အလုပ်ရှင် အလုပ်သမားနဲ့ပို့ဆောင်ပေးတဲ့ အေဂျင်စီတို့ချုပ်ဆိုရတဲ့ အလုပ်ခန့်ထားမှုဆိုင်ရာသဘောတူစာချုပ်ကိုချုပ်ဆိုပြီးမှ အလုပ်ရှင်နဲ့ အေဂျင်စီမှဖျက်သိမ်းပါက ပြည်ပအလုပ်အကိုင်ဆိုင်ရာ ဥပဒေအရအရေးယူသွားမယ်လို့ အလုပ်သမားဝန်ကြီးဌာနထံက သိရပါတယ်

Published_ 12 September 2023
#ပြည်ပအလုပ်အကိုင်ဆိုင်ရာ #သဘောတူစာချုပ်
#YMG/LW
#Yangon_Times

‘မြန်မာနိုင်ငံအတွင်းကို လေကြောင်းခရီးနဲ့ဝင်ရောက်လာမယ့် တရုတ်နိုင်ငံသားနဲ့ အိန္ဒိယနိုင်ငံသားကမ္ဘာ လှည့်ခရီးသွားတွေကို ဆိုက်ရောက်ဗီဇာမကြာမီခွင့်ပြုတော့မှာဖြစ်တယ်’
နေပြည်တော်၊ လူဝင်မှုကြီးကြပ်ရေးဦးစီးဌာန

Published_ 12 September 2023
#တရုတ်နှင့်အိန္ဒိယ #ကမ္ဘာလှည့်ခရီးသွား #ဆိုက်ရောက်ဗီဇာ
#tthl #Yangon_Times

#Local_News
Published_ 12 September 2023

နှစ်လအတွင်းရွှေတိဂုံစေတီတော်ကြီးသို့ အလှူရှင်(၄၁)ဦးမှရွှေပြား(၅၇) ချပ်နှင့် အလှူရှင်(၇၈)ဦးမှကျပ်သိန်းပေါင်း တစ်သောင်းကျော်လှူဒါန်းနိုင်ခဲ့ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့၏ ထုတ်ပြန်ချက်အရ သိရသည်။

၂၀၂၃ ခုနှစ်၊ ဇူလိုင်လ ၁ ရက်မှ သြဂုတ် ၃၁ ရက်ထိကာလအတွင်း ခြောက်ကျပ်သားရွှေပြားသုံးချပ်၊ သုံးကျပ်သားရွှေပြား နှစ်ချပ်နှင့် တစ်ကျပ်သားရွှေပြား ၅၂ ချပ်တို့အား အလှူရှင် ၄၁ ဦးတို့မှလည်းကောင်း၊ ငွေသားအလှူရှင် ၇၈ ဦး အပါအဝင် လှူဒါန်းငွေစုစုပေါင်းကျပ် ၁၅၂၆၇၈၀၀၂၀ (ကျပ်သိန်းတစ်သောင်း ငါးထောင်နှစ်ရာခြောက်ဆယ်ခုနှစ်သိန်းရှစ်သောင်းနှစ်ဆယ် )တို့အား လှူဒါန်းခဲ့ကြသည်ဟု ဖော်ပြပါရှိသည်။

အဆိုပါ ရွှေပြားအလှူရှင်များအပြင် ရွှေတိဂုံစေတီတော်မြတ်ကြီးသို့ စေတနာသဒ္ဒါတရားထက်သန်စွာ လှူဒါန်းထားကြသည့် ကျပ်တစ်သိန်းနှင့်အထက်အလှူရှင်များအား ရွှေတိဂုံစေတီတော်ဘဏ္ဍာတော် ထိန်းဂေါပကအဖွဲ့က (၅၈၂)ကြိမ် မြောက် ထုတိအနုမောဒနာဂုဏ်ပြုလွှာ ပြန်လည်ချီးမြှင့်ခြင်းအခမ်းအနားနှင့် လှူဒါန်းမှုအစုစုအတွက် ရေစက်ချ အလှူတော်မင်္ဂလာအခမ်းအနားကျင်းပပေးခဲ့ပြီး ဂုဏ်ပြုလွှာများ ချီးမြှင့် ခဲ့ကြောင်းသိရသည်။

#tthl #Local_News #ရွှေတိဂုံစေတီတော်ကြီး #ရွှေပြား(၅၇)ချပ်လှူဒါန်းနိုင်ခဲ့
#Yangon_Times

‘မုတ်သုန်အားကောင်းနေသလို အခုရက်ပိုင်းအတွင်းလေဖိအားနည်းရပ်ဝန်းလည်းဖြစ်ပေါ်လာနိုင်တဲ့ အတွက် ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ကရင်ပြည်နယ်နဲ့မွန်ပြည်နယ်တို့မှာ လာမယ့်နှစ်ရက်အတွင်း မိုးပိုနိုင်တယ်’မိုးလေဝသနှင့်ဇလဗေဒညွှန်ကြားမှုဦးစီးဌာန

Published_ 12 September 2023
#tthl #မုတ်သုန်အားကောင်း #လေဖိအားနည်းရပ်ဝန်း
#Yangon_Times

ရန်ကုန်တိုင်းဒေသကြီး အင်းစိန်မြို့နယ်မှာ ရှိတဲ့ တညင်းကုန်းလက်ကားဈေးကြီးမှာ ဆိုင်ခန်းပေါင်း ၁၀၀၀ကျော် ပါဝင်တဲ့ သစ်သီးဝလံရောင်းဝယ်ရေးဈေးရုံကြီးကို လာမယ့်အောက်တိုဘာ ၁ရက်မှာ ဖွင့်လှစ်တော့မယ်လို့ တညင်းကုန်းလက်ကားဈေးကြီး လုပ်ငန်းရေးရာဌာနက သိရပါတယ်။

Published_ 12 September 2023
#သစ်သီးဝလံရောင်းဝယ်ရေး #တညင်းကုန်းလက်ကားဈေးကြီး
#YMG /LW
#Yangon_Times

‘ကြက်မဲဥတစ်လုံးကို ကျပ်၁၀၀၀၊ ကြက်မဲမျိုးဥတစ်လုံးကျပ်၁၈၀၀နဲ့ ရောင်းပေးနေပါတယ်။ ကြက်မဲဥတွေဟာရိုးရိုးကြက်ဥတွေထက် ကျန်းမာရေးပိုမိုကောင်းမွန်စေသလို စမွေးမြူကာစမှာ သာကုန်ကျစရိတ် နည်းနည်းများပေမယ့် ကျွေးရတဲ့ကြက်စာနဲ့ကုန်ကျစရိတ်ဟာ ရိုးရိုးကြက်မွေးရတာနဲ့သိပ်မကွာတဲ့အတွက် ကြက်မဲတွေကိုမွေးစေချင်တယ်’ ပြင်ဦးလွင်ကြက်မဲခြံပိုင်ရှင် ဒေါ်မွန်မွန်ရှိန်

Published_ 12 September 2023
#tthl #ကြက်မဲကောင်ပေါက် #ကြက်မဲမျိုးဥ
#Yangon_Times

#Local_News
Published_ 12 September 2023

မြန်မာ့ပင်လယ်ပြင်တွင် လှိုင်းလေပြင်းထန်သဖြင့် ရန်ကုန်မှစစ်တွေသို့ ထွက်ခွာလာသည့် ဘိလပ်မြေအိတ်များ တင်လာသည့်ကုန်တင်ရေယာဉ် MVရွှေအိမ်သည်ရေယာဉ်သည်ရေဝင်တိမ်းစောင်းမှုဖြစ်ပေါ်ခဲ့ကြောင်း သိရသည်။

အဆိုပါရေယာဉ်တွင် ဘိလပ်မြေအိတ်တန်၄၀၀၀ခန့် တင်ဆောင်လာပြီး စက်တင်ဘာလ၁၀ ရက်ည၁၀နာရီခန့်တွင် ရာသီဥတုဆိုးရွားပြီး လှိုင်းလေပြင်းထန် သည့်အတွက် ရေယာဉ်တိမ်းစောင်းကာ ရေယာဉ်စက်ခန်းအတွင်း ရေဝင်ရောက်မှုဖြစ်ပွားခဲ့သည်ဟုဆိုသည်။

ယင်းဖြစ်စဉ်ဖြစ်ပွားရာနေရာသို့ ဧရာဝတီတိုင်း၊ ဟိုင်းကြီးကျွန်းအနီး မြန်မာ့ပင်လယ်ပြင်တွင်လုံခြုံရေးဆောင်ရွက် နေသောတပ်မတော်ရေမှလုံခြုံရေးအဖွဲ့ဝင်များရောက်ရှိလာပြီး စက်လှေ၏စက်ခန်းမှရေများကိုစုပ်ထုတ်ပေးခြင်းနှင့်လိုအပ်သောကူညီကယ်ဆယ်ရေးများကိုဆောင်ရွက်ပေးခဲ့ကြောင်း သိရသည်။

#tthl #MVရွှေအိမ်သည်ရေယာဉ် #ဘိလပ်မြေအိတ်တင်လာ
#Yangon_Times

#Local_News
Published_ 12 September 2023

စစ်ကိုင်းတိုင်းဒေသကြီး၊ ဖောင်းပြင်မြို့အနီး ညသန်းခေါင်အချိန်တွင် အင်အားရစ်တာစကေး(၅.၅)အဆင့်ရှိ မြေငလျင်တစ်ခုလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၊ မြေငလျင်ဌာနခွဲ၏ ထုတ်ပြန်ချက်အရသိရသည်။

ထုတ်ပြန်ချက်တွင် ၂၀၂၃ ခုနှစ်၊ စက်တင်ဘာလ (၁၂) ရက်နေ့၊ မြန်မာစံတော်ချိန် (၀၀) နာရီ၊ (၀၁) မိနစ်၊ (၅၈) စက္ကန့်အချိန်တွင် တမူးမြေငလျင်စခန်းမှ အရှေ့မြောက်ဘက် (၃၅) မိုင်ခန့်ကွာဝေးသော မြန်မာနိုင်ငံပြည်တွင်း (ဖောင်းပြင်မြို့၏ မြောက်-အနောက်မြောက်ဘက် (၁၆) မိုင်ခန့်အကွာ)၊ မြောက်လတ္တီတွဒ် (၂၄.၄၉) ဒီဂရီ၊ အရှေ့လောင်ဂျီတွဒ် (၉၄.၇၈) ဒီဂရီ၊ အနက် (၅၈) ကီလိုမီတာ ကို ဗဟိုပြု၍ အင်အား ရစ်(ခ်)တာစကေး (၅.၅) အဆင့်ရှိ အင်အားအသင့်အတင့်ရှိသော မြေငလျင်တစ်ခုလှုပ်ရှားသွားကြောင်း ဖော်ပြထားသည်။

၂၀၂၃ခုနှစ်အတွင်း မြေငလျင်ငယ်များဆက်တိုက်လှုပ်ခတ်နေပြီး စစ်ကိုင်းတိုင်းဒေသကြီးကဲ့သို့ ပြတ်ရွေ့ကြောပေါ်တွင်တည်ရှိနေသည့်ဒေသများအနေဖြင့် ငလျင်ငယ်များအပြင်တစ်ကျော့ပြန်ငလျင်ကြီး များလည်းပြန်လည်လှုပ်ခတ်နိုင်သဖြင့်ဒေသခံများသတိပြုနေထိုင်ကြရန် မိုးလေဝသနှင့်ဇလ ဗေဒညွှန်ကြားမှုဦးစီးဌာန၊ မြေငလျင်ဌာနခွဲမှ သတိပေးချက်ထုတ်ပြန်ထားသည်။

#tthl #Local_News #စစ်ကိုင်းတိုင်း #ဖောင်းပြင်အနီး #အင်အား(၅.၅)အဆင့်ရှိငလျင်လှုပ်
#Yangon_Times

#World_News
Published 12 September 2023

အမေရိကန် ဂူလေ့လာရေးသမားတစ်ဦးဟာ တူရကီနိုင်ငံတောင်ပိုင်း မြေအောက်မီတာ ၁ ထောင်ကျော်မှာ ပိတ်မိကာ ဖျားနာနေခဲ့ပြီး နိုင်ငံတကာ ကယ်ဆယ်ရေးလုပ်ငန်းများ ရက်အတော်ကြာအောင် ကြိုးပမ်းခဲ့ပြီးနောက် အင်္ဂါနေ့အစောပိုင်းမှာ ကယ်တင်ခဲ့နိုင်ကြောင်း တူရကီ TUMAF ဂူလေ့လာရေးဖက်ဒရေးရှင်းက ပြောကြားလိုက်ပါတယ်။

အသက် ၄၀ အရွယ် မာ့ခ်ဒစ်ကီဟာ မာဆင်ပြည်နယ် တောရပ်စ်တောင်တန်းများရှိ မော်ကာဂူထဲမှာ နိုင်ငံတကာ လေ့လာရေးမစ်ရှင်တစ်ခု ဆောင်ရွက်နေတာဖြစ်ပြီး မြေအောက် ၁,၀၄၀ ပေအရောက်မှာ အစာအိမ်အူလမ်းကြောင်းမှ သွေးယိုစိမ့်မှုခံစားရတယ်လို့ အကြောင်းကြားခဲ့ပါတယ်။

ဒစ်ကီကို ဂူအန္တရာယ်ထဲကနေ ကယ်ဆယ်နိုင်ခဲ့ပြီလို့ TUMAF က X ဆိုရှယ်မီဒီယာမှာ ရေးသားခဲ့ပါတယ်။

ဂူကယ်ဆယ်ရေး လုပ်ငန်းစဥ်ဟာ အောင်မြင်စွာပြီးဆုံးခဲ့ပြီ ဖြစ်ပြီး ပါဝင်ကူညီခဲ့သူအားလုံးကို ဂုဏ်ပြုပါတယ်လို့ ဖော်ပြခဲ့ပါတယ်။

ဒစ်ကီကို ကျန်းမာရေးစစ်ဆေးမှုများ ပြုလုပ်ရန် စခန်းရှိ ဆေးဘက်ဆိုင်ရာဌာနသို့ ခေါ်ဆောင်သွားခဲ့ကြောင်း အီတလီကယ်ဆယ်ရေးများက ဆိုပါတယ်။

တူရကီနိုင်ငံမှ တတိယမြောက် အနက်ရှိုင်းဆုံးဂူထဲကနေ ဒစ်ကီကို ကယ်ဆယ်ရန်အတွက် တူရကီ၊ ခရိုအေးရှား၊ အီတလီနဲ့ အခြားနိုင်ငံများမှ ကယ်ဆယ်ရေးသမား ၁၅၀ ကျော်လောက်ဟာ ၉ ရက်ကြာအောင် ကြိုးစားအားထုတ်ခဲ့ကြပါတယ်။

ကယ်ဆယ်ရေး ဗီဒီယိုရိုက်ကူးချက်တွေထဲမှာ ဒစ်ကီက ဂူထဲမှာ လဲလျောင်းနေကာ ဆေးအဖွဲ့မှ ကုသပေးနေပုံ မြင်တွေ့ခဲ့ရသလို အခြားအဖွဲ့တွေက ဂူတွေထဲသို့ ကျဥ်းမြောင်းတဲ့လမ်းတွေကနေ ကြိုးများဖြင့် ဆင်းသွားကြပုံတွေလည်း မြင်တွေ့ရပါတယ်။

#World_News #တူရကီဂူတွင်းမြေအောက် #အမေရိကန်ဂူလေ့လာရေးသမား #ကယ်ဆယ်နိုင်ခဲ့ #Source: Reuters

#World_Health
Published 12 September 2023

လူကီးမီးယားဟာ သွေးကင်ဆာတစ်မျိုးဖြစ်ပြီး သွေးဥဆဲလ်များ ထုတ်လုပ်ရာ ရိုးတွင်းခြင်ဆီကနေ စတင်ဖြစ်ပွားတာ ဖြစ်ပါတယ်။

သွေးဖြူဥဆဲလ်များ ထိန်းမနိုင်သိမ်းမနိုင် များပြားလာကာ ပုံမှန်သွေးဥဆဲလ်များ ထုတ်လုပ်မှုကို အနှောင့်အယှက် ဖြစ်လာပါတယ်။

ဒီရောဂါနဲ့ ပတ်သက်ပ်ြီး လူတွေလွဲမှားနေတာတွေကို ဖော်ပြလိုက်ပါတယ်။

 
(၁) သွေးကင်ဆာကို ကူးစက်ရောဂါတစ်ခုဆိုပြီး လွဲမှားနေကြပါတယ်။

ဒီရောဂါက တစ်ဦးကနေ တစ်ဦးဆီ မကူးစက်နိုင်ဘဲ မျိုးရိုးဗီဇကြောင့်နဲ့ ပတ်ဝန်းကျင်နေထိုင်မှု အနေအထားကြောင့် ဖြစ်ပွားတာပါ။

(၂) သွေးကင်ဆာဟာ ကလေးတွေမှာသာ ဖြစ်တယ်လို့ ယုံမှားနေကြကာ တကယ်တမ်းမှာတော့ အသက်အရွယ်မရွေး ဖြစ်ပွားနိုင်ပါတယ်။

(၃) သွေးကင်ဆာကို ဓာတုကုထုံး တစ်မျိုးတည်းဖြင့်သာ ကုသနိုင်တယ်ဆိုတာ မဟုတ်မှန်ဘဲ ရောဂါအမျိုးအစားနဲ့ ကင်ဆာအဆင့်ပေါ် မူတည်ပြီး ကိုယ်ခံအားမြှင့်တင်ခြင်းကုထုံး၊ ဓာတ်ရောင်ခြည်ကုထုံး၊ ပင်မစတမ်းဆဲလ် အစားထိုးခြင်းစတဲ့ နည်းလမ်းများလည်း ရှိပါတယ်။

(၄) သွေးကင်ဆာဖြစ်ရင် ဘဝအဆုံးသတ်သွားပြီလို့ ယူဆနေကြတာဟာ မှားယွင်းပြီး တကယ်တမ်းတော့ တိုးတက်လာတဲ့ ဆေးကုသမှုနည်းလမ်းများဖြင့် လုံးဝပျောက်ကင်းနေသူတွေ ရှိနေပြီဖြစ်ပါတယ်။

(၅) မိုဘိုင်းဖုန်းများလို ရောင်ခြည်ထုတ်လွှတ်တဲ့ စက်ပစ္စည်းတွေက သွေးကင်ဆာ ဖြစ်စေနိုင်တယ်ဆိုတဲ့ သိပ္ပံနည်းကျ အထောက်အထား မတွေ့ရှိသေးပါဘူး။

 
သွေးကင်ဆာနဲ့ ပတ်သက်ပြီး သိထားရမယ့် အချက်တွေကတော့..

(၁) သွေးကင်ဆာဆိုတာဟာ သွေးနဲ့ ရိုးတွင်းခြင်ဆီတို့မှာ သွေးဖြူဥများ ပုံမှန်ထက် ပိုမိုထွက်ရှိလာပြီး ကောင်းတဲ့သွေးဥများ လျော့ကျသွားစေကာ ကိုယ်ခန္ဓာကိုယ်မှ ရောဂါတိုက်ထုတ်မှု စွမ်းရည်နဲ့ သွေးထွက်မှုထိန်းချုပ်ခြင်းတို့ကို ထိခိုက်စေပါတယ်။

(၂) သွေးကင်ဆာ အမျိုးမျိုးရှိပြီး တစ်မျိုးချင်းစီက သူ့လက္ခဏာနဲ့သူ သူ့ကုသနည်းနဲ့သူ ဖြစ်ကြပါတယ်။

(၃) သွေးကင်ဆာဖြစ်ရတဲ့ အကြောင်းအရင်း တိတိကျကျ မသိရပေမယ့် ရောဂါဖြစ်နိုင်ချေရှိတဲ့ အချက်တွေကတော့ စွမ်းအားမြင့် ဓာတ်ရောင်ခြည် အချို့သော ဓာတုပစ္စည်းများနဲ့ ထိတွေ့ခြင်း၊ မျိုးရိုးဗီဇ အကြောင်းအရင်း၊ ကိုယ်ခံအားစနစ် အားနည်းခြင်း၊ ဒေါင်းရောဂါလက္ခဏာကဲ့သို့ ကျန်းမာရေးပြဿနာများ ဖြစ်ပါတယ်။

(၄) သွေးကင်ဆာဖြစ်တဲ့အခါ အများဆုံး ခံစားရတတ်တာတွေကတော့ ပင်ပန်းနွမ်းနယ်ခြင်း၊ မကြာခဏ ရောဂါကူးစက်ခံရခြင်း၊ ကိုယ်အလေးချိန်ကျဆင်းခြင်း၊ ဖျားနာခြင်း၊ သွေးထွက်လွယ်ခြင်း၊ အရိုးကိုက်ခဲခြင်းတို့ ဖြစ်တတ်ပြီး သွေးကင်ဆာအမျိုးအစားနဲ့ ကင်ဆာအဆင့်တို့အပေါ် မူတည်ပါတယ်။

(၅) ရောဂါစောစီးစွာ ရှာဖွေတွေ့ရှိပြီး ကုသခြင်းက သွေးကင်ဆာဖြစ်ပွားသူတွေမှာ အသက်ရှင်နိုင်ချေ သိသိသာသာ တိုးတက်စေပါတယ်။

#World_Health #သွေးကင်ဆာ #ယုံမှားသံသယ
Source: DoctorNDTV

#Local_News
Published-12 September 2023

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ကုန်ထုတ်လုပ်သားသစ် (၁၄၇)ဦး ကိုစက်တင်ဘာလ ၁၂ရက်(ယနေ့)ထပ်မံစေလွှတ်ခဲ့ကြောင်းသိရသည်။

ယခု စက်တင်ဘာလအတွင်း တောင်ကိုးရီးယားနိုင်ငံသို့ EPS စနစ်ဖြင့် ကုန်ထုတ်လုပ်သား (၁၄၂)ဦးကို စက်တင် ဘာလ ၅ရက်တွင်လည်းကောင်း၊ ကုန်ထုတ်လုပ်သားသစ်(၁၀၅)ဦးနှင့်ဘစိုက်ပျိုးရေးနှင့်မွေးမြူရေးလုပ်သားသစ်(၄၀)ဦးကို စက်တင်ဘာလ ၆ရက်တွင်လည်းကောင်း စေလွှတ်ခဲ့ကြောင်း သံရုံးမှသိရသည်။

အဆိုပါအလုပ်သမားများ ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ရာ မြန်မာသံရုံး၊ ဆိုးလ်မြို့မှ  အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့်အချက် များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းသိရသည်။ ပြီးခဲ့သည့်သြဂုတ်လအတွင်းကလည်း မြန်မာလုပ်သား (၁၀၀၀) ကျော်စေလွှတ်ခဲ့ကြောင်းသိရသည်။

#Local_News #ကုန်ထုတ်လုပ်သားသစ် # EPS စနစ်
#Yangon-Times/PP

Published 12 September 2023

မူရှ်တက်မိုဟာမက်နဲ့ ခွဲစိတ်ရေးအဖွဲ့ဟာ ခွဲစိတ်မှုတစ်ခု ပြုလုပ်စဥ် မမျှော်လင့်တဲ့ ဖြစ်ရပ်ဆန်းတစ်ခုနဲ့ ကြုံတွေ့ခဲ့ကြပြီး ၁၀ လသားအရွယ် ကလေးတစ်ယောက်ရဲ့ ဝမ်းဗိုက်ထဲမှာ သန္ဓေသားတစ်ခုကို တွေ့ရှိခဲ့ကြတာ ဖြစ်ပါတယ်။

ဒီဖြစ်ရပ်ဆန်းက နားလည်ဖို့ခက်ခဲပေမယ့် အကျိုးသင့်အကြောင်းသင့် ရှင်းပြလို့ ရပါတယ်။

ထိုကလေးဟာ အချိန်ကြာရှည်စွာ  ဗိုက်နာခြင်းဝေဒနာကို ခံစားနေရတာကြောင့် မိဘတွေက ပါကစ္စတန်မှ ဆာဒီကဘက်ဆေးရုံသို့ ခေါ်ဆောင်လာခဲ့ပါတယ်။

စမ်းသပ်မှု အများအပြား ပြုလုပ်ပြီးနောက် ကလေးရဲ့ဝမ်းဗိုက်မှာ အကျိတ်တစ်ခုတွေ့ရှိကာ ခွဲစိတ်ကုသပြီး သက်သာအောင် လုပ်ပေးနိုင်မယ်လို့ ဆေးကုသမှုအဖွဲ့က ယုံကြည်ခဲ့ကြပါတယ်။

ခွဲစိတ်မှုပြုလုပ်တဲ့အခါမှာ ရင်ခွင်ပိုက်အရွယ်ကလေးရဲ့ ဗိုက်ထဲမှာ မွေးကတည်းက အကျိတ်ဖြစ်ပေါ်နေပြီး  အလွန်အမင်း နာကျင်စေတာဖြစ်ကြောင်း တွေ့ရှိခဲ့ကြပါတယ်။

ခွဲစိတ်မှုက လုပ်ရိုးလုပ်စဥ်အတိုင်း ပြုလုပ်ခဲ့ပေမယ့် နောက် ၂ နာရီလောက် ကြာတဲ့အခါမှာတော့ ဒါဟာ အကျိတ်မဟုတ်ဘဲ သန္ဓေဖြစ်တည်မှုအဆင့်အတွင်း ကလေးရဲ့ဗိုက်ထဲမှာ နောက်ထပ်အမြွှာသန္ဓေသားတစ်ခုက ပိတ်မိနေတာဖြစ်ကြောင်း၊ ဒါကို သန္ဓေသား မပေါ်လွင်ခြင်းလက္ခဏာလို့ ခေါ်ဆိုကြောင်း ခွဲစိတ်ဆရာဝန်ကြီးရဲ့ ပြောကြားချက်ကို The Sun က ဖော်ပြခဲ့ပါတယ်။

ကလေးရဲ့ ဝမ်းဗိုက်နာကျင်ခြင်းကို သက်သာစေဖို့ နည်းလမ်းအမျိုးမျိုးဖြင့် ကုသခဲ့ပေမယ့် တစ်ခုမှ ထိရောက်မှုမရှိခဲ့ဘူးလို့ ကလေးရဲ့အဖေက ထုတ်ဖော်ပြောပြခဲ့ပါတယ်။

ဒီလိုမျိုးဖြစ်ရပ်က မွေးဖွားမှု ၅ သိန်းမှာ ၁ ယောက်နှုန်းခန့် ဖြစ်နိုင်ချေရှိတယ်လို့ ဖော်ပြထားပါတယ်။
Source: The Jerusalem Post
#World_Health
#YMG #Yangon_Times