#World_News
Published 06 June 2024

▪️ အမေရိကန်နဲ့ ဥရောပမဟာမိတ်နိုင်ငံများအနေနဲ့ ရုရှားနိုင်ငံထဲသို့ အနောက်တိုင်းမှ တာဝေးပစ်လက်နက်များဖြင့် ယူကရိန်းပစ်ခတ်နိုင်အောင်ခွင့်ပြုပါက ထိုနိုင်ငံများကို ပစ်ခွင်းနိုင်တဲ့ အကွာအဝေးအတွင်း သမားရိုးကျဒုံးကျည်များ ဖြန့်ကျက်ထားရှိသွားမယ်လို့ ရုရှားသမ္မတ ဗလာဒီမာပူတင်က ပြောကြားလိုက်ပါတယ်။

▪️ ယူကရိန်းစစ်ပွဲ စတင်ပြီးနောက်ပိုင်း ပူတင်က နိုင်ငံတကာ သတင်းမီဒီယာများမှ အကြီးတန်း အယ်ဒီတာများနဲ့ ပထမဆုံးအကြိမ် တွေ့ဆုံဆွေးနွေးခဲ့ရာမှာ ရုရှားဟာ နျူကလီးယား လက်နက်တွေ အသုံးပြုမှာ မဟုတ်ဘူးလို့ အနောက်တိုင်းနိုင်ငံတွေ ယူဆရင် မှားသွားမှာဖြစ်ကြောင်း၊ ရုရှားရဲ့ နျူကလီးယားလမ်းစဥ်ကို လျှော့မတွက်သင့်ကြောင်း ပြောကြားသွားပါတယ်။

▪️ အနောက်တိုင်းလက်နက်များဖြင့် ရုရှားနိုင်ငံထဲသို့ ယူကရိန်းပစ်ခတ်နိုင်အောင် ခွင့်ပြုသွားဖို့ တောင်းဆိုလိုက်တဲ့ နေတိုး(NATO) အကြီးအကဲ ယန်းစ်စတိုလ်တန်ဘာ့ဂ်အကြောင်း မေးမြန်းရာမှာ ဒါဟာ တင်းမာမှုမြင့်တက်စေနိုင်ကာ အနောက်တိုင်းနဲ့ ရုရှားတို့ စစ်ပွဲကို ဦးတည်စေနိုင်ကြောင်း သတိပေးလိုက်ပါတယ်။

▪️ အနောက်တိုင်းလက်နက်များ၊ အထူးသဖြင့် အမေရိကန်ရဲ့ ATACMS ၊ ဗြိတိန်နဲ့ ပြင်သစ်ဒုံးကျည်စနစ်များကို ရုရှားကပစ်ချသွားမယ်လို့ အသက် ၇၁ နှစ်ရှိ ပူတင်က ဆိုပါတယ်။

▪️ ယူကရိန်းပစ်ခတ်နိုင်အောင် ခွင့်ပြုတဲ့နိုင်ငံတွေကို ပစ်လို့ရလောက်တဲ့ အကွာအဝေးကနေ နည်းပညာမြင့် တာဝေးပစ်ဒုံးကျည်များ ဖြန့်ကျက်ထားရှိရန် ရုရှားက စဥ်းစားနေတယ်လို့ ဆိုပါတယ်။

▪️ ဒုံးကျည်တွေထားရှိသွားမယ့် နေရာအတိအကျကိုတော့ ပူတင်က မပြောသွားပါဘူး။

▪️ အမေရိကန်သမ္မတ ဂျိုးဘိုင်ဒင်က ရုရှားနိုင်ငံအတွင်းရှိ စစ်ဘက်ဆိုင်ရာ ပစ်မှတ်များကို အမေရိကန်ထောက်ပံ့ လက်နက်အချို့ဖြင့် ယူကရိန်းပစ်ခတ်နိုင်အောင် ခွင့်ပြုထားပါတယ်။

▪️ ဗြိတိန်နိုင်ငံခြားရေးဝန်ကြီး ဒေးဗစ်ကမ်မရွန်က မေလ ၃ ရက်နေ့က ယူကရိန်းသို့ လာရောက်စဥ် ရိုက်တာသတင်းဌာနကို ပြောကြားရာမှာ ယူကရိန်းအနေဖြင့် ဗြိတိန်ထောက်ပံ့ထားတဲ့ လက်နက်များဖြင့် ရုရှားနိုင်ငံထဲသို့ ပစ်ခတ်ခွင့်ရှိပြီး တကယ်အသုံးပြုမပြုကတော့ ယူကရိန်းအပေါ်သာ မူတည်ကြောင်း ဆိုပါတယ်။

▪️ နျူကလီးယားအကြောင်း မေးမြန်းရာမှာ ရုရှားရဲ့ အချုပ်အခြာအာဏာနဲ့ နယ်မြေကို ခြိမ်းခြောက်ထိပါးလာပါက နျူကလီးယားလမ်းစဥ်အတိုင်း ဆောင်ရွက်သွားမှာဖြစ်ပြီး ဒီကိစ္စကို ပေါ့ပေါ့တန်တန် မထင်သင့်ဘူးလို့ ဖြေကြားသွားပါတယ်။

#Source: Reuters

#Local_News
Published_06 June 2024

▪️ မြန်မာနိုင်ငံ အမျိုးသားဒီမိုကရေစီအဖွဲ့ချုပ် နာယကကြီး သူရဦးတင်ဦး၏ဈာပနာအခမ်းအနားသို့ မြန်မာနိုင်ငံဆိုင်ရာ တရုတ်သံရုံးကတက်ရောက်ပြီး ကျန်ရစ်သူမိသားစုဝင်များကို ဝမ်းနည်းစကားဆိုပြီး နှစ်သိမ့်စကားပြောကြားခဲ့‌ကြောင်း သံရုံး၏ ထုတ်ပြန်ချက်အရသိရသည်။

▪️ ထုတ်ပြန်ချက်တွင် မြန်မာနိုင်ငံဆိုင်ရာ တရုတ်သံရုံးမှသံမှူး Mrs. Qiao Li သည် ဇွန်လ ၅ ရက်နေ့တွင် သံရုံးကိုယ်စား မြန်မာနိုင်ငံ အမျိုးသားဒီမိုကရေစီအဖွဲ့ချုပ် နာယက သူရဦးတင်ဦး၏ ဈာပနာအခမ်းအနားသို့တက်ရောက်၍ ၎င်း၏မိသားစုဝင်များထံ ဝမ်းနည်းကြောင်းနှင့် နှစ်သိမ့်စကားပြောကြားခဲ့သည်ဟု ဆိုသည်။

▪️ သူရဦးတင်ဦးသည် မြန်မာနိုင်ငံ၏ အရေးပါနိုင်ငံရေးသမားဖြစ်ပြီး တရုတ်-မြန်မာဆက်ဆံရေး ဖွံ့ဖြိုးတိုးတက်မှုအတွက် အပြုသဘောဆောင်သည့် အခန်းကဏ္ဍမှပါဝင်ခဲ့ကြောင်းလည်း သံရုံး၏ထုတ်ပြန်ချက်၌ ဖော်ပြပါရှိသည်။

#tthl #Yangon_Times

#Local_News
Published 6June 2024

▪️ စင်ကာပူနိုင်ငံရောက် မြန်မာနိုင်ငံသားများ၏ နိုင်ငံကူးလက်မှတ်သက်တမ်းတိုးခြင်းကို အစိုးရရုံးပိတ်ရက်ဖြစ်သော ဇွန် ၂၃ ရက် (တနဂ်နွေနေ့) နံနက် ၉ နာရီခွဲမှ မွန်းလွဲ ၂ နာရီအတွင်း မြန်မာနိုင်ငံသား ၂၀၀ ခန့်ကို အထူးအစီအစဉ် ဖြင့်လက်ခံဆောင်ရွက်ပေးသွားမည်ဖြစ်ကြောင်း စင်ကာပူနိုင်ငံဆိုင်ရာ မြန်မာသံရုံးက အသိပေးထုတ်ပြန်ထားသည်။

▪️ စင်ကာပူနိုင်ငံရောက် မြန်မာနိုင်ငံသား ၁၂၀ ခန့်ကို နေ့စဉ် online appointment စနစ် ၇၅ ဦးခန့်နှင့် WhatsApp appointment စနစ် ၄၅ ဦးခန့်တို့ဖြင့် နိုင်ငံကူးလက်မှတ် သက်တမ်းတိုး ပုံမှန်ဆောင်ရွက်ပေးလျက်ရှိပြီး သံရုံး website မှ online appointment ရယူရန် အခက်အခဲနှင့် အလုပ်ချိန်အားလပ်ရက် အခြေအနေများကြောင့် ယခုအခါ စင်ကာပူနိုင်ငံ၌ နိုင်ငံကူးလက်မှတ် သက်တမ်းတိုးရန် စောင့်ဆိုင်းနေရသည့် မြန်မာနိုင်ငံသား အများအပြားရှိနေကြောင်း ကြားသိရသည်။

▪️ ထို့ကြောင့် မြန်မာနိုင်ငံသားများ၏ အခက်အခဲများကို အဆင်ပြေစေရန် ရည်ရွယ်ချက်ဖြင့် စင်ကာပူမြို့ မြန်မာသံရုံးမှ အစိုးရရုံးပိတ်ရက် ဇွန် ၂၃ ရက် (တနင်္ဂနွေနေ့) နံနက် ၉ နာရီခွဲမှ မွန်းလွဲ ၂ နာရီအတွင်း မြန်မာနိုင်ငံသား ၂၀၀ ခန့် (နိုင်ငံကူးလက်မှတ် ကုန်ဆုံးရက် ၂၀၂၅ ခုနှစ် ဩဂုတ်လ ၃၁ ရက်အထိ)၏ နိုင်ငံကူးလက်မှတ်များ သက်တမ်းတိုးခြင်းကို အထူးအစီအစဉ်ဖြင့် လက်ခံဆောင်ရွက်ပေးသွားမည်ဖြစ်ကြောင်း သိရသည်။

▪️ ဇွန် ၂၃ ရက်တွင် နိုင်ငံကူးလက်မှတ်သက်တမ်းတိုး ဆောင်ရွက်လိုသူများအနေဖြင့် ဇွန် ၁ ရက်မှ ၁၄ ရက်အတွင်း နိုင်ငံကူးလက်မှတ် စာမျက်နှာနှင့် သက်တမ်းရှိ IC Card ရှေ့၊ နောက် မိတ္တူတို့ကို WhatsApp နံပါတ် (+6581748993) သို့ ပေးပို့၍ စာရင်းပေးသွင်းနိုင်ပါကြောင်း၊ ဇွန် ၂၃ ရက်တွင် သက်တမ်းတိုးလာရောက်ဆောင်ရွက်ခွင့် ရရှိသူများအမည်စာရင်းကို ဇွန် ၁၉ ရက်တွင် သံရုံး website ၌ ကြေညာပေးသွားမည်ဖြစ်ကြောင်း အသိပေးထားသည်။

▪️ အဆိုပါ နိုင်ငံကူးလက်မှတ်များကို ဇွန် ၂၅ ရက်မှ ၂၇ ရက် (မွန်းလွဲ ၁ နာရီ ၃ နာရီအတွင်း)၌ ပြန်လည်ထုတ်ပေးမည့်စာရင်းကို ထပ်မံကြေညာ ပေးသွားမည်ဖြစ်ကြောင်းလည်း ထုတ်ပြန်ချက်တွင် ပါရှိသည်။

▪️ မြန်မာသံရုံး WhatsApp သို့ စာရင်းပေးသွင်းရာတွင် စာရွက်စာတမ်း အတုပြုလုပ်ခြင်း၊ အခကြေးငွေ ရယူသူများမှတစ်ဆင့်ပေးပို့ခြင်းမျိုး မပြုပါရန်နှင့် အဆိုပါ အထူးအစီအစဉ်အတွက် မြန်မာသံရုံးအနေဖြင့် မည်သည့်ပုဂ္ဂလိကဝန်ဆောင်မှုကုမ္ပဏီ၊ လူပုဂ္ဂိုလ်တို့ကို ဝန်ဆောင်မှုပေးထားခွင့် မရှိပါကြောင်း၊ WhatsApp သို့ အချက်အလက်များ ပေးပို့ရန်အခက်အခဲရှိပါက မြန်မာနိုင်ငံသားအချင်းချင်းအကြား ကူညီစောင့်ရှောက်မှု ပြုပေးကြပါရန် မြန်မာသံရုံးမှ မေတ္တာရပ်ခံပါကြောင်းလည်း ဖော်ပြထားသည်။

#YMG/LW #Yangon_Times

#World_Health
Published 06 June 2024

▪️ အိုမီဂါ-၃ ဖြည့်စွက်ဆေးက ရန်လိုတဲ့ အပြုအမူကို လျှော့ချပေးနိုင်တယ်လို့ ပန်ဆယ်လ်ဗေးနီးယားတက္ကသိုလ်က လေ့လာတွေ့ရှိထားပါတယ်။

▪️ အိုမီဂါ-၃ ဖြည့်စွက်ဆေးတွေကို ပုံမှန်အားဖြင့် ငါးကြီးဆီတောင့်များအဖြစ် ထုတ်လုပ်ကြပါတယ်။

▪️ စမ်းသပ်ပါဝင်သူ ၃၉၁၈ ဦးမှာ အိုမီဂါ-၃ ဖြည့်စွက်ဆေး သုံးစွဲခြင်းဖြင့် ရန်လိုတဲ့ အပြုအမူ ၂၂ ရာခိုင်နှုန်းမျှ လျော့ကျတာကို တွေ့ရှိခဲ့ပါတယ်။

▪️ အိုမီဂါ-၃ က လူမှုအသိုင်းအဝိုင်းမှာ ကြမ်းရမ်းတာတွေ မဖြစ်အောင် စွမ်းဆောင်ပေးနိုင်တဲ့ အံ့ဖွယ်အရာ မဟုတ်ပေမယ့် အထောက်အကူတော့ ဖြစ်စေနိုင်မယ်လို့ ယုံကြည်ကြောင်း သုတေသနပြုစုသူ အက်ဒရီယန်ရိန်းက ပြောပြပါတယ်။

▪️ ဖြည့်စွက်စာရဲ့ ရေတိုသက်ရောက်မှုကိုသာ ကောက်ချက်ချထားတာ ဖြစ်ပြီး ရေရှည်သက်ရောက်မှု သိရဖို့အတွက် နောက်ထပ်လေ့လာရဦးမှာ ဖြစ်တယ်လို့ ဖော်ပြထားပါတယ်။

▪️ ငါးကြီးဆီ ဖြည့်စွက်ဆေးတွေက ဦးနှောက်နဲ့ နှလုံးကျန်းမာရေးအတွက် အထောက်အကူ ပြုတယ်လို့ သိရှိထားပေမယ့် နှလုံးရောဂါနဲ့ လေဖြတ်အန္တရာယ် မဖြစ်ဖူးသူတွေမှာ ပထမဆုံးအနေဖြင့် ဖြစ်နိုင်ခြေများတယ်လို့ မကြာသေးမီက တွေ့ရှိထားပါတယ်။

#Source: New York Post

#World_Science
Published 06 June 2024

▪️ အသည်းကင်ဆာ နောက်ပိုင်းအဆင့် ရောက်နေတဲ့အမျိုးသားတစ်ဦးဟာ ဝက်ရဲ့အသည်းဖြင့် အစားထိုးခွဲစိတ်မှုကို ပထမဆုံးခံယူသူ ဖြစ်လာပါတယ်။

▪️ မျိုးဗီဇဆိုင်ရာ အချက်အလက်များ ပြုပြင်ထားတဲ့ ဝက်ရဲ့အသည်းကို လူနာထံ အစားထိုးခွဲစိတ်ပေးခဲ့တာ ဖြစ်တယ်လို့ တရုတ်ဆရာဝန်များက ပြောပြခဲ့ပါတယ်။

▪️ ဒါဟာ တိရိစ္ဆာန်တစ်မျိုးကနေ နောက်တစ်မျိုးသို့ အစားထိုးခွဲစိတ်ခြင်းဖြစ်စဥ်မှာ အလှည့်အပြောင်းတစ်ခု ဖြစ်လာပါတယ်။

▪️ အသည်းကင်ဆာ ခံစားနေရတဲ့ အသက် ၇၁ နှစ်အရွယ် လူနာတစ်ဦးက မေလ ၁၇ ရက်နေ့မှာ အင်္ဂါအစားထိုးခဲ့တယ်လို့ အန်ဟွေဆေးဘက်ဆိုင်ရာ တက္ကသိုလ်က WeChat မှာ ဖော်ပြခဲ့ပါတယ်။

▪️ လူနာက အထောက်အပံ့ မလိုအပ်ဘဲ လမ်းလျှောက်နိုင်ပြီဖြစ်ကြောင်း၊ ခန္ဓာကိုယ်က အင်္ဂါကိုလက်မခံတဲ့ လက္ခဏာမျိုး မတွေ့ရကြောင်း၊ သွေးခဲခြင်းစနစ် ယိုယွင်းမှုမရှိကြောင်း၊ အသည်းလုပ်ဆောင်ချက် ပုံမှန်ပြန်ဖြစ်နေပြီဖြစ်ကြောင်း ဖော်ပြထားပါတယ်။

▪️ လူနာရဲ့အသည်း ဘယ်ဘက်ခြမ်းက ပုံမှန်အတိုင်း အလုပ်မလုပ်နိုင်ဘဲ သာမန်ကုသနည်းများဖြင့် အခြေအနေ မကောင်းမွန်တာကြောင့် ဝက်ဆီကနေ အသည်းအစားထိုးဖို့ ဆုံးဖြတ်ခဲ့တာ ဖြစ်ပါတယ်။

▪️ အင်္ဂါကိုလက်မခံတာမျိုးနဲ့ ပုံမှန်မဟုတ်တာမျိုး မဖြစ်စေရန်အတွက် ၅၁၄ ဂရမ်ရှိတဲ့ ဝက်အသည်းကို မျိုးဗီဇပြုပြင်မှု ၁၀ မျိုး ပြုလုပ်ခဲ့ပါတယ်။

▪️ မတ်လတုန်းက အမေရိကန်လူနာတစ်ဦးဟာ မျိုးဗီဇပြုပြင်ထားတဲ့ ဝက်ဆီကနေ ကျောက်ကပ်အစားထိုး ခွဲစိတ်မှု ပထမဆုံးခံယူသူ ဖြစ်လာပြီး မေလမှာ သေဆုံးခဲ့ပေမယ့် အစားထိုးခွဲစိတ်မှုနဲ့တော့ မသက်ဆိုင်ဘူးလို့ ဆေးရုံက ဆိုပါတယ်။

#Source: WION

တရုတ်ကစွမ်းအင်သစ် မော်တော်ယာဉ်(NEV)များ အလွန်ဆိုးရွားတဲ့ အခြေအနေတွေမှာ စွမ်းဆောင်ရည်ကောင်း ရရှိစေရန် စမ်းသပ်ရေးနယ်ပယ်များနဲ့ စံချိန်စံညွှန်း မြှင့်တင်ရေးများကို တိုးချဲ့နေပါတယ်။

World_Industry
Published_05 June 2024
#တရုတ်စွမ်းအင်သစ်မော်တော်ကား #အမြင့်ပေမြင့်မားသည့်တောင်တန်းနေရာ
#YMG #Yangon_Times #Yangon_Media_Group

#Daily_News
Published_05 June 2024

၁။ မိုးဦးကာလ ချောင်းသာကမ်းခြေသို့ ခရီးသွားသူနည်းနေသေး၊ ကားခနှင့်တည်းခိုနေရာစရိတ်များသက်သာနေ

၂။ သံလွင်မြစ်အတွင်း၌ မုန်တိုင်းဘေးအန္တရာယ်တုံ့ပြန်ရေး ကြိုတင်စုပေါင်းလေ့ကျင့်ခြင်းများပြုလုပ်

၃။ စက်မှုဇုန်များရှိ စက်ရုံ၊ ဂိုဒေါင်အငှားဈေးကွက်အေးနေဟုဆို

၄။ ရာသီဥတုအစွန်းရောက်ကာ အမြင့်ပေမြင့်မားသည့်တောင်တန်းနေရာဒေသများတွင် တရုတ်စွမ်းအင်သစ်မော်တော်ကားများကိုစမ်းသပ်မောင်းနှင်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

၅ ဇွန် ၂၀၂၄

အမေရိကန်သမ္မတ ဂျိုးဘိုင်ဒင်ရဲ့ တွေးသိနိုင်စွမ်း ဆုတ်ယုတ်ကျဆင်းလာမှုနှင့်ပတ်သက်ပြီး အင်္ဂါနေ့က ထုတ်  ဝေတဲ့ ဝေါစထရိ ဂျာနယ်မှာ အသေးစိတ်ဖော်ပြထားခြင်းကြောင့် အချို့ကို တုန်လှုပ်သွားစေပါတယ်။

ဝေါစထရိဂျာနယ်က အသက် ၈၁နှစ်အရွယ်ရှိသမ္မတဘိုင်ဒင်ကို ပြီးခဲ့တဲ့လများအတွင်းပြောဆိုဆက်ဆံခဲ့ကြ  တဲ့ ရီပတ်ဗလီကင်နှင့်ဒီမိုကရက်အမတ်၄၅ဦးနီးပါးမျှကို တွေ့ဆုံမေးမြန်းပြီး သတင်းရေးသားခဲ့တာ ဖြစ်ပါ    တယ်။ အဲဒီသူတွေက ဘိုင်ဒင်ဟာ တွေးသိနိုင်စွမ်းသိသိသာသာကျဆင်းလာနေတာကို သတိပြုမိခဲ့ကြ တယ်လို့   ပြောပါတယ်။

အစည်းအဝေးတွေမှာ သမ္မတနှင့်ပြောဆိုခဲ့ကြတဲ့ သမ္မတရဲ့လုပ်ဖော်ကိုင်ဖက်တွေနှင့်အမတ်တွေက သမ္မတ ဘိုင်ဒင်ဟာ   စကားပြောတာ အတော်တိုးသွားပြီး ဘာပြောနေတယ်ဆိုတာကိုနားလည်ဖို့ အတော်ခက်ခဲလာ   တယ်လို့   ပြောကြပါတယ်။

သမ္မတအနေနှင့် မူဝါဒအသေးစိတ်တွေကို မိမိရရရှိမှုနှင့် ပြုမူပုံတွေဟာ တစ်နေ့နှင့်တစ်နေ့မတူတော့ဘူးလို့ ပြောကြပါတယ်။ သူဟာ ကွန်ဖရင့်တွေအတွင် မှတ်စုတွေကို အတော်အားထားပြောလာရပြီး သူ့လက်    ထောက်တွေဆီက အကူအညီပြန်ယူနေရတယ်လို့ အခြားသူတွေကလည်း ဝေါစထရိကို ပြောပြကြပါတယ်။

အစည်းအဝေးတစ်ခုတက်ခဲ့ရတဲ့ အခြားသူတွေက “ဘိုင်ဒင်ဟာ အစည်းအဝေးခန်းမထဲရောက်လာပြီး အစည်း အဝေးစတင်ဖို့ ဘိုင်ဒင်ဟာ အချိန်၁၀မိနစ်ယူနေရတယ်” လို့ပြန်ပြောပါတယ်။သူဟာ လူတွေသဘောတူထား   ပြီး   ဖြစ်တဲ့ သိထားပြီးသားအချက်အလက်တွေကို ပြောဖို့ မှတ်စုကတ်ပြားတွေ သုံးနေရတယ်လို့ဆိုပါတယ်။

အခန်းထဲမှာရှိသူတွေဟာ အစည်းအဝေးမှာ သူဘာတွေပြောနေတယ်ဆိုတာကို သဲသဲကွဲကွဲမကြားရဘူးလို့ လည်း သူတို့ကထပ်ဖြည့်ပြောပါတယ်။

“ ပြောကြဆိုကြတာ တော်တော်များများမှာ သူမပါဘူး။ သူတိုက်ရိုက်ဖြေရမယ့်မေးခွန်းတွေကိုတောင် သူက သူ့ဝန်ထမ်းတွေကိုဖြေခိုင်းတယ်”

တစ်ခါတုန်းက အောက်လွှတ်တော်ဥက္ကဋ္ဌ ရီပတ်ဗလီကင်အမတ်မိုက် ဂျွန်ဆင်က သဘာဝဓာတ်ငွေ့ရည် တင်ပို့မှုမူဝါဒဟာ ရုရှားကို အကျိုးရှိသွားစေမှာကိုစိတ်ပူမိလို့ မေးမိတဲ့အခါ သမ္မတကြည့်ရတာ မူဝါဒကို သိပ် သတိထားမိပုံမပေါ်ဘူးလို့ မိုက်ဂျွန်ဆင်ကပြောပါတယ်။ သူက “မူဝါဒ”ကိုလေ့လာနေတုန်းပါလို့ပြန်ဖြေခဲ့ ပါ တယ်။ တကယ်တမ်းတော့အဲဒီမူဝါဒက ကျင့်သုံးအသက်ဝင်ပြီးသားဖြစ်နေတာလို့ မိုက်ဂျွန်ဆင်က ဆက် ပြောပါတယ်။

ဘိုင်ဒင်ဟာ ပြီးခဲ့တဲ့မေလက အကြွေးကန့်သတ်ချက်တိုးပေးဖို့ အပေးအယူလုပ်နေတဲ့ ဆွေးနွေးမှုတစ်ခုမှာ တောင်စဉ်ရေမရတွေပြောတာ ဗလုံးဗထွေးတွေဖြစ်နေတာတွေနှင့် အစည်းအဝေးကို ဦးဆောင်မှုမပေးနိုင် ဖြစ်ခဲ့တယ်လို့ ယခင်အောက်လွှတ်တော်ဥက္ကဋ္ဌ ကေဗင် မက်ကာသီက ပြောပါတယ်။

သူ့ဆီမှာ အမြဲမှတ်စုကတ်ပြားတွေဆောင်ထားရတယ်လို့ မက်ကာသီက အမေရိကန်သမ္မတရဲ့ မှတ်စုကို အားကိုးအားထားလုပ်နေရပုံကို ထောက်ပြပြောဆိုပါတယ်။

“သူဟာ အခြားနည်းလမ်းတစ်ခုနှင့် စေ့စပ်ညှိနှိုင်းမှုမလုပ်နိုင်ဘူး။ သူ ဒုသမ္မတဖြစ်တုန်းက ကျွန်တော် သူနှင့်တွေ့နေကျဖြစ်တယ်။ ယခုဘိုင်ဒင်က အဲဒီတုန်းကဘိုင်ဒင်နှင့် မတူတော့ဘူး”လို့သူက   ဆက်ပြောပါ   တယ်။

ဘိုင်ဒင်ဆီကနေ အကြွေးကန့်သတ်ချက်အစီအစဉ်အသေးစိတ်ယူလာပေးဖို့ အမတ်တွေကို သူ တာဝန်ပေးခဲ့ တယ်လို့ မက်ကာသီကပြောပါတယ်။

ဘိုင်ဒင်နှင့်စကားပြောရတာ စိတ်ပျက်စရာပဲ လို့ သူကပြောပါတယ်။ သမ္မတဟာ လုပ်ကိုင်ရတဲ့အပေါ် အကောင်းမြင်တယ်ဆိုတာ တစ်ခုတည်းပဲပြောတယ်လို့ မက်ကာသီကဆိုပါတယ်။

သူက ဟိုတော်တော်ကြာကြာတုန်းက ဖြစ်ပြီးသားကိစ္စဟောင်းတွေကို ပြန်သွားနေတာ” လို့ မက်ကာသီက ဝေါစထရိဂျာနယ်ကိုပြောဆိုခဲ့ပါတယ်။

Source WSJ/WION

#Local_News
Published 5 June 2024

▪️ ဒေါပုံမြို့နယ် ဂျပန်တံတားအဆင်းတွင် ကျောင်းကားနှင့်လိုက်ထရပ်ကားတိုက်မှုဖြစ်ပွားခဲ့ကြောင်း ရှင်သန်ရေးကူညီမှုအသင်းထံမှ သိရသည်။

▪️ ဇွန်လ ၅ ရက် ၃နာရီခွဲခန့်က ဖြစ်ပွားခဲ့ခြင်းဖြစ်ကာ ကျောင်းသားငါးဦးနှင့်ကျောင်းသူသုံးဦးတို့ မစိုးရိမ်ရဒဏ်ရာရရှိခဲ့ကြောင်း သိရသည်။

▪️ အဆိုပါ ဒဏ်ရာရသည့်ကျောင်းသား၊ ကျောင်းသူများကို လူမှုကူညီရေးအသင်းများက ရန်ကုန်ဆေးရုံကြီးအရေးပေါ်သို့ ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

မကွေးတိုင်းဒေသကြီးအတွင်း ရေသွင်းနှမ်းစုပေါင်းရောင်းချပွဲကို လာမယ့်ဇူလိုင်လအတွင်းမှာ ပြုလုပ်မှာဖြစ်တယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
#Local_News
Published_05 June 2024
#ရေသွင်းနှမ်းစုပေါင်းရောင်းချပွဲ #တောင်သူဖွံ့ဖြိုးရေးအဖွဲ့
#YMG/LW #Yangon_Times

ရွှေဈေးနှုန်းတည်ငြိမ်ရေးအတွက် ရွှေဆိုင်တွေနေ့စဉ်ဖွင့်လှစ်ပေးဖို့နဲ့  သတ်မှတ်ဈေးနှုန်း‌တွေနဲ့ ရောင်းချပေးဖို့လိုအပ်ပြီး မရောင်းချကြောင်း စစ်ဆေးတွေ့ရှိပါက ထိရောက်စွာနဲ့အရေးယူသွားမယ်လို့ ရန်ကုန်‌ရွှေအသင်းကဒီကနေ့မှာ သတိပေးချက်ထုတ်ပြန်လိုက်ပါတယ်။
#Local_News
Published_05 June 2024
#ရွှေဆိုင်များနေ့စဉ်ဖွင့်လှစ် #ထိရောက်စွာအရေးယူသွားမယ်
#YMG/NN #Yangon_Times

ရန်ကုန်တိုင်းဒေသကြီး စက်မှုဇုန်များရှိ စက်ရုံနဲ့ဂိုဒေါင်ငှားရမ်းမှုဈေးကွက်အေးနေတယ်လို့ မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းထံက သိရပါတယ်။
#Local_News
Published_05 June 2024
#စက်ရုံဂိုဒေါင်အငှားဈေးကွက်အေး #မြန်မာနိုင်ငံအိမ်ခြံမြေလုပ်ငန်း
#YMG/LW #Yangon_Times