#LocalNews
Published_8 May 2022

ကျားဖောင်လုပ်ငန်းသို့ လုပ်အားခခေါင်းပုံဖြတ်ယူပို့ဆောင်ပေးသူများကို ရန်ကုန်တိုင်းဒေသကြီး တောင်ပိုင်းခရိုင်တရားရုံးမှ အလုပ်နှင့်ထောင်ဒဏ် ၁၀ နှစ်စီ ချမှတ်လိုက်ကြောင်း သိရသည်။

ယင်းမှာ ပြီးခဲ့သည့် ၂၀၁၉ ခုနှစ်အတွင်းက ဧရာဝတီတိုင်းဒေသကြီး မအူပင်မြို့နယ်နေ အသက် ၂၅ နှစ်အရွယ်ရှိမောင်-----အား ရန်ကုန်တိုင်းဒေသကြီး ဒလမြို့နယ်နေ ဝင်းလင်းထွန်း(ခ) ကောင်းကြီးနှင့် ဧရာဝတီတိုင်းဒေသကြီး ဖျာပုံမြို့နေ အောင်ဗလ(ခ) ဗလကြီးတို့က ဖျာပုံမြို့နယ် ခါးပြတ်ရွာရှိ “သဉ္ဇာထွန်း” ကျားဖောင်သို့ ပို့ဆောင်ပေးကာ နှစ်လခန့် လုပ်ကိုင်ခဲ့သော လုပ်အားခ ငွေ ၇ သိန်းကို ကာယကံရှင်အားမပေးဘဲ ခေါင်းပုံဖြတ်ရယူခဲ့သော အမှု ဖြစ်ကြောင်း သိရသည်။

အဆိုပါ ကိစ္စကြောင့် ဒလမြို့မရဲစခန်း တွင် (ပ)၂၀၈၆/ ၂၀၁၉ ဖြင့် အမှုဖွင့်ကာ လူကုန်ကူးမှု တားဆီးကာကွယ်ရေးဥပဒေပုဒ်မ ၂၅/၃၂ ဖြင့် ၎င်းတို့ နှစ်ဦးကို အရေးယူ၍ တောင်ပိုင်းခရိုင်တရားရုံးသို့ တရားစွဲတင်ပိုခဲ့ခြင်း ဖြစ်ကာ မေလ ၅ ရက် တွင် အမိန့်ချခဲ့ခြင်းဖြစ်ကြောင်းသိရသည်။

ymg/mt
#Yangon_Media_Group

#LocalNews
Published_8 May 2022

ထိုင်းနိုင်ငံသို့ တရားမဝင်သွားရောက်သူများတင်လာသည့် ပစ်ကပ်ယာဉ်အပစ်ခံရ၍ တစ်ဦးသေ ၊ သုံးဦးဒဏ်ရာရရှိခဲ့ကြောင်း မြန်ရွှေ့ပြောင်းအလုပ်သမားများအရေးဆောင်ရွက်နေသူများထံမှ သိရသည်။

မေလ ၆ ရက် နံနက်ပိုင်းက ထိုင်းနိုင်ငံ ကော့လတ်ခရိုင်၊ပကျွတ်စီရီခန်ပြည်နယ် စိုင်ဗန်းနောင်ခမ်လမ်း -နောင်နွန်လမ်းကြား တွင် အဆိုပါ ပစ်ခတ်မှုဖြစ်ပွားခဲ့ခြင်းဖြစ်ကြောင်း သိရသည်။

၎င်းဖြစ်စဉ်ကြောင့် အသက် ၃၅ နှစ်ခန့်အရွယ် မြန်မာနိုင်ငံသားအမျိုးသားတစ်ဦး သေဆုံးခဲ့ကာ အမျိုးသားနှစ်ဦးနှင့် အမျိုးသမီး တစ်ဦး ဒဏ်ရာရရှိခဲ့ကြောင်း၊ဒဏ်ရာရသူများအား ပကျွတ်စီရီခမ်ပြည်နယ် တာဝန်ကျဆရာဝန်များကလာရောက်ကြည့်ရှုကာ ယခုအခါ ယင်းတို့ကို ပကျွတ်စီရီခမ်မြို့ဆေးရုံသို့ ပရဟိတကားဖြင့် ပို့ဆောင်ပေးထားကြောင်းလည်း သိရသည်။

"သေတာ တစ်ယောက်ပါ။ ကားပေါ်မှာ လူ ၁၄ ယောက် ပါတယ်လို့ ပြောပါတယ်။သူတို့က စစ်ဆေးရေးဂိတ်မှာ အရှိန်မြှင့်မောင်းတာ။အဲဒီအချိန်မှာ ပစ်တာလို့ ပြောပါတယ်။ဘယ်သူက ပစ်တယ်ဆိုတာကို ထိုင်းရဲတပ်ဖွဲ့က စစ်ဆေးနေတယ်။CCTV တွေ တပ်ထားတယ်လေ။ထိုင်းရဲတွေအနေနဲ့တော့ သူတို့ဘက်က ရဲက ပစ်တယ်ဆိုရင်လည်း သူတို့ အရေးယူမယ်လို့ ပြောပြီးသား။သတင်းထုတ်ပြန်ပြီးသားပါ"ဟု ထိုင်းနိုင်ငံအတွင်းနေထိုင်သော မြန်မာရွှေ့ပြောင်းအလုပ်သမားများအရေး လိုက်ပါဆောင်ရွက်ပေးနေသူက ပြောသည်။

အဆိုပါ ဖြစ်စဉ်အနီးတွင် ပုန်းခိုနေသော မြန်မာနိုင်ငံသား အမျိုးသား ၄ ဦး ၊ အမျိုးသမီး ၆ ဦး တို့ကို ထပ်မံတွေ့ရှိရကြောင်း ၊ယင်းတို့ကို စစ်ဆေးစဉ် ပုန်းခိုနေသည်မှာ ၃ ရက်ကြာမြင့်ပြီ ဖြစ်ကြောင်း ပြောကြားသည်ဟု ထိုင်းသတင်းများတွင် ဖော်ပြထားသည်။

ymg/mt
#Yangon_Media_Group

#Local_News
Published_ 8 May 2022

ပြန်တမ်းဝင်အရာရှိအဆင့် လစ်လပ်ရာထူးများအတွက် ရေးဖြေစာမေးပွဲကို စာစစ်ဌာန ၅ ခုတွင် ကျင်းပလျက်ရှိရာ ဝင်ရောက်ဖြေဆိုသူ ၁၂၀၇ ဦးရှိကြောင်း သိရပါတယ်။

ပြည်ထောင်စုရာထူးဝန်အဖွဲ့၏ ကြော်ငြာစာအမှတ် (၂/၂၀၂၂) ပါ ဝန်ကြီးဌာနနှင့် အဖွဲ့အစည်း (၁၄) ခုရှိ ပြန်တမ်းဝင်အရာရှိအဆင့် စတင်ခန့် လစ်လပ်ရာထူး ၁၁၁၆ နေရာ ရွေးချယ်ပေးရန် ရေးဖြေစာမေးပွဲကို နေပြည်တော်၊ ရန်ကုန်၊ မန္တလေး၊ မကွေးနှင့် မော်လမြိုင်မြိုများရှိ စာစစ်ဌာန ၅ ခု၌ မေ ၇ ရက်နှင့် မေ ၈ ရက်တိုတွင် ကျင်းပလျက်ရှိပါတယ်။

ပြည်ထောင်စုရာထူးဝန်အဖွဲ့ဥက္ကဋ္ဌ၊ ဦးသန်းဆွေသည် တာဝန်ရှိသူများနှင့်အတူ ယနေ့နံနက်ပိုင်းတွင် နေပြည်တော်၊ အမှတ်(၃)နှင့် အမှတ်(၁၁) အခြေခံပညာ အထက်တန်းကျောင်းများရှိ နေပြည်တော် စာစစ်ဌာနများသို လည်းကောင်း၊ မန္တလေးတိုင်းဒေသကြီးဝန်ကြီးချုပ် ဦးမောင်ကိုသည် ပြည်ထောင်စုရာထူးဝန်အဖွဲ့ အဖွဲ့ဝင် ဦးဆန်းမြင့်နှင့်အတူ မန္တလေးမြို့အမှတ်(၄) အခြေခံပညာ အထက်တန်းကျောင်းရှိ မန္တလေးစာစစ်ဌာနသို့ လည်းကောင်း၊ ပြည်ထောင်စုရာထူးဝန်အဖွဲ့ အဖွဲ့ဝင် ဦးရဲနိုင်သည် ရန်ကုန်တိုင်းဒေသကြီး ဗိုလ်တထောင်မြို့နယ် အမှတ်(၆) အခြေခံပညာ အထက်တန်းကျောင်းရှိ ရန်ကုန်စာစစ်ဌာနသို့ လည်းကောင်း အဆိုပါရာထူးဝင်ခွင့် ရေးဖြေစာမေးပွဲ ဖြေဆိုနေမှုများကို ကြည့်ရှုစစ်ဆေးခဲ့ကြောင်း သတင်းရရှိပါတယ်။

ymg-mnn
#Yangon_Media_Group

#WorldHealth
Published 08 May 2022

အသက် ၂၄ နှစ်ရှိ ဗီယက်နမ်အမျိုးသားတစ်ဦးဟာ မူလီနတ်ကိုငယ်ပါမှာစွပ်ကာ တစ်ကိုယ်ရည်အာသာဖြေခဲ့ပြီးညပ်နေခဲ့ရာ သွားခြစ်ရာတွင် အသုံးပြုသည့်လွန်ဖောက်စက်ဖြင့် မူလီနတ်ကိုဖြတ်တောက်ခဲ့ရပါတယ်။

အမည်မဖော်လိုသူအမျိုးသားက ဟိုချီမင်းဆေးရုံတစ်ရုံကိုရောက်လာခဲ့ပြီး မူလီနတ်ညပ်နေတာ ၁၀ နာရီလောက်ရှိနေပြီလို ပြောပြခဲ့ပါတယ်။

အဆိုပါအမျိုးသားက အာသာဖြေရာမှာခံစားချက်ပိုကောင်းဖို့အတွက် ၂ စင်တီမီတာအထူရှိတဲ့ ဆဌဂံပုံစံမူလီနတ်ကို ငယ်ပါမှာစွပ်သွင်းခဲ့ကြောင်း ဝန်ခံခဲ့ပါတယ်။

လူနာက လိင်တံထိပ်အရေပြားဖြတ်ထားခြင်းမရှိသူဖြစ်ပြီး သူ့ရဲ့လိင်တံကထုံထိုင်းလာပြီးနောက် အပေါ့သွားလိုမရတော့ကြောင်း ရှင်းပြလာပါတယ်။

လိင်တံဖူးရောင်နေတာကြောင့် ဆရာဝန်တွေက မူလီနတ်ကိုလက်ဖြင့်ဖယ်ရှားလို့မရဘဲ သွားခြစ်ရာမှာ အသုံးပြုတဲ့လွန်ဖောက်စက်ဖြင့် ဖယ်ရှားခဲ့ရပါတယ်။

မူလီနတ်က လိင်တံရဲ့ ၅ စင်တီမီတာအလျားအရောက်မှာ အတော်ကြပ်တဲ့အထိ ညပ်နေခဲ့ပါတယ်။

လူနာက ဆီးသွားဖို့ခက်ခဲနေခဲ့ပြီး လိင်အင်္ဂါနားတဝိုက်မှာ အာရုံခံစားသိရှိမှု လျော့နည်းသွားကြောင်း မှတ်ချက်ပြုလိုက်ကြပါတယ်။

နောက်ကိုဆွဲလှန်ခဲ့တဲ့ လိင်တံထိပ်အရေပြားက ပုံမှန်နေရာမရောက်နိုင်တော့ဘဲ ဖူးရောင်လာခဲ့ပြီး ထိပ်နားလေးမှာ တစ်နေခဲ့ပါတယ်။

လူနာကို အားဆေးသွင်းချိတ်ကာ အကိုက်အခဲပျောက်ဆေးများ၊ ပိုးသတ်ဆေးများ၊ စိတ်ငြိမ်ဆေးများပေးခဲ့ရပါတယ်။

အစက လိင်တံဖူးရောင်နေတာကြောင့် ဆရာဝန်တွေက ချောဆီနဲ့ချွတ်ဖို့လုပ်ပေမယ့် မဖယ်ရှားနိုင်ခဲ့ပါဘူး။

ဆေးရုံမှ သွားနဲ့ခံတွင်းကျွမ်းကျင်ပညာရှင်တွေနဲ့ တိုင်ပင်ပြီးနောက် သွားခြစ်သွားဖာရာမှာအသုံးပြုတဲ့ လျှပ်စစ်လွန်ဖောက်စက်လေးနဲ့ဖယ်ရှားဖို့ ဆုံးဖြတ်ခဲ့ကြပါတယ်။

၄၅ မိနစ်ကြာခွဲစိတ်ခဲ့ပြီးနောက် မူလီနတ်ကိုဖယ်ရှားနိုင်ခဲ့ကြပါတယ်။

အဲဒီနောက် ပိုးသတ်ဆေးနဲ့ အနာသက်သာဆေးများပေးပြီး ဆေးရုံမှာတစ်ညတာနေခဲ့ရပါတယ်။
နောက်တစ်လအကြာဆေးရုံပြန်ပြရာမှာ လိင်တံကပုံမှန်ပြန်ဖြစ်လာပြီး ဆီးလည်းသွားနိုင်ပြီဖြစ်ကာ ထောင်မတ်နိုင်ပြီဖြစ်ကြောင်း ဆရာဝန်များက မှတ်ချက်ပြုကြပါတယ်။

အမျိုးသားများ ကာမအာသာဖြေရာမှာအသုံးပြုလေ့ရှိတဲ့ ပစ္စည်းအမျိုးမျိုးဟာ လိင်တံကိုညှစ်သလို ပြဿနာမျိုး မကြာခဏတွေ့မြင်နေရပါတယ်။

ဒီလိုပြဿနာမျိုးဖြစ်လာပြီဆိုရင် အင်္ဂါများနဲ့နှလုံးကြားသွေးလည်ပတ်မှုကြားက သွေးကြောတွေကိုထိခိုက်နိုင်ပါတယ်။

လိင်တံဟာ မိနစ် ၃၀ ထက်ပိုပြီးညှစ်မိနေတယ်ဆိုရင် သွေးထဲမှာအောက်ဆီဂျင်ပြတ်လတ်ကာ ပုပ်ဆွေးတာမျိုးဖြစ်သွားတတ်ပါတယ်။

Source: DailyMail
#Yangon_Media_Group

#Local_News
Published_ 8 May 2022

ဧပြီလအတွင်း နိုင်ငံပေါင်း ၄၉ နိုင်ငံသို့ ရေထွက်ကုန် တန်ချိန် ၃၀၀၀၀ ကျော် တင်ပို့နိုင်ခဲ့ကြောင်း ငါးလုပ်ငန်းဦးစီးဌာနရဲ့ သတင်းထုတ်ပြန်ချက်အရ သိရပါတယ်။

ပြည်ပနိုင်ငံများသို့ ဧပြီလအတွင်း ရေထွက်ကုန်တင်ပို့မှုမှ ပို့ကုန်ရငွေ အမေရိကန် ဒေါ်လာ ၄၉ သန်းကျော်ရရှိခဲ့ကြောင်း သိရပါတယ်။

တင်ပို့မှုများတွင် ငါး၊ ပုစွန် စတဲ့ ရေထွက်ကုန်များပါဝင်ပြီး ပြည်ပနိုင်ငံ ၄၉ နိုင်ငံသို့ တင်ပို့ခဲ့တယ်လို့ ဆိုပါတယ်။

အဆိုပါ တင်ပို့မှုများတွင် ပင်လယ်ရေကြောင်း ကုန်သွယ်မှုမှ ပို့ကုန်ဝင်ငွေ အမေရိကန်ဒေါ်လာ သန်း ၃၀ ကျော်ရရှိခဲ့ပြီး နယ်စပ်ကုန်သွယ်ရေးမှ ပို့ကုန်ဝင်ငွေ ဒေါ်လာ ၁၉ သန်းခန့် စုစုပေါင်း ဒေါ်လာ ၄၉ သန်းကျော် ရရှိခဲ့ကြောင်း သိရပါတယ်။

ရေထွက်ကုန်တင်ပို့နိုင်မှုတွင် ကော့သောင်းမှပြည်ပသို့ တင်ပို့မှုများခဲ့ကာ တနင်္သာရီ တိုင်းဒေသကြီးနှင့် ရခိုင်ပြည်နယ်မှ ထွက်ရှိသောရေထွက်ကုန်များကို အဓိကတင်ပို့ခြင်းဖြစ်ပါတယ်။

နယ်စပ်ကုန်သွယ်ရေးလမ်းကြောင်းမှ ပြည်ပသို့ရေထွက်ကုန် တင်ပို့နိုင်မှုမှာ ပုံမှန် အခြေအနေသို့မရောက်သေးဘဲ လတ်တလောတွင် ထိုင်းနှင့် တရုတ်တို့သို့ ရေကြောင်း ကုန်သွယ်မှုဖြင့် အများဆုံးတင်ပို့နေကြောင်း သိရပါတယ်။

ymg-mnn
#Yangon_Media_Group

#WorldHealth
Published 08 May 2022

ကိုဗစ်ရောဂါကို ပြင်းထန်စွာကူးစက်ခံခဲ့ရသူတွေဟာ အချိန်အတော်ကြာသည်အထိ ဦးနှောက်သိရှိမှု စွမ်းရည်ချို့ယွင်းခြင်းမျိုးဖြစ်ပေါ်တတ်ပြီး အသက် ၅၀ အရွယ်ကနေ အသက် ၇၀ ရောက်တဲ့အချိန်အတွင်း ဦးနှောက်စွမ်းဆောင်ရည်ကျဆင်းသွားတဲ့အနေအထားမျိုးအထိ ဖြစ်ပေါ်နိုင်ကြောင်းတွေ့ရှိထားပါတယ်။

အစောပိုင်းတွေ့ရှိချက်များမှာလည်း ကိုဗစ်ရောဂါကူးစက်ခံရခြင်းဖြင့် ရောဂါသက်သာလာတဲ့သူတွေမှာ ဦးနှောက်မှတ်ဉာဏ်စွမ်းဆောင်ရည် ကောင်းစွာမလုပ်ဆောင်နိုင်ကြောင်း ဖော်ပြထားပါတယ်။

ကိုဗစ်ကူးစက်မှုကြောင့် ဆေးရုံတက်ကုသခံယူရတဲ့ လူနာ ၄၆ ဦးကို ဆေးရုံဆင်းပြီး ၆ လမှ ၁၀ လအတွင်း စစ်ဆေးလေ့လာရာမှာ သူတို့ရဲ့အသက်အရွယ်အလိုက် မျှော်လင့်ထားတဲ့ ဦးနှောက်စွမ်းဆောင်ရည်ထက် တုန့်ပြန်မှုတွေက ပိုမိုနှေးကွေးပြီး တိကျမှုနည်းပါးကြောင်း တွေ့ရှိခဲ့ကြပါတယ်။

ရောဂါခံစားရစဉ် အသက်ရှူကိရိယာများ လိုအပ်ခဲ့တဲ့လူနာတွေဆိုရင် ပိုပြီးတော့တောင် ဆိုးရွားနေခဲ့ပါတယ်။

ဒီသက်ရောက်မှုက လျင်မြန်စွာပဲဖြစ်ပွားလျက်ရှိကာ လအနည်းငယ်အတွင်း နှစ် ၂၀ စာလောက်ဦးနှောက်စွမ်းဆောင်ရည်ကျဆင်းလာခြင်းမျိုး မြင်တွေ့နေရပါတယ်။

ဒီလိုမျိုးဦးနှောက်စွမ်းဆောင်ရည်ကျဆင်းလာတာက အိုင်ကျူပမာဏ ၁၀ မှတ်လောက်လျော့ နည်းသွားတာနဲ့ညီမျှကြောင်း အင်ပီရီယယ်ကောလိပ်လန်ဒန်မှ အာရုံကြောသိပ္ပံပညာ ပရော်ဖက်ဆာ'အဒမ်ဟမ်ရှိင်းယား'က ပြောပြပါတယ်။

ဒီလိုလူနာတွေမှာ စွမ်းဆောင်ရည်ပြန်လည်တိုးတက်လာမှုက အလွန်ကြာနှေးကြောင်း၊ လူတွေရဲ့ နေ့စဉ်ဘဝလှုပ်ရှားမှု၊ အလုပ်လုပ်ကိုင်မှုတို့မှာ သက်ရောက်မှုရှိလာကြောင်း ပရော်ဖက်ဆာနဲ့အဖွဲ့က ရှာဖွေ့တွေ့ရှိထားပါတယ်။

အင်္ဂလန်တစ်နိုင်ငံတည်းမှာပင် ကိုဗစ်ကူးစက်ခံရပြီးနောက် ဒီလိုဦးနှောက်စွမ်းဆောင်ရည်ကျဆင်းမှုမျိုး ကြုံတွေ့နေရသူ ၄ သောင်းကျော်ရှိနေနိုင်တယ်လို့ ခန့်မှန်းထားပါတယ်။

ကိုဗစ်ရောဂါအပျော့စားသာခံစားခဲ့ရသူတွေမှာတောင် ပြောစရာစကားမေ့လျော့ခြင်း၊ ဦးနှောက်အာရုံဝေဝါးခြင်း၊ ဖြေရှင်းနိုင်မှုစွမ်းရည်ကျဆင်းခြင်းများနဲ့ ကြုံတွေ့ရနိုင်ကြောင်း eClinicalMedicine ဂျာနယ်မှာ သုတေသနတွေ့ရှိချက်တွေကို ဖော်ပြထားပါတယ်။

Source: Bloomberg
#Yangon_Media_Group

#Local_News
Published_ 8 May 2022

ဆံရစ်ဝိုင်းရွာဟု ထင်ရှားသည့် ရေပုတ်ကြီးကျေးရွာမှ ကျောင်းသား/ကျောင်းသူ ၂၀၄ ဦးဟာ ယဉ်ကျေးလိမ္မာ သင်တန်းပြီးမြောက်၍ သင်တန်းဆင်းပွဲကျင်းပခဲ့တယ်လို့ သိရပါတယ်။

မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ် ဆံရစ်ဝိုင်းရွာ (ခေါ်) ရေပုတ်ကြီး ကျေးရွာ အခြေခံပညာ အလယ်တန်းကျောင်းတွင် မေ ၆ ရက် နံနက်ပိုင်းက ယဉ်ကျေး လိမ္မာသင်တန်းဆင်းပွဲနှင့် ဆုများပေးအပ်ချီးမြှင့်ပွဲ ကျင်းပခဲ့ကြောင်း သိရပါတယ်။

သင်တန်းကို ရေပုတ်ကြီးကျေးရွာရှိ လူငယ်များအား လိမ္မာယဉ်ကျေးပြီး အသိဉာဏ် ရှိသော လူတော်လူကောင်းများ ဖြစ်လာစေရန် ရည်ရွယ်၍ ကျင်းပပေးခြင်းဖြစ်ကြောင်း သိရပါတယ်။

အဆိုပါ သင်တန်းကို ဆရာ၊ ဆရာမ ၁၂ ဦးက ကျောင်းသား၊ ကျောင်းသူ ၂၀၄ ဦး တို့အား မတ် ၂၆ ရက်မှ မေ ၆ ရက်အထိ သင်ကြားပို့ချပေးခဲ့တာ ဖြစ်ပါတယ်။

ymg-mnn
#Yangon_Media_Group

Published 7 May 2022

အမေရိကန်ပြည်ထောင်စု ကာလီဖိုနီးယားပြည်နယ်က လူ(၆)သန်းကျော်ဟာ လာမယ့်ဇွန်လ(၁)ရက်ကစပြီး ရေသုံးစွဲမှုတွေကို မဖြစ်မနေကန့်သတ်တော့မှာဖြစ်ပါတယ်။ လော့အိန်ဂျလိဒေသမှာနေထိုင်သူတွေဟာ  အိမ်အပြင်ကရေကို  တစ်ပတ်တစ်ကြိမ်သာ သုံးစွဲခွင့်ရတော့မယ်လို့သိရပါတယ်။

ဒီနှစ်ပထမသုံးလဟာ ကာလီဖိုနီးယားသမိုင်းမှာ အခြောက်သွေ့ဆုံးလတွေဖြစ်ခဲ့တဲ့အတွက် ရေသုံးစွဲမှုကို ယခုလိုကန့်သတ်လာရတာဖြစ်ပါတယ်။ အဲသလို အကြီးအကျယ် မိုးခေါင်ရေရှား ဆက်တိုက်ဖြစ်ခဲ့ပြီးနောက်  ပြည်နယ်ထဲကရေလှောင်ကန်အချို့ ဟာ စိုးရိမ်ရေမှတ်အောက်ကိုပါ ရောက်ရှိနေပါတယ်။

“ လာမယ့်နှစ်အတွက် ကျွန်တော်တို့ကို ရေပေးဖို့ အလုံအလောက်ကျန်လိမ့်မယ်လို့ ကျွန်တော်မထင်ဘူး။ ကျွန်တော်တို့ အရေးယူဆောင်ရွက်မှုတွေ ယခုလုပ်ရတော့မယ်။ ဒါဟာ အရေးပေါ်ပဲ။ အခုကစလုပ်ရမယ်။ ကျွန်တော်တို့အခန်းတွင်းသုံးဖို့ ရေတွေရှိဖို့လိုတယ်။ ကျွန်တော်တို့သောက်ဖို့၊ကျန်းမာရေးနှင့် ဘေးအန္တရာယ်ကင်းရှင်းဖို့အတွက်တွေဖြစ်တယ်။ ဒါဟာ အကြပ်အတည်းတစ်ခုပါ။ မကြုံစဖူးလည်းဖြစ်တယ်။ အခုစလုပ်ကြရမယ်” လို့ တောင်ပိုင်းကာလီဖိုနီးယားခရိုင်ရဲ့ မြို့ပြရေ အထွေထွေမန်နေဂျာ အက်ဒဲလ် ဟက်ဂီခါလီကပြောပါတယ်။

တောင်ပိုင်းကာလီဖိုနီးယားရေအရာရှိတွေက ဒေသခ့တွေကို သူတို့ရဲ့ အပြင်ပိုင်းရေအသုံးပြုမှုတွေကို ကန့်သတ်ခိုင်းထား ပါတယ်။ ရေစုစုပေါင်းသုံးစွဲမှုရဲ့ ၃၅ ရာခိုင်နှုန်းကို လျှော့ချပစ်ဖို့ရည်ရွယ်လုပ်ဆောင်တာပါ။

စိမ်းလန်းမြက်ခင်းတွေနှင့်ဥယျဉ်တွေ၊ဟင်းရွက်စိုက်ခင်းတွေကို ရေဖြန်းကြတာဟာ အတိတ်တုန်းက တောင်ပိုင်းကာလီဖိုနီးယားမှာ မြင်တွေ့နေကျဖြစ်ပေမယ့် အခုအဲဒါတွေကို မကြုံစဖူးကန့်သတ်တော့မှာပါ။ အဲဒီထဲမှာ ခြံထဲမှာ ရေပန်းတွေအသုံးပြုတာကို တစ်ပတ်တစ်ခါသာ ခွင့်ပြုမှာလည်းပါဝင်ပါတယ်။

သစ်ပင်တွေနှင့်အပင်တွေကို လက်နှင့်ရေဖြန်းကြဖို့ ဒေသခံတွေကို တိုက်တွန်းထားပါတယ်။ ဒါဟာ အခန်းတွင်းသုံးရေကို ထိန်းသိမ်းထားဖို့ နည်းလမ်းတစ်ခုလည်းဖြစ်ပါတယ်။

“ဘုံပိုင်ခေါင်းတွေရေယိုနေရင် အခုပြင်ထားလိုက်ပါ။ ရေယိုနေတဲ့ အိမ်သာတွေရှိရင် အခုပြင်ပါ။ အဝတ်အစားတွေလျှော်ဖွတ်ရင် ဂျင်းနှင့်တီရှပ်တွေ မထည့်ပါနှင့်။ အားအပြည့်ဖြည့်ပြီးတဲ့အထိစောင့်ပြီးမှလုပ်ပါ” လို့ ဟက်ဂီခါလီက ပြောပါတယ်။

ကာလီဖိုနီးယားကို တတိယမြောက် သောက်ရေဖြန့်ဝေနေတဲ့ ဆီယာနာဗါဒါနှင်းလှောင်ကန်ဟာ (၇)နှစ်အတွင်း အနိမ့်ဆုံး အဆင့်ရောက်ရှိနေပြီးနောက် ယခုလိုကန့်သတ်မှုထုတ်ပြန်ခဲ့တာပါ။

လက်ရှိမှာ ကိုလိုရာဒိုမြစ်အပါအဝင် အမေရိကန်အနောက်ပိုင်းက အကြီးဆုံးရေလှောင်ကန်နှစ်ခုဟာ စိုးရိမ်ရေမှတ်အဆင့် အောက်ရောက်ရှိနေပါတယ်။

“ဒါပေါ့။ ကိုလိုရာဒိုမြစ်ဟာ ပထမဆုံးမလုံလောက်မှုကြောင့် ဒီနှစ်က ပိုရှုပ်ထွေးသွားတယ်။ ပြည်နယ်ရေစီမံကိန်းဟာ ဘယ်သူ့ကိုမဆို ဘယ်လိုရေမျိုးပဲဖြစ်ဖြစ် များများပေးနိုင်မယ့်အခြေအနေမရှိဘူး။ဒါဟာ အလုံးစုံကြိုမြင်နေရာတာတွေ လို့ ထင်မိတယ်” လို့ တောင်ပိုင်းကာလီဖိုနီးယားတက္ကသိုလ်ရဲ့ ပတ်ဝန်းကျင်ဆိုင်ရာဥပဒေပါမောက္ခ ရော်ဘင်ကန်ဒစ်ကရေ့ချ်က ပြောပါတယ်။

အခုလိုကန့်သတ်တာအဆင်မပြေသေးရင် ဒီနှစ်ကုန်ပိုင်းမှာ နောက်ထပ်ကန့်သတ်မှုတွေထပ်လုပ်ရဦးမယ်လို့ ရေအရာရှိတွေက ပြောပါတယ်။

Source CCTV

#Health_Mystery
Published 07 May 2022

နယူးဂျာစီမြို့ရှိ ကျောင်းတစ်ကျောင်းတည်းကဆင်းခဲ့ကြတဲ့ လူတွေထဲကအယောက် ၁၀၀ ကျော်လောက်ဟာ ရှားပါးတဲ့ဦးနှောက်အကျိတ်လက္ခဏာမျိုး ခံစားနေရပါတယ်။

#Yangon_Media_Group

#LocalNews
Published_7 May 2022

နစက ဥက္ကဌ ဖိတ်ခေါ်ထားတဲ့ငြိမ်းချမ်းရေးတွေ့ဆုံပွဲကို NCA လက်မှတ်ထိုးထားတဲ့ အဖွဲ့တွေထဲက လတ်တလောအနေနဲ့ ၅ ဖွဲ့ က တက်ရောက်ဖို့ ရှိနေပါတယ်။

#Yangon_Media_Group

#HealthMatter
Published - 7 May 2022

၁။ အခုမြန်မာနိုင်ငံအပါအဝင် ကမ္ဘာ့နိုင်ငံတော်တော်များများမှာ ကိုဗစ်-၁၉ ကူးစက်မှုလျော့ပါးသက်သာလာလို့ နိုင်ငံတွေရဲ့ တံခါးတွေဖွင့်လိုက်ပြီး ခရီးသွားလုပ်ငန်းတွေပြန်စနေကြပါတယ်။ ဒီလိုလုပ်ဆောင်မှုဟာ အချိန်တန်ပြီလား??

၂။ တစ်ဖက်မှာလည်း တံခါးတွေပိတ်ထားရလို့ စီးပွားတွေက ပျက်လုနီးဖြစ်နေကြတော့ စီးပွားရေးနှင့်ကျန်းမာရေး ချိန်ဆလုပ်နေကြရတဲ့အပေါ် ဘယ်လိုမြင်ပါသလဲ??

၃။ ကိုဗစ်နှင့်အတူ ယှဉ်တွဲနေဖို့ ခရီးသွားလုပ်ငန်းတွေကိုဖွင့်လိုက်တော့ “ငြိမ်းချမ်းစွာအတူနေနိုင်ဖို” “အတူနေရင်းကိုဗစ် အနိုင်ကျင့်တာပြန်မခံရဖို့” ဘယ်လိုအစီအမံတွေရှိသင့်သလဲ?? ဆိုတာတွေကို ဆရာကြီးဒေါက်တာခင်မောင်လွင်က ပြောဆိုဆွေးနွေးထားပါတယ်။

#Yangon_Media_Group

#LocalNews
Published_7 May 2022

စက်ရုံအလုပ်ရုံတွေများလာတာ၊ စက်မှုဇုန်တွေများလာကြောင့် ဓာတုဗေဒပစ္စည်းတွေ ပေါက်ကွဲမီးလောင်တဲ့ ဖြစ်စဉ်တွေ ရှိလာတဲ့အတွက် အဲဒီလို မီးလောင်မှုတွေမှာ မီးသတ်လုပ်ငန်းက စနစ် တကျ လုပ်ကိုင်နိုင်ဖို့ ပြည်ပနိုင်ငံတွေက သင်တန်းတွေကို မြန်မာနိုင်ငံ မီးသတ်ရဲဘော်တွေ သင်တန်းတက်ထားကြတယ်လို့ သိရပါတယ်။

#Yangon_Media_Group