Published 15 March 2022

ရုရှားနှင့်ဆက်ဆံရေးကို ကိုင်တွယ်တဲ့နေရာမှာ အမေရိကန်အနေနှင့် တရုတ်အကျိုးစီးပွားကို လာမထိခိုက်စေဖို့လိုတယ်လို့  တရုတ်နိုင်ငံက အမေရိကန်ကို ပြင်းထန်စွာသတိပေးပြောဆိုလိုက်ပါတယ်။ မော်စကိုကိုတရုတ်ကကူညီနေတာတွေ ရုပ်သိမ်းဖို့ အမေရိကန်က ဖိအားတွေပေးနေချိန်မှာ တရုတ်က ယခုလိုတုန့်ပြန်ခဲ့တာပါ။

ရုရှားဟာ တရုတ်ထံက စစ်ရေးအကူအညီတောင်းခဲ့တယ်လို့ စွပ်စွဲချက်တွေနှင့်ပတ်သက်လို့လည်း အမေရိကန်ဟာ ပရော်ဖက်ရှင်နယ်မပီသ၊ကျင့်ဝတ်နှင့်လည်းမညီ တာဝန်ယူမှုလည်းကင်းမဲ့တဲ့ သတင်းမှားတွေကို ဖန်တီးဖြန့်ချိနေတယ်လို့ပါ တရုတ်က ပြောကြားခဲ့ပါတယ်။

Source AFP

#LocalNews
Published - 15 March 2022

ချင်းစစ်ဘေးရှောင်ပြည်သူများ အရေအတွက် မည်မျှပင်ရှိစေကာမူ ကလေးမြို့ ရှိ ပုညကုသလ အသင်းတွင် လက်ခံစောင့် ရှောက်သွားမှာဖြစ်တယ်လို့ အဆိုပါ အသင်းမှ တာဝန်ရှိသူတစ်ဦးက YMG ကို ပြောပြခဲ့ပါတယ်။

လက်ရှိမှာလည်း ကလေးမြို့ရှိ ပုညကုသလ အသင်းတွင်ချင်းပြည်နယ်မှ စစ်ဘေးရှောင်လာသည့် လူဦးရေ ၁၅၀ကျော်အား လက်ခံ စောင့်ရှောက်ပေးထားတယ်လို့ ဆိုပါတယ်။

" ရောက်လာသူအားလုံးကို လက်ခံစောင့်ရှောက်ထားပါတယ်။ အခုက ပြန်ရောက်လာတဲ့သူ တွေလည်းရှိတယ်။ တချို့ကလည်း သူတို့ရွာကို ခဏပြန်ကြတယ်၊ လိုအပ်တဲ့ ပစ္စည်း လေး တွေယူပြီး ဒီကို ပြန်ရောက်လာကြတယ်။ အဲ့လိုမျိုးပေါ့နော်။ နေရေး ထိုင်ရေး စားရေး သောက်ရေး ကအစ အားလုံးစီစဉ်ပေးထားပါတယ်။"လို့ ပုညကုသလ အသင်း(ကလေးမြို့)မှ တာဝန်ရှိသူတစ်ဦးက ပြောပြခဲ့ပါတယ်။

လက်ရှိတွင် ချင်းပြည်နယ် ဘက်ဖြစ်တဲ့ ဖလမ်း၊တီးတိန်မြို့ တွေမှာ တိုက်ပွဲ တွေက ပြင်းထန်စွာဖြစ်ပွားနေတာဖြစ်တယ်လို့ ဒေသခံတွေကပြောပါတယ်။

ဒါကြောင့်လည်း စစ်ဘေး ရှောင်ပြည်သူတွေချင်းပြည်နယ်အတွင်းမှာ အများအပြားရှိ နေသလိုနီးစပ်ရာ ကလေးမြို့ ပေါ်သို့ တိမ်း ရှောင်လာသူများလည်း ရှိနေခဲ့တာပါ။

ယခုနှစ် ဇန်နဝါရီလဆန်းပိုင်းမှစတင်၍ ချင်းပြည်နယ်ဘက်ရှိ နတ်ချောင်း၊ ချောင်းခွ၊ ဟားခါးလေး၊ ရေစို၊ ဝေဘူလ အစရှိသည့် ကျေးရွာများမှ ဒေသခံတိုင်းရင်းသား စစ်ဘေးရှောင်ပြည်သူ ရာကျော်ခန့်ဟာကလေးမြို့ ပေါ်သို့ ရောက်ရှိခိုလှုံလာခဲ့တာဖြစ်ပါတယ်။

လက်ရှိမှာ ချင်းစစ် ဘေး ရှောင်ပြည်သူများကို ကလေးမြို့ရှိ ပုညကုသလအသင်း တို့တွင် လက်ခံ စောင့်ရှောက်ပေးထားပြီး လိုအပ်သည်များကိုလည်း ကူညီဆောင်ရွက်ပေးနေတယ်လို့ ဒေသခံလူမှုကူညီရေးအဖွဲ့ တွေက ဆိုပါတယ်။

ဓါတ်ပုံ - ပုညကုသလအသင်း(ကလေးမြို့)

ymg/kg
#Yangon_Media_Group

#LocalNews
Published - 15 March 2022

အပြည်ပြည်ဆိုင်ရာအမျိုးသမီးသင်္ဘောသားများနေ့ အထိမ်းအမှတ်အခမ်းအနား ကျင်းပသွားမယ်လို့ မြန်မာနိုင်ငံပင်လယ်ကူးသင်္ဘောသားအလုပ်သမားများအဖွဲ့ချုပ်က ကြေညာထားပါတယ်။

ဒါ့ကြောင့် အခမ်းအနားကို တက်ရောက်ကြမယ့် အမျိုးသမီးသင်္ဘောသားများအနေနဲ့ မြန်မာနိုင်ငံနဲ့ အခြားနိုင်ငံတွေက ထုတ်ပေးထားတဲ့ သင်္ဘောသားနဲ့သက်ဆိုင်တဲ့ စာရွက်စာတမ်းတစ်ခု ယူလာဖို့ မေတ္တာရပ်ခံထားပါတယ်။

အခမ်းအနားကို ရန်ကုန်မြို့ ဗဟန်းမြို့နယ် တော်ဝင်နှင်းဆီခန်းမတွင် လာမယ့် မတ်လ ၁၈ ရက်နေ့ နေ့လယ် ၂ နာရီကနေ ညနေ ၄ နာရီအထိ ကျင်းပသွားမယ်လို့ သိရပါတယ်။

မြန်မာနိုင်ငံအနေမှာ ယခင်က အမျိုးသမီးသင်္ဘောသားကို ခွင့်မပြုခဲ့ပေမယ့် ၂၀၂၁ ခုနှစ်က စတင်ခွင့်ပြုခဲ့ပြီ ဖြစ်ပါတယ်။

ကိုဗစ်ကာလကြောင့် အမျိုးသမီးသင်္ဘောသားတွေအတွက် သက်ဆိုင်တဲ့ သင်တန်းတွေ မဖွင့်လှစ်နိုင်တာကြောင့် သင်္ဘောသားအဖြစ် အသိအမှတ်ပြုမှတ်ပုံတင် SIRBကို မထုတ်ပေးနိုင်တာတွေကြောင့် အပျော်စီးသင်္ဘောပေါ်မှာ အလုပ်အကိုင်ပတ်စပို့စ် Job Passport နဲ့ ပြည်ပကို သွားရောက်လုပ်ကိုင်ခွင့်ရအောင် ဖြေလျော့ပေးထားတာတွေ ရှိပါတယ်။
ymg/ei

#Yangon_Media_Group

#LocalNews
Published-15 March 2022
ဗိုလ်တထောင်ကျိုက်ဒေးအပ်ဆံတော်ဦးစေတီတော်မှာ တာဝန်ထမ်းဆောင်နေတဲ့ ဝန်ထမ်းတွေအတွက် စနစ်ကျတဲ့ ဝန်ထမ်းအိမ်ရာ တည်ဆောက်နေပါပြီ။

#Yangon_Media_Group

#DailyNews
Published - 15 Mar 2022
(၁) တမူးမြို့တွင် မိုဘိုင်းအင်တာနက်လိုင်း ပြတ်တောက်နေသည်မှာ တစ်ပတ်ခန့်ရှိလာပြီး ဒေသခံများအခက်တွေ့

(၂) ဗိုလ်တထောင်စေတီတော် ဝန်ထမ်းများအတွက် စနစ်တကျအိမ်ရာတစ်ခု တည်ဆောက်နေ

(၃) နေ့စဉ်မိုးလေဝသ သတင်း

(၄) ရှေးဟောင်းကားကလေးတစ်စီးဖြင့် ကမ္ဘာ့တိုက်ကြီးငါးတိုက်ဖြတ်ကျော် ကမ္ဘာပတ်ခဲ့သည့် အာဂျင်တီးနားမိသားစု ၂၂နှစ်အကြာတွင် မွေးရပ်မြေခရီးဆုံးပြန်လည်ရောက်ရှိ .... အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ် ။

#Yangon_Media_Group

#LocalNews
Published - 15 March 2022

ကချင်ပြည်နယ်၊ ပူတာအိုဒေသရှိ ကျေးရွာအချို့တွင် ဝမ်းပျက်ဝမ်း လျှောရောဂါများဖြစ်ပွား နေပြီး ဆေးဝါးလိုအပ်မှုများလည်းရှိ နေတယ်လို့ မြို့နေ ဒေသခံများထံမှ သိရပါတယ်။

"ဝမ်းရောဂါဖြစ် နေတာကအတော်များတဲ့ အနေအထားမှာရှိပါတယ်။ ကျနော်တို့ဆီမှာလာပြတဲ့ လူနာ အကုန်လုံး နီးပါးက ဝမ်းနဲ့ ပတ်သက်တာတွေ ဖြစ် နေကြတာပါ။ ဝမ်းလျှောတာတို့ ဝမ်းပျက်တာတွေဖြစ်တယ်၊ရာသီဥတုကြောင့်လည်း ပါပါတယ်။"လို့ ပူတာအို မြို့ ဒေသခံတစ်ဦးက YMG ကို ပြောပြခဲ့ပါတယ်။

ဒါ့အပြင် ပူတာအိုဒေသမှာ ဆေးဝါးလိုအပ်ချက် တွေရှိနေမှုနဲ့ ပတ်သက်လို့လည်း ၄င်းက အခုလို ဆက်လက် ပြောပြခဲ့ပါတယ်။

"လိုအပ်တဲ့ ဆေးဝါး တွေကျတော့ ကလေးအာဟာရတို့ နောက်အခုတလော ဝမ်းရောဂါ၊ နှာစေး၊ ချောင်းဆိုးနဲ့ လည်ချောင်းနာတာ အဲ့အတွက် ဆေးဝါး တွေ အဓိကလိုအပ်ပါတယ်။ နွေရာသီဆိုတော့ ကလေးတွေဝမ်းပျက်၊ ဝမ်း လျှော ဖြစ်နေတာတွေကိုတွေ့ရတယ်။
ကျ နော်တို့လည်း တတ်နိုင်သလောက် စု ဆောင်းပေးတယ်။ ဆေးဝါးတွေကို တော့ လက်လှမ်းမီသလောက် ပေးနေပါတယ်။" လို့ ၄င်းက ပြောပြခဲ့ပါတယ်။

လက်ရှိ ဝေးလံ ခေါင်ဖျား ဒေသများမှာ ကိုဗစ် အခြေအနေက ကျလာပြီဖြစ်သော်လည်း ဒေသခံအများစု ဝမ်းပျက်၊ဝမ်းလျှောနဲ့ နှာစေး ချောင်းဆိုး ဆေးဝါးတွေကို အဓိကလိုအပ်မှု တွေရှိနေတာလည်း ဖြစ်ပါတယ်။

ymg/kg
#Yangon_media_Group

#LocalNews
Published_15 March 2022
မကွေးတိုင်းဒေသကြီး၊ မကွေးမြို့နယ်၊ မကွေး- တောင်တွင်းလမ်း၊ သန်းတောကုန်းကျေးရွာအနီးတွင် တွင် မတ်လ ၁၄ ရက် ညနေပိုင်းက ဆီဘောက်ဆာယာဉ်နှင့် ဆိုင်ကယ် တိုက်မိသောကြောင့် ၃ ဦး သေဆုံး သွားကြောင်း သိရသည်။

ယာဉ်တိုက်မှုကြောင့် ဆိုင်ကယ်စီးလာသူ အမျိုးသမီးနှစ်ဦးနှင့် ဘောက်ဆာ ယာဉ်မောင်းတစ်ဦး သေဆုံးသွားကြခြင်း ဖြစ်ကြောင်း၊ယင်း သေဆုံးသူများအား မကွေးပြည်သူ့ဆေးရုံကြီသို့ ပို့ဆောင် ပေးခဲ့ကြောင်း ကူညီပေးခဲ့ရသည့် လူမှုကူညီရေးအသင်းပြောရေးဆိုခွင့် ရှိသူကပြောသည်။

အဆိုပါ နေရာသို့ မကွေးမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီး၊ ရှာဖွေကယ်ဆယ်ရေးယာဉ်(၁)စီးတို့ဖြင့် သွားရောက်၍ တိမ်းမှောက်နေသော ဆီဘောက်ဆာယာဉ်အား မီးလောင်မှုမဖြစ်ပွားစေရေးအတွက် အအေးပေးခြင်းလုပ်ငန်းများနှင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရကြောင်းလည်း သိရသည်။

ymg/mt
Yangon_Media_Group

#local_news
Published_ 15 March 2022

စင်ကာပူနိုင်ငံတွင် ရောက်ရှိနေပြီး မြန်မာနိုင်ငံသို့ ပြန်လည်ထွက်ခွာလိုသည့် မြန်မာနိုင်ငံသားများအား မတ် ၁၄ ရက် တနင်္လာနေ့၊ ဒေသစံတော်ချိန် ၁၂ နာရီခွဲတွင် (၉၅) ကြိမ်မြောက်အဖြစ် မြန်မာအမျိုးသား လေကြောင်းလိုင်း (MNA) ဖြင့် စင်ကာပူနိုင်ငံမှ ရန်ကုန်မြို့သို့ ပြန်လည်ပို့ဆောင်ပေးခဲ့ကြောင်း သိရပါတယ်။

အဆိုပါ ကယ်ဆယ်ရေးလေယာဉ်တွင် စင်ကာပူနိုင်ငံသို့ ကာလတိုလာရောက်စဉ် COVID-19 ကြောင့် ပိတ်မိနေသူများ၊ စင်ကာပူနိုင်ငံတွင် ပညာသင်ကြားနေသည့် ကျောင်းသား/ကျောင်းသူများ၊ ကိုယ်ဝန်ဆောင် မိခင်များ၊ အလုပ်လုပ်ခွင့်ပါမစ် ဖျက်သိမ်း၊ ရပ်နားခြင်း ခံထားရသူများ၊ သင်္ဘောသားများနှင့် မြန်မာနိုင်ငံရှိ မိသားစုများထံ အလည် အပတ်ပြန်ကြသူများ အပါအဝင် စုစုပေါင်း ၁၂၆ ဦး လိုက်ပါခဲ့ကြောင်း သိရပါတယ်။

မြန်မာနိုင်ငံသားများအနေဖြင့် လေဆိပ်၌ လူဝင်မှုကြီးကြပ် ရေးဆိုင်ရာ ကိစ္စရပ်များ ဆောင်ရွက်ရာတွင် အခက်အခဲ မရှိစေရေးနှင့် စင်ကာပူနိုင်ငံမှ အဆင်ပြေချောမွေ့စွာ ထွက်ခွာနိုင်ရေးအတွက် မြန်မာသံရုံးမှ တာဝန်ရှိသူများက ချန်ဂီအပြည်ပြည်ဆိုင်ရာ လေဆိပ်သို့ သွားရောက်၍ လိုအပ်သည်များ ကူညီဆောင်ရွက်ပေးခဲ့တယ်လို့ သတင်းထုတ်ပြန်ထားပါတယ်။

#ymg_mnn
Yangon_Media_Group

#LocalNews
Published-15 Mar 2022

လူမှုကွန်ရက်ပေါ်တွင် ပြန့်နှံခဲ့တဲ့မိုင်းကိုင်မြို့နယ် တအာင်းပါတီ (TNP) ဥက္ကဌ မိုင်းနုမ်ဟန်အား သျှမ်းပြည်ပြန်လည်ထူထောင်ရေးကောင်စီ / သျှမ်းပြည်တပ်မတော် RCSS/SSA မှ ဖမ်းဆီးသတ်ဖြတ်သည် ဆိုသည့်သတင်းမှာ အရင်းအမြစ်မရှိသည့် ကောလဟလ သတင်းများသာဖြစ်ပြီး RCSS/SSAက ထုတ်ပြန်လိုက်ပါတယ်။

ထုတ်ပြန်ရာတွင်အဆိုပါကိစ္စနှင့်ပတ်သတ်၍ နမ့်ဆန်မြို့ရှိ တအောင်း(ပလောင်)အမျိုးသားပါတီ ဥက္ကဌ ဦးခွန်ရီသည် ၂၀၂၂ ခုနှစ် ဇန်နဝါရီလ (၂၄) ရက်နေ့ ရက်စွဲဖြင့် သျှမ်းပြည်ပြန်လည်ထူထောင်ရေးကောင်စီထံသို့ စာရေးပြီး အကူအညီတောင်းခံလာသဖြင့်RCSS ဗဟိုဌာနချုပ်သည် မိုင်းနုမ်ဟန်မိသားစု ဖမ်းဆီးခြင်းကိစ္စကို စီစစ်ပြီး တွေ့ရှိချက်အရ လူမှုကွန်ယက်ပေါ် ကောလာဟလ သတင်းများနှင့် ဥက္ကဌ ဦးခွန်ရီ၏ စာတွင် ဖေါ်ပြထားသည့်အတိုင်း မဟုတ်ပါကြောင်း ၂၀၂၂ ခုနှစ် ဇန်နဝါရီလ ၂၉ ရက်နေ့တွင် RCSS ၏ အတွင်းရေးမှုး(၁) ဗိုလ်မှူးကြီး စိုင်းငင်းမှ စာရေးပြီး အကြောင်းပြန်ကြားရှင်းလင်းပြခဲ့ပြီးဖြစ်တယ်လို့ ဆိုပါတယ်။

မိုင်းကိုင်မြို့နယ် တအာင်းပါတီ (TNP) ဥက္ကဌ မိုင်းနုမ်ဟန်နှင့် မိသားစုအား ဖမ်းဆီးသတ်ဖြတ်ခြင်းနှင့် ပတ်သက်၍ ရွှေဖီမြေသတင်းဌာနမှ လူမှုကွန်ရက်ပေါ် တင်ပြသည့် သတင်းများသည် အရင်းအမြစ်မရှိပဲ RCSS/SSAတပ်ဖွဲ့အပေါ် တမင်တကာ စွပ်စွဲခြင်းသာဖြစ်ပြီးရွှေဖီမြေသတင်းဌာနတွင် ဖေါ်ပြထားသည့် တအောင်းနိုင်ငံရေးအတိုင်ပင်ခံကော်မတီ၏ ဝမ်းနည်းကြောင်း သဝဏ်လွှာတွင် မိုင်းနုမ်ဟန်၊ သူ၏ဇနီးနှင့် (၇) လအရွယ်သမီးအပါ မိသားစုလုံးတွင် ၂၀၂၂ ခုနှစ် ဇန်နဝါရီလ ၁၀ ရက်နေ့တွင် မိုင်းကိုင်မြို့နယ် တုံလောကျေးရွာအုပ်စု မန်လော့ကျေးရွာအနီးတဝိုက်တွင် ပျောက်ဆုံးခဲ့ခြင်းဖြစ်သည်ဟု ရေးသားဖော်ပြထားသော်လည်း မန်လော့ဆိုသည့်ကျေးရွာသည် တုံလောကျေးရွာအုပ်စုတွင်း တည်ရှိခြင်းမရှိကြောင်းထုတ်ပြန်ချက်တွင်ရေးသားဖော်ပြထားပါတယ်။

ထို့အပြင်RCSS/SSA တပ်ဖွဲ့သည် တိုင်းရင်းသားစည်းလုံးညီညွတ်ရေးပေါ်လစီကို အမှတ်စဥ်(၁) အဖြစ် ချမှတ်ထားခြင်းဖြစ်ပြီး အကောင်အထည်ဖော်ဆောင်ရာတွင်လည်း သျှမ်းပြည်တိုင်းရင်းသား စည်းလုံးညီညွတ်ရေးကို ထိခိုက်စေမည့် ဆောင်ရွက်ချက်မျိုး လုံးဝမပြုလုပ်ရန် တင်းကျပ်စွာ တားမြစ်ထားသည့် တပ်ဖွဲ့ဖြစ်ကြောင်းဖော်ပြပါရှိပါတယ်။

ymg/hm
#Yangon_Media_Group