#World_News
Published 14 November 2024

▪️ အမေရိကန်သမ္မတအဖြစ် ရွေးချယ်ခံရတဲ့ ဒေါ်နယ်ထရမ့်နဲ့ အဖွဲ့ဟာ ရာထူးကနေ ထုတ်ပယ်သွားမယ့် စစ်အရာရှိများစာရင်းကို ရေးဆွဲနေပြီး အဲဒီအထဲမှာ ပူးတွဲစစ်ဦးစီးအရာရှိချုပ်လည်း ပါဝင်နိုင်တယ်လို့ သတင်းရင်းမြစ်နှစ်ဦးထံမှ သိရကာ ပင်တဂွန်စစ်ဌာနချုပ်မှာ လှုပ်လှုပ်ရှားရှား ဖြစ်ကုန်ပါတယ်။

▪️ နိုဝင်ဘာ ၅ရက်နေ့ ရွေးကောက်ပွဲမှာ ထရမ့်အနိုင်ရပြီးနောက် ရာထူးမှထုတ်ပယ်ရေး အစီအစဉ်တွေပြုလုပ်နေတာ အစောပိုင်းအဆင့် ရောက်နေပြီး ထရမ့်အကူးအပြောင်း အစိုးရအဖွဲ့က စတင်ပုံဖော်နေပြီလို့ အမည်မဖော်လိုသူ သတင်းရင်းမြစ်တွေက ပြောပါတယ်။

▪️ ဒီအစီအစဉ်တွေကို ထရမ့်ကိုယ်တိုင် ထောက်ခံအားပေးတာလားဆိုတာ မသေချာပေမယ့် ယင်းကိုဝေဖန်ဖူးတဲ့ ကာကွယ်ရေးခေါင်းဆောင်တွေကို အရင်ကလည်း ဖယ်ရှားဖူးပါတယ်။

▪️ နောက်ထပ်သတင်းရင်းမြစ် ပြောကြားချက်အရ အသစ်ပြောင်းလာမယ့် အစိုးရအဖွဲ့ဟာ ထရမ့်ရဲ့ ပူးတွဲစစ်ဦးစီးအရာရှိချုပ်ဟောင်း မာ့ခ်မီလီနဲ့ ဆက်စပ်နေတယ်လို့ ယူဆထားတဲ့ အမေရိကန် စစ်ရေးအရာရှိများကို ဦးစားပေးဖယ်ရှားသွားဖွယ် ရှိပါတယ်။

▪️ မီလီနဲ့ ပတ်သက်နေတဲ့ လူတိုင်းရဲ့ နာမည်စာရင်းတွေ အတိအကျရှိထားပြီး ယင်းတို့အားလုံး ဖယ်ရှားခံရမှာ ဖြစ်တယ်လို့ ဆိုပါတယ်။

▪️ ပူးတွဲစစ်ဦးစီးအရာရှိချုပ်အဖွဲ့ထဲမှာ အမေရိကန်စစ်တပ်မှ ရာထူးအမြင့်ဆုံးအရာရှိများ ပါဝင်ပြီး ကြည်းတပ်၊ ရေတပ်၊ လေတပ်၊ နိုင်ငံတော် ကာကွယ်ရေးတပ်နဲ့ အာကာသတပ်ဖွဲ့များ ပါဝင်ပါတယ်။

▪️ ဒီမတိုင်ခင်မှာ ထရမ့်ဟာ Fox News သတင်းကြေညာသူနဲ့ ပင်တဂွန်မှာ ရှင်းလင်းရေးလုပ်ချင်နေတဲ့ စစ်မှုထမ်းဟောင်း ပီ့တ်ဟက်ဂ်ဆက်ကို ကာကွယ်ရေးဝန်ကြီးအဖြစ် ရွေးချယ်ခဲ့ပါတယ်။

▪️ ဖယ်ရှားခံရမယ့် အရာရှိတွေထဲမှာ လေတပ်ဗိုလ်ချုပ် C.Q.ဘရောင်းလည်း ပါဝင်လာနိုင်တယ်လို့ သိရပါတယ်။

▪️ အရာရှိဟောင်းတွေနဲ့ လက်ရှိအမှုထမ်းအရာရှိ အချို့က လက်ရှိကမ္ဘာပေါ်မှာ စစ်ပွဲတွေဖြစ်နေတဲ့အချိန် ဒီလိုအပြောင်းအလဲ လုပ်တာဟာ မလိုလားအပ်တဲ့ လုပ်ရပ်ဖြစ်တယ်လို့ ဆိုပါတယ်။

▪️ ဒီရာထူးနေရာတွေဟာ အစားထိုးလို့လွယ်တဲ့ နေရာတွေဖြစ်ပြီး တာဝန်ဆက်ခံမယ့်သူတွေ ရှားပါးမနေဘူးလို့ သတင်းရင်းမြစ်က ပြောပါတယ်။

#Source: Reuters

#Local_News
Published 14 November 2024

▪️ ရန်ကုန်-မန္တလေး လမ်းပိုင်းအတွင်းရှိ စမုံ-သပြေတောင်းဘူတာအကြားရှိ စမုံတံတား ပြန်လည်မွမ်းမံပြင်ဆင်မည်ဖြစ်သောကြောင့် မန္တလေး-သာစည် ရထားလမ်းပိုင်းကို ယာယီနှစ်ရက် ပိတ်မည်ဖြစ်ကြောင်း သိရသည်။

▪️ တိုင်ဖွန်းမုန်တိုင်း “ရာဂီ” ၏အရှိန်ကြောင့် မိုးသည်းထန်စွာရွာသွန်းခဲ့ပြီး ရေတိုက်စားမှုကြောင့် ပျက်စီးသွားသည့် မန္တလေးတိုင်းဒေသကြီး ဝမ်းတွင်းမြို့နယ် စမုံနှင့်သပြေတောင်းကြား အဆန်ရထားလမ်း တံတားအမှတ် (၆၉၁) ၏ ကမ်းကပ်ခုံရေတိုက်စားခံရမှုအပေါ် ပေ ၆၀ ဘေလီ သံပေါင်ဖြင့် ယာယီအစားထိုးဆောင်ရွက်ခဲ့ပြီး ယခုအခါ အသေးစိတ် ပြင်ဆင်မွမ်းမံမှုများ ပြုလုပ်ရန် လိုအပ်သည့်အတွက်  နိုဝင်ဘာ ၁၈ ရက်နှင့် ၁၉ ရက်များတွင် မန္တလေး-သာစည် ရထားလမ်းပိုင်းကို ယာယီပိတ်ထားမည်ဖြစ်ကြောင်း သိရသည်။

▪️ အဆိုပါ နေ့ရက်များတွင် သာစည်-မန္တလေး ပြေးဆွဲပေးလျက်ရှိသည့် အမှတ် သ-၃၀၁ အဆန်၊ သ-၃၀၂ အစုန် RBE လူစီးရထားနှင့် ရန်ကုန်-မန္တလေး-ရန်ကုန် ပြေးဆွဲလျက်ရှိသည့် အမှတ်(၁)အဆန်၊ အမှတ် (၂) အစုန် စာပို့ရထားများကို ယာယီရပ်နားထားမည်ဖြစ်ပြီး ရန်ကုန်-မန္တလေး- ရန်ကုန် ပြေးဆွဲလျက်ရှိသည့် အမှတ်(၁၁)အဆန်၊ အမှတ်(၁၂)အစုန် လူစီးအမြန်ရထားများကို ရန်ကုန် - သာစည် - ရန်ကုန် ခရီးစဉ်အဖြစ် ပြောင်းလဲပြေးဆွဲမည်ဖြစ်‌ကြောင်း သိရသည်။

▪️ မြန်မာ့မီးရထားအနေဖြင့် ပြည်သူများခရီးသွားလာမှု လွယ်ကူအဆင်ပြေစေရေးနှင့် ကုန်စည်စီးဆင်းမှု မြန်ဆန်စေရေးအတွက် ရထားလမ်းပိုင်းများတွင် လူစီးရထားနှင့် ကုန်ရထားများ ပြေးဆွဲပေးခြင်း ဆောင်ရွက်ပေးလျက်ရှိ ကြောင်း သိရသည်။

▪️ ထိုသို့ဆောင်ရွက်ရာတွင် ရန်ကုန် - မန္တလေး ရထားလမ်းပိုင်းအတွင်း ရေကြီးရေလျှံမှုဖြစ်ပွား၍ ရထားလမ်းနှင့်တံတားများ ထိခိုက်ပျက်စီးမှုများကို အချိန်နှင့်တစ်ပြေးညီ ပြုပြင်ဆောင်ရွက်ခဲ့ပြီး ယခုအခါ စမုံနှင့်သပြေတောင်းကြား အဆန်လမ်းတံတား အမှတ် (၆၉၁) (စမုံတံတား) ကို အသေးစိတ်ပြုပြင်မှုများပြုလုပ်ပြီး နိုဝင်ဘာ ၂၀ ရက်မှစ၍ ရန်ကုန်-မန္တလေးလမ်းပိုင်းအတွင်း ပြေးဆွဲလျက်ရှိသောရထားများကို မူလပြေးဆွဲချိန်များအတိုင်း ရန်ကုန်နှင့်မန္တလေး ခရီးဆုံးဘူတာများအထိ ပုံမှန်ပြေးဆွဲပေးမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 14 November 2024

▪️ မြစ်ကြမ်းပြင်မြစ်ရေတိုက်စားမှု ကာကွယ်ရေးလုပ်ငန်းဆောင်ရွက်မည်ဖြစ်သောကြောင့် လှိုင်မြစ်ကူးရွှေပြည်သာ တံတားရေလမ်းပြောင်းလဲမည် ဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ သိရသည်။

▪️ ရွှေပြည်သာတံတားရေလမ်းတွင် ယခင်က ရေယာဉ်များ ဖြတ်သန်းသွားလာရန် ရေလမ်းကြောင်းကို အစုန်လမ်းအဖြစ် ရေလယ်တိုင်အမှတ် (၃) နှင့် (၄) အကြားမှ လည်းကောင်း၊ အဆန်လမ်းအဖြစ် ရေလယ်တိုင်အမှတ် (၂) နှင့် (၃)အကြားမှလည်းကောင်း ဖွင့်လှစ်ထားသော်လည်း ယခုအခါတံတားမြစ်ကြမ်းပြင်မြစ်ရေတိုက်စားမှု ကာကွယ်ရေးလုပ်ငန်း ဆောင်ရွက်မည်ဖြစ်သောကြောင့် ရေယာဉ်များဖြတ်သန်းသွားလာရန် ရေလမ်းကြောင်းကို ယနေ့ နိုဝင်ဘာ ၁၄ ရက်မှစ၍ အစုန်၊ အဆန်ရေလမ်းအဖြစ် ရေလယ်တိုင်အမှတ် (၂) နှင့် (၃) အကြားမှ ပြောင်းလဲဖွင့်လှစ်မည်ဖြစ်ကြောင်း သိရသည်။

▪️ အဆိုပါ ပြောင်းလဲမည့် ရေလမ်း၏ကင်းလွတ်အကျယ်သည် ၃၄၅ ပေနှင့် ကင်းလွတ်အမြင့်သည် အမြင့်ဆုံး ရေမျက်နှာပြင် အထက် ၃၆ ပေရှိ‌ ကြောင်း၊ရေယာဉ်များ ဖြတ်သန်းရမည့် ဝင်ပေါက်ရေလမ်းတွင် နေ့အခါ အစိမ်းရောင်တြိဂံအမှတ်အသား ပြသထားမည်ဖြစ်ပြီး ညအခါ မီးစိမ်းထွန်းပြသထားမည်ဖြစ်သည်။

▪️ ထို့အတူ မဝင်ရမည့်ရေလမ်းတွင် နေ့အခါအနီရောင်ကြက်ခြေခတ် အမှတ်အသားပြသထားပြီး ညအခါ မီးနီထွန်း ပြသထားမည်ဖြစ်သည်။

▪️ အဆိုပါ ရွှေပြည်သာတံတားတိုင်များ၏ အောက်ခြေပိုင်တိုင် အုတ်ခုံများသည် ရေလယ်တိုင်များ၏တစ်ဖက်တစ်ချက်တွင် ၁၅ ပေခန့် ထိုးထွက်နေသဖြင့် ရေယာဉ်များရေလယ်တိုင်နှစ်ခုအကြားမှ ယှဉ်ပြိုင်ခုတ်မောင်းခြင်း မပြုရန်၊ တွဲတွန်းရေယာဉ်များ တစ်တွဲချင်းသာ ချိတ်ဆွဲဖြတ်သန်းကြရန်နှင့် အစုန်ဦးစားပေး၍ ဝင်ပေါက်သို့ ချဉ်းကပ်ရာတွင် လုံလောက်သော အကွာအဝေးမှ ချဉ်းကပ်လမ်းကြောင်းမှန်ဖြင့် ထိန်းသိမ်းခုတ်မောင်းကြရန် အသိပေးထားကြောင်း  သိရသည်။

#YMG/NN #Yangon_Times

#Local_News
Published 14 November 2024

▪️ ညစ်ညမ်းစာပါသော စာအုပ်ထုတ်ဝေသူ(၂)ဦးကို ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပ‌ဒေဖြင့်တရားစွဲဆိုအရေးယူသွားရန်ရှိကြောင်း ပြန်ကြားရေးဝန်ကြီးဌာန၏ထုတ်ပြန်ချက်အရသိရသည်။

▪️ ပုံနှိပ်သူဦးရာဇာရဲထွဋ်(Right ပုံနှိပ်တိုက်)နှင့် ထုတ်ဝေသူ ဒေါ်စိန်ကြည်(The Density Book House)တို့မှ ပုံနှိပ်ထုတ်ဝေသော စာရေးသူMahuyarရေးသားသည့်‘‘1500 Miles to You’’စာအုပ်နှင့် ‘’အမုန်းနဲ့ပျိုးတဲ့ ချစ်ခြင်းလင်္ကာ’’စာအုပ်များသည် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့်ညှိစွန်းပြီး ဟီရိသြတ္တပ္ပကင်းသည့်၊မြန်မာ့လူ့အဖွဲ့အစည်းကလက်မခံသည့် လူငယ်များ၏တွေးခေါ်မြော်မြင်မှုနှင့်ခံစားနားလည်မှုကို လွဲမှားစေနိုင်သည့် ညစ်ညမ်းစာတွေဖော်ပြတွေ့ရှိရသည်ဟု ထုတ်ပြန်ချက်တွင် ဖော်ပြပါရှိသည်။

▪️ သို့ဖြစ်၍ စာအုပ်နှစ်အုပ် ပုံနှိပ်ထုတ်ဝေသူနှစ်ဦးဖြစ်သောပုံနှိပ်သူဦးရာဇာရဲထွဋ်(Right ပုံနှိပ်တိုက်)နှင့် ထုတ်ဝေသူ ဒေါ်စိန်ကြည်(The Density Book House)တို့ကိုထုတ်ဝေခွင့်လိုင်စင်ရုပ်သိမ်းခဲ့ပြီး တရားမဝင်ထုတ်ဝေစာအဖြစ်ကြေညာခဲ့ကာ ပုံနှိပ်သူနှင့်ထုတ်ဝေသူကို ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့်အညီ တရားစွဲဆိုအရေးယူဆောင်ရွက်သွားရန်ရှိကြောင်း သိရသည်။

#YMG/tthl #Yangon_Times

#World_Science
Published 14 November 2024

▪️ စကြဝဠာကြီးမှာ အံ့ဩဖွယ်ရာတွေ ပြည့်နှက်နေပြီး သိပ္ပံပညာရှင်တွေ မဖော်နိုင်သေးတဲ့ အရာတွေ ရှိနေပါသေးတယ်။

▪️ ထိုကိစ္စတွေထဲမှာ ဂျူပီတာဂြိုဟ်လို့ခေါ်တဲ့ ကြာသပတေးဂြိုဟ်မှာ မြေပြင်မရှိတဲ့ ဖြစ်ရပ်လည်း ပါဝင်နေပါတယ်။

▪️ ဂျူပီတာဂြိုဟ်မှာ မြေပြင်တွေ မြက်ပင်တွေ ဖုန်မှုန့်တွေ မရှိသလို လမ်းလျှောက်လို့မရ အာကာသယာဉ် ရပ်နားလို့မရပါဘူး။

▪️ မြေပြင်မရှိဘူးရင် ဂျူပီတာဂြိုဟ်ကြီးက ဘယ်လိုတည်ရှိနေသလဲလို့ မေးစရာရှိလာပါတယ်။

▪️ ဂျူပီတာက နေလုံးကနေဆိုရင် ၅ခုမြောက် ဂြိုဟ်ဖြစ်ပြီး မားစ်ဂြိုဟ်နဲ့ စေတန်ဂြိုဟ်ကြား တည်ရှိကာ စကြဝဠာထဲမှာ အကြီးဆုံးဂြိုဟ်ဖြစ်ပြီး ကမ္ဘာဂြိုဟ်ပေါင်း ၁၀၀၀ လောက်အထိ ကြီးမားပါတယ်။

▪️ အခြားဂြိုဟ်တွေဖြစ်တဲ့ မာကျူရီ၊ ဗီးနပ်စ်၊ ကမ္ဘာဂြိုဟ်နဲ့ မားစ်တို့ကတော့ မြေမျက်နှာပြင်တွေ ရှိကြပါတယ်။

▪️ ဂျူပီတာမှာ လေငွေ့ဓာတ်ငွေ့များ လုံးထွေးနေပြီး အချို့နေရာတွေမှာ တစ်နာရီကို ၄၀၀ မိုင်နှုန်း တိုက်ခတ်ကာ ကမ္ဘာပေါ်က အဆင့် ၅ဟာရီကိန်းထက် ၃ ဆပိုမြန်ပါတယ်။

▪️ အပေါ်ဆုံးလွှာမှာ ဟိုက်ဒရိုဂျင်နဲ့ ဟီလီယံလေထုအများစု ဖုံးအုပ်ထားပြီး ဖိအားက အတွင်းသို့ ပိုပိုနက်လာပါတယ်။

▪️ ဖိအားက အတွင်းပိုင်းမှာ အလွန်သိပ်သည်းတာကြောင့် ဖိအားများလွန်းပြီး လူ့ခန္ဓာကိုယ်ဆိုရင် ပေါက်ကွဲနိုင်ပါတယ်။

▪️ အငွေ့တွေက ဟိုက်ဒရိုဂျင်အရည်များ ပြောင်းလဲလာကာ စကြဝဠာထဲက အကြီးဆုံးသမုဒ္ဒရာ ဖြစ်လာတယ်လို့ ယူဆရပြီး ရေမရှိတဲ့ သမုဒ္ဒရာသာ ဖြစ်ပါတယ်။
ဟိုက်ဒရိုဂျင်အရည်ထဲမှာ အက်တမ်တွေ ကြပ်ညပ်နေပြီး အီလက်ထရွန်တွေ လွတ်လပ်စွာ သွားနေကြပါတယ်။

▪️ ဂျူပီတာဂြိုဟ် ဗဟိုအူတိုင်မှာ ရှိတဲ့ သဘာဝပစ္စည်းတွေကိုတော့ မသိရှိရသေးပါဘူး။

▪️ အဲဒါတွေက အစိုင်အခဲတော့မဟုတ်ဘဲ အရည်တွေနဲ့ အစိုင်အခဲရောစပ်နေတဲ့ အရာတွေသာ ဖြစ်နိုင်ပြီး ဗဟိုအူတိုင်မှာ ဖိအားအလွန်မြင့်မားနေနိုင်ပါတယ်။

Source: WION.

#World_Health
Published 14 November 2024

▪️ ဆောင်းရာသီ ကူးပြောင်းလာချိန်မှာ လေထဲမှာ စိုစွတ်မှုနည်းပါးလာပြီး အသားအရေ ခြောက်သွေ့လာစေနိုင်ပါတယ်။

▪️ စိုစွတ်မှု မရှိတဲ့အခါ ရေဓာတ်ခန်းခြောက်လာပြီး ခြောက်သွေ့ခြင်း၊ အရေးကြောင်းဖြစ်ခြင်းများ ဖြစ်ပေါ်လာပါတယ်။

▪️ ဒီအတွက် ရေဓာတ်ဖြည့်ပေးတဲ့ မျက်နှာအုပ်ကပ်ခွာတွေက အစိုဓာတ် ထိန်းသိမ်းပေးပြီး အာဟာရဓာတ် ဖြည့်တင်းပေးပါတယ်။

▪️ မျက်နှာအုပ်ကပ်ခွာတွေကို သဘာဝပစ္စည်းများဖြင့် ပြုလုပ်အသုံးပြုခြင်းဖြင့် အဆိုပါ အရေပြားပြဿနာများမှ ကာကွယ်ပေးနိုင်မှာ ဖြစ်ပါတယ်။

▪️ (၁) ပျားရည်နှင့်ဒိန်ချဉ် - ပျားရည်က အရေပြားထဲ စိုစွတ်မှု ရောက်ရှိစေပြီး ဒိန်ချဉ်မှာပါတဲ့ လက်တစ်အက်ဆစ်က ရေဓာတ်ဖြည့်ပေးကာ ဆဲလ်သေများ ကွာကျစေပါတယ်။

▪️ (၂) ထောပတ်သီးနှင့် သံလွင်ဆီ - ထောပတ်သီးက အကျိုးပြုအဆီနဲ့ ဗိုက်တာမင်-အီး၊ စီတို့ ကြွယ်ဝကာ သံလွင်ဆီက အသားအရေ စိုစွတ်စေပါတယ်။

▪️ (၃) ရှားစောင်းလက်ပတ်နှင့် သခွားသီး - ရှားစောင်းက အေးမြပြီး ရေဓာတ်ဖြည့်တဲ့ အစွမ်းအာနိသင်ရှိပြီးတော့ သခွားသီးကတော့ ရေဓာတ်နဲ့ ချောမွေ့တဲ့ အာနိသင် ပေးစွမ်းနိုင်ပါတယ်။

▪️ (၄) ငှက်ပျောသီးနှင့် ပျားရည် - ငှက်ပျောသီးက စိုစွတ်မှုထိန်းသိမ်းပေးပြီး အသားအရေ နူးညံ့စေကာ ပျားရည်က စိုစွတ်မှု ထိန်းသိမ်းပေးပါတယ်။

▪️ (၅) အုတ်ဂျုံနှင့် နို့ - အုတ်ဂျုံမှာ ရောင်ရမ်းဆန့်ကျင်ခြင်းနဲ့ ဆဲလ်သေကွာကျခြင်း အစွမ်းသတ္တိရှိကာ နို့မှာပါတဲ့ လက်တစ်အက်ဆစ်ကတော့ ဆဲလ်သေများ ကွာကျစေပါတယ်။

▪️ (၆) အုန်းနို့နှင့်ပျားရည် - အုန်းနို့မှာ အကျိုးပြုအဆီနဲ့ ဗိုက်တာမင်များ ပါဝင်ပြီး ပျားရည်က ရေဓာတ်ဖြည့်ပေးကာ အသားအရေ စိုစွတ်စေပါတယ်။

▪️ (၇) သင်္ဘောသီးနှင့်ပျားရည် - သင်္ဘောသီးမှာ ဗိုက်တာမင်-အေ၊စီနဲ့ အင်ဇိုင်းများ ကြွယ်ဝကာ အသားအရေကို အာဟာရဖြည့်ပေးပြီး ပျားရည်က ရေဓာတ်ထိန်းသိမ်းပေးပါတယ်။

(▪️ ၈) နှင်းဆီရည်နှင့် ဂလစ်ဆရင်း - နှင်းဆီရည်က စိတ်ငြိမ်သက်စေပြီး ရေဓာတ်ဖြည့်ပေးကာ ဂလစ်ဆရင်းက အသားအရေကို စိုစွတ်အောင် ထိန်းသိမ်းပေးပါတယ်။

Source: DoctorNDTV

တရုတ်လူမျိုး စက်ဘီးစီးသမားတစ်ဦးဟာ တိုက်ကြီး ၅ တိုက်က ၆၂ နိုင်ငံကို စက်ဘီးဖြင့် ၁၂ နှစ်ကြာအောင် ဖြတ်သန်းပြီးစီးခဲ့ကာ သူ့ငယ်ဘဝအိပ်မက် အကောင်အထည် ဖော်နေပါတယ်။

#World_News
Published 13 November 2024
#စက်ဘီးဖြင့်ကမ္ဘာပတ် #တိုက်ကြီး(၅)တိုက်ဖြတ်သန်း

၁၃ နိုဝင်ဘာ ၂၀၂၄

မြန်မာနိုင်ငံ မြောက်ပိုင်းတွင်ဖြစ်ပွားနေသည့် စစ်ပွဲများတွင် အမေရိကန်နိုင်ငံသားများနှင့် နိုင်ငံခြားသားများပါဝင် နေကြောင်း တယ်လီဂရပ်သတင်းစာက နိုဝင်ဘာ ၁၃ရက်တွင် ဖော်ထုတ်ရေးသားခဲ့ပါတယ်။

တယ်လီဂရပ်က အသက် ၂၄နှစ်အရွယ်ရှိ အမေရိကန်နိုင်ငံသား အာဇတ်ဆိုသူနှင့်‌ တွေ့ဆုံမေးမြန်းရေးသားခဲ့ခြင်း ဖြစ်ပြီး သူသည် အမေရိကန်လေနှင့်စကားပြောသူဖြစ်ပြီး‌ တော်လှန်ရေးကိုသဘောကျကြောင်းနှင့် မြန်မာပြည် မြောက်ပိုင်းသို့သွားရောက်ကာ အစိုးရဆန့်ကျင်ရေးအုပ်စုများနှင့်အတူ သွားရောက်တိုက်ခိုက်ခဲ့တယ်လို့ဆိုပါတယ်။  အဲဒီနောက်သူဟာ အမေရိကန်မှာရှိတဲ့မိသားစုနှင့်အတူ နှစ်လခန့်နေထိုင်ပြီးနောက် အနောက်မြောက်ပိုင်းရှိ ချင်းပြည်နယ်သို့သွားရောက်ကာ ရှေ့တန်းမှပါဝင်တိုက်ခိုက်ခဲ့ကြောင်းနှင့်အထူးသဖြင့်သူသည် လက်ဖြောင့်ပစ်ခတ် မှုကျွမ်းကျင်ကြောင်းလည်း အဆိုပါသတင်းတွင်ရေးသားထားပါတယ်။

အာဇတ်ဆိုသည်မှာ သူ၏ အမည်ဝှက်ဖြစ်ပြီး  သူသည် စစ်တိုက်ရသည်ကို စိတ်လှပ်ရှားတက်ကြွကြောင်း၊ အဲဒါကြောင့် ပဋိပက္ခနေရာများနှင့် စွန့်စားရသောခရီးသွားခြင်းများကို ရှာဖွေနေသူဖြစ်ကြောင်းလည်း သူက ပြောပါတယ်။

အာဇတ်မှာ မြန်မာနိုင်ငံအတွင်း ခိုးဝင်လာပြီး  ဆန့်ကျင်ရေးအုပ်စုတွေနှင့်အတူ တိုက်ခိုက်နေတဲ့ နိုင်ငံခြားသား အနည်းအကျဉ်းထဲမှာ တစ်ဦးအပါအဝင်ဖြစ်ပါတယ်။ သူတို့ဟာ ယခုဆိုရင် ဖက်ဆစ်ဆန့်ကျင်ရေးနိုင်ငံတကာ တပ်ဦး the Anti-Fascist Internationalist Front (AIF) ဆိုတဲ့အမည်နှင့် အဖွဲ့ငယ်ကလေးတစ်ခု ပထမဆုံးဖွဲ့စည်း ထားပြီးပြီလို့လည်း တယ်လီဂရပ်သတင်းစာမှာဖော်ပြထားပါတယ်။

သူဟာ တရားဝင်စစ်သင်တန်းမတက်ဖူးပေမယ့် ဆီရီးယားနိုင်ငံမှာ ကဒ်လူမျိုးစုသူပုန်တွေနှင့်အတူ လေးနှစ်အထိ တိုက်ခဲ့ဖူးသည့် အတွေ့အကြုံရှိတယ်လို့သူကပြောပါတယ်။ ယူကရိန်း ဒါမှမဟုတ်ဆီးရီးယားနှင့်မတူတဲ့အချက်က မြန်မာနိုင်ငံမှာ နိုင်ငံခြားသားတွေစ စနစ်တကျစုဆောင်းမှုမရှိသေးတော့ အရေအတွက်က နည်းသေးတယ်လို့ သူက ဆက်ပြောပါတယ်။သူက နိုင်ငံတကာစိတ်ဓာတ်တွေရှိတဲ့ နိုင်ငံခြာ့းသားတွေ ထပ်လိုချင်တယ်လို့ဆိုပါတယ်။

ကြာသပတေးနေ့က သူက ရန်ပုံငွေစရှာလိုက်တာ ၂၄နာရီအတွင်း ဒေါ်လာတစ်ထောင်ရလိုက်တယ်လို့လည်း တယ်လီဂရပ်ကသူကပြောပါတယ်။

Ref :Telegraph

အပြည့်အစုံဖတ်လိုသူများ-

https://www.telegraph.co.uk/world-news/2024/11/13/why-i-left-us-deep-south-to-fight-in-myanmar-civil-war/  တွင်ဖတ်ရှုနိုင်ပါတယ်။

#Daily_News
Published 13 November 2024

၁။သာစည်-မန္တလေးရထားလမ်းပိုင်း လူစီးရထားဖြင့်ခရီးသွားနိုင်ပြီ

၂။အောက်တိုဘာလအတွင်းဆန်အိတ် အကြီး၊အသေးအိတ်ရေ ၇၈,၀၀၀ကျော် ရောင်းချနိုင်ခဲ့

၃။မြင်းခြံသို့ မိုးကြက်သွန်နီများစတင်ဝင်ရောက်လာ

၄။ စက်ဘီးဖြင့်ကမ္ဘာပတ်ခရီးသွားမည့်အိပ်မက်ကိုအကောင်အထည်ဖော်နေသည့်တရုတ်အမျိုးသား တိုက်ကြီး(၅)တိုက်သို့ဖြတ်သန်းပြီးမြောက်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

ကျိုက်ထီးရိုးစေတီတော်မှာ လုံခြုံရေးကောင်းမွန်လို့ တန်ဆောင်တိုင်ကာလမှာ ဘုရားဖူး‌တွေလာရောက်လည်ပတ်နိုင်တယ်လို့ ဂေါပကအဖွဲထံမှ သိရပါတယ်။

#Local_News
Published 13 November 2024
#ကျိုက်ထီးရိုးလုံခြုံရေးကောင်းမွန် #တန်ဆောင်တိုင်လာရောက်လည်ပတ်
#YMG/tthl #Yangon_Times

မြင်းခြံ ကုန်စည်ဒိုင်ကို မိုးကြက်သွန်နီတွေစတင်ဝင်ရောက်လာပြီး ဈေးကောင်းရနေတယ် လို ယင်းကုန်စည်ဒိုင် က သိရပါတယ် ။

#Local_News
Published 13 November 2024
#မိုးကြက်သွန်နီ #ဈေးကောင်းရနေ
#YMG/NN #Yangon_Times

အောက်တိုဘာလအတွင်းသင့်တင့်မျှတတဲ့ ဈေးနှုန်းနဲ့ ၂၄ပြည်  ဆန်အိတ် အကြီးအပါအဝင် ၁၀kg ဆန်အသေးအိတ်ရေ ၇၈,၀၀၀ကျော် အထိ ရောင်းချနိုင်ခဲ့တယ်လို့ မြန်မာနိုင်ငံဆန်စပါးအသင်းချုပ်ကနေ သိရပါတယ်။

#Local_News
Published 13 November 2024
#ဆန်အိတ်အကြီး၊အသေး #၇၈,၀၀၀ကျော်ရောင်းချ
#YMG/NN #Yangon_Times