#LocalNews
Published_16 June 2022

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်ရှိ ဧရာဝတီဘဏ်ခွဲတစ်ခုကို မီနီဘတ်စ်တစ်စီး ဝင်တိုက်မိ၍ ညစောင့်ဝန်ထမ်းတစ်ဦး ဒဏ်ရာရသွားကြောင်း တွဲလက်ကူမယ် 'ဌ'လူငယ် ပရဟိတအဖွဲ့က သိရသည်။

"ဘဏ်ညစောင့် ဝန်ထမ်း အသက်၄၂နှစ်အရွယ်လောက်ရှိတဲ့ အမျိုးသားပါ။ ဦးခေါင်းမှာ ၇ ချက် ချုပ်ရပါတယ်။ ပြီးတော့ ကျောရိုးထိခိုက်တာတွေကို ဓါတ်မှန်ရိုက်ပေးတယ်။ အဲဒီမီနီဘတ်စ်က အရှိန်လွန်ပြီး ဝင်တိုက်မိတာပါ။ ဘဏ်ရှေ့မှာ ဂပ်ထားတဲ့ ကားနှစ်စီးလည်း ထိသွားသေးတယ်"ဟု တွဲလက်ကူမယ် 'ဌ'လူငယ် ပရဟိတအဖွဲ့၏ တာဝန်ရှိသူက ပြောသည်။

ဇွန်လ ၁၆ ရက် နံနက်တစ်နာရီ မထိုးမီက ၁၂ နာရီကျော်က မြောက်ဥက္ကလာပမြို့နယ်၊ သီရိရတနာဝင်းရှေ့ရှိ ဧရာဝတီဘဏ်ကို အဆိုပါ မီနီဘတ်စ် အဝါရောင်ဝင်တိုက်မိသည့်အတွက် ဘဏ်ရှေ့ကားနှစ်စီးနှင့် ဘဏ်တံခါးများ ပျက်စီးခဲ့ပြီး အတွင်း၌ရှိနေသော ညစောင့်ဝန်ထမ်းနှစ်ဦးအနက်တစ်ဦးမှာ သံတံခါးဖြင့် ရိုက်မိကာ ဦးခေါင်းနှင့် ကျောရိုးထိခိုက်ဒဏ်ရာများရရှိခဲ့၍ မေဓာဝီဆေးရုံသို့ ပို့ဆောင်ပေးခဲ့ကြောင်း သိရသည်။

ယင်း မီနီဘတ်စ်ယာဉ်မှာ အောင်မင်္ဂလာအဝေးပြေးဘက်သို့ ထွက်ပြေးတိမ်းရှောင်သွားကြောင်းလည်း သိရသည်။

ymg/mt
#Yangon_Media_Group

#Local_News
Published_ 16 June 2022

ယူရီးယားမြေဩဇာ ၇၅၀၀၀ တန်ခန့်ကို သက်သာသော ဈေးနှုန်းဖြင့် ဖြန့်ဖြူးရောင်းချပေးသွားလျက်ရှိပြီး ဇွန် ၁၁ ရက်မှစတင်၍ တိုင်းဒေသကြီးနှင့် ပြည်နယ် ၁၁ ခုရှိ မြို့နယ် ၁၃၆ မြို့နယ်မှ အရောင်းဆိုင် ၂၉၁ ဆိုင်တွင် ကြိုက်ရောင်း/ ကြိုက်ဝယ်စနစ်ဖြင့် လက်ငင်းငွေချေ ဖြန့်ဖြူးရောင်းချ ပေးလျက်ရှိကြောင်း သိရပါတယ်။

အဆိုပါဓာတ်မြေဩဇာများကို ဗဟိုဘဏ်မှ ရည်ညွှန်းငွေလဲနှုန်းဖြင့် တိုက်ရိုက်ရောင်းချပေးသည့် နိုင်ငံခြားငွေဖြင့် ပထမအကြိမ် တင်သွင်းခဲ့တာ ဖြစ်ပါတယ်။

ယူရီးယားမြေဩဇာ ဝယ်ယူဖြန့်ဖြူး ရောင်းချရေးဦးဆောင်ကော်မတီအနေဖြင့် တောင်သူ လယ်သမားများ စိုက်ပျိုးရေးလုပ်ငန်းခွင်တွင်အသုံးပြုရန် အရည်အသွေးနှင့် စံချိန်စံညွှန်းပြည့်မီတဲ့ ယူရီးယားမြေဩဇာများ ပြင်ပပေါက်ဈေးထက် ဈေးနှုန်းသက်သာစွာဖြင့် ဖြန့်ဖြူးရောင်းချနိုင်ရေး စီစဉ်ဆောင်ရွက်လျက် ရှိတယ်လို့ဆိုပါတယ်။

တောင်သူများအနေဖြင့် ယူရီးယားမြေဩဇာများကို သက်ဆိုင်ရာ ကျေးရွာအုပ်စု လယ်ယာမြေစီမံခန့်ခွဲမှုအဖွဲ့ထံမှ ဝယ်ယူခွင့်လက်မှတ်များရယူ၍ မြို့နယ်များရှိ သက်ဆိုင်ရာ အရောင်းဆိုင်များ၌ ထုတ်ပြန်ထားသော ရည်ညွှန်းဈေးနှုန်းများအတိုင်း ဝယ်ယူရရှိနိုင်မှာ ဖြစ်ပါတယ်။

တောင်သူများအနေဖြင့် ယူရီးယားမြေဩဇာများကို မြို့နယ်အလိုက် သတ်မှတ်ဖြန့်ဖြူးရောင်းချသည့် အရောင်းဆိုင်များ၌ သတ်မှတ်ဈေးနှုန်းအတိုင်း ဝယ်ယူရရှိမှု မရှိခြင်း၊ သတ်မှတ်စည်းကမ်းများနှင့်ကိုက်ညီပြီး ဝယ်ယူရန် အခက်အခဲရှိခဲ့ပါက သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ဖုန်း- ၀၆၇-၄၁၀၀၃၅၊ သမဝါယမဦးစီးဌာန ဖုန်း-၀၆၇-၄၁၀၀၄၀၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ဖုန်း-၀၆၇-၄၁၈၆၂၁ နှင့် တိုင်းဒေသကြီး/ပြည်နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနရုံးများနှင့် မြို့နယ် ဖြန့်ဖြူးရောင်းချရေး ကော်မတီများသို့ ဆက်သွယ်နိုင်တယ်လို့ သိရပါတယ်။

ymg-mnn
#Yangon_Media_Group

#WorldHealth
Published 16 June 2022

အမျိုးသားနဲ့အမျိုးသမီးမှာ ဘယ်သူကပိုပြီးခေါင်းအေးအေးထားတတ်လဲဆိုတာနဲ့ ပတ်သက်ပြီး အငြင်းပွားမှုများရှိနေခဲ့ရာ လေ့လာမှုတစ်ခုမှာတော့ အမျိုးသမီးတွေဟာ အမျိုးသားတွေထက် ဦးနှောက်အပူချိန်ပိုများပြီး အများဆုံး ၄၀ ဒီဂရီဆဲလ်စီးယပ်စ်လောက်အထိရှိတတ်ကြောင်း ဖော်ပြထားပါတယ်။

ကိမ်းဘရစ်ချ်မှ MRC မော်လီကျူလာဇီဝဗေဒဓာတ်ခွဲခန်းကသုတေသီတွေဟာ အမျိုးသမီးတွေရဲ့ဦးနှောက်က အမျိုးသားများထက် ၀.၄ ဒီဂရီလောက် အပူချိန်ပိုများကြောင်းတွေ့ရှိခဲ့ကြပါတယ်။

ဒီလိုကွာခြားရတဲ့ အကြောင်းအရင်းက အမျိုးသမီးများရဲ့ဓမ္မတာစက်ဝန်းကြောင့် အများဆုံးဖြစ်နိုင်ချေရှိပါတယ်။

မမျိုးဥကြွေပြီးချိန်ကာလမှာ စမ်းသပ်တိုင်းတာခဲ့တဲ့ အမျိုးသမီးအများစုက မမျိုးဥမကြွေခင်တိုင်းတာခဲ့တဲ့အမျိုးသမီးများထက် ဦးနှောက်အပူချိန် ၀.၄ ဒီဂရီပိုများနေခဲ့တာဖြစ်ပါတယ်။

အီဒင်ဘာ့ဂ်မှ တော်ဝင်ဆေးခန်းမှာ အသက် ၂၀ မှ ၄၀ ကြားရှိ စမ်းသပ်ခံမယ့်သူ ၄၀ ဦးကို မနက်ခင်း၊ နေ့လယ်ခင်း၊ ညနေခင်းတို့မှာ တိုင်းတာခဲ့ကြပါတယ်။

အရင်အချိန်ကထက် အပူချိန်များလာခြင်းဖြင့် ၃၈.၅ ဒီဂရီများလာမယ်လို့ မျှော်မှန်းထားပြီး ပါးစပ်အပူချိန်ကတော့ ၃၇ ဒီဂရီအောက်ရှိနေတတ်ပါတယ်။

ဦးနှောက်က သာမန်အားဖြင့် ညဘက်မှာအေးမြပြီး နေ့ဘက်မှာပူနွေးနေတတ်ကာ ဦးနှောက်ကပိုမိုနက်ရှိင်းတဲ့ အတွင်းပိုင်းနေရာတွေက ၄၀ ဒီဂရီကျော်တတ်ပြီး အမြင့်ဆုံးဦးနှောက်အပူချိန်ကတော့ ၄၀.၉ ဒီဂရီရှိခဲ့ပါတယ်။

ဒီလိုမြင့်မားတဲ့အပူချိန်က ခန္ဓာကိုယ်မှာဖြစ်တယ်ဆိုရင်တော့ ကိုယ်ပူနေတယ်လိုဆိုနိုင်ပေမယ့် ဦးနှောက်အနေနဲ့ကတော့ ကျန်းမာတယ်လို့ဆိုရမှာဖြစ်ကြောင်း သုတေသီတွေကဆိုပါတယ်။

အသက် ၂၀ ကျော်လာတဲ့အချိန်မှာ အပူချိန်ပူများလာတတ်ပြီး ပိုမိုနက်ရှိင်းတဲ့ဦးနှောက်အတွင်းပိုင်းနေရာတွေမှာ ၀.၆ ဒီဂရီလောက်ပိုများလာကြပါတယ်။

အသက်ကြီးလာတာနဲ့အမျှ ဦးနှောက်ရဲ့အပူချိန်ကိုလျော့ကျစေတဲ့စွမ်းရည် ပျက်စီးလာတတ်ပါတယ်။

ကျန်းမာတဲ့ဦးနှောက်ရဲ့အပူချိန်က ခန္ဓာကိုယ်က ကိုယ်ပူတဲ့အပူချိန်လောက်အထိ များလာတတ်တာဟာ အံ့ဩဖွယ်ရာဖြစ်ကြောင်း ကိမ်းဘရစ်ချ်တက္ကသိုလ်မှ ဦးဆောင်သုတေသီဒေါက်တာ'ဂျွန်အိုနေးလ်'က ပြောပြပါတယ်။

"အရင်တုန်းကတော့ ဦးနှောက်ဒဏ်ရာရသူတွေမှာ အပူချိန်မြင့်တာမျိုးတွေ့ရပါတယ်၊ ဒီလိုအပူချိန်အပြောင်းအလဲဖြစ်ခြင်းက ဦးနှောက်ရေရှည်ကျန်းမာရေးနဲ့သက်ဆိုင်နေပြီး နောက်ထပ်လေ့လာသွားနိုင်ဖိုမျှော်လင့်ပါတယ်" လို့ ပြောပြသွားပါတယ်။

Source: DailyMail
#Yangon_Media_Group

#LocalNews
Published - 15 June 2022

ရန်ကုန်အခြေစိုက်အဝေးပြေးကားဂိတ်များ သုံးရက်ပိတ်သည်ဟု သတင်းများထွက်ပေါ်နေသည်မှာ ကောလဟလသာဖြစ်ကြောင်း တော်ဝင်အဆင့်မြင့်ခရီးသည်တင်ယာဥ်လိုင်းမှ သိရသည်။

" အဝေးပြေးကားဂိတ်တွေပိတ်တယ်ဆိုတာ မဟုတ်ပါဘူး။ ကောလဟလတွေပါ။ ကျွန်တော်တို့လည်း အဲ့သတင်းတွေကြားနေရတယ် သုံးရက်ပိတ်တယ်ဆိုပြီး။ အမှားတွေပါ"ဟု တော်ဝင်အဆင့်မြင့် ခရီးသည်တင်ယာဥ်လိုင်းမှ တာဝန်ရှိသူတစ်ဦးက ပြောသည်။

ယမန်နေ့ညပိုင်းတွင် ဇွန်လ ၁၆ ရက်မှ ၁၈ရက်အထိ အဝေးပြေးကားဂိတ်များပိတ်သည်ဟု လူမှုကွန်ရက်တွင် သတင်းများပျံ့နေကြောင်း သိရသည်။

"အဝေးပြေးကားဂိတ်တွေ ပိတ်တယ်ဆိုတာမဟုတ်ပါဘူး။ အဲဒီဘက်ကို ခရီးသည်သွားပို့ရမှာဆိုတော့ အစ်ကိုလည်းသေချာအောင် မေးကြည့်ထားတယ်။ မဟုတ်ဘူးဆိုပြီးပြောတယ်။ နောက်နေ့အတွက် လက်မှတ်ကြိုဝယ်သူတွေတောင်ရှိတယ်"ဟု အငှားယာဥ်မောင်း ကိုအောင်ကျော်ဦးက ပြောသည်။

ရန်ကုန်တိုင်းဒေသကြီးအခြေပြု အောင်မင်္ဂလာအဝေးပြေးဝင်းနှင့် ဒဂုံဧရာအဝေးပြေးဝင်းတို့မှ မြန်မာတစ်နိုင်ငံလုံးသို့ ယာဥ်လိုင်းပေါင်း ၃၈၇ လိုင်း ယာဥ်အစီးရေ ၃၇၀၀ ကျော်ဖြင့် နေ့စဥ်ခရီးသည် ၂ သောင်းနီးပါးကို ပို့ဆောင်ပေးနေကြောင်း သိရသည်။

ymg/sth
#Yangon_Media_Group

#LocalNews
Published - 16 June 2022

လန်ချန်း-မဲခေါင်ပူးပေါင်းဆောင်ရွက်မှုအဖြစ် မြန်မာနိုင်ငံသစ်သီးဝလံလက်ရှိအခြေအနေဆွေးနွေးပွဲကျင်းပပြီးစီး၍ မြန်မာနိုင်ငံတွင် အစားအသောက်တီထွင်ဆန်းသစ်မှုစင်တာ ကူညီတည်ဆောက်ပေးကာ တရုတ်နိုင်ငံစက်ပစ္စည်းများဖြင့် သရက်သီး၊ နဂါးမောက်သီးစသည့် သတ်မှတ်ထားသောသစ်သီးများ အခြောက်ခံမှုဖြစ်စဉ်သုတေသနလုပ်ဆောင်ခြင်းတို့ ဆောင်ရွက်ခဲ့ပြီး သစ်သီးဝလံ အချောထည်ပြုပြင်ထုတ်လုပ်ရေးဌာနဝန်ထမ်းများအား နည်းပညာဆိုင်ရာလေ့ကျင့်မှုဆောင်ရွက်ခဲ့ကြောင်း မြန်မာနိုင်ငံဆိုင်ရာတရုတ်သံရုံးကထုတ်ပြန်လိုက်သည်၊၊

လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ၏ပံ့ပိုးမှုဖြင့် လန်ချန်း-မဲခေါင်ဒေသ သစ်သီးဝလံအချောထည်ပြုပြင်ကာ စီးပွားရေးဖွံ့ဖြိုးတိုးတက်မှုမြှင့်တင်ရေး သုတေသနစီမံကိန်းအား ၂၀၂၀ ပြည့်နှစ်မှစ၍ ဖော်ဆောင်ခဲ့ခြင်းဖြစ်သည်၊၊

တရုတ်နိုင်ငံက အဆိုပါစီမံကိန်းမှတစ်ဆင့် မြန်မာနိုင်ငံသို့ အစားအသောက်ဆန်းသစ်တီထွင်မှုနည်းပညာ မျှဝေပေးခြင်းသည် မြန်မာနိုင်ငံ လယ်ယာထွက်ကုန်များတန်ဖိုးမြှင့်ရေးအတွက် အထောက်အကူပြု၍ အသေးစားနှင့်အလတ်စားလုပ်ငန်းများ ဝင်ငွေတိုးများလာစေကာ သစ်သီးစိုက်တောင်သူများအတွက် လက်တွေ့ကျအကျိုးစီးပွားသယ်ဆောင်လာပေးပြီး မြန်မာနိုင်ငံစီးပွားရေး ဖွံ့ဖြိုးတိုးတက်မှုအား မြှင့်တင်ပေးကြောင်းသံရုံး၏ထုတ်ပြန်ချက်တွင် ဖော်ပြပါရှိသည်၊၊

ymg/tthl
#Yangon_Media_Group

#Health_Society
Published 16 June 2022

ကနေဒါကမ္ဘာကျော်အဆိုတော်'ဂျက်စတင်ဘီဘာ'ဟာ ကြောက်စရာကောင်းတဲ့ ရောဂါလက္ခဏာတစ်ခုခံစားနေရတာကြောင့် သူ့ရဲ့ဖျော်ဖြေရေးခရီးစဉ်များဖျက်သိမ်းလိုက်ရကြောင်း အင်စတာဂရမ်ကနေ အသိပေးခဲ့ပါတယ်။

ရောဂါစစ်ဆေးရာမှာ Ramsay Hunt Syndrome ရှိနေကြောင်းတွေ့ရှိခဲ့ပြီး သူ့ရဲ့နားရွက်နဲ့မျက်နှာကြွက်သားနေရာတွေမှာ ထိခိုက်ခံစားနေရတာဖြစ်ပါတယ်။

Ramsay Hunt Syndrome ဆိုတာက အရင်တုန်းက ရေကျောက်ရောဂါဖြစ်ဖူးတဲ့သူတွေမှာ ဖြစ်ပေါ်တတ်ပါတယ်။

ရေကျောက်ရောဂါဖြစ်တုန်းက ဗိုင်းရပ်စ်က ခန္ဓာကိုယ်ထဲမှာကျန်ခဲ့ပြီး အချိန်ကြာလာတဲ့အခါမှာ တဖန်ပြန်ပြီး ရောဂါလက္ခဏာတွေ ပေါ်ပေါက်စေပါတယ်။

The Mayo Clinic ရဲ့ပြောကြားချက်အရ အဓိကအားဖြင့်လက္ခဏာ ၂ ရပ်ဖြစ်ပေါ်နိုင်ပြီး နားတစ်ဖက်တဝိုက်မှာ နာကျင်ရတဲ့အဖုလေးတွေထွက်ပေါ်တတ်ခြင်းနဲ့ ရောဂါပိုးကူးစက်တဲ့နားရွက်ဘက်က မျက်နှာတစ်ခြမ်းမှာ ကြွက်သားတွေအားနည်းသွားခြင်းတို့ ဖြစ်ပါတယ်။

'ဂျက်စတင်'ကတော့ မျက်နှာလေ့ကျင့်ခန်းတွေပြုလုပ်နေပြီး မကြာခင်ပုံမှန်ပြန်ဖြစ်လာနိုင်တယ်လို့ ဆိုပါတယ်။

Ramsay Hunt Syndrome ဟာ အသက် ၆၀ အောက်လူတွေမှာ အလွန်အဖြစ်နည်းပါးပါတယ်။

ဗိုင်းရပ်စ်ကူးစက်ထားတဲ့လူက ရေကျောက်မဖြစ်ဖူးတဲ့သူနဲ့ ကာကွယ်ဆေးထိုးထားတဲ့သူ အနီးနားမှာ မရှိဘူးဆိုရင် မကူးစက်နိုင်ပါဘူး။

ဒါကြောင့် ရောဂါကူးစက်ထားသူအနေနဲ့ ကလေးငယ်များ၊ ကိုယ်ဝန်သည်များ၊ ကိုယ်ခံအားချို့တဲ့သူများအနီးမှာ မနေထိုင်သင့်ကြောင်း အကြံပြုထားပါတယ်။

ရောဂါကူးစက်ကြောင်းစောစောသိရရင် Ramsay Hunt Syndrome ရောဂါလက္ခဏာခံစားရခြင်းကနေ သက်သာနိုင်ချေများပါတယ်။

ဒီရောဂါကိုကုသဖိုအတွက် ဗိုင်းရပ်စ်ပိုးသတ်ဆေးတွေနဲ့ ကော်တီကိုစတီးရွိက်တွေ သုံးစွဲရတတ်ပါတယ်။

'ဂျက်စတင်ဘီဘာ'ဟာ ၂၀၁၉ ခုနှစ်တုန်းက စိတ်ဓာတ်ကျခြင်းနဲ့ စိတ်ရောဂါအခြေအနေများခံစားခဲ့ရကြောင်း ဖွင့်ဟပြောဆိုခဲ့ဖူးပါတယ်။

၂၀၂၀ တုန်းကလည်း နာတာရှည် Lyme ရောဂါနဲ့ Epstein-Barr ဗိုင်းရပ်စ်ကူးစက်မှုကိုလည်း ခံစားခဲ့ရပါတယ်။

၂၀၂၂ ဖေဖော်ဝါရီလတုန်းက 'ဂျက်စတင်'နဲ့ သူ့ဇနီးဖြစ်သူ'ဟေလေ'တို့ဟာ ကိုဗစ်ရောဂါကူးစက်ခံခဲ့ရပြီး ဖျော်ဖြေရေးခရီးစဉ်ကိုရပ်နားခဲ့ရပါသေးတယ်။

Source: The Sun
#Yangon_Media_Group

#WorldWildlife
Published 15 June 2022

ဒုစရိုက်ဂိုဏ်းချုပ်ကြီး'ဟွာကင်းအယ်လ်ချာပိုဂုဇ်မန်း'ဟာ အာဏာပါဝါကျဆင်းပြီး အမေရိကန်မှာအကျဉ်းကျခံနေရပေမယ့် ဇီဝမျိုးနွယ်ကွဲသတ္တဝါများစွာရှိတဲ့ မက္ကဆီကိုနိုင်ငံဟာ ရေမြေခြားတိရိစ္ဆာန် ကုန်ကူးရောင်းချခြင်းတွေ ဆက်လက်ပြုလုပ်နေဆဲဖြစ်ပြီး ချမ်းသာတဲ့မိသားစုတွေ၊ ကုန်သည်တွေ၊ ဆေးခြောက်ရောင်းဝယ်သူတွေကပါ ဝယ်ယူနေကြပါတယ်။

#Yangon_Media_Group

Published 15 June 2022

ရေတွင်းကျဉ်းကျဉ်းကလေးထဲ လေးရက်ကြာပိတ်မိနေတဲ့ ဆွံ့အနားမကြား မသန်စွမ်းဖြစ်နေတဲ့ ၁၀နှစ်အရွယ် ယောကျ်ားလေးတစ်ဦးကို အိန္ဒိယ အရေးပေါ်ကယ်ဆယ်ရေးလုပ်သားတွေက အင်္ဂါနေ့က ကယ်တင်လိုက်နိုင်ပြီဖြစ်တယ်လို့ အစိုးရကပြောပါတယ်။

ရုပ်သံကြည့်ရှုရန်..

Source AFP

Published 15 June 2022

တောင်ကိုးရီးယားရဲ့ ကမ္ဘာကျော် K-pop အဖွဲ့ဖြစ်တဲ့ BTS က တစ်ဦးချင်းစီရဲ့ ပရောဂျက်တွေကို အာရုံစိုက်လုပ်ကိုင်တော့မှာမို့ အဖွဲ့လိုက်ဖျော်ဖြေပွဲတွေကို ရပ်နားထားမယ်လို့ အဖွဲ့အဆိုတော်တွေက အင်္ဂါနေ့က ပြောပါတယ်။

အဖွဲ့တည်ထောင်ခြင်းအထိမ်းအမှတ် FESTA နှစ်ပတ်လည် ညစာစားပွဲမှာ အဖွဲ့သားတစ်ဦးဖြစ်တဲ့ RM က သူ့အနေနှင့် BTS အတွက် ပုံမှန်အသံသွင်းရတာ ဖျော်ဖြေတင်ဆက်တာတွေမပါဘဲနှင့် တစ်ဦးတည်းသီဆိုမှုတွေလုပ်ဆောင်ဖို့ လိုအပ်လာပြီလို့ ခံစားလာရတယ်လို့ ပြောခဲ့ပါတယ်။

“ ကေပေါ့နှင့် idol စနစ်ကြီးတစ်ခုလုံးရဲ့  ပြဿနာက ခင်ဗျားတို့ကို ရင့်ကျက်လာအောင် အချိန်မပေးနိုင်ဘူး။ သီချင်းတွေ ဆက်ထုတ်လုပ်၊တစ်ခုခုအမြဲတမ်းလုပ်ခိုင်းနေတော့တာပဲ” လို့ RM ကပြောပါတယ်။ သူက အခြားအဖွဲ့သားခြောက်ဦးနှင့်အတူ စားပွဲတစ်ခုထဲထိုင်နေပြီး ကိုရီးယားလိုပြောတာဖြစ်ပါတယ်။

အဲဒီလိုရပ်နားတာကို အဖွဲ့သားတစ်ဦးက ကြားပြတ်သွားတဲ့သဘော ပြောတယ်လို့ အင်္ဂလိပ်ဘာသာသို့ပြန်ဆိုမှုအရ နားလည် ရပါတယ်။ ဒီစကားလုံးနှင့်ပတ်သက်ပြီး  အငြင်းပွားခဲ့ကြတာကို သတင်းထုတ်ပြန်ချက်အရသိရပါတယ်။

“ ရှင်းလင်းအောင်ပြောရရင် ဒါဟာ ကြားအဆက်ပြတ်တဲ့သဘောမဟုတ်ပါဘူး။ ဒါပေမယ့် တစ်ကိုယ်တော်အစီအစဉ်အချို့ လုပ်စရာရှိလို့ အချိန်ယူကြမယ် ပြီးတော့ မတူတဲ့ ပုံစံအမျိုးမျိုးနှင့် ဆက်လှုပ်ရှားနေကြဦးမှာပါ” လို့ သတင်းထုတ်ပြန်ချက်က ဆိုပါတယ်။

BTS ဟာ ၂၀၁၃ခုနှစ်မှာ ပွဲဦးထွက်ဖျော်ဖြေခဲ့ပြီးနာက် တစ်ကမ္ဘာလုံးရဲ့ နှစ်ချိုက်အားပေးမှုကိုရရှိခဲ့ကြပါတယ်။ သောကြာနေ့က သူတို့ဟာ "Proof” ဆိုတဲ့ အယ်ဘမ်အသစ်ထွက်ခဲ့ပါသေးတယ်။

မနှစ်က သူတို့ဟာ အမေရိကန်တေးဂီတဆုပေးပွဲမှာ အာရှဂီတအဖွဲ့အနေနှင့် ပထမဆုံးဆုရခဲ့ပါတယ်။ ပြီးတော့ မေလကလည်း သူတို့ဟာ အမေရိကန်သမ္မတ ဂျိုးဘိုင်ဒင်နှင့် တွေ့ခဲ့ပြီး အာရှသားတွေကို ပစ်မှတ်ထားနေတဲ့ အမုန်းတရားမှုခင်းတွေကိစ္စဆွေးနွေးခဲ့ကြပါတယ်။

Source Reuters

#LocalNews
Published - 15 June 2022

မကွေးတိုင်းဒေသကြီး၊ ပခုက္ကူမြို့နယ်၊ တန့်ကြည်တောင်မှာတည်ထားတဲ့ တန့်ကြည်တောင်စေတီတော်ကို ဘုရားဖူးလာတဲ့ကား ပစ်ခတ်ခံရတဲ့ဖြစ်စဉ်ကြောင့် ပြည်တွင်းခရီးသွားလာမှုဟာ ကျဆင်းသွားနိုင်တယ်လို့ မြန်မာနိုင်ငံခရီးသွားလုပ်ငန်းရှင်များအသင်းကနေ သိရပါတယ်။

#Yangon_Media_Group

#LocalNews
Published - 15 June 2022

ဂျပန်နိုင်ငံရှိ မိတ်ဖက်ကုမ္ပဏီများနှင့် သီလဝါအကွက်-၂၈ တွင်ဆောင်ရွက်ရန်ရှိသည့် LNG to Power စီမံကိန်း၊ စင်္ကာပူနှင့် တရုတ်နိုင်ငံတိုမှ မိတ်ဖက်အဖွဲ့အစည်းများနဲ့ ဆောင်ရွက်နေသည့် လှည်းကူးစီမံကိန်းတို့အပြင် အခြားစီမံကိန်းများကို လက်ရှိအခြေအနေများကြောင့် လက်တလောတွင် ခေတ္တရပ်ဆိုင်းထားရကြောင်း မြန်မာနိုင်ငံလယ်ယာစီးပွားရေး အများပိုင်ကုမ္ပဏီလီမိတက်(MAPCO)၏ ၂၀၂၁-၂၀၂၂ နှစ်ပတ်လည်အစီရင်ခံစာတွင် ဖော်ပြထားသည်။

MAPCO အနေဖြင့် ဆောင်ရွက်ဆဲလုပ်ငန်းများကို တက်နိုင်သမျှ ကြိုးပမ်းဆောင်ရွက်လျက်ရှိပြီး ပိုကုန်မြှင့်တင်ရေး၊ သွင်းကုန်အစားထိုးရေးမူဝါဒများနှင့် လိုက်လျောညီထွေသော အလားအလာရှိသည့် လုပ်ငန်းများကို ရွေးချယ်လုပ်ကိုင်ရန် ဦးစားပေးဆောင်ရွက်နေကြောင်း သိရသည်။

၂၀၂၀ နှစ်ဆန်းပိုင်းတွင် စတင်ခဲ့သည့် ကိုဗစ်ကပ်ရောဂါကြောင့် စီးပွားရေးနှေးကွေးကျဆင်းမှုအခြေအနေများ၊ ၂၀၂၁ ခုနှစ်တွင် ဖြစ်ပေါ်ခဲ့သည့် နိုင်ငံရေးမတည်ငြိမ်မှုများ၊ စီးပွားရေး လူမှုရေးဆိုင်ရာ အခက်အခဲများအကြားမှာ MAPCO ကို ရှင်သန်ရပ်တည်နိုင်အောင် ဆောင်ရွက်ခဲ့ရကြောင်း အစီရင်ခံစာအရ သိရသည်။

ယင်းအပြင် ဆန်နှင့် လယ်ယာထွက်ကုန်တွေကို ထုတ်ပိုးသည့် အိတ်ခွံထုတ်စက်ရုံ တည်ဆောက်ရန် စီစဉ်နေကြောင်း၊ အဆိုပါစက်ရုံကို ရန်ကုန်တိုင်းဒေသကြီး၊ တွံတေးမြို့နယ်ရှိ MAPCO ပိုင်ဆိုင်သည့် မြေနေရာပေါ်တွင် တည်ဆောက်သွားမည်ဖြစ်ပြီး စက်ရုံကို အိန္ဒိယနိုင်ငံမှ မိတ်ဖတ်ရင်းနှီးမြှုပ်နှံသူနှင့် ပူးပေါင်းဆောင်ရွက်သွားမည်ဖြစ်ကြောင်း ဒါရိုက်တာအဖွဲ့၏ အစီရင်ခံတင်ပြစာတွင် ပါရှိသည်။

ymg/sth
#Yangon_Media_Group

#LocalNews
Published_15 June 2022

ရန်ကုန်မှာရှိတဲ့ စက်မှုဇုန်တွေမှာ ည ၁၁ နာရီကနေ မနက် ၄ နာရီထိ လျှပ်စစ်မီးပေးနေတယ်လို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း (YESC) က သိရပါတယ်။

#Yangon_Media_Group