#LocalTravel
Published 24 Feb 2022

ပဲခူးတိုင်းဒေသကြီးအတွင်း သဘာဝအခြေခံခရီးသွားလုပ်ငန်းများ ၊ ဒေသအခြေပြု ခရီးသွား လုပ်ငန်း ၊ လူထုအခြေပြု ခရီးသွားလုပ်ငန်းသစ်များကို ဖော်ထုတ်သွားမည် ဖြစ်ကြောင်း ပဲခူးတိုင်းဒေသကြီး အစိုးရအဖွဲ့ က သိရသည်။

"ဟိုတယ်နှင့်ခရီးသွားလာရေးဝန်ကြီးဌာနနဲ့ ပူးပေါင်းပြီးတော့ ပြီးခဲ့တဲ့လက ပျူမြို့ဟောင်း ခရီးသွားလုပ်ငန်း မြှင့်တင်နိုင်ရေး အပျော်တမ်း စက်ဘီးစီးပွဲတော်ကို လုပ်ခဲ့တယ်။အခုသဘာဝအခြေခံ ခရီးသွားလုပ်ငန်းတွေ၊ ဒေသအခြေပြုခရီးသွား လုပ်ငန်းတွေနဲ့ လူထုအခြေပြု ခရီးသွားလုပ်ငန်းသစ်တွေကို ဖော်ထုတ်ဖို့ လုပ်နေတယ်။ ဒေသတွင်း ခရီးသွားလုပ်ငန်း ဖွံ့ ဖြိုးလာရင် ဟိုတယ်လုပ်ငန်း၊ စားသောက်ကုန်လုပ်ငန်း၊ သယ်ယူပို့ ဆောင်ရေးလုပ်ငန်း ၊ အခြားဝန်ဆောင်မှုလုပ်ငန်းတွေလည်း ကျွဲကူးရေပါဆိုသလို ဖြစ်လာမှာပေါ့ ၊ အလုပ်အကိုင်အခွင့်အလမ်းတွေလည်း ရလာမှာပဲလေ"ဟု အစိုးရအဖွဲ့ တာဝန်ရှိသူက ပြောသည်။

ပြီးခဲ့သည့် ဇန်နဝါရီလက ပဲခူးတိုင်းဒေသကြီးအတွင်း အပျော်တမ်း စက်ဘီးစီးပွဲတော်ကို အားကစားသမား ၃၅၀ ကျော်ဖြင့် ကျင်းပပေးခဲ့ခြင်း ဖြစ်သည်။

ပဲခူးတိုင်းဒေသကြီးအတွင်း ဟိုတယ်လုပ်ငန်းရှင်များ၊ ဧည့်လမ်းညွှန်များနှင့် ဟိုတယ်ဝန်ဆောင်မှုဝန်ထမ်းများ ၉၅ ရာခိုင်နှုန်းကျော်ကို ကိုဗစ်-၁၉ ရောဂါ ကာကွယ်ဆေးထိုးနှံပေးခဲ့ပြီးဖြစ်ကြောင်း၊ကိုဗစ်-၁၉ ရောဂါ ကာလအလွန် ခရီးသွားလုပ်ငန်းများ ဖွံ့ ဖြိုးတိုးတက်စေရန်အတွက် ခရီးစဉ်ဒေသများ သန့်ရှင်းသပ်ရပ်စေရေး၊ လမ်းညွှန်ဆိုင်းဘုတ်များ စနစ်တကျ တပ်ဆင်ထားနိုင်ရန်နှင့် Public Toilet များ နိုင်ငံတကာအဆင့်မီမြှင့်တင်နိုင်ရေး ကြိုတင်ပြင်ဆင်လည်း စီစဉ်နေကြကြောင်း သိရသည်။

ပဲခူးတိုင်းဒေသကြီးအတွင်း ၂၀၂၁ ခုနှစ် ဖေဖော်ဝါရီလမတိုင်မီက ဟိုတယ်၊ တည်းခိုရိပ်သာ ၇၇ ခုနှင့် အခန်း ပေါင်း ၂၂၇၂ ခန်းရှိခဲ့ရာ ယခုအခါ ဟိုတယ်၊တည်းခိုရိပ်သာ ၈၈ လုံးနှင့် အခန်းပေါင်း ၂၅၉၉ ခန်း ရှိခဲ့ပြီး ဖြစ်ကြောင်း၊ဟိုတယ်၊ တည်းခိုရိပ်သာ ၁၁ ခုနှင့် အခန်းပေါင်း ၃၂၇ ခန်းပိုလာခြင်းဖြစ်ပြီး ကျန်းမာရေးဝန်ကြီးဌာန၏ ကိုဗစ်-၁၉ ရောဂါ ကြိုတင်ကာကွယ်ရေး စည်းကမ်းချက်များနှင့်အညီ ဖွင့်လှစ်ကြရန် သက်ဆိုင်ရာမှ စစ်ဆေး ဆောင်ရွက်သွားမည်ဖြစ်ကြောင်းလည်း သိရသည်။

ymg/mt
#Yangon_Media_Group

#LocalNews

Published - 24 Feb 2022

Published 24 February 2022

ရုရှားစစ်တပ်ရဲ့ အကြောင်းမဲ့ တရားနည်းလမ်းမကျတိုက်ခိုက်မှုကို အမေရိကန်သမ္မတ ဂျိုးဘိုင်ဒင်က ရှုတ်ချလိုက်ကြောင်း ယူကရိန်းမှာ ပေါက်ကွဲမှုတွေဆက်တိုက်ဖြစ်ပြီး ထုတ်ပြန်တဲ့ သူ့ရဲ့သတင်းထုတ်ပြန်ချက်မှာဖော်ပြထားပါတယ်။

တိုက်ခိုက်မှုတွေကိုတုန့်ပြန်ဖို့ လွန်ခဲ့သော ရက်သတ္တပတ်များစွာကတည်းက ဆွေးနွေးထားခဲ့တဲ့ စံအပြည့်ဒဏ်ခတ်အရေးယူမှုတွေကို အမေရိကန်နှင့်ယင်းရဲ့မဟာမိတ်တွေက လုပ်ဖို့စီစဉ်နေတယ်လို့ ဘိုင်ဒင်အစိုးရဲရဲ့ အကြီးတန်းအရာရှိတစ်ဦးကပြောပါတယ်။

“ သမ္မတပူတင်ဟာ ကြိုတင်ကြံရွယ်ထားတဲ့ စစ်ပွဲတစ်ပွဲကို ရွေးချယ်ခဲ့တယ်။ အဲဒီစစ်ပွဲဟာ အသက်အန္တရာယ်ကပ်ဘေးကြီးနှင့် လူသားတွေထိခိုက်ခံစားရမှုတွေဖြစ်စေလိမ့်မယ်။ ဒီတိုက်ခိုက်မှုကြောင့် သေဆုံးမှုနှင့်ပျက်စီးဆုံးရှုံးမှုတွေအတွက်  ရုရှားတစ်ခုတည်းက တာဝန်ရှိလိမ့်မယ်။ အမေရိကန်ပြည်ထောင်စုနှင့် မဟာမိတ်တွေ၊မိတ်ဖက်တွေဟာ သွေးစည်းညီညွတ်ပြီး ခိုင်မာပြတ်သားတဲ့နည်းလမ်းနှင့်တုန့်ပြန်လိမ့်မယ်။ ကမ္ဘာကြီးက ရုရှားကို တာဝန်ခံခိုင်းလိမ့်မယ်” လို့ ဘိုင်ဒင်ကပြောပါတယ်။

မြို့တော်ကိဗစ်အပါအဝင် ယူကရိန်းတစ်လျောက်ပေါက်ကွဲမှုတွေဖြစ်ပွားပြီးနောက် အိမ်ဖြူတော်ရဲ့ယခုသတင်းထုတ်ပြန်ချက် ထွက်ပေါ်လာတာဖြစ်ပါတယ်။

“ရုရှားဟာ ကိဗ်မြို့တော်ကို ဒုံးကျည်နှင့်တိုက်ခိုက်ပြီး ကျူးကျော်မှုကိုစတင်လိုက်ပြီ” လို့ ယူကရိန်းပြည်ထဲရေးဝန်ကြီးရဲ့ အကြံပေးတစ်ဦးဖြစ်တဲ့ အန်တွန် ဂါရက်ချင်ကိုက သူနှင့်သတင်းထောက်တွေပါဝင်တဲ့ တရားဝင် WhatsApp အုပ်စုထဲမှာပြောထားပါတယ်။

Source CNN

#DailyNews
Published - 24 Feb 2022

(၁) မြန်မာအပါအဝင် ဒေသတွင်းရွေ့ပြောင်းလုပ်သားများခေါ်ယူရန်ထိုင်းနိုင်ငံကြိုးပမ်းနေ

(၂) အစိုးရနဲ့ ပုဂ္ဂလိကအကြား ပထမဦးဆုံး ငါးလုပ်ငန်းသုတေသနအတွက် ရန်ပုံငွေထူထောင်

(၃) နေ့စဉ်မိုးလေဝသ သတင်း

(၄) ထင်ရှားဆန်းသစ်သော ဗိသုကာဒီဇိုင်းများဖြင့်ဖန်တီးထားသည့် ဒူဘိုင်းမှ ခေတ်ရှေ့ပြေးပြတိုက်ကြီး စတင်ဖွင့်လှစ်....... အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ်။

#Yangon_Media_Group

#LocalHealth
Published -24 Feb 2022

တနင်္သာရီမြို့ အထက ကျောင်းတွင် ကျောင်းသားတစ်ဦး ကိုဗစ်-၁၉ရောဂါပိုးတွေ့ရှိတာကြောင့်ထပ်မံစစ်ဆေးရာဆရာမ(၁)ဦးနဲ့ အခြားကျောင်းသား၊ကျောင်းသူ(၅)ဦးကိုဗစ်ကူးစက်ခံထားရတာကိုတွေ့ရှိခဲ့တယ်လို့ သိရပါတယ်။

တနင်္သာရီတိုင်းဒေသကြီ တနင်္သာရီမြို့ အထကကျောင်းမှတက္ကသိုလ်ဝင်တန်း (Grade-11) ကံ့ကော်အခန်းတွင် ပညာသင်ကြား နေ သော အသက်(၁၇)နှစ်ရှိ ဆင်ခြေဖုံးကျေးရွာအုပ်စု-ဘန်းသဲကျေး ရွာနေသူမှာဖေဖော်ဝါရီလ ၂၃ရက်နေ့ကကျောင်းသို့ လာရောက်စဥ် နေမကောင်းတာကြောင့်မြို့ နယ်ပြည်သူ့ဆေးရုံတွင် ပြသကာကိုဗစ်-၁၉ ရောဂါပိုး ရှိ/မရှိ RDT Test kit ဖြင့်စစ် ဆေးခဲ့ရာ ရောဂါပိုး အတည်ပြတွေ့ရှိခဲ့တာဖြစ်တယ်လို့ မြိုနယ်ကျန်းမာရေးဦးစီးဌာနကသိရပါတယ်

ထိုသို့ရောဂါကူးစက်ခံထားရသူတွေ့ရှိခဲ့တာကြောင့် အထက-တနင်္သာရီကျောင်းရှိ (Grade-11) စာသင်ခန်း(၃)ခန်းမှ ဆရာ/မ(၈) ဦးနှင့်ကျောင်း သား/သူ(၉၇)ဦး စုစုပေါင်း(၁၀၅) ဦးတို့အားကိုဗစ်-၁၉ ရောဂါပိုး ကူးစက်ခံထားရခြင်း ရှိ/မရှိ RDT Test kit ဖြင့်ဆက်လက် စစ် ဆေး ပေးခဲ့ရာ ဆရာမ(၁)ဦးနှင့် ကျောင်းသား/သူ(၅)ဦးတို့ တွင် ရောဂါပိုးထပ်မံစစ်ဆေးတွေ့ရှိ သဖြင့် ရောဂါပိုးတွေ့ရှိသူ စုစုပေါင်းဆရာမ(၁)ဦး၊ကျောင်းသား/သူ(၆)ဦး၊ ပေါင်း(၇)ဦးဖြစ် တယ်လို့ သိရပါတယ်။

ပိုးတွေ့သူ ဆရာမနဲ့ကျောင်းသား၊ကျောင်းသူ တို့ မှာ ကာကွယ်ဆေးအကြိမ်ပြည့်ထိုးထားပြီးသူများဖြစ်ကာထူးခြားရောဂါလက္ခဏာပြသမှုမရှိခြင်းကြောင့် ကျောင်းသားတစ်ဦးအားမြို့နယ်ပြည်သူ့ဆေးရုံသီးသန့်လူနာဆောင်တွင်စောင့်ကြပ်ကြည့်ရှု ဆေးကုသပေးထားကြောင်း၊ ကျန်(၆)ဦးအား ၎င်းတို့ ၏နေအိမ်၌ Home Isolation ထားကာရှိစောင့်ကြည့်ကူသမှုခံယူစေတယ်လို့ သိရပါတယ်။ ပိုးတွေ့လူနာတွေ့ရှိခဲ့တဲ့ကျောင်းကိုဖေဖေါ် ဝါရီလ(၂၃ရက်မှ၂၇ရက်နေ့)အထိ (၅)ရက်တိတိ ယာယီ ကျောင်းပိတ်ပေးလိုက်တယ်လို့ သိရပါတယ်။

ymg/hm
#Yangon_Media_Group 

Published 24 February 2022

လေဆိပ်တွေနှင့် လေယာဉ်ပြေးလမ်းတွေမှာ ပေါက်ကွဲမှုတွေဖြစ်ပွားခဲ့ပြီးနောက် ရုရှားက တိကျသေချာတဲ့တိုက်ခိုက်မှုတွေ ဆက်တိုက်ပြုလုပ်ပြီး ယူကရိန်းရဲ့လေကြောင်းကာကွယ်ရေးနှင့်လေတပ်ကို ထုတ်ပစ်လိုက်နိုင်ခဲ့ကြောင်း ရုရှားကာကွယ်ရေးဝန်ကြီးဌာနက သတင်းထုတ်ပြန်ပါတယ်။

ရုရှားသမ္မတ ဗလက်ဒီမာပူတင်က ဒွန်ဘက်စ်မှာ အထူးစစ်ဆင်ရေးလုပ်ဖို့ အမိန့်ပေးလိုက်ပြီးတဲ့နောက် ရုရှားတပ်တွေဝင်ရောက်လာတာကို ယူကရိန်းနယ်ခြားစောင့်တပ်တွေက ခုခံခြင်းမရှိဘူးလို့လည်း အရာရှိတွေက ပြောပါတယ်။ အနည်းဆုံးယူကရိန်းစစ်လေယာဉ်တစ်စီးဆုံးရှုံးခဲ့ပြီလို့ ယူကရိန်းကာကွယ်ရေးဦးစီးချုပ်က ပြောပါတယ်။

ရုရှားဟာ ယူကရိန်းရဲ့ စစ်ရေးအဆောက်အဦတွေကို တိုက်ခိုက်ခဲ့တယ်လို့ မော်စကိုက ရှေ့ပိုင်းမှာ သတင်းထုတ်ပြန်ထားပါတယ်။

Source RT

 #LocalNews

Published-24 Feb 2022

၂၀၂၁ခုနှစ်ဖေဖော်ဝါရီလက စတင်ပြီးယနေ့အချိန်ထိတိုက်ပွဲရှောင်ရသူဦးရေ ၄၅၃,၀၀ အပါအဝင် နိုင်ငံအဝှမ်း အိုးအိမ်စွန့်ခွာထွက်ပြေးရသူဦးရေ ၈၂၃,၄၀၀ ခန့် ရှိသွားပြီဖြစ်တယ်လို့ UNHCR ကထုတ်ပြန်လိုက်ပါတယ်။

မြန်မာနိုင်ငံအရှေ့တောင်ပိုင်း၊ အထူးသဖြင့် ကယားပြည်နယ်မှာ တပ်မတော်၊ တိုင်းရင်းသားလက်နက်ကိုင်တွေနဲ့ အခြားတပ်ဖွဲ့ တွေကြားက တိုက်ပွဲတွေ ဆက်လက်ပြင်းထန်လျက်ရှိကာအဆိုပါတိုက်ပွဲတွေကြောင့် အချို့တိုက်ပွဲရှောင်တွေဟာ ဒုတိယအကြိမ် နေရပ်စွန့်ခွာထွက်ပြေးရမှုတွေ အပါအဝင် အိုးအိမ်စွန့်ခွာထွက်ပြေးမှုတွေ ရှိခဲ့တယ်လို့ဆိုပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ရဲ့ ဖေဖေါ်ဝါရီလ ၁၄ ရက် ကိန်းဂဏန်းများအရ လွိုင်ကော်မြို့နယ်က နေရပ်ပြန်သူ ၂၀၀ ခန့်ဟာ နီးစပ်ရာတောထဲသို့ ထပ်မံတိုက်ပွဲရှောင်ထွက်ပြေးခဲ့ရတယ်လို့ ထုတ်ပြန်ချက်မှာဖော်ပြထားပါတယ်။ဒါ့အပြင် တနင်္သာရီတိုင်းဒေသကြီး၊ ပုလောမြို့ နယ်မှာ ဖေဖေါ်ဝါရီလ ၃ ရက်နေ့ကတည်းက ဖြစ်ပွားတဲ့ တိုက်ပွဲတွေကြောင့် လူဦးရေ စုစုပေါင်း ၁၀၀ ခန့်ဟာ အိုးအိမ်စွန့်ခွာထွက်ပြေးခဲ့ရတယ်လို့
UNHCRကဆိုပါတယ်။

UNHCR နဲ့ မိတ်ဖက်အဖွဲ့ တွေဟာ သတင်းအချက်အလက်တွေကို ဆက်လက်စုဆောင်းလျက်ရှိပြီး နေရပ်စွန့်ခွာထွက်ပြေးသူ ကိန်းဂဏန်းတွေဟာ ဆက်လက်မြင့်တက်လာမယ်လို့ ခန့်မှန်းထားပြီးမြန်မာနိုင်ငံအရှေ့တောင်ပိုင်းမှာ လူသားချင်းစာနာမှုဆိုင်ရာ သွားလာခွင့်ဟာ ခက်ခဲလျက်ရှိနေပြီး ကယားပြည်နယ်၊ ဒီမောဆို၊ ဖရူဆိုနဲ့ လွိုင်ကော်မြို့နယ်တွေမှာ လျှပ်စစ်မီး၊ ရေ၊ အင်တာနက်နဲ့ မိုဘိုင်းဆက်သွယ်ရေး ဝန်ဆောင်မှုလုပ်ငန်းတွေဟာ ပြီးခဲ့တဲ့လတွေကတည်းက ပြတ်တောက်လျက်ရှိနေတယ်လို့ သိရပါတယ်။

UNHCR ရဲ့ ဖေဖေါ်ဝါရီလ ၁၄ ရက်နေ့ ကိန်းဂဏန်းတွေအရ ၂၀၂၁ ခုနှစ် ဖေဖေါ်ဝါရီလကတည်းက အရှေ့တောင်ပိုင်းမှာ နေရပ်စွန့်ခွာရသူဦးရေဟာ ၂၂၆,၄၀၀ ခန့်ရှိသွားပြီဖြစ်ကာ ကယားပြည်နယ်မှာ နေရပ်စွန့်ခွာလာရသူ လူဦးရေ ၉၁,၉၀၀ ခန့်၊ ကရင်ပြည်နယ်မှာ ၇၁,၈၀၀၊ ရှမ်းပြည်နယ်တောင်ပိုင်းမှာ ၅၁,၈၀၀၊ မွန်ပြည်နယ်မှာ ၇,၅၀၀၊ တနင်္သာရီတိုင်းဒေသကြီးမှာ ၂,၆၀၀နဲ့ ပဲခူးတိုင်းဒေသကြီးမှာ ၈၀၀ ခန့်ရှိနေတယ်လို့ သိရပါတယ်။

ymg/hm 

#Yangon_Media_Group 

#WorldPolitics
Published 24 February 2022

ယူကရိန်းအရှေ့ဘက်ရှိ ခွဲထွက်ရေးဒေသများမှ ပုန်ကန်ရေးခေါင်းဆောင်များက ယူကရိန်းရန်မှကာကွယ်ဖို့ ရုရှားထံမှစစ်ရေးအကူအညီတောင်းဆိုလိုက်ကြောင်း ရုရှားတို့ က ဗုဒ္ဓဟူးနေ့မှာကြေညာလိုက်ပါတယ်။အခုလိုတောင်းဆိုချက်ကြောင့် အဆိုပါဒေသများသို့ ရုရှားတပ်များအလုံးအရင်းဖြင့် ဝင်ရောက်လာဖို့ အကြောင်းပြချက် ရရှိသွားပြီဖြစ်ပါတယ်။

ယူကရိန်းဘက်မှ သမ္မတ'ဗိုလိုဒီမီယာဇဲလန်စကီ'က ဥရောပမှာစစ်ပွဲကြီးဖြစ်လာနိုင်တဲ့အခြေအနေကို အားပေးထောက်ခံခြင်းမပြုလုပ်ဖို့ ရုရှားနိုင်ငံသားများကို လေးလေးနက်နက်တောင်းဆိုလိုက်ပါတယ်။ယူကရိန်းနဲ့ပတ်သက်ပြီး ရုရှားနိုင်ငံသားများကြားသိထားတဲ့အကြောင်းတွေက အလိမ်အညာသတင်းတွေသာဖြစ်ပြီး စစ်ပွဲဖြစ်လာနိုင်ချေက ရုရှားနိုင်ငံသားများအပေါ်မူတည်ကြောင်း မေတ္တာရပ်ခံခဲ့ပါတယ်။

'ဇဲလန်စကီ'က ရုရှားသမ္မတ'ဗလက်ဒီမီယာပူတင်'ကို ဆက်သွယ်ခေါ်ဆိုဖို့ ကြိုးစားပေမယ့် ပြန်လည်ဖြေကြားခြင်းမရှိကြောင်း၊ အခုဆိုရင် ယူကရိန်းနယ်စပ်မှာ ရုရှားစစ်သည် ၂ သိန်းခန့်ရောက်ရှိနေပြီဖြစ်ကြောင်း ပြောကြားသွားပါတယ်။

အဲဒီမတိုင်ခင် ယူကရိန်းခွဲထွက်ရေးနယ်မြေများဖြစ်တဲ့ ဒိုနက်စ်မြို့ နဲ့လူဟန့်စ်မြို့ တို့ မှ ခွဲထွက်ရေးသူပုန်ခေါင်းဆောင်တွေဟာ ယူကရိန်းတို့ တိုက်ခိုက်လာမှုကို ကူညီကာကွယ်ပေးဖို့ 'ပူတင်'အား စာပေးပို့ ခဲ့ကြကြောင်း 'ပူတင်'ရဲ့ပြောရေးဆိုခွင့်ရှိသူ 'ဒီမစ်ထရီပက်စ်ကော့ဗ်'က ပြောပြလိုက်ပါတယ်။

အဆိုပါစာနှစ်စောင်စလုံးကို ရုရှားနိုင်ငံပိုင်မီဒီယာတွေမှာ ဖေဖော်ဝါရီ ၂၂ ရက်နေ့ရက်စွဲဖြင့် ဖော်ပြခဲ့ကြပါတယ်။
ရှေ့ရက်ပိုင်းတုန်းက ဒိုနက်နဲ့လူဟန့်စ်နယ်မြေတွေရဲ့လွတ်လပ်ခွင့်ကို 'ပူတင်'ကအသိအမှတ်ပြုခဲ့ပြီး ကာကွယ်ရေးသဘောတူညီချက်များအပါအဝင် ချစ်ကြည်ရေးမဟာမိတ်စာချုပ်များ လက်မှတ်ရေးထိုးခဲ့ကြပါတယ်။

ရုရှားတပ်ဖွဲ့ များအား နိုင်ငံပြင်ပမှာလှုပ်ရှားနိုင်ရေးကို ရုရှားဥပဒေရေးရာအမတ်များက အင်္ဂါနေ့က ခွင့်ပြုပေးလိုက်ပြီဖြစ်ပြီး အရှေ့ဥရောပမှာ စစ်ဘေးဖြစ်လာဖို့ နီးစပ်နေတာကြောင့် ယူကရိန်းဘက်ကလည်း အရန်တပ်ဖွဲ့ များ စုဆောင်းခေါ်ယူခဲ့ပါတယ်။

ယူကရိန်းမှာအရေးပေါ်အနေနဲ့ ဒေသတွင်းအာဏာပိုင်တွေနဲ့ အရေးပေါ်လုပ်ဆောင်မှုများဖြင့် ကိုယ်ရေးအချက်အလက်စစ်ဆေးခြင်း၊ လမ်းပိတ်တားဆီးခြင်းများအပါအဝင် အဆင့်ဆင့်ထိန်းချုပ်ရေးကိစ္စရပ်များ အရေးပေါ်ချမှတ်ထားပြီဖြစ်ပါတယ်။

ဒီအကျပ်အတည်းနဲ့ပတ်သက်ပြီး နိုင်ငံတကာမှဝေဖန်မှုတွေရှိနေပေမယ့် 'ပူတင်'ကတော့ ဂရုစိုက်တဲ့ပုံမပေါ်ပါဘူး။
အနောက်နိုင်ငံများမှခေါင်းဆောင်အချို့ ကတော့ 'ပူတင်'ဟာ ဆင်ခြင်တုံတရားမရှိတော့ဘူးလို့ ထောက်ပြနေကြပါပြီ။

ရုရှားကာကွယ်ရေးဝန်ကြီး'ဆာဂျီရှိဂူ'၊ ရုရှားစစ်တပ်လေတပ်ရေတပ်တို့ မှ စစ်ဗိုလ်များအပါအဝင် ရာထူးရာခံမြင့်မားတဲ့ပုဂ္ဂိုလ်တွေကို ၂၇ နိုင်ငံပါဝင်တဲ့ ဥရောပသမဂ္ဂအဖွဲ့အစည်းက ဒဏ်ခတ်ပိတ်ဆို့မှုတွေ ပြုလုပ်ထားပြီဖြစ်ကာ စစ်ရေးကျူးကျော်မှုပြုလုပ်လာပါက နောက်ထပ်အရေးယူပိတ်ဆို့ ခြင်းတွေ ချမှတ်သွားဦးမှာဖြစ်ပါတယ်။

ကမ္ဘာပေါ်မှာ အလွန်အန္တရာယ်များတဲ့အခိုက်အတန့်နဲ့ ရင်ဆိုင်နေရပြီး နှစ်ပေါင်းများစွာတိုင်အောင် မကြုံခဲ့ရတဲ့ပျက်စီးခြင်းဒုက္ခတွေ ကြုံတွေ့ရလာနိုင်ကြောင်း ကုလသမဂ္ဂအထွေထွေအတွင်းရေးမှူး 'အန်တိုနီယိုဂူတာရက်စ်'က သတိပေးထားပါတယ်။

"ဥရောပလုံခြုံရေးရှေ့ရေးက အခုအချိန်အခုအခါ ကျွန်တော်တို့နေထိုင်ရာယူကရိန်းနိုင်ငံမှာ အဆုံးအဖြတ်ဖြစ်လာနိုင်ဖွယ်ရှိတယ်လို့ ယုံကြည်ထားပါတယ်။ ယူကရိန်းအနေနဲ့ လျင်မြန်တိကျပြတ်သားတဲ့ လုံခြုံရေးဆောင်ရွက်ချက်တွေ လိုအပ်နေပါပြီ" လို့ 'ဇဲလန်စကီ'က မီဒီယာရှင်းလင်းပွဲမှာပြောကြားသွားပါတယ်။
Source: Capital News 

Published 24 February 2022

ယူကရိန်းသမ္မတ ဗိုလိုဒီမီယာဇီလင်စကီးဟာ ဥရောပရဲ့ စစ်ပွဲကြီးတစ်ခုကို မထောက်ခံကြဖို့ စိတ်ထိခိုက်လှုပ်ရှားနေတဲ့ဖေဖော်ဝါရီ ၂၃ရက် ညည့်နက်ပိုင်းမိန့်ခွန်းတစ်ခုကိုပြောကြားပြီး ရုရှားပြည်သူတွေကို ပန်ကြားလိုက်ပါတယ်။ ဇီလင်စကီးဟာ ယူကရိန်းနှင့်ပတ်သက်လို့ ရုရှားပြည်သူတွေ အလိမ်အညာခံနေရပြီး စစ်ပွဲကိုရပ်နိုင်တာ ပြည်သူတွေပဲဖြစ်တယ်လို့ သူကရုရှားလိုပြောလိုက်ပါတယ်။

Source AFP

Published 23 February 2022

ဂျပန်နိုင်ငံမှာ ဆန်တွေပိုလျှံနေတဲ့အတွက် အစားအစာထုတ်လုပ်သူတွေဟာ ဆန်အခြေခံထုတ်ကုန်အမယ်သစ်တွေ တိုးချဲ့ထုတ်လုပ်နေကြပါတယ်။

အိုဆာကာမြို့မှာ ဆန်ဆိုင်အသစ်တစ်ဆိုင်ဖွင့်လှစ်လိုက်ပြီး အဲဒီဆိုင်မှာ ဆန်ခရက်ကာ၊ ဆန်ညိုခေါက်ဆွဲ၊အသင့်စားဆန်စားသောက်ကုန်နှင့် အခြားသော ဆန်ကနေပြုလုပ်တဲ့ စားသောက်ကုန်တွေကို ဆိုင်တင်ရောင်းချနေရာ အဲဒီစားသောက်ကုန်အသစ်တွေက လူငယ်လူရွယ်တွေရဲ့ အာရုံကို ဆွဲဆောင်နေပါတယ်။

Source CMG

#LocalNews

Published 23 February 2022

စားအုန်းဆီအဓိကထုတ်လုပ်တဲ့နိုင်ငံတစ်နိုင်ငံဖြစ်တဲ့ အင်ဒိုနီးရှာနိုင်ငံဟာ စာအုန်းဆီရှားပါးလာနေတာကြောင့် ပြည်တွင်းမှာ စားသုံးဆီဝရောင်းချဝယ်ယူကြရာတွင် ကန့်သတ်တဲ့ အမိန့်တစ်ခုကို ထုတ်ပြန်ခဲ့ရပါတယ်။

စားအုံးဆီထုတ်လုပ်မှုထဲက သတ်မှတ်ရာခိုင်နှုန်းအချို့ကို ပြည်တွင်းမှာရောင်းဖို့နှင့် ဈေးနှုန်းကိုလည်း စာအုံးဆီကြမ်းတစ်ကီလိုကို ၉၃၀၀ရူပီးနှင့် အိုလီယန်ဆီကို ၁၀၃၀၀ ရူပီနှင့်ရောင်းဖို့ ကန့်သတ်ခဲ့တာဖြစ်ပါတယ်။

စားအုံးဆီရှားပါးရတဲ့ အကြောင်းရင်းတွေထဲကတစ်ခုကတော့ စားအုံးဆီထုတ်လုပ်မှုဟာ လေးနှစ်ဆက်တိုက် ကျဆင်းနေခဲ့ရတာကြောင့် ရောင်းနိုင်တဲ့အားဟာ မလောက်မငဖြစ်ခဲ့ရတာပါ။

Source CCTV