Published_11 June 2024

ယခုဘဏ္ဍာနှစ်စဖြစ်သည့် နှစ်လတာကာလအတွင်း မြဝတီကုန်သွယ်မှု မှ ကန်ဒေါ်လာသန်း၅၀၀ခန့် ရရှိ ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနမှသိရသည်။

၂၀၂၄-၂၀၂၅ ဘဏ္ဍာနှစ် ဧပြီ ၁ ရက်မှ မေလ ၃၁ ရက်အထိ နှစ်လအတွင်း မြဝတီနယ်စပ်ကုန်သွယ်မှု မှ စုစုပေါင်း ကန်ဒေါ်လာ ၄၉၅ ဒသမ ၀၀၄ သန်းရရှိ ကြောင်းသိရသည်။

ယခင် ကာလတူက စုစုပေါင်းကုန်သွယ်မှုပမာဏ  ဒေါ်လာ ၈၂၉ ဒသမ ၆၂၂ သန်း အထိရှိခဲ့ရာ   ယခင်နှစ်ကာလတူအောက်လျော့ကျနေကြောင်း သိရသည်။

ယခုဘဏ္ဍာနှစ် နှစ်လတွင် ယခင်နှစ်ကာလတူထက် သွင်းကုန်တင်သွင်းမှု ဒေါ်လာသန်း ၂၉၀ ကျော်အထိ လျော့ကျခဲ့ပြီး ပို့ကုန်တင်ပို့မှု ဒေါ်လာ ၄၄ သန်းကျော် စုစုပေါင်း ကုန်သွယ်မှုပမာဏ ဒေါ်လာ ၃၃၄ ဒသမ ၆၁၈ သန်း လျော့ကျခဲ့ ကြောင်းသိရသည်။
Yangon_Times/NN
#Local_News
#Published_11 June 2024
#YMG #Yangon_Times #Yangon_Media_Group

Published 11 June 2024

၂၀၂၃ - ၂၀၂၄ ခုနှစ်တက္ကသိုလ်ဝင်စာမေးပွဲတွင် အင်းစိန်ဗဟိုအကျဥ်းထောင်မှ ဝင်ရောက် ဖြေဆိုသူအားလုံး အောင်မြင်ကြောင်း အကျဥ်းဦးစီးဌာနနဲ့နီးစပ်သူတွေထံ မှ သိရသည်။

မတ်လကကျင်းပခဲ့သည့် ၂၀၂၃ - ၂၀၂၄ ခုနှစ်တက္ကသိုလ်ဝင်စာမေးပွဲတွင် အင်းစိန်ဗဟိုအကျဥ်းထောင်မှ ဝင်ရောက်ဖြေဆိုသူ (၇) ဦးရှိခဲ့ပြီး ဖြေဆိုသူအားလုံး ရာနှုန်းပြည့်အောင်မြင်ကြောင်း သိရသည်။

အဆိုပါ အောင်မြင်သည့် ၇ဦး တွင် တစ်ဦး မှာ ဝိဇ္ဇာ တွဲ ဖြင့် တစ်နိုင်ငံ လုံးတွင် တတိယ အမှတ် အများဆုံး ဖြစ်ကြောင်းသိရသည်။

ထို့ပြင် ၂၀၂၄ ခုနှစ် တက္ကသိုလ်ဝင်စာမေးပွဲကို အင်းစိန်ဗဟိုအကျဥ်းထောင်မှ အကျဥ်းသား၊ အကျဉ်းသူ (၇) ဦး ဝင်ရောက်ဖြေဆိုခဲ့ရာ (၄) ဘာသာ ဂုဏ်ထူးဖြင့် (၁) ဦး၊ (၃)ဘာသာဂုဏ်ထူးဖြင့် (၄) ဦး၊ (၂) ဘာသာဂုဏ်ထူးဖြင့် (၂) ဦး စုစုပေါင်း ၇ ဦးလုံး (၁၀၀% ) ဖြေဆိုအောင်မြင်ခဲ့ကြောင်း သိရသည်။
Yangon_Times/LW
#Local_News
#Published_11 June 2024
#YMG #Yangon_Times #Yangon_Media_Group

Published_11 June 2024

တက္ကသိုလ်ဝင်စာမေးပွဲတွင် မဟော်သဓာကိုယ်ပိုင် အထက်တန်းကျောင်းမှ(၆)ဘာသာ(၁၄)ဦး၊(၅) ဘာသာ (၁၆)ဦးအပါအဝင်(၆)ဘာသာမှ(၁)ဘာသာအထိဂုဏ်ထူးထွက်သူ (၁၂၁)ဦး၊ ဘာသာရပ်အလိုက်ဂုဏ်ထူးထွက်သူ (၃၅၉)ဦး ရှိခဲ့ကြောင်း ၎င်းကိုယ်ပိုင်အထက်တန်းကျောင်း၏ ဖော်ပြချက်အရသိရသည်။

မဟော်သဓာကိုယ်ပိုင်အထက်တန်းကျောင်းမှ

1(၆)ဘာသာ (၁၄)ယောက်၊ 2(၅)ဘာသာ (၁၆)ယောက်၊ 3(၄)ဘာသာ (၂၀)ယောက်၊ 4(၃)ဘာသာ (၁၅)ယောက်၊ 5(၂)ဘာသာ (၁၅)ယောက်၊ 6(၁)ဘာသာ(၄၁)ယောက်ပါပြီး၊ 7ရိုးရိုးအောင်(၁၅၅)ယောက်​ရှိသည်ဟုဆိုသည်။

(၂၀၂၄)တက္ကသိုလ်ဝင်စာမေးပွဲ၌ ဝိပ္ပံတွဲမှာ တစ်နိုင်ငံလုံးအမှတ်အများဆုံးရရှိသူစာရင်းတွင် မဟော်သဓာကိုယ်ပိုင် အထက်တန်းကျောင်းမှ အောင်မြင်သူ(၂)ဦး ပါဝင်သလို ရန်ကုန်တိုင်းဒေသကြီးအဆင့် ဝိပ္ပံတွဲအမှတ်အများဆုံးရရှိသူ(၃)ဦးရှိပြီး ၎င်းတို့မှာ 

၁။မအေးချမ်းပြည့်မွန်

၂။မမြဆုခိုင်

၃။မောင်ရဲထက်နိုင် တို့(၃)ဦးတို့ဖြစ်သည်။

မဟော်သဓာကိုယ်ပိုင် အထက်တန်းကျောင်းမှ အောင်သည့်ထဲမပါသူ(၄)ဦးရှိပြီး၎င်းတို့အတွက် စိတ်မကောင်းကြောင်း ‌ကျောင်းမှထုတ်ပြန်ထားသည်။
Yangon_Times/tthl
#Local_News
#Published_11 June 2024
#YMG #Yangon_Times #Yangon_Media_Group

Published 11 June 2024

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၄)လမ်းမကြီး မြင်းလှည်ဂိတ်မှတ်တိုင်အနီးတွင် ရပ်ထားသော ကားအား လိုက်ထရပ်ကားမှဝင်တိုက်မှု ဖြစ်ပွား ကြောင်း မီးသတ်တပ်ဖွဲ့နှငိ့ပရဟိတအသင်း ထံမှ သိရသည်။

ဇွန်လ ၁၀ရက် ည ၁၁ နာရီ ခန့်က ဖြစ်ပွားခဲ့ ခြင်း ဖြစ်ကာ ယာဉ်တိုက်မှုကြောင့် ယာဉ်အတွင်းလူညှပ်မှု ဖြစ်သည့်အပြင် ယာဉ်ပါ မီးလောင်မှု ဖြစ်ပွားခဲ့ကြောင်း သိရသည်။

အဆိုပါ ယာဉ်တိုက်မှုဖြစ်ပွားရာနေရာသို့ ရွှေပြည်သာမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး လူမှုကူညီရေးအသင်းများ လာရောက်ခဲ့ကာ ကားအတွင်း ညှပ်နေသူကို ဆွဲ ထုတ်နိုင်ခဲ့ ပြီး မီးလောင်သည့်ယာဉ်ကို ငြှိမ်းသတ်နိုင်ခဲ့ကာ လုပ်ငန်းစဉ်များ အားလုံး ည ၁၁နာရီ၅၂မိနစ်တွင် ပြီးစီးခဲ့ကြောင်းသိရသည်။

ယာဉ်တိုက်မှုကြောင့် ထိခိုက်ဒဏ်ရာရရှိခဲ့သည့် လူနာ ကို ရွှေမေတ္တာ လူမှုကူညီ‌ေရးအသင်း မှ လူနာတင်ယာဉ်ဖြင့် အင်းစိန်ဆေးရုံသို့ပို့ဆောင်ပေးခဲ့ကြောင်းသိရသည်။
Yangon_Times/LW
#Local_News
#Published_11 June 2024
#YMG #Yangon_Times #Yangon_Media_Group

Published 11 June 2024

ဂါဇာကမ်းမြောင်မှာ အစ္စရေးလ်နဲ့ ဟားမတ်စ်စစ်သွေးကြွတို့ကြား အပစ်အခတ် ရပ်စဲရေးအတွက် အမေရိကန်သမ္မတ ဂျိုးဘိုင်ဒင် တင်ပြထားတဲ့ အဆိုပြုချက်တစ်ခုကို ကုလသမဂ္ဂ လုံခြုံရေးကောင်စီက တနင်္လာနေ့မှာ ထောက်ခံလိုက်ပြီး ၈ လကြာမြင့်နေပြီဖြစ်တဲ့ စစ်ပွဲအဆုံးသတ်ရေး အဆိုပြုချက်ကို လက်ခံရန် ဟားမတ်စ်တို့ကို တိုက်တွန်းလိုက်ပါတယ်။

ဟားမတ်စ်တို့က အမေရိကန်မှ မူကြမ်းရေးဆွဲတဲ့ ဖြေရှင်းဆုံးဖြတ်ချက်ကို လိုက်နာကျင့်သုံးဖို့ ကြိုဆိုလိုက်ပြီး ဒီအစီအစဉ်ရဲ့ စည်းမျဉ်းတွေက အရပ်သားတွေ အလိုရှိတဲ့အတိုင်း ကိုက်ညီနေတာကြောင့် စေ့စပ်ညှိနှိုင်းသူများနဲ့ ပူးပေါင်းရန် အသင့်ဖြစ်နေတယ်လို့ ကြေညာလိုက်ပါတယ်။

အပစ်အခတ်ရပ်စဲရေး အဆင့် ၃ ဆင့်ပါတဲ့ ဘိုင်ဒင်ရဲ့ အဆိုပြုချက်ကို ကုလလုံခြုံရေးအဖွဲ့ဝင် ၁၄ နိုင်ငံက ထောက်ခံမဲပေးခဲ့ကာ ရုရှားကနေ ကြားနေအဖြစ်သာ ရှိခဲ့ပါတယ်။

ဒီကနေ့မှာ ငြိမ်းချမ်းရေးလမ်းစဉ်အတွက် မဲပေးခဲ့ကြတာဖြစ်တယ်လို့ ကုလသမဂ္ဂဆိုင်ရာ အမေရိကန်သံအမတ် လင်ဒါသောမတ်စ်ဂရင်းဖီးလ်က ပြောပြသွားပါတယ်။

ကုလရဲ့ ဖြေရှင်းဆုံးဖြတ်ချက်က ဟားမတ်စ်တို့ လက်ခံရန် တောင်းဆိုထားသလို နှစ်ဖက်စလုံးအနေဖြင့် ခြွင်းချက်မရှိ နှောင့်နှေးခြင်းမရှိဘဲ အချက်အလက်များအတိုင်း အပြည့်အဝလိုက်နာဖို့ တိုက်တွန်းလိုက်ပါတယ်။

ကုလလုံခြုံရေးကောင်စီရဲ့ တစ်ဦးတည်းသော အာရပ်နိုင်ငံဖြစ်တဲ့ အယ်လ်ဂျီးရီးယားက ဒါဟာ ချက်ချင်းအပစ်အခတ် ရပ်စဲရေးကို ဖော်ဆောင်နိုင်မယ်လို့ ယုံကြည်တာကြောင့် ထောက်ခံလိုက်တာဖြစ်ကြောင်း အယ်လ်ဂျီးရီးယား သံအမတ် အေမာဘင်ဂျာမာက ဆိုပါတယ်။

ပါလက်စ်တိုင်းတို့အတွက် မျှော်လင့်ချက်လေးတစ်ခု ဖြစ်ပြီး အခုအချိန်မှာ သတ်ဖြတ်တာတွေ ရပ်သင့်ပြီလို့ ပြောပြသွားပါတယ်။

ဖြေရှင်းဆုံးဖြတ်ချက်အရ ပထမအဆင့်အတွက် ညှိနှိုင်းခြင်းက အချိန် ၆ ပတ်ကျော် ကြာမြင့်တယ်ဆိုရင် ဆက်လက်ညှိနှိုင်းနေသရွေ့ အပစ်အခတ်ရပ်စဲရေးလည်း ဆက်ရှိနေမှာ ဖြစ်ပါတယ်။

ဒီဆုံးဖြတ်ချက်ကို အာရပ်တွေကလည်း ထောက်ခံနေတာကြောင့် မပိတ်ပင်လိုဘူးလို့ ရုရှားသံအမတ် ဗာဆယ်လီနက်ဘင်ဇီယာက ပြောပါတယ်။

အမေရိကန်၊ အီဂျစ်နဲ့ ကာတာတို့က အပစ်အခတ်ရပ်စဲရေးအတွက်  ကြားဝင်စေ့စပ်ပေးနေတာ ကြာပြီဖြစ်ပါတယ်။

အစ္စရေးလ်တို့က ဟားမတ်စ်တို့ဖမ်းဆီးထားတဲ့ ဓားစာခံတွေ လွှတ်ပေးရေးကို အလိုရှိနေကာ ဟားမတ်စ်တို့ကတော့ ဂါဇာကမ်းမြောင်ကနေ အစ္စရေးလ်စစ်တပ် ဆုတ်ခွာပေးဖို့ အလိုရှိနေပါတယ်။
Source: Reuters
#World_News
#Published_11 June 2024
#YMG #Yangon_Times #Yangon_Media_Group

Published_ 11 June 2024

၂၀၂၃ ခုနှစ်၊ အဘိဓမ္မာစာမေးပွဲ (ပထမအဆင့်၊ ဒုတိယအဆင့်နှင့် တတိယအဆင့်) တို့ကို အောင်မြင်သူ ၄၆ ဦးအား ဂုဏ်ပြုမှတ်တမ်းလွှာများ ချီးမြှင့်ခြင်း အခမ်းအနားကို အင်ဒိုနီးရှားနိုင်ငံ၊ ဂျကာတာမြို့ရှိ ဓမ္မဝိဟာရီ ဗုဒ္ဓဘာသာ လေ့လာသင်ကြားရေးကျောင်း (Dhammavihari Buddhist Studies) တွင် ဇွန် ၉ ရက်တွင် ကျင်းပပြုလုပ်ခဲ့ပါတယ်။

အခမ်းအနား၌ သံအမတ်ကြီး ဦးအောင်မျိုးမြင့် က အဘိဓမ္မာစာမေးပွဲ ပထမ အဆင့်ကို ဖြေဆိုအောင်မြင်သူ (၁၉) ဦး၊ ဒုတိယအဆင့်ကို ဖြေဆိုအောင်မြင်သူ (၁၉) ဦးနှင့် တတိယအဆင့်ကို ဖြေဆိုအောင်မြင်သူ (၁၁) ဦး စုစုပေါင်း (၄၆) ဦးတို့အား ဂုဏ်ပြု မှတ်တမ်းလွှာများ ပေးအပ်ချီးမြှင့်ခဲ့ပြီး၊ ဂုဏ်ပြုအမှာစကား ပြောကြားခဲ့ပါတယ်။

အဆိုပါအခမ်းအနားသို့ အာဆီယံဆိုင်ရာ မြန်မာအမြဲတမ်းကိုယ်စားလှယ်/ သံအမတ်ကြီး ဦးအောင်မျိုးမြင့် တက်ရောက်ခဲ့ပြီး အဘိဓမ္မာတရားတော်နှင့် ဗုဒ္ဓဘာသာ အခြေခံ တရားတော်များကို ဦးစီးသင်ကြား ပို့ချနေသည့် ဓမ္မဝိဟာရီ ဗုဒ္ဓဘာသာ လေ့လာ သင်ကြားရေးကျောင်း၏ ဥက္ကဋ္ဌ၊ ဆရာတော် အရှင်ခေမိန္ဒ၊ အင်ဒိုနီးရှား သာသနာရေး ဝန်ကြီးဌာနမှ ဗုဒ္ဓဘာသာအသိုက်အဝန်း ဆိုင်ရာညွှန်ကြားရေးမှူးချုပ် Dr. Supriyadi, M.Pd. ၊ မြန်မာသံရုံးမှဝန်ထမ်းများ၊ အဘိဓမ္မာစာမေးပွဲ ဖြေဆိုအောင်မြင်သူများနှင့် ထေရဝါဒဗုဒ္ဓဘာသာကို လေ့လာသင်ယူနေတဲ့ အင်ဒိုနီးရှား နိုင်ငံသားများ စုစုပေါင်း (၃၀၀) ဦးခန့် တက်ရောက်ခဲ့ကြပါတယ်။
Ymg_mnn
#Yangon_Media_Group
#Local_News
#Published_11 June 2024
#YMG #Yangon_Times #Yangon_Media_Group

#World_Health
Published 11 June 2024

▪️ အမျိုးသားအင်္ဂါသန်စွမ်းဆေး (Viagra)ဟာ ဆယ်ရီဘရယ် သွေးကြောမျှင်ရောဂါရှိတဲ့ သူတွေအတွက် ကောင်းကျိုးရှိစေနိုင်တယ်လို့ အောက်စ်ဖို့ဒ်တက္ကသိုလ်မှ သုတေသီများ လေ့လာတွေ့ရှိထားပါတယ်။

▪️ ဒီရောဂါဟာ အသိဉာဏ်စွမ်းရည် ကျဆင်းခြင်းနဲ့ လေဖြတ်ခြင်းအန္တရာယ်များ၊ ဒီမန်ရှာတို့ ဖြစ်စေနိုင်ပါတယ်။

▪️ OxHARP စမ်းသပ်ချက်မှာ လေဖြတ်ခြင်းနဲ့ အလားတူ ဦးနှောက်သွေးကြော ရောဂါအခြေအနေ ခံစားနေရသူ ၇၅ ဦးကို စမ်းသပ်ခဲ့ပါတယ်။

▪️ ပါဝင်စမ်းသပ်သူတွေက ပျမ်းမျှအသက် ၇၀ ဝန်းကျင်ရှိပြီး အမျိုးသားအများစုဖြစ်ကာ Viagra အသုံးပြုခိုင်းတဲ့အဖွဲ့၊ သွေးကြောလုပ်ဆောင်ချက် ထောက်ပံ့ပေးတဲ့ cilostazol ဆေး အသုံးပြုခိုင်းတဲ့အဖွဲ့နဲ့ အာနိသင်မရှိတဲ့ဆေး အသုံးပြုခိုင်းတဲ့အဖွဲ့ဆိုပြီး အချိန် ၃ ပတ်တာ စမ်းသပ်ခဲ့ကြပါတယ်။

▪️ အဆင့်မြင့်ဓာတ်မှန်ပုံရိပ် နည်းပညာများ အသုံးပြုကာ ဦးနှောက်သွေးကြော စီးဆင်းမှုကုသမှုရဲ့ ထိရောက်မှုများကို အကဲဖြတ်ခဲ့ကြပါတယ်။

▪️ အထူးသဖြင့် ကာဗွန်ဒိုင်အောက်ဆိုဒ် ပမာဏနဲ့ ပတ်သက်ပြီး သွေးကြောတွေရဲ့ တုန့်ပြန်နိုင်စွမ်းကို အလေးထား ကြည့်ရှုခဲ့ကြပါတယ်။

▪️ Viagra သောက်သုံးတဲ့သူတွေက ဦးနှောက်တွင်း သွေးစီးဆင်းမှု သိသိသာသာ မြင့်တက်တာကို တွေ့ရှိခဲ့ကြပါတယ်။

▪️ ဒါ့အပြင် ဦးနှောက်တွင်း သွေးကြောတုန့်ပြန်မှုတွေလည်း ပိုမိုအားကောင်းလာခဲ့ပါတယ်။

▪️ သွေးစီးဆင်းမှု ပိုမိုကောင်းမွန်လာပေမယ့် သွေးခုန်နှုန်းတော့ သိသိသာသာ ပြောင်းလဲတာမျိုး မရှိပါဘူး။

▪️ ဆေး ၂ မျိုးစလုံးဟာ ဘေးထွက်ဆိုးကျိုးတော့ရှိပြီး ခေါင်းကိုက်ခြင်း၊ ဝမ်းလျှောခြင်းတို့ ဖြစ်တတ်ပါတယ်။

▪️ ဦးနှောက်လုပ်ဆောင်ချက် ကျဆင်းတဲ့ ဝေဒနာတွေနဲ့ ပတ်သက်ပြီး ရောဂါလက္ခဏာ တိုးတက်စေနိုင်ပါတယ်။

▪️ ဦးနှောက်သွေးကြောမျှင်ရောဂါ ကုသရာမှာ Viagra ရဲ့အသုံးချပုံနဲ့ ရေရှည်အကျိုးကျေးဇူးများကို သိရှိဖို့ နောက်ထပ်လေ့လာရဦးမှာ ဖြစ်ပါတယ်။

#Source: The Jerusalem Post

11 June 2024

၂၀၂၃-၂၀၂၄ခုနှစ်တက္ကသိုလ်ဝင်စာမေးပွဲတွင်အောင်မြင်သူ(၇)သောင်း (၄)ထောင်ကျော်ရှိပြီးအောင်မြင်မှု(၅၇.၉)ရာခိုင်နှုန်းရှိကြောင်း ပညာရေးဝန်ကြီး ဌာနမှသိရသည်။

တက္ကသိုလ်ဝင်စာမေးပွဲ‌ဖြေဆိုသူ ( ၁၂၈၈၀၁)ဦး  အနက်အောင်မြင်သူ( ၇၄၅၉၂)ဦးရှိကာ အောင်မြင်မှုရာခိုင်နှုန်း(၅၇.၉)ရာခိုင်နှုန်းရှိသည်ဟုဆိုသည်။

၂၀၂၃-၂၀၂၄ပညာသင်နှစ်အတွက် တက္ကသိုလ်ဝင်စာမေးပွဲဝင်ရောက်ဖြေဆိုသူ စုစုပေါင်း (၁၂၈၈၀၁) ဦးရှိခဲ့သလို အထူးအစီအစဉ်နှင့် ဖြေဆိုထားသူ (၃၀၀)နီးပါးလည်းရှိပြီး ယနေ့ဇွန်(၁၁)ရက်မှာ အောင်စာရင်းများ ထွက်ရှိခဲ့ကြောင်း သိရသည။

Yangon_Times/tthl

#Yangon_Media_Group #YMG #Yangon_Times

#World_Science
Published 11 June 2024

▪️ နားမကြားဝေဒနာဖြင့် မွေးဖွားလာတဲ့ ကလေး ၅ ယောက်ဟာ အံ့အားသင့်ဖွယ် မျိုးဗီဇကုသနည်းတစ်မျိုး ခံယူပြီးနောက် အကြားအာရုံ ပြန်ရလာခဲ့ပါတယ်။

▪️ ရှန်ဟိုင်းမြို့ ဖူဒန်မျက်စိနားနှာခေါင်းလည်ချောင်း ဆေးရုံနဲ့ ဘော့စ်တွန်မှ မက်စ်မျက်စိနှင့်နားဆေးရုံတို့မှ ဦးဆောင်တဲ့ စမ်းသပ်ချက်ဟာ ကလေးတွေရဲ့ နားနှစ်ဖက်စလုံးကို မျိုးဗီဇကုသမှု ဆောင်ရွက်ခဲ့တဲ့ ကမ္ဘာ့ပထမဆုံး စမ်းသပ်ချက် ဖြစ်လာပါတယ်။

▪️ အသက် ၁ နှစ်မှ ၁၁ နှစ်အရွယ်ကြားရှိ ကလေးတွေဟာ ပြန်ကြားနိုင်ရုံမက ဆူညံတဲ့ ပတ်ဝန်းကျင်မှာပင် အသံတွေ စတင်ထွက်ပေါ်တဲ့ နေရာကိုပါ သိရှိနိုင်ခဲ့ပါတယ်။

▪️ ၂၀၂၂ ဒီဇင်ဘာလတုန်းက စမ်းသပ်ရာမှာ နားတစ်ဖက်တည်းကိုသာ ကုသနိုင်ခဲ့ကာ ယခုအခါတော့ နှစ်ဖက်စလုံး ကုသနိုင်ပြီ ဖြစ်ပါတယ်။

▪️ စမ်းသပ်ခဲ့တဲ့ ကလေးအားလုံးက DFNB9 လို့ခေါ်တဲ့ မျိုးရိုးလိုက် နားမကြားဝေဒနာ ခံစားနေရတာဖြစ်ပြီး OTOF မျိုးဗီဇနေရာမှာ ဗီဇပြောင်းလဲတာကြောင့် ဖြစ်ပါတယ်။

▪️ ထိုမျိုးဗီဇနေရာဟာ အသံပို့ဆောင်အချက်ပြဖို့ လိုအပ်တဲ့ အော့တိုဖာလင် ပရိုတိန်းတွေ မထုတ်လုပ်နိုင်တဲ့အချိန်မှာ နားမကြားဝေဒနာ ဖြစ်ပေါ်လာပါတယ်။

▪️ ဆရာဝန်တွေက ကလေးတွေရဲ့ နားထဲကို လူသား OTOF မျိုးဗီဇများ ဆေးထိုးထည့်ခဲ့ကြပြီး ဆေးရုံမှာ ၁၀ ရက်စောင့်ကြည့်ခဲ့ပါတယ်။

▪️ ၄ ပတ်အကြာမှာ စမ်းသပ်နည်းတွေဖြင့် အကြားအာရုံရရှိလာကြောင်း တွေ့ရှိခဲ့ကြကာ တဖြည်းဖြည်းဖြင့် စကားပါ ပြောလာနိုင်ပါတယ်။

▪️ ဖျားနာခြင်း၊ အော့အန်ခြင်းစတဲ့ ဘေးထွက်ဆိုးကျိုး အနည်းငယ်သာ တွေ့ရှိရပါတယ်။

▪️ ထိုကုသနည်းက တစ်ကြိမ်သာကုသရန်လိုပြီး နောက်ထပ်ပြုလုပ်ရန် မလိုအပ်ပါဘူး။

▪️ ကမ္ဘာပေါ်မှာ အကြားအာရုံချို့ယွင်းသူ သန်း ၄၃၀ ခန့်ရှိပြီး ကလေးတွေက ၃၄ သန်းပါဝင်နေတယ်လို့ WHO က ဆိုပါတယ်။

▪️ ထိုထဲကမှ ၅၀ ရာခိုင်နှုန်းကျော်လောက်က မျိုးရိုးဗီဇကြောင့် ဖြစ်ပါတယ်။

▪️ အကြားအာရုံချို့ယွင်းရတဲ့ အခြားအကြောင်းအရင်းတွေလည်း ရှိနေတာကြောင့် မျိုးဗီဇကုသနည်းတစ်မျိုးတည်းက ဝေဒနာအမျိုးအစား အားလုံးနဲ့ ကိုက်ညီမှာ မဟုတ်ပါဘူး။

▪️ အကြားအာရုံ ပြန်ရတယ်ဆိုတာဟာ သာမန်လူတွေလို လုံးဝကြားနိုင်တာ မဟုတ်ဘူးဆိုတာတော့ သတိပြုရပါမယ်။

▪️ ဒါ့အပြင် ကုသနည်းက လူနာတိုင်းမှာလည်း အောင်မြင်ချင်မှ အောင်မြင်နိုင်မှာပါလို့ မီချီဂန်မှ အကြားအာရုံအထူးကု ဒေါက်တာ အေမီဆယ်ရိုးက ပြောပြသွားပါတယ်။

▪️ ကုသမှုခံယူပြီးတဲ့ လူနာတွေဟာ အချိန်ကြာလာတာနဲ့အမျှ အကြားအာရုံ တိုးတက်လာမှာ ဖြစ်ပါတယ်။

▪️ ထိုမျိုးဗီဇကုသနည်းကို အမေရိကန်မှာ FDA အသိအမှတ်ပြုခွင့်ရဖို့ စီစဥ်နေကြပါပြီ။

#Source: New York Post

၁၀ ဇွန် ၂၀၂၄
သန်လျင်တံတားအမှတ်(၃)ဖွင့်ပွဲအခမ်းအနားအား ပစ်ခတ်တိုက်ခိုက်မည့် ရန်ကုန်UG အဖွဲ့ဝင် (၉) ဦးတို့ကို ၁ဝ၇ မမ ရှော့တိုက်ဒုံးသီးများနှင့်အတူ ဖမ်းဆီးရမိခဲ့တယ်လို့ နစက သတင်းထုတ်ပြန်ရေး အဖွဲ့ရဲ့ သတင်းထုတ်ပြန်ချက် အရသိရပါတယ်။
ဇွန်လ ၈ ရက်တွင် သန်လျင်တံတားအမှတ်(၃)ဖွင့်ပွဲအခမ်းအနားကျင်းပရာသို့ ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ရန်စီစဉ်လျက်ရှိကြောင်း သတင်းရရှိတဲ့အတွက် ဖော်ထုတ်ဖမ်းဆီးမိခဲ့တာဖြစ်တယ်လို့ ဆိုပါ တယ်။
ရန်ကုန်UGအဖွဲ့ဝင်တွေဖြစ်ကြတဲ့ စိန်ကြီး(ခ)အောင်ထွေး(၂၆)နှစ်၊ ချိုကြီး(ခ)ဟိန်းထက်အောင်(၁၈)နှစ်၊ မင်းသူ (၃၀)နှစ်၊ မောင်ဟိန်း(၂၄)နှစ်၊ အောင်သူရထွန်း(၂၅)နှစ်၊ ပြည့်ဖြိုးဇော်(၁၈)နှစ်နှင့် ထက်အာကာလင်း(၂၆)နှစ်တို့ ၇ ဦးအား ၁ဝ၇ မမရှော့တိုက်ဒုံး ၂ လုံး၊ ဖြူးစ် ၂ ခု၊ လက်ပစ်ဗုံး ၂ လုံး၊ ဘတ္ထရီအိုး ၂ လုံး၊ ဝါယာကြိုးခွေ ၄ ခွေ၊ အခြားဆက်စပ်ပစ္စည်းများနှင့်အတူ ဇွန်လ ၈ ရက် နံနက်ပိုင်းတွင် ဒဂုံမြို့သစ်(ဆိပ်ကမ်း)မြို့နယ်၊ (၆၁)ရပ်ကွက် ၊သင်္ဘောကျင်းဝန်ထမ်း အိမ်ယာဝန်းအတွင်းရှိ သစ်သားလိုင်းခန်းအဟောင်း၌ ဖမ်းဆီးရမိခဲ့တယ်လို့ သတင်းထုတ် ပြန်ချက်မှာဖော်ပြထားပါတယ်။
သူတို့ရဲ့ ထွက်ဆိုချက်အရ ဇွန်လ ၉ ရက် နံနက်ပိုင်းတွင်ရှော့တိုက်ဒုံးပစ်ခတ်ရန် ပူးပေါင်းပါဝင်သူများဖြစ်သော ချစ်ကေခိုင်(၃၈)နှစ်အား ဒဂုံမြို့သစ်(တောင်ပိုင်း)မြို့နယ်၊ (၇၂)ရပ်ကွက်၊ သဇင်လမ်း၊ အမှတ်(၉၃)နေအိမ်မှ လည်း ကောင်း၊ဇာနည်အောင်(ခ)ကိုဇာ(၃၂)နှစ်အား ဒဂုံမြို့သစ် (တောင်ပိုင်း) မြို့နယ်၊ (၇၂)ရပ်ကွက်၊ဗန္ဓုလလမ်း၊ အမှတ်(၁၁၁)နေအိမ်မှ ၁၀၇ မမ ရှော့တိုက်ဒုံး ၁ လုံး၊ ဖြူးစ်တစ်ခုတို့ဖြင့်လည်းကောင်း အသီးသီးထပ်မံ ဖော်ထုတ် ဖမ်းဆီးရမိခဲ့တယ်လို့သိရပါတယ်။
ဖမ်းဆီးရမိတဲ့အဖွဲ့ဝင်တွေရဲ့ ထွက်ဆိုချက်အရ Brigate Drone Force PDFအဖွဲ့ဝင် အာကာမင်း မှ ၂၀၂၄ ခုနှစ်၊ ဧပြီလတတိယပတ်တွင် Instagram မှတစ်ဆင့် ရှော့တိုက်ဒုံး ချိန်ရွယ်နည်းနှင့် ပစ်ခတ်နည်းများအား သင်ကြားပေးခဲ့ပြီး အာကာမင်းမှာ လွတ်မြောက်နေဆဲဖြစ်တယ်လို့သတင်းထုတ်ပြန်ထားပါ တယ်။၊
သန်လျင်တံတားအမှတ်(၃) ဖွင့်ပွဲကိုပစ်ခတ်ရန်အတွက် မေလ ၁၉ ရက်တွင် ရန်ကုန် UG အဖွဲ့ဝင် ဖြူနှင်း အေး(ခ)မီးအိမ်ရှင် မှ စိန်ကြီး(ခ)အောင်ထွေး အား ဆက်သွယ်၍ ၁၀၇ မမရှော့တိုက် ဒုံးသီး ၃ လုံးနှင့် လက်ပစ်ဗုံး ၂ လုံးတို့အား ချိတ်ဆက်ပို့ဆောင်ပေးခဲ့သဖြင့်စိန်ကြီး(ခ)အောင်ထွေး၊ ဇာနည်အောင်(ခ)ကိုဇာနှင့် ချစ်ကေခိုင် တို့ ၃ ဦးမှ ပုဇွန်တောင်မြို့နယ်၊ Ocean Center အနီးရှိ ကားမှတ်တိုင်တွင် ရန်ကုန် UG အဖွဲ့ဝင် (စိစစ်ဆဲ)ကျား ၂ ဦးထံမှ သွားရောက်ယူဆောင်ခဲ့ပြီး သိုဝှက်သိမ်းဆည်းထားခဲ့တာဖြစ်ပါတယ်။ ဖြူနှင်းအေး(ခ) မီးအိမ်ရှင်မှာ လွတ်မြောက် နေဆဲဖြစ်တယ်လို့ဆိုပါတယ်။
စိန်ကြီး(ခ)အောင်ထွေး၊ ချိုကြီး(ခ)ဟိန်းထက်အောင်၊ မောင်ဟိန်း၊ ပြည့်ဖြိုးဇော်၊ ထက်အာကာလင်း၊ ဇာနည်အောင်(ခ) ကိုဇာနှင့် ချစ်ကေခိုင် တို့ ၇ ဦးသည် ဇွန်လ ၄ ရက်နေ့မှ ၈ ရက်နေ့အထိ သန်လျင်တံတား၏ အခြေအနေ၊ သန်လျင်တံတားအဆင်း တိုးဂိတ်အနီးနေရာနှင့် ဒဂုံမြို့သစ်(ဆိပ်ကမ်း)မြို့နယ်၊ မြနန္ဒာအိမ်ရာ အနီး တစ်ဝိုက်ရှိ လုံခြုံရေးတပ်ဖွဲ့ဝင်များ၏ အခြေအနေတို့အား ၅ ကြိမ် သွားရောက်ကြည့်ရှုခဲ့ကြတယ်လို့ သတင်းမှာ ဖော်ပြထားပါတယ်။
အဲဒီနောက်၁၀၇ မမ ရှော့တိုက်ဒုံးပစ်ခတ်မည့်နေရာအား ဆိပ်ကမ်းသာလမ်းအောက်ဘက် “ဘုရင်ကြီး” သဲကျောက်ရောင်းဝယ်ရေးလုပ်ငန်း၏ အရှေ့ဘက် မီတာ ၁၀၀၀ ခန့်အကွာ သဲကွင်းပြင်နေရာကို ရွေးချယ် သတ်မှတ်ခဲ့ပြီး ဇွန်လ ၈ ရက် တံတားဖွင့်ပွဲအခမ်းအနားကျင်းပမည့်အချိန်တွင် ပစ်ခတ်ဖောက်ခွဲရန် စီစဉ်ခဲ့ကြကြောင်း ဖော်ထုတ်သိရှိရတာဖြစ်တယ်လို့ သတင်းထုတ်ပြန်ထားပါတယ်။
ဖြစ်စဉ်တွင် တရားခံ ကျား ၈ ဦး၊မ ၁ ဦး ပေါင်း ၉ ဦးတို့နှင့်အတူ ၁ဝ၇ မမရှော့တိုက်ဒုံး ၃ လုံး၊ ဖြူးစ် ၃ ခု၊ လက်ပစ်ဗုံး ၂လုံး၊ ဘတ္ထရီအိုး ၂ လုံး၊ ဝါယာကြိုးခွေ ၄ ခွေနှင့် အခြားဆက်စပ် ပစ္စည်းများအားဖော်ထုတ်သိမ်းဆည်းရမိခဲ့ကြောင်း သိရှိရပါတယ်။
@ymg/knl

တရုတ်စွမ်းအင်သစ် ကားကုမ္ပဏီကြီး BYD မှ ထုတ်လုပ်တဲ့ နောက်ဆုံးပေါ် နှစ်ထပ်ဘတ်စ်ကားကို ဗြိတိန်ရှိ လန်ဒန်ဘတ်စ်ပြတိုက်မှာ ပြသလိုက်ပါတယ်။
#World_Industry
Published 10 June 2024
#တရုတ်လျှပ်စစ်ကားကုမ္ပဏီ #နှစ်ထပ်ဘတ်စ်ကားအသစ် #လန်ဒန်ပြတိုက်တွင်ပြသ
#YMG #Yangon_Times #Yangon_Media_Group

#Daily_News
Published_10 June 2024

၁။ 'အာဆီယံကျောင်းသားအားကစားပြိုင်ပွဲ'တွင် မြန်မာမှရွှေ(၂)ဆု၊ ငွေ(၁)ဆု၊ ကြေး‌(၄)ဆုတို့ဆွတ်ခူး

၂။ အိန္ဒိယဝယ်လိုအား‌ကြောင့် မြန်မာ့မတ်ပဲဈေးဆက်မာနိုင်

၃။ ထိုင်းနိုင်ငံမှ ဝယ်လိုအားရှိနေသဖြင့် ရှမ်းပြည်ထွက် ခရမ်းချဉ်သီးများဈေးထပ်မြင့်တက်လာ

၄။ တရုတ်လျှပ်စစ်ကားကုမ္ပဏီBYD၏နှစ်ထပ်ဘတ်စ်ကားအသစ် လန်ဒန်ဘတ်စ်ကားပြတိုက်တွင်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times