Published_ 8 August 2023

နှစ်နိုင်ငံ အပြန်အလှန် ပူးပေါင်းဆောင်ရွက်မှုများ ဆက်လက်မြှင့်တင်နိုင်ဖို့ ဘယ်လာရုစ်နိုင်ငံ၌ မြန်မာကောင်စစ်ဝန်ချုပ်ရုံး ဖွင့်လှစ်ပြီး ခန့်အပ်လွှာပေးအပ်ခဲ့ကြောင်း သိရပါတယ်။

မြန်မာကောင်စစ်ဝန်ချုပ်ရုံး၊ မင့်စ်မြို့မှ ကောင်စစ်ဝန်ချုပ် ဦးမိုးကျော်သူ သည် ဘယ်လာရုစ်သမ္မတနိုင်ငံ၊ နိုင်ငံခြားရေးဝန်ကြီးဌာနသို့ ဩဂုတ် ၇ ရက်၊ ညနေပိုင်းတွင် သွားရောက်၍ သံတမန်ရေးရာဦးစီးဌာန အကြီးအကဲ Mr. Yury Yaroshevich ထံသို့ ၎င်း၏ ကောင်စစ်ဝန်ချုပ် ခန့်အပ်လွှာအား ပေးအပ်ခဲ့ပါတယ်။

Mr. Yury Yaroshevich က ကောင်စစ်ဝန်ချုပ်ရုံး အသစ်ဖွင့်လှစ်ခြင်းအတွက် ဂုဏ်ယူဝမ်းမြောက်ပါကြောင်း ပြောကြားခဲ့ပြီး နှစ်နိုင်ငံအကြား အပြန်အလှန်ပူးပေါင်း ဆောင်ရွက်မှုများ ဆက်လက်မြှင့်တင်ဆောင်ရွက်သွားရေးအတွက် ရင်းနှီးပွင့်လင်းစွာ အမြင်ချင်းဖလှယ်ခဲ့ပါကြောင်း သတင်းရရှိပါတယ်။
ygm_mnn
#Yangon_Media_Group
#local_news
#Published_ 8 August 2023
#YMG #Yangon_Times

Published_ 8 August 2023

Continental Futsal Championship 2023 ပြိုင်ပွဲအုပ်စု(က) အဖွင့်ပွဲစဉ်တွင် မြန်မာအသင်းနှင့် ထိုင်းအသင်းတို့ ယှဉ်ပြိုင်ကစားကြရာ မြန်မာအသင်းကထိုင်းအသင်းကို ငါးဂိုး ဂိုးမရှိ ဖြင့် ရှုံးနိမ့်ခဲ့သည်။

ထိုင်းအသင်းအ‌နေဖြင့် ပထမပိုင်းတွင် တစ်ဂိုး၊ ဒုတိယပိုင်းတွင် လေးဂိုးသွင်းယူခဲ့ခြင်းဖြစ်ပြီး မြန်မာအသင်းအနေဖြင့် အခွင့်အရေး အချို့ ရရှိခဲ့သော်လည်း အသုံးမချနိုင်ခဲ့သောကြောင့် ရှုံးနိမ့်ခဲ့ရခြင်းဖြစ်သည်ဟု MFF ကထုတ်ပြန်ထားသည်။

ပွဲအပြီးတွင် မြန်မာအသင်းနည်းပြချုပ် Bunlert Charoenwong က “ပထမပိုင်းမှာ ကစားသမားတွေရဲ့ကစားပုံက ကောင်းမွန်ခဲ့ပါတယ်။ ဒါပေမဲ့ ဒုတိယပိုင်းမှာ အာရုဏ်စိုက်မှု‌ ‌‌‌‌လျော့ခဲ့တယ်။ ကျွန်တော်တို့က အာရှခြေစစ်ပွဲအတွက် ပြင်ဆင်နေတာဖြစ်ပြီး ဒီပြိုင်ပွဲမှာ နောက်တစ်ဆင့် တက်ဖို့အတွက် မနက်ဖြန်ကစားမယ့် ဆော်လမွန် အသင်းနဲ့ပွဲစဉ်ကို အနိုင်ရဖို့ကြိုးစားပါမယ်” ဟု ပြောကြားခဲ့သည်။

မြန်မာအသင်းသည် အုပ်စု (က)၏ ဒုတိယမြောက်ပွဲစဉ်အဖြစ် ယနေ့ ဩဂုတ် ၈ ရက်တွင် ဆော်လမွန် ကျွန်းစု အသင်းနှင့် မြန်မာစံတော်ချိန် ည ၇:၀၀ အချိန်တွင် ယှဉ်ပြိုင်ကစားကြမည် ဖြစ်သည်။

ဆီမီးဖိုင်နယ်ပွဲစဉ်များကို ဩဂုတ်လ (၁၁) ရက်နှင့် တတိယနေရာလုပွဲနှင့် ဗိုလ်လုပွဲစဉ်များကို ဩဂုတ် (၁၃)ရက်တွင် ကျင်းပသွားမည်ဖြစ်သည်။

အဆိုပါ Continental Futsal Championship 2023 ပြိုင်ပွဲကို ထိုင်းနိုင်ငံက အိမ်ရှင်နိုင်ငံအဖြစ်လက်ခံကျင်းပနေခြင်းဖြစ်သည်။
Yangon_Time/my
#Local_News
#Published_ 8 August 2023
#YMG #Yangon_Times

Published _8 August 2023

အခွန်တံဆိပ်မကပ်နှိပ်မထားသည့် ငွေရှင်းပြေစာများကို တိုင်ကြားသူဆုငွေရမည်ဖြစ်ကြောင်း ပြည်တွင်းအခွန်များဦးစီးဌာနကသိရသည်။

ငွေရှင်းပြေစာများတွင် အခွန်တံဆိပ် ကပ်နှိပ်ရန်ပျက်ကွက်မှုရှိသူများအား
တွေ့ရှိခဲ့ပါက စာရွက်စာတမ်း အထောက်အထား ဖြင့်ဖြစ်စေ၊ အသံဖိုင်အထောက်အထားဖြစ်ဖြင့်စေ တင်ပြလာလျှင်သတင်းပေးတင်ပြသူအနေဖြင့်
ဒဏ်ကြေးငွေ၏(၃၀)ရာခိုင်နှုန်းကိုဆုငွေအဖြစ်ရရှိမည်ဖြစ်ကြောင်း သိရသည်။

ယင်းအပြင် အခွန်အမှတ်တံဆိပ်ကပ်နှိပ်ရန် ပျက်ကွက်ခြင်းအတွက်
လက်ကိုင်ဖုန်းဖြင့် မှတ်တမ်းတင်သတင်းပေးတင်ပြသူအား (၂၀)ရာခိုင်နှုန်းကို ဆုကြေးငွေအဖြစ် ချီးမြှင့်မည်ဖြစ်ကြောင်း သိရသည်။

စားသောက်ဆိုင်၊ ဟိုတယ်၊တည်းခိုခန်း၊ ရုပ်သံလွှင့်မီဒီယာ၊ ရွှေဆိုင်၊ ဖုန်းနှင့်ဆက်စက်ပစ္စည်းအ‌ရောင်းဝန်ဆောင်မှု လုပ်ငန်းများ စသည်တို့မှ ငွေရှင်း ပြေစာ (Voucher) များတွင် ကျသင့် ကုန်သွယ်လုပ်ငန်းခွန်အတွက် အခွန်တံဆိပ်ကပ်နှိပ်ရန် လိုအပ်ကြောင်းလည်း ပြည်တွင်းအခွန်များဦးစီးဌာနကထုတ်ပြန်ပြီးဖြစ်သည်။
Yangon _Times/PP
#Local_News
#YMG #Yangon_Times

#Published_ 8 August 2023

အခုရက်ပိုင်းအတွင်း သံလွင်မြစ်၊သောင်ရင်းမြစ်၊ဘီးလင်းမြစ်၊နန့်ယင်းမြစ်ရေများကြီးနေကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ထုတ်ပြန်ချက်အရသိရသည်။

သံလွင်မြစ်ရေသည် ဘားအံမြို့တွင် စိုးရိမ်ရေအမှတ်အထက်(၂)ပေခွဲကျော်ခန့်ရောက်ရှိနေပြီး နောက်(၂)ရက်အတွင်း စိုးရိမ်ရေအမှတ်အထက်ဆက်လက်တည်ရှိမည်ဖြစ်သည်ဟုဆိုသည်။

သောင်ရင်းမြစ်ရေသည် မြဝတီမြို့တွင် စိုးရိမ်ရေအမှတ်အထက်သို့(၂)ပေခန့်ကျော်လွန်ရောက်ရှိနေပြီး နောက်(၂)ရက်အတွင်း စိုးရိမ်ရေအမှတ်အောက်သို့ပြန်လည်ကျဆင်းနိုင်မည်ဟုခန့်မှန်းထားသည်။

ဘီးလင်းမြစ်ရေသည် ဘီးလင်းမြို့တွင် စိုးရိမ်ရေအမှတ်အထက်သို့(၂)ပေခန်းကျော်လွန်ရောက်ရှိနေပြီး နောက်(၂)ရက်အတွင်း စိုးရိမ်ရေအမှတ်အထက်ဆက်လက်တည်ရှိနေမည်ဖြစ်သည်။

နန့်ယင်းမြစ်ရေသည် မိုးကောင်းမြို့တွင် စိုးရိမ်ရေအမှတ်အထက်သို့(၁)ပေခန့်ရောက်ရှိနေပြီး နောက်(၁)ရက်အတွင်းနောက်ထပ်(၁)ပေခန့်တက်နိုင်ကာစိုးရိမ်ရေအမှတ်အထက်တွင်ဆက်လက်တည်ရှိမည်ဖြစ်သည်။

ယင်းကဲ့သို့မြစ်ရေများကြီးမည်ဖြစ်၍ ဘားအံမြို့နယ်၊မြဝတီမြို့နယ်၊ဘီးလင်းမြို့နယ်နှင့်မိုးကောင်းမြို့နယ်များ အတွင်းရှိမြစ်ကမ်းအနီးနှင့်မြေနိမ့်ပိုင်းနေထိုင်သူများအနေဖြင့် အထူးသတိပြုနေထိုင်ကြရန် မိုးလေဝသနှင့်ဇလဗေဒညွှန်ကြားမှုဦးစီးဌာနကဩဂုတ်လ၈ရက်နေ့လည်ပိုင်းတွင်သတိပေးချက်ထုတ်ပြန်ထား ကြောင်းသိရသည်။
Yangon_Time/tthl
#Local_News
#Published_ 8 August 2023
#YMG #Yangon_Times

Published-8 August 2023

ရခိုင်ပြည်နယ်၊ စစ်တွေမြို့အနီး ပင် လယ်ပြင်တွင် စက်လှေတိမ်းမှောက် မှုဖြစ်စဥ်ကြောင့် ပျောက်ဆုံးနေသူ လူဦးရေ ၅၀ ကျော်မှ မွတ်ဆလင်အမျိုးသမီး ၃ဦး အလောင်းနှင့် မွတ်ဆလင် အမျိုးသား ၈ ဦးကို ပြန်လည်တွေ့ရှိထားပြီး  ရှာဖွေကယ်ဆယ်မှုများဆက်လက်ဆောင်ရွက်လျက်ရှိကြောင်း ရွှေရောင် မေတ္တာဖောင်ဒေးရှင်းကသိရသည်။

ရ​ေသ့တောင်မြို့နယ်၊မွတ်ဆလင်ကျေးရွာမှ လူပေါင်း၅၀ ကျော်ခန့်တင မလေးရှားသို့သွားရန်စက်လှေဖြင့်ထွက်ခွာစဥ် စစ်တွေအနီး ပင်လယ်ပြင်တွင် လှိုင်းကြီး၍စက်လှေနစ်မြုပ်မှုဖြစ်ခဲ့ခြင်းဖြစ်ကြောင်းသိရသည်။

စက်လှေနစ်မြုပ်မှုဖြစ်စဥ်ကြောင့် ပျောက်ဆုံးနေသူ လူဦးရေ ၅၀ ကျော်အနက် မှ ​ြသဂုတ်လ ၇ရက် ညနေ ၄နာရီခန့်က စစ်တွေမြို့၊ ဘာဆာရွာအနောက်ဘက်ကမ်းခြေအနီး သောင်တင်နေသည့် မွတ်ဆလင် အမျိုးသမီး၂ဦး၏ရုပ်အလောင်းနှင့် အသက်ရှင်လျက် မွတ်ဆလင်အမျိုးသား ၈ ဦးကို တွေ့ရှိခဲ့ကြောင်းပြီး ​ြသဂုတ်လ ၈ရက် ၃နာရီဝန်းကျင်က အမျိုးသမီး၁ဦး၏ရုပ်အလောင်းကို ထပ်မံတွေ့ရှိခဲ့ကြောင်းသိရသည်။

"ရသေ့တောင်က မွတ်ဆလင် ၅၀ ကျော်တင်လာတဲ့ စက်လှေတိမ်းမှောက်တာလို့ပဲသိထားပါတယ်။ ပျောက်နေတဲ့ထဲမှာ အမျိုးသမီး အလောင်း ၂လောင်းနဲ့ အသင်ရှင်တဲ့အမျိုးသား ၈ဦးကို မနေ့က တွေ့ပါတယ်။ ဒီနေ့ ညနေ ၃နာရီဝန်းကျင်မှာ အမျိုးသမီး ၁ဦးအလောင်းကို ထပ်တွေ့ပါတယ်။ကျန် ၄၀ ကျော်ပျောက်ဆုံးနေတာကြောင့် ရှာဖွေတာတွေဆောင်ရွက်နေပါတယ်"ဟု ရွှေရောင် မေတ္တာဖောင်ဒေးရှင်းက တာဝန်ရှိသူတစ်ဦးကဆိုသည်။

သေဆုံးခဲ့သူ အမျိုးသမီးများ၏ရုပ်အလောင်းကို ရွှေရောင် မေတ္တာဖောင်ဒေးရှင်းမှ စစ်တွေပြည်သူ့ဆေးရုံကြီးရင်ခွဲရုံသို့ကူညီပို့ဆောင်ပေးခဲ့ကြောင်းသိရသည်။
#Yangon-Times/PP
#local_news
#Published_ 8 August 2023
#YMG #Yangon_Times

ဈေးကွက်တွင် ဆီဈေးအနည်းငယ်ပြန်ကျ

‘အခုအပတ်မှာတော့ ဈေးကွက်ထဲမှာ ကျပ် ၆၀၀၀ ကျော် မှ ၈၀၀၀ ကျော် အထိ ရောင်းနေပြီး ရည်ညွှန်းဈေးကကျပ်(၄၃၀၀)ဈေးရှိပါတယ်။ကျွန်တော်တို့အသင်းကတော့ ရည်ညွှန်းဈေးကျပ်(၄၃၀၀)နဲ့ ဈေးတွေမှာ ကားနဲ့လိုက်ရောင်းပေးနေပါတယ်’ ဦးရဲသူအောင်၊ ဒုဥက္ကဌ(ရန်ကုန်တိုင်းဒေသကြီး ဆီကုန်သည်နှင့်ဆီလုပ်ငန်းရှင်များအသင်း))
Yangon_Times / tthl
#Local_News
#Published_ 8 August 2023
#YMG #Yangon_Times

အာဆီယံအနေဖြင့် ပထဝီနိုင်ငံရေး အားပြိုင်မှုများ၏ ဖိအားနှင့်စိန်ခေါ်မှုတွေကို ညီညီညွတ်ညွတ်  ရင်ဆိုင်ဖြေရှင်း  ကြရလိမ့်မယ်လို့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ပြောကြားပါတယ်။

ဩဂုတ်လ(၈)ရက် ယနေ့တွင်ကျရောက်တဲ့ (၅၆)နှစ်မြောက် အာဆီယံနှစ်ပတ်လည်နေ့သို့ ပေးပိုတဲ့ နစက ဥက္ကဋ္ဌရဲ့ သဝဏ်လွှာမှာ ယင်းကဲ့သို့ဖော်ပြထားခြင်းဖြစ်ပါတယ်။

အာဆီယံပဋိညာဉ် စာတမ်းပါအခြေခံမူများနှင့်အညီ အာဆီယံ၏ အချက်အချာကျမှုနှင့် စည်းလုံးညီညွတ်မှုကို အလေးအနက်ထားကိုင်စွဲကြရန် သတိပြုကြရမည် ဖြစ်တယ်လို့လည်း ဗိုလ်ချူပ်မှူးကြီးက ပြောပါတယ်။

အာဆီယံ၏ အချက်အချာကျမှုနှင့် အာဆီယံဦးဆောင်သော အခန်းကဏ္ဍများအပေါ် ခြိမ်းခြောက်လာနိုင်သည့် အခြေအနေများကို ရင်ဆိုင်ကျော်လွှားနိုင်ရန် ယခုထက်ပို၍ ပွင့်လင်းမြင်သာမှု၊ အားလုံးပါဝင်မှုရှိပြီး စည်းမျဉ်းအခြေပြုသည့် ဒေသဆိုင်ရာ ဖွဲစည်းတည်ဆောက်မှုပုံစံကို ဖော်ဆောင် ကြရန် လိုအပ်ကြောင်း ဗိုလ်ချူပ်မှူးကြီးက ဆက်လက်ပြောဆိုပါတယ်။

မြန်မာနိုင်ငံသည် ဥပဒေကြောင်းအရနှင့် ဘဏ္ဍာရေးအပါအဝင် လုပ်ငန်းပိုင်းဆိုင်ရာများ၌ အဖွဲဝင်နိုင်ငံတစ်နိုင်ငံအနေဖြင့် ဖြည့်ဆည်းရမည့် ဝတ္တရားများကို မပျက်မကွက် ထမ်းဆောင်လျက်ရှိနေပြီး  အထူးသဖြင့် အာဆီယံ-တရုတ် ဆွေးနွေးဖက်ဆက်ဆံရေး ညှိနှိင်းရေး တာဝန်ခံနိုင်ငံအဖြစ် ဆောင်ရွက်နေပြီး အာဆီယံမဏ္ဍိုင်(၃)ရပ်နှင့် ၎င်းအောက်ရှိ နယ်ပယ်ကဏ္ဍများတွင် အသိုက်အဝန်း ထူထောင်ရေးကြိုးပမ်းဆောင်ရွက်မှုများကို ပူးပေါင်းပါဝင် ဆောင်ရွက်ပေးလျက် ရှိတယ်လို့လည်း သဝဏ်လွှာမှာဖော်ပြထားပါတယ်။

အာဆီယံအဖွဲ့ကြီးကို ၁၉၆၇ ခုနှစ် ဩဂုတ်လ (၈)ရက်နေ့တွင် ထိုင်းနိုင်ငံ ဘန်ကောက်မြို့၌ ဖွဲ့စည်းတည်ထောင်ခဲ့ပြီး အဆိုပါနေ့ကို အာဆီယံနေ့အဖြစ်သတ်မှတ်ခဲ့တာဖြစ်ပါတယ်။

-ymg/knl

Published_ 8 August 2023

ရခိုင်ကမ်းရိုးတန်းတစ်လျှောက်၊ ကရင်ပြည်နယ်၊ မွန်ပြည်နယ်၊ ကချင်ပြည်နယ်၊ ရှမ်းပြည်နယ်မြောက်ပိုင်း၊ ပဲခူးတိုင်း စစ်တောင်းမြစ်ဝှမ်းတစ်လျောက် ဒေသများတွင် သြဂုတ်လ၈ ရက် မှ ၁၁ရက်အတွင်း မိုးသည်းထန်နိုင်ကြောင်း မိုးလေဝသပညာလေ့လာသုံးသပ်သူဦးဝင်းနိုင်က ပြောကြားထားသည်။

ဩဂုတ်လ ၈ ရက်နှင့် ၉ ရက်တွင် အနောက်တောင်မုတ်သုံလေ အားအလွန်ကောင်းနေဆဲဖြစ်ပြီးဩဂုတ်လ ၁၀ ရက်၊ ၁၁ ရက်တွင် အားအနည်းငယ်ပြန်လျော့ကျကာ ၁၂ ရက်တွင် အားပြန်ကောင်းလာနိုင်ကြောင်းလည်း ကြိုတင်ခန့်မှန်းချက် များအရ တွေ့ရှိရကြောင်း ဆိုသည်။

ထို့ကြောင့်အထက်ဖော်ပြပါဒေသများ၌ သြဂုတ်လ ၈ရက် နံနက် ၂နာရီခွဲမှသြဂုတ်လ ၁၁ရက် နံနက် ၂နာရီခွဲအထိ ကာလအတွင်း မိုးသည်းထန်နိုင်ပြီး ကျန်ပြည်နယ်နှင့်တိုင်းဒေသများတွင် နေရာအနှံ့မိုးအသင့်အတင့်ရွာနိုင်ကြောင်းဆိုသည်။

ယင်းအပြင်ရခိုင်ပြည်နယ် ကုလားတန်မြစ်တစ်လျှောက်၊ မင်းပြား၊ မြောက်ဦးနှင့် ကျောက်တော်မြို့နယ်အတွင်း လာမည့် ၇၂ နာရီအတွင်း မိုးအလွန်သည်းထန်နိုင်ကြောင်း  ပြောကြားထားသည်။

ယင်းအပြင်နောက်လာမည့်  ၃ ရက် မှ ၅ ရက် အထိလည်း ယင်းအခြေအနေအတိုင်းဆက်ပြီး ရှိနေနိုင်ပါသေးကြောင်းလည်း  ခန့်မှန်းထားသည်။
Yangon-Times / PP
#Local_News
#YMG #Yangon_Times

ယခုလ ပထမပတ်အတွင်း တောင်ကိုရီးယားသို့ မြန်မာလုပ်သား (၄၀၀) ကျော် စေလွှတ်

ဩဂုတ် (၈) ရက်မှာ မြန်မာကုန်ထုတ်လုပ်သား(၁၄၂)ဦးဟာ တောင်ကိုရီးယားနိုင်ငံ၊ အင်ချွန်းလေဆိပ်ကို ရောက်ရှိ
Yangon_Times / my
#Local_News
#Published_ 8 August 2023
#YMG #Yangon_Times

ကချင်ယူနိုက်တက်ကို ရန်ကုန်ယူနိုက်တက်က သွင်းဂိုးနှစ်ဂိုးဖြင့် အနိုင်ရရှိ

ရန်ကုန်ယူနိုက်တက်အသင်းက ပထမပိုင်း ပွဲချိန် ၁၅ မိနစ်မှာ ဦးဆောင်ဂိုးသွင်းယူနိုင်ခဲ့
Yangon_Times / my
#Local_News
#Published_ 8 August 2023
#YMG #Yangon_Times

ဘဂ်လားပင်လယ်အော်တွင် မုတ်သုံလေအား‌ အလွန်ကောင်းနေပြီး၊ မြန်မာပင်လယ်ပြင်တွင် လှိုင်း ၁၂ ပေအထိ မြင့်တက်နိုင်

ရခိုင်ကမ်းရိုးတန်းတစ်လျှောက် ပင်လယ်ပြင်ခရီးမှာ လှိုင်းအမြင့် (၉)ပေ ကနေ (၁၂)ပေခန့်အထိ ရှိနိုင်
Yangon_Times / my
#Local_News
#Published_ 8 August 2023
#YMG #Yangon_Times

ထိုင်းနိုင်ငံက အမေရိကန်ဒေါ်လာနှင့် ထိုင်းဘတ်ငွေအကြား လဲလှယ်မှုတန်ဖိုး အပြောင်းအလဲကြမ်းလွန်းတဲ့အတွက် ကုန်သွယ်ရေးနှင့်ရင်းနှီးမြှပ်နှံရေးတွေမှာ အမေရိကန်ဒေါ်လာအစား ယွမ်ငွေနှင့် အခြားအာရှငွေကြေးတွေကို တိုးမြှင့် သုံးစွဲဖို့ စီစဉ်နေတယ်လို့ ထိုင်းဗဟိုဘဏ်ကပြောပါတယ်။

ထိုင်းဘဏ်(ဘီအိုတီ)ဟာ  ငွေကြေးလဲလှယ်နှုန်းအန္တရာယ်လျှော့ချရာတွင် အထောက်အကူဖြစ်စေဖို့ ဒေသတွင်းငွေကြေး တွေကို ကျယ်ကျယ်ပြန့်ပြန့်သုံးစွဲဖို မျှော်လင့်ထားတဲ့အကြောင်းနှင့် ဘာဖြစ်လို့လဲဆိုတော့ အဲဒီငွေကြေးတွေဟာ ထိုင်းဘတ်နှင့် အတွဲညီတဲ့အတွက်ကြောင့်လို့ ထိုင်းဗဟိုဘဏ်ရဲ့  လက်ထောက် ဥက္ကဋ္ဌ အလီဆာရာ မဟာဆန်ဒါနာကို ဘန်ကောက်ပို့စ်သတင်းစာနှင့်အင်တာဗျူးမှာပြောခဲ့ပါတယ်။

ဒေါ်လာထက် အဲဒီငွေကြေးတွေကို တိုးမြှင့်အသုံးပြုဖို့ ထိုင်းက အားထုတ်နေတာ ဆယ်စုနှစ်တစ်စုရှိပါပြီ။ အခုဆို အဟုန်တစ်ခုရလာပြီဖြစ်ပြီး နှစ်နိုင်ငံ ဗဟိုဘဏ်အချင်းချင်း စီစဉ်ဆောင်ရွက်မှုတွေနှင့် ဘဏ္ဍာရေးအခြေခံအဆောက်အအုံ ဖွံ့ဖြိုးတိုးတက်မှုတွေကလည်း တစ်ပုံတစ်ခေါင်းကြီးရှိနေပြီလို့ သူမက ပြောပါတယ်။

ကုန်သွယ်ရေးနှင့် ခရီးသွားအားထားနေရတဲ့ ထိုင်းနိုင်ငံဟာ  ပြည်တွင်းငွေကြေးကို တန်ဖိုးကျစေပြီး  စီးပွားရေး နိုင်ငံရေးပရိယာယ် လက်နက်သွယ်ဖြစ်လာနေတဲ့ ဒေါ်လာရဲ့တန်ဖိုးဆက်မြင့်နေတဲ့ အန္တရာယ်ကို လျော့ပါးသက်သာစေဖို့ ကြိုးစားနေကြတဲ့ အခြားသောနိုင်ငံများနှင့်အတူ ပါဝင်လာတာဖြစ်ပါတယ်။ ထိုင်းဗဟိုဘဏ်ဟာ တရုတ်၊မလေးရှား၊ အင်ဒိုနီးရှားတို့နှင့် ပြည်တွင်းငွေကြေးတိုးမြှင့်သုံးစွဲရေး ပူးပေါင်း လုပ်ဆောင်နေပါပြီး လာမယ့် ဒုတိယနှစ်ဝက်မှာ တိုးတက်မှုတွေမြင်တွေ့ရမယ်လို့ အလီဆာရာကဆက်ပြောပါတယ်။

ကမ္ဘာအနှံ့ အမေရိကန်ဒေါ်လာ ဗိလ်ကျစိုးမိုးမှုကို တိုက်ဖျက်ဖို့တုန့်ပြန်မှုတွေ ကြီးထွားလာနေတဲ့အချိန်မှာ ထိုင်းနိုင်ငံက ယခုလိုလုပ်ဆောင်လာတာဖြစ်တယ်လို့ ဘန်ကောက်ပို့စ်က ရေးသားပါတယ်။ တရုတ်နိုင်ငံဟာ ယွမ်နှင့်ကုန်သွယ်ဖို့ သဘောတူညီချက်တွေ အများအပြားရရှိထားပြီး အိန္ဒိယနိုင်ငံကလည်း ရူပီးကိုတိုးမြှင့်အသုံပြုရေးလုပ်ဆောင်နေပါတယ်။ ဘရာဇီးမှသည် အာဂျင်တီးနားအထိ နိုင်ငံတွေဟာ ငွေစက္ကူစိမ်း(အမေရိကန်ဒေါ်လာ) အစာထိုးအသုံးပြနိုင်ရေး နည်းလမ်း‌တွေ ရှာဖွေနေပါတယ်။

“ ဒေါ်လာနှင့်ဘတ်လဲလှယ်မှု မတည်ငြိမ်တာဟာ ပြီးခဲ့တဲ့နှစ်ကတည်းက မြင့်တက်လာနေတယ်။ အဲဒါကြောင့် ဒါကို ဖြေရှင်းဖို့ ကိရိယာတွေအများကြီးပိုလိုအပ်လာတယ်” လို့ အလီဆာရာက ဆက်ပြောပါတယ်။

Source BangkokPost

#Dedollarization

#ThailandCentralBank