#Daily_News
Published_ 10 August 2023

၁။ ဘားအံမြို့ ရေဘေးသင့်ပြည်သူ ၂၀၀၀ ကျော်အတွက် အရေးပေါ်လိုအပ်သော ပစ္စည်းများ လူကယ်ပြန်ဝန်ကြီးထောက်ပံ့

၂။ မြန်မာ့ရုပ်ရှင်ဇာတ်ကားများကို အာဆီယံရုပ်ရှင်ပြပွဲအပါအဝင် နိုင်ငံတကာပြပွဲများတွင် ပါဝင်ပြသနိုင်အောင် စီစဉ်ဆောင်ရွက်နေ

၃။ ဆီမီးဖိုင်နယ်အဆင့်တွင် မြန်မာအသင်းနှင့် ချက်အသင်းတို့ ယှဉ်ပြိုင်ကစားမည်

၄။ ရှန်ဟိုင်းရှိစီးတီးဝေါ့ခ် City Walk ခရီးစဉ်တွင် ပါဝင်ချင်သူ ပိုမိုများပြားလာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 10 August 2023

ပြည်ထောင်စုတစ်ဝန်းလုံး စည်းရုံးမည့် ပါတီများထဲမှ ခွင့်ပြုရန် ၅ ပါတီကျန်နေကြောင်း ပြည်ထောင်စုရွေး ကောက်ပွဲ ကော်မရှင်(UEC) သိရသည်။
မှတ်ပုံတင်ခွင့် ပြန်လည် လျှောက်ထားသည့် ပါတီ ၅၀ ပါတီနှင့် ပုဒ်မ ၃ အရ အသစ် လျှောက်ထားသည့် ပါတီ ၁၃ ပါတီဖြစ်၍ စုစုပေါင်း ၆၃ ပါတီရှိကြောင်း သိရသည်။

UEC အနေဖြင့် မှတ်ပုံတင်ခွင့်ပြုပြီးသော နိုင်ငံရေးပါတီ ၃၅ ပါတီ ရှိကြောင်း၊ယင်းအထဲမှ ပြည်ထောင်စု ရွေးကောက် ပွဲကော်မရှင်ထံ ပါတီ ၁၂ ပါတီ က မှတ်ပုံတင်ခွင့်နှင့် တည်ထောင်ခွင့် လျှောက်ထားခဲ့ကြောင်း သိရသည်။

လက်ရှိအချိန်ထိ ပြည်ထောင်စုရွေးကောက်ပွဲကော်မရှင်တွင် မှတ်ပုံတင်ခွင့်နှင့် တည်ထောင်ခွင့် လျှောက်ထား သည့် ပြည်ထောင်စုတစ်ဝန်းလုံး စည်းရုံး မည့် ပါတီ ၁၂ ပါတီရှိပြီး ၇ ပါတီကို မှတ်ပုံတင်ခွင့်ပြုခဲ့ကာ ကျန် ၅ ပါတီကို ဥပဒေနှင့်အညီ လိုအပ်သည့် စိစစ်မှုများ ဆောင်ရွက်ဆဲ ဖြစ်ကြောင်း UEC က သိရသည်။
Yangon=Times/PP
#Local_News
#ပြည်ထောင်စုရွေးကောက်ပွဲကော်မရှင် #နိုင်ငံရေးပါတီ ၃၅ ပါတီ
#YMG #Yangon_Times

Published_ 10 August 2023

နိုင်ငံခြားသုံးငွေကြီးကြပ်မှုကော်မတီကို ပြင်ဆင်ဖွဲ့စည်းလိုက်ကြောင်း မြန်မာနိုင်ငံ ပြန်တမ်းအရ သိရသည်။

နိုင်ငံခြားငွေလဲလှယ်နှုန်း တည်ငြိမ်ရေးနှင့် နိုင်ငံခြားငွေ ထိရောက်စွာ အသုံးပြုနိုင်ရေးအတွက် ရည်ရွယ်ဖွဲ့စည်း ထားသော အဆိုပါကော်မတီတွင် နစက အဖွဲ့ဝင် ဒုတိယဗိုလ်ချုပ်ကြီး မိုးမြင့်ထွန်းက ဥက္ကဋ္ဌတာဝန်ယူထား ကြောင်း ဖော်ပြထားသည်။

အဖွဲ့ဝင်များမှာ ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်၊ ၊ နစက ဥက္ကဋ္ဌ၏ အကြံပေးပုဂ္ဂိုလ် ဒုတိယဗိုလ်ချုပ်ကြီး ညိုစော၊ စီးပွားရေးနှင့် ကူးသန်း ပြည်ထောင်စုဝန်ကြီး ဦးအောင်နိုင်ဦး ၊ ဗဟိုဘဏ် ဥက္ကဋ္ဌ ဒေါ်သန်းသန်းဆွေ တို့ကလည်းကောင်း၊ အတွင်းရေးမှူးအဖြစ် ရင်းနှီးမြှုပ်နှံမှု နှင့် နိုင်ငံခြားစီးပွားဆက် သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာ ကံဇော် ကလည်းကောင်း တာဝန်ယူကြမည် ဖြစ်ကြောင်း သိရသည်။

ကော်မတီအနေဖြင့် ပြည်တွင်းရှိ ရင်းနှီးမြှုပ်နှံမှုလုပ်ငန်းများ၊ ကုန်ထုတ်လုပ်မှုလုပ်ငန်းများအတွက် လိုအပ်သည့် စက်ပစ္စည်းများ၊ လုပ်ငန်းသုံး ယာဉ်ယန္တရားများ၊ ကုန်ထုတ် လုပ်မှုအတွက် လိုအပ်သည့် အသုံးအဆောင်များနှင့် ကုန်ကြမ်းပစ္စည်း စသည်တို့ တင်သွင်းရန် လိုအပ်သည့် နိုင်ငံခြားသုံးငွေများကို စိစစ်ခွင့်ပြုရမည် ဖြစ်ကြောင်း သိရသည်။

အလားတူ စက်သုံးဆီ၊ ဆေးဝါး၊ စားသုံးဆီ၊ ဓာတ်မြေဩဇာ၊ ပိုးသတ်ဆေး၊ ပြည်တွင်း၌ ဝယ်ယူနိုင်ခြင်းမရှိတဲ့ တည်ဆောက်ရေး လုပ်ငန်းသုံးပစ္စည်းများ စသည်တို့ကိုဝယ်ယူရေးအတွက် လိုအပ်သည့် နိုင်ငံခြားသုံးငွေကို စိစစ်ခွင့်ပြုခြင်း၊ ပြည်ပသို့ ဆေးဝါးကုသခြင်း၊ ပညာရေးကိစ္စများအတွက် သွားရောက်ခြင်းနှင့် ဘာသာရေး ကိစ္စများအတွက် သွားရောက်ခြင်း စသည်တို့ အတွက်လည်း စိစစ်ရမည်ဖြစ်ကြောင်း သိရသည်။

ယင်းအပြင် အထွေထွေဆိုင်ရာ ပစ္စည်းများ ပြည်ပမှ တင်သွင်းခြင်း၊ ပြည်ပသို့ ချေးငွေနှင့် အတိုးများ ပြန်လည် ပေး ဆပ်ခြင်း၊ ဝန်ဆောင်ခများပေးချေခြင်း၊ ရင်းနှီးမြှုပ်နှံမှုလုပ်ငန်းများမှ အမြတ်ငွေများ ပြန်လည်လွှဲပို့ခြင်း ၊ လူမှုအသုံးအဆောင် ဇိမ်ခံပစ္စည်းများ တင်သွင်းမှုအတွက် မဖြစ်မနေတင်သွင်းရန် လိုအပ်မှုအပေါ်စိစစ် ခွင့်ပြု ခြင်း၊ နိုင်ငံတွင်းရှိ ပြည်တွင်း၊ ပြည်ပ ရင်းနှီးမြှုပ်နှံမှု လုပ်ငန်းများ၊ ကုန်ထုတ်လုပ်ငန်းများ၊ ပို့ကုန်၊ သွင်းကုန် လုပ်ငန်းများ၊ ပညာရေး၊ ကျန်းမာရေးအပါအဝင် ဝန်ဆောင်မှုလုပ်ငန်းများအတွက် နိုင်ငံခြားသုံး ငွေလည်ပတ် မှုဆိုင်ရာ ကိစ္စရပ်များကို ကြီးကြပ်ကွပ်ကဲခြင်း နှင့် အခြားပေးအပ်သော တာဝန်များကိုလည်း ထမ်းဆောင် ရမည်ဖြစ်ကြောင်း သိရသည်။
Yangon-Times/PP
#Local_News
#နိုင်ငံခြားသုံးငွေကြီးကြပ်မှုကော်မတီ #မြန်မာနိုင်ငံ # ဒုတိယဝန်ကြီးချုပ် #စီမံကိန်းနှင့်ဘဏ္ဍာရေးဝန်ကြီးဌာန
#YMG #Yangon_Times

Published_ 10 August 2023

မြန်မာလက်ရွေးစင် ယူ၂၃ ဘောလုံးအသင်းအနေဖြင့် အိမ်ရှင် ထိုင်းအသင်းနှင့် ယှဉ်ပြိုင်ကစားရမည်ဖြစ်သော်လည်း စိန်ခေါ်မှုကောင်းများ ရရှိသည်ဟု မြန်မာ အသင်းနည်းပြချုပ် Michael Feichten beiner ကဆိုသည်။

"အိမ်ရှင်အသင်းတွေနဲ့ ဆုံတွေ့နေရတာ ကျွန်တော်တို့အတွက် ခက်ခဲပေမယ့် ဒါကိုက စိန်ခေါ်မှုကောင်းတွေ ဖြစ်နေပါတယ်။"ဟုဆိုသည်။

လာမည့် သြဂုတ် (၁၇) မှ (၂၆)ရက်အထိ ကျင်းပမည့် အာဆီယံ ယူ-၂၃ ပြိုင်ပွဲတွင် မြန်မာအသင်းအနေဖြင့်  ထိုင်း၊ ကမ္ဘော ဒီးယား၊ ဘရူနိုင်းတို့ကို ယှဉ်ပြိုင်ကစားသွားရမည်ဖြစ်ကြောင်း သိရသည်။

မြန်မာ့လက်ရွေးစင် ယူ‌၂၃ အသင်းအနေဖြင့် စက်တင်ဘာလအတွင်း အာရှ ယူ ၂၃ ခြေစစ်ပွဲတွင်လည်း တောင်ကိုရီးယားနှင့် ကာဇက်စတန်အသင်းတို့ဖြင့် ဆက်လက် ယှဉ်ပြိုင်ကစားသွားရမည်ဖြစ်သည်။

ထို့အပြင် မြန်မာ ယူ၂၃ အသင်းအနေဖြင့်အောက်တိုဘာလအတွင်း အာရှအားက စားပွဲတော်တွင်လည်း ဝင်ရောက်ယှဉ် ပြိုင်သွားရမည်ဖြစ်ကြောင်း သိရသည်။

ထို့ကြောင့် မြန်မာယူ၂၃ အသင်းအနေဖြင့် ယခုနှစ်အတွင်း ယှဉ်ပြိုင်ကစားရမည့် ပွဲများဆက်တိုက်ရှိနေခြင်းဖြစ်သည်။
Yangon Times/my
#Local_News
#ဘောလုံးအဖွဲချုပ် # မြန်မာလက်ရွေးစင် ယူ၂၃ #တောင်ကိုရီးယား # အသင်းနည်းပြချုပ် Michael Feichten beiner
#YMG #Yangon_Times

ဘောလုံးအဖွဲချုပ်က  နည်းပြသင်တန်းကို လေးရက်ကြာပြုလုပ်မည်

သင်တန်းကို ဩဂုတ်လ (၁၀)ရက်နေ့ကနေ ဩဂုတ်လ (၁၃) ရက်နေအထိ လေးရက်ကြာ သင်ကြားပို့ချမည်
Yangon-Times/my
#Local_News
#ဘောလုံးအဖွဲချုပ် # နည်းပြသင်တန်း #လေးရက်ကြာပြုလုပ်မည်# Coach Education
#YMG #Yangon_Times

ဆီမီးဖိုင်နယ်အဆင့်တွင် မြန်မာအသင်းနှင့် ချက်အသင်းတို့ ယှဉ်ပြိုင်ကစားမည်

ချက်အသင်းဟာ အုပ်စု(ခ)ပွဲစဉ်မှာ အုပ်စုပထမရရှိခဲ့တဲ့ အသင်းတစ်သင်း
Yangon-Times/my
#Local_News
#မြန်မာအသင်း #ချက်အသင်း #ယှဉ်ပြိုင်ကစားမည် # ဆီမီးဖိုင်နယ်အဆင့်
#YMG #Yangon_Times

မြန်မာရုပ်ရှင်ဇာတ်ကားများ နိုင်ငံတကာပြပွဲ ပြသနိုင်အောင်စီစဉ်နေ

‘‘အခုကျင်းပမယ့် အာဆီယံရုပ်ရှင်ပြပွဲဟာ စက်တင်ဘာလဒုတိယအပတ်မှာ သီရိလင်္ကာနိုင်ငံမှာ ကျင်းပမှာဖြစ်ပြီး မြန်မာနိုင်ငံမှအင်္ဂလိပ်စာတမ်းထိုးတားတဲ့ မြန်မာ့ရုပ်ရှင်ဇာတ်ကား(၁)ကား နဲ့ ဇာတ်လမ်းတို(၃)ကားပါဝင်ပြသနိုင်မှာဖြစ်တယ်။ ဒီပြပွဲအပြင် နိုင်ငံတကာပြပွဲတွေမှာလည်းပြသနိုင်အောင်စီစဉ်ဆောင်ရွက်နေပါတယ်’’ ဦးချမ်းသာကြည်စိုး၊ပြန်ကြားရေးမှူး (မြန်မာနိုင်ငံရုပ်ရှင်အစည်းအရုံး၊နိုင်ငံတကာဆက်ဆံရေးကော်မတီ
Yangon-Times/tthl
#Local_News
#မြန်မာရုပ်ရှင် #ဇာတ်လမ်းတွဲများ #နိုင်ငံတကာပြပွဲများ # ပြသရန်စီစဉ်နေ #အာဆီယံရုပ်ရှင်ပြပွဲ #သီရိလင်္ကာနိုင်ငံ
#YMG #Yangon_Times

ဘားအံမြို့ ရေဘေးသင့်ပြည်သူ ၂၀၀၀ ကျော်အတွက် အရေးပေါ်လိုအပ်သော ပစ္စည်းများ လူကယ်ပြန်ဝန်ကြီးထောက်ပံ့

ဘားအံတွင် ကယ်ဆယ်ရေးစခန်းတွေ ဖွင့်လှစ်ပြီး ထောက်ပံ့ပစ္စည်းတွေပေးအပ်
Yangon-Times/my
#Local_News
#မြစ်‌ရေကြီး #မိုးသည်းထန်စွာရွာသွန် #ဘားအံမြို့ #ရေဘေးသင့်ပြည်သူ #လူကယ်ပြန်ဝန်ကြီး #ကယ်ဆယ်ရေးစခန်း
#YMG #Yangon_Times

Published_ 10 August 2023

အဖမ်းခံထားရသော မီးသတ်ဝန်ထမ်းတစ်ဦးအပါအဝင် အရပ်သား လူ ၃၀ ဦးကို လုံခြုံရေးတပ်ဖွဲ့ဝင်များက ကယ်တင်နိုင်ခဲ့ ကြောင်း နစကသတင်းထုတ်ပြန်ရေးအဖွဲ့က သိရသည်။

ပြီးခဲ့သည့် ဩဂုတ်လ ၅ ရက် ညနေ ၄ နာရီခွဲခန့်က စစ်ကိုင်းတိုင်းဒေသကြီး၊ ရွှေဘိုမြို့နယ်၊ ဘုန်းကုန်းကျေး ရွာ အနောက်ဘက် ၂ မိုင်ခန့်အကွာ လယ်ကွင်းများ၌ စပါးစိုက်ပျိုးနေကြသည့် ဒေသခံပြည်သူ ၂၁ ဦးနှင့် နွား၊ သိုး၊ ဆိတ်နှင့် လှည်းများ အတင်းအဓမ္ဓဖမ်းဆီး ခေါ်ဆောင်သွားခံခဲ့ရခြင်း ဖြစ်ကြောင်း သိရသည်။

အဆိုပါ ကျေးရွာသူ၊ ကျေးရွာသားများအား ငွေကြေးဖြင့် လာရောက်ရွေးရန် အတင်းအဓမ္မခြိမ်းခြောက်ခြင်းများ လုပ်ဆောင်နေသောကြောင့် ဒေသခံပြည်သူများက ဖမ်းဆီးခံ ကျေးရွာသူ၊ ကျေးရွားသားများအား ပြန်လည် ကယ်တင်ပေးရန် နယ်မြေခံတပ်သို့ လာရောက်အကူအညီတောင်းခံခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

ယင်းကြောင့် ခင်ဦးမြို့နယ်၊ ရွာသန်း ကျေးရွာသို့ ဝင်ရောက်စီးနင်း ရှာဖွေကယ်ဆယ်ခြင်းများ ဆောင်ရွက်ခဲ့ရာ ဖမ်းဆီးခံထားရသော ဘုန်းကုန်းကျေးရွာနှင့် ပတ်ဝန်းကျင်ကျေးရွာများမှ အရပ်သား ၂၉ ဦးနှင့် မီးသတ်ဝန်ထမ်း ၁ ဦး၊ စုစုပေါင်း ၃၀ ဦးတို့အား ခင်ဦးမြို့နယ်၊ ရွာသန်းကျေးရွာရှိ နေအိမ် ၂ လုံးအတွင်းမှ ကယ်ဆယ်နိုင်ခဲ့ ကြောင်း သိရသည်။

၎င်းအပြင် လက်လုပ်စိန်ပြောင်း ၃ လက်၊ လက်လုပ်ဗုံးသီး ၄၂ လုံး၊ လက်လုပ်ရှော့တိုက်ဒုံး ၁၂ လုံး၊ လက်လုပ် သေနတ် ၄ လက်၊ မိုင်းမျိုးစုံ ၁၆ လုံးနှင့် ဆက်စပ်ပစ္စည်းများ ဖမ်းဆီးရမိခဲ့ကြောင်းလည်း နစက သတင်းတွင် ဖော်ပြထားသည်။
Yangon-Times/PP
#Local_News
#အဖမ်းခံထားရ #မီးသတ်ဝန်ထမ်းတစ်ဦး #အရပ်သား #လုံခြုံရေးတပ်ဖွဲ့ဝင်များ #နစက
#YMG #Yangon_Times

Published_ 10 August 2023

သာကေတမြို့နယ် ၊ ဧရာဝဏ်လမ်းမကြီး ပေါ်ရှိ(၈)ထိပ်မှတ်တိုင်အနီးတွင် ယာဉ်သုံးစီး ဆင့်တိုက်မှုတစ်ခု ယနေ့ ဩဂုတ် (၁၀)ရက် နံနက်( ၇ )နာရီ ဝန်းကျင်အချိန်တွင် ဖြစ်ပွားခဲ့ကြောင်း ယင်းမြို့နယ်အခြေစိုက်လူမှူကုညီရေးအဖွဲ့ထံမှ သိရသည်။

အဆိုပါ ယာဉ်သုံးစီးဆင့်တိုက်မှုသည် အမှတ် (၃၃) YBSယာဉ်နှင့် Passo အမျိုးအစားယာဉ်တစ်စီးတို့ ကနဦးတိုက်မိရာမှ လမ်းဘေးတွင်ရပ်ထားသော သုံးဘီးအငှားဆိုင်ကယ်အား ထပ်မံတိုက်မိခဲ့ခြင်းဖြစ်သည်ဟုဆိုသည်။

" ဒဏ်ရာရတဲ့သူတွေအသက်အန္တရာယ်တော့မရှိပါဘူး။ တစ်ဦးကိုတော့ဆေးရုံပို့လိုက်ရပါတယ်။ ကျန်တစ်ဦးကတော့မြေပြင် ဆေးကုသပေးလိုက်ပါတယ်"ဟု လူမှုကူညီရေးအဖွဲ့ က Yangon Times ကို ပြောသည်။

ယင်း ဖြစ်စဉ်ကြောင့် Passoအမျိုးအစားယာဉ်ပေါ်ပါသူ အမျိုးသားငယ်တစ်ဦးနှင့် သုံးဘီးဆိုင်ကယ်ပေါ်ရှိ အမျိုးသားတစ်ဦးတို့ ဦးခေါင်းနှင့် ခြေလက်တို့တွင် ထိခို က်ဒဏ်ရာအချို့ရရှိခဲ့ကြောင်းသိရသည်။

ထို့အတွက် သာကေတမြို့နယ် လူမှုကူညီရေးအဖွဲ့တစ်ဖွဲ့က မြေပြင်ဆေးကုသမှုများပြုလုပ်ပေးပြီး ဒဏ်ရာရသူနှစ်ဉီးအနက် တစ်ဦးကို ရန်ကုန်ပြည့်ဆေးရုံကြီးသို့ ပို့ဆောင်ပေးခဲ့ရသည်ဟုဆိုသည်။
Yangon Times/my
#Local_News
#သာကေတမြို့နယ် #ယာဉ်သုံးစီးဆင့်တိုက် #နှစ်ဦးထိခိုက်
#YMG #Yangon_Times

Published_ 10 August 2023

- ဝက်စ်ဟမ်းအသင်းသည် ဟန်ယူနောက်ခံလူ မက်ဂွိုင်းယားအား ပေါင်သန်း၃၀ဖြင့်လည်းကောင်း၊ဆောက်သမ်တန်မှအင်္ဂလန်လက်ရွေးစင်ကွင်းလယ်လူ ဝပ်ပရောက်စ်အား လည်းကောင်း ခေါ်ယူနိုင်ခဲ့ပြီဖြစ်ပြီး အေဂျက်ကွင်းလယ်လူ အယ်ဗာရက်ဇ်အားလည်းခေါ်ယူရန် သဘောတူညီခဲ့ပြီဖြစ်သည်။

- အာဆင်နယ်အသင်းသည် ဘရန့်ဖို့ဒ်ရိုးသမားဒေးဗစ်ရာယာအားပေါင်သန်း ၃၀ဖြင့်အပြီးသတ်ခေါ်ယူခဲ့ပြီး အသင်းမှ အရန်ဂိုးသမား မက်တာနာ အားနော့တင်ဟမ်ဖောရက်စ်သို့ ပေါင်၁၀သန်းဖြင့်ရောင်းချခဲ့သည်။

- မန်စီးတီးအသင်းသည် ၀က်စ်ဟမ်းမှ ဘရာဇီးလက်ရွေးစင် ကွင်းလယ်လူပါကေတာ အား ပေါင်း သန်း ၇၀ ဖြင့် ကမ်းလှမ်းခဲ့ပြီးကစားသမားကလည်းမန်စီးတီးသို့ပြောင်းရွှေ့ရန်လိုလားနေသည်ဟုသိရသည်။

-လက်စတာအသင်းသည် ချယ်လ်ဆီးမှ အီတလီလူငယ်ကွင်းလယ်လူ ကာဆာဒိုင်းအား အငှားစာချုပ်ဖြင့်ခေါ်ယူခဲ့သည်။

-မန်ယူအသင်းသည် ထွက်ခွာသွား ပေါနောက်ခံလူ မက်ဂွိုင်းယား၏နေရာတွင် အစားထိုးရန် ဘိုင်ယန်မြူးနစ်နောက်ခံလူပါဗက်၊ လေဗာကူဆင်နောက်ခံလူတက်ဆိုဘာနှင့် နိုက်စ်နောက်ခံလူတိုဒီဘိုတို့ကိုစောင့်ကြည့်လျက်ရှိသည်။

- အာဆင်နယ်တိုက်စစ်မှူး ဂျေဇူးနှင့်ယခုရာသီတွင် အသစ်ပြောင်းရွှေ့လာကြသည့် မန်ယူတိုက်စစ်မှူးဟွိုင်လန်း ချယ်လ်ဆီးတိုက်စစ်ကစားသမား အန်တွန်ကူတို့သည်ဒဏ်ရာပြဿနာများကြောင့် ရာသီအစ ပွဲစဉ်အချို့ကိုလွဲချော်ရတော့မည်ဖြစ်သည်။

- လီဗာပူးအသင်းက ခေါ်ယူရန်ကြိုးပမ်းနေသည့်ဆောက်သမ်တန်မှဘယ်လ်ဂျီယံ ကွင်းလယ်လူ လာဗီယာမှာ ပေါင်သန်း၅၀တန်ကြေးမရှိကြောင်းအသင်းနောက်ခံလူဟောင်းကာရေဂါကဝေဖန်ပြောကြားခဲ့သည်။

- ဘိုင်ယန်မြူးနစ် သည် ချယ်လ်ဆီး ဂိုးသမား ကီပါအား ခေါ်ယူရန် ကမ်းလှမ်းထားပြီး လက်ရှိ ဂိုးသမားကြီးနျူအာမှာ နောက်ထပ်၈ပတ်မှ ၁၀ပတ်အထိ ထပ်မံအနားယူရဦးမည်ဟု ဆိုသည်။

- ဆော်ဒီကလပ် အယ်ဟီလယ်သည် အက်သလက်တီကိုတိုက် စစ်မှူး ယာအိုဖိလစ်အား အငှားဖြင့် ခေါ်ယူရန်စိတ်ဝင်စားနေပြီး ကစားသမားက မူဘာစီလိုနာသို့ ပြောင်းရွှေ့လိုနေသည်။

-မန်စီးတီးအသင်းသည် အဓိကကစားသမားများဖြစ်သော ဘာနာဒိုဆေးလ်ဗားနှင့် ပေါ့တာတို့ကို စာချူပ်သစ်များ သက်တမ်းတိုးနိုင်မည်ဟုယုံကြည်နေသည်။
#World_Sport
#ဥရောပ #ဘောလုံးအပြောင်းအရွှေ့ #နောက်ဆုံးရသတင်းများ
#YMG #Yangon_Times

Published_ 10 August 2023

မြဝတီ-ကော့ကရိတ် အာရှလမ်းမကြီးပေါ် မြေပြိုကျမှုကြောင့် ပျက်စီးသွားသော လမ်းပိုင်းတွင် ယာယီဘေလီ တံတားတည်ဆောက်မည်ဖြစ်ကြောင်း ဆောက်လုပ်ရေးဝန်ကြီးဌာနက သိရသည်။

သြဂုတ်လ လဆန်းပိုင်းကစ၍ ကရင်ပြည်နယ်အတွင်း မိုးအဆက်မပြတ်ရွာသွန်းမှုကြောင့် မြစ်ရေ၊ ချောင်း ရေလျှံခြင်း၊ မြေပြိုကျခြင်းများ ဖြစ်ပေါ်ခဲ့သည့်အပြင် မြဝတီ–ကော့ကရိတ် အာရှကားလမ်းမကြီး၊ တောနော် ရေတံခွန်အနီး မိုင်တိုင်အမှတ်(၁၄၉) နှင့် (၁၅၀)အကြားနေရာတွင် ကားလမ်းအောက်ခံမြေသား အကျယ် ၃၃ ပေရှိ ကတ္တရာခင်းကားလမ်းအရှည် ၁၅၀ ပေခန့် ပဲ့ကျပျက်စီးခဲ့ကြောင်း သိရသည်။

ယင်းကြောင့် ပေ ၂၀၀ ခန့်ရှိ ယာယီဘေလီတံတားထိုးရန် ဆောက်လုပ်ရေးဝန်ကြီးဌာနက စီစဉ်နေကြောင်း၊ တည်ဆောက်ချိန် တစ်လခန့် ကြာမြင့်နိုင်ကြောင်း သိရသည်။

လက်ရှိတွင် ကုန်တင်ယာဉ်ကြီးများ သွားလာမောင်းနှင်၍ မရသော်လည်း လူစီးယာဉ်များနှင့် ပစ္စည်းသယ် ယာဉ်ငယ်များကို ယခင်ကအသုံးပြုခဲ့သော မြဝတီ-ကော့ကရိတ် လမ်းဟောင်းဖြစ်သည့် ထို့ကော်ကိုးလမ်းပိုင်း က အသုံးပြုမောင်းနှင်နိုင်စေရန် စီစဉ်ထားကြောင်း သိရသည်။
Yangon_Times/PP
#Local_News
#မြဝတီ-ကော့ကရိတ် #အာရှလမ်းမကြီး #မြေပြိုကျမှု #ယာယီဘေလီတံတား
#YMG #Yangon_Times