မြန်မာ့ရိုးရာဆေးမင်ကြောင် ထိုးခြင်းတစ်ခေတ်ဆန်းစေဖို့  ‌ကြိုးပမ်းဆောင်ရွက်နေတယ်လို့ ရိုးရာသိဒ္ဓိဝင်ဆေးမင်ကြောင်ထိုးနှံသူတွေဆီက သိရပါတယ်။
#Local_News
Published_07 June 2024
#မြန်မာ့ရိုးရာဆေးမင်ကြောင် #ရိုးရာသိဒ္ဓိဝင်ဆေးမင်ကြောင်
#YMG NN #Yangon_Times

#Local_News
Published_07 June 2024

▪️ ၂၀၂၄ ပညာသင်နှစ်အဝေးသင်သင်တန်းများ တက်ရောက်မည့်သူများအတွက် ကျောင်းအပ်နှံမှတ်ပုံတင်နိုင်မည့် နေ့ရက်ကိုဇွန်လ (၂၈) ရက်ထိ ဆက်လက်ရက်တိုးမြှင့်၍ လက်ခံပေးထားကြောင်း ပညာရေးဝန်ကြီးဌာနမှ သိရသည်။

▪️ ၂၀၂၄ ပညာသင်နှစ်အဝေးသင်သင်တန်းများကို  ပြီးခဲ့သည့် ဒီဇင်ဘာ (၂၆) ရက်က စတင်ဖွင့်လှစ်ခဲ့ကာ ပထမနှစ်၊ ဒုတိယနှစ်နှင့်အထက် သင်တန်းများ ကျောင်းအပ်ခြင်းကို မေလ (၃၁) ရက်အထိ သက်ဆိုင်ရာ တက္ကသိုလ်ကောလိပ်များမှ ဆောင်ရွက်ပေးခဲ့ခြင်း ဖြစ်ကြောင်း သိရသည်။

▪️ အဆိုပါသင်တန်းများ၏ကျောင်းအပ်မှတ်ပုံတင်ခြင်းကို ယခုဇွန်လ (၂၈) ရက်အထိစနေ၊ တနင်္ဂနွေရုံးပိတ်ရက်များမှအပ သက်ဆိုင်ရာ တက္ကသိုလ်၊ ကောလိပ်များတွင် ဆက်လက်အပ်နှံနိုင်မည်ဖြစ်ကြောင်း သိရသည်။

#YMG/NN #Yangon_Times

၇ ဇွန် ၂၀၂၄

ကင်မရွန်နိုင်ငံဝန်ကြီးချုပ်ဟောင်း ဖီလီမွန်ယန်းကို ၇၉ ကြိမ်မြောက် ကုလသမဂ္ဂအထွေထွေညီလာခံရဲ့ သဘာပတိအဖြစ် ဇွန်လ ၆ ရက်နေ့က တင်မြှောက်လိုက်တယ်လို့ သိရပါတယ်။

ယန်းဟာ ၇၈ကြိမ်မြောက်ညီလာခံရဲ့သဘာပတိအဖြစ် ဆောင်ရွက်ခဲ့တဲ့ ထရင်နီဒက်နှင့်တိုဘာဂိုနိုင်ငံမှ ဒင်းနစ်ဖရန်စစ် ထံကနေ စက်တင်ဘာ၁၀ရက်နေ့ ညီလာခံဖွင့်တဲ့အခါ တာဝန်လွှဲယူမှာဖြစ်ပါတယ်။

နိုင်ငံတကာအသိုက်အဝန်းကို ဗဟုဝါဒတိုးမြှင့်ကြဖို့ ရွေးကောက်တင်မြှောက်ခံရတဲ့ သဘာပတိအသစ်က တိုက်တွန်း ပြောကြားပါတယ်။ ပြီးတော့ ကုလသမဂ္ဂရဲ့အခြေခံမူတွေနှင့် ပဋိညာဉ်အုတ်မြစ်ကိုလည်း သူကအလေးပေးပြောပါတယ်။

ယန်းဟာ ၁၉၄၇ခုနှစ် ဇွန်လမှာ မွေးဖွားခဲ့ပြီး ၂၀၀၉ မှ ၂၀၁၉အထိ ကင်မရွန်ဝန်ကြီးချုပ်ဖြစ်တာဝန်ထမ်းဆောင်ခဲ့ပါတယ်။ ၂၀၂၀ပြည့်နှစ်မှစကာ သမ္မတရဲ့ အမျိုးသားဂုဏ်ထူးဆောင်ဆု အဓိပတိကြီးအဖြစ်တာဝန်ထမ်းဆောင်နေပါတယ်။  ကင်မရွန်ဟာ ကုလသမဂ္ဂ အထွေထွေညီလာခံသဘာပတိအဖြစ် ရွေးချယ်ခံရတဲ့ အာဖရိကနိုင်ငံတွေထဲမှာ ၁၃နိုင်ငံမြောက် ဖြစ်ပါတယ်။ ၂၀၁၄မှာ ယူဂန်ဒါနှင့် ၂၀၁၉ မှာ နိုင်ဂျီးရီးယားတို့ အရွေးခံခဲ့ရပါတယ်။

Source Xinhua

#Local_News
Published_07 June 2024

▪️ တိုက်ကြီး ခရိုင်အတွက်၂၀၂၄ ခုနှစ် မိုးစပါးချေးငွေကျပ်သန်း ၆၄၀၀ ကျော် ချထားပေးကြောင်း ရန်ကုန်တိုင်းဒေသကြီးအစိုးရအဖွဲ့မှသိရသည်။

▪️ ဇွန် ၄ ရက်က တိုက်ကြီးမြို့နယ် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမတွင် ရန်ကုန်တိုင်းဒေသကြီး တိုက်ကြီးခရိုင်အတွင်း တောင်သူများအား မြန်မာ့လယ်ယာဖွံ့ဖြိုးရေးဘဏ်၏ ၂ဝ၂၄ ခုနှစ်၊ မိုးရာသီ စိုက်ပျိုးစရိတ်ချေးငွေပေးအပ်ခြင်းကို အခမ်းအနား ပြုလုပ်၍ ပေးအပ်ခဲ့ခြင်းဖြစ်ကြောင်း သိရသည်။

▪️ တိုင်းဒေသကြီး ဝန်ကြီးချုပ်ကတိုက်ကြီး ခရိုင်အတွက် ၂ဝ၂၄ ခုနှစ်၊ မိုးစပါးချေးငွေ (၆၄၈၅ ဒသမ ၇၀) ကျပ်သန်းအား လည်း ကောင်း၊ တိုင်းဒေသကြီးအစိုးရအဖွဲ့ဝန်ကြီးများက တိုက်ကြီးမြို့နယ်အတွင်းရှိ တောင်သူများအား စိုက်ပျိုးစရိတ်ချေးငွေများကိုလည်းကောင်းပေးအပ်ရာ တာဝန်ရှိသူများက လက်ခံရယူခဲ့‌ကြောင်း သိရသည်။

▪️ ထို့နောက် ရန်ကုန်တိုင်း ဒေသကြီးဝန်ကြီးချုပ်က တိုက်ရိုက်အစေ့ချကိရိယာ  Seeder ဖြင့် နွေစပါးစိုက်ပျိုးခဲ့သည့် တောင်သူများ အနေဖြင့် ပန်းတိုင်ရည်မှန်းချက်ကျော်လွန်စိုက်ပျိုးနိုင်ခဲ့၍ ယခုမိုးစပါးကိုလည်း Seeder ဖြင့် စိုက်ပျိုးကြရန်မှာကြားခဲ့ကြောင်း သိရသည်။

▪️ အဆိုပါ Seeder ဖြင့် စိုက်ပျိုးခြင်းသည်  အကုန်အကျသက်သာ၍ အထွက်နှုန်းတိုးပြီး ဝင်ငွေပိုမိုရရှိနိုင်ကြောင်း သိရသည်။

#YMG/NN #Yangon_Times

#Local_News
Published_07 June 2024

▪️ တရုတ်-မြန်မာသံတမန်ဆက်ဆံရေးထူထောင်ခြင်း (၇၄) နှစ်ပြည့် အထိမ်းအမှတ်အဖြစ်  လှိုင်သာယာရှိအမှတ် (၁၄) အခြေခံပညာအထက်တန်း ကျောင်းသို့စာရေးကိရိယာနဲ့ စားနပ်ရိက္ခာထုပ်များ လှူဒါန်းခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။

▪️ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးနှင့် တရုတ်နိုင်ငံ ကျေးလက်ဖွံ့ဖြိုးတိုးတက်မှု ဖောင်ဒေးရှင်းတို့သည်  ဇွန်လ ၆ ရက်နေ့တွင် ရန်ကုန်တိုင်း အမှတ် (၁၄) အခြေခံပညာအထက်တန်းကျောင်း လှိုင်သာယာမြို့နယ်သို့ စာရေးကိရိယာနဲ့ စားနပ်ရိက္ခာထုပ်များ လှူဒါန်းပေးအပ်ခဲ့ခြင်းဖြစ်သည်။ 

▪️ မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai က ယနေ့ လှူဒါန်းခြင်း၏ရည်ရွယ်ချက်မှာ တရုတ်-မြန်မာ သံတမန်ဆက်ဆံရေး ထူထောင်ခြင်း (၇၄) နှစ်ပြည့် အထိမ်းအမှတ်ဖြစ်၍ တရုတ်-မြန်မာ သံတမန်ဆက်ဆံရေး ထူထောင်ခြင်း၏ မူလရည်မှန်းချက်ကို ပြန်လည်အောက်မေ့ပြီး ဆွေမျိုးပေါက်ဖော် ချစ်ကြည်ရေး သံယောဇဉ်ကို လက်ဆင့်ကမ်းကာ ကျောင်းသားကျောင်းသူများ ပညာသင်ယူပြီး ထူးချွန်ထက်မြတ်သူများ ဖြစ်လာစေရန်အတွက် အကူအညီပေးခြင်း ဖြစ်ကြောင်းပြောကြားခဲ့သည်။

▪️ အမှတ် (၁၄) အခြေခံပညာအထက်တန်းကျောင်း လှိုင်သာယာမြို့နယ်သည် တရုတ်နိုင်ငံက မြန်မာနိုင်ငံတွင် ကူညီတည်ဆောက်ပေးသည့် “တရုတ်-မြန်မာ ချစ်ကြည်ရေးကျောင်း” ၂၃ ကျောင်းအနက် တစ်ကျောင်းဖြစ်သည်ဟုဆိုသည်။ 

▪️ မြန်မာနိုင်ငံဆိုင်ရာ တရုတ်သံရုံးသည် ၂၀၁၇ ခုနှစ်တွင် အဆိုပါကျောင်းအတွက် ၂ လွှာ စာသင်ဆောင်တစ်ဆောင် တည်ဆောက်ပေးခဲ့ပြီး ကျောင်းဆောင်၏ မူလအခြေအနေကို တိုးတက်ကောင်းမွန်လာစေခဲ့ကြောင်းနှင့် ထို့နောက် တရုတ်သံရုံးက ကျောင်းဆရာ၊ ဆရာမများ တရုတ်နိုင်ငံသို့ လေ့လာရေးခရီးသွားရောက်ရန်စီစဥ်ပေးခဲ့ပါသည်။ ကိုဗစ်-၁၉ ကပ်‌ရောဂါကာလအတွင်း တရုတ်သံရုံးမှ အဆိုပါကျောင်းထံသို့ ကပ်ရောဂါကာကွယ်ရေးပစ္စည်းများလည်း  လှူဒါန်းပေးအပ်ခဲ့ကြောင်း သိရသည်။

#tthl #Yangon_Times

#Local_News
Published 7 June 2024
▪️ စက်မှုဇုန်ပြင်ပတွင် လည်ပတ်နေသော လုပ်ငန်းများရှိသဖြင့် စက်မှုဇုန်အသစ်များ ထပ်မံတည်ဆောက်ပေးသွားရမည်ဖြစ်ကြောင်းစက်မှုဝန်ကြီးဌာန ပြည်ထောင်စုဝန်ကြီးဒေါက်တာချာလီသန်းက ပြောသည်။

▪️ ဇွန်လ ၆ရက်နေ့က ကျင်းပပြုလုပ်သည့် စက်မှုလုပ်ငန်းနှင့်စက်မှုဇုန်ဖွံ့ဖြိုးတိုးတက်ရေးအတွက် ရှေ့ဆက်လက်ဆောင်ရွက်မည့် လုပ်ငန်းစဉ်များနှင့်ပတ်သက်၍ ညှိနှိုင်းဆွေးနွေးပွဲအခမ်းအနားတွင် ယခုကဲ့သို့ပြောကြားခြင်း ဖြစ်သည်။

▪️ မြန်မာနိုင်ငံတွင်တည်ထောင်ပြီး စက်မှုဇုန် ၂၈ ဇုန်၊ စက်မှုရပ်ကွက်ငါးခု၊ ဆောင်ရွက်ဆဲစက်မှုဇုန်စီမံကိန်းနှစ်ခုရှိကြောင်း၊ အဆိုပါစက်မှုဇုန်၊ စက်မှုရပ်ကွက်နှင့် စီမံကိန်းများအတွင်း အငယ်စား၊ အလတ်စားနှင့်အကြီးစားစက်မှု လုပ်ငန်းပေါင်း ၇၉၇၂ ခုရှိပြီး လုပ်သားပေါင်းငါးသိန်းကျော်ကို အလုပ်အကိုင်အခွင့်အလမ်းများ ဖန်တီးပေးထားနိုင်ကြောင်း၊ စက်မှုဇုန်ပြင်ပတွင်လည်ပတ်နေသော လုပ်ငန်းများရှိသဖြင့် စက်မှုဇုန်အသစ်များ ထပ်မံတည်ဆောက်ပေးသွားရမည်ဖြစ်ကြောင်း ပြောကြားခဲ့သည်။

▪️ ပြည်တွင်းစက်မှုလုပ်ငန်းများ၊ ကုန်ထုတ်လုပ်ငန်းများ ဆောင်ရွက်နိုင်ရန်အတွက် စက်မှုဇုန်အသစ်များတည်ထောင်ရန်နှင့် တည်ထောင်ထားရှိသော စက်မှုဇုန်များ စနစ်တကျဖွံ့ဖြိုးတိုးတက်ရေးရည်ရွယ်၍ စက်မှုဇုန်ဥပဒေကို ၂၀၂၀ ပြည့်နှစ် မေ ၂၆ ရက်တွင် အတည်ပြုပြဋ္ဌာန်းခဲ့ပြီး တာဝန်ခံဝန်ကြီးဌာနသည် စက်မှုဝန်ကြီးဌာနဖြစ်ကြောင်း၊ အတည်ပြုပြီး စက်မှုဇုန်ဥပဒေနှင့်အညီ ဗဟိုကော်မတီ၊ ဒေသဆိုင်ရာကော်မတီ၊ စီမံခန့်ခွဲရေးကော်မတီများ ဖွဲ့စည်းပြီး စက်မှုဇုန်အသစ်များ စနစ်တကျထူထောင်သွားရန်၊ တည်ထောင်ပြီး စက်မှုဇုန်များအား အဆင့်မြှင့်တင်ရန်၊ ခရိုင်၊ မြို့နယ်၊ ရပ်ကွက်များတွင် ပြန့်ကျဲတည်ရှိနေသော စက်မှုလုပ်ငန်းများအား စက်မှုဇုန်များတွင် စုပေါင်းလုပ်ကိုင်စေခြင်းဖြင့် ရေရှည်ဖွံ့ဖြိုးတိုးတက်မှုများ ခံစားရရှိစေရန်၊ အလုပ်အကိုင်အခွင့်အလမ်းများ ပေါ်ပေါက်လာစေရန်နှင့် နိုင်ငံ့စီးပွားတိုးတက်စေရန် ဆောင်ရွက်ကြရန် ထပ်မံပြောကြားခဲ့သည်။

▪️ အဆိုပါ အစည်းအဝေးသို့ စက်မှုဝန်ကြီးဌာန ပြည်ထောင်စုဝန်ကြီးဒေါက်တာချာလီသန်း၊ နေပြည်တော်ကောင်စီဥက္ကဋ္ဌဦးသန်းထွန်းဦး၊ ကောင်စီဝင်များ၊ စက်မှုဝန်ကြီးဌာနမှ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ နေပြည်တော်ကောင်စီရှိ ဌာနဆိုင်ရာအကြီးအကဲများနှင့် စက်မှုဝန်ကြီးဌာနမှ တာဝန်ရှိသူများတက်ရောက်ခဲ့ကြောင်း သိရသည်။

#YMG/LW #Yangon_Times

#World_News
Published 07 June 2024

▪️ တစ်နိုင်ငံတည်းသားကို သတ်ဖြတ်ပြီး အလောင်းဖြတ်တောက်ခဲ့တဲ့အမှုရဲ့ အဓိကတရားခံတွေဖြစ်သလို ယာကူဇာတွေနဲ့ ဆက်စပ်နေနိုင်တဲ့ ဂျပန်လူမျိုး ၂ ယောက်ကို လာအိုနိုင်ငံမှာ မနေ့က ဖမ်းမိခဲ့ပါတယ်။

▪️ အသက် ၅၀ အရွယ် ကာတိုတာကူယာနဲ့ အသက် ၃၃ နှစ်အရွယ် ဆူဇူကီဟီရိုတိုတို့ကို လာအိုမြို့တော် ဗီယန်ကျင်းမှာ ဒေသတွင်းအာဏာပိုင်များက ဖမ်းဆီးခဲ့ပြီး စီရင်စုနယ်ရဲဌာနဗျူရို(၁) ထံသို့ လွှဲပြောင်းပေးခဲ့ပါတယ်။

▪️ တရားခံတွေကို လာမယ့်အပတ်မှာ ထိုင်းနိုင်ငံသို့ ပို့ဆောင်ရန် စီစဥ်ထားပါတယ်။

▪️ ထို ၂ ယောက်ဟာ ဧပြီလက ထိုင်းနိုင်ငံ နွန်ထဘူရီမှာ အသက် ၄၇ နှစ်အရွယ် ကာဘာရှီမာရိုဆာကဲကို သတ်ဖြတ်ပြီး ခန္ဓာကိုယ်ဖြတ်တောက်ခဲ့တယ်လို့ သံသယဝင်ခံနေရပါတယ်။

▪️ အမှိုက်အိတ်အနက်တွေနဲ့ ထုပ်ပိုးထားတဲ့ ခန္ဓာကိုယ်အစိတ်အပိုင်းတွေကို ဘန်ဘွေထောင်ခရိုင် တမ်ဘွန်ဖီမိုရက်မှ နေရာအနှံ့မှာ တွေ့ရှိခဲ့ပါတယ်။

▪️ ပထမဆုံးအိတ်ကို ဧပြီ ၁၉ ရက်နေ့မှာ တွေ့ရှိခဲ့ပြီး နောက် ၄ ရက်အကြာမှာတော့ ဦးခေါင်းပိုင်းကို အခြားတစ်နေရာမှာ တွေ့ရှိခဲ့ပါတယ်။

▪️ အသက် ၃၀ အရွယ် ထိုင်းလူမျိုး ခရစ်ဆာကွန်ကျိုင်ဖီတက်ကတော့ သတ်ဖြတ်မှုဖြစ်တဲ့အချိန်မှာ ဂျပန်လူမျိုး ၃ ဦးကနေ ခန့်အပ်တဲ့ ယာဥ်မောင်းဖြစ်နေတာကြောင့် အစောပိုင်းတည်းက အဖမ်းခံခဲ့ရပါတယ်။

▪️ မစ္စတာ ခရစ်ဆာတွန်က ရဲတွေကို ပြောပြရာမှာ ရိုဆာကဲက ကားရှေ့ထိုင်ခုံမှာ ထိုင်ခဲ့ပြီး မစ္စတာ ဟီရိုတိုနဲ့ တာကူယာတို့က အနောက်ခုံမှာ ထိုင်ခဲ့ပါတယ်။

▪️ ကားမောင်းနေစဥ် သူတို့ပြောနေတာတွေကို နားမလည်ပေမယ့် သုံးယောက်သား ငြင်းခုံနေကြတယ်လို့တော့ ယာဥ်မောင်းက သိရှိနေပါတယ်။

▪️ နွန်ထဘူရီ ဘန်ဘွေထောင်ရှိ ဂိုဒေါင်တစ်ခုသို့သွားရန် ပြောခဲ့ကြပါတယ်။

▪️ ထိုနေရာသို့ရောက်ပြီးနောက် လူ ၂ ဦးက သူ့ကိုကားထဲကထွက်ခိုင်းခဲ့ရာ ဆေးလိပ်ထွက်သောက်နေခဲ့ပါတယ်။

▪️ ကားထဲမှာ ငြင်းခုံနေကြပြီးနောက် သေနတ်သံကြားလိုက်ရတယ်လို့ ရဲတွေကို ပြောပြခဲ့ပါတယ်။

▪️ ထိုနေရာသို့ ပြေးကြည့်ရာမှာ ရိုဆာကဲက မြေပြင်ပေါ်လဲကျနေပြီး ဦးခေါင်းကနေ သွေးတွေထွက်နေတာကို တွေ့ခဲ့ပါတယ်။

▪️ ဒီနောက် ခန္ဓာကိုယ်ကို ဖြတ်တောက်ရန် စက်ရုံထဲယူဆောင်သွားပြီး ပလတ်စတစ်အိတ် အနက်တွေနဲ့ ကားထဲကို ပြန်ယူလာခဲ့ပါတယ်။

▪️ ထို့နောက် ထိုအိတ်တွေကို ဘန်ဘွေထောင်ရှိ နေရာအနှံ့မှာ စွန့်ပစ်ဖို့ မှာကြားခဲ့တယ်လို့ ဆိုပါတယ်။

▪️ မစ္စတာ ခရစ်ဆာတွန်က အလောင်းဖျောက်ရန် ပူးပေါင်းကြံစည်မှုဖြင့် ရင်ဆိုင်နေရကာ သေဆုံးသူရဲ့ လက်ပေါ်က တက်တူးကိုကြည့်ပြီး တရားခံ ၂ ဦးက ယာကူဇာတွေ ဖြစ်နေနိုင်တယ်လို့ စစ်ဆေးတွေ့ရှိထားပါတယ်။

#Source: Bangkok Post

#World_Health
Published 07 June 2024

▪️ အချိန်ကြာကြာ ရေချိုးတာထက်စာရင် ရေတစ်ပုံးစာ မြန်မြန်ရေချိုးခြင်းက နှင်းခူရောဂါအတွက် သင့်လျော်တယ်လို့ ကျွမ်းကျင်သူများ ဆိုပါတယ်။

▪️ နှင်းခူရောဂါက အရေပြားရောင်ရမ်းတဲ့ ရောဂါတစ်မျိုးဖြစ်ပြီး အကြောင်းအမျိုးမျိုးကြောင့် အရေပြား အလွန်ခြောက်သွေ့တဲ့အခါ နီမြန်းရဲတက်လာတာ ဖြစ်ပါတယ်။

▪️ ရောဂါကို သေချာမထိန်းချုပ်ရင် ယားယံခြင်း၊ ခြောက်သွေ့ခြင်း၊ နီမြန်းခြင်း၊ အကွက်ထခြင်း၊ အဖုပေါက်ခြင်းနဲ့ ကူးစက်မှုအမျိုးမျိုး ဖြစ်စေနိုင်ပါတယ်။

▪️ နှင်းခူရောဂါဖြစ်စေတဲ့ အကြောင်းအရင်းရယ်လို့ မရှိပေမယ့် စိတ်ဖိစီးမှု၊ ပတ်ဝန်းကျင် အခြေအနေ၊ မျိုးရိုးလိုက်ခြင်းနဲ့ ကိုယ်ခံအားစနစ် တုန့်ပြန်လွန်းခြင်းတို့ကြောင့် ဖြစ်နိုင်ပါတယ်။

▪️ အရေပြား အလွန်အမင်း ခြောက်သွေ့ခြင်းမျိုး မဖြစ်စေရန် ရေချိုးတဲ့ပုံစံကို သတိပြုရမှာ ဖြစ်ပါတယ်။

▪️ ရေချိုးစဥ် ဆပ်ပြာတိုက်တဲ့အခါ အရေပြားပေါ်က အဆီအချို့ ပါသွားကြောင်း၊ ပါသွားတဲ့ အဆီပမာဏ နည်းစေရန်အတွက် မြန်မြန်ဆန်ဆန် တိုက်ချွတ်သန့်ရှင်းရန် အရေးကြီးကြောင်း စီကေဘာလာဆေးရုံမှ အရေပြားဆရာဝန် ဒေါက်တာ ဆီမာအိုဘရွိုင်လောလ်က ပြောပြပါတယ်။

▪️ ရေတစ်ပုံးစာ ရေမြန်မြန်ချိုးခြင်းက အချိန်ကုန်သက်သာရုံမက အရေပြားကို ရေဓာတ်ထိန်းပေးပါတယ်။

▪️ ရေပန်းဖြင့် ဇိမ်ခံရေချိုးခြင်းက စိတ်ပြေလျော့စေနိုင်ပေမယ့် အရေပြားပြဿနာကို ပိုမိုဆိုးရွားစေပါတယ်။

▪️ ရေနွေးဖြင့်ချိုးခြင်း၊ အလွန်အကျွံ တိုက်ချွတ်ခြင်း၊ ရေပန်းဖြင့်ချိုးခြင်းတို့က သဘာဝအဆီများ ကွာသွားစေကြောင်း၊ အရေပြားခြောက်သွေ့တဲ့အခါ နှင်းခူလက္ခဏာများ ပိုမိုဆိုးရွားစေကြောင်း၊ ရေချိုးချိန်ကို ၃ - ၅ မိနစ်သာ သတ်မှတ်သင့်ကြောင်း ဟိုလီဖမ်မလီဆေးရုံမှ အရေပြားအထူးကု ဒေါက်တာ ပါရူလ်ခေါ့က ပြောပြပါတယ်။

▪️ ရေအေးက နှင်းခူကြောင့် ယားယံခြင်းကို သက်သာစေတယ်လို့ ဒေါက်တာ ဒီဝါလီဘာ့ဒ်ဝက်ဂျ်က ဆိုပါတယ်။

▪️ ကြာကြာရေချိုးခြင်းက အရေပြားကို လျင်မြန်စွာ ခြောက်သွေ့စေတယ်လို့ ဒေါက်တာ ဒစ်ဗ်ယာရှာမာက ဖော်ပြထားပါတယ်။

အရေပြား ရေဓာတ်ထိန်းပေးတဲ့ အခြားနည်းလမ်းတွေထဲမှာ သန့်ရှင်းတဲ့ ရေလဲသဘက် အသုံးပြုခြင်း၊ ရေချိုးခန်းကို လေဝင်လေထွက်ကောင်းအောင် ထားခြင်း၊ ဆပ်ပြာတုံး ရှောင်ရှားခြင်းတို့ ပါဝင်ပါတယ်။

▪️ အရေပြားတိုက်ချွတ်ခြင်းကို အားမပေးသလို ရေချိုးပြီးတဲ့အခါ အစိုဓာတ်ထိန်းခရင်မ် လိမ်းပေးဖို့ အကြံပြုကြပါတယ်။

#Source: India Today

၇ ဇွန် ၂၀၂၄

ထိုင်းနိုင်ငံ နာခွန်ရက်ချာဆီမာခရိုင်၊ ဖီမိုင်းမြို့က ထီပေါက်သူတစ်ဦးဟာ  သူ့ရဲ့ ဖော်ရွေတတ်တဲ့ အမြီးနှစ်ခွတောက်တဲ့ တစ်ကောင်ကို ရွှေဆွဲကြိုးတစ်ကုံး ဝယ်ပေးခဲ့ပါတယ်။အဲဒီတောက်တဲ့ကို သူဟာ လွန်ခဲ့တဲ့နှစ်ပတ်ခန့်က တွေ့ခဲ့လို့ အိမ်ကိုယူ ဆောင်လာတာဖြစ်ပြီး အဲဒီတောက်တဲ့ဟာ သူ့ကိုကံကောင်းစေတယ်လို့ သူကယုံကြည်သွားလို့ဖြစ်ပါတယ်။

အသက်၄၂နှစ်အရွယ် ဆောက်လုပ်ရေးကန်ထရိုက်တာ ဂျိန်း ချန်တာကူးဟာ မေလ ၂၀ရက်က အိမ်တစ်အိမ်မှာ ကန်ထရိုက် အလုပ်လုပ်ပေးနေရင်း ကွန်ကရစ်ရောပုံးကြီးတစ်ခုဘေးမှာ အမြီးနှစ်ခွနှင့် တောက်တဲ့ကို တွေ့လိုက်တာ ဖြစ်ပါတယ်။ သူဟာ အဲဒီထူးဆန်းတဲ့အမြီးကြောင့် အထိတ်တလန့်ဖြစ်သွားပါသေးတယ်။ ဒါပေမယ့် ဒီလိုတွေ့ရတာဟာ သူ့အတွက်တော့ နိမိတ်ကောင်းတစ်ခုလို့ ယုံကြည်ပြီး အဲဒီတောက်တဲ့ကို အိမ်ရှင်ထံက ခွင့်ပြုချက်တောင်းပြီး သူ့အိမ်   သယ်လာခဲ့ကာ အိမ်မွေးတိရိစ္ဆာန်အဖြစ်မွေးခဲ့ပါတယ်။

“ အဲဒီအချိန်မှာ ဒီတောက်တဲ့ကိုတွေ့ရတာ မင်္ဂလာရှိတာတစ်ခုလို့  ကျွန်တော်ယုံကြည်လိုက်တယ်။ ကျွန်တော့်မိသားစု အတွက်ကံကောင်းတော့မှာပဲလို့ခံစားရတယ်။ အဲဒါကြောင့် အိမ်ကိုသယ်လာဖို့ဆုံးဖြတ်ခဲ့တာ” လို့ သူကပြောပါတယ်။

ပြီးခဲ့တဲ့စနေနေ့က လတစ်လရဲ့ပထမနေ့ အစိုးရရဲ့ နှစ်လုံးထီဆုတွေကြေညာတဲ့အခါ သူဟာ ဘတ် ၂၈၀၀၀ ဆုကို ရရှိခဲ့ပါ  တယ်။ ပေါက်သွားတဲ့နံပါတ်က ၄၂ဖြစ်ပြီး သူက အဲဒီနံပါတ်ကိုပဲ ၁၄စောင်ဝယ်ခဲ့ပါတယ်။ တစ်စောင်ကို ဆုအဖြစ် ဘတ် ၂၀၀၀ ရခဲ့တာပါ။

ထီပေါက်တာနှင့် သူဟာ ရွှေဆိုင်တစ်ဆိုင်သွားပြီး ဆွဲကြိုးအသေးကလေးတစ်ကုံး ဝယ်လိုက်ပါတယ်။ ဆွဲကြိုးက ရွှေ ၂၅ ဆာတန်ရှိပြီး ဘတ် ၅၁၀၀ ပေးရပါတယ်။ သူက အဲဒီဆွဲကြိုးကို သူ့ရဲ့ လာဘ်ကောင်သတ္တဝါလေးကို လက်ဆောင်ပေး လိုက်ပါ တယ်။

ကျွန်တော်က ကျွန်တော့်အသက်ဖြစ်တဲ့ ၄၂ နံပါတ်ကိုရွေးထိုးတာပါ။ ထီပေါက်တာဟာ ဒီတောက်တဲ့ကြောင့်လို့ ကျွန်တော် တကယ်ထင်ပါတယ်။ဒီကောင်လေးကို ကျွန်တော် အတတ်နိုင်ဆုံးမွေးမြူစောင့်ရှောက်သွားမှာပါ။ဇွန် ၁၆ ရက် ထီဖွင့်ပွဲမှာလည်း သူက ကျွန်တော့်ကို ကံကောင်းအောင်လုပ်ပေးလိမ့်ဦးမယ်လို့ မျှော်လင့်ယုံကြည်ထားပါတယ်” လို့ သူကပြောပါတယ်။

Source BKK Post

#World_Health
Published 07 June 2024

▪️ အမေရိကန်မှာ လိင်မှတဆင့် ကူးစက်ရောဂါများ(STD) မထိန်းချုပ်နိုင်ဘဲ ပြန့်ပွားနေတယ်လို့ STD ညွန့်ပေါင်းညွှန်ကြားရေးမှူးများအဖွဲ့က ကြေညာလိုက်ပါတယ်။

▪️ အမေရိကန် ရောဂါထိန်းချုပ် ကာကွယ်ရေးစင်တာ (CDC)ရဲ့ အချက်အလက်များအရ အမေရိကန်မှာ ဆီးပူညောင်းကျဂနိုရောဂါ၊ ကာလသားရောဂါ၊ ကလာမိုက်ဒီးယားရောဂါများ ဖြစ်ပွားသူ ၂ သန်းခွဲကျော်ရှိနေပါတယ်။

▪️ အမေရိကန်မှာ ကလာမိုက်ဒီးယားက အဖြစ်အများဆုံး STD ရောဂါအဖြစ် နှစ်ပေါင်းများစွာ ရှိနေခဲ့ရာ လတ်တလောမှာ ကာလသားရောဂါ အဖြစ်များလာတာကလည်း စိုးရိမ်လာရပါတယ်။

▪️ ပြီးခဲ့တဲ့ ၅ နှစ်အတွင်း ကာလသားရောဂါ ဆစ်ဖလစ်ဖြစ်ပွားသူ ၈၀ ရာခိုင်နှုန်း ပိုများလာပါတယ်။

▪️ လိင်မှတဆင့် ရောဂါကူးစက်မှု (STI)တွေက အရွယ်ရောက်ပြီးသူများကြောင့် ကူးစက်တာဖြစ်ပေမယ့် မွေးကင်းစကလေးတွေမှာလည်း ဆစ်ဖလစ် ဖြစ်နိုင်ခြေ ရှိနေပါတယ်။

▪️ မိခင်ကိုယ်ဝန်ဆောင်စဥ် ကာလသားရောဂါက ကလေးကိုပါ ကူးစက်တတ်ကာ မွေးရာပါဆစ်ဖလစ်ရောဂါ ဖြစ်တတ်ပါတယ်။

▪️ ကလေးငယ်တွေရဲ့ ကျန်းမာရေး အခြေအနေက စိုးရိမ်စရာကောင်းလာပြီး မွေးရာပါဆစ်ဖလစ် ဖြစ်ပွားမှုက တစ်နှစ်ကို ၃၁ ရာခိုင်နှုန်း မြင့်တက်လာပါတယ်။

▪️ ထိုရောဂါကူးစက်မှုများကြောင့် ၂၀၂၂ အတွင်း ကလေးအသေမွေးခြင်းနဲ့ မွေးကင်းစအရွယ် သေဆုံးခြင်း ၂၈၂ ယောက်ရှိခဲ့ပါတယ်။

▪️ ကိုယ်ဝန်ဆောင်စဥ် အချိန်ကိုက် ရောဂါစစ်ဆေးခြင်းနဲ့ ကုသမှုခံယူခြင်းက ထိုအဖြစ်အပျက်တွေကနေ ၈၈ ရာခိုင်နှုန်းလောက် လျှော့ချပေးနိုင်ပါတယ်။

▪️ အစိုးရအဖွဲ့နဲ့ လွှတ်တော်တို့ကနေ လိုအပ်တဲ့ ထိန်းချုပ်ကာကွယ်ရေးများ မချမှတ်သေးသရွေ့ STD ရောဂါတွေကို ထိန်းချုပ်ရန် ခက်ခဲနေမှာဖြစ်ပါတယ်။

#Source: WION

ဆူဒန်တပ်မတော်နဲ့ တော်လှန်ရေးတပ်တိုကြား ပဋိပက္ခဖြစ်ပွားနေရာ ဆူဒန်ငွေကြေးတန်ဖိုး ကျဆင်းနေပြီး စီးပွားရေးဂယက်ထနေပါတယ်။
#World_News
Published_06 June 2024
#ငွေကြေးတန်ဖိုးကျဆင်း #ဆူဒန်နိုင်ငံ
#YMG #Yangon_Times #Yangon_Media_Group

#Daily_News
Published_06 June 2024

၁။ ရန်ကုန်ရှိ ထိုင်းသံရုံးတွင် ရွှေ့ပြောင်းလုပ်သားဗီဇာလျှောက်ထားနိုင်ပြီဟုဆို

၂။ ဟင်းပွဲချက်ရာတွင်သုံးရသည့် ပါဝင်ပစ္စည်းအချို့‌ ဈေးကွက်ထဲပြတ်နေ၍ စားသောက်ဆိုင်လုပ်ငန်းအချို့အခက်တွေ့နေ

၃။ "အိုလံပစ်ဒေး"လူငယ်လူသစ်တန်း မြန်မာ့သိုင်းပြိုင်ပွဲပြုလုပ်မည်

၄။ ပြည်တွင်းစစ်ဖြစ်ပွားကာ ငွေကြေးတန်ဖိုးကျဆင်းပြီး စီးပွားရေးကပ်ဆိုက်နေသည့်ဆူဒန်နိုင်ငံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times