အိမ်ခြံမြေ အဝယ်လိုက်နေ ရောင်းမည့်သူနည်းပါး

‘ အိမ်ခြံမြေဝယ်ယူပြီး မြေစုကာ ရင်းနှီးမြုပ်နှံလိုသူတွေများပေမယ့် ရောင်းချပေးမယ့်သူတွေနည်းပါး နေလို့ ဈေးကွက်အေးနေဆဲဖြစ်တယ်၊၊ ရွှေဈေးနဲ့ ဒေါ်လာဈေးတွေက အပြောင်းအလဲတွေရှိနေတဲ့အတွက် ခိုင်မာတဲ့အိမ်၊ခြံ၊မြေဘက်လှည့်လာပြီးဝယ်ယူကာ ရင်းနှီးမြုပ်နှံကြသူတွေများလာတယ်’ ဒေါ်နှောင်းဝဿန်၊(အိမ်ခြံမြေအကျိုးတော်ဆောင်)
Yangon_Times/tthl
#Local_News
#Published_ 11 August 2023
#အိမ်ခြံမြေ #ရွှေဈေး #ဒေါ်လာဈေး #အိမ်ခြံမြေအကျိုးတော်ဆောင်
#YMG #Yangon_Times

ဆန်တစ်ပြည်(၂၅၀၀)ဖြင့် ဆန်အကန့်အသတ်မရှိ ရောင်းပေးမည်

‘ဧည့်မထဆန် တစ်ပြည်(၂၅၀၀)ကျပ်၊ဧရာဝတီပေါ်ဆန်း တစ်ပြည်ကိုကျပ်(၄၀၀၀)၊စားအုန်းဆီ တစ်ပိဿထည့်စရာပါရှိပါ က(၄၄၀၀)ကျပ်နှုန်း ထည့်စရာမပါရှိပါက (၅၄၀၀)ကျပ်နှုန်းနဲ့ လူတစ်ဦးလျှင် ဆန်(၅)ပြည်နှင့် ဆီ(၁) ပိဿဝယ်ယူနိုင်မှာဖြစ်ပြီး လွတ်လပ်စွာဝယ်ယူနိုင်တယ်’ ရန်ကုန်တိုင်းဒေသကြီး အစိုးရအဖွဲ့
Yangon_Times/tthl
#Local_News
#Published_ 11 August 2023
#ဆန်တစ်ပြည်(၂၅၀၀) #ပြည်သူ့ရင်ပြင် #စားအုန်းဆီ #ရန်ကုန်တိုင်းဒေသကြီးအစိုးရအဖွဲ့
#YMG #Yangon_Times

အနားယူတော့မယ့် ကမ္ဘောဒီးယားဝန်ကြီးချုပ် ဟွန်ဆန်ဟာ သူ့သားအကြီးဆုံး ဦးဆောင်တဲ့ အစိုးရအဖွဲ့ထဲ သူ့ရဲ့ အငယ်ဆုံးသား၊သူ့ရဲ့တူဖြစ်သူတို့ကို အကြီးတန်းနေရာများပေးပြီး အစိုးရအသစ်ဖွဲ့စည်းတော့မှာဖြစ်ပါတယ်။

ဆယ်စုနှစ်လေးစုနီးပါးမျှ ကမ္ဘောဒီးယားကို အုပ်စိုးခဲ့ပြီးနောက် ဟွန်ဆန်ဟာ ဝန်ကြီးချုပ်အဖြစ်က အနားယူတော့မယ့် အကြောင်း ပြောခဲ့ပြီးနောက် သူ့သားအကြီးဆုံး အသက် ၄၅နှစ်အရွယ် ဗိုလ်ချုပ်ကြီး ဟွန်မန်နက်ကို ဘုရင်မင်းမြတ်က ဝန်ကြီးချုပ်အဖြစ် ခန့်အပ်ခဲ့ပါတယ်။

အစိုးရအဖွဲ့အသစ်ထဲမှာ ဟွန်ဆန်ရဲ့ သားအငယ်ဆုံး ဟွန်မန်နီဟာ အစိုးရဌာနများဝန်ကြီးအဖြစ်လည်းကောင်း၊ တူဖြစ်သူ လက်ရှိ ရဲချုပ် နက်ဆာဗိုယမ်ကို  ဒုတိယဝန်ကြီးချုပ်အဖြစ်လည်းကောင်း ခန့်အပ်မှာဖြစ်ပါတယ်။ အဲဒီအပြင် အနားယူတော့မယ့်ပြည်ထဲရေးဝန်ကြီးနှင့် ကာကွယ်ရေးဝန်ကြီးတွေရဲ့ သားတွေကလည်း ဖခင်တွေရဲ့ ဝန်ကြီးနေရာတွေမှာ အစားထိုးနေရာယူမှာဖြစ်တဲ့အကြောင်း  ထုတ်ပြန်ချက်မူကြမ်းကို ကြည့်ခွင့်ရခဲ့တဲ့ အေအက်ဖ်ပီကရေးပါတယ်။

ဟွန်ဆန်ဟာ လက်ရှိဝန်ကြီးအဖွဲ့နှင့် အသစ်ဖွဲ့မယ့်ဝန်ကြီးအဖွဲ့တွေနှင့်တွေ့ဆုံခဲ့တာကို တယ်လီဂရမ်မှာ ပို့်စ်တင်ခဲ့ပါတယ်။

ဟွန်ဆန်ဟာ ဝန်ကြီးချုပ်အဖြစ်မှ  အနားယူပြီးတဲ့နောက် လာမယ့်နှစ်ဆန်းမှာ ဆီးနိတ်ဥက္ကဋ္ဌဖြစ်လာပါလိမ့်မယ်။ အဲဒီ့အပြင်  ဘုရင်မင်းမြတ် နိုင်ငံရပ်ခြားသွားနေတဲ့အချိန်မျိုးမှာ ယာယီနိုင်ငံတော်ခေါင်းဆောင် acting  head of state အဖြစ် တာဝန်ထမ်းဆောင်မှာလည်းဖြစ်ပါတယ်။ သူဟာ ၂၀၃၃ခုနှစ်အထိ အခြားသော ရာထူးတွေယူဦးမှာဖြစ်တယ်လို့ လည်းဟွန်ဆန်ကပြောကြောင်း CNA သတင်းမှာဖော်ပြထားပါတယ်။

Ref- AFP/CNA

Published_ 11 August 2023

ရီးရဲလ်မက်ဒရစ်အသင်း၏အဓိကရိသမားဖြစ်သောသီဘို ကော်တိုအာသည် လေ့ကျင့်ရေးတွင် ဒူးအရွတ်ကြော ထိခိုက်မှုဒဏ်ရာရရှိမှုကြောင့် ကာလရှည်အနားယူရမည်ဖြစ်ကြောင်း သိရသည်။

အသက် ၃၁နှစ်ရှိ ကော်တိုအာသည် ၂၀၁၈ ခုနှစ်တွင် ချယ်လ်ဆီးမှပြောင်းရွှေ့ကခဲ့ပြီး ရီးရဲလ်အတွက်ပွဲပေါင်း ၂၀၀ ကျော်ကစားထားကာ ဘယ်လ်ဂျီယံလက်ရွေးစင် ဂိုးသမား လည်းဖြစ်သည်။

ကော်တိုအာသည် လေ့ကျင့်ရေးကွင်းတွင် ဘယ်ဖက်ဒူးအရွတ်ကြောထိခိုက်မှုကြောင့် မကြာမီခွဲစိတ်ကုသမှုခံယူရမည်ဖြစ်ကြောင့်ရီးရဲလ်မက်ဒရစ်အသင်း၏ တရားဝင်ဝက်ဘ်ဆိုဒ်တွင်ဖော်ပြထားသည်။

ကော်တိုအာ သည် ၂၀၂၂ ချန်ပီယံလိဂ်ဖိုင်နယ်ပွဲတွင် အထူးလက်စွမ်းပြသကာ Man_of_the_Match ဆုရရှိခဲ့ပြီး ၎င်းပွဲစဉ်တွင် ရီးရဲလ်က လီဗာပူးကို အနိုင်ရဗိုလ်စွဲခဲ့သည်။

ယခင်ကရီးရဲလ်သို့ပြောင်းရွှေရန် သတင်းထွက်ပေါ်ခဲ့သည့် ဒေးဗစ်ဒီဂီယာမှာ မန်ယူနှင့်စာချုပ်သက်တမ်း ကုန်ဆုံးခဲ့ပြီးနောက် နည်းပြအန်ဆယ်လော့တီက ခေါ်ယူရန်ကြိုးပမ်းလာဖွယ်ရှိနေသည်။

အခြားသတင်းတစ်ရပ်တွင်ရီးရဲလ်မက်ဒရစ်သို့ ပြောင်းရွှေရန် သတင်းထွက်ပေါ်နေသောတိုက်စစ်မှူး အမ်ဘာပေက ယခုရာသီတွင် ပီအက်စ်ဂျီအသင်း၌ဆက်လက်ကစားများ မည်ဖြစ်ကြောင်း ထပ်လောင်းပြောကြားခဲ့သည်ဟု သိရသည်။
Ref ; Fotmob.
#World_Sport
#Published_ 11 August 2023
#YMG #Yangon_Times

Published_ 11 August 2023

နိုင်ငံကျော်ရှမ်းတိုင်းရင်းသားအဆိုတော် စိုင်းဆိုင်မောဝ်၏ အကိုတော်စပ်သူ တေးရေးဆရာ စိုင်းလောဝ်ဆိုင်သည် ပြီးခဲ့သော ဩဂုတ် (၇) ရက် ကွယ်လွန်သွားခဲ့ပြီဖြစ်ကြောင်း သိရသည်။

၎င်းကွယ်လွန်ချိန်တွင် အသက် (၈၁)နှစ်ရှိပြီဖြစ်ကာ၊ ဩဂုတ်လ (၇)ရက်က ပြင်ဦးလွင်မြို့ရှိ ၎င်းနေထိုင်ရာ နေအိမ်၌ပင် ကွယ်လွန်ခဲ့ခြင်းဖြစ်ကြောင်း သိရသည်။

သူ၏ ဈာပနအခမ်းအနားအား ဩဂုတ် (၉)ရက် မွန်းလွဲ (၁) နာရီအချိန်တွင် ပြင်ဦးလွင်မြို့ ရှစ်မိုင်ကုန်းသုဿာန်တွင် သဂြိုဟ် ပြီးစီးခဲ့ပြီဖြစ်သည်။

ကွယ်လွန်သူ ရှမ်းတိုင်းရင်းသား တေးရေးဆရာ စိုင်းလောဝ်ဆိုင်သည် ရှမ်းတေးသီချင်းများစွာကို ရေးသားဖော်စပ်ခဲ့သည့် ပုဂ္ဂိုလ်တစ်ဦးဖြစ်ပြီး၊ သူ၏ဈာပနသို့ ရှမ်းတေးသံရှင်များစွာလိုက်လံပို့ဆောင်ပေးခဲ့ကြကြောင်း သိရသည်။
Yangon-Times/my
#Local_News
#Published_ 11 August 2023
#YMG #Yangon_Times

Published_ 11 August 2023

လတ်တလောတွင် မြစ်ရေများကြီးနေသဖြင့် ရေဘေးအတွက်ဆောင်ရန်၊ရှောင်ရန်နှင့် ကြိုတင်ပြင်ဆင်ထားရမည့် အချက်များထုတ်ပြန်ထားကြောင်းသိရသည်။

ယင်းထုတ်ပြန်ချက်တွင် ရေကြီးနေစဉ် အိမ်သုံးလျှပ်စစ်ပစ္စည်းများ၊မိန်းခလုတ်များပိတ်ထားရန်၊ ရေသန့် ကြိုချက်ထားသောရေ၊ရေသန့်ဆေးခတ်ထားသောရေကိုသာသောက်သုံးရန်၊အဆိပ်ရှိသော တိရစ္ဆာန်များ အိမ်ခြံတွင်းရှိမရှိစစ်ဆေးခြင်းများဆောင်ရွက်ရန်ဆိုသည့်အချက်များထည့်သွင်းဖော်ပြထားသည်။

ရေစိုနေသည့်လျှပ်စစ်ပစ္စည်းများအသုံးမပြုရန် ရေကြီးသောဒေသများတွင် မြစ်ကမ်းပါးတိုက်စားပြီး ပြိုကျတတ်သောကြောင့် မြစ်ကမ်းပါးအနီးမသွားရန်၊မိသားစုကွဲကွာနိုင်သဖြင့် ဆုံရပ်နှင့်ဆက်သွယ်ရမည့် ဖုန်းနှင့်နေရာများကိုကြိုတင်သတ်မှတ်ထားရန်လိုအပ်သည်ဟုဆိုသည်။

ရေဘေးမကြုံသေးသူများအနေဖြင့်လည်း ကြိုတင်ပြင်ဆင်မှုအနေဖြင့် နေအိမ်ကြံ့ခိုင်မှုစစ်ဆေးထားခြင်း၊ ပြောင်းရွှေ့မည့်လမ်းကြောင်းနှင့်မိသားစုဆုံမှတ်သတ်မှတ်ထားခြင်း၊ အရေးပေါ်သုံးပစ္စည်းများ၊စားရေ ရိက္ခာနှင့်စာရွက်စာတမ်းများကို မိမိနှင့်အတူအဆင်သင့်ထားရှိထားရန်လိုအပ်ကြောင်းသိရသည်။
Yangon-Times/tthl
#Local_News
#Published_ 11 August 2023
#မြစ်ရေများကြီးနေ #ကြိုတင်ပြင်ဆင်မှု #ပြိုကျတတ်သောကြောင့်မြစ်ကမ်းပါးအနီးမသွားရန်
#YMG #Yangon_Times

Published_ 11 August 2023

ရုရှားနှင့် မြန်မာတိုက်ရိုက် လေကြောင်း ခရီးစဉ်အနေဖြင့် ရန်ကုန်လေဆိပ်နှင့် မန္တ‌လေး တံတားဦး လေဆိပ်မှတဆင့် ရုရှားနိုင်ငံ နိုဗိုဆီဘီရက်စ်ခ် ခရီးစဉ်ကိုလာမည့် စက်တင်ဘာ (၅) ရက် မှစ၍ MAI လေကြောင်းလိုင်းမှပျံသန်းမည်ဖြစ်ကြောင်း ယင်း လေကြောင်းလိုင်းမှ သိရသည်း

MAI လေကြောင်းလိုင်းမှ အဆိုပါခရီးစဉ်ကို အပတ်စဉ် အင်္ဂါနှင့် စနေ​ေန့တိုင်း ပျံသန်းပြေးဆွဲသွားမည်ဟုသိရပြီး လက် မှတ်ခနှုန်းထားအနေဖြင့် အမေရိကန်ဒေါ်လာ  409 ဒေါ်လာဖြစ်သည်ဟု အဆိုပါလေကြောင်းလိုင်းမှ သိရသည်။

ခရီးစဉ်လမ်းကြောင်းသစ်ကို မြန်မာနိုင်ငံရှိ  နာမည်ကြီး ပြည်တွင်းခရီးစဉ်များဖြစ်သည့် ငပလီ ၊ ဟဲဟိုး၊ ပုဂံ ၊ ညောင်ဦး ခရီးစဉ်တို့နှင့်လည်း ချိတ်ဆက်ဆောင်ရွက်ပေးသွားရန်ရှိကြောင်း သိရသည်။

ယင်းခရီးစဉ်လမ်းကြောင်းမှတဆင့် ရုရှားနိုင်ငံမှ ခရီးသည်များအနေဖြင့် ထိုင်းနိုင်ငံ သုဝဏ္ဏဘူမိနှင့် ဒွန်မောင်းလေဆိပ် ၊စင်ကာပူ၊ ကွာလာလမ်ပူ၊ ဟနွိုင်း၊ ဖနွမ်းပင်နှင့် ကာလကတ္တားတို့အထိ အဆင်ပြေစွာ ချိတ်ဆက်၍ ခရီး သွားနိုင်မည်ဖြစ်ကြောင်းလည်း သိရသည်။
Yangon-Times/PP
#Local_News
#Published_ 11 August 2023
#MAI လေကြောင်းလိုင်း #ရုရှား - မြန်မာ လေကြောင်းခရီးစဉ် #ရန်ကုန်နှင့်မန္တ‌လေး
#YMG #Yangon_Times

Published_ 11 August 2023

နိုင်ငံ့ဂုဏ်ဆောင် ရွှေခေတ်မြန်မာ့လက်ရွေးစင် ဘောလုံးသမားဟောင်း ဦးတင်အေးသည် ယမန်နေ့ ဩဂုတ်လ (၁၀)ရက်က ကွယ်လွန်ခဲ့ပြီဖြစ်ကြောင်း မြန်မာနိုင်ငံဘောလုံးအဖွဲ့ချုပ်က အသိ ပေးထုတ်ပြန်သည်။

၎င်း ကွယ်လွန်ချိန်တွင် အသက် ၈၇ နှစ်ပြီဖြစ်ကာ ၊ ယမန်နေ့ နံနက် ၃နာရီ မိနစ် ၅၀အချိန်တွင် ကွယ်လွန်ခဲ့ကြောင်း သိရသည်။

ဦးတင်အေးကွယ်လွန်ခြင်းအတွက် မြန်မာနိုင်ငံဘောလုံးအဖွဲ့ချုပ် ဥက္ကဌ၊အလုပ်အမှုဆောင်အဖွဲ့နှင့်ဝန်ထမ်းများက ဝမ်းနည်းကြောင်း သဝဏ်လွှာထုတ်ပြန်ခဲ့သည်။

ဦးတင်အေးသည် ရွှေခေတ် မြန်မာ့လက်ရွေးစင်ဘောလုံးသမားများဖြစ်ကြသည့် ဗဟာဒူး၊ ဦးစိုးမြင့် တို့နှင့်အတူ ၁၉၆၂ ခုနှစ် အာရှဂိမ်းဘောလုံးပြိုင်ပွဲ၌ မြန်မာနိုင်ငံအတွက် ရွှေတံဆိပ်ရယူ‌ပေးခဲ့ကြသူများဖြစ်ကြောင်း သိရသည်။
Yangon_Times/my
#Local_News
#မြန်မာ့လက်ရွေးစင်ဘောလုံးသမား #ဦးတင်အေး #အာရှဂိမ်းဘောလုံးပြိုင်ပွဲ #ရွှေတံဆိပ်ရယူ‌ပေးခဲ့
#YMG #Yangon_Times

Published 11 August 2023

ယူကရိန်းစစ်ပွဲမှာ အီရန်က ရုရှားကိုထောက်ခံနေသလို သူတို့ရဲ့ နျူကလီးယားပရိုဂရမ်ကြောင့်လည်း အမေရိကန်တို့က စိုးရိမ်ပူပန်မှုတွေ ရှိနေပေမယ့် ဒေါ်လာ ၆ ဘီလီယံတန်ကြေးရှိ အကျဉ်းသားလဲလှယ်ရေး အစီအစဉ်ကို သမ္မတ'ဘိုင်ဒင်'က အီရန်နဲ့ သဘောတူညီချက် ရယူခဲ့ပါတယ်။

နာမည်ဆိုးဖြင့် ကျော်ကြားနေတဲ့ အီရန်ထိန်းသိမ်းရေးစခန်းမှ အမေရိကန်နိုင်ငံသား ၅ ဦး လွှတ်ပေးရေးအတွက် အမေရိကန် အကျဉ်းထောင်များရှိ အီရန်အကျဉ်းသားများအပြင် လူသားချင်းစာနာထောက်ထားမှု ရန်ပုံငွေ ဒေါ်လာ ၆ ဘီလီယံနဲ့ လဲလှယ်ရေးကို အမေရိကန်အရာရှိများက ညှိနှိုင်းခဲ့တာ ဖြစ်ပါတယ်။

လဲလှယ်ရေး တစ်စိတ်တစ်ပိုင်းအနေနဲ့ 'ဆီယာမက်ခ်နာမာဇီ'၊ 'အမ်မက်ရှာဂီ'၊ 'မိုရက်တာဘက်ဇ်'နဲ့ နောက်ထပ်အမေရိကန် အကျဉ်းသား ၂ ဦးတို့ဟာ အဲဗင်အကျဉ်းထောင်ကနေ လွတ်မြောက်လာကြောင်း အိမ်ဖြူတော်က ကြာသပတေးနေ့မှာ အတည်ပြုလိုက်ပါတယ်။

တီဟီရန်မြို့ရှိ ဟိုတယ်တစ်ခုမှာ အကျဉ်းသားတွေကို ပို့ဆောင်ထားကာ ဒဏ်ခတ်ပိတ်ဆို့ခံထားရပြီး ယခုလက်ရှိ ကိုရီးယားမှာ ထိန်းသိမ်းထားတဲ့ ရေနံဝင်ငွေ ဒေါ်လာ ၆ ဘီလီယံကို အီရန်အာဏာပိုင်များမှ မရမချင်း သူတို့ကို နေအိမ်အကျယ်ချုပ် ဆက်လက်ထားရှိထားမှာဖြစ်ကြောင်း သိရှိထားပါတယ်။

အစားအစာ ဆေးဝါးဝယ်ယူခြင်းစတဲ့ လူသားချင်းစာနာထောက်ထားမှု ရည်ရွယ်ချက်များအတွက် အီရန်က ထိုငွေတွေကို ကာတာသို့ လွှဲပေးမှာဖြစ်ကြောင်း နယူးယော့ခ်တိုင်းမ်စ်က ဖော်ပြထားပါတယ်။

အမေရိကန်- အီရန်စီးပွားရေးသမား မစ္စတာ'နာမာဇီ'ဟာ အီရန်ထောင်မှာ ၇ နှစ်တိုင်အောင် ထိန်းသိမ်းခံခဲ့ရပြီး ဒါဟာ အမေရိကန်နိုင်ငံသားတစ်ဦးကို အီရန်က အကြာဆုံးဖမ်းဆီးထာတာ ဖြစ်ပါတယ်။

နိုင်ငံရပ်ခြားအစိုးရနဲ့ ပူးပေါင်းဆောင်ရွက်တယ်ဆိုပြီး နာမာဇီကို ၂၀၁၅ ခုနှစ်မှာ ပြစ်ဒဏ်ချမှတ်ခံခဲ့ရတာဖြစ်ကာ အမေရိကန်သို့ ပြန်လည်သွားရောက်ခွင့်ရရန် အာမခံချက်မရှိခဲ့ဘူးလို့ သူ့ရဲ့ရှေ့နေက ဆိုပါတယ်။

အီရန်အပေါ် ဒဏ်ခတ်ပိတ်ဆို့မှုများကို ချိုးဖောက်သဖြင့် အမေရိကန်မှာ ထိန်းသိမ်းခံထားရတဲ့ အီရန်အကျဉ်းသားအချို့ကို သဘောတူညီချက် တစ်စိတ်တစ်ပိုင်းအနေနဲ့ လွှတ်ပေးရမှာဖြစ်ပါတယ်။

အခုလွတ်မြောက်လာတဲ့ အမေရိကန်တွေဟာ အစကတည်းက ထိန်းသိမ်းခြင်းမခံရသင့်ဘူးလို့ အမျိုးသားလုံခြုံရေးကောင်စီမှ ပြောရေးဆိုခွင့်ရှိသူ 'အက်ဒရီယန်ဝက်ဆန်'က ပြောပြခဲ့ပါတယ်။

သူတို့ရဲ့ အခြေအနေတွေကို အနီးကပ်ဆက်လက် စောင့်ကြည့်သွားမှာဖြစ်ပြီး သူတို့အားလုံး အမေရိကန်သို့ မရောက်မချင်း လုပ်ဆောင်သွားမှာဖြစ်ကြောင်း ဆိုပါတယ်။

အီရန်ဘက်မှ ဖြည်းဖြည်းချင်း အကျဉ်းသားလွှတ်ပေးရေးက ရှေ့ဆက်သွားနေပြီး အဆင်ပြေချောမွေ့နေတယ်လို့လည်း ပြောကြားခဲ့ပါတယ်။

ဝါရှင်တန်မှာတော့ အဆိုပါသဘောတူညီချက်နဲ့ ပတ်သက်ပြီး အငြင်းပွားနေကာ ရီပတ်ဘလစ်ကန်တွေက အီရန်နဲ့ ညှိနှိုင်းချင်နေတဲ့ ဘိုင်ဒင်ကို ဝေဖန်တိုက်ခိုက်နေကြပါတယ်။
Source: Telegrap
#World_News
#YMG #Yangon_Times

Published_ 11 August 2023

ဖရဲသီးက အခြားအသီးတွေနဲ့ ယှဉ်ရင် သကြားအများကြီး ပါဝင်တာမဟုတ်ဘဲ ရေဓာတ် ၉၀ ရာခိုင်နှုန်း ပါဝင်တာကြောင့် နွေရာသီစာအသီးများထက် အားသာနေပါတယ်။

ပူပြင်းတဲ့နေ့များအတွင်း ဆုံးရှုံးသွားတဲ့ ခန္ဓာကိုယ်မှ အရည်ဓာတ်တွေကို ဖြည့်တင်းပေးပါတယ်။

ဖရဲသီး ၁၀၀ ဂရမ်မှာ သစ်တော်သီး၊ ပန်းသီး၊ စပျစ်သီးတို့နဲ့ယှဉ်ရင် ကာဗိုဟိုက်ဒရိတ်တဝက်ခန့်သာ ပါဝင်ပါတယ်။

၁၅၀ ဂရမ်ရှိတဲ့ ဖရဲသီးတစ်ခွက်မှာ ၄၅ ကယ်လိုရီ၊ ကာဗိုဟိုက်ဒရိတ် ၁၁ ဂရမ်၊ လိုင်ကိုပင်း ၁၀ မီလီဂရမ်၊ ပရိုတိန်းနဲ့ အဆီဓာတ်အနည်းငယ် ပါဝင်ပါတယ်။

ဖရဲသီးစားပြီးတဲ့အခါ သွေးတွင်းသကြားဓာတ် လျင်မြန်စွာမြင့်တက်တတ်ပေမယ့် ချိစ်နဲ့ ရောစပ်စားသုံးဖို့တော့ အကြံပြုပါတယ်။

ဖရဲသီးကို ဗာဒံစေ့၊ သစ်ကြားသီး၊ ၅ ရာခိုင်နှုန်းချိစ်တို့ဖြင့် စားသုံးသင့်တယ်လို့လည်း အကြံပြုထားပါတယ်။

ဖရဲသီးလို အနီရောင်ရှိတဲ့အသီးတွေမှာ လိုင်ကိုပင်းလို့ခေါ်တဲ့ ဓာတ်တိုးဆန့်ကျင့်ပစ္စည်း ပါဝင်ပါတယ်။

လိုင်ကိုပင်းက ခန္ဓာကိုယ်ကို အန္တရာယ်ဖြစ်စေတဲ့ ပစ္စည်းများကို ချေဖျက်ပေးခြင်း၊ ရင့်ရော်လာတဲ့ အရေပြားဆဲလ်များကို နှောင့်နှေးစေခြင်း၊ နှလုံးသွေးကြောရောဂါများနဲ့ ကင်ဆာဖြစ်နိုင်ချေကို လျှော့ချပေးခြင်း၊ သွေးဖိအားအပေါ် ကောင်းကျိုးသက်ရောက်စေခြင်းတို့ ပြုလုပ်ပေးပါတယ်။

ဖရဲသီးမှာတွေ့ရတဲ့ လိုင်ကိုပင်းနဲ့ နောက်ထပ် ရောင်ခြယ်ပစ္စည်းဖြစ်တဲ့ ဘီတာကယ်ရိုတင်းဟာ အသားရည်ကို နေရောင်ခြည်မှ ကာကွယ်ပေးကာ ဗိုက်တာမင်-အေ အဓိကထုတ်လုပ်ပေးရာ နေရာဖြစ်ပါတယ်။

အဆိုပါဓာတ်တိုးဆန့်ကျင်ပစ္စည်းတွေဟာ ပန်ကရိယကင်ဆာ၊ အစာအိမ်ကင်ဆာ၊ အူမကြီးကင်ဆာ၊ ရင်သားကင်ဆာ၊ ဆီးကျိတ်ကင်ဆာတို့ကို ကာကွယ်ရာမှာ ကူညီပေးပါတယ်။

ဖရဲသီးထဲမှာ ဆစ်ထရူလင်း အမိုင်နိုအက်ဆစ်များစွာ ပါဝင်ပြီး ခန္ဓာကိုယ်ထဲက သွေးလည်ပတ်မှုကို ကောင်းမွန်စေပြီး နှလုံးနဲ့ သွေးကြောကျန်းမာရေးတို့ကို တိုးတက်စေပါတယ်။

ဖရဲသီးအစေ့တွေဟာလည်း စားစရာအဖြစ်အသုံးပြုကြကာ အိုမီဂါ-၃ဖက်တီးအက်ဆစ်တို့ ကြွယ်ဝစွာပါဝင်ပါတယ်။

ဇင့်နဲ့ သံဓာတ်တို့လည်း အများအပြားပါဝင်တာကြောင့် အမျိုးသမီးများရဲ့ လိုအပ်ချက်ကို ဖြည့်ဆည်းနိုင်ပါတယ်။
Source: The Jerusalem Post
#World_Health
#YMG #Yangon_Times

Published 11 August 2023

တစ်နေ့ကို သကြားပါတဲ့ အချိုရည်တစ်ခွက်သောက်သုံးတဲ့ သက်ကြီးအမျိုးသမီးတွေမှာ အသည်းကင်ဆာ ဖြစ်နိုင်ချေ သိသိသာသာမြင့်မားပြီး နာတာရှည်အသည်းရောဂါဖြင့် သေဆုံးနိုင်ချေ မြင့်မားကြောင်း JAMA ဂျာနယ်မှာ အင်္ဂါနေ့က ဖော်ပြထားပါတယ်။

နေ့စဉ် အချိုရည်၊ သစ်သီးဖျော်ရည် အနည်းဆုံးတစ်ခွက် သောက်သုံးတဲ့ ဓမ္မတာဆုံးပြီး အမျိုးသမီးများမှာ အသည်းကင်ဆာဖြစ်နိုင်ချေ ၁.၇၅ ဆ ပိုများပြီး တစ်လကို ၃ ခွက်အောက်သာ သောက်သုံးသူများထက် နာတာရှည်အသည်းရောဂါကြောင့် အသက်သေဆုံးနိုင်ချေ ၂.၅ ဆ ပိုများပါတယ်။

ဒါကြောင့် အချိုပါတဲ့ ဖျော်ရည်တွေကို နေ့စဉ်သောက်သုံးမယ်ဆိုရင် ထပ်မံချင့်ချိန်စဉ်းစားဖို့ လိုအပ်ကြောင်း ဘရစ္စတိုလ်တက္ကသိုလ်မှ ဒေါက်တာ'ပေါလင်းအမ်မက်'က ပြောပြသွားပါတယ်။

ဟားဗတ်ဆေးဘက်ဆိုင်ရာကျောင်းမှ သုတေသီများက အသက် ၅၀ မှ ၇၉ နှစ်ကြား အမေရိကန်အမျိုးသမီး ၁ သိန်းနီးပါးကို နှစ်ပေါင်း ၂၀ ကြာအောင် လေ့လာခဲ့ပါတယ်။

ဆယ်စုနှစ် ၂ ခုအတွင်း အသည်းကင်ဆာကို အမျိုးသမီး ၂၀၇ ဦးခံစားခဲ့ရကာ နာတာရှည်အသည်းရောဂါကြောင့် ၁၄၈ ဦး သေဆုံးခဲ့ပါတယ်။

နောက်ထပ်လေ့လာမှုမှာတော့ ဖရပ်တို့စ်သောက်သုံးခြင်းဖြင့် အဝလွန်ခြင်း၊ ဆီးချိုရောဂါ၊ အသည်းအဆီဖုံးရောဂါတွေ ဖြစ်ပေါ်စေကြောင်း၊ အမေရိကန်လူမျိုးတွေဟာ စားပွဲတင်သကြားကနေ ဖရပ်တို့စ်စားသုံးမိကာ ကျန်းမာရေးဆိုးကျိုးများ ဖြစ်စေနိုင်ကြောင်း တွေ့ရှိထားပါတယ်။

ဆိုဒါ၊ အားဖြည့်အချိုရည်၊ အသီးဖျော်ရည်တို့လို အချိုဓာတ်ပါတဲ့အအေးတွေမှာ အဝလွန်ခြင်း၊ ဆီးချိုရောဂါ၊ ကင်ဆာ၊ အသည်းရောဂါများ ဖြစ်စေနိုင်တယ်ဆိုတာ အရင်ကတည်းက သိထားပါတယ်။

အမေရိကန်မှာ နာတာရှည်အသည်းရောဂါက သေဆုံးခြင်းအကြောင်းအရင်းထဲမှာ နဝမမြောက်အများဆုံးဖြစ်နေပြီး နှစ်စဉ် သေဆုံးသူ ၅၆,၀၀၀ ရှိနေကြောင်း ရောဂါထိန်းချုပ်ကာကွယ်ရေးစင်တာက ဆိုပါတယ်။

အသည်းရောဂါဟာ ကမ္ဘာမှာ အဖြစ်များလာပြီး အထူးသဖြင့် ကိုဗစ်ကပ်ရောဂါနဲ့ ဆက်စပ်ကာ အရက်သေစာကြောင့် အသည်းရောဂါဖြစ်ခြင်းနဲ့ ပတ်သက်လာပါတယ်။
Source: NY Post
#World_Health
#အသည်းကင်ဆာဖြစ်နိုင်ချေ #သိသိသာသာမြင့်မားကြောင်း #လေ့လာတွေ့ရှိ #တစ်နေ့ကိုအချိုရည်တစ်ခွက်သောက်သုံးခြင်း
#YMG #Yangon_Times

စီးတီးဝေါ့ခ်လိုခေါ်တဲ့ မြို့ပေါ်လမ်းလျှောက်ခရီးသွား အစီအစဉ်က ယခုနွေရာသီအတွင်း တရုတ်ဆိုရှယ်မီဒီယာတွေမှာ ပျံ့နှံလာပြီး ရှန်ဟိုင်းမှာ နာမည်ကြီး ခရီးသွားစရာ ရွေးချယ်မှုဖြစ်လာကာ ခရီးသွားဧည့်သည်များနဲ့ သမိုင်းကြောင်းဝါသနာရှင်များကို ဆွဲဆောင်ထားနိုင်ပါတယ်။
#World_Tourism
#ရှန်ဟိုင်းရှိစီးတီးဝေါ့ခ် #City Walk
#YMG #Yangon_Times