Published 8 July 2022

ဂျပန်ဝန်ကြီးချုပ်ဟောင်းရှင်ဇိုအာဘေးဟာ သောကြာနေ့က  အနောက်ပိုင်းနာယာမြို့မှာ အများပြည်သူကို မိန့်ခွန်းပြောနေစဉ် ပစ္စတိုကိုင်ဆောင်ထားပုံရတဲ့ လူတစ်ဦးက နောက်ကျောဘက်ကို သေနတ်နှင်ပစ်ခတ်တာကို ခံရတဲ့အတွက်‌ ဆေးရုံကို ပို့ဆောင်လိုက်ရတယ်လို့ အင်န်အိတ်ချ်ကေ ကရုပ်သံသတင်းထုတ်လွှင့်သွားပါတယ်။

အသက် ၆၇နှစ်ရှိပြီဖြစ်တဲ့ အာဘေးဟာ  နှလုံးရပ်သွားတဲ့အခြေအနေရှိကြောင်း ကျိုဒိုသတင်းဌာနက ပြောပါတယ်။ ဘူတာရုံတစ်ခုရဲ့ အပြင်ဘက်မှာ မိန့်ခွန်းပြောနေစဦ် သေနတ်သံကြားရပြီး မီးခိုးဖြူတွေ ထွက်လာတာမြင်ကြရပါတယ်လို့ အင်န်အိတ်ချ်ကေကပြောပါတယ်။

အာဘေးမိန့်ခွန်းပြောနေစဉ် သေနတ်သံဆက်တိုက်နှစ်ချက်ကြားရတယ်လို့ အင်အိတ်ချ်ကေ သတင်းထောက်က အခင်းဖြစ်ရာနေရာကနေ သတင်းပေးပိုပါတယ်။

အစိုးရအဖွဲ့အတွင်းရေးမှူးက မီဒီယာတွေကို သတင်းထုတ်ပြန်ပေးဖို့ရှိနေပါတယ်။

ရဲက ပစ်ခတ်သူလို့ သံသယရှိသူကို ဖမ်းဆီးလိုက်ပြီး ပစ်ခတ်ခံရတဲ့နေရာကနေ သေနတ်တစ်လက်ကိုလည်း သိမ်းဆည်းခဲ့ပါတယ်။

အာဘေးဟာ ဂျပန်မှာ  ဝန်ကြီးချုပ်သက်တမ်း (၂)ခု ထမ်းဆောင်ခဲ့တဲ့အတွက် ၂၀၂၀ပြည့်နှစ်မှာ ကျန်းမာရေးကြောင့် အနားယူတဲ့အချိန် ဂျပန်ရဲ့ ဝန်ကြီးချုသက်တမ်းအရှည်ဆုံးသူဖြစ်ခဲ့ပါတယ်။

Source Reuters

#WorldHealth
Published 8 July 2022

မျောက်ကျောက်ရောဂါက အရာဝတ္ထုမျက်နှာပြင်တွေကနေတဆင့် ကူးစက်နိုင်လားဆိုတာကို ဂျာမနီနိုင်ငံမှ လေ့လာခဲ့ပါတယ်။

အာဖရိကအလယ်ပိုင်းနဲ့ အနောက်ပိုင်းကနေ တစ်ကမ္ဘာလုံးကို ကူးစက်လာတဲ့မျောက်ကျောက်ရောဂါဗိုင်းရပ်စ်ကို သိပ္ပံပညာရှင်များက ဆက်လက်လေ့လာနေဆဲဖြစ်ပြီး ရောဂါကူးစက်ပျံ့ပွားပုံနဲ့ပတ်သက်ပြီး စဉ်းစားစရာတွေရှိနေပါသေးတယ်။

Eurosurveillance ဂျာနယ်ရဲ့ဖော်ပြချက်အရ မျောက်ကျောက်ရောဂါဗိုင်းရပ်စ်ဟာ ရောဂါပိုးရှိတဲ့ လူနာတွေရဲ့ ဆေးရုံအခန်းတွေကမျက်နှာပြင်တွေမှာ ကျန်ရှိနေတယ်လို့ တွေ့ရှိခဲ့ပါတယ်။

ထိုရောဂါဟာ တိရိစ္ဆာန်တွေနဲ့လူတွေမှာ ကူးစက်တတ်တဲ့ရောဂါမျိုးဖြစ်ပါတယ်။

၂၀၂၂ မေလနောက်ပိုင်း ကမ္ဘာတဝှမ်းမှာ မျောက်ကျောက်ရောဂါကူးစက်မှုများပြားလာပြီး အထူးသဖြင့် ဥရောပအနောက်ပိုင်းမှာ ဖြစ်ပါတယ်။

ထိုရောဂါက နည်းလမ်းအမျိုးမျိုးဖြင့် ကူးစက်တတ်ပြီး ပုံမှန်အားဖြင့် နှာခေါင်း၊ မျက်လုံး၊ ပါးစပ်၊ ဒဏ်ရာရထားတဲ့အရေပြားကနေတဆင့် ဗိုင်းရပ်စ်ကခန္ဓာကိုယ်ထဲသို ဝင်ရောက်သွားပါတယ်။

ဒါကြောင့် အချိုသောတိရိစ္ဆာန်တွေနဲ့ အနီးကပ်နေနေရတဲ့ လူတွေအနေနဲ့ သတိထားသင့်ပါတယ်။

ကူးစက်ပျံ့နှံပုံကို သေချာမသိရသေးပေမယ့် ပုံမှန်အားဖြင့်တော့ လူလူချင်းကူးစက်တာခြင်းက အလွန်ရှားပါးပါတယ်။

ဒါပေမဲ့လည်း ယခုကူးစက်ပျံ့နှံနေတဲ့ ရောဂါပိုးမှာတော့ ဗီဇဆင့်ကဲပြောင်းလဲခြင်းတွေ ရှိနေနိုင်ပါတယ်။

WHO ရဲ့ဖော်ပြချက်အရ မျောက်ကျောက်ရောဂါဟာ လူတစ်ယောက်ရဲ့ ရှူထုတ်လိုက်တဲ့အမှုန်များ၊ ခန္ဓာကိုယ်ထဲမှအရည်များ၊ အနာများကနေတဆင့် အခြားတစ်ယောက်ဆီထိတွေ့ ကူးစက်တတ်ပါတယ်။

သုတေသီများက ဂျာမနီရှိဆေးရုံတစ်ရုံသို့ သွားရောက်ကာ မျောက်ကျောက်ရောဂါလူနာထားရှိတဲ့ အခန်းတွေနဲ့ အနီးနားက ကာကွယ်ရေးဝတ်စုံပစ္စည်း(PPE)များထားရှိရာအခန်းတွေရဲ့ မျက်နှာပြင်တွေကို လေ့လာခဲ့ကြပါတယ်။

ထိုနမူနာတွေကို လူနာတွေရဲ့အနာနဲ့လည်ချောင်းတို့မှရရှိတဲ့ နမူနာတွေနဲ့နှိုင်းယှဉ်ခဲ့ကြပါတယ်။

လူနာတွေရဲ့သန့်စင်ခန်းကရတဲ့နမူနာတွေက မျောက်ကျောက်ရောဂါဗိုင်းရပ်စ်အများဆုံးပါဝင်တာကို တွေ့ရှိခဲ့ကြပါတယ်။

ဒါ့အပြင် အဝတ်အထည်များ၊ ဘီဒိုတံခါးများနဲ့ အခြားနေရာတွေမှာလည်း ဗိုင်းရပ်စ်တွေ့ရှိခဲ့ကြပါတယ်။

လူနာများထိတွေ့လေ့ရှိတဲ့ ခေါင်းအုံးစွပ်၊ ပဝါနဲ့ အဝတ်အထည်တွေမှာလည်း မျောက်ကျောက်ရောဂါဗိုင်းရပ်စ်ပိုး တွေ့ရှိခဲ့ကြပါတယ်။

ထိုနေရာတွေမှတဆင့် အခြားတစ်ယောက်ကိုကူးစက်နိုင်လားဆိုတာကိုတော့ မသိရှိကြသေးပါဘူး။

ဗိုင်းရပ်စ်တွေ့ရှိတာနဲ့ပဲ ရောဂါကူးစက်စေနိုင်တယ်လို တထစ်ချယူဆလို့ မရနိုင်ပါဘူး။

ကျန်းမာရေးဝန်ထမ်းတွေအနေနဲ့ ကာကွယ်ရေးဝတ်စုံများ ချွတ်ပြီးတဲ့အခါ သေချာဆေးကြောသန့်စင်ဖို့ လိုအပ်ပါတယ်။

မျက်နှာပြင်တွေပေါ်မှာ ဗိုင်းရပ်စ်ပမာဏဘယ်လောက်ရှိတဲ့အခါ ကူးစက်နိုင်မလဲဆိုတာကိုသိရဖို့ နောက်ထပ်လေ့လာမှုတွေပြုလုပ်ရဦးမှာဖြစ်ပါတယ်။

Source: The Jerusalem Post
#Yangon_Media_Group

#Local_News
Published_ 8 July 2022

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် လားဟူဒီမိုကရက်တစ် အစည်း အရုံး(LDU)မှ အထွေထွေအတွင်းရေးမှူး ကျာဆော်လမွန် ဦးဆောင်သည့် ငြိမ်းချမ်းရေး ကိုယ်စားလှယ်အဖွဲအား ဇူလိုင် ၇ ရက် မွန်းလွဲပိုင်းတွင် နေပြည်တော်၌တွေ့ဆုံ၍ ငြိမ်းချမ်းရေးဆိုင်ရာကိစ္စရပ်များ ဆွေးနွေးခဲ့ကြပါတယ်။

ထိုသို့တွေ့ဆုံဆွေးနွေးရာတွင် ပြည်သူလူထုဆန္ဒနှင့် ကိုက်ညီသည့် ပါတီစုံ ဒီမိုကရေစီစနစ်ကျင့်သုံး ဆောင်ရွက်ရေးဆိုင်ရာ ကိစ္စရပ်များ၊ ဒီမိုကရေစီနှင့် ဖက်ဒရယ် စနစ်ကို အခြေခံသည့် ပြည်ထောင်စု တည်ဆောက်ရေးဆိုင်ရာကိစ္စရပ်များ၊ ဒီမိုကရေစီစနစ်ကို ဖော်ဆောင်ရာတွင် အသိပညာ၊ အတတ်ပညာနှင့် ပြည့်စုံသည့် လူသား အရင်းအမြစ်များ ပေါ်ထွက်လာရန် အဓိကလိုအပ်သည့်အတွက် တစ်နိုင်ငံလုံး တိုင်းရင်းသားဒေသများ ပါမကျန် ပညာရည်မြှင့်တင်ရေးကို လက်တွေ့ကျကျ အကောင်အထည်ဖော် ဆောင်ရွက်လျက်ရှိတဲ့ အခြေအနေများကို နစကဥက္ကဌက ရှင်းလင်းဆွေးနွေး ပြောကြားခဲ့ပါတယ်။

ထို့နောက် လားဟူဒီမိုကရက်တစ်အစည်းအရုံး(LDU)မှ အထွေထွေအတွင်း ရေးမှူးနှင့်အဖွဲ့ဝင်များက နစကဥက္ကဌက တစ်နိုင်ငံလုံးငြိမ်းချမ်းရေးရရှိရန်ရည်ရွယ်၍ ယခုကဲ့သို့ ငြိမ်းချမ်းရေးဖိတ်ခေါ်ဆွေးနွေးမှုအတွက် အထူးကျေးဇူးတင်ကြောင်း၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေးနှင့် ပတ်သက်၍ သဘောထားတူညီချက်အမြင်များကို ပြန်လည်ဆွေးနွေးပြီး ဒေသဖွံ့ဖြိုးတိုးတက်ရေးဆိုင်ရာများကို တင်ပြခဲ့ပါတယ်။

ယင်းနောက် ငြိမ်းချမ်းရေးဆိုင်ရာကိစ္စရပ်များ၊ ပညာရေး၊ ကျန်းမာရေးနှင့် ဒေသဖွံ့ဖြိုးရေးဆိုင်ရာ ကိစ္စရပ်များနှင့် ပတ်သက်၍ နှစ်ဖက်အမြင်များကို ရင်းနှီးပွင့်လင်းစွာ အပြန်အလှန် ဆွေးနွေးခဲ့ကြပါတယ်။

လားဟူဒီမိုကရက်တစ်အစည်းအရုံး(LDU)မှ ငြိမ်းချမ်းရေးကိုယ်စားလှယ်အဖွဲသည် နစကမှ ဖွဲ့စည်းပေးထားတဲ့ ကောင်စီဝင်များပါဝင်သည့် ငြိမ်းချမ်းရေးဆွေးနွေးရေးအဖွဲ့၊ အမျိုးသားစည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီတို့နှင့် ငြိမ်းချမ်းရေးဆွေးနွေးမှုများကို ဆက်လက်ပြုလုပ်သွားမှာဖြစ်ကြောင်း သိရပါတယ်။

ymg-mnn
#Yangon_Media_Group

Published 7 July 2022

မိုဘိုင်းလ်ဖုန်းတွေ၊သုံးချောင်းထောက်တွေနှင့်လက်ပ်တော့တွေတပ်ဆင်ပြီး အဖွဲ့သားတွေဟာ အားလုံး အမျိုးသမီးတွေချည်းသက်သက် ဖွဲ့စည်းထားတဲ့ ဘီလန်မီဒီယာဟာ  အာဖရိကရဲ့ ဦးချိုလို့သိကြတဲ့ ဆိုမာလီနိုင်ငံရဲ လိင်အကြမ်းဖက်မှုတွေအပေါ် တိတ်ဆိတ်နေမှုကို ဖြိုခွင်းနေကြပါတယ်။

ရှေးရိုးစွဲတွေ ကြီးစိုးနေတဲ့ မူစလင်နိုင်ငံဖြစ်တဲ့ ဆိုမာလီမှာ  ဘီလန်မီဒီယာကို ကုလသမဂ္ဂ ဖွံဖြိုးတိုးတက်ရေး အစီအစဉ်ရဲ့ ငွေကြေးထောက်ပံ့မှုနှင့်တည်ထောင်ခဲ့ကြပါတယ် ဆိုမာလီလို အလှအပ လို့ အဓိပ္ပါယ်ရတဲ့ ဘီလန်မီဒီယာကို မိုဂါဒီရှုမြို့တော် က နာမည်ကျော် ရုပ်မြင်သံကြားဌာန ဒါလ်ဆန်းရဲ့ ရုံးတွေ အပြင်ဘက်နေကလုပ်ငန်းလုပ်ဆောင်နေကြပါတယ်။

သူတို့အဖွဲ့မှာ သတင်းစာဆရာမ(၆)ဦးရှိပြီး  အမျိုးသမီးများကို အာရုံစိုက်တဲ့ အစီအစဉ်တွေထုတ်လုပ်ပြီး အမျိုးသားဦးဆောင်တဲ့ စံနှုန်းတွေကို စိန်ခေါ်နေကြတာဖြစ်ပါတယ်။ အဲဒီအစီအစဉ်တွေထဲမှာ ထင်ရှားတဲ့ ဆိုမာလီအမျိုးသမီးတွေအကြောင်းနှင့် အိမ်တွင်းအကြမ်းဖက်မှုနှင့် အဓ္ဓမပြုကျင့်မှုတွေလို့ ပြည်တွင်းက အများပြည်သူရုပ်သံထုတ်လွှင့်ဖို့ အန္တရာယ်ရှိနေတဲ့ အကြောင်းအရာတွေလိုမျိုးတွေ ပါဝင်ပါတယ်။

“ ပရိုဂရမ်ရဲ့ ၈၀ရာခိုင်နှုန်းလောက်က ရှက်စရာလို့ လူတွေက ထင်နိုင်ကြတယ်။ ဒီသတင်းတွေကို လူ့အဖွဲ့အစည်ဆီ အကြောင်းကြားပေးရမှာဖြစ်တယ်” လို့  ဘီလန်မီဒီယာရဲ့ အယ်ဒီတာချုပ်နာဆင်မိုဟာမက် အီဗရာဟင်က ပြောပါတယ်။

သတင်းထောက်အားလုံးဟာ အသက်၂၈နှစ် အောက်သာရှိကြသေးတဲ့ လူငယ်လေးတွေဖြစ်ကြပီဲး အီဗရာဟင်ရဲ့ အဖွဲ့ထဲ မဝင်ခင် ပြည်တွင်းသတင်းမီဒီယာတွေမှာ အလုပ်လုပ်ခဲ့ကြတာပါ။

“ ပုံမှန်အားဖြင့် အခြားသော သမားရိုးကျမီဒီယာတွေမှာ ပရိုဂရမ်တွေ ထုတ်လုပ်တဲ့အခါ အမျိုးသားတွေ ပါဝင်ဆောင်ရွက်ကြရတာဖြစ်တယ်။ ဒါပေမယ့် ကျွန်မတို့အတွက်တော့ ကျွန်မတို့ပဲ ရိုက်ညွှန်းရေးတယ်၊အင်တာဗျူးလုပ်တယ်၊ဗွီဒီယိုတည်းဖြတ်တယ်၊ ပရိုဂရမ်တွေမှာ အစီအစဉ်တင်ဆက်သူတွေ လုပ်တယ်” လို့ အသက်၂၁နှစ်အရွယ် အီဗရာဟင်က အေအက်ဖ်ပီကိုပြောပါတယ်။

သူတို့ရိုက်ကူးထားတာတွေကို ဒါလ်ဆန်နှင့် ဘီလန်မီဒီယာရဲ့ လူမှုကွန်ယက်တွေကနေ ထုတ်လွှင့်ပြသပါတယ်။ ပရိသတ်က ဖြည်းဖြည်းချင်းတိုးပွားလာလိမ့်မယ်လို့လည်း အီဗရာဟင်က ယုံကြည်ထားပါတယ်။

Source AFP

Published_ 7 July 2022

တပ်မတော်မှ နိုင်ငံတော်သို့ ၂၇၈၉ ဒသမ ၂၅ ကာရက်ရှိ ပတ္တမြားကြီး လှူဒါန်းခြင်းအခမ်းအနားကို ယနေ့မွန်းလွဲပိုင်းတွင် ကျင်းပပြုလုပ်ခဲ့ကြောင်း သိရပါတယ်။

နစကဥက္ကဋ္ဌ နိုင်ငံတော်ဝန်ကြီးချုပ်က မကြာမီက နိုင်ငံတော်နှင့် တပ်မတော်ကို ချစ်မြတ်နိုးသည့် လူငယ်တစ်ဦးက ၎င်း၏မိဘ ဘိုးဘွားများလက်ထက်က ထိန်းသိမ်း ထားရှိသည့် ပတ္တမြားကြီးကို တပ်မတော်သို့ လှူဒါန်းရန်အတွက် ကမ်းလှမ်းလာခဲ့ ပါကြောင်း၊ အဆိုပါပတ္တမြားကို တာဝန်ရှိသူများဖြင့် စိစစ်ကြည့်သည့်အခါတွင် အဖိုးထိုက် တန်သည့် ပတ္တမြားဖြစ်သည်ကို စစ်ဆေးတွေ့ ရှိရပါကြောင်း၊ ထိုကြောင့် တပ်မတော် အနေဖြင့် နိုင်ငံတော်သို ပေးအပ်လှူဒါန်းရခြင်း ဖြစ်ကြောင်းပြောကြားခဲ့ပါတယ်။

အလားတူပင် ၁၉၉၀ ခုနှစ် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ အစိုးရလက်ထက်တွင် နိုင်ငံတော်သို ၄၉၆ ကာရက်ရှိပတ္တမြား လှူဒါန်းမှုအား လက်ခံရရှိခဲ့ကြောင်း၊ ၂၀၁၃ ခုနှစ်တွင် ၁၉၀၇ ကာရက်ရှိ ပတ္တမြားကို နိုင်ငံတော်သို လှူဒါန်းမှု လက်ခံရရှိခဲ့ကြောင်း၊ ယခု လှူဒါန်းသည့် ပတ္တမြားကြီးသည် ၂၇၈၉ ဒသမ ၂၅ ကာရက်ရှိပြီး အရွယ်အစားအားဖြင့် ကြီးမားပါကြောင်း၊ ယခုပတ္တမြားကြီးကို နိုင်ငံတော်ပတ္တမြား(နစက)အဖြစ် ဂုဏ်ပြုသတ်မှတ်ခေါ်ဝေါ်မည် ဖြစ်ကြောင်း ပြောကြားခဲ့ပါတယ်။

ယခု တပ်မတော်မှတစ်ဆင့် နိုင်ငံတော်သို့ လှူဒါန်းသည့် ၂၇၈၉ ဒသမ ၂၅ ကာရက်ရှိ ပတ္တမြားကြီးသည် မာခြင်းအဆင့် ၉ ရှိပြီး သိပ်သည်းဆ ၃ ဒသမ ၉၉ ရှိကာ အရောင်မှာ ခရမ်းရောင်အနည်းငယ်သန်းသည့် အနီရောင် (Red with Purplish tint) ဖြစ်ပြီး မိုးကုတ်ရတနာနယ်မြေမှ ထွက်ရှိသည့် အရွယ်အစားကြီးမား၍ ရှားပါးခြင်းကြောင့် ထူးခြားသည့် ပတ္တမြားကြီးဖြစ်ကြောင်း သတင်းရရှိပါတယ်။

ymg-mnn

#Yangon_Media_Group

#WorldArt
Published 7 July 2022

'ဂျိမ်းစ်ကွတ်ခ်'ဆိုတဲ့လူဟာ လက်နှိပ်စက်ကိုအသုံးပြုပြီး ပန်းချီပုံတွေကို ဖန်တီးတဲ့ အနုပညာရှင်တစ်ဦးဖြစ်ပါတယ်။

#Yangon_Media_Group

#Local_News
Published - 7 July 2022

ရန်ကုန်ရွှေဈေးကွက်ဟာ ဒီရက်ပိုင်းထဲအရောင်းအဝယ်နည်းနည်း တက်လာပြီး ကမ္ဘာ့ရွှေဈေးကျနေတာကြောင့် ပြည်တွင်းရွှေဈေးပါ နည်းနည်းစီကျနေတယ်လို့ ရန်ကုန်တိုင်းရွှေလုပ်ငန်းရှင်များအသင်းကနေ သိရပါတယ်။

#Yangon_Media_Group

#Local_News
Published - 7 July 2022

ရွှေတိဂုံစေတီတော်မြတ်ကြီးမှာ 'ဝါဆိုလပြည့်နေ့ဓမ္မစကြာအခါတော်နေ့အခမ်းအနား'ကို လာမယ့်ဇူလိုင်လ (၁၂)ရက်၊ ဝါဆိုလပြည့်နေ့မှာ ကျင်းပပြုလုပ်သွားမှာဖြစ်တယ်လို့ ရွှေတိဂုံစေတီတော်ဘဏာတော်ထိန်းဂေါပကအဖွဲ့ဝင် ဦးဘိုးသင်းက YMG ကို ပြောပါတယ်၊၊

#Yangon_Media_Group

Published 7 July 2022

ဝန်ကြီးတွေကသူ့ကိုစွန့်ခွာခဲ့ကြပြီး အမတ်တွေက သူဟာ ဒီရာထူးနှင့် မထိုက်တန်တော့ဘူးလို့ ပြောဆိုကြပြီးနောက် ဗြိတိန်ဝန်ကြီးချုပ် ဘောရစ်ဂျွန်ဆင်ဟာ ဝန်ကြီးချုပ်အဖြစ်မှ နှုတ်ထွ်ကြောင်း ကြာသပတေးနေ့မှာ ကြေညာရတောမှာဖြစ်ကြောင်း ရိုက်တာကသတင်းရေးသားပါတယ်။

ပြီးခဲ့တဲ့ နှစ်နာရီက နိုင်ငံခြားရေးဝန်ကြီး နှစ်ဦးအပါအဝင် ဝန်ကြီး(၈)ဦးနှုတ်ထွက်ခဲ့ပြီးနောက် အာဏာမရှိတော့တဲ့ ဂျွန်ဆင်ဟာ ရာထူးမှ နှုတ်ထွက်ကြောင်း ကြေညာဖို့ မလွဲဧကန်ဖြစ်လာခဲ့ရတာပါ။

သူနှုတ်ထွက်ကြောင်း နိုင်ငံကို မကြာမီကြေညာမယ်လို့ ဝန်ကြီးချုပ်ရုံးကပြောပါတယ်။

Source Reuters

#Local_News
Published - 7 July 2022

ဂျာမန်ဘာသာစကား အပါအဝင်ကမ္ဘာသုံးဘာသာ စကားများကိုလေ့လာနိုင်မည့် Goethe -Institut Myanmarစာကြည့်တိုက်ကို ဇူလိုင်လကစတင်ပြီး ရန်ကုန်မြို့၊ဗဟန်းမြို့နယ်၊ ကမ္ဘာအေးဘုရားလမ်းမပေါ်ရှိ Goethe -Institut Myanmar ၌ ဖွင့်လှစ်ထားကြောင်း သိရသည်၊၊

စာကြည့်တိုက်စဖွင့်ချိန်က တနင်္လာ၊ ဗုဒ္ဓဟူးနှင့် သောကြာနေ့ဆိုပြီး သုံးရက်ပဲဖွင့်လှစ်ခဲ့ရာမှ ယခုအချိန်တွင်စာကြည့်တိုက်ဖွင့်ရက် အင်္ဂါနေ့တစ်ရက်ထပ်တိုး ဖွင့်လှစ်လိုက်ခြင်းဖြစ်သည်၊၊

စာကြည့်တိုက်ဖွင့်ချိန်အသစ်များကတော့ တနင်္လာ၊ အင်္ဂါ၊ ဗုဒ္ဓဟူးနှင့် သောကြာမနက်ပိုင်း (၉း၃၀ မှ ၁၂း၃၀) နာရီ၊နေ့လည်ပိုင်း (၁း၃၀ မှ ၄း၀၀) နာရီတို့ဖြစ်ပြီး စာကြည့်တိုက်ကို လာရောက်မယ်ဆိုရင် လာရောက်လိုသည့် အချိန်ပိုင်းနှင့် နေ့ရက်ကို This email address is being protected from spambots. You need JavaScript enabled to view it.သို အီးမေးလ်ပေးပိုပြီး ကြိုတင်ရက်ချိန်းရယူဆောင်ရွက်နိုင်ကြောင်း သိရသည်၊၊

ဒီဂျစ်တယ်စာကြည့်တိုက်ကဒ်ရယူလိုသူများ www.goethe.de/myanmar/library ကနေတစ်
ဆင့် အွန်လိုင်းစာရင်းပေးသွင်းပြီး အသင်းဝင်ကတ် ပြုလုပ်နိုင်ကြောင်းသိရသည်၊၊

စာကြည့်တိုက် အသင်းဝင်ကြေးအနေဖြင့်တစ်နှစ်စာ ၅၀၀၀ ကျပ်ဖြစ်ပြီးတော့ နိုင်ငံခြားသားများကတော့ ၁၀၀၀၀ ကျပ်ဖြစ်ကာ Goethe-Institut Myanmarတွင်တက်ရောက်ခဲ့သည့်ကျောင်းသား၊ ကျောင်းသူများအနေဖြင့် စာကြည့်တိုက်အသင်းဝင်ကတ် အခမဲ့ပြုလုပ်နိုင်ကြောင်းသိရသည်၊၊

ymg/tthl
#Yangon_Media_Group

#Local_News
Published_7 July 2022

ပြီးခဲ့တဲ့ရက်ပိုင်းအတွင်းမှာ မြန်မာနိုင်ငံအတွင်း ငလျင်လှုပ်တာ ခပ်စိပ်စိပ်ရှိခဲ့သလို လှုပ်ခတ်တဲ့ခံစားမှုကိုလည်း ရန်ကုန်နေပြည်သူတွေ တော်တော်များများ ခံစားသိရှိခဲ့ရပါတယ်။ ငလျင်ဆိုတာ ကြိုတင်ခန့်မှန်းလို မရတဲ့ သဘာဝဘေးအန္တရာယ်တစ်ခုပါ။ ဒါပေမဲ့လည်း ငလျင်တွေ ခပ်စိပ်စိပ်လှုပ်တဲ့အတွက် ငလျင်နဲ့ ပတ်သက်ပြီး စိုးရိမ်ကြောင့်ကြနေကြသူတွေလည်း ရှိနေတာကြောင့် ဘာတွေကိုသိထားဖို့လိုတယ်ဆိုတာနဲ့ ပတ်သက်လို့ မိုးလေဝသနှင့် ဇလဗေဒညွှန်ကြားမှု ဦးစီးဌာန၊ မြေငလျင်ဌာနခွဲ၊ ဒုတိယညွှန်ကြားရေးမှူး ဒေါက်တာယဉ်မျိုးမင်းထွေး ကို YMG က အခုလို ဆက်သွယ်မေးမြန်းခဲ့ပါတယ်။

#Yangon_Media_Group

#Local_News
Published - 7 July 2022

မြန်မာအပါအဝင် ထိုင်းနိုင်ငံသို့ တရားမဝင် ဝင်ရောက်အလုပ်လုပ်ကိုင်နေသူများကို ယာယီနေထိုင်ခွင့်နှင့် အလုပ်လုပ်ကိုင်နိုင်သည့် ပန်းရောင်ဘတ်ကတ် ပြုလုပ်ပေးရန် ထိုင်းအစိုးရအဖွဲ့မှ အတည်ပြုလိုက်ကြောင်း ထိုင်းသတင်းဌာနများ၏ ဖော်ပြချက်အရ သိရသည်။

ထိုင်းနိုင်ငံသို့ တရားမဝင် ဝင်ရောက် အလုပ်လုပ်ကိုင်နေသည့် မြန်မာ၊ လာအို၊ ကမ္ဘောဒီးယားနှင့် ဗီယက်နမ်တို့မှ အလုပ်သမားများကို ပန်းရောင်ဘတ်ကတ် ပြုလုပ်ပေးရန် ထိုင်အစိုးရအဖွဲ့က အတည်ပြုလိုက်ခြင်းဖြစ်သည်။

ယင်းအပြင်ယာယီနေထိုင်ခွင်ဖြင့် အလုပ်လုပ်ကိုင်နိုင်သည့် ပန်းရောင်ဘတ်ကတ် ပြုလုပ်ရန် အလုပ်ရှင်မှ အလုပ်အကိုင် ရှာဖွေရေး ဦးစီးဌာနထံ လုပ်သားအမည်စာရင်း (Name list) တင်ရမည်ဖြစ်ပြီး ရက်ပေါင်း ၆၀ အတွင်း အလုပ်လုပ်ကိုင်ခွင့် လက်မှတ် (Work Permit) လျှောက်ထားရမည်ဖြစ်ကြောင်း သိရသည်။

ပန်းရောင်ဘတ်ကတ် ပြုလုပ်လိုသည့် လုပ်သားများအနေဖြင့် လုပ်သားအမည်စာရင်းတင်ခ ဘတ် ၁၀၀ နှင့် အလုပ်လုပ်ကိုင်ခွင့် လက်မှတ်လျှောက်ထားခ ဘတ် ၉၀၀ ပေးချေရမည်ဖြစ်ပြီး အလုပ်သမားများသည် အလုပ်လုပ်ကိုင်ခွင့်လက်မှတ် ရရှိသည်အထိ ငွေချေပြေစာကို အစားထိုး ကိုင်ဆောင်ထားရမည်ဟု သတ်မှတ်ထား ကြောင်း သိရသည်။

အလုပ်လုပ်ကိုင်ခွင့်လက်မှတ်သည် ၂၀၂၃ ခုနှစ် ဖေဖော်ဝါရီ ၁၃ ရက်နေ့အထိ သတ်မှတ်ထားပြီး တစ်နှစ်သက်တမ်း နှစ်ကြိမ်တိုးပိုင်ခွင့် ရှိမည်ဖြစ်ကာ ၂၀၂၅ ခုနှစ် ဖေဖော်ဝါရီ ၁၃ ရက်နေ့အထိ နေထိုင်လုပ်ကိုင်ခွင့်ရရှိမည်ဖြစ်ကြောင်း သိရသည်။

ထိုင်းနိုင်ငံတွင် မြန်မာ၊ ကမ္ဘောဒီယားနှင့် လာအိုနိုင်ငံတို့မှ ရွှေ့ပြောင်း အလုပ်သမား လေးသန်းကျော် အလုပ်လုပ်ကိုင်နေပြီး မြန်မာနိုင်ငံမှ အလုပ်သမား အများဆုံး လုပ်ကိုင်နေခြင်းဖြစ်သည်။

ymg/sth
#Yangon_Media_Group