#World_News
Published 04 June 2024

▪️ အသက် ၇၄ နှစ်အရွယ် အမျိုးသမီးကြီးတစ်ဦးဟာ နာတာရှည်ဆေးရုံမှာ စောင့်ရှောက်မှု ခံယူနေစဥ် ကွယ်လွန်ခဲ့ပြီလို့ ယူဆကာ ဈာပနပြင်ဆင်ခန်းသို့ ပို့ဆောင်ပြီးနောက် အသက်ရှူနေတာကို တွေ့ရှိခဲ့တယ်လို့ နက်ဘ်ရက်စ်ကာမှ အာဏာပိုင်များက တနင်္လာနေ့မှာ ပြောကြားလိုက်ပါတယ်။

 

▪️ ထိုအမျိုးသမီးကြီးဟာ ဘိုးဘွားရိပ်သာတစ်ခုမှာ ဒေသစံတော်ချိန် နံနက် ၉ နာရီ ၄၄ မိနစ်က ကွယ်လွန်ပြီလို့ သတ်မှတ်ခံခဲ့ရပြီးနောက် တနင်္လာနေ့နံနက်မှာ လင်ကွန်းရှိ ဘတ်သရပ်စ်မေဆာအင်န်လပ်ဗ် အသုဘခန်းမသို့ ပို့ဆောင်ခဲ့တာဖြစ်ကြောင်း လန်ကက်စတာကောင်တီ ရှာရစ်ဖ်ရုံးက ဆိုပါတယ်။

▪️ ဝန်ထမ်းတစ်ဦးက ထိုအမျိုးသမီးကြီး အသက်ရှူနေတာကို သတိထားမိပြီး ၉၁၁ ကို ဆက်တိုက်ခေါ်ဆိုခဲ့ရာမှာ အာဏာပိုင်များ အသုဘခန်းမသို့ ရောက်လာကြတယ်လို့ လန်ကက်စတာကောင်တီ လက်ထောက်ရဲမှူး ဘင်ဟူချင်က ဆိုပါတယ်။

 

▪️ အသုဘခန်းမမှ ဝန်ထမ်းက အမျိုးသမီးကြီးကို အရေးပေါ်အသက်ရှူ ကယ်ဆယ်ရေးပြုလုပ်ခဲ့ပြီး ဒေသတွင်းဆေးရုံတစ်ခုသို့ ပို့ဆောင်ခဲ့ရာ အသက်ဆက်ရှင်လျက်ရှိပြီး မိသားစုကို အသိပေးထားတယ်လို့ ဟူချင်က ပြောပါတယ်။

▪️ ဒါဟာ အလွန်ထူးဆန်းတဲ့ ဖြစ်ရပ်ဖြစ်ပြီး အလုပ်လုပ်လာတဲ့ ၃၁ နှစ်အတွင်း တစ်ခါမှ မကြုံဖူးဘူးလို့ တနင်္လာနေ့ မီဒီယာရှင်းလင်းပွဲမှာ ဆိုပါတယ်။

 

▪️ လူနာက သေဆုံးတော့မယ်ဆိုတာ သိထားသလို သေဆုံးမှုနဲ့ ပတ်သက်ပြီး ဘာမှသံသယဖြစ်စရာ မလိုတဲ့အခြေအနေမှာ ကွယ်လွန်ကြောင်း ကြေညာပြီးနောက် ဘိုးဘွားရိပ်သာအနေနဲ့ သက်ဆိုင်ရာကို ဆက်သွယ်စရာအကြောင်း မရှိဘူးလို့ ဟူချင်က ပြောပါတယ်။

▪️ ဘိုးဘွားရိပ်သာက တစ်ခုခုကျူးလွန်တာမျိုး မတွေ့ထားပေမယ့် ဆက်လက်စုံစမ်းသွားမယ်လို့ ပြောသွားပါတယ်။

 

#Source: Ground News

Published 04 June 2024

အသီးအနှံတွေနဲ့ ဟင်းရွက်တွေက အာဟာရမျှတစေတဲ့ အစားအစာတွေ ဖြစ်သလို ညီညွတ်မျှတစွာ အိပ်စက်ဖို့အတွက်လည်း အရေးကြီးပါတယ်။

ဖင်လန်တက္ကသိုလ်မှ သုတေသီများက အသက် ၁၈ နှစ်အထက် လူပေါင်း ၅၀၄၃ ဦးကို လေ့လာခဲ့ကြပါတယ်။

ယင်းတို့ရဲ့ စားသောက်ပုံများနဲ့ အိပ်စက်ပုံတို့ကို နှိုင်းယှဥ်ခဲ့ကြပါတယ်။

ပုံမှန်အတိုင်း အိပ်စက်သူတွေထက်စာရင် အိပ်ချိန်နည်းတဲ့သူတွေက တစ်နေ့ကို အသီးနဲ့အရွက် ၃၇ ဂရမ်ပိုမို နည်းပါးစွာ စားသုံးပြီး အိပ်ချိန်ကြာရှည်တဲ့ သူတွေကတော့ ၇၃ ဂရမ် ပိုနည်းပါးစွာ စားသုံးကြပါတယ်။

ဒါကြောင့် ပုံမှန်အိပ်ချိန်နဲ့ သွေဖည်သွားတဲ့ လူတွေမှာ အသီးအနှံနဲ့ ဟင်းရွက်စားသုံးခြင်း နည်းပါးတာကို တွေ့ရှိရပါတယ်။

ညအိပ်ချိန် ၇ နာရီထက်နည်းခြင်း၊ ၉ နာရီထက်များတို့ကို ပုံမှန်အိပ်ချိန်ကနေ သွေဖည်တယ်လို့ သတ်မှတ်ရမှာဖြစ်ကြောင်း ဖင်လန်THL ဆေးရုံမှ သုတေသန ပရော်ဖက်ဆာ တီမိုပါတိုနင်က မှတ်ချက်ပြုပါတယ်။

တွေ့ရှိချက်များအရ ပိုမိုကောင်းမွန်စွာ အိပ်စက်နိုင်ဖို့အတွက် အသီးအရွက် များများစားသင့်ပါတယ်။

နယူးဂျာစီမှ အာဟာရပညာရှင် အယ်ရင်ပယ်လင်စကီဝိတ်ဒ်က အသီးအရွက်တွေမှာ အာဟာရဓာတ် အမျိုးမျိုး ပါဝင်ပြီး အချို့အသီးတွေဆိုရင် အိပ်စက်မှုကို ထိန်းညှိပေးတဲ့ မယ်လတိုနင်ဟော်မုန်း ပါဝင်တယ်လို့ ဆိုပါတယ်။

ဟင်းနုနွယ်၊ ကိုက်လံတို့လို အစိမ်းရင့်ရောင် အရွက်တွေမှာဆိုရင် အိပ်စက်ခြင်းကို ထောက်ပံ့ပေးတဲ့ မဂ္ဂနီဆီယမ်များ ကြွယ်ဝစွာ ပါဝင်ပါတယ်။

ဟင်းနုနွယ်နဲ့ ခရမ်းချဥ်သီးတို့မှာပါတဲ့ ထရစ်ပ်တိုဖန် အမိုင်နိုဆက်ဆစ်ဆိုရင် ခန္ဓာကိုယ် ပြေလျော့စေကာ အိပ်ပျော်စေရန် ကူညီပေးပါတယ်။
Source: New York Post.
#World_Health
#Published 04 June 2024
#YMG #Yangon_Times #Yangon_Media_Group

Published_3 Jun 2024

ယင်းကြောင့် ပြည်ပနိုင်ငံရှိ ကွန်ဒိုတိုက်ခန်းများကို တရားမဝင်ရောင်းချခြင်းနှင့် တရားမဝင်ဟွန်ဒီလုပ်ငန်းမှ ငွေကြေးလွှဲပြောင်းခြင်းများဆောင်ရွက်ခဲ့သူ Minn Thu ကုမ္ပဏီမှ ဒါရိုက်တာဦးအောင်ကျော်ထွန်းနှင့် အထွေ ထွေမန်နေဂျာ ဦးမင်းသူကျော် (ထွက်ပြေးတိမ်းရှောင်)တို့အားလည်းကောင်း၊ မြန်မာနိုင်ငံတော်ဗဟိုဘဏ်၏ ခွင့်ပြုချက် မရှိဘဲ ပြည်ပနိုင်ငံများ၌ ဘဏ်ငွေစာရင်းများ တရားမဝင်ဖွင့်လှစ်ထားသည့် တရားခံ ဦးနေမျိုးဟန်၊ ဦးမင်းထွန်းနှင့် ဒေါ်မြတ်မြတ်မွန် တို့အားလည်းကောင်း၊ ပြည်ပနိုင်ငံတွင် တရားမဝင် တိုက်ခန်းဝယ်ယူ ထား သူများအားလည်းကောင်း စိစစ်၍ ဥပဒေများနှင့်အညီ ထိရောက်စွာ အရေးယူနိုင်ရေး ဆောင်ရွက်သွား မည်ဖြစ် ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

ဝိသမသမားစီးပွားရေးလုပ်ငန်းရှင်အချို့က ၎င်းတို့၏ ကိုယ်ကျိုးစီးပွားကိုသာရှေးရှုပြီး နိုင်ငံတော်၏စီးပွားရေး၊ ငွေ ကြေးဈေးကွက် ကမောက်ကမ ဖြစ်စေရန်ရည်ရွယ်၍ ပြည်ပနိုင်ငံရှိ ကွန်ဒိုတိုက်ခန်းများကို ပြည်တွင်း၌ တရား မဝင် အရောင်းအဝယ်ပြုလုပ်ခြင်း၊ လူမှုကွန်ရက်မီဒီယာများမှ ဆွဲဆောင်စည်းရုံး ရောင်းချခြင်း များ ဆောင်ရွက်လျက်ရှိကြောင်း သတင်းရရှိသည့်အတွက် သက်ဆိုင်ရာလုံခြုံရေးအဖွဲ့ အစည်းများမှ ဖော်ထုတ် ဖမ်းဆီးနိုင်ရေး ဆောင်ရွက်ခဲ့ခြင်း ဖြစ်ကြောင်း သိရသည်။

ရန်ကုန်တိုင်းဒေသကြီး၊ ပုဇွန်တောင်မြို့နယ်၊ (၅၁)လမ်းအထက်၊ အမှတ်(၁၅၅/၁၅၇)၊ (၈)လွှာ၌ ရုံးခန်း ဖွင့်လှစ် ထားသည့် Minn Thu ကုမ္ပဏီမှ ဒါရိုက်တာ ဦးအောင်ကျော်ထွန်းနှင့် အထွေထွေမန်နေဂျာ ဦးမင်း သူကျော်တို့ (၂)ဦးသည် ထိုင်းနိုင်ငံမှ ကွန်ဒိုတိုက်ခန်းများကို ပြည်တွင်း၌ တရားမဝင် ရောင်းချ လျက်ရှိ ကြောင်း သိရှိရ သည့် အတွက် လုံခြုံရေးအဖွဲ့အစည်းများမှ ကုမ္ပဏီတာဝန်ရှိသူများနှင့် ဆက်စပ်သူများအား ခေါ်ယူ စစ်ဆေး ခဲ့ခြင်း ဖြစ်ကြောင်း သိရသည်။

စစ်ဆေးဖော်ထုတ်ချက်များအရ Minn Thu ကုမ္ပဏီမှ ဒါရိုက်တာ ဦးအောင်ကျော်ထွန်း နှင့် အထွေထွေမန်နေ ဂျာ ဦးမင်းသူကျော်(ထွက်ပြေးတိမ်းရှောင်)တို့သည့ထိုင်းနိုင်ငံ၊ ဗန်ကောက်မြို့ရှိ ကွန်ဒိုတိုက်ခန်းများကို ပြည် တွင်း ၌ တရားမဝင် ရောင်းချရန် သက်ဆိုင်ရာသို့ သတင်းပေးပို့ခွင့်ပြုချက်ရယူခြင်းမရှိဘဲ အရောင်းပြပွဲများကို ရန်ကုန်မြို့၊ ဆီဒိုးနားဟိုတယ်၌ (၂)ကြိမ်တိုင်တိုင်ပြုလုပ်ခဲ့ကြောင်း၊ ထို့အပြင် ကွန်ဒိုတိုက်ခန်း ဝယ်ယူသူများ က ပေးချေသည့် မြန်မာကျပ်ငွေများကို လက်ခံရယူပြီး ထိုင်းနိုင်ငံသို့ တရားမဝင်ဟွန်ဒီလုပ်ငန်းများမှ ငွေကြေးများ လွှဲပြောင်းပေးခဲ့ကြောင်း စစ်ဆေးချက်များအရ သိရကြောင်း ၎င်း ထုတ်ပြန်ချက်တွင် ပါရှိသည်။

ထို့အပြင် Minn Thu ကုမ္ပဏီမှ ရောင်းချခဲ့သည့် ပြည်ပနိုင်ငံရှိ တိုက်ခန်းများကို တရားမဝင်ဝယ်ယူထားသူဦး နေမျိုးဟန်၊ ဦးမင်းထွန်းနှင့် ဒေါ်မြတ်မြတ်မွန်တို့ (၃)ဦး သည် မြန်မာနိုင်ငံတော်ဗဟိုဘဏ်၏ ခွင့်ပြုချက်မရှိဘဲ ထိုင်းနိုင်ငံရှိဘဏ်များ၌ တရားမဝင်ဖွင့်လှစ်ထားသည့် ၎င်းတို့၏ဘဏ်ငွေစာရင်းများမှတစ်ဆင့် တိုက်ခန်းဖိုး ငွေ ကြေးများ လွှဲပြောင်းပေးချေခဲ့ကြောင်း ယင်း ထုတ်ပြန်ချက်တွင် ဖော်ပြထားသည်။

ထို့အပြင် ပြည်ပနိုင်ငံများရှိ ကွန်ဒိုတိုက်ခန်းများကို Online မှတစ်ဆင့် တရားမဝင် ရောင်းချနေသည့် အခြား ကုမ္ပဏီ များနှင့် ဝယ်ယူသူများအား ဆက်လက်စိစစ် ဖော်ထုတ် အရေးယူဆောင်ရွက်သွားမည်ဖြစ်သောကြောင့် တရားမဝင်ဘဲ ပြည်ပနိုင်ငံရှိ တိုက်ခန်းအရောင်းအဝယ်ပြုလုပ်နေသူများအား သိရှိပါက သက်ဆိုင်ရာလုံခြုံရေး အဖွဲ့အစည်းများထံသို့ လျှို့ဝှက်စွာသတင်းပေးပို့ပါရန် လည်း အသိပေး ကြောင်း နစက သတင်းထုတ်ပြန်ရေး အဖွဲ့က ထုတ်ပြန်ထားသည်။
Yangon_Times/PP
#Local_News
#Published_03 June 2024
#YMG #Yangon_Times #Yangon_Media_Group

Published_3 Jun 2024

နိုင်ငံခြားငွေလဲလှယ်နှုန်းမြင့်တက်အောင်ပြုလုပ်နေသူ ၁၄ ဦးအားဖမ်းဆီးထားပြီး နောက်ကွယ်က ဆောင် ရွက်လျက်ရှိသူ ၁၁ ဦး ကို ခေါ်ယူစစ်ဆေးနိုင်ရေးဆောင်ရွက်ခဲ့စဉ် ထွက်ပြေးတိမ်းရှောင်သွားကြောင်း နစက သတင်းထုတ်ပြန်ရေးအဖွဲ့က ယနေ့ ဇွန်လ ၃ ရက်တွင် ထုတ်ပြန် လိုက်သည်။

ဝိသမလောဘသားများအနေဖြင့် နိုင်ငံတော်၏ စီးပွားရေးဖွံ့ဖြိုးတိုးတက်မှု ကို အနှောင့်အယှက်အဟန့် အတား ဖြစ်စေရန် ရည်ရွယ်၍ ပြည်တွင်းနိုင်ငံခြားငွေလဲလှယ်နှုန်း မတည်မငြိမ်ဖြစ်စေရန် လူမှုကွန်ရက်မီဒီယာများမှ တစ်ဆင့် ဝါဒဖြန့်ချိ ဈေးကစားခြင်း၊ ထို့အပြင် နိုင်ငံခြားငွေများ ဝယ်ယူရောင်းချလဲလှယ် ပေးခွင့်လိုင်စင်ရှိသည့် Money Changer အချို့သည်လည်း မြန်မာနိုင်ငံတော် ဗဟိုဘဏ်၏ စည်မျဉ်းသတ်မှတ်ချက်များကိုချိုးဖောက်၍ နိုင်ငံခြားငွေလဲလှယ်နှုန်း ဈေးကစားပြီး နိုင်ငံ့စီးပွားရေး မငြိမ်မသက်ဖြစ်စေရန်ဆောင်ရွက်လျက်ရှိကြောင်း သ တင်းရ ရှိသည့်အတွက် သက်ဆိုင်ရာလုံခြုံရေးအဖွဲ့အစည်းများမှ အထက်ပါအတိုင်း ဖော်ထုတ်ဖမ်းဆီးနိုင်ရေး ဆောင်ရွက်ခဲ့ခြင်း ဖြစ်ကြောင်း သိရသည်။

လက်ရှိတွင် ပြည်တွင်းနိုင်ငံခြားငွေလဲလှယ်နှုန်း မတည်မငြိမ်ဖြစ်အောင်ဆောင်ရွက်လျက်ရှိသည့် တရား မဝင် နိုင်ငံခြားငွေ အရောင်းအဝယ်ပြုလုပ်နေသူများနှင့် ပွဲစားများအပါအဝင် ၁၄ ဦး အား ဖော်ထုတ်ဖမ်းဆီးစစ်ဆေး လျက် ရှိကြောင်း ၊၎င်းတို့ကို စစ်ဆေးဖော်ထုတ်ချက်များအရ နောက် ကွယ်မှ ဆောင်ရွက်လျက်ရှိသည့် ၁၁ ဦး အား ဥပဒေနှင့်အညီ ခေါ်ယူစစ်ဆေးနိုင်ရေးဆောင်ရွက်ခဲ့ရာ ၎င်းတို့ က ဖမ်းဆီးခြင်းမခံရစေရန် ထွက်ပြေးတိမ်း ရှောင်လျက်ရှိ ကြောင်း အဆိုပါ ထုတ်ပြန်ချက်အရ သိရသည်။

ယခုအခါ ဖမ်းဆီးရမိ သူ ၁၄ ဦးအား ဥပဒေနှင့်အညီ ထိရောက်စွာ အရေးယူဆောင်ရွက်သွားမည်ဖြစ်ပြီး ထွက် ပြေးတိမ်းရှောင်လျက်ရှိသည့် ၁၁ ဦးကို လည်း ဖမ်းဆီးရမိရေး ဆောင်ရွက်လျက်ရှိကြောင်း၊ ၎င်းတို့ကို သိရှိပါက သက်ဆိုင်ရာ လုံခြုံ ရေး အဖွဲ့အစည်းများထံ လျှို့ဝှက်စွာသတင်းပေးပို့နိုင်ကြောင်းနှင့် လက်ခံထားသူများ ကို လည်း တရားဥပဒေ အရ ထိရောက်စွာ အရေးယူဆောင်ရွက်သွားမည်ဖြစ်ကြောင်း နစက သတင်းထုတ် ပြန်ရေး က ထုတ်ပြန်ထား သည်။
Yangon_Times/PP
#Local_News
#Published_03 June 2024
#YMG #Yangon_Times #Yangon_Media_Group

တရုတ်ကားပျံကုမ္ပဏီတစ်ခုရဲ့ တည်ထောင်သူ ကျောက်ဒယ်လီက တရုတ်ဟာ လျှပ်စစ်ယာဥ်ပျံကဏ္ဍမှာ ဦးဆောင်နိုင်ဖို့ အလားအလာရှိနေတယ်လို့ ယုံကြည်နေကြောင်း မကြာသေးမီက အင်တာဗျူးမှာ ပြောကြားလိုက်ပါတယ်။
တရုတ်လျှပ်စစ် eVTOL ကားပျံကုမ္ပဏီတစ်ခုဖြစ်ပြီး XPeng Motors လျှပ်စစ်ကားကုမ္ပဏီ လက်အောက်ခံဖြစ်တဲ့ XPeng AeroHT ကုမ္ပဏီဟာ ကားပျံတွေကို ထုတ်လုပ်ရာမှာ ဦးဆောင်နေပါတယ်။
#World_Industry
#Published_03 June 2024
#YMG #Yangon_Times #Yangon_Media_Group

Published_3 Jun 2024

BGF ထံ ခိုလှုံသည့် စောဝါးနေမူး (ခေါ်) စောအင်္ဂလိပ် ကို KTLA က ရာထူးမှ ထုတ်ပယ်ရပ်နားကြောင်း ကော်သူးလေတပ်မတော် ဗဟိုဌာနချုပ်ရုံး က ဇွန်လ ၃ ရက် ယနေ့တွင် ထုတ်ပြန်လိုက်သည်။

အဆိုပါထုတ်ပြန်ချက်တွင် ကော်သူးလေတပ်မတော်၊ ဗဟိုဌာနချုပ်တွင် ဒုတိယရုံးထိုင်မှူးချုပ်ရာထူးဖြင့်တာဝန် ထမ်း ဆောင်နေသော စောဝါးနေမူး (ခေါ်)စောအင်္ဂလိပ်သည်တာဝန်ထမ်းဆောင်နေသည့်ကာလအတွင်း သက် ဆိုင်ရာ တပ်ရင်းတပ်ဖွဲ့သို့ အကြောင်းကြားခြင်း မရှိဘဲ မိမိသဘောဆန္ဒအလျောက် အတူနေ မိသားစုဝင်များ၊ ရဲဘော် (၆) ဦးနှင့်အတူ လက်နက်အချို့ကို ယူဆောင်ကာ ထွက်ခွာသွားခဲ့ကြောင်း ဖော်ပြထားသည်။

ယင်းကြောင့် စောဝါးနေမူး (ခေါ်) စောအင်္ဂလိပ်အား ကော်သူးလေတပ်မတော်အက်ဥပဒေအရ ဒုတိယ- ရုံးထိုင် မှူးချုပ်ရာ ထူးမှ နှုတ်ပယ်၍ ကော်သူးလေတပ်မတော်မှ အပြီးအပိုင် ထုတ်ပယ်လိုက်ကြောင်း ဖော်ပြထားသည်။

လူမှုကွန်ရက်သတင်းများအရ စောဝါးနေမူး (ခေါ်) စောအင်္ဂလိပ် သည် လက်နက် ၃၀ ကျော်နှင့် လက်အောက် ခံ လူများခေါ်ဆောင်၍ BGF ထံ ခိုလှုံပူးပေါင်းသွားကြောင်း သိရသည်။
Yangon_Times/PP
#Local_News
#Published_03 June 2024
#YMG #Yangon_Times #Yangon_Media_Group

 

#Daily_News
Published_03 June 2024

၁။ ရန်ကုန်အိမ်ခြံမြေဈေးကွက်တွင် မြို့နယ်(၄)ခုမှ တိုက်ခန်း၊ ကွန်ဒိုများ ဝယ်ယူရင်းနှီးမြုပ်နှံသူ ပိုများနေ

၂။ အရင်းနှီး ယခင်ထက်နှစ်ဆများလာပေမယ့် အမြတ်စွန်း နည်းလာတာကြောင့် အုန်းသီးအရောင်းဝယ်ပြုသူများအခက်တွေ့နေ

၃။ ရက်ပိုင်းအတွင်း ရွှေဈေး ကျပ်ငါးသိန်းခန့်အထိ ကျဆင်းလာ

၄။ ကမ္ဘာ့လျှပ်စစ်ကားယာဥ်ပျံ ထုတ်လုပ်ရေးကဏ္ဍတွင် ဦးဆောင်လာနိုင်ရန် တရုတ်ကုမ္ပဏီရည်မှန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

Published_03 June 2024

ယခုရက်ပိုင်းအတွင်း ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန် ပြည်နယ်တို့တွင် မိုးဆက်လက်ပိုနေမည်ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

ဇွန်လ(၃)ရက်ညနေပိုင်း၃နာရီ‌ကျော်တွင် ရန်ကုန်  ၏မြို့နယ်အချို့ဖြစ်သော လှိုင်သာယာ နှင့်ဗဟန်းမြို့နယ်၌ မိုးသက်လေပြင်းများတိုက်ခတ်နေသည်ဟုဆိုသည်။

ဇွန်လ(၄)ရက်အထိခန့်မှန်းချက်အဖြစ်ချင်းပြည်နယ်တွင် နေရာကွက်ကျား၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်(မြောက်ပိုင်း)နှင့် ကယားပြည်နယ်တို့တွင် နေရာကျဲကျဲ၊

 မန္တလေးတိုင်းဒေသကြီး၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ 

မွန်ပြည်နယ်တွင် ဒေသအလိုက်နှင့် နေပြည်တော်၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်နှင့် ကရင်ပြည်နယ်တို့တွင် နေရာကွက်၍ မိုးကြီးနိုင်သည်ဟုဆိုသည်။

မိုးတိမ်တောင်ဖြစ်ပေါ်မှုအခြေအနေအဖြစ် ရန်ကုန်တိုင်းဒေသကြီး၊ ဧရာဝတီတိုင်း‌ဒေသကြီး၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ရခိုင်ပြည်နယ်၊ ကရင်ပြည်နယ် နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိ၍ မိုး သက်လေပြင်းများတိုက်ခတ်နိုင်ကြောင်း သိရသည်။

မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ် နိုင်ပါသည်။ ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၇ ပေမှ ၉ ပေခန့်နှင့် ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။

နောက်(၂)ရက်ဇွန်(၄)ရက်နဲ့ (၅)ရက်အတွက်ခန့်မှန်းချက်အနေဖြင့် ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန် ပြည်နယ်တို့တွင် မိုးဆက်လက်ပိုနေမည်ဖြစ်ကြောင်း သိရသည်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

Published 3 June 2024

ရန်ကုန်မြို့တွင်း၌ ရေစီးရေလာကောင်းမွန်စေရေး အတွက် မြစ်ထွက်ပေါက်‌ လေးခု နှင့် လှိုင်မြစ်အတွင်းစီးဝင်သည့် ကွင်းကျောင်းမြောင်းအား  တစ်ရက်ထဲ ဆယ်ယူရှင်းလင်းခဲ့ကြောင်း ရန်ကုန်မြို့တော်စည်ပင်သာယာရေးကော်မတီမှသိရသည်။

ထိုသို့ဆောင်ရွက်ရာတွင် ဗိုလ်တထောင်မြို့နယ်၊ အမှတ်(၆)ရပ်ကွက်၊ ကုန်သည်လမ်းနှင့် ကမ်းနားလမ်းကြား မြန်မာ့မီးရထားကုန်ရုံဝင်းအတွင်းရှိ ဗိုလ်မြတ်ထွန်းမြစ်ထွက်ပေါက်၊ လမ်းမတော်မြို့နယ်၊ မော်တင်ယာယီစျေးရပ်ကွက်၊ ကမ်းနားလမ်းသစ်ရှိ ရွာသစ်ချောင်းမြစ်ထွက်ပေါက်၊အလုံမြို့နယ်၊ ဧရာဝတီရပ်ကွက်၊ မိုးကောင်းလျှပ်စစ်အိမ်ရာဝင်းအတွင်းရှိ ဟာဘိချောင်းမြစ်ထွက်ပေါက်၊ အလုံမြို့နယ်နှင့် ကြည့်မြင်တိုင်မြို့နယ်အကြား အောက်ကြည့်မြင်တိုင် လမ်းရှိ ကွင်းကျောင်းမြောင်းနှင့် ကမာရွတ်မြို့နယ်နှင့် ကြည့်မြင်တိုင်မြို့နယ်အကြား ဟံသာဝတီလမ်းရှိ ဟံသာဝတီမြစ်ထွက်ပေါက်တို့ကို အင်ဂျင်နီယာဌာန(ရေစီးရေလာစီမံခန့်ခွဲမှု)မှ ဝန်ထမ်းများက ရေစီးရေလာကောင်းမွန်စေရေးအတွက်   အမှိုက်များ၊ မြောင်းချေးနှင့် နုန်းများဆယ်ယူ  ရှင်းလင်းဆောင်ရွက်ခဲ့‌ကြောင်းသိရသည်။

ဗိုလ်တထောင်မြို့နယ်၊ အမှတ် (၆) ရပ်ကွက်၊ ကုန်သည်လမ်းနှင့် ကမ်းနားလမ်းကြား မြန်မာ့မီးရထားကုန်ရုံဝင်းအတွင်းရှိ ဗိုလ်မြတ်ထွန်းမြစ်ထွက်ပေါက် သည် ဗိုလ်တထောင်မြို့နယ်၊ အမှတ် (၅)၊ အမှတ်(၆)၊ အမှတ်(၈)ရပ်ကွက် များနှင့် မဟာဗန္ဓုလလမ်း၊ အနော်ရထာလမ်းတို့ကို ဖြတ်သန်းစီးဆင်းပြီး ရန်ကုန်မြစ်အတွင်းသို့စီးဝင်ကြောင်း၊ ဗိုလ်မြတ်ထွန်းမြစ်ထွက်ပေါက်အား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် ဗိုလ်တထောင်မြို့နယ်၊ အမှတ် (၅)၊ အမှတ်(၆)၊ အမှတ်(၈) ရပ်ကွက်များ ရေကြီးရေလျှံမှုမှ ကာကွယ်နိုင် မည်ဖြစ်ကြောင်းသိရသည်။

၎င်းအပြင်  လမ်းမတော်မြို့နယ်၊ မော်တင်ယာယီစျေးရပ်ကွက်၊ ကမ်းနားလမ်းသစ်ရှိ  ရွာသစ်ချောင်းမြစ်ထွက်ပေါက် ရေတံခါး ချောင်းမြေထိန်း နံရံတွင်ပေါက်နေသည့် တွယ်ကပ်သစ်ပင်များရှင်းလင်းရန်၊ ဒီရေတက်ချိန်ရေတံခါးများပိတ်ထားပြီး မိုးရွာသွန်းချိန် ရေတံခါးများဖွင့်ထားရန်၊ အမှိုက်နှင့်နုန်းများအား ဆယ်ယူပြီးစနစ်တကျစွန့်ပစ်ရန် မှာကြားခဲ့ကြောင်းသိရသည်။

လသာမြို့နယ်နှင့် လမ်းမတော်မြို့နယ်မှ ရေများသည် ကျုံးကြီးမြောင်းအတွင်းသို့စီးဝင်ပြီး ထိုမှတစ်ဆင့် ရွာသစ်‌ချောင်းမြစ်ထွက်ပေါက် ရေတံခါးအား ဖြတ်သန်းစီးဆင်း၍ ရန်ကုန်မြစ်အတွင်းသို့စီးဝင်ကြောင်း၊ ရွာသစ်ချောင်းအား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် လသာမြို့နယ်နှင့် လမ်းမတော်မြို့နယ်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။

ထို့အပြင်    ဟာဘိချောင်းအတွင်းသို့ အလုံမြို့နယ်၊ စောရန်ပိုင်အရှေ့ရပ်ကွက်၊ စောရန်ပိုင်အနောက်ရပ်ကွက်၊ ဧရာဝတီရပ်ကွက်တို့မှ ရေများဝင်ရောက်ပြီး ဟာဘိချောင်းမှတစ်ဆင့် လှိုင်မြစ်အတွင်းသို့စီးဝင် ကြောင်း၊ ဟာဘိချောင်း ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် အလုံမြို့နယ်၊ စောရန်ပိုင်အရှေ့ရပ်ကွက်၊ စောရန်ပိုင်အနောက်ရပ်ကွက်၊ ဧရာဝတီရပ်ကွက်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။

အလုံမြို့နယ်၊ ကရင်ခြံရပ်ကွက်နှင့် ကြည့်မြင်တိုင်မြို့နယ်၊ ကရင်အမျိုးသားရပ်ကွက်အကြား အောက်ကြည့်မြင်တိုင်လမ်းရှိ  ကွင်းကျောင်းမြောင်းသည် စမ်းချောင်းမြို့နယ် အောင်ချမ်းသာမြောင်း၊ အလုံမြို့နယ်၊ ဂဠုန်ရပ်ကွက်၊ ကရင်ခြံရပ်ကွက်တို့မှ ရေများစီးဝင်ပြီး လှိုင်မြစ်အတွင်းသို့ စီးဝင် ကြောင်း၊ ကွင်းကျောင်းမြောင်း အား ရေစီးရေလာကောင်းမွန်စေရေး ဆောင်ရွက်ခြင်းအားဖြင့် စမ်းချောင်းမြို့နယ်နှင့် အလုံမြို့နယ်များ ရေကြီးရေလျှံမှုမှ ကာကွယ်နိုင်မည်ဖြစ်သည်။

  ကမာရွတ်မြို့နယ်၊ အမှတ်(၄)ရပ်ကွက်နှင့် ကြည့်မြင်တိုင်မြို့နယ်၊ သရက်တောမြောက်ရပ်ကွက်အကြား ဟံသာဝတီလမ်းရှိ ဟံသာဝတီမြစ်ထွက်ပေါက်တည်ရှိပြီး   ဟံသာဝတီချောင်းသည် ကမာရွတ်မြို့နယ်၊ အမှတ်(၄)ရပ်ကွက်၊ အမှတ်(၅)ရပ်ကွက်နှင့် မြန်မာ့သင်္ဘောကျင်းဝင်းတို့ကို ဖြတ်သန်းစီးဆင်းပြီး လှိုင်မြစ်အတွင်းသို့စီးဝင်ကြောင်း၊ ဟံသာဝတီမြစ်ထွက်ပေါက်အား ရေစီးရေလာကောင်းမွန်စေရေး ရှင်းလင်းဆောင်ရွက်ခြင်းအားဖြင့် ကမာရွတ်မြို့နယ်၊ အမှတ်(၄)ရပ်ကွက်၊ အမှတ်(၅) ရပ်ကွက်များ ရေကြီးရေလျှံမှုမှ ကာကွယ်နိုင်မည်ဖြစ်ကြောင်းသိရသည်။
Yangon_Times/NN
#Local_News
#Published_03 June 2024
#YMG #Yangon_Times #Yangon_Media_Group

Published_03 June 2024

ပြည်တွင်း၌ထုတ်လုပ်မည့် လောင်စာဆီသုံးယာဉ်များ SKD( Semi Knocked Down)စနစ်နှင့် CKD(Completely Knocked Down)စနစ်တို့ဖြင့်တင်သွင်းခြင်းအတွက် အကောက်ခွန်နှုန်းထားများကို ၂၀၂၄ခုနှစ်မေလ၃၁ရက်အထိ ဖြေလျှော့ခွင့်ပြုလိုက်ကြောင်း စီမံကိန်းနှင့် ဘဏ္ဍာရေးဝန်ကြီးဌာနမှသိရသည်။

၂၀၀၀ CC နှင့်အောက် လူစီးမော်တော်ယာဉ်များကို ယခင်ကောက်ခံသည့် ၇ ဒသမ ၅ ရာခိုင်နှုန်းမှ ၅ ရာခိုင် နှုန်းသို့လည်းကောင်း၊ ၂၀၀၁ CC နှင့်အထက် လူစီးမော်တော်ယာဉ်များကို ယခင်က ၅ ရာခိုင်နှုန်းမှ ၃ ရာခိုင်နှုန်းသို့ လည်းကောင်း လျော့ချကောက်ခံမည်ဖြစ်ကြောင်း အမိန့်ကြေညာထုတ်ပြန်ချက်အရ သိရသည်။

ထို့ပြင် သုံးဘီးမော်တော်ဆိုင်ကယ်(လူစီး)ကိုလည်း (SKD စနစ်နှင့် တင်သွင်းမည့်) ၇.၅ရာခိုင်နှုန်းမှ ၃ ရာခိုင်နှုန်း၊ CKD စနစ်ဖြင့်ဆိုပါက၅ရာခိုင်နှုန်းမှ ၁ ဒသမ ၅ ရာခိုင်နှုန်း၊

သုံးဘီးမော်တော်ဆိုင်ကယ် (ကုန်တင်)၊ ဘတ်စ်များ၊ Truck/ Body Building ပြုလုပ်ရန် Track များ တင်သွင်းမှုအပေါ်၇.၅ရာခိုင်နှုန်းမှ ၃ ရာခိုင်နှုန်းနှင့် မော်တော်ဆိုင်ကယ်အတွက် ၃ရာခိုင်နှုန်းမှ ၁ ဒသမ ၅ ရာခိုင်နှုန်းကောက်ခံမည်ဟု ထုတ်ပြန်ချက်အရ သိရသည်။

ယခုလို အကောက်ခွန်ကောက်ခံမှုနှုန်းဖြေလျှော့ခွင့်ပြုရခြင်းမှာ စီးပွားရေးပြန်လည်ကောင်းမွန်လာစေရန်နှင့် ပြည်တွင်းအသေးစား၊အငယ်စားနှင့်အလတ်စားစီးပွားရေးလုပ်ငန်းများကိုအထောက်အကူပြုစေရန် မြန်မာနိုင်ငံရင်းနှီးမြုပ်နှံမှုကော်မရှင်၏ခွင့်ပြုချက်ဖြင့် ပြည်တွင်း၌ထုတ်လုပ်မည့် လောင်စာဆီသုံးယာဉ်များ စနစ်တို့ဖြင့်တင်သွင်းခြင်းအတွက် အကောက်ခွန်နှုန်းထားများဖြေလျှော့ခွင့်ပြုလိုက်ခြင်း ဖြစ်သည်။

ယခုအမိန့်ကြော်ငြာစာမှာ၂၀၂၃ ခုနှစ် ဇွန် ၁ ရက်မှ ၂၀၂၄ ခုနှစ် မေ ၃၁ ရက်အထိ အကျိုးသက်ရောက် စေမည်ဖြစ်ပြီး ၂၀၂၅ခုနှစ် မေလ၃၁ရက်အထိ အခွန်ဖြေလျှော့ခွင့်ရမည်ဖြစ်ကြောင်း ဖော်ပြထားသည်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group

ရန်ကုန်တိုင်းဒေသကြီး ကွမ်းခြံကုန်းမြို့နယ်မှာတည်ရှိတဲ့ ဆယ်အိမ်တန်းကမ်းခြေကို မိုးတွင်းကာလမှာလဲ ဖွင့်လှစ် လျက်ရှိပြီး လာရောက်လည်ပတ်သူများလည်း ရှိနေတယ်လို့ ကမ်းခြေရှိ စားသောက်ဆိုင်များနဲ့ ဒေသခံတွေထံက သိရပါတယ်။
Yangon_Times/LW
#Local_News
#Published_03 June 2024
#YMG #Yangon_Times #Yangon_Media_Group

တောင်ပေါ်၊ မြေပြန့်မကျန် ကျေးလက်နေပြည်သူတွေ အပါအဝင် မြန်မာနိုင်ငံသားတစ်သန်း လေးသိန်းကျော်ကိုစာတတ်မြောက်စေခဲ့တဲ့ အ, သုံးလုံးလှုပ်ရှားမှုမှာ ပါဝင်ခဲ့သူတွေကို ဂုဏ်ပြုတဲ့အနေနဲ့ အ, သုံးလုံးလှုပ်ရှားမှုနှစ် (၆၀)ပြည့် အခမ်းအနားကျင်းပဖို့ရှိတယ်။
Yangon_Times/tthl
#Local_News
#Published_03 June 2024
#YMG #Yangon_Times #Yangon_Media_Group