အသေးစား၊ အငယ်စားနှင့်အလတ်စား စီးပွားရေးလုပ်ငန်းများ(MSME)နဲ့ ဆန်စက်လုပ်ငန်းများကို ကျပ်သန်း(၅၀၀)အထိချေး‌ငွေထုတ်‌ချေး‌​ပေးသွားမယ်လို့ သိရပါတယ်။

#Local_News
Published 29 September 2025
#MSME #ဆန်စက်
#YMG/SW #Yangon_Times

'ပြည်တွင်းဆီစက်များ သီတင်းကျွတ်ဈေးရောင်းပွဲတော်' ကို ရန်ကုန်မြို့မှာ သုံးရက်ကြာ ကျင်းပသွားမှာဖြစ်ပြီး စားသုံးသူတွေလိုသလောက်ရောင်းချပေးသွားမယ်လို့ မြန်မာနိုင်ငံဆီစက်ပိုင်ရှင်များအသင်းကသိရပါတယ်။

#Local_News
Published 29 September 2025
#မြေပဲဆီဈေးရောင်းပွဲတော် #သီတင်းကျွတ်ဈေးရောင်းပွဲတော်
#YMG/NN #Yangon_Times

အရင်နှစ်ကာလတူမှာ အရောင်းအဝယ်ပါးခဲ့ပေမယ့် အခုနှစ်လက်ရှိ အချိန်မှာတော့ ကားဈေးကွက်အရောင်းအဝယ်ပုံမှန် ဖြစ်ပြီး ဈေးမာနေတယ်‌လို့ မြန်မာမော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်းက သိရပါတယ်။

#Local_News
Published 29 September 2025
#ကားဈေးကွက် #မြန်မာမော်တော်ယာဉ်ထုတ်လုပ်ရေး
#YMG/NN #Yangon_Times

#Daily_News
Published 29 September 2025

၁။‌ ‎မြေပဲဆီဈေးရောင်းပွဲတော်၌ စားသုံးသူများလိုသလောက်ရောင်းချပေးမည်
‎
၂။ ‌‌‌‌‎MSME လုပ်ငန်းများနှင့်ဆန်စက်လုပ်ငန်းများကို ကျပ်သန်း (၅၀၀)အထိချေး‌ငွေထုတ်‌ချေးမည်
‎
၃။‌‎ ‎ကမ္ဘာ့စက်ရုပ်အိုလံပစ်ပြိုင်ပွဲတွင် ပထမဆုရှိခဲ့သူ (၃) ဦးကို KBZPay က ဆုချီးမြှင့်မည်
‎
‎၄။ ‎တရုတ်နှင့်မိသားစုကဲ့သိုဆက်ဆံရေးဆက်လက်တည်မြဲရန် ထိုင်းဝန်ကြီးချုပ်သစ်ဆန္ဒရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 29 September 2025

▪️ ကာဇက်စတန်နိုင်ငံ၊ အဲမာတီမြို့တွင် စက်တင်ဘာလ၁၈ရက်မှ အောက်တိုဘာလ ၁ ရက်အထိ ကျင်းပနေသည့် ကမ္ဘာ့လူငယ်စစ်တုရင် ပြိုင်ပွဲ၏ မြန်မာ-ကိုရီးယားပွဲစဥ်တွင် မြန်မာကလေးငယ်က ကိုရီးယားလက်ရွေးစင် ကလေးငယ်ကိုအနိုင်ရရှိခဲ့ကြောင်း သိရသည်။

▪️ ကမ္ဘာ့လူငယ်စစ်တုရင်ပြိုင်ပွဲ အသက် (၁၀) နှစ်အောက်ပွဲစဥ် (၈) တွင်
မောင်သာစစ်ကကိုရီးယားနိုင်ငံ လူငယ်လက်ရွေးစင် Lee Jinwoo ကို ပွဲကစားချိန် (၃) နာရီကြာအောင်ကစားပြီး အနိုင်ရ‌ရှိခဲ့ခြင်းဖြစ်ကြောင်း၊ အဆိုပါပြိုင်ပွဲတွင် မြန်မာကစားသမားလေးက မြန်မာ့ရိုးရာဝတ်စုံ တိုက်ပုံနှင့် ပုဆိုးကိုဝတ်ဆင်ကာ ယှဥ်ပြိုင်ခဲ့ခြင်းဖြစ်ကြောင်း သိရသည်။

▪️ ထို့အပြင် မြန်မာ-ကိုရီးယားပွဲစဥ်သို့ ပြိုင်ပွဲ၏ ဒိုင်ချုပ်WCCC2025 Chief Arbitor ဖြစ်သူ IVAN SYROVY က လာရောက် အားပေးဂုဏ်ပြုပြီး အမှတ်တရဓါတ်ပုံ ရိုက်ခဲ့ကြောင်း၊ ကမ္ဘာ့လူငယ်စစ်တုရင်ပြိုင်ပွဲ အသက် ၁၀ နှစ်အောက်ပွဲတွင် နိုင်ငံပေါင်း ၆၆ နိုင်ငံမှ ကလေးလူငယ်စစ်တုရင်ချန်ပီယံ ၁၈၅ ယောက်၀င်‌ရောက်ယှဥ်ပြိုင်လျှက်ရှိကြောင်း သိရသည်။

#YMG/SW #Yangon_Times

#Local_News
Published 29 September 2025

▪️ အောက်တိုဘာလအတွင်းမုတ်သုံလေဆုတ်ခွာပြီး နိုင်ငံအဝှမ်း၌ မြစ်ရေများတစ်ကြိမ်ခန့်စီ စိုးရိမ်ရေမှတ်ထက် ကျော်လွန်နိုင်ကြောင်း မိုးလေဝသနှင်ါယ့ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရသိရသည်။

▪️ အဆိုပါ အနောက်တောင်မုတ်သုံလေသည် အောက်တိုဘာလ ၁ ရက်နေ့မှ ၆ ရက်နေ့အတွင်း မြန်မာနိုင်ငံ မြစ်ဝကျွန်းပေါ်ဒေသများမှလည်းကောင်း၊ အောက်တိုဘာလ ၇ ရက်နေ့မှ ၁၂ ရက်နေ့အတွင်း မြန်မာနိုင်ငံတောင်ပိုင်းဒေသများမှလည်းကောင်း ဆုတ်ခွာသွားဖွယ်ရာရှိကြောင်းဆိုထားသည်။

▪️ ထို့အပြင် ၂၀၂၅ ခုနှစ်၊ အောက်တိုဘာလအတွင်း ဒုဋ္ဌဝတီမြစ်ရေသည် မြစ်ငယ်မြို့တွင် (၁)ကြိမ်ခန့်၊ စစ်တောင်းမြစ်ရေသည် တောင်ငူမြို့နှင့် မဒေါက်မြို့တွင် (၁)ကြိမ်ခန့်စီ၊ ပဲခူးမြစ်ရေသည် ပဲခူးမြို့တွင် (၁)ကြိမ်ခန့်၊ သံလွင်မြစ်ရေသည် ဘားအံမြို့တွင် (၁)ကြိမ်ခန့်၊ သောင်ရင်းမြစ်ရေသည် မြဝတီမြို့တွင် (၁)ကြိမ်ခန့်၊ တိုးမြစ်ရေသည် မအူပင်မြို့တွင် (၁)ကြိမ်ခန့်နှင့် ဘီးလင်းမြစ်ရေသည် ဘီးလင်းမြို့တွင် (၁)ကြိမ်ခန့် ယင်းမြို့များ၏ စိုးရိမ်ရေမှတ်အသီးသီးအထက်သို့ ကျော်လွန်ရောက်ရှိနိုင်ကြောင်းသိရသည်။

#YMG/NN #Yangon_Times

#Local_News
Published 29 September 2025
‎▪️ရုရှားဖက်ဒရေးရှင်းနှင့်ကာဇက်စတန်နိုင်ငံများသို့အလုပ်သဘောခရီးစဉ်များသွားရောက်ခဲ့တဲ့ နိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်း သာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် စက်တင်ဘာ ၂၉ ရက်က ခရီးစဉ်များပြီးဆုံး၍ ကာဇက်စတန်နိုင်ငံ အက်စတာ နာလေဆိပ်မှ အထူးလေယာဉ်ဖြင့် မြန်မာနိုင်ငံသို့ ပြန်လည်ထွက်ခွာခဲ့ကြောင်းသိရှိရပါတယ်။

#Local_News
Published 29 September 2025

▪️ ပဲခူးတိုင်း၊ရေတာရှည်မြို့အနီးမှာ ယနေ့မနက်ပိုင်း၌ မြေငလျင်တစ်ခုလှုပ်ခတ်ခဲ့ကြောင်း မြေငလျင်ဌာနခွဲမှ သိရသည်။

▪️ အဆိုမြေငလျင်သတင်းအမှတ်စဉ် ၂၃၅ သည်ယနေ့ မနက်၇နာရီ ၂၅မိနစ်၂၈ စက္ကန့်တွင် လှုပ်ခတ်ခဲ့ခြင်းဖြစ်သည်။

▪️ ယင်းမေ့ငလျင်သည် အင်အားပမာဏ - ၄.၁ ရစ်(ခ်)တာစကေး ရှိကာ
အနက် - ၁၀ ကီလိုမီတာ နှင့် ဗဟိုချက်တည်နေရာ - ရေတာရှည်မြို့၏ အနောက်မြောက်ဘက် (၁၈) မိုင်ခန့် တွင်လှုပ်ခတ်ခဲ့ကြောင်းသိရသည်။

#YMG/NN #Yangon_Times

#World_Health
Published 29 September 2025

▪️ အချိုတွေ မစားဘဲနဲ့ သွေးတွင်းသကြားဓာတ် မြင့်တက်နေစေတဲ့ အကြောင်းအရင်းကို မွမ်ဘိုင်းမှ ဒေါက်တာ အာတီအူလာနဲ့ ဒေလီမှ ဒေါက်တာ မာနီရှာအာရိုရာတို့က ရှင်းလင်းဖော်ပြထားပါတယ်။

▪️ အချိုတွေစားခြင်းက သွေးတွင်းသကြားဓာတ် မြင့်မားခြင်း၊ ဆီးချိုဖြစ်ခြင်းတို့ရဲ့ တစ်ခုတည်းသော အကြောင်းအရင်းမဟုတ်ပါဘူး။

▪️ ပေါင်မုန့်ချော၊ အာလူး၊ သန့်စင်ကာဗိုဟိုက်ဒရိတ်တို့လို အစားအစာတွေက ဂလူးကို့စ်ယိုင်ညွှန်းကိန်း(GI) မြင့်မားပြီး သွေးတွင်းသကြားဓာတ် မြင့်တက်စေနိုင်တယ်လို့ ဒေါက်တာ အာရိုရာက ပြောပါတယ်။

▪️ ဒီထဲမှာ သကြားဓာတ်နဲ့ မကောင်းတဲ့အဆီ များပြားတဲ့ ထုပ်ပိုးထုတ်လုပ်အစားအစာများ၊ တစ်ထိုင်တည်း အများအပြားစားခြင်းတို့လည်း ပါဝင်နေပါတယ်။

▪️ ဖိစီးမှု၊ ကိုယ်လက်လှုပ်ရှားမရှိခြင်း၊ အိပ်ရေးပျက်ခြင်း၊ စတီးရွိုက်လိုဆေး သုံးစွဲရခြင်းတို့ကြောင့်လည်း ဖြစ်နိုင်ပါတယ်။

▪️ အဆစ်ရောင် ရင်ကြပ်ဝေဒနာများအတွက် သုံးစွဲရတဲ့ ဆေးဝါးများ၊ ဖိစီးမှုဟော်မုန်း မြင့်တက်ခြင်း၊ လုံလောက်စွာ မအိပ်စက်ရခြင်း၊ အထိုင်များတဲ့ နေထိုင်မှုပုံစံ၊ ရောဂါကူးစက်မှုတွေက သွေးတွင်းသကြားဓာတ် မြင့်တက်စေတဲ့ အကြောင်းအရင်းတွေထဲ ပါဝင်ပါတယ်။

▪️ မနက်ပိုင်းမှာ ဖိစီးမှုဟော်မုန်းတွေထွက်ပြီး အသည်းကနေ ဂလူးကို့စ်ထွက်စေတဲ့အတွက် မနက်ပိုင်းသွေးတွင်းသကြားဓာတ် မြင့်တက်စေနိုင်ပါတယ်။

▪️ မီးယပ်သွေးဆုံးပြီး အမျိုးသမီးတွေ၊ ဟော်မုန်းမညီမျှတဲ့သူတွေမှာ အင်ဆူလင်ထိရောက်မှု အပြောင်းအလဲဖြစ်ပြီး သွေးတွင်းသကြားဓာတ် အတက်အကျ ဖြစ်စေနိုင်ပါတယ်။

▪️ အချိုဓာတ်ကပဲ သွေးတွင်းသကြားဓာတ် မြင့်တက်စေတာမဟုတ်ဘဲ အခြားအကြောင်းတွေလည်း သက်ရောက်နေတာကြောင့် အစားအသောက်၊ လေ့ကျင့်ခန်း၊ ဆေးဝါး၊ ဖိစီးမှုထိန်းချုပ်ခြင်းတို့ဖြင့် သွေးတွင်းသကြားဓာတ် ထိန်းချုပ်နိုင်မှာ ဖြစ်ပါတယ်။

Source: Indian Express.

#Local_News
#နိုင်ငံတော်ယာယီသမ္မတ ဗိုလ်ချုပ်မှူးကြီးမင်းအောင်လှိုင် ဘိုင်တီရက်(Baiterek) သမိုင်းဝင် အထိမ်းအမှတ်အဆောက်အဦနှင့် လေ့လာ ရေး မျှော်စင်သို့ သွားရောက်လေ့လာ
+++++++++++++++++++++++++++
Published 29 September 2025

#World_Health
Published 29 September 2025

▪️ သွားပိုးစားခြင်းက ကမ္ဘာပေါ်မှာ အဖြစ်အများဆုံး ခံတွင်းရောဂါတွေထဲက တစ်ခုဖြစ်ပါတယ်။

▪️ ဖွံ့ဖြိုးဆဲနိုင်ငံများမှ ကျောင်းနေကလေး ၆၀ ရာခိုင်နှုန်းကျော်လောက် ခံစားနေရတယ်လို့ ခန့်မှန်းရပြီး လူအများစုဟာလည်း တသက်တာလုံးမှာ သွားပိုးစားခြင်းကို ခံစားနေရမှာပါ။

▪️ ဖြစ်ရတဲ့ အကြောင်းအရင်းက ပါးစပ်ထဲမှာ Streptococcus mutans ဘက်တီးရီးယားတွေ စုပြုံလာကာ သွားမျက်နှာပြင်ပေါ်မှာ စေးကပ်နေတဲ့ ဇီဝလွှာတစ်ခု ဖြစ်စေပါတယ်။

▪️ အချိုဓာတ်တွေ အပူတွေကြားထဲမှာ ဘက်တီးရီးယားတွေ ပေါက်ဖွားလာကာ သွားကြွေလွှာကို ပျော်သွားစေတဲ့ အက်ဆစ်တွေ ထုတ်လုပ်ပြီး သွားဆွေးမြည့်လာစေပါတယ်။

▪️ အစ္စရေးလ်၊ တရုတ်၊ စင်္ကာပူတို့မှ သုတေသီအဖွဲ့က ဒီဘက်တီးရီးယားကို တိုက်ခိုက်နိုင်မယ့်နည်းလမ်း ဖော်ထုတ်လာပါတယ်။

▪️ ဒီအရာကတော့ DIM လို့အတိုကောက်ခေါ်တဲ့ 3,3′-Diindolylmethane ဖြစ်ပြီး ပန်းဂေါ်ဖီစိမ်း၊ ဂေါ်ဖီထုပ်၊ ကိုက်လံ၊ ပန်းဂေါ်ဖီတို့လို ဟင်းရွက်တွေ အစာခြေတဲ့အခါ ခန္ဓာကိုယ်ထဲမှာ ထွက်လာစေပါတယ်။

▪️ ဒီပစ္စည်းက ဘက်တီးရီးယားကြီးထွားမှုကို ရပ်တန့်ပေးပြီး ချေးဖြစ်စေတဲ့အလွှာကို ဖြိုခွဲပေးနိုင်ပါတယ်။

▪️ DIM ဟာ ပမာဏနည်းပါးတဲ့ အခြေအနေမှာတောင် ချေးဖြစ်ပေါ်မှုကို ၉၀ ရာခိုင်နှုန်းကျော် လျှော့ချပေးနိုင်ပါတယ်။

▪️ DIM စိတ်ချရတဲ့ ပမာဏမှာဆိုရင် ကင်ဆာဆန့်ကျင်နိုင်ပြီး အနာဂတ်မှာ သွားတိုက်ဆေးတွေထဲ ထည့်သွင်းရင် ထည့်သွင်းနိုင်မှာပါ။

▪️ အထက်ပါ ဟင်းရွက်တွေဟာ ဓာတ်တိုးဆန့်ကျင်ပစ္စည်းများ၊ ဗိုက်တာမင်-ဘီအုပ်စု၊ အမျှင်ဓာတ်များ ကြွယ်ဝတာကြောင့် ခံတွင်းကျန်းမာရေးအပြင် ကင်ဆာကာကွယ်ခြင်းနဲ့ အစာခြေစနစ်လုပ်ဆောင်ချက် တိုးတက်ဖို့လည်း အသုံးဝင်လာနိုင်ပါတယ်။

▪️ ယခုအချိန်ထိတော့ လူသားတွေနဲ့ လက်တွေ့စမ်းသပ်မှုများ မလုပ်ရသေးသလို အသိအမှတ်ပြုထားခြင်းလည်း မရှိသေးပါဘူး။

Source: The Jerusalem Post.

၂၈ စက်တင်ဘာ ၂၀၂၇

မြန်မာနိုင်ငံနှင့် စီးပွားရေးဆိုင်ရာ ပူးပေါင်းဆောင်ရွက်မှုများကို ဆောင်ရွက်သွားရန် အသင့်ရှိတယ်လို့  ကာဇက်စတန်သမ္မတနိုင်ငံ သမ္မတ Mr. Kassym-Jomart Tokayev က မြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို ပြောကြားပါတယ်။

ဗိုလ်ချုပ်မှူးကြီး မင်းအောင်လှိုင်နှင့် Mr. Kassym-Jomart Tokayevတို့ စက်တင်ဘာ ၂၇ ရက် မွန်းလွဲပိုင်းက ကာဇက်စတန်သမ္မတနိုင်ငံ သမ္မတနန်းတော်၌ တွေ့ဆုံရာတွင် သူက ပြောကြား ခဲ့ခြင်းဖြစ်ပါတယ်။

မြန်မာနှင့် ကာဇက်စတန် နှစ်နိုင်ငံသည် ပထဝီအနေအထားအရ အလှမ်း ဝေးကွာသော်လည်း ချစ်ကြည်ရင်းနှီးသည့် နိုင်ငံများဖြစ်သည့်အတွက် နှစ်နိုင်ငံအကြား အကျိုး ဖြစ်ထွန်းစေမည့် ကဏ္ဍပေါင်းစုံတွင် နီးကပ်စွာပူးပေါင်းဆောင်ရွက်မှုများကို တိုးမြှင့်ဆောင်ရွက်သွားလိုတယ်လို့ ဗိုလ်ချုပ်မှူးကြီးက ပြန်လည်ပြောကြားခဲ့ပါတယ်။

မြန်မာနိုင်ငံသည် အရှေ့တောင်အာရှ၏ တောင်ဘက်တွင်ရှိသည့် နိုင်ငံတစ်နိုင်ငံဖြစ်ပြီး ကာဇက်စတန်နိုင်ငံအနေဖြင့်လည်း ရုရှားနိုင်ငံဘက်မှ ကြည့်မည်ဆိုပါက logistic ပိုင်းဆိုင်ရာ လုပ်ငန်းများကို အကောင်းဆုံးဖြတ်သန်းဆောင်ရွက်နိုင်သည့် နိုင်ငံတစ်ခုဖြစ်တယ်လို့ ကာဇက်စတန် သမ္မတကပြောဆိုခဲ့ပြီး နှစ်နိုင်ငံ စီးပွားရေးဆိုင်ရာပူးပေါင်းဆောင်ရွက်သွားမည်ဆိုပါက ရုရှားနိုင်ငံသာမက အရှေ့တောင်အာရှနိုင်ငံများနှင့်လည်း ပူးပေါင်းဆောင်ရွက်နိုင်မည်ဟု ယုံကြည်တယ်လို့လည်း သူက ဆက်ပြောပါတယ်။

ယခုကဲ့သို့ တွေ့ဆုံဆွေးနွေးမှုများမှတစ်ဆင့် နှစ်နိုင်ငံဆက်ဆံရေးကို တိုးမြှင့်ပြီး ပူးပေါင်းဆောင်ရွက်မှုများ လက်တွေ့အကောင်အထည် ဖော်ဆောင်ရွက်နိုင်ရန် တွန်းအားတစ်ခုဖြစ်စေလိမ့်မည်ဟု ယုံကြည်တယ် လို့ ဗိုလ်ချုပ်မှူးကြီးက ပြန်လည်ဆွေးနွေးပြောကြားခဲ့ပါတယ်။

မြန်မာနိုင်ငံတော်ယာယီသမ္မတနှင့် ကာဇက်စတန်နိုင်ငံသမ္မတတို့သည် ကုန်သွယ်ရေးနှင့် ကူးသန်း   ရောင်းဝယ်ရေးကဏ္ဍ၊ စိုက်ပျိုးမွေးမြူရေးကဏ္ဍ၊ ကုန်ပစ္စည်းများသယ်ယူပို့‌ဆောင်ရေးကဏ္ဍ၊ ရေနံ၊ သဘာဝဓာတ်ငွေ့နှင့် သတ္တုတူးဖော်ရေးကဏ္ဍ၊ မြန်မာနိုင်ငံ၏ နိုင်ငံရေး ဖြစ်ပေါ်  ပြောင်းလဲမှု ကဏ္ဍတို့ အပါအဝင် ကဏ္ဍပေါင်းစုံ၌ ပူးပေါင်းဆောင် ရွက်မှုမြှင့်တင်ရေးဆိုင်ရာကိစ္စရပ်များအား ခင်မင်ရင်းနှီးစွာ  ဖြင့် အမြင်ချင်းဖလှယ် ဆွေးနွေးခဲ့ကြတယ်လို့  မြန်မာအစိုးရသတင်းထုတ်ပြန်ချက်မှာဖော်ပြထား  ပါတယ်။

အဆိုပါတွေ့ဆုံပွဲသို့ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေး   ကော်မရှင်ဥက္ကဋ္ဌနှင့်အတူ တွဲဖက်အမှုဆောင်ချုပ် ဗိုလ်ချုပ်ကြီး ရဲဝင်းဦး၊ ကော်မရှင်အဖွဲ့ဝင် နိုင်ငံခြား‌ရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ပြည်ထောင်စုဝန်ကြီးများဖြစ်ကြသည့် ဦးဉာဏ်ထွန်း၊ ဦးကိုကိုလွင်၊ ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးသစ်လင်း အုန်းနှင့် တာဝန်ရှိသူတို့ တက်ရောက်ကြပြီး ကာဇက်စတန်သမ္မတနိုင်ငံသမ္မတနှင့်အတူ ကာဇက်စတန်  သမ္မတနိုင်ငံ နိုင်ငံခြားရေးဝန်ကြီး Mr. KOSHERBAYEV Yermek Bedelbayevich နှင့် အစိုးရ  အဖွဲ့   အကြီးအကဲများ တက်ရောက်ခဲ့ကြောင်းသိရှိရပါတယ်။

#ymg/knl