#CovidVaccine

Published 7 June 2022

Biological E ကုမ္ပဏီမှထုတ်လုပ်တဲ့ ကော်ဘီဗက်ဇ်(Corbevax)ကိုဗစ်ကာကွယ်ဆေးကို အသက် ၁၈ နှစ်နဲ့အထက်လူတွေမှာ အားမြှင့်ကာကွယ်ဆေး(booster)အဖြစ် ထိုးနှံခွင့်ပြုလိုက်ပြီဖြစ်ပါတယ်။

ကိုဗက်ဆင်း(Covaxin) သို့မဟုတ် ကိုဗီရှီးလ်(Covishield) ၂ ကြိမ်ထိုးပြီး ၆ လကြာတဲ့သူတွေမှာ အဆိုပါအားမြှင့်ကာကွယ်ဆေးကိုထိုးနှံနိုင်ကြောင်း ကုမ္ပဏီကထုတ်ပြန်လိုက်ပါတယ်။

"ယခုလိုအသိအမှတ်ပြုမှုအတွက် အလွန်ဝမ်းသာရပြီး အိန္ဒိယနိုင်ငံက ကိုဗစ်အားမြှင့်ကာကွယ်ဆေး(booster)လိုအပ်ချက်ကို ဖြေရှင်းနိုင်မှာဖြစ်ပါတယ်၊ ကျွန်မတို့ရဲ့ကိုဗစ်ကာကွယ်ဆေးထုတ်လုပ်မှုခရီးဟာ နောက်ထပ်မှတ်ကျောက်တင်နိုင်ခဲ့ပြီဖြစ်ပါတယ်၊ ယခုအသိအမှတ်ပြုမှုကနေ ကော်ဘီဗက်ဇ်ရဲ့ကိုယ်ခံအားမြှင့်တင်နိုင်မှုစွမ်းရည်နဲ့ ကမ္ဘာ့အဆင့်စံချိန်စံညွှန်းများအကြောင်း သိရှိစေမှာဖြစ်ပါတယ်" လို့ Biological E ရဲ့ဦးဆောင်ညွှန်ကြားရေးမှူး'မာဟီမာဒတ်လာ'က ထုတ်ပြန်ကြေညာလိုက်ပါတယ်။

ကော်ဘီဗက်ဇ်အားမြှင့်ကာကွယ်ဆေးထိုးနှံခြင်းဖြင့် ကိုဗီရှီးလ်နဲ့ ကိုဗက်ဆင်းထိုးနှံထားတဲ့သူတွေမှာ ရောဂါကာကွယ်ရေးပဋိပစ္စည်းပမာဏသိသိသာသာများလာကြောင်း ကုမ္ပဏီကပြောပြပါတယ်။

အိန္ဒိယဆေးဝါးထိန်းချုပ်ကွပ်ကဲရေး(DCGI)က ကော်ဘီဗက်ဇ်ကာကွယ်ဆေးကို အသက် ၅ နှစ်မှ ၁၂ နှစ်ကြားကလေးတွေမှာထိုးနှံဖို့ ဧပြီနှောင်းပိုင်းမှာ အရေးပေါ်ခွင့်ပြုပေးခဲ့ပြီး ဒီမတိုင်ခင်ကလည်း အသက် ၁၂ နှစ်မှ ၁၄ နှစ်ကြားလူငယ်တွေမှာ ထိုးနှံပေးခဲ့ပါတယ်။

Biological E က ကော်ဘီဗက်ဇ်ဆေးတစ်လုံးကို ၈၄၀ ရူပီးသတ်မှတ်ထားရာကနေ မေလက ပစ္စည်းနဲ့ဝန်ဆောင်မှုအခွန်အခများအပါအဝင် ပုဂ္ဂလိကကာကွယ်ဆေးထိုးနှံရေးစင်တာများအတွက် ၂၅၀ ရူပီးအထိ ဈေးနှုန်းလျှော့ချပေးခဲ့ပါတယ်။

မတ်လက အိန္ဒိယမှာ အသက် ၁၂ နှစ်မှ ၁၄ နှစ်ကြားကလေးတွေကို ကိုဗစ်ကာကွယ်ဆေးစတင်ထိုးနှံပေးခဲ့ရာ ကော်ဘီဗက်ဇ်ကာကွယ်ဆေးကို အသုံးပြုခဲ့ပြီး အစိုးရကာကွယ်ဆေးထိုးနှံခြင်းအစီအစဉ်အတွက် ဈေးနှုန်းကို ၁၄၅ ရူပီးဖြင့် သတ်မှတ်ပေးခဲ့ပါတယ်။

Biological E က ကော်ဘီဗက်ဇ်ကာကွယ်ဆေးထုတ်လုပ်ရာမှာ တက္ကဆက်ကလေးဆေးရုံ၊ ဘိုင်လာဆေးပညာကောလိပ်တို့နဲ့ ပူးပေါင်းဆောင်ရွက်ခဲ့ပါတယ်။

အရေးပေါ်ထိုးနှံခွင့်မရခင်မှာ ကုမ္ပဏီက အသက် ၅ နှစ်မှ ၁၂ နှစ်ကြားကလေးတွေနဲ့ အသက် ၁၂ နှစ်မှ ၁၈ နှစ်ကြားကလေးတွေမှာ ဒုတိယအဆင့်နဲ့တတိယအဆင့်စမ်းသပ်မှုများ ပြုလုပ်ခဲ့ကြောင်း ပြောကြားခဲ့ပါတယ်။

ကော်ဘီဗက်ဇ်ကို အသက် ၁၂ နှစ်မှ ၁၄ နှစ်ကြားကလေးများအတွက် မတ်လကစတင်ထိုးနှံစဉ်က သူတို့ရဲ့ကာကွယ်ဆေးကို လူအများတတ်နိုင်တဲ့အနေအထားဖြစ်အောင် အဓိကရည်မှန်းထားခဲ့တာဖြစ်ကြောင်း မစ္စ'ဒတ်လာ'က NDTV ကိုပြောကြားခဲ့ပါတယ်။

Source: NDTV
#Yangon_Media_Group

#LocalNews
Published - 7 june 2022

ဇွန်လ၆ရက် ညနေ၄နာရီ၂၄ အချိန်ခန့်တွင်မန္တလေးတိုင်းဒေသကြီး၊ ညောင်ဦးမြို့နယ်၊ တောင်ဇင်းနယ်မြေရှိ တက်မရေနံမြေတွင် ရေနံတွင်း မီးလောင်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့မှ သိရသည်၊၊

အဆိုပါ မီးလောင်မှုကို ညောင်ဦးခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်ရေသယ်ယာဉ်(၁)စီး၊ ညောင်ဦးမြို့နယ်မီးသတ်စခန်းမှ မီးသတ်ယာဉ်(၁)စီး၊ တောင်ဇင်းနယ်မြေမီးသတ်စခန်းမှ မီးသတ်ယာဉ်(၁)စီး၊ စဉ့်ကူးနယ်မြေမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ငြှိမ်းသတ်ခဲ့ပြီး ညနေ ၅ နာရီ ၁၀ မိနစ်တွင် မီးငြိမ်းခဲ့ ကြောင်းသိရသည်၊၊

Photo MSFD 

ymg/tthl
#Yangon_Media_Group

Published_ 7 June 2022

ဦးဖြိုးဇေယျာသော်၊ဦးကျော်မင်းယုနှင့် အခြားနှစ်ဦးတို့ကို သေဒဏ်အတည်ပြုခဲ့တဲ့အပေါ်  ပြင်သစ် ဥရောပနှင့်  နိုင်ငံခြားရေးဝန်ကြီးဌာန၊ရန်ကုန်မြို့ပြင်သစ်သံရုံး၊ကုလသမဂ္ဂအတွင်းရေးမှူးချုပ်ပြောရေးဆိုခွင့်ရှိသူ၏ ထုတ်ပြန်ချက်နှင့် အမေရိကန်နိုင်ငံခြားရေးဝန်ကြီးဋ္ဌာနပြောရေးဆိုခွင့်ရှိသူရဲ့ထုတ်ပြန်ချက်တွေနှင့်ပတ်သက်လို့ နစက နိုင်ငံခြားရေးဝန်ကြီးဌာနက ပြင်းထန်စွာကန့်ကွက်ခဲ့ပါတယ်။

ဇွန်လ(၆)ရက် ယမန်နေ့က နစကနိုင်ငံခြားရေးဝန်ကြီးဌာနက သတင်းထုတ်ပြန်ချက်တစ်စောင်ထုတ်ပြန်ပြီး အဲသလိုကန့်ကွက်ခဲ့တာဖြစ်ပါတယ်။

အဆိုပါထုတ်ပြန်ချက်တွင် မြန်မာနိုင်ငံသည် လွတ်လပ်၍ အချုပ်အခြာအာဏာပိုင် နိုင်ငံတစ်နိုင်ငံဖြစ်သည့် အားလျော်စွာ လက်ရှိအစိုးရအနေဖြင့် ၂၀၀၈ ခုနှစ် ဖွဲ့စည်းပုံ အခြေခံဥပဒေမှ အပ်နှင်းထားသည့် အခွင့်အာဏာများကို အပြည့်အဝ ကျင့်သုံးပိုင်ခွင့် ရှိသည်။ နိုင်ငံသားတိုင်းသည် တရားဥပဒေနှင့်အညီ တန်းတူ အခွင့်အရေးနှင့် အခြေခံလူ့အခွင့်အရေးဆိုင်ရာ အကာအကွယ်ပေးမှုများ ရရှိနိုင်မည်ဖြစ်သကဲ့သို တရားဥပဒေအရ စီရင်ဆုံးဖြတ်မှုကိုလည်း လက်ခံကြရမည်ဖြစ်သည်လို့ ဖော်ပြထားပါတယ်။

မြန်မာနိုင်ငံ၏ တရားစီရင်ရေးစနစ်သည် လွတ်လပ်မှုရှိသကဲ့သို ပြည်ထောင်စု အတွင်း မှီတင်းနေထိုင်သူအားလုံးအပေါ် သာတူညီမျှရှိသည့် ဥပဒေများကို ကျင့်သုံး ဆောင်ရွက်လျက်ရှိသည်ကိုလည်း ထပ်လောင်း အတည်ပြုသည်လို့လည်းသတင်းထုတ်ပြန်ချက်မှာရေးသားထားပါတယ်။

၎င်းတို့သည် အပြစ်မဲ့ပြည်သူများအား အကြောက်တရား ကြီးစိုးစေရန်နှင့် တည်ငြိမ်အေးချမ်းရေးကို ပျက်ပြားစေသည့် အကြမ်းဖက်မှုများ ကျူးလွန်ရာ တွင် အဓိကကြိုးကိုင်စီစဉ်သူများအဖြစ် ပြစ်မှုထင်ရှားသဖြင့် အမိန့်ချမှတ်ခံခဲ့ရခြင်းဖြစ်တယ်လို့လည်း ဖော်ပြထားပါတယ်။

သို့ဖြစ်၍ နိုင်ငံခြားရေးဝန်ကြီးဌာနအနေဖြင့် ပြင်သစ်ဥရောပနှင့် နိုင်ငံခြားရေး ဝန်ကြီးဌာန၊ ရန်ကုန်မြို၊ ပြင်သစ်သံရုံး၊ ကုလသမဂ္ဂအတွင်းရေးမှူးချုပ် ပြောရေးဆိုခွင့် ရှိသူရုံးနှင့် အမေရိကန်နိုင်ငံခြားရေးဝန်ကြီးဌာနတို၏ တာဝန်မဲ့ထုတ်ပြန် ပြောကြားချက် များသည် အကြမ်းဖက်မှုများကို အားပေးအားမြှောက်ပြုရာရောက်ပြီး အပြစ်မဲ့ပြည်သူ အများအပြား သေကြေဒဏ်ရာရစေပြီး အစိုးရနှင့် ပုဂ္ဂလိကပိုင် အဆောက်အဦနှင့် ပစ္စည်းများကို ပျက်စီးစေသည့် မတရားအသင်းနှင့် အကြမ်းဖက်အဖွဲများဖြစ်သော အမျိုးသားညီညွတ်ရေးအစိုးရ (NUG) ၊ ပြည်သူ့ကာကွယ်ရေး အဖွဲ (PDF) တို၏ ဆက်လက် ကျူးလွန်လျက်ရှိသည့် အကြမ်းဖက်တိုက်ခိုက်မှုများကို လျစ်လျူရှုခြင်းဖြစ်တယ်လို့လည်းသတင်းထုတ်ပြန်ပါတယ်။

နိုင်ငံခြားရေးဝန်ကြီးဌာနသည် ပြင်သစ်ဥရောပနှင့် နိုင်ငံခြားရေးဝန်ကြီးဌာန၊ ရန်ကုန်မြို၊ ပြင်သစ်သံရုံးကုလသမဂ္ဂ အတွင်းရေးမှူးချုပ်နှင့် အမေရိကန်နိုင်ငံခြားရေး ဝန်ကြီးဌာန၏ ပြောရေးဆိုခွင့်ရှိသူတို၏ တာဝန်မဲ့ပြောဆိုချက်၊ ထုတ်ပြန်ချက်များအပေါ် ပြင်းထန်စွာ ကန့်ကွက်ပယ်ချပြီး ကန့်ကွက်စာများကို သံတမန်လမ်းကြောင်းမှတစ်ဆင့် ပေးပိုခဲ့ပြီးဖြစ်သည် လို့ရေးသားထားပါတယ်။

(သတင်းထုတ်ပြန်ချက်အပြည့်အစုံပူးတွဲ)

#WorldBusiness
Published 6 June 2022

တဲလ်အေဗစ်ကမ်းရိုးတန်းမြို့အနီးရှိ အစ္စရေးလ်စိန်ရောင်းဝယ်လဲလှယ်ရေးရုံးခန်းထဲမှာ 'ပရာဗင်ကူကာဒီယာ'က သူ့ရဲ့အဖိုးတန်ကျောက်မျက်ရတနာစုဆောင်းမှုကို ဂုဏ်ယူစွာပြသထားပါတယ်။

#Yangon_Media_Group

Published 6 June 2022

ထိုင်းနိုင်ငံမြို့တော် ဘန်ကောက်မှာ နှစ်ပေါင်း ၁၆နှစ်အတွင်း နိုင်ငံရဲ့ပထမဆုံး LGBTQ+ အသိုက်အဝန်းရဲ့ Pride စီတန်းလှည့်လည်ပွဲတော်ကို တနင်္ဂနွေနေ့က ကျင်းပခဲ့ပါတယ်။ တက်ရောက်ဆင်နွှဲသူတွေကတော့ နိုင်ငံမှာ တန်းတူညီမျှမှုဟာ ဝေးနေတုန်းပါပဲလို့ သတိပေးပြောကြားခဲ့ပါတယ်။

ထိုင်းနိုင်ငံရဲ့ LGBTQ+ အသိုက်အဝန်းရဲ့ Pride စီတန်းလှည့်လည်ပွဲကျင်းပပုံတွေကို AFP က ရုပ်သံ မှတ်တမ်းတင်ပေးထားပါတယ်။

Source AFP

Published 6 June 2022

ယူကရိန်းစစ်ပွဲကြောင့် အကျပ်အတည်းတွေ ဖြစ်ပေါ်နေသော်ငြား ကမ္ဘာ့နျူကလီးယားအင်အားကြီးနှစ်နိုင်ငံအနေနှင့် စကာ ဆက်လက်ပြောဆိုရမှာဖြစ်တဲ့အတွက် အမေရိကန်သံရုံးကို ပိတ်ပစ်ဖို့မသင့်ဘူးလို့ မော်စကိုအခြေစိုက် အမေရိကန်သံအမတ်ကြီးက တနင်္လာနေ့က ပြောကြားလိုက်ပါတယ်။

အမေရိက်ပြည်ထာင်စုရဲ့ ဗိုလ်ကျစိုးမိုးရေးက ရုရှားကို အရှက်တကွဲဖြစ်အောင်လုပ်နေတယ်လို့ ရုရှားသမ္မတ ဗလက်ဒီမာပူတင်က ပြောကြားထားပါတယ်။

သမ္မတဒေါ်နယ်ထရမ့်ခန့်အပ်ခဲ့တဲ့ အမေရိကန်သံအမတ် ဂျွန်ဂျေဆူလီဗန်က “ ဝါရှင်တန်နှင့်မော်စကိုတို့ သံတမန်ဆက်ဆံရေး လွယ်လွယ်လေးမဖြတ်သင့်ဘူး” လို့ ရုရှားနိုင်ငံပိုင်မီဒီယာ တပ်စ်သတင်းအေဂျင်စီက ပြောခဲ့တာဖြစ်ပါတယ်။ ဒါဟာ ကရင်မလင်ကို သတင်းစကားပါးဖို့ ကြိုးစားတာရှင်းနေပါတယ်။

“ ကျွန်တော်တို့ တစ်ဦးနှင့်တစ်ဦး စကားပြောနိုင်ဖို့ ထိန်းသိမ်းထားရမယ်”လို့ ဆူလီဗန်က တပ်စ်သတင်းဌာနနှင့် အင်တာဗျူုးမှာပြောပါတယ်။ အနောက်နိုင်ငံရဲ့ စာအုပ်စင်တွေပေါ်ကနေ လီရိုတော်စတွိုင်းရဲ့စာအုပ်တွေ ဖယ်ပစ်တာတို့ ပျိုးတက် ချိုင်ကော့စကီးရဲ့ တေးတွေတီးမှုတ်ဖို့ငြင်းဆန်တာတို့တွေကို သူကစိတ်ပူပန်နေပါတယ်။

သူ့ရဲ့မှတ်ချက်တွေကို တပ်စ်က သတင်းထုတ်ပြန်ပြီး ရိုက်တာသတင်းဌာနက အင်္ဂလိပ်ဘာသာပြန်ဆိုခဲ့တာဖြစ်ပါတယ်။

၁၉၃၃ခုနှစ် အမေရိကန်နှင့် ဆိုဗီယက်ပြည်ထောင်စုတို့ သံတမန်ဆက်ဆံရေးထူထောင်ပြီးကတည်းက အကျပ်အတည်း‌တွေ၊ စပိုင်အရှုပ်တော်ပုံတွေနှင့် အန္တရာယ်ပြွမ်းလှတဲ့ စစ်အေးတိုက်ပွဲ မူဝါဒတွေရှိခဲ့ပေမယ့် နှစ်နိုင်ငံအကြား သံတမန်ဆက်ဆံရေး ပြတ်တောက်ခြင်းမရှိခဲ့ပါဘူး။

အခုတော့ ရုရှားက ယင်းရဲ့ ဆိုဗီယက်လွန် အနောက်နှင့်အေးစက်စက်ကာလဟာ ပြီးဆုံးသွားပြီး အရှေ့ဖက်ကို သူလှည့်တော့မယ်လို့ ပြောထားပါတယ်။

အမေရိကန်နိုင်ငံခြားရေးဝန်ကြီဂ အန်တိုနီဘလင်ကန်က ပူတင်နှင့်ဆက်ဆံရေးဟာ တေလာဆွစ်သီချင်းလိုပဲ ကျွန်ုပ်တို့ဟာ ဘယ်တော့မှ ဘယ်သောအခါမှ အတူတကွပြန်ရှိဖို့မမြင်”ဆိုသလိုပဲ လို့ပြောခဲ့ပါတယ်။

အဲဒီမှတ်ချက်နှင့်ပတ်သက်ပြီးမေးတဲ့အခါ ဆူလီဗန်က “ ကျွန်တော်တို့ ဘယ်တော့မှ လုံးဝပြတ်တောက်သွားကြလိမ့်မှာ မဟုတ်ဘူး” လို့ပြောပါတယ်။

ဒီလိုပြောတာဟာ ရုရှားက အမေရိကန်သံရုံးပိတ်နိုင်တဲ့သဘောလားလို့ မေးတဲ့အခါ သူက “ သူတို့လုပ်နိုင်တယ်...ဖြစ်နိုင်ချေရှိတယ်။ဒါပေမယ့် ဒါဆို အမှားကြီးတစ်ခုဖြစ်သွားလိမ့်မယ်” လို့ပြောပါတယ်?

“ ကျွန်တော်နားလည်တာက ရုရှားအစိုးရဟာ သံတမန်ဆက်ဆံရေးအကြီးအကျယ်ယိုယွင်းနေတာအမျိုးမျိုးကို ပြောဆိုတာပါ။ ကျွန်တော်တို့ သံတမန်ဆက်ဆံရေးဖြတ်ပစ်ပြီး တစ်ဦးနှင့်တစ်ဦး စကားပြောတာမရပ်နိုင်ဘူး” လို့သူကပြောပါတယ်။

Source Reuters

#LocalNews
Published_6 June 2022

ရန်ကုန်တိုင်းဒေသကြီးအတွင်းမြို့နယ် တချို့မှာ ၂၄ နာရီ လျှပ်စစ်မီးရရှိနေပြီလို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း(YESC) က သိရပါတယ်။

#Yangon_Media_Group

#Local_News
Published_ 6 June 2022

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်တွင် ငွေကျပ် ၁ ဘီလီယံတန်ဖိုးရှိ စိတ်ကြွရူးသွပ်ဆေးပြား ၁ သန်း ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် ဇွန် ၂ ရက် နံနက် ၈ နာရီတွင် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ရန်ကုန်သစ်ရပ်ကွက်၊ ဘုရင့်နောင်(၁၀)လမ်းနေ တင်ဝင်း၏နေအိမ်အား သတင်းအရ ရှာဖွေခဲ့ပါတယ်။

အဆိုပါနေအိမ်မှ ဒေသကာလတန်ဖိုးငွေကျပ် ၁ ဘီလီယံတန်ဖိုးရှိ စိတ်ကြွ ရူးသွပ်ဆေးပြား ၁ သန်း သိမ်းဆည်းရမိခဲ့ပါတယ်။

စစ်ဆေးချက်အရ မွန်းတည့် ၁၂ နာရီတွင် စိတ်ကြွရူးသွပ်ဆေးပြားများ ပိုင်ရှင်ဖြစ်သူ မနန်းခမ်းအောင် (ခ) မအေးခင်ကို သင်္ဃန်းကျွန်းမြို့နယ်၊ ရန်ကုန်သစ်ရပ်ကွက်၊ အောင်ဇေယျ (၈) လမ်းရှိ နေအိမ်တွင် ဆက်လက်ဖမ်းဆီးရမိခဲ့သဖြင့် ၎င်းတို့အား ဥပဒေအရအရေးယူထားပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေး ဖော်ထုတ်လျက်ရှိကြောင်း သတင်းရရှိပါတယ်။

ymg-mnn
#Yangon_Media_Group

#Local_News
Published_ 6 June 2022

ရန်ကုန်တိုင်းဒေသပြီး၊ ရွှေပြည်သာမြို့နယ်တွင် ဒီကနေ့ ဇွန် ၆ ရက် နေ့လည် ၁ နာရီခန့်တွင် YBS-42 ကားတစ်စီး မီးလောင်မှုဖြစ်ပွားခဲ့ကြောင်း သိရပါတယ်။

အဆိုပါ မီးလောင်းမှုမှာ ရွှေပြည်သာမြို့နယ်၊ (၂၄) ရပ်ကွက်၊ အမှတ် (၄) လမ်းမပေါ် ဘုန်းကြီး ကျောင်းကားမှတ်တိုင်အနီးတွင် ဖြစ်ပွားခဲ့ခြင်းဖြစ်တယ်လို့ မြန်မာနိုင်ငံ မီးသတ်တပ်ဖွဲ့ရဲ့ ထုတ်ပြန်မှုအရ သိရပါတယ်။

ကားမီးလောင်မှုမှာ နေ့လည် ၁ နာရီ ၁၂ မိနစ်အချိန်ခန့်တွင် စတင်ဖြစ်ပွားခဲ့ခြင်းဖြစ်ကာ ၁ နာရီ ၂၁ မိနစ်အချိန်ခန့်တွင် မီးငြိမ်းခဲ့ကြောင်း မီးသတ်တပ်ဖွဲ့ ကဆိုပါတယ်။

YBS မီးလောင်မှုကို ရွှေပြည်သာမြို့နယ်မီးသတ်စခန်းမှ မီးသတ်ယာဉ်ဖြင့် ငြိမ်းသတ်ခဲ့ပြီး မီးလောင်မှုဖြစ်စဉ်ကြောင့် လူထိခိုက်ဒဏ်ရာရရှိခဲ့မှု မရှိဘူးလို့ သိရပါတယ်။

ymg-mnn
#Yangon_Media_Group

#LocalNews
Published - 6 June 2022

အခုရက်ပိုင်းတွေမှာ မြန်မာနိုင်ငံတစ်ဝှမ်း မြေငလျင်တွေဆက်တိုက်လှုပ်ခတ်နေပြီး ရန်ကုန်တိုင်းမှာတော့ မြေငလျင်အန္တရာယ်အတွက်အရေးပေါ်တုန့်ပြန်ကူညီ နိုင်အောင်ကြိုတင်ပြင်ဆင်ထားတာတွေရှိတယ်လို့ ရန်ကုန်တိုင်းလူမှုကူညီးရေးအဖွဲ့မှ သိရပါတယ်၊၊

မြေငလျင်ဘေးအန္တရာယ်အတွက် အရေးပေါ်တုန့်ပြန်နိုင်ဖို့ ရန်ကုန်တိုင်းရှိ လူမှုကူညီကယ်ဆယ်ရေးအသင်းအဖွဲ့တွေ ပြင်ဆင်ထားတယ်လို့ဆိုပါတယ်၊၊

"ငလျင်ကလည်းနှစ် ၁၀၀ ပြည့်တော့ စာတမ်းတွေအရ ပြင်းထန်တဲ့ ငလျင်ပြန်ဖြစ်နိုင်ခြေရှိတဲ့အတွက် ကျွန်တော်တို့ ဒီရန်ကုန်တိုင်းက လူမှုကူညီရေးအသင်းအဖွဲ့တွေ စုစည်းခဲ့တာပါခင်ဗျ၊၊

ပြီးခဲ့တဲ့နှစ်နှစ်လောက်က လူကယ်ပြန်ရဲ့အစီအစဥ်နဲ့ ကျွန်တော်တို့ ရန်ကုန်တိုင်းရှိ လူမှုကူညီရေးအသင်းအဖွဲ့တွေ ငလျင်နဲ့ပတ်သက်လို့ ဇာတ်တိုက်လေ့ကျင့်မှုတွေကို လုပ်ခဲ့ပါတယ်၊၊ ၂လတစ်ခါ ၃ လ တစ်ခါလုပ်ခဲ့ဖူးတယ်၊၊ ငလျင်နဲ့ပတ်သက်လို့ ကူညီကယ်ဆယ်ရေးတွေကို လုပ်နိုင်ဖို့ကြိုတင်ပြင်ဆင်ထားပါတယ်"လို့ ရန်ကုန်တိုင်းလူမှုကူညီရေးအဖွဲ့ဥက္ကဌ ဦးထွန်းထွန်းဦးကပြောပါတယ်၊၊

ရန်ကုန်တိုင်းလူမှုကူညီရေးအဖွဲ့မှာ ရန်ကုန်တိုင်းအတွင်းရှိ လူမှုကူညီရေးအဖွဲ့စုစုပေါင်း တစ်ရာကျော်ပါဝင်ပြီး အသင်းအဖွဲ့အားလုံးချိတ်ဆက်ကာ ကူညီကယ်ဆယ်ရေးတွေ ဆောင်ရွက်သွားမှာဖြစ်တယ်လို့ သိရပါတယ်၊၊

ymg/tthl
#Yangon_Media_Group

#LocalNews
Published _ 6 June 2022

အကယ်ဒမီမီးလင်းရွှေစျေး တစ်ကျပ်သားလျှင် ကျပ်သိန်းနှစ်ဆယ် ၄သောင်းကျော်ဝန်းကျင်ဖြင့် ပြီးခဲ့တဲ့ မေလ ၂၆ရက် မှ ယနေ့ ဇွန်လ ၆ရက်အထိ ဆယ်ရက်အတွင်း တည်ငြိမ်နေပြီး ကျောင်းဖွင့်ရာသီနှင့် ရွှေတွင်းများဖွင့်သောရာသီဖြစ်သည့်အတွက် ပြည်တွင်းရွှေစျေးကွက်နှင့် ကမ္ဘာ့ရွှေစျေးကွက်မှာအေးနေကြောင်း ရန်ကုန်တိုင်းရွှေလုပ်ငန်းရှင်များ အသင်းချုပ် ဥက္ကဋ္ဌ ဦးမျိုးမြင့်က ပြောသည်။

#Yangon_Media_Group

#LocalNews
Published -6 June 2022

မကြာမီလပိုင်းအတွင်းမှာ ကမ္ဘာ့အမွေအနှစ်စာရင်း တင်သွင်းထားတဲ့မြောက်ဦးဒေသကို နိုင်ငံတကာ အထိမ်းအမှတ်အဆောက်အအုံနှင့် နေရာဒေသများကောင်စီ (ICOMOS)အဖွဲ့က လာရောက်စစ်ဆေးဖို့ရှိတဲ့အတွက် မြောက်ဦးဒေသခံတွေကို အသိပညာပေးတာတွေဆောင်ရွက်နေတယ်လို့ Myauk Oo Heritage Trust အဖွဲ့က ဒေါ်ခင်သန်းကပြောပါတယ်၊၊

#Yangon_Media_Group