#Local_News
Published_ 22 April 2023

လေပြင်းတိုက်ခတ်မှုကြောင့် အမြန်လမ်းရှိ 230kV မဟာဓာတ်အားလိုင်းတိုင်(၃)ခုကျိုးကျပျက်စီးသွားကြောင်း ပေါက်မြို့နယ်၊ဓာတ်အားခွဲရုံ Pauk Ese ၏ထုတ်ပြန်ချက်အရသိရသည်၊၊

ဧပြီလ(၂၀) ရက်ည ၈ နာရီ ၄၅ မိနစ်အချိန်ခန့်မှာ လေပြင်း တိုက်ခိုက်မှုကြောင့် အမြန်လမ်း မိုင်တိုင် (၃၅၂) အနီး ဘဲလင်း-အုန်းတော 230kV မဟာဓာတ်အားလိုင်း တိုင်နံပါတ်၆၇/၆၈/၇၉ စုစုပေါင်းတိုင် ၃ တိုင် ကျိုးခဲ့သည်ဟု ဆိုသည်၊၊

မူလလိုင်းဟောင်းမှ ဓာတ်အားပြန်လည်ပေးနေရသောကြောင့် ယခင်ကထက် လျှပ်စစ်ဓာတ်အားပိုမိုလျှော့နည်း၍သာ ရရှိမည်ဖြစ်ကြောင်း၊ သို့ပါ၍ ဓာတ်အားလိုင်းပြုပြင်ခြင်းလုပ်ငန်း ဆောင်ရွက်မပြီးမချင်း ၇ ရက်ခန့် ယခင်ကထက် ဓာတ်အားရရှိမှုလျော့နည်းပြီး လျှပ်စစ်မီးရချိန် နည်းနိုင်ပါကြောင်း အသိပေးနှိုးဆော်ထားသည်၊၊

#ymg/tthl #Local_News #လေပြင်း #ကျိုးကျပျက်စီး
#YMG #Yangon_Media_Group

#Local_News
Published_ 22 April 2023

ရှမ်းပြည်နယ် လားရှိုး-သိန်းနီလမ်းမှာ ၁၂ ဘီးကား တိမ်းမှောက်လို့ အမျိုးသမီး ၁ ဦး သေဆုံးမှု ဖြစ်ပွားခဲ့တယ်လို့ လားရှိုးလူငယ်လူမှုကူညီရေးအသင်းမှ သိရသည်။

လားရှိုးမြို့နယ်၊ (၉)မိုင်ကုန်း၊ လားရှိုး-သိန်းနီလမ်း၊ မိုင်တိုင်အမှတ် (၁၈၃/၂) နှင့် (၁၈၃/၃)ကြားတွင် ၁၂ ဘီးကားသည် ဧပြီလ ၂၁ ရက်နေ့ည ၉ နာရီခန်က တိမ်းမှောက်မှု ဖြစ်ခဲ့ခြင်းဖြစ်သည်။

အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါ အမျိုးသား ၁ ဦး ထိခိုက်ဒဏ်ရာရ (မစိုးရိမ်ရ) နဲ့ အမျိုးသမီး ၁ ဦး ကားခေါင်းအတွင်းညပ်ပြီး သေဆုံးမှု ဖြစ်ခဲ့သည်။

ယင်းဖြစ်စဉ်ကို လားရှိုးမြို့နယ်မီးသတ်စခန်းမှ တပ်ဖွဲ့ဝင်တွေနဲ့ လားရှိုးလူငယ် လူမှုကူညီရေးအသင်းမှ ရှာဖွေကယ်ဆယ်ရေးလုပ်ငန်းများဆောင်ရွက်ပေးခဲ့ပြီး လားရှိုးပြည်သူ့ဆေးရုံကြီးသို့ ပို့ဆောင်ပေးခဲ့တယ်လို့လည်း သိရသည် ။

#ymg/ppk #Local_News #လားရှိုး #သိန်းနီ
#YMG #Yangon-Media-Group

#Local_News
Published_ 22 April 2023

ပြည်တောင်စုရွေးကောက် ပွဲကော်မရှင် ရုံးမှ ဒုတိယညွှန်ကြားရေးမှူးချုပ် ဦးစိုင်းကျော်သူ လုပ်ကြံခံခဲ့ရကြောင်း ရဲတပ်ဖွဲ့နှင့် နီးစပ်သည့် အသိုင်းအဝိုင်းက သိရသည်။

ယနေ့ ဧပြီလ ၂၂ ရက် မွန်းလွဲ ၂ နာရီခန့်အချိန်က သူ၏ဇနီးဖြစ်သူဆရာဝန်အား ဆေးခန်းလိုက်ပို့ကာ ကားမောင်းပြီးပြန်အလာ သင်္ဃန်းကျွန်းမြို့နယ်၊ ဝေဇယန္တာလမ်းပေါ် ၁၆ ကွေ့ လမ်းဆုံအနီးတွင် PDF က သေနတ်ဖြင့် ပစ်ခတ်လုပ်ကြံသွားခြင်းဖြစ်ကြောင်း သိရသည်။

ဦးစိုင်းကျော်သူ အား သေနတ်ဖြင့်ပစ်ခတ်ခံခဲ့ရာ လည်ပင်း၊ လက်ယာနားနောက်၊ ချိုင်းအောက်၊ လက်များတွင်ကျည်ထိဒဏ်ရာငါးချက်ရသွားသည့်အတွက် သင်္ဃန်းကျွန်းစံပြဆေးရုံသို့ပို့ဆောင်စဉ် လမ်း၌ သေဆုံးသွားကြောင်း၊ပစ်ခတ်မှုဖြစ်သည့်နေရာမှကျည်ခွံ ၁၂ ခုတွေ့ရှိထားကြောင်းလည်း ရဲတပ်ဖွဲ့နှင့် နီးစပ်သူတစ်ဦးက အတည်ပြု ပြောကြားသည်။

#ymg/pl #Local_News #ပြည်ထောင်စု # ဒုညွှန်ချုပ်လုပ်ကြံခံရ
#YMG #Yangon_Media_Group

#World_Politics
Published 22 April 2023

လန်ဒန်ရှိ ဝန်ကြီးချုပ်ရုံးတည်ရှိရာ ဒေါင်းနင်းလမ်းမှာ နိုင်ငံရေးအရှုပ်တော်ပုံများကြောင့် ရာထူးနှုတ်ထွက်ခြင်းများ မြင်တွေ့နေရပါတယ်။

လက်ထောက်ဝန်ကြီးချုပ် 'ဒိုမီနစ်ရက်ဘ်'ဟာ လွန်ခဲ့တဲ့နှစ်တွေက သူတာဝန်ယူခဲ့တဲ့ရုံးများမှာ အစိုးရဝန်ထမ်းများကို အနိုင်ကျင့်ခဲ့ကြောင်း တရားဝင်စုံစမ်းစစ်ဆေးမှုဖြင့် သက်သေရခဲ့ပြီးနောက် ဝန်ကြီးချုပ်'ရီရှီဆူနက်'ရဲ့ ဝန်ကြီးများအဖွဲ့ကနေ နှုတ်ထွက်ခဲ့ပါတယ်။

ရီရှီဆူနက် ဗြိတိန်ဝန်ကြီးချုပ်အဖြစ် တာဝန်မယူခင်နဲ့ တာဝန်ယူနေစဉ်ကာလတွေမှာ တာဝန်ယူခဲ့ရတဲ့ ဒေါင်းနင်းလမ်းရုံးတိုင်းနီးပါးမှာ ရက်ဘ်က ဆိုးရွားစွာအုပ်ချုပ်ခဲ့ကြောင်း စစ်ဆေးတွေ့ရှိပြီးနောက် ရာထူးမှနှုတ်ထွက်ရတာဖြစ်ပါတယ်။

နာရီပိုင်းအကြာမှာတော့ ရက်ဘ်ရဲ့နေရာမှာ ယူကေလက်ထောက်ဝန်ကြီးချုပ်အဖြစ် 'အိုလီဗာဒေါင်ဒင်'ကို အစားထိုးခန့်အပ်လိုက်ပြီး တရားရေးဝန်ကြီးနေရာမှာတော့ 'အဲလက်စ်ချော့ခ်'ကို ခန့်အပ်လိုက်ပါတယ်။

ရက်ဘ်က ဆူနက်လက်ထောက်အဖြစ် တရားဝင်အာဏာမရှိပေမယ့် ဝန်ကြီးချုပ်မရှိတဲ့အချိန်မှာ တာဝန်ယူရတာဖြစ်ပါတယ်။

သူဟာ ဆူနက်နဲ့ နီးစပ်တဲ့နိုင်ငံရေးမဟာမိတ်တစ်ဦးဖြစ်ပြီး ပြီးခဲ့တဲ့နွေရာသီတုန်းက ဝန်ကြီးချုပ်ဖြစ်လာအောင် မဲဆွယ်စည်းရုံးရေးကို ကူညီပေးခဲ့ပါတယ်။

ဝန်ကြီးချုပ်အတွက်တော့ ပြီးခဲ့တဲ့ ၆ လအတွင်း တတိယမြောက်အကြီးတန်းဝန်ကြီးတစ်ဦး ဆုံးရှုံးလိုက်ရတာပဲဖြစ်ပါတယ်။

နောက်တစ်ဦးဖြစ်တဲ့ 'ဂေဗင်ဝီလျံဆန်'ကတော့ အနိုင်ကျင့်ကြောင်း စွပ်စွဲခံရပြီးနောက် နိုဝင်ဘာလမှာ နှုတ်ထွက်ခဲ့ပါတယ်။

ကွန်ဆာဗေးတစ်ပါတီဥက္ကဌ'နာဒင်ဇာဝါဟီ'ကတော့ အခွန်ကိစ္စနဲ့ပတ်သက်ပြီး ဝန်ကြီးများစောင့်ထိန်းရမယ့်စည်းမျဉ်းတွေကို ချိုးဖောက်ခဲ့ကြောင်း တွေ့ရှိပြီးနောက် ဝန်ကြီးချုပ်က သူ့ကို ဇန်နဝါရီလက ထုတ်ပယ်ခဲ့ပါတယ်။

ရီရှီဆူနက်က ရက်ဘ်နှုတ်ထွက်မှုနဲ့ပတ်သက်ပြီး အလွန်ဝမ်းနည်းရကြောင်း၊ သူ့လုပ်ရပ်တွေနဲ့ပတ်သက်ပြီး စွပ်စွဲချက်များကိုလည်း စိုးရိမ်ပူပန်နေရမယ်ဆိုတာ သဘောပေါက်နားလည်ကြောင်း ပြောပြခဲ့ပါတယ်။

#Source: WION #World_Politics #ယူကေ #ဝန်ကြီးချုပ်ဒိုမီနစ်ရက်ဘ် #ရာထူးမှနှုတ်ထွက်
#YMG #Yangon_Media_Group

#Local_News
Published_ 22 April 2023

ဓာတ်အားပေးစက်ရုံ တည်ဆောက်ရေးလုပ်ငန်းများ အမြန်ဆုံးအကောင် အထည်ဖော်ဆောင်ရွက်၍ လျှပ်စစ်ဓာတ်အားများ ထုတ်လုပ်ဖြန့်ဖြူးပေးနိုင်ရေးတွန်းအားပေး ဆောင်ရွက်သွားရန် လိုအပ်ကြောင်း လျှပ်စစ်စွမ်းအား ဝန်ကြီးဌာန ပြည်ထောင်စုဝန်ကြီး ဦးသောင်းဟန်ကတိုက်တွန်း ပြောဆိုလိုက်သည်။

ကျိုင်းတုံမြို့အနီးတွင် ဆောင်ရွက်မည့် အပူစွမ်းအင်သုံး ဓာတ်အားပေးစက်ရုံ စီမံကိန်းတည်ဆောက်မည့်နေရာသို့ ရောက်ရှိရာ ယာယီရှင်းလင်းဆောင်၌ ပြောကြားခဲ့တာဖြစ်သည်။

ယင်းနောက် ရှမ်းပြည်နယ်(အရှေ့ပိုင်း) မိုင်းဆတ်မြို့နယ် မိုင်းခုတ်ဒေသတွင် တည်ဆောက်လျက်ရှိသည့် ၆၆/၁၁ ကေဗွီ (၁၀)အမ်ဗွီအေ မိုင်းခုတ်ဓာတ်အားခွဲရုံ တည်ဆောက်ရေးလုပ်ငန်းများ ဆောင်ရွက်နေမှုနှင့် အပူစွမ်းအင်သုံး ဓာတ်အားပေးစက်ရုံစီမံကိန်း တည်ဆောက်နေပြီး အမြန်ဆောင်ရွက်ဖို့ကိုလည်း တိုက်တွန်းခဲ့သည်။

လက်ရှိမှာပြည်တွင်းမှာ လျှပ်စစ်ဓာတ်အားလိုအပ်ချက်မြင့်မားနေပြီး ရရှိသမျှနည်းပညာများနှင့်စွမ်းအင်များကို အသုံးပြုပြီး လျှပ်စစ်ဓာတ်အားလိုအပ်ချက်ကို ဖြည့်ဆည်းဖို့ဆောင်ရွက်နေကြောင်း ပြည်ထောင်စုဝန်ကြီးက ပြောဆိုထားသည်။

ထို့နောက် ပြည်ထောင်စုဝန်ကြီးက အပူစွမ်းအင်သုံး ဓာတ်အားပေးစက်ရုံ တည်ဆောက်ခြင်းလုပ်ငန်းများကို မြန်မြန်ဆန်ဆန် အကောင်အထည်ဖော် ဆောင်ရွက်သွားရန်နှင့် ထိုသို့ဆောင်ရွက်ရာတွင်လည်း ခေတ်မီအဆင့်မြင့် နည်းပညာများအသုံးပြု၍ ဆောင်ရွက်သွားရန်လိုအပ်ကြောင်း ပြောဆိုခဲ့ကြောင်း သိရသည်။

#ymg/yn #Local_News #ဓာတ်အားပေးစက်ရုံ #ပြည်ထောင်စုဝန်ကြီး
#YMG #Yangon-Media-Group

#Local_News
Published_ 22 April 2023

ပြည်ပနိုင်ငံများမှ ဆိုလာနှင့်ဆက်စပ်ပစ္စည်း (၆)မျိုးတင်သွင်းမှုအတွက် အခွန်ကင်းလွတ်ခွင့်ပြုလိုက်ကြောင်း စီမံကိန်းနှင့်ဘဏ္ဍာရေးဝန်ကြီးဌာနက ထုတ်ပြန်လိုက်သည်။

ယင်းမှာ ပြည်တွင်းလျှပ်စစ်ဓာတ်အား လုံလောက်စွာရရှိရေးအတွက် ရည်ရွယ်ခြင်း ဖြစ်ကြောင်း ၊ အမျိုးအစား ၆ ခု မှာ နေရောင်ခြည်စွမ်းအင်များ ထုတ်လုပ်ပေးနိုင်သည့် အချပ်များ | [PV Module / Solar Module / PV Panel / Solar Panel / Solar Panel 92 WattCIGS (Copper Indium Gallium Selenide)၊နေရောင်ခြည်စွမ်းအင်သုံး ပေါင်းစပ်ထိန်းချုပ် ကိရိယာ (PV / Solar (Hybrid/Smart Array) Controller, Charge Controller for PV / Solar) ၊နေရောင်ခြည်စွမ်းအင်သုံး အင်ဗာတာ (စထရင်း /ပေါင်းစပ်/ဘတ္ထရီ/ နှစ်မျိုးသုံး/ပင်မ ) (PV / Solar Inverter (String / Hybrid / Battery / Bidirectional / Central)) ၊အိမ်သုံးတပ်ဆင်မှုပုံစံများ (ခေါင်မိုး နှင့် မြေပြင်တွင် တပ်ဆင်ခြင်း) (PV / Solar Mounted Structure, PV / Solar Mounted Frames, PV / Solar Mounted Kits (Roof and Ground Mounted)) ၊ နေရောင်ခြည်စွမ်းအင် တပ်ဆင်မှုစနစ် (ရေပေါ်တွင်တပ်ဆင်ခြင်း) (PV / Solar Mounted System (Floating)) နေရောင်ခြည်စွမ်းအင်သုံး ထိန်းချုပ်ကိရိယာနှင့် ဘတ္ထရီပုံး ၊ (PV / Solar Controller and Battery Box)( PV ) Solar Controller နှင့် Battery တွဲလျက် တင်သွင်းခြင်း အတွက်သာ) တို့ ဖြစ်ကြောင်း သိရသည်။

ဧပြီလ ၂၁ ရက် ရန်ကုန်လျှပ်စစ်ဓာတ်အားပေးရေးကော်ပိုးရေးရှင်း (YESC) အနေဖြင့်တစ်ပိုင်တစ်နိုင်တပ်ဆင်ထားသည့်ဆိုလာစနစ်များမှ ပိုလျှံသောလျှပ်စစ်ဓာတ်အားကို ၁၀၀ ကီလိုဝပ်မှ တစ်မဂ္ဂါဝပ်အထိကို ၈၅ ကျပ်/kWh ဖြင့်လည်းကောင်း၊ တစ်မဂ္ဂါဝပ်အထက်မှ ၁၀ မဂ္ဂါဝပ်အထိ ၈၀ ကျပ်/kWh ဖြင့်လည်းကောင်း ပြန်ဝယ်ယူမည်ဟု ထုတ်ပြန်ခဲ့သေးသည်။

#ymg/pl #Local_News #ဆိုလာ #အခွန်ကင်းလွတ်ခွင့်
#YMG #Yangon_Media_Group

#Local_News
Published_ 22 April 2023

နေပြည်တော်ကောင်စီနယ်မြေ၊ လယ်ဝေးခရိုင်၊ လယ်ဝေးမြို့နယ်၊ ကံသာကျေးရွာအုပ်စု၊ တံတားဦးကျေးရွာနှင့် အောင်မြင်ကုန်းကျေးရွာတို့တွင် ဧပြီလ၂၁ ရက် ညနေ ၆ နာရီကျော် အချိန်ခန့်က လေဆင်နှာမောင်းတိုက်ခတ်ခဲ့သောကြောင့် လူ ၆ ဦးသေဆုံးကာ တစ်ရာကျော် ဒဏ်ရာ ရရှိခဲ့ကြောင်း သိရသည်။

လေဆင်နှာမောင်းကြောင့် တံတားဦးကျေးရွာတစ်ဝက်ခန့် လူနေအိမ်အဆောက်ဦးများ ပြိုကျပျက်စီးခဲ့ကာ အောင်မြင်ကုန်းကျေးရွာတွင် လူနေအိမ်အဆောက်အဦများ ရွာလုံးကျွတ် ပြိုကျပျက်စီးသွားကြောင်း လူမှုကယ်ဆယ်ရေးအဖွဲ့များ၏ စာရင်းအရ သိရသည်။

လေပြင်းတိုက်ခတ်မှုကြောင့် တံတားဦးကျေးရွာတွင်အိမ်ခြေ(၇၇)လုံးခန့်၊ အောင်မြင်ကုန်းကျေးရွာတွင်၊အိမ်ခြေ(၁၅၅)လုံးခန့်ပျက်စီးသွားကာ တံတားဦးကျေးရွာတွင် ထိခိုက်ဒဏ်ရာရရှိသူ(၄၈)ဦး အနက် စိုးရိမ်ဒဏ်ရာရသူ (၁၆)ဦး နှင့် အမျိုးသမီး ၂ ဦး သေဆုံးခဲ့ကြောင်း ၊ အောင်မြင်ကုန်းကျေးရွာတွင် ထိခိုက်ဒဏ်ရာရရှိသူ(၆၁)ဦး၊ သေဆုံးသူ အမျိုးသား ၂ ဦး နှင့် အမျိုးသမီး ၂ ဦး ရှိခဲ့ကြောင်း သိရသည်။

ယခုအခါ ထိခိုက်ဒဏ်ရာရရှိသူများအား လယ်ဝေးမြို့နယ်ကုတင် (၁၀၀)ဆံ့ဆေးရုံနှင့် ဇမ္ဗူသီရိမြို့နယ်၊ ကုတင်(၁၀၀၀)ဆံ့ဆေးရုံများသို့ ပို့ဆောင်ထားကြောင်း သိရသည်။

#ymg/PL #Local_News #လယ်ဝေး #လေဆင်နှာမောင်း #YMG
#Yangon_Media_Group

#Local_News
Published_ 22 April 2023

နိုင်ငံတော်၏ဘဏ္ဍာရေးအခြေအနေအရ လစာနှုန်းထားတိုးမြှင့်ရန်မရှိသေးကြောင်း စီမံကိန်းနှင့် ဘဏ္ဍာရေးဝန်ကြီးဌာနညွှန်ကြားရေးမှူးချုပ် ဦးဝင်းထိုက်က နိုင်ငံပိုင်မီဒီယာက တစ်ဆင့် ပြောကြားလိုက်သည်။

"လက်ရှိ ပြင်ပမှာသတင်းထွက်ပေါ်နေတဲ့ လစာနှုန်းထားတိုးမြှင့်မယ်ဆိုပြီးတော့ ထွက်ပေါ်နေတဲ့ သတင်းကတော့ ကောလာဟလပဲ ဖြစ်ပါတယ်။ လစာနှုန်းထားတွေကတော့ လက်ရှိ လစာနှုန်းထားအတိုင်းပဲ ဖြစ်ပါတယ်။ လက်ရှိ နိုင်ငံတော်ရဲ့ ဘဏ္ဍာရေးအခြေအနေ အရတော့ လစာနှုန်းထားကို တိုးမြှင့်ဖို့မရှိသေးကြောင်း တင်ပြအပ်ပါတယ်"ဟု ယင်းကဆိုသည်။

နိုင်ငံ့ဝန်ထမ်းများအား လစာ သို့မဟုတ် ရှားပါးစရိတ် ကျပ် ၄၀၀၀၀ တိုးမြှင့်ပေးမည်ဟု ပြင်ပတွင် ထွက်ပေါ်နေသော သတင်းများ အပေါ် ယင်းက အထက်ပါအတိုင်း ပြောကြားခြင်း ဖြစ်သည်။

#ymg/pl #Local_News #ဘဏ္ဍာရေး #လစာနှုန်း #YMG
#Yangon_Media_Group

#Local_News
Published_ 22 April 2023

ကန့်ဘလူမြို့နယ်၊ ပဇီကြီးကျေးရွာနှင့် ပတ်ဝန်းကျင် ကျေးရွာများ၌ KIA အဖွဲ့နှင့် PDF များ ရောက်ရှိနေကြောင်း ဒေသခံတို့၏ သတင်းပေးပို့မှုအရ ဧပြီလ ၂၀ ရက်တွင် တပ်မတော်စစ်ကြောင်းများဖြင့် သွားရောက်၍ လုံခြုံရေးလုပ်ငန်းများဆောင်ရွက်ခဲ့ရာ ထိတွေ့တိုက်ပွဲများ ဖြစ်ပွားခဲ့တယ်လို့ နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

အဆိုပါကျေးရွာ အနီးတစ်ဝိုက်ကို လုံခြုံရေးတပ်ဖွဲ့ဝင်များက အသေးစိတ် ရှာဖွေစစ်ဆေးခဲ့ရာ ဘုန်းကြီးကျောင်းအုတ်တံတိုင်းအနီးမှ အလောင်း ၄ လောင်း၊ ကျည်အိမ် ၂ ခု၊ ၄၀ မမဗုံးသီး ၅ လုံး၊ သဲအိတ်ဘန်ကာများ၊ ကျောင်းခြံစည်းရိုး အနီးဆက်သွယ်ရေးမြောင်းနှင့်ပစ်ကျင်းများနှင့် ဆိုင်ကယ် ၇ စီး၊ လူနေတဲများ၊ ၁၂ ဗို့ကျည် ၁၀ တောင့်၊ မိုင်းရှာစက် ၁ လုံး၊ ဘက်ထရီအိုးအကြီး ၃ လုံး၊ ပြောက်ကျားယူနီဖောင်းများနှင့် အခြားဆက်စပ်ပစ္စည်းများ သိမ်းဆည်းရမိခဲ့ကြောင်း သိရသည်။

အလားတူ မကွေးတိုင်းဒေသကြီး၊ မြိုင်မြို့နယ်အတွင်း မကြီးကန်ကျေးရွာ အနီးတစ်ဝိုက်၌ PDF အဖွဲ့များ ရောက်ရှိနေကြောင်း ဒေသခံများကပင် သတင်းပေးပို့လာမှုအရ လုံခြုံရေး တပ်ဖွဲ့ဝင်များက ဧပြီလ ၁၈ ရက်နှင့် ၁၉ ရက်တို့တွင် သွားရောက် တိုက်ခိုက် ချေမှုန်းခဲ့ရာ ယင်းတို့နှင့်ထိတွေ့မှုဖြစ်ပွားခဲ့ပြီး နစကဘက်မှ အရာရှိ၊ စစ်သည်တချို့ ထိခိုက်ဒဏ်ရာ ရရှိခဲ့ကြောင်း၊ အဆိုပါ ကျေးရွာ ကျေးလက်ဆေးပေးခန်း အတွင်းမှ အမ်-၂၂ ကျည်အိမ် မျိုးစုံ ၁၀ ခု၊ တရုတ် လက်ပစ်ဗုံးမျိုးစုံ ၁၈ လုံး၊ ဗုံးသီးမျိုးစုံ ၄ လုံး၊ ၁၂ ဗို့ကျည် ၃၀ တောင့်၊ ၅.၅၆မမကျည် ၆၀၀ တောင့်၊ ၇.၆၂မမကျည် ၁၀၀ တောင့်၊ ရိုင်ဖယ်ကျည် ၅၀ တောင့်၊ ကားမျိုးစုံ ၄ စီး၊ ဆိုင်ကယ်မျိုးစုံ ၂၀ စီး၊ ပြောက်ကျား ယူနီဖောင်းများ ဆက်စပ်ပစ္စည်းများကို လည်းကောင်း၊ အဆိုပါ ကျေးရွာရှိ နေအိမ်များအတွင်းမှ လက်လုပ်ရှော့တိုက်ပြောင်း ၈ ခု၊ လက်လုပ်မိုင်းစုံ ၄၆ လုံး၊ ယမ်း ၈ ပိဿာ ၄ ထပ်၊ လက်တော့ပ် ၂ လုံးနှင့် ဆက်စပ်ပစ္စည်းများကို သိမ်းဆည်းရမိခဲ့ကြောင်း သိရသည်။

အဆိုပါ အဖွဲ့များက ကျေးရွာဘုန်းကြီးကျောင်း၊ စာသင်ကျောင်းများ၊ ကျေးလက်ဆေးပေးခန်းများအတွင်း ဘန်ကာများဆောက်လုပ်ခြင်း၊ ပစ်ကျင်းများတူး ထားခြင်း၊ ကျေးရွာပတ်လည်တွင် လက်လုပ်မိုင်းများဖြင့် အတားအဆီးပြု လုပ်ထား ခြင်းများပြုလုပ်ထားကြကြောင်းလည်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

ပြီးခဲ့သည့် မတ်လ ၂၃ ရက်မှ ဧပြီလ ၈ ရက်ထိ ဧရာဝတီမြစ်အရှေ့ခြမ်းတွင် NUG ၏ အရှေ့ဘက်ဌာနချုပ်အဖြစ် အခြေပြုရန် ကြိုးပမ်းလျက်ရှိသော မန်ဝိန်း၊ စီသာ၊ မန်ခါး၊ စီသောင်၊ စီမူလေး၊ စီမူကြီး၊ တုံးကောက်၊ ရွာသစ်ကုန်းနှင့် နမ့်လန်ကျေးရွာများ တစ်ဝိုက်ရှိ KIA ရင်း(၁၂)နှင့် PDF များကို စစ်ဆင်ရေး ဆောင်ရွက်ခဲ့ရာတွင်လည်း အလောင်းနှင့်လက်နက်၊ခဲယမ်းများ သိမ်းဆည်းရမိခဲ့ပြီး ကျေးရွာများအတွင်း ဘုန်းကြီး ကျောင်း၊ စာသင်ကျောင်း၊ ကျေးလက်ဆေးပေးခန်းနှင့် လူနေအိမ်များတွင် ဘန်ကာ များ၊ ပစ်ကျင်းများနှင့် မိုင်းအတားအဆီးများ ထောင်ထားခဲ့ကြောင်း တွေ့ရှိခဲ့ရကြောင်း သိရသည်။

#ymg/PL #Local_News #ကန့်ဘလူ #ပဇီကြီးကျေးရွာ #မြိုင် #မကြီးကန်ကျေးရွာ #တိုက်ပွဲများဖြစ် #YMG #Yangon_Media_Group

#World_Health
Published 22 April 2023

လူတွေဟာ တစ်ပတ်အတွင်း သကြားဓာတ်ပါတဲ့အချိုရည်တစ်ခွက်ပဲ သောက်သုံးသင့်ကြောင်း သုတေသီများကဆိုပါတယ်။

သကြားစားသုံးမှုမြင့်မားခြင်းဖြင့် ကျန်းမာရေးပြဿနာအမျိုးမျိုးဖြစ်နိုင်တယ်လို့ လေ့လာတွေ့ရှိပြီးနောက် အခုလို သတိပေးလိုက်တာဖြစ်ပါတယ်။

တစ်ပတ်အတွင်း အချိုဓာတ်ပါတဲ့ဖျော်ရည်တစ်ခွက် ပိုသောက်တိုင်း ကျန်းမာရေးပြဿနာဖြစ်နိုင်ချေ ပိုများလာပါတယ်။

တရုတ်နဲ့ အမေရိကန်တို့မှ ပညာရှင်များက သကြားစားသုံးမှုနဲ့ပတ်သက်ပြီး ကျန်းမာရေးထိခိုက်မှုများကို ဖော်ထုတ်ခဲ့ကြပါတယ်။

လေ့လာသုံးသပ်ချက်များအရ သကြားစားသုံးမှုမြင့်မားခြင်းဖြင့် ကျန်းမာရေးပြဿနာ ၄၅ မျိုးနဲ့ ဆက်စပ်နေကြောင်း BMJ မှာ ဖော်ပြခဲ့ပါတယ်။

သကြားစားသုံးမှုကြောင့် ဆီးချို၊ လေးဖက်နာ၊ အဝလွန်ခြင်း၊ သွေးတိုး၊ နှလုံးဖောက်ခြင်း၊ လေဖြတ်ခြင်း၊ ရင်ကြပ်၊ သွားပိုးစားခြင်း၊ စိတ်ကျခြင်း၊ အရွယ်မတိုင်ခင်သေဆုံးနိုင်ခြင်း၊ ကင်ဆာရောဂါအမျိုးမျိုးတို့ ဖြစ်နိုင်ချေများကြောင်း တွေ့ရှိခဲ့ကြပါတယ်။

အချိုရည်ကို များများသောက်သူတွေမှာ နည်းနည်းသောက်သူတွေထက် ကိုယ်အလေးချိန်ပိုများတာကိုလည်း တွေ့ရှိခဲ့ပါတယ်။

ဖရပ်တို့စ်ပါဝင်တဲ့အချိုရည်ကို နေ့စဉ် ၂၅ ဂရမ်သောက်သုံးပါက ပန်ကရိယကင်ဆာဖြစ်နိုင်ချေ ၂၂ ရာခိုင်နှုန်းပိုများနေပါတယ်။

တရုတ်နိုင်ငံ စီချွမ်တက္ကသိုလ်မှ ပညာရှင်များက တစ်နေ့ကို သကြားစားသုံးမှု ၂၅ ဂရမ်အောက် (လက်ဖက်ရည်ဇွန်း ၆ ဇွန်း)သာ ရှိဖို့နဲ့ တစ်ပတ်အတွင်း အချိုရည်တစ်ခွက်အောက်သာ ကန့်သတ်သောက်သုံးဖို့ အကြံပြုထားပါတယ်။

သကြားပါတဲ့အရည်တွေ လျှော့သောက်ပြီး ရေ၊ သကြားမပါတဲ့အရည်နဲ့ အစားအစာများ စားသုံးဖို့ အကြံပြုထားပါတယ်။

အချိုဓာတ်ပါတဲ့ဖျော်ရည်တွေကြောင့် အသည်း၊ နှလုံး၊ ပန်ကရိယ၊ ကြွက်သားများမှာ အဆီစုပြုံလာပြီး ဆဲလ်တွေရဲ့ လုပ်ဆောင်ချက်နဲ့ ဇီဝဖြစ်စဉ်တို့ကို နှောင့်ယှက်စေပါတယ်။
သကြားစားသုံးမှုနဲ့ ကင်ဆာဖြစ်ခြင်းတို့ကြား ဆက်စပ်မှုကမလုံလောက်ပေမယ့် နောက်ထပ်လေ့လာမှုတွေ လိုအပ်နေပါသေးတယ်။

အချိုဓာတ်စားသုံးမှုလျော့ကျရန်အတွက် ပြည်သူ့ကျန်းမာရေးအသိပေးပညာနဲ့ မူဝါဒတွေကို အကျယ်တပြန့်ချမှတ်ဖို့ လိုအပ်နေပါတယ်။

Source: South China Morning Post #World_Health #အဝလွန်ခြင်း #အချိုရည် #လျှော့ချသောက်သုံးသင့် #YMG #Yangon_Media_Group

Published 21 April 2023

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ဟာ မြန်မာနိုင်ငံသို့ရောက်ရှိနေတဲ့ ထိုင်းနိုင်ငံ  ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr.Don Pramudwinai နှင့် နေပြည်တော်မှာတွေ့ဆုံကာ နှစ်နိုင်ငံ နယ်စပ်ဒေသတည်ငြိမ် အေးချမ်းရေးနှင့် လက်နက်ကုန်သွယ်မှုများပပျောက်ရေးအပါအဝင် နှစ်နိုင်ငံပူးပေါင်းဆောင်ရွက်ရန် ကိစ္စတွေကို ဆွေးနွေးခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးမင်းအောင်လှိုင်သည် ထိုင်းနိုင်ငံ၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr.Don Pramudwinai ဦးဆောင်သည့် ကိုယ်စားလှယ်အဖွဲ့အား ယနေ့ ဧပြီ၂၁ရက် မွန်းလွဲပိုင်းတွင်နေပြည်တော်ရှိ နစကဥက္ကဋ္ဌရုံး၊ သံတမန်ဆောင် ဧည့်ခန်းမ၌လက်ခံတွေ့ဆုံခဲ့တာဖြစ်ပါတယ်။

နစက ဥက္ကဋ္ဌဟာ ထိုင်းနိုင်ငံ ဒုတိယဝန်ကြီးချုပ်နှင့်နိုင်ငံခြားရေးဝန်ကြီးနှင့်ဆွေးနွေးရာမှာ မြန်မာနိုင်ငံ၊ ထိုင်းနိုင်ငံနှင့် လာအိုနိုင်ငံတို့အကြား နယ်စပ်ဖြတ်ကျော်မီးခိုးမြူငွေ့ ညစ်ညမ်းမှုဆိုင်ရာ လျှော့ချရေးအတွက် ပူးပေါင်းဆောင်ရွက်လျက်ရှိမှု အခြေအနေများ၊ နှစ်နိုင်ငံနယ်စပ်ဒေသတည်ငြိမ်အေးချမ်းရေး၊ တရားမဝင်လူကုန်ကူးမှုများ၊ မူးယစ်ကုန်သွယ်မှုများနှင့် လက်နက်ကုန်သွယ်မှုများ ပပျောက်ရေးအတွက် ပူးပေါင်းဆောင်ရွက်သွားမည့် ကိစ္စရပ်များနှင့် စပ်လျဉ်းပြီးရင်းရင်းနှီးနှီးဆွေးနွေးခဲ့ကြတာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

-အဆိုပါတွေ့ဆုံပွဲသို့ နစက ဥက္ကဋ္ဌနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ အပြည်ပြည် ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်နှင့် တာဝန်ရှိသူများတက်ရောက်ကြပြီး ထိုင်းနိုင်ငံ၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး နှင့်အတူမြန်မာနိုင်ငံဆိုင်ရာ ထိုင်းနိုင်ငံ သံအမတ်ကြီး H.E. Mr. Mongkol Visitstump နှင့်တာဝန်ရှိသူများ တက်ရောက်ခဲ့ကြတာဖြစ်ပါတယ်။

-ymg/knl

#YangonMediaGroup

#ဗိုလ်ချုပ်မှူးကြီးမင်းအောင်လှိုင်

#ထိုင်းနိုင်ငံဒုတိယဝန်ကြီးချုပ်နှင့်နိုင်ငံခြားရေးဝန်ကြီး H.E. Mr.Don Pramudwinai

#Local_News
Published_ 21 April 2023

ရန်ကုန်တိုင်း၊ မြောက်ဥက္ကလာပမြို့နယ်၊ ၂ရပ်ကွက်၊ သုဓမ္မာလမ်းမပေါ် လမ်းလျှောက်လာသူ တစ်ယောက်ကို ဧပြီလ ၂၀ ရက်နေ့ ညပိုင်းအချိန်က တားဆီးစစ်ဆေးရာကနေ မူးယစ်ဆေးဝါးတွေ ဖမ်းဆီးရမိခဲ့တယ်လို့ CCDAC Myanmar က ထုတ်ပြန်ထားပါတယ်။

#Local_News #မြောက်ဥက္ကလာ #စိတ်ကြွဆေး
#YMG #Yangon_Media_Group