#World_Technology
Published_ 13 April 2023

လူတစ်ယောက် အအေးမိဝေဒနာရှိနေလားဆိုတာကို အသံအနေအထားကိုကြည့်ပြီး စစ်ဆေးပေးနိုင်မယ့် AI နည်းပညာတစ်ခုကို သုတေသီများဖန်တီးနေကြပါတယ်။

ဒီနည်းပညာက အအေးမိတဲ့အခါမျိုးမှာ စစ်ဆေးတွေ့ရှိနိုင်သလို ဝန်ထမ်းများ ဖျားနာတယ်ဆိုတဲ့အကြောင်းပြချက်ဖြင့် ဆေးခွင့်လိမ်လည်တင်ခြင်းကိုလည်း စစ်ဆေးနိုင်မှာဖြစ်ပါတယ်။

ဒီနည်းပညာသာ အနာဂတ်မှာ အသုံးတည့်လာရင် အလုပ်ရှင်တွေအနေနဲ့ ဝန်ထမ်းများဖျားနာကြောင်း ဖုန်းဖြင့်ပြောကြားရင်တောင် အမှန်တကယ်လား လိမ်တာလားဆိုတာ စစ်ဆေးနိုင်မှာဖြစ်ပါတယ်။

ဆာဒါဗယ်လက်ဘိုင်အမျိုးသားနည်းပညာအဖွဲ့အစည်းမှ သုတေသီတွေက လူ ၆၃၀ ထံမှ အသံပုံစံများကို အောင်မြင်စွာခွဲခြိမ်းစိတ်ဖြာခဲ့ကြပါတယ်။

ထိုထဲကမှ ၁၁၁ ယောက်ဟာ အအေးမိဝေဒနာခံစားနေရကြောင်း ထုတ်ဖော်နိုင်ခဲ့ပါတယ်။

ထိုနည်းပညာက အမှန်တကယ်ဖျားနာတဲ့လူကို အသံပုံစံဖြင့် ခွဲခြမ်းစိတ်ဖြာခဲ့ပါတယ်။

အအေးမိတဲ့သူတွေက အသံကြိမ်နှုန်းပုံမှန်မဟုတ်တာကို တွေ့မြင်ရပါတယ်။

မှတ်ဉာဏ်မှတ်သားတဲ့ အယ်လ်ဂိုရစ်သမ်များဖြင့် အအေးမိသူတွေရဲ့ အသံဆိုင်ရာကွဲပြားခြားနားမှုအမျိုးမျိုးကို ခွဲခြိမ်းစိတ်ဖြာလိုက်ကြပါတယ်။

စမ်းသပ်တဲ့လူတွေကို ၁ မှ ၄၀ ရေတွက်ခိုင်းပြီး ရုံးပိတ်ရက်တွေမှာ ပြုလုပ်တဲ့လှုပ်ရှားမှုတွေကို ဖော်ပြခိုင်းခဲ့ပါတယ်။

လေ့လာမှုအရ အအေးမိခြင်းကို ၇၀ ရာခိုင်နှုန်းမှန်ကန်အောင် ရှာတွေ့ခဲ့ပါတယ်။
Source: WION
#World_Technology #ဖျားနာခွင့်လိမ်တင်သူများ #အအေးမိဖျားနာခြင်း #AIနည်းပညာအသစ်
#YMG #Yangon_Media_Group

မြန်မာသက္ကရာဇ် ၁၃၈၅ခုနှစ်သို့ကူးပြောင်းမည့် မြန်မာ့ရိုးရာ အတာသင်္ကြန်ပွဲတော်ကာလနှင့် နှစ်ဆန်းအခါသမယတွင် မြန်မာနိုင်ငံသူ နိုင်ငံသားများအားလုံး သင်္ကြန်အတာရေကဲ့သို့အေးမြချမ်းသာရှိကြပါစေကြောင်းနှင့် ငြိမ်းချမ်းသာယာ၍ ဖွံ့ဖြိုးစည်ပင်သောနှစ်သစ်ကို ရရှိပိုင်ဆိုင်နိုင်ကြပါစေကြောင်း လေးစားရိုသေစွာ ဆုမွန်ကောင်းတောင်းအပ်ပါသည်။
YMG မိသားစု

#Local_News
Published_ 12 April 2023

ရန်ကုန်တိုင်းဒေသကြီး အင်းစိန်မြိုနယ် ပေါက်တောဝမီးပွိုင့်တွင် ဧပြီလ ၁၂ရက်နေ့မနက် ၄နာရီ ဝန်းကျင်ခန့်က ယာဉ်တိုက်မူဖြစ်ပွားခဲ့ကြောင်း တွဲလက် လူမူကူညီရေးအသင်းမှ သိရပါတယ်။

#Local_News #အင်းစိန်ပေါက်တော၀ #ရပ်ထားသည့်မော်တော်ယာဉ် #Taxiကဝင်တိုက်
#YMG #Yangon_Media_Group

#World_News
Published 12 April 2023

အိုင်ယာလန် အနောက်မြောက်ဘက် မွိင်မြစ်ကမ်းနားရှိ ဘော်လီနာမြို့ဟာ မြို့ခံလူမျိုးတစ်ဦးဖြစ်တဲ့ အမေရိကန်သမ္မတ'ဂျိုးဘိုင်ဒင်' အလည်အပတ်ခရီး မလာခင်မှာ ပြင်ဆင်လှုပ်ရှားနေကြပါတယ်။

#World_News #အမေရိကန်သမ္မတဘိုင်ဒင် #အိုင်ယာလန်နိုင်ငံ #ဘော်လီနာမြို့
#YMG #Yangon_Media_Group

#Local_News
Published_ 12 April 2023

ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၃၀၅/၁ အနီးတွင် ဧပြီ ၁၂ ရက်နေ့ မနက် ၇ နာရီခန့်က ယာဉ်မတော်တဆမူတစ်ခု ဖြစ်ပွားခဲ့တယ်လို့ ပြည်သာယာလူငယ်လူမှုကူညီရေးအသင်းက YMG ကို ပြောပါတယ်။

#Local_News #ရန်ကုန်-မန္တလေးအမြန်လမ်း #ယာဉ်မောင်းအိပ်ငိုက် #လမ်းလည်ကျွန်းကိုဝင်တိုက် #မောင်းသူသေဆုံး #YMG #Yangon_Media_Group

#Local_News
Published_ 12 April 2023

နေပြည်တော်သင်္ကြန်တွင် ဇုန် ၄ဇုန် ခွဲပြီး ကျင်းပပေးမှာဖြစ်ပြီး မြန်မာမှု မပျောက်စေဖို့နဲ့ နိုင်ငံတကာအဆင့်မှီဖို့ ရည်ရွယ်ထားတယ်လို့ ပြန်ကြားရေးဝန်ကြီးဌာနက သိရပါတယ်။

#Local_News #နေပြည်တော် #လမ်းလျှောက်သင်္ကြန် #ဝင်ကြေးသတ်မှတ်
#YMG #Yangon_Media_Group

#Local_News
Published_ 12 April 2023

သင်္ကြန်နှစ်ဆန်းတစ်ရက်နေ့မှာ ဗိုလ်တထောင်စေတီတော်မှာ နှစ်သစ်ကူးအခမ်းအနားနဲ့စတုဒိသာအလှူတွေလှူဒါန်းသွားဖိုရှိတယ်လို ဗိုလ်တထောင်စေတီတော်ဂေါပကအဖွဲထံမှသိရပါတယ်၊၊

#Local_News #သင်္ကြန်နှစ်ဆန်းတစ်ရက်နေ့#ဗိုလ်တထောင်စေတီ #စတုဒိသာအလှူများလှူဒါန် #YMG #Yangon_Media_Group

#Daily_News
Published_ 12 April 2023

၁။သင်္ကြန်နှစ်ဆန်းတစ်ရက်နေ့တွင် ဗိုလ်တထောင်စေတီ၌ နှစ်သစ်ကူးအခမ်းအနားနှင့် စတုဒိသာအလှူများလှူဒါန်းမည်

၂။နေပြည်တော်လမ်းလျှောက်သင်္ကြန်တွင် ဝင်ကြေးသတ်မှတ်၍ ကျင်းပပေးမည်

၃။ရန်ကုန်-မန္တလေးအမြန်လမ်းတွင် ယာဉ်မောင်းအိပ်ငိုက်ပြီး လမ်းလယ်ကျွန်းကိုဝင်တိုက်၊ ကားမောင်းသူ သေဆုံး

၄။အမေရိကန်သမ္မတ ဘိုင်ဒင်က အိုင်ယာလန်နိုင်ငံရှိ ဇာတိမြေ ဘော်လီနာမြို့ကို သွားရောက်လည်ပတ်မည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 12 April 2023

လတ်တလောမှာ အပူဒဏ်ကြောင့် ကလေးငယ်တွေ ဖျားနာတာနဲ့ သက်ကြီးရွယ်အိုတွေသတိလစ်တာတွေ ရှိလာပြီဖြစ်တယ်လို့ လူမှုကူညီရေးအဖွဲတွေထံမှ သိရပါတယ်။

#Local_News #အပူဒဏ် #ကလေးငယ်များဖျားနာခြင်း #သက်ကြီးရွယ်အိုများသတိလစ်ခြင်း
#YMG #Yangon_Media_Group

#World_News
Published_ 12 April 2023

မကြာသေးမီက ဆိုရှယ်မီဒီယာတွေမှာ ပေါက်ကြားလာတဲ့ ပင်တဂွန်အချက်အလက်တွေအရ ရုရှား-ယူကရိန်းပဋိပက္ခမှာ အမေရိကန်က အတော်လေးပါဝင်ပတ်သက်နေတာကို တွေ့မြင်ခဲ့ရတယ်လို့ အမေရိကန်အမျိုးသားလုံခြုံရေးပညာရှင်တစ်ဦးက ဆိုပါတယ်။

အမေရိကန်၊ နေတိုး(NATO) ထိပ်သီးစစ်ရေးအချက်အလက်များပါတဲ့ စခရင်ရှော့ပုံတွေမှာ ယူကရိန်းစစ်တပ်အင်အားနဲ့ လက်နက်ဖွဲ့စည်းပုံအချက်အလက်များ ပါဝင်နေပါတယ်။

နှစ်ဖက်စလုံးမှ အသေအပျောက်စာရင်းအချက်အလက်တွေ စစ်မြေပြင်မြေပုံတွေပါဝင်ကာ အချို့အချက်အလက်တွေက ထိပ်တန်းလျှို့ဝှက်ချက်အဖြစ် သတ်မှတ်ထားပါတယ်။

ဆောင်းရာသီမှာ အကြီးတန်းစစ်အရာရှိများအတွက် ပြင်ဆင်ပုံများပါဝင်ပေမယ့် လိုအပ်တဲ့လုံခြုံရေးရှင်းလင်းမှုများနဲ့အတူ အမေရိကန်ဝန်ထမ်းများနဲ့ စာချုပ်များလည်း သိရှိနိုင်သေးကြောင်း ဝါရှင်တန်ပို့စ်မှာ စနေနေ့က ဖော်ပြထားပါတယ်။

ပေါက်ကြားမှုက စစ်မှန်ကြောင်းထင်ရပေမယ့် စခရင်ရှော့ပုံကြောင့် အတည်ပြုဖို့ခက်ခဲနေကြောင်း နယူးအမေရိကန်လုံခြုံရေးစင်တာမှ ဂျက်ခ်မစ်ဂျ်လီက ပြောကြားလိုက်ပါတယ်။

အမေရိကန်ပြည်ထောင်စုရဲ့ ပူးတွဲစစ်ဦးစီးချုပ်အဖွဲ့ကဲ့သို့ ထိပ်တန်းစစ်ဘက်ဝန်ထမ်းတွေနဲ့ အသုံးပြုနိုင်မယ့်အကျဉ်းချုပ်စာတမ်းများ ဖြစ်ဟန်ရှိပါတယ်။

အချက်အလက်တွေကို စစ်ဆေးကြည့်ရုံနဲ့ ပြောလို့မရနိုင်ကြောင်း မစ်ဂျ်လီက ရှင်းပြပါတယ်။

တကယ်သာဆိုရင် စစ်ပွဲမှာ အမေရိကန်ရဲ့ပါဝင်ပတ်သက်မှုအတိုင်းအတာ၊ လေ့ကျင့်ရေး၊ ယူကရိန်းတပ်များပြင်ဆင်မှုတွေအကြောင်း တွေ့နိုင်မှာဖြစ်ပါတယ်။

မဟာဗျူဟာအတိုင်ပင်ခံရဲ့အဆိုအရ ထိုအချက်အလက်တွေထဲမှာ ယူကရိန်းစစ်မြေပြင်ပေါ် အမေရိကန်ရဲ့လုပ်ဆောင်မှုအသေးစိတ်ကို ဖော်ပြထားပါတယ်။

ဥပမာအားဖြင့် ယူကရိန်းမြေပြင်မှာ အမေရိကန်အထူးစစ်ဆင်ရေးတပ်သားတွေ ရှိနေတယ်လို့ ဖော်ပြနေပါတယ်။

ယူကရိန်းမှာ အမေရိကန်အစိုးရတပ်သားရာနဲ့ချီရှိတာတွေ၊ ၂၄ နာရီအတွင်း အမေရိကန်မှ တိုက်ခိုက်ရေးလေယာဉ် ၇၂ စင်းပျံသန်းတာတွေ ပါဝင်နေပါတယ်။

ပေါက်ကြားမှုများကြောင့် ယူကရိန်းရှိ နေတိုးစစ်ဆင်ရေးအဖြစ်မှန်တွေနဲ့ တရားဝင်အကောင့်များကြား ကွဲလွဲနေတာကို မြင်တွေ့နိုင်ပါတယ်။

ဒါတွေဟာ အတော်ကို ထဲထဲဝင်ဝင်ပတ်သက်နေပြီး နေတိုးလိုအဖွဲ့အစည်းက ဆောင်ရွက်နေတာမဟုတ်ဘဲ အမေရိကန်မှ ဆောင်ရွက်နေတာဖြစ်ကာ ဒါတွေပေါက်ကြားအောင် လုပ်တဲ့လူက ဒီရည်ရွယ်ချက်ရှိမယ်လို့ ယူဆနေပါတယ်။
#YMG
#World_News #အမေရိကန်စစ်ရေးထိပ်သီးအချက်အလက် #ယူကရိန်းပဋိပက္ခ
#Yangon_Media_Group

Published 12 April 2023

အိန္ဒိယနိုင်ငံမှာ ကိုရိုနာဗိုင်းရပ်စ်မျိုးကွဲအသစ် XBB1.16 ကြောင့် ပြီးခဲ့တဲ့ရက်များအတွင်း ကိုဗစ်ကူးစက်ခံရသူတွေ ရုတ်တရက် များပြားလာနေပါတယ်။ မြင့်တက်မှုတွေဟာ ဧပြီ ၁၂ရက် ယနေ့အထိဆက်လက်မြင့်တက်နေဆဲဖြစ်ပြီး တစ်ရက်တည်းကို ကူးစက်ခံရသူပေါင်း ၇၈၃၀ ဦးရှိနေတယ်လို့ သိရပါတယ်။ ပြီးခဲ့တဲ့နှစ်စက်တင်ဘာ ၁ရက်က တစ်ရက် တည်းကူးစက်ခံရသူ ၇၉၄၆ ဦးရှိခဲ့တဲ့အတွက် ယခုမြင့်တက်မှုဟာ ရက်ပေါင်း ၂၂၃ ရက်အတွင်း အမြင့်မား ဆုံးဖြစ်နေပါတယ်။

“XBB 1.16 ဟာ ကလေးငယ်တွေနှင့်လူကြီးတွေအကြား ကူးစက်မှုမြင့်မားနေရခြင်းရဲ့ အရင်းခံအကြောင်းရင်းဖြစ်တယ်။ ဒီ မျိုးကွဲဟာ ခုခံအားစနစ်ကို လွတ်မြောက်နိုင်ပြီး အဲဒီစနစ်ထဲထိုးဖောက်နိုင်တယ်။  အရင် ကိုဗစ်လှိုင်းတွေတုန်းက ကူးစက်ခံ ရသူတွေ၊ ကာကွယ်ဆေးထိုးနှံပြီးသား ဆယ်ကျော်သက်တွေနှင့် လူကြီးတွေလည်း ကူးစက်ခံရနိုင်တယ်” လို့ ဆာဂင်္ဂါရမ် ဆေးရုံရဲ့ ဝါရင့် ကလေးအထူးကုဆရာဝန် ဒေါက်တာဒီရင်ဂူပတာက ပြောပါတယ်။

XBB 1.16 ဟာ ကူးစက်မှုအလွန်မြင့်မားပြီး အရင်မျိုးကွဲတွေထက်တောင် ပြင်းထန်တယ်လို့လည်း သူကပြောပါတယ်။

Source WION

#အိန္ဒိယကိုဗစ်ကူးစက်မှုမြင့်တက်လာနေ

#XBB 1.16

#YangonMediaGroup

#World_Health
Published_ 2 April 2023

အလွန်သေးငယ်တဲ့ဘက်ထရီဖြင့် ရင်သားကင်ဆာဖြစ်နေတဲ့ကြွက်တွေကို ၂ ပတ်အတွင်းကုသပေးနိုင်ခဲ့ကာ လူနာတွေအတွက် မျှော်လင့်ချက်ဖြစ်လာစေပါတယ်။

ထိုပစ္စည်းက ဆားရည်ထဲ လျှပ်စီးပတ်လမ်းငယ်ဖန်တီးပြီး အောက်ဆီဂျင်နှစ်ထားတဲ့ အကျိတ်တစ်ရှူးနားတဝိုက်မှာ ထိုးသွင်းလိုက်တာဖြစ်ပါတယ်။

ဘက်ထရီက သူ့အလိုလိုအားသွင်းနိုင်ပြီး နာရီ ၅၀၀ အထိ ခံနိုင်ရည်ရှိကြောင်း သုတေသီများက ဆိုပါတယ်။

ထိုနည်းလမ်းက ကင်ဆာဆဲလ်တွေမှာ အောက်ဆီဂျင်ပြတ်လပ်ခြင်းကို ဖြစ်ပေါ်စေတာဖြစ်ပါတယ်။

ဒါ့အပြင် အောက်ဆီဂျင်ကျသွားတဲ့ဆဲလ်တွေထဲ ထိုးသွင်းလိုက်တဲ့အထူးဆေးတွေရဲ့ ထိရောက်မှုကိုလည်း မြှင့်တင်ပေးပါတယ်။

"၁၄ ရက်ကြာပြီးနောက် ဘက်ထရီအသုံးပြုပြီး ဆေးကုသမှုခံယူခဲ့တဲ့ ကြွက် ၅ ကောင်ရဲ့အကျိတ်တွေက ၉၀ ရာခိုင်နှုန်းလောက်လျော့ကျခဲ့ပြီး ၄ ကောင်ကတော့ အကျိတ်ပျောက်ကင်းသွားပါတယ်" လို့ ရှန်ဟိုင်း ဖူဒန်တက္ကသိုလ်မှ ပရော်ဖက်ဆာ'ဖန်ကျန်'က ပြောပြခဲ့ပါတယ်။

အသုံးပြုတဲ့ဆေးတွေကတော့ HAP လို့ခေါ်တဲ့ ဆေးတွေဖြစ်ပါတယ်။

သူတို့ရဲ့ထိရောက်မှုကို လုံလုံလောက်လောက် သက်သေမပြနိုင်သေးတာကြောင့် ဆေးဘက်ဆိုင်ရာမှာ အသုံးပြုခွင့်မပေးသေးပါဘူး။

ဘက်ထရီက အကျိတ်ကိုဖုံးကွယ်ပေးပြီး အတွင်းရှိအောက်ဆီဂျင်ကို ၁၄ ရက်ကျော်ကြာအောင် အဆက်မပြတ်သုံးစွဲပါတယ်။

ဒါပေမဲ့ အကျိတ်ထဲမှာ အောက်ဆီဂျင်ပြတ်လပ်ပါက ကင်ဆာပျံ့ပွားခြင်းကို များပြားစေနိုင်ကြောင်း ကိမ်းဘရစ်ချ်တက္ကသိုလ်မှ ပရော်ဖက်ဆာ'ရန်ဒယ်လ်ဂျွန်ဆန်'က ဆိုပါတယ်။

လူတွေမှာ အဆိုပါဘက်ထရီဖြင့်ကုသမယ်ဆိုရင်တော့ ကုန်ကျစရိတ်တွေနဲ့ ထိရောက်မှုကို အရင်တိုင်းတာသင့်ပါတယ်။

ယူကေမှာ ရင်သားကင်ဆာကြောင့် နှစ်စဉ်နှစ်တိုင်းလူပေါင်း ၁၁,၅၀၀ ခန့်သေဆုံးထားပါတယ်။
Source: The Sun
#World_Health #ရင်သားကင်ဆာ #သုတေသီများ #ကြွက်များကိုအချိန်(၂)ပတ်အတွင်းကုသ
#YMG #Yangon_Media_Group