာတစ်မျိုးမှာပင် ဓာတုပေါင်း ၃၀ လောက်ရှိနိုင်တယ်လို့ သတိပေးနေပါတယ်။

#Source: WION