#Local_News
Published _16 April 2023

ဧရာဝတီတိုင်းဒေသကြီး၊ မော်လမြိုင်ကျွန်းမြို့ အောင်သာယာစျေးမီးလောင်မှုတွင် လူတစ်ဦးသေဆုံးခဲ့ကြောင်း သိရသည်။

ဧပြီလ ၁၅ ရက် ည ၈ နာရီ ၂၁ မိနစ်ခန့်က အဆိုပါဈေး မီးလောင်မှု ဖြစ်ပွားခဲ့ရာမော်လမြိုင်ကျွန်းမြို့နယ်မီးသတ်စခန်းမှ မီးသတ်ယာဉ်(၄)စီး၊ မအူပင်မြို့နယ်မီးသတ်စခန်းမှ မီးသတ်ယာဉ်(၁)စီး၊ ဝါးခယ်မမြို့နယ်မီးသတ်စခန်းမှ မီးသတ်ယာဉ်(၂)စီး၊ ဘိုကလေးမြို့နယ်မီးသတ်စခန်းမှ မီးသတ်ယာဉ်(၂)စီး၊ ရေလဲနယ်မြေမီးသတ်စခန်းမှ မီးသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရကြောင်းသိရသည်။

အဆိုပါမီးလောင်မှုမှာ စားဖျော်ရုံးမှတစ်ဆင့် မီးကူးစက်လောင်ကျွမ်းခဲ့ခြင်းဖြစ်ပြီးငါးဈေးရုံတစ်ခြမ်းနှင့် ပျံကျဈေးဆိုင်များမီးလောင်ခံခဲ့ရကာ‌ဈေးသည်အမျိုးသားတစ်ဦးမီးလောင်သေဆုံးခဲ့ကြောင်း သိရသည်။

ymg/mt
#Local_News #မော်လမြိုင်ကျွန်းမြို့ #အောင်သာယာစျေးမီးလောင် #လူတစ်ဦးသေဆုံးခဲ့
#YMG #Yangon_Media_Group

#Local_News
Published _16 April 2023

ရန်ကုန်တိုင်းဒေသကြီး၊ ကြည့်မြင်တိုင်မြို့နယ်ရှိ တိုက်ခန်း တစ်ခန်းအတွင်း သေဆုံးနေသည့် အမျိုးသားတစ်ဦးအလောင်းကို
ပုပ်ပွလျက်တွေ့ရှိခဲ့ကြောင်း ရောင်စဉ်မဲ့ လူမှုကူညီရေးအသင်းက သိရသည်။

ဧပြီလ ၁၅ ရက်ကကြည့်မြင်တိုင် ဦးကြွယ်ဟိုးလမ်းရှိ တိုက်ခန်း ၆လွှာအခန်းအတွင်း အဆိုပါပုပ်ပွသေဆုံးနေသည့် အမျိုးသားအလောင်း ကို တွေ့ရှိခဲ့ကြောင်း သိရသည်။

သေဆုံးသူမှာ အသက် ၄၀ အရွယ် အမျိုးသားဖြစ်ပြီးအလောင်းကို သေရောင်စဉ်မဲ့ လူမှုကူညီရေးအသင်း ယာဉ်ဖြင့် ဆေးရုံသို့ ပို့ဆောင်ပေးခဲ့ရကြောင်း သိရသည်။

"မွန်းလွဲ ၂ နာရီကျော်‌အချိန်လောက်ကသိရတာပါ။သူ့မိသားစုက ခရီးထွက်သွားတာတဲ့ ။ သူက တစ်ယောက်တည်း ကျန်ခဲ့တယ်‌ေပါ့ဗျာ၊အကြိုနေ့ကတောင် အဆက်အသွယ်ရသေးတယ်လို့ သိရပါတယ်၊သွေးရိုးသားရိုးပါပဲ။သွေးတိုးတာမျိုးလည်းဖြစ်နိုင်ပါတယ်၊ဒီနေ့သင်္ဂြိုဟ်ပြီးပြီ"ဟုလိုက်ပါကူညီသူတစ်ဦးကပြောသည်။

ymg/mt
#Local_News ##ကြည့်မြင်တိုင်မြို့နယ် # တိုက်ခန်းတစ်ခန်းအတွင်းသေဆုံးနေသည့်အမျိုးသား #ပုပ်ပွ
#YMG #Yangon_Media_Group

#Myanmar_News
Published 16 April 2023

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ဇနီး ဒေါ်ကြူကြူလှ နှင့်အဖွဲ့ဟာ ဧပြီ(၁၅)ရက်သင်္ကြန်အကြတ်နေ့က ပြင်ဦးလွင်တပ်နယ်တွင်  ဗိုလ်လောင်းများ၏ ပျော်ရွှင်စွာရေသဘင်ပွဲတော်ဆင်နွဲ  နေမှုများကို သွားရောက်ကြည့်ရှုအားပေးခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

နစကဥက္ကဋ္ဌ၏ဇနီးနှင့် အဖွဲ့ဝင်များသည် ခါတော်မီ မိသားစု အတာရေသဘင်မဏ္ဍပ်၊တပ်မတော်နည်းပညာတက္ကသိုလ် တက္ကသီလာပိတောက်ဝါ မိသားစု အတာရေသဘင်မဏ္ဍပ်၊ တပ်မတော်အင်ဂျင်နီယာကျောင်း... ပိတောက်ချယ်ရီ မိသားစုအတာရေသဘင်မဏ္ဍပ်များသို့သွားရောက်ခဲ့ပြီး ဂုဏ်ပြုဆုငွေတွေပေးအပ်ချီးမြှင့်ခဲ့တယ်လို့လည်း သတင်းထ ုတ်ပြန်ချက်မှာဖော်ပြထားပါတယ်။
-ymg/knl
#နစကဥက္ကဋ္ဌ၏ဇနီးဒေါ်ကြူကြူလှ
#မြန်မာ့သင်္ကြန် #YMG #Yangon_Media_Group

[ Album ]
#World_News
Published_ 16 April 2023

တရုတ်နိုင်ငံ ယူနန်ပြည်နယ် မြန်မာနိုင်ငံနယ်စပ်အနီးရှိ စစ်ဆောင်ပန်းနားဒေသမှာနေထိုင်တဲ့ တိုင်လူမျိုးတွေဟာ တိုင်နှစ်သစ်ကူးပွဲတော်အဖြစ် သင်္ကြန်ပွဲတော်ကို နှစ်စဉ်ဆင်နွှဲလေ့ရှိရာ ယခုနှစ်တွင်လည်း ဧပြီ(၁၅)ရက်က သင်္ကြန်ပွဲ ဆင်နွှဲနေကြပုံများကို စုစည်းတင်ပြပေးပါတယ်။

မြန်မာယဉ်ကျေးမှုအမွေအနှစ်တစ်ခုဖြစ်တဲ့ သင်္ကြန်ပွဲတော်ဟာ အိမ်နီးချင်းနိုင်ငံတွေဖြစ်တဲ့ တရုတ်၊ လာအို၊ထိုင်း၊ကမ္ဘောဒီးယားနိုင်ငံတွေမှာလည်း တစ်ပြိုင်နက်ကျင်းပနေကြတာဖြစ်ပါတယ်။
-ymg/knl
#YMG #Yangon_Media_Group

#Local_News
Published_ 16 April 2023

နှစ်သစ်တွင်ကံဇာတာကောင်းမွန်ပွင့်လန်းစေရန်အတွက်လာမည့်နှစ်ဆန်းတစ်ရက်နေ့ဧပြီလ(၁၇) ရက်၊မင်္ဂလာအချိန်၌ခေါင်းဆေးမင်္ဂလာပြုလုပ်ရန်လိုအပ်ကြောင်း မြန်မာနိုင်ငံသဘာဝနက္ခတ်ဗေဒပညာသင်တန်းကျောင်း၊ကျောင်းအုပ်ဆရာမကြီးပါရဂူဒေါက်တာဒေါ်ကြည်ကြည်စိန်ထံမှသိရသည်၊၊

ယခုနှစ်တွင် နှစ်ဆန်းတစ်ရက်နေ့ဧပြီလ(၁၇)တွင် မင်္ဂလာအချိန်သည်မနက်(၇)နာရီ (၄၀)မှ (၈)နာရီ (၃၁)အတွင်းဖြစ်ပြီးယင်းအချိန်တွင် တနင်္ဂနွေသားသမီးများမှအပကျန်နေ့နာမ်သားသမီးအားလုံးခေါင်းဆေးမင်္ဂလာပြုလုပ်နိုင်မည်ဖြစ်သည်ဟုဆိုသည်၊၊

အတာစားသည့်တနင်္ဂနွေသားသမီးများအနေဖြင့် သင်္ကြန်အတက်နေ့ ဧပြီလ(၁၆)ရက်တွင် ခေါင်းဆေးမင်္ဂလာပြုရမည်ဖြစ်သည်၊၊

"နှစ်ဆန်းတစ်ရက်နေ့ မနက်(၇)နာရီ (၄၀)မှ (၈)နာရီ (၃၁)အတွင်း ခေါင်းဆေးမင်္ဂလာပြုလုပ်ရမယ်၊၊အဲဒီ့အချိန်ဟာ ဓနသိဒ္ဓိမွန်းတည့်ချိန်မို့ ဂါထာလေးရွတ်ပြီး ခေါင်းဆေးမင်္ဂလာပြုသင့်တယ်၊၊

အရဟံသိဒ္ဓိဆိုပြီးတော့ ပုတီးတစ်ပတ်စာ (၁၀၈)ခေါက် ရွတ်ဆိုပြီး ခေါင်းဆေးမင်္ဂလာပြုလိုက်ပါ၊၊ နေထွက်ရာအရပ်ကို မျက်နှာပြုပြီး ခေါင်းဆေးမင်္ဂလာပြုသင့်ပါတယ်၊၊

ဒီနှစ်ဟာ တနင်္ဂနွေသားသမီး အတာစားလို့ ဒီနေ့သင်္ကြန်အတက်နေ့ဧပြီလ(၁၆)ရက်ကတည်းက အုန်းခေါင်းလျှော်ရည်သို့မဟုတ်အုန်းဆီထည့်ပြီး ခေါင်းလျှော်ပြီးခေါင်းဆေးမင်္ဂလာပြုပေးရမယ်"ဟု မြန်မာနိုင်ငံသဘာဝနက္ခတ်ဗေဒပညာသင်တန်းကျောင်း၊ကျောင်းအုပ်ဆရာမကြီးပါရဂူဒေါက်တာဒေါ်ကြည်ကြည်စိန်ကပြောသည်၊၊

ယခုနှစ်တွင် တနင်္ဂနွေသားသမီးများအတာစားသည့်အတွက် တစ်နှစ်တာပတ်လုံးကံဇာတာကောင်းမွန်စေရန်သင်္ကြန်အတက်နေ့တွင် ခေါင်းဆေးမင်္ဂလာကြိုတင်ပြုလုပ်ခြင်းအပြင် အလှူဒါနတစ်ခုပြုလုပ်ရမည်ဖြစ်ပြီး ရေတစ်ခွက်ကိုယူ၊မေတ္တာသုတ်ရွတ်ဆိုပြီး တစ်ပုံကို မိမိသောက်သုံးကာ ကျန်နှစ်ပုံကို အမွှေးနံ့သာထည့်ရမည်၊၊

အမွှေးနံသာထည့်ထားသည့် သောက်သုံးရေတစ်ပုံကို ကိုယ်ပြုလုပ်ခဲ့သည့် ကောင်းမှုများကို သစ္စာပြုပြီး ဝသုန်သန္ဓြေနတ်မင်းအားသက်သေပြုကာ မြေကြီးကိုပက်ဖြန်းရမည်ဖြစ်သည်၊၊

အမွှေးနံသာထည့်ထားသည့်ရေ ကျန်တစ်ပုံကို အန္တရာယ်ကင်းအောင် နေအိမ်နေရာအနှံ့ပက်ဖြန်းပေးရမည်ဖြစ်သည်ဟုဆိုသည်၊၊

ကျန်အင်္ဂါသားသမီး၊ဗုဒ္ဓဟူး၊ကြာသပတေး၊သောကြာ၊စနေနှင့်ရာဟုသားသမီးများအနေဖြင့်နှစ်ဆန်း တစ်ရက်နေ့ဧပြီလ(၁၇)တွင်ကိုယ်ဖြစ်ချင်သည့်ဆန္ဒများကိုယ်လုပ်ချင်သည့်အရာများကိုရေးသားဆုတောင်းပြီး ဘုရားစင်ပေါ်တင်ကာ ဘုရားသောက်တော်ရေ ကပ်လှူရမည်ဖြစ်သည်၊၊

အဆက်အသွယ်ကောင်းများရရှိစေရန်ဖုန်းငွေဖြည့်ကတ်(တစ်ထောင်တန်)၊အစားအသောက်တစ်ခုခု(ငွေကြေးမတတ်နိုင်သူများ ပိုက်ဆံတစ်ရွက်နှင့်ချိုချဥ်တစ်လုံး)ထည့်ပြီး မေတ္တာသုတ်ရွတ်ဆိုကာ ရေနှင့်ပစ္စည်းကို ပြန်စွန့်ရမည်၊၊

ပြန်စွန့်လိုက်သည့် ပစ္စည်းကိုအခြားသူကိုလှူဒါန်းလိုက်ပြီး ပြန်စွန့်လိုက်သည့်ရေကို သုံးပုံပုံပြီး တစ်ပုံကိုမိမိသောက်သုံးကာ ကျန်နှစ်ပုံကို အမွှေးရည်ထည့်ပြီး မိမိပြုခဲ့သည့်ကောင်းမှုကိုသစ္စာပြုပြီး ဝသုန်သန္ဓြေမြေနတ်မင်းကြီးအားသက်သေပြုရေစက်ချရမည်ဖြစ်သည်၊၊

ကျန်အမွှေးရည်တစ်ပုံကိုပုလင်းလေးဖြင့်ထည့်ပြီးယူဆောင်ကာ မိမိပတ်ဝန်းကျင်နှင့်အလုပ်ကို ပက်ဖြန်းရမည်ဖြစ်ကြောင်း ဒေါက်တာဒေါ်ကြည်ကြည်စိန်ကဟောကြားခဲ့သည်၊၊
ymg/tthl
#Local_News #နှစ်ဆန်းတစ်ရက်နေ့ # ခေါင်းဆေးမင်္ဂလာ #ကုသိုလ်ယတြာ #အတာစားသည့်တနင်္ဂနွေများကြိုတင်ပြုလုပ်
#YMG #Yangon_Media_Group

Published 16 April 2023

တောက်လျောက်ကျဆင်းလာနေတဲ့ တောင်ကိုရီးယားရဲ့ သန္ဓေအောင်နှုန်းကို ကုစားဖို့ လွန်ခဲ့တဲ့ ၁၅နှစ်ကစပြီး အစိုးရက ဒေါ်လာ ၂၁၂ ဘီလျံအထိသုံးစွဲခဲ့ပေမယ့် အဆိုပါကျဆင်းမှုရပ်တန့်သွားအောင် သိပ်မလုပ်နိုင်ခဲ့တဲ့အတွက် တောင်ကိုရီး ယားဟာ ယခုဆို နိုင်ငံရပ်ခြားအလုပ်သမားတွေပိုပြီးခေါ်ယူလာနေရပါတယ်။

သန္ဓေအောင်နှုန်းကျဆင်းမှုအကြပ်အတည်း တစ်စိတ်တစ်ပိုင်း ပါဝင်ပတ်သက်မှုကြောင့် ၂၀၅၀ အရောက်မှာ လူဦးရေ ထူထပ်တဲ့ အင်ဒိုနီးရှားနှင့် နိုင်ဂျီရီးယားတို့ဟာ စီးပွာရေးအရွယ်အစားအရ တောင်ကိုရီးယားကို ကျော်ဖြတ်လိမ့်မယ်လို့ ပညာရှင်တွေက ခန့်မှန်းထားကြပါတယ်။

နောက်အဆိုးမြင်တစ်ခုကတော့  ယခုပုံစံအတိုင်းမျိုးအောင်နှုန်းကျဆင်းနေမယ ၂၇၅၀ အရောက်မှာ တောင်ကိုးရီးယား    ဟာ နိုင်ငံအဖြစ်ကနေပါ ပျောက်ကွယ်သွားနိုင်တယ်ဆိုတာပဲဖြစ်ပါတယ်။

ဒေါ်လာဘီလျံချီသုံးစွဲခဲ့ပေမယ့် တောင်ကိုရီးယားရဲ့ ကလေးမွေးနှုန်းဟာ ဆက်လက်ကျဆင်းနေပါတယ်။ ၂၀၂၂ခုနှစ်မှာ တောင်ကိုရီးယားအမျိုးသမီးတစ်ဦးဟာ သူ့ဘဝတလျောက်လုံး ကလေးမွေးတာ တစ်ယောက်တောင်မပြည့်တဲ့ ( ၀.၇၈) အထိကျဆင်းနေပါတယ်။ ဆိုးလ်မြို့မှာဆိုရင် ဒီထက်ပင်ကျဆင်းနေပြီး (၀.၅၉)ပဲရှိပါတော့တယ်။

အချို့သောစီးပွားရေးကော်ပိုရေးရှင်းကြီးတွေက တောင်ကိုရီးယားရဲ့စီးပွားရေးမှာ မင်းမူနေပေမယ့် ကျန်တဲ့ ၉၉ ရာခိုင်နှုန်း ဟာ သူတို့နှင့်နှိုင်းယှဉ်ရင် အတော့်ကိုသေးငယ်တဲ့ ကုမ္ပဏီတွေဖြစ်နေကြပါတယ်။ ဒါပေမယ့် အဲဒီကုမ္ပဏီသေးတွေက လစာနိမ့်ပြီး အလုပ်ပင်ပန်းလွန်းလို့  တောင်ကိုးရီးယားလူငယ်တွေကြားထဲ သိပ်ပြီး ရေပန်းမစားလှပါဘူး၊ အဲဒါကြောင့် စိုက်ပျိုးရေး၊မွေးမြူရေးနှင့်ငါးလုပ်ငန်းတွေ၊ ကုန်ထုတ်လုပ်ငန်းတွေဟာ သူတို့လိုချင်တဲ့ အလုပ်သမားတွေ လုံလုံလောက် လောက်မရရှိကြဘဲဖြစ်နေကြပါတယ်။

အဲဒါကြောင့်လည်း အစိုးရဟာ နိုင်ငံခြားအလုပ်သမားတွေပိုပြီး ရှာဖွေနေကြရပါတယ်။

၁၉၉၀ပြည့်နှစ်မှာ တောင်ကိုရီးယာနိုင်ငံတွင် ကာလရှည်နေထိုင်ခွင့်ရတဲ့ နိုင်ငံခြားသား အရေအတွက်ဟာ ၄၉၀၀၀ ဦး ရှိပါတယ်။ ဒါပေမယ့် ရက်၉၀ အောက်နေကြတဲ့သူတွေအပါအဝင် အတည်တကျနေထိုင်တဲ့ နိုင်ငံခြားသားတွေဟာ ၂၀၂၉ခုနှစ်ကုန်ပိုင်းမှာ ၂.၅၂ သန်း အထိမြင့်တက်သွားခဲ့ပါတယ်။  ဒါဟာ တောင်ကိုရီးယားလူဦးရေ ၅၁သန်းရဲ့ ၄.၉ ရာခိုင် နှုန်းအထိရှိပါတယ်။

အဲဒီနိုင်ငံခြားသားတွေထဲက ၄၀ ရာခိုင်နှုန်းဟာ တရုတ်နိုင်ငံသားတွေဖြစ်ကြပြီး  ကိုရီးယားသွေးပါသူတွေဖြစ်ပါတယ်။  ကိုရီးယားတရုတ်တွေဟာ ဘာသာစကားတူ အစားအသောက်တူလို့ သူတို့ကိုပိုပြီးလိုချင်နေကြပါတယ်။ ဗီယက်နမ်လူမျိုး တွေဟာ ဒုတိယအများဆုံးဖြစ်ပြီး ထိုင်းက တတိယမြောက်အများဆုံးဖြစ်ကြပါတယ်။

၂၀၀၄ခုနှစ်မှာ တောင်ကိုရီးယားဟာ ကျွမ်းကျင်မှုနည်းတဲ့အလုပ်သမားတွေစတင်လက်ခံခဲ့ပါတယ်။ အဲဒီအစီအစဉ်အရ  အစိုးရဟာ အလုပ်ခန့်ထားခြင်းဆိုင်ရာ လုပ်ငန်းစဉ်အစအဆုံး ထိန်းချုပ်ထားပါတယ်။ စတင်ခန့်ရာကနေ သူတို့ကို အလုပ် နေရာချတာအလယ် သူတို့နိုင်ငံပြန်ပို့တာအဆုံးအားလုံးကိုထိန်းချုပ်ထားတာပါ။ အဲဒီအစီအစဉ်အောက်မှာ ကုန်ထုတ် လုပ်ငန်း၊ ဆောက်လုပ်ရေး၊ စိုက်ပျိုးရေး၊မွေးမြူရေး၊ဝန်ဆောင်မှုနှင့်ငါးလုပ်ငန်းတွေ ပါဝင်ပါတယ်။

အလုပ်သမားဈေးကွက်ကိုဖွင့်ပေးခြင်းလို့ ပညာရှင်တစ်ဦးကပြောတဲ့ အဆိုပါလှုပ်ရှားမှုမှာ နိုင်ငံခြာသားအလုပ်သမား တွေကို ပီအာရ်လို့ခေါ်တဲ့ အမြဲတမ်းအခြေချနေထိုင်ခွင့်ရသူတွေဖြစ်အောင်ကူညီဖို့ တေင်ကိုရီးယားအစိုးရက  နည်းမျိုးစုံနှင့်ပြင်ဆင်ခဲ့ပါတယ်။

နိုင်ငံတကာလက်ထပ်ထိမ်းမြားခြင်းမှတစ်ဆင့် နိုင်ငံခြားသားအလုပ်သမားတွေဟာ အခုဆို တရားဝင်အတည်တကျ နေထိုင်ခွင့် ဒါမှမဟုတ် ပီအာရ် အဆင့်အတန်းကို ယခုရရှိနေကြပြီဖြစ်ပါတယ်။ အဲဒါကြောင့်လည်း နိုင်ငံခြားသားအလုပ် သမားတွေနှင့် တောင်ကိုရီးယားနိုင်ငံသားတွေ လက်ထပ်ထိမ်းမြားမှုဟာ ၂၀၀၀ပြည့်နှစ်ကတည်းက တဟုန်ထိုး တိုး တက်လာခဲ့ပါတယ်။  တောင်ကိုရီးယား နိုင်ငံသား ၁၀ဦးလက်ထပ်ရင် တစ်ဦးဟာ နိုင်ငံခြားသားနှင့်လက်ထပ်တာ အထူး သဖြင့်တရုတ်နှင့်ဗီယက်နမ်နိုင်ငံသားတွေနှင့်လက်ထပ်တာအထိ ဆယ်ချိုးတစ်ချိုး ဖြစ်လာပါတယ်။

အဲသလိုနိုင်ငံသားဖြစ်လာသူတွေဟာ သူတို့ရဲ့ အိမ်ထောင်ဖက်နှင့် ကွာရှင်းလို့ပဲဖြစ်ဖြစ် သေဆုံးသွားလို့ပဲဖြစ်ဖြစ် နောက် တစ်ဦးနှင့် အိမ်ထောင်ထပ်ပြုရင် အိမ်ထောင်အသစ်ဟာ အလိုအလျောက် တောင်ကိုရီးယားနိုင်ငံသားဖြစ်လာပါတယ်။ ဒီလိုနည်းနှင့် တောင်ကိုးရီးယားနိုင်ငံသားဖြစ်လာကြတဲ့သူတွေထဲမှာ အရှေ့တောင်အာရှနိုင်ငံကလာသူတွေအရေ အတွက် ဟာ တစ်ဟုန်ထိုးတက်လာနေပါတယ်။

အစိုးရရဲ့ကျယ်ပြန်တဲ့အားပေးမှုတွေက နိုင်ငံခြားသားအလုပ်သမားတွေကို အမြဲတမ်းနေထိုင်ခွင့် သို့မဟုတ်ပီအာရ်အဆင့်   အတန်းရရှိ တာတွေတိုးပွားလာရခြင်းရဲ့ အဓိကအချက်တစ်ခုဖြစ်တယ်လို့  တောင်ကိုရီးယားလူဝင်မှုမူဝါဒစာအုပ်ရေးသား သူ ဆေကာဂွန်းတက္ကသိုလ် ပါမောက္ခ အီကူမီဟာရူကီကပြောပါတယ်။

“ နိုင်ငံတစ်လွှားက နေရာ ၃၁၉နေရာမှာ တောင်ကိုရီးယားဟာ အခမဲ့ ဘာသာစကားသင်တန်းတွေလုပ်ပေးနေတယ်” လို့ ဟာရူကီကပြောပါတယ်။

ဒါပေမယ့် အစိုးရက အဲသလိုဘတ်ဂျက်အကြီးအကျယ်သုံးနေတဲ့အပေါ် ပြည်သူတွေက မကျေမချမ်းဖြစ်လာနေပါတယ်။  လစာတွေက များပေမယ့် နိုင်ငံခြားသားအလုပ်သမားတွေဟာ အလုပ်ချိန်အရှည်ကြီးအလုပ်လုပ်နေကြရပြီး  နိုင်ငံရဲ့ အလုပ်သမားတွေနှင့်ဆက်ဆံရာမှာ ရှေးရိုးအစဉ်အလာလိုဖြစ်နေခဲ့တဲ့ ခွဲခြားဆက်ဆံခံရတာတွေနှင့် ထိပါး နှောက်ယှက်ခံနေရတာတွေကိုလည်း နိုင်ငံခြားသားအလုပ်သမားတွေကြုံတွေ့နေကြရပါတယ်။

ဒါပေမယ့်လည်း အရှေ့တောင်အာရှက လူငယ်တွေအတွက် တောင်ကိုရီးယားဟာ အလုပ်လုပ်ဖို့ ဆွဲဆောင်မှုရှိနေတဲ့ နေရာအဖြစ်ဆက်လက်တည်ရှိနေဆဲဖြစ်ပါတယ်။ အဲဒီအထဲမှာ ကေပေါ့ယဉ်ကျေးမှုနှင့် ကိုရီးယားဒရာမာဇာတ်လမ်း တွေကလည်း ကိုရီးယားကိုသွားဖို့ ဆွဲဆောင်နေတဲ့ အစိတ်အပိုင်းတစ်ခုပါပဲ။

မလုံလောက်မှုတွေရှိနေလင့်ကစား ကျဆင်းနေတဲ့ မွေးဖွားနှုန်းကြောင့်ဖြစ်ပေါ်လာတဲ့ စီးပွားရေးအကျိုးဆက်ကို သက်သာအောင်ဘယ်လိုလုပ်မယ်ဆိုတဲ့ တန်ဖိုးရှိလှတဲ့သင်ခန်းစာတွေကိုတော့ တောင်ကိုရီးယားရဲ့ နိုင်ငံခြား လုပ်သား မူဝါဒက ပေးကမ်းနေတုန်းပဲဖြစ်ပါတယ်။

Source” Nikkei Asia

#YangonMediaGroup

#SpecialReport

#အထူးဆောင်းပါး

#တောင်ကိုရီးယား

#တောင်ကိုရီးယားကလေးမွေးနှုန်းကျဆင်း

#တောင်ကိုရီးယားနိုင်ငံခြားသားအလုပ်သမား

#World_Health
Published_ 16 April 2023

အိန္ဒိယမိုးလေဝသဌာနက ဧပြီ ၁၂ ရက်နေ့မှ ၁၆ ရက်နေ့အထိ အနောက်ဘင်္ဂလားမှာ အပူလှိုင်းသတိပေးချက်ထုတ်ပြန်ထားပါတယ်။

လာမယ့်သီတင်းပတ်များအတွင်း ဒေလီမြို့မှာ အမြင့်ဆုံးအပူချိန် ၄၀ ဒီဂရီဆဲလ်စီးယပ်စ်အထိ မြင့်တက်လာနိုင်ကြောင်း ဒေသတွင်းမိုးလေဝသစင်တာက ခန့်မှန်းထားပါတယ်။

ဒီလိုရာသီဥတုမှာ ခန္ဓာကိုယ်အတွင်း ရေဓာတ်မထိန်းသိမ်းနိုင်ရင် အလျင်အမြန်ရေဓာတ်ခန်းခြောက်သွားနိုင်ပါတယ်။

အာဟာရပညာရှင်'လော့ဗ်နိဘာထရာ'က နွေရာသီမှာသောက်သုံးသင့်တာတွေကို အင်စတာဂရမ်မှာဖော်ပြခဲ့ပါတယ်။

(၁) ကုလားပဲဖျော်ရည်
ကုလားပဲက သံဓာတ်၊ မန်ဂန်နိစ်၊ မဂ္ဂနီဆီယမ်ကြွယ်ဝပြီး ဆိုဒီယမ်နည်းပါးတာကြောင့် ချက်ချင်းစွမ်းအင်ပေးနိုင်ကာ အေးမြမှုကိုပေးစွမ်းနိုင်ပါတယ်။

အူလမ်းကြောင်းအတွက် ကောင်းမွန်စေပြီး ဝမ်းချုပ်ခြင်း၊ အက်ဆစ်များခြင်းတို့ကို ထိန်းညှိပေးပါတယ်။

(၂) ထောပတ်နို့
ဒိန်ချဉ်ကနေ ဆား၊ အမွှေးအကြိုင်များထည့်ကာပြုလုပ်ထားပြီး ခန္ဓာကိုယ်အပူကိုလျှော့ချပေးကာ ရေဓာတ်ခန်းခြောက်ခြင်းကို ကာကွယ်ပေးပါတယ်။

အီလက်ထရိုလိုက်အပြည့်ပါဝင်ကာ ပူစပ်ပူလောင်ဖြစ်ခြင်း၊ နေမထိထိုင်မသာဖြစ်ခြင်းတို့ကို သက်သာစေပါတယ်။

(၃) ဥသျှစ်သီးဖျော်ရည်
ဥသျှစ်သီးမှာ ရိုင်ဘိုဖလေဗင်နဲ့ ဗိုက်တာမင်ဘီပါဝင်ကာ ခန္ဓာကိုယ်စွမ်းအင်ထောက်ပံ့မှုကို ထိန်းသိမ်းပေးပါတယ်။

(၄) သခွားသီးဖျော်ရည်
သခွားပူရှိန်းဖျော်ရည်က အေးမြတဲ့စွမ်းရည်ရှိတာကြောင့် လန်းဆန်းအေးမြစေကာ လေဖြတ်ခြင်းအန္တရာယ်ကို ကာကွယ်ပေးပါတယ်။

(၅) အုန်းရည်
အုန်းရည်က သဘာဝကပေးတဲ့ ရေဓာတ်ပစ္စည်းပါပဲ။

လူ့ခန္ဓာကိုယ်ကနေ ချွေးအဖြစ်ဆုံးရှုံးသွားတဲ့အရာတွေကို အုန်းရည်က ပြန်လည်ဖြည့်စွမ်းပေးပြီး အေးမြတဲ့စွမ်းရည်ကြောင့် အစာချေစနစ်ကိုကောင်းမွန်စေကာ အစာအိမ်မသက်မသာဖြစ်ခြင်းကို လျှော့ချပေးပါတယ်။

Source: India Today
#World_Health #နွေရာသီအပူလှိုင်းများ #ရေဓာတ်ပြည့်ဝနေစေပြီးကျန်းမာစေမည့်သောက်စရာများ
#YMG #Yangon_Media_Group

#World_Science
Published_ 16 April 2023

နယူးပို့ရစ်ချီဒေသမှာ သစ်ပင်တစ်ပင်ကို မိုးကြိုးပစ်ခတ်ခဲ့ပြီးနောက် ဖော့စ်ဖရပ်စ်သတ္တုအသစ်တစ်မျိုးကို ဖလော်ရီဒါတောင်ပိုင်းတက္ကသိုလ်မှ သိပ္ပံပညာရှင်တစ်ဦးက တွေ့ရှိခဲ့ပါတယ်။

ဒါဟာ ကမ္ဘာမြေပေါ်မှာ အစိုင်အခဲအနေနဲ့ ပထမဆုံးတွေ့ရတဲ့ ကျောက်တုံးဖြစ်ပြီး သတ္တုအမျိုးအဖွဲ့အသစ်တစ်ခု ဖြစ်လာနိုင်ပါတယ်။

"ကမ္ဘာပေါ်မှာ ဒီလိုအရာဝတ္ထုမျိုးကို သဘာဝအတိုင်းတစ်ခါမှ မတွေ့ရဘဲ ဥက္ကာခဲတွေမှာ တွေ့ရတဲ့အရာနဲ့ဆင်တူတဲ့ သတ္တုမျိုးကိုသာ တွေ့ရတတ်ပါတယ်၊ ဒီလိုပစ္စည်းကိုတော့ ဘယ်မှာမှမတွေ့ဖူးဘူး" လို့ ဘူမိသိပ္ပံပညာရှင်'မက်သရူးပါဆက်ခ်'က ပြောပြသွားပါတယ်။

မိုးကြိုးလိုမျိုး စွမ်းအားမြင့်အရာကြောင့် ထူးဆန်းတဲ့ဓာတုဓာတ်ပြုခြင်းများ ဖြစ်ပေါ်ခြင်းကို ပါဆက်ခ်က လေ့လာခဲ့ပြီး ဒီကိစ္စမှာဆိုရင် အာကာသသတ္တုတွေနဲ့ ကမ္ဘာ့အပေါ်ယံလွှာကြား ကူးပြောင်းနိုင်တဲ့အရာ ဖြစ်ပေါ်လာကြောင်း ဖလော်ရီဒါတောင်ပိုင်းတက္ကသိုလ်မှ ဆိုပါတယ်။

မိုးကြိုးက သစ်ပင်ကိုပစ်လိုက်တဲ့အခါ မြေပြင်ပေါက်ကွဲပြီး အနီးနားရှိမြက်ပင်များသေဆုံးသွားကြောင်း၊ ကျောက်တုံးများ မြေကြီးများ သဲများဆီသို့ လျှပ်စီးရောက်ရှိစေကာ လျှပ်စီးရုပ်ကြွင်းများ ဖြစ်ပေါ်လာကြောင်း ဆိုပါတယ်။

နယူးပို့ရစ်ချီအိမ်ပိုင်ရှင်များက လျှပ်စီးကြောင်းရာကို တွေ့ရှိပြီးနောက် လျှပ်စီးရုပ်ကြွင်းဟာ တန်ဖိုးရှိမယ်ယူဆကာ ရောင်းချဖို့ဆုံးဖြတ်လိုက်ပါတယ်။

ပါဆက်ခ်က ထိုအရာကိုဝယ်ယူလိုက်ပြီး အီတလီနိုင်ငံ ဖလောရန့်စ်တက္ကသိုလ်မှ သတ္တုနှင့်ပုံဆောင်ခဲပရော်ဖက်ဆာ'လူကာဘင်ဒီ'နဲ့ ပူးပေါင်းဆောင်ရွက်လိုက်ပါတယ်။

စွမ်းအားမြင့်ဖြစ်စဉ်ကို ပိုမိုနားလည်နိုင်ရန် ထိုကဲ့သို့မိုးကြိုးကြောင့်ဖြစ်ပေါ်လာတဲ့ ဖော့စ်ဖရပ်စ်ပါသတ္တုများကို လေ့လာရန်ဆုံးဖြတ်ခဲ့ကြပါတယ်။

"မိုးကြိုးက ဘယ်လောက်စွမ်းအားကြီးလဲဆိုတာ သိရှိဖို့အရေးကြီးပါတယ်၊ ဘာကြောင့်လဲဆိုတော့ မိုးကြိုးပစ်ချက်က ဘယ်လောက်အန္တရာယ်များလဲဆိုတာ သိထားလို့ပါ၊ ဖလော်ရီဒါက မိုးကြိုးအပစ်အများဆုံးမြို့တစ်ခုဖြစ်ပြီး မိုးကြိုးပစ်ချက်က ကျောက်တုံးကိုတောင် အရည်ပျော်စေတယ်ဆိုရင် လူကိုလည်းအရည်ပျော်စေနိုင်ပါလိမ့်မယ်" လို့ ပါဆက်ခ်က ပြောပြပါတယ်။

မိုးကြိုးပစ်ချက်က သစ်ပင်ရှိ သဘာဝကာဗွန်ကိုရော သစ်ပင်အမြစ်ရှိ သံဓာတ်ကိုပါ လောင်မြိုက်စေပြီး မီးလောင်ကျွမ်းစေနိုင်ပါတယ်။

ထိုအရာနှစ်ခုအပြန်အလှန်သက်ရောက်ပြီး လျှပ်စီးရုပ်ကြွင်းဖြစ်ပေါ်လာတယ်လို့ အဆိုပြုလိုက်ပါတယ်။

ထိုအရာဝတ္ထုကို ဓာတ်ခွဲခန်းထဲမှာ ထပ်မံဖန်တီးဖို့ကြိုးစားခဲ့ပေမယ့် မအောင်မြင်ခဲ့ပါဘူး။

သီးခြားအခြေအနေတွေအောက်မှာသာ လျင်မြန်စွာဖြစ်ပေါ်နိုင်ပြီး အချိန်အတိုင်းအတာတစ်ခုကျော်အောင် အပူပေးလိုက်ရင် ဥက္ကာခဲတွေမှာတွေ့ရတဲ့ သတ္တုအဖြစ်ပြောင်းလဲသွားပါလိမ့်မယ်။

ပါဆက်ခ်နဲ့ ဘင်ဒီတို့က နောက်ထပ်သုတေသနပြုလုပ်ဖို့ ရည်ရွယ်ထားပြီး သတ္တုတစ်ခုအဖြစ် တရားဝင်သတ်မှတ်နိုင်မလားဆိုတာ လေ့လာသွားဦးမှာပါ။
Source: WION
#World_Science ##ဖလော်ရီဒါ # မိုးကြိုးပစ်ခတ် # ဖော့စ်ဖရပ်စ်ပစ္စည်းအသစ်တစ်မျိုးတွေ့
#YMG #Yangon_Media_Group

Published -15 April 2023

စစ်ကိုင်းတိုင်းဒေသကြီး၊ အရာတော်မြို့နယ်ဓမ္မာရုံတစ်ခု၌ ယနေ့ သင်္ကြန်အကြတ်နေ့ ဧပြီလ ၁၅ ရက် ညနေ ၅ နာရီခွဲအချိန် သင်္ကြန်ရေကစားနေစဉ် Drop Bomb ၂ လုံး ဖြင့် တိုက်ခိုက်ခံခဲ့ရသည့်အတွက် ကလေး၃ဦးအပါအဝင် အရပ်သား ၁၃ ဦးဒဏ်ရာရရှိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

ငွေတွင်းကျေးရွာရှိ ဓမ္မာရုံ၌ ကလေးသူငယ်များအပါအဝင် ကျေးရွာသူ၊ ကျေးရွာသားများက မဟာသင်္ကြန်အကြတ်နေ့၌ ရေကစားနေကြစဉ်အကြမ်းဖက်သမားများက Drone ယာဉ်တစ်စီးဖြင့် Drop Bomb ၂ လုံး ပစ်ချတိုက်ခိုက်ခဲ့ခြင်း ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

ယင်းကြောင့် အဆိုပါလူနာများအား အရာတော်မြို့ ပြည်သူ့ဆေးရုံသို့ပို့ဆောင် ကုသမှုခံယူစေလျက်ရှိကြောင်း ၊ယခုကဲ့သို့ ကလေးသူငယ်များနှင့် အပြစ်မဲ့ပြည်သူများ ရေကစားနေသည့် နေရာကို ရည်ရွယ်ချက်ရှိရှိဖြင့် Drop Bomb များ ပစ်ချတိုက်ခိုက်ခြင်းမှာ ဂျီနီဗာ ကွန်ဗန်းရှင်းနှင့် အပြည်ပြည်ဆိုင်ရာဥပဒေတို့အရ စစ်ရာဇဝတ်မှု(War Crime)ကို ကျူးလွန်ခြင်းဖြစ်၍ ကျူးလွန်သူများကို အမြန်ဆုံး ဖော်ထုတ်ဖမ်းဆီး၍ ဥပဒေနှင့်အညီ အပြစ်ပေးအရေးယူနိုင်ရန် လုပ်ဆောင်မည် ဖြစ်ကြောင်း သိရသည်။

ယင်းအပြင် သင်္ကြန်အကြတ်နေ့ နံနက်ပိုင်းကလည်း ကယားပြည်နယ်၊ လွိုင်ကော်မြို့နယ်ရှိ ပြည်နယ်အစိုးရအဖွဲ့ရုံးဗဟိုမဏ္ဍပ်၌ ကလေးသူငယ်များ အပါအဝင်အရပ်သားများ ရေကစားနေစဉ် Drop Bomb ဖြင့် ယပစ်ချတိုက်ခိုက်ခဲ့သဖြင့် မျိုး သား ၁၅ ဦးနှင့် အမျိုးသမီး ၁၃ ဦး၊ စုစုပေါင်း ၂၈ ဦး ထိခိုက်ဒဏ်ရာများ ရရှိခဲ့ကြကြောင်း သိရသည်။

၎င်းပေါက်ကွဲမှုများအပေါ် မြန်မာနိုင်ငံဂီတအစည်းအရုံး (ဗဟို) နှင့် မြန်မာနိုင်ငံသတင်းမီဒီယာကောင်စီတို့ကပြင်းထန်စွာ ကန့်ကွက်ရှုတ်ချကြောင်း ထုတ်ပြန်ထားသည်။

ymg/mt
Yangon_Media_Group

Published 14 April 2023

ဂျပန်နိုင်ငံမှ ဒိုင်လူကြီးအဖွဲ့က အကောင်းဆုံးဂျပန်ကြက်ကြော်ပြုလုပ်နိုင်သူကို ရှာဖွေနေကြပါတယ်။

သူတို့ရဲ့ကြက်ကြော်နည်းက ကြက်သား၊ အခြားအသားနဲ့ ဟင်းသီးဟင်းရွက်တွေကို မကြော်မီမှာ ဂျုံမှုန့်၊ ပြောင်းမှုန့်တို့ဖြင့် နှပ်ထားတာဖြစ်ပါတယ်။

ဂျပန်နိုင်ငံမှာ လူကြိုက်များတဲ့ အစားအစာဖြစ်ပြီး နှစ်စဉ်ကျင်းပတဲ့ပြိုင်ပွဲမှာ အနိုင်ရမယ်ဆိုရင် သူတို့ရဲ့ရောင်းအားက ၃ ဆလောက်တက်လာမှာဖြစ်ပါတယ်။

အရင်နှစ်တွေက ပြိုင်ဆိုင်ကြတဲ့ စားသောက်ဆိုင်တွေ၊ အရက်ဆိုင်တွေ၊ ကြက်ကြော်ဆိုင်တွေဟာ မမှန်မကန်ယှဉ်ပြိုင်ကြတယ်လို့ စွပ်စွဲမှုများရှိတာကြောင့် အခုနှစ်မှာတော့ ဒိုင်လူကြီးတွေနဲ့ ဆုံးဖြတ်မှာဖြစ်ပါတယ်။

Source: AFP

#ဂျပန်ကြက်ကြော်ပြိုင်ပွဲ

#ဂျပန်အကောင်းဆုံးကြက်ကြော်ပြိုင်ပွဲ

#YangonMediaGroup

Published 15 April 2023

ရခိုင်ပြည်နယ် စစ်တွေမြို့မှာရှိတဲ့ ဗဟိုသင်္ကြန်မဏ္ဍပ်တွင် ဧပြီ(၁၅)ရက်က ဖျော်ဖြေပွဲနှင့်အတူရေပက်ခံကစားနေကြသည့် မြင်ကွင်း။

#မြန်မာ့သင်္ကြန်၂၀၂၃

#စစ်တွေသင်္ကြန်၂၀၂၃

#YangonMediaGroup

Published_ 15 April 2023

မြန်မာတိုရဲ့ နှစ်သစ်ကူးပွဲတော်တစ်ခုဖြစ်တဲ့မဟာ သင်္ကြန်ပွဲတော်ဟာ နှစ်ဟောင်းက အညစ်အကြေးတွေကို သင်္ကြန်ရေနဲ့ ဆေးကြောသန့်စင်တယ်လိုအဓိပ္ပာယ်နဲ့ကျင်းပကြတာဖြစ်သလို ဗုဒ္ဓဘာသာ၀င် သက်ကြီးရွယ်တွေဟာလည်း ၀ိပဿနာတရားထုတ်ကြတဲ့ဓလေ့ ဖြစ်ပါတယ်။

၂၀၂၃ခုနှစ် သင်္ကြန်ကာလမှာလည်း ရန်ကုန်မြိုမှာရှိတဲ့ ဗုဒ္ဓဘာသာ၀င်များအတွက် တရားစခန်းများဖွင့်လှစ်ထားပြီး သက်ကြီးရွယ်အိုများနှင့်ဘာသာတရားကိုင်းရှိုင်းသူတွေဟာ  ငြိမ်းချမ်းစွာတရားအားထုတ်နေကြတာတွေ့ကြရပါတယ်။

#ရန်ကုန်သင်္ကြန်၂၀၂၃

#မြန်မာ့သင်္ကြန်၂၀၂၃

#YangonMediaGroup