၁၄ စက်တင်ဘာ ၂၀၂၃

ဓာတ်ရောင်ခြည် စိုးရိမ်မှုများ ကြောင့် ပြင်သစ် နိုင်ငံက အိုင်ဖုန်း ၁၂ ရောင်းချ မှု ကို တားမြစ် ခြင်း သည် ဥရောပ တစ်လွှား သက်ရောက် မှု များ ရှိ နိုင် သည် ဟု ၊ ဘယ်လ်ဂျီယံ ၊ ဂျာမနီ နှင့် နယ်သာလန် ရှိ အာဏာပိုင်များက သတိပေးခဲ့ပါတယ်။

အက်ပဲလ်၏ ပြန်လည်ပြုပြင်ပေးမှုများ အလုပ်မဖြစ်လျှင် ပြင်သစ် နိုင်ငံ ရှိ အိုင်ဖုန်း ၁၂ ဖုန်း အားလုံး ကို ပြန်လည်သိမ်းဆည်းပေးရမည်ဟု ၊ ပြင်သစ်နိုင်ငံ ၏ အမျိုးသား ဆက်သွယ်ရေးလှိုင်းအေဂျင်စီ ( ANFR) က အင်္ဂါ နေ့ တွင်ပြောကြားပါတယ်။ အိုင်ဖုန်း ၁၂၏ လျှပ်စစ်သံလိုက်လှိုင်း ဓာတ်ရောင်ခြည်က ၄၀ရာခိုင်နှုန်းရှိနေကြောင်း တွေ့ရှိရပြီး ယင်းက တရားဝင်ကန့်သတ်သတ်မှတ်ချက်ထက် ကျော်လွန်နေတာဖြစ်ပါတယ်။

ဒတ်ခ်ျ ဒစ်ဂျစ်တယ် စောင့် ကြည့် ရေး အဖွဲ့ က ယင်း သည် ANFR အစီရင်ခံ စာ ကို ကြည့်ရှု ခဲ့ပြီး အမေရိကန် နည်းပညာ ကုမ္ပဏီထမှ ရှင်းပြချက် တစ် ခုကို စောင့်နေသည်ဟု ဗုဒ္ဓဟူးနေ့က ပြောခဲ့ပါတယ်။

"စံနှုန်းကို ကျော်လွန်သွားပြီ။ ကံကောင်းတာက ကြီးမားတဲ့  လုံခြုံ ရေး အန္တရာယ် မရှိပေမယ့် ကျွန်တော် တို့ အနေနှင့် ထုတ်လုပ်သူ နှင့် မကြာမီ ဆွေးနွေး မှု တစ်ခုလုပ်ပါမယ်" လို့ နယ်သာလန် ဒစ်ဂျစ်တယ်အခြေခံအဆောက်အအုံစစ်ဆေးရေးအဖွဲ့ (အာရ်ဒီအိုင်)က ဒတ်ချ် သတင်းစာ အယ်လ်ဂီမင်းဒက်ဘလက်ကို ပြောပါတယ်။

"နယ်သာလန်နိုင်ငံဟာ ပြင်သစ်လိုပဲ မိုဘိုင်းလ်ဖုန်းတွေကို ဘေးကင်းစွာ အသုံးပြုဖို့ အရေးကြီးတယ်။ မိုဘိုင်းလ်ဖုန်းတွေက ဥရောပစံနှုန်းတွေကို လိုက်နာရမယ်”

ဘယ်လ်ဂျီယံ နှင့် ဂျာမနီ တို့ သည် ကြာသပတေးနေ့တွင် သူတို့ရဲ့ ကိုယ်ပိုင် ထုတ်ပြန်ချက်များကို လိုက်ပါထုတ်ပြန်ခဲ့ပြီး  ၊ ပြင်သစ် လုပ်ထုံးလုပ်နည်း သည် ဥရောပ တစ် ခု လုံး အတွက် လမ်းညွှန်ချက်တစ်ခုဖြစ်နိုင်တယ်ဟု ကွန်ယက်အာဏာပိုင်များက ပြောကြားခဲ့ပါတယ်။

ပြင်သစ်နိုင်ငံဒစ်ဂျစ်တယ် စီးပွားရေး အငယ်တန်း ဝန်ကြီး ၊ ဂျင်း-နိုရယ် ဘာရော့ က ANFR ၏ အချက်အလက် များ ကို အခြား အီးယူ အဖွဲ့ဝင်နိုင်ငံ များကို ဝေမျှပေးမယ်လို့ပြောကြားပါတယ်။အဲသလိုသာဆိုရင် အက်ပဲလ်အတွက် အခြေအနေတွေပိုကြီးထွားလာစေဖို့ ဦးတည်သွားနိုင်ပါတယ်။

" အက်ပဲလ်အနေနှင့်  နှစ်ပတ်အတွင်း တုံ့ပြန်လိမ့်မယ်လို့မျှော်လင့်ပါတယ်” လို့ သူက ပြင်သစ်သတင်းစာ လီ ပါရီဆန်ကို ပြောခဲ့ပါတယ်။

"သူတို့က တုန့်ပြန်ဖို့ပျက်ကွက်ခဲ့ရင် အိုင်ဖုန်း ၁၂ အားလုံးကို ပြန်သိမ်းဆည်းဖို့အတွက် အမိန့်ထုတ်ဖို့ ကျွန်တော်ပြင်ဆင်ထားပါတယ်။ ဒီဂျစ်တယ်ဘီလူးကြီးတွေအပါအဝင် အားလုံးအတွက် စည်းမျဉ်းက အတူတူပါပဲ” လို့သူကပြောပါတယ်။

အင်္ဂါ နေ့ တွင် အိုင်ဖုန်း ၁၅ စတင်ရောင်းချ ပြီးနောက် အိုင်ဖုန်း ၁၂ စမတ်ဖုန်းအတွဲများကို ရပ်ဆိုင်း ရန် စီစဉ်ထားပြီးဖြစ်ပါတယ်။ အဲဒီအတွက် အိုင်ဖုန်းအရောင်းအပေါ် သိသိသာသာ သက်ရောက်မှုမရှိတဲ့သဘောပါ။

သို့သော်  အဖြေရှာမရ၍ ဥရောပတိုက်အနှံ့ ဖုန်းများကို ပြန်သိမ်းဆည်းပါက ယင်းသည် ကမ္ဘာ့အချမ်းသာဆုံးကုမ္ပဏီအတွက် သိသာတဲ့ အကျိုးသက်ရောက်မှုဖြစ်စေပါလိမ့်မယ်။

Source Independent

လာအိုနိုင်ငံမှာ တရုတ်နဲ့ ပူးပေါင်းဝင်ရောက်စီးနင်းမှုလုပ်ငန်းစဉ်များ ဆောင်ရွက်လျက်ရှိရာ တနင်္လာနေ့အထိ ဖုန်းဆက်သွယ်ပြောဆိုလိမ်လည်မှု ကျူးလွန်သူ ၁၇၉ ဦး ဖမ်းဆီးရမိခဲ့ပြီး တရုတ်နိုင်ငံသို့ ပြန်ပို့ခဲ့ကြောင်း ပြည်သူ့လုံခြုံရေးဝန်ကြီးဌာနက ပြောကြားခဲ့ပါတယ်။
Published_ 14 September 2023
#ဖုန်းဆက်သွယ်လိမ်လည်မှု #ဒုစရိုက်ဂိုဏ်များ #လာအိုနှင့်တရုတ်ရဲတပ်ဖွဲ့များ
#Asia_Crime

#Daily_News
Published_ 14 September 2023

၁။ ရန်ကုန်ရှိ ပုဂ္ဂလိကကျောင်းအများစု သတ်မှတ်ထားသည့်စာသင်ခန်း အကျယ်အဝန်းမရှိ၍ ပြန်လည်ပြုပြင်ဖွင့်လှစ်ရမည်ဟုဆို

၂။ ထန်းတက်လုပ်သား နည်းလာခြင်းကြောင့် ကုန်ကြမ်းရှားလာတဲ့ ထန်းလျက်ဈေးကွက်

၃။ မုတ်သုန်ဆုတ်ခွာချိန်စပြီဖြစ်၍ ကချင်စသည့် မြန်မာနိုင်ငံမြောက်ပိုင်းဒေသများတွင် မိုးသက်လေပြင်းတိုက်ခတ်နိုင်

၄။ ဖုန်းဆက်သွယ်လိမ်လည်မှုများနှင့် ဒုစရိုက်ဂိုဏ်များကို လာအိုနှင့်တရုတ်ရဲတပ်ဖွဲ့များပူးပေါင်းနှိမ်နင်း.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

မကာအိုဟုဆိုကာ OWIC ပြုလုပ်ခွင့်တင်ပြီး အခြားနိုင်ငံများသို့ တရားမဝင်သွား နေကြကြောင်း ကြားသိရတဲ့အတွက် စာရွက်စာတမ်းများ အတုအစစ်ကို သေချာစိစစ်သွားမည်ဖြစ်တယ်လို့ အလုပ်သမားဝန်ကြီးဌာန ရန်ကုန်တိုင်းဒေသကြီးညွှန်ကြားရေးမှု ဦးစိုးနိုင်က အခုလို
ပြောပါတယ်

Published_ 14 September 2023
#OWIC ကတ် #စာရွက်စာတမ်းအတုပြုလုပ်
#YMG/LW #Yangon_Times

#Local_News
Published_ 14 September 2023

NGO/INGO များ မှတ်ပုံတင်ခြင်းလုပ်ငန်းစဉ် လွယ်ကူချောမွေ့စေရေး အလုပ်ရုံဆွေးနွေးပွဲဖွင့်ပွဲအခမ်းအနားကို စက်တင်ဘာ ၁၄ ရက်တွင် နေပြည်တော်ရှိ Hotel Max ၊Kumudra Ballroom ၌ ကျင်းပရာ ပြည်ထောင်စုမှတ်ပုံတင်ရေးအဖွဲ့ဥက္ကဋ္ဌ၊ နိုင်ငံတော် စီမံအုပ်ချုပ်ရေးကောင်စီဝင်၊ ပြည်ထဲရေးဝန်ကြီးဌာနဝန်ကြီး ဒုတိယဗိုလ်ချုပ်ကြီး ရာပြည့်တက်ရောက်ခဲ့ပါတယ်။

ဦးစွာဒုတိယဗိုလ်ချုပ်ကြီးရာပြည့်က အလုပ်ရုံဆွေးနွေးပွဲသည် အသင်းအဖွဲ့များ အနေဖြင့် မှတ်ပုံတင်ရေးလုပ်ငန်းစဉ်များ ဆောင်ရွက်ရာတွင် လွယ်ကူလျင်မြန်ချောမွေ့စွာဆောင်ရွက်နိုင်ရေးအတွက် ဝိုင်းဝန်းပူးပေါင်း ဖြေရှင်းပေးနိုင်ဖို့ ဖြစ်တယ်လို့ ဆိုပါတယ်။

မြန်မာနိုင်ငံသည် ဖွံ့ဖြိုးဆဲနိုင်ငံဖြစ်တဲ့အတွက် ကျေးလက်ဒေသများ၊ နယ်စပ်ဒေသ များ၊ ဝေးလံခေါင်သီသော ဒေသများ၏ ဖွံ့ဖြိုးတိုးတက်ရေးလုပ်ငန်းများ ဆောင်ရွက်ရာတွင် အသင်းအဖွဲ့များ၏ အားကိုရယူရကြောင်း၊ အသင်းအဖွဲ့များကလည်း ဥပဒေနှင့်အညီ အကူအညီပေးနိုင်ရန်အတွက် မှတ်ပုံတင်ရေးလုပ်ငန်းစဉ်ကို မဖြစ်မနေဆောင်ရွက်ရန် လိုအပ်တယ်လို့ ဆိုပါတယ်။

ထို့ပြင် မှတ်ပုံတင်လျှောက်ထားရာ၌ အစိုးရဌာနအဖွဲ့အစည်းများ၏ ထောက်ခံချက်များရယူရန် လိုအပ်ပါကြောင်း၊ သက်ဆိုင်ရာဌာနများအနေဖြင့် ဌာနအဖွဲ့အစည်း၏ မူဝါဒ၊ လုပ်ထုံးလုပ်နည်းများနှင့်အညီ စိစစ်ပြီး မြန်ဆန်စွာဆောင်ရွက်ပေးဖို့ ပြောကြားပါတယ်။

မြန်မာနိုင်ငံရှိ အသင်းအဖွဲ့များ၏ အကူအညီပေးရေးလုပ်ငန်းများ ဆောင်ရွက်မှုအပေါ် အကဲဖြတ်သတ်မှတ်သည့် အာရှ-ပစိဖိတ်ဒေသ ငွေကြေးခဝါချမှု တိုက်ဖျက်ရေးအဖွဲ့၏ နိုင်ငံအချင်းချင်း အပြန်အလှန်အကဲဖြတ်မှု အစီရင်ခံစာအရ ပရဟိတအဖွဲ့အစည်းများသည် အကြမ်းဖက်မှုကို ငွေကြေးထောက်ပံ့ရာ၌ အသုံးချခံရနိုင်ခြေများသည့်အတွက် ငွေကြေးခဝါချမှုတိုက်ဖျက်ရေးဆိုင်ရာ စံနှုန်းများကို လိုက်နာဆောင်ရွက်မှု အားနည်းသည်ဟု သတ်မှတ်ခံထားရတယ်လို့ ဆိုပါတယ်။

ထို့ကြောင့် အကူအညီပေးနေသည့် အဖွဲ့အစည်း၊ နိုင်ငံများက INGO/ NGO များကို အသုံးချပြီး တရားမဝင်ကိစ္စရပ်များအတွက် ထောက်ပံ့မှုများ မဖြစ်စေရန်လည်း လိုအပ်ပါကြောင်း၊ ထိုကြောင့် INGO နှင့် NGO များအနေဖြင့် အကူအညီပေးရေးလုပ်ငန်းများ ဆောင်ရွက်ရာတွင် ဥပဒေနှင့် အညီဆောင်ရွက်ဖို့ တိုက်တွန်းပြောကြားခဲ့ပါတယ်။

ယင်းနောက် တာဝန်ရှိသူများက အသင်းအဖွဲ့မှတ်ပုံတင်လျှောက်ထားခြင်း၊ ပရဟိတအသင်းအဖွဲ့များနှင့် သက်ဆိုင်သည့်ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာများကို ရှင်းလင်းပြောကြားကြပြီး အလုပ်ရုံဆွေးနွေးပွဲသို့တက်ရောက်လာကြတဲ့ အသင်းအဖွဲ့များမှတာဝန်ရှိသူများက NGO/INGO များ မှတ်ပုံတင်ခြင်းလုပ်ငန်းစဉ် လွယ်ကူချောမွေ့စေရေး သိရှိလိုသည်များကို မေးမြန်းအကြံပြုဆွေးနွေးကြရာတာဝန်ရှိသူများက ပြန်လည်ဖြေကြားပြီး ပြည်ထောင်စု မှတ်ပုံတင်ရေးအဖွဲ့အတွင်းရေးမှူးက ဖြည့်စွက်ရှင်းလင်းဆွေးနွေးခဲ့ကြောင်း သတင်းရရှိပါတယ်။

#ygm_mnn #Local_News #NGO/INGO #မှတ်ပုံတင်ခြင်းလုပ်ငန်း #အလုပ်ရုံဆွေးနွေးပွဲ
#Yangon_Media_Group

‘မိုးနှောင်းကာလဖြစ်သော်လည်း ချောင်းသာကမ်းခြေကိုလာရောက်သူနေ့စဉ် ရာချီရှိနေသလို ကမ်းခြေဟိုတယ်တွေအနေနဲ့ ပွင့်လင်းရာသီအတွက်ကြိုတင်ပြင်ဆင်တာတွေလည်းဆောင်ရွက်လျက်ရှိတယ်’ ချောင်းသာဒေသခံဧည့်လမ်းညွှန်တစ်ဦး

Published_ 14 September 2023
#ချောင်းသာကမ်းခြေ #မိုးနှောင်းကာလ #ပွင့်လင်းရာသီ
#tthl #Yangon_Times

‘အခုရက်ပိုင်းအတွင်း မြန်မာနိုင်ငံမြောက်ပိုင်းဒေသတွေဖြစ်တဲ့ ကချင်ပြည်နယ်၊ စစ်ကိုင်းတိုင်း အထက်ပိုင်း၊ ချင်းပြည်နယ်နဲ့ရှမ်းပြည်နယ်တို့မှာ မိုးသက်လေပြင်းတိုက်ခတ်တာ၊မိုးသည်းထန်တာ၊ မိုးကြိုးပစ်တာ တွေဖြစ်ပွားနိုင်တဲ့အတွက်သတိထားဖို့လိုအပ်တယ်’
ဦးလှထွန်း၊ မိုးလေဝသနှင့်ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူး

Published_ 14 September 2023
#မုတ်သုန်ဆုတ်ခွာ #မိုးသက်လေပြင်းတိုက်နိုင်
#tthl
#Yangon_Times

#Local_News
Published_ 14 September 2023

Taxi များ အဖြူရောင် ဆိုင်းဘုတ်မီးအိမ် တစ်ပြေးညီ တပ်ဆင်ရမည်ဟု ရန်ကုန်တိုင်းဒေသကြီးပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC)က ယနေ့ စက်တင်ဘာလ ၁၄ ရက်တွင် ထုတ်ပြန်လိုက်သည်။

ရန်ကုန်မြို့တွင်းပြေးဆွဲလျက်ရှိသည့် City Taxi များ၏ Taxi Board များမှာ အရွယ်အစားအမျိုးမျိုး၊ အရောင်အမျိုးအမျိုး၊ ထားရှိသည့်နေရာအမျိုးမျိုးဖြင့် ကွဲပြားစွာတပ်ဆင်ပြေးဆွဲ သွားလာနေသဖြင့် မြို့တော်အင်္ဂါရပ်နှင့် ညီညွတ်မှုရှိစေရေး၊ ပြဋ္ဌာန်းထား သည့် ဥပဒေ၊ နည်းဥပဒေနှင့် သတ်မှတ်ထားသည့် စည်းကမ်းချက်များနှင့်အညီဖြစ်စေရေးအတွက် ယာဉ်အန္တရာယ်ကင်းရှင်းရေးနှင့် မော်တော်ယာဉ် စီမံခန့်ခွဲမှုနည်းဥပဒေ အပိုဒ် ၂၇၃ (က) အရ “အမိုးတွင်ဆေးနီဖြင့်ရေးသားထားသော “TAXI” စာသားကို မြင်နိုင်စေသည့် အဖြူရောင်ဆိုင်းဘုတ်မီးအိမ်တပ်ဆင်ထားရမည်” ဟူသည့် နည်းဥပဒေအတိုင်း တစ်ပြေးညီ တပ်ဆင်ပြေးဆွဲရန် လုပ်ဆောင်ခြင်းဖြစ်ကြောင်း သိရသည်။

Taxi Board ၏ အရွယ်အစားများမှာ အောက်ခြေအလျား ၁၀ လက်မ၊ အပေါ် အလျား ၉ လက်မ၊ အောက်ခြေအကျယ် ၅ လက်မ၊ အပေါ်အကျယ် ၂ လက်မနှင့် အမြင့် ၃ လက်မ ဖြစ်ပြီး အဆိုပါ Taxi Board ကို ခေါင်မိုးပေါ်မှန်ထိပ်မှ ၁ပေအကွာ ဘယ် ၊ ညာ ညီညာစွာ တပ်ဆင်ထား ရှိရမည်ဖြစ်ကြောင်းသိရသည်။

ယင်းကို စက်တင်ဘာလ ၁၀ ရက်မှ ဒီဇင်ဘာလ ၈ ရက်ထိ ပညာ ပေးကာလအဖြစ်သတ်မှတ်၍ ပညာပေးကာလရက်ပေါင်း (၉၀) ပြီးဆုံးသည့် နောက်တစ်နေ့ ဒီဇင်ဘာလ ၉ ရက်မှစတင်၍ ယာဉ်အန္တရာယ် ကင်းရှင်းရေးနှင့်မော်တော်ယာဉ်စီမံခန့်ခွဲမှု ဥပဒေ ပုဒ်မ ၉၆ အရ အရေးယူ ဆောင်ရွက်သွားမည်ဖြစ်ကြောင်း YRTC ၏ ထုတ်ပြန်ချက်အရ သိရသည်။

#Local_News #Taxi #အဖြူရောင်ဆိုင်းဘုတ်မီးအိမ်
#Yangon_Times/PP

#Local_News
Published_ 14 September 2023

ဝတ်မှုန်ရွှေရည်နှင့်ရုပ်ဆင်တူသည့် TikTokဆယ်လီ သရုပ်ဆောင်၊Makeup Artist သျှားမင်းပိုင်မိသားစုနှင့်အဆက်အသွယ်ပြတ်ပြီး ပျောက်ဆုံးနေကြောင်း သူ၏သူငယ်ချင်းလည်းဖြစ်ဓာတ်ပုံဆရာလည်းဖြစ်သူတစ်ဦးထံမှ သိရသည်။

သျှားမင်းပိုင်ပျောက်ဆုံးနေသည်မှာ စက်တင်ဘာလ(၉)ရက်မှ စပျောက်ဆုံးခြင်းဖြစ်ပြီး ယခုစက်တင်ဘာလ(‌၁၄)ရက်ဆိုရင်  ငါးရက်ရှိပြီဖြစ်သည်။

"သူ့ဇာတိက မြန်အောင်ကပါ။ ရန်ကုန်ကို အလုပ်အတွက်လာရောက်တာပါ။ အင်းစိန်မုဒိတာအိမ်ရာက သူငယ်ချင်းတွေဆီသွားရင်း သူရော သူ့သူငယ်ချင်းတွေပါပျောက်ဆုံးသွားတာပါခင်ဗျ။ သူ့မိသားစုဝင်တွေကတော့ လူပျောက်အမှုဖွင့်ထားလားတော့ မသိပါဘူးခင်ဗျ။ စက်တင်ဘာ ၉ ရက် ညနေပိုင်းကတည်းက အားလုံးနဲ့ အဆက်အသွယ်ပြတ်နေတာပါ။ မိသားစုဝင်တွေရော သူငယ်ချင်းတွေရော အားလုံးလည်း စိတ်ပူနေကြပါတယ်"ဟု သျှားမင်းပိုင်၏သူငယ်ချင်းဖြစ်သူက YMG ကို အတည်ပြုပြောသည်။

သျှားမင်းပိုင်၏ ဓာတ်ပုံဆရာ၊ အတူသရုပ်ဆောင်ကြသည့်အနုပညာရှင်များ၏ Page တွင်လည်း ပျောက်ဆုံးနေကြောင်း တင်ထားပြီး ဖုန်းအဆက်အသွယ်စာအဆက်အသွယ်မရသေးသဖြင့် စိတ်ပူနေကြောင်း၊ အမြန်ဆုံးပြန်ဆက်သွယ်ရန်နှင့် တွေ့ရှိသူများအနေဖြင့် ဖုန်း0978667385 သိုဆက်သွယ်ပေးရန် ဖော်ပြထားကြောင်းလည်း သိရသည်။

#tthl #Local_News #ဝတ်မှုန်ရွှေရည်နှင့်ရုပ်ဆင်တူ #TikTok ဆယ်လီ #ပျောက်ဆုံးနေ
#Yangon_Times

အခုနှစ် အထက်အညာ ဒေသတွေမှာ မိုးရွာသွန်းမှုများ တဲ့ အတွက် ထန်းရေ ထွက်ရှိမှု များပေမယ့် ထန်းတက်လုပ်သားနည်းနေတာကြောင့် အချိုထန်းပင်တွေရာသီကုန်တဲ့အထိကိုထန်းရည်မချနိုင်ခဲ့ဘူးလို့ဆိုပါတယ်

Published_ 14 September 2023
#ထန်းတက်လုပ်သား #ထန်းလျက်ဈေးကွက်
#YMG/LW
#Yangon_Times

‘ပုဂ္ဂလိကပညာရေးဥပဒေမှာတော့ ပုဂ္ဂလိကကျောင်းတွေမှာ ကလေးငယ်တွေကျန်းမာရေးအတွက် အစိုးရအခြေခံပညာကျောင်းတွေကဲ့သို့ ကျယ်ဝန်းတဲ့ စာသင်ခန်းတွေ၊ကျောင်းဝန်းတွေရှိဖို့ လိုအပ်တယ်လို့ပြဌာန်းထားပါတယ်။ ရန်ကုန်မှာဖွင့်လှစ်ထားတဲ့ပုဂ္ဂလိကကျောင်း သုံးပုံနှစ်ပုံဟာပြန်ပြင်ရမှာဖြစ်ပါတယ်’ ဦးနေအုပ်၊ မြန်မာနိုင်ငံပုဂ္ဂလိကကျောင်းများအသင်းဥက္ကဌ
Published_ 14 September 2023
#ရန်ကုန်ရှိပုဂ္ဂလိကကျောင်း #တိုက်ခန်းကျဉ်းများ
#tthl #Yangon_Times

#Local_News
Published _14 September 2023

(၂၀) ကြိမ်မြောက် အာဆီယံလေတပ်ဦးစီးချုပ်များ အစည်းအဝေး(20th AACC)ကို နေပြည်တော်၊ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန(၁)ရှိ ပတ္တမြားခန်းမ၌ စက်တင်ဘာလ ၁၃ ရက်က ပြုလုပ်ရာ အာဆီယံနိုင်ငံများမှ လေတပ်ဦးစီးချုပ်များ တက်ရောက်ခဲ့ကြကြောင်း သိရသည်။

အဆိုပါ အစည်းအဝေးသို့ ဘရူနိုင်းနိုင်ငံလေတပ်ဦးစီးချုပ် Brig.Gen. (U) Dato Seri Pahlawan Mohammad Sharif Bin Dato Paduka Haji Ibrahim ဦးဆောင်သောကိုယ်စားလှယ်အဖွဲ့၊ ကမ္ဘောဒီးယားနိုင်ငံ လေတပ်ဦးစီးချုပ် Gen. Soeung Samnang ဦးဆောင်သောကိုယ်စားလှယ် အဖွဲ့၊ လာအိုနိုင်ငံလေတပ်ဦးစီးချုပ် Brig. Gen. Khamlek Sengphachanh ဦးဆောင်သော ကိုယ်စားလှယ်အဖွဲ့၊ ထိုင်းနိုင်ငံလေတပ်ဦးစီးချုပ် Air Chief Marshal Alongkorn Vannarot ဦးဆောင်သော ကိုယ်စားလှယ်အဖွဲ့နှင့် ဗီယက်နမ်နိုင်ငံ လေတပ်ဦးစီးချုပ် Lt. Gen. Nguyen Van Hien ဦးဆောင်သောကိုယ်စားလှယ်အဖွဲ့တို့ တက်ရောက်ခဲ့ကြကြောင်း သိရသည်။

အစည်းအဝေးတက်ရောက်ရန် စက်တင်ဘာလ ၁၂ ရက်က ရောက်ရှိခဲ့ကြခြင်း ဖြစ်ပြီး တက်ရောက်လာသော နိုင်ငံများနှင့် နှစ်နိုင်ငံသီးခြားစီ တွေ့ဆုံဆွေးနွေးခဲ့ကြကြောင်း၊ ယင်းတွေ့ဆုံစဉ် အာဆီယံလေတပ်ဖွဲ့များအကြား ချစ်ကြည်ရင်းနှီးစွာဖြင့် ပူးပေါင်းဆောင်ရွက်ရေးဆိုင်ရာကိစ္စရပ်များကို ဆွေးနွေးခဲ့ကြကြောင်းလည်း သိရသည်။

(၂၀) ကြိမ်မြောက် အာဆီယံလေတပ်ဦးစီးချုပ်များ အစည်းအဝေးတွင် " ASEAN Air Forces’ Cooperation for Sustainable Environment "အကြောင်းအရာကို အိမ်ရှင်မြန်မာနိုင်ငံအပါအဝင် တက်ရောက်လာသည့် ဘရူနိုင်းနိုင်ငံ၊ ကမ္ဘောဒီးယားနိုင်ငံ၊ လာအိုနိုင်ငံ၊ ထိုင်းနိုင်ငံနှင့် ဗီယက်နမ်နိုင်ငံတို့မှ လေတပ်ဦးစီးချုပ်များက အသီးသီး ဆွေးနွေးခဲ့ကြပြီး ဖိလစ်ပိုင်နိုင်ငံနှင့် စင်္ကာပူနိုင်ငံလေတပ် ဦးစီးချုပ်များက Video Message ပေးပို့၍ ပါဝင်ဆွေးနွေးခဲ့ကြကာ သီးခြား ဆွေးနွေးလိုသော အချက်များကိုလည်း ရင်းနှီးပွင့်လင်းစွာဆွေးနွေး၍ အစည်းအဝေး၏ ဆုံးဖြတ်ချက်များကို အတည်ပြုခဲ့ကြကြောင်း သိရသည်။

(၂၀)ကြိမ်မြောက် အာဆီယံလေတပ် ဦးစီးချုပ်များ အစည်းအဝေး 20th ASEAN Air Chiefs Conference (20th AACC ) ကို မြန်မာနိုင်ငံအနေဖြင့် အိမ်ရှင်အဖြစ် ဒုတိယအကြိမ် လက်ခံကျင်းပခြင်း ဖြစ်ကြောင်း သိရသည်။

ယင်းနောက် သဘာပတိ ကာကွယ်ရေးဦးစီးချုပ်(လေ) ဗိုလ်ချုပ်ကြီးထွန်းအောင် က (၂၁) ကြိမ်မြောက် အာဆီယံလေတပ်ဦးစီးချုပ်များ အစည်းအဝေးတွင် အလှည့်ကျဥက္ကဋ္ဌအဖြစ် တာဝန်ထမ်းဆောင်မည့် ကမ္ဘောဒီးယားနိုင်ငံလေတပ်ဦးစီးချုပ် Gen.Soeung Samnang ထံသို့ ဥက္ကဋ္ဌတာဝန်လွှဲပြောင်းပေးအပ်ခဲ့ကြောင်း သိရသည်။

ပြီးခဲ့သည့် ဩဂုတ်လ ၇ ရက်မှ ၉ ရက်ထိ(၂၀)ကြိမ်မြောက် အာဆီယံလေတပ်ဦးစီးချုပ်များအစည်းအဝေး(20th AACC) ဆက်စပ်အစည်းအဝေးတစ်ခုဖြစ်သော (၁၀)ကြိမ်မြောက် အာဆီယံလေတပ်များပညာရေးနှင့် လေ့ကျင့်ရေးဆိုင်ရာ လုပ်ငန်းအဖွဲ့အစည်းအဝေး 10th ASEAN Air Forces Education and Training – Working Group Meeting( 10th AAFET-WG ) ကို ကာကွယ်ရေးဦးစီးချုပ်ရုံး(လေ)၊ အစည်းအဝေးခန်းမတွင် Video Conferencing စနစ်ဖြင့် ကျင်းပပြုလုပ်ခဲ့ကြောင်းလည်းသိရသည်။

အဆိုပါအခမ်းအနားသို့ အာဆီယံ ၁၀ နိုင်ငံ လေတပ်များ၏ တက်ရောက်လာကြသော ကိုယ်စားလှယ်များက “Advancing Education and Training Exchanges for Sustainable Environment Amongst ASEAN Air Forces” အကြောင်းအရာကိုလည်း ဆွေးနွေးခဲ့ကြသေး‌ကြောင်း နစက သတင်းထုတ်ပြန်ရေးအဖွဲ့ကသိရသည်။

(၁၁) ကြိမ်မြောက် အာဆီယံလေတပ်ဦးစီးချုပ်များအစည်းအဝေး (11th AACC) ကို ၂၀၁၄ ခုနှစ်၊ စက်တင်ဘာလ ၂၄ ရက်‌တွင် နေပြည်တော်၌ မြန်မာနိုင်ငံက ပထမအကြိမ် အိမ်ရှင်အဖြစ် လက်ခံကျင်းပခဲ့သေးသည်။

#Local_News #အကြိမ်၂၀မြောက် #အာဆီယံလေတပ်ဦးစီးချုပ်
#Yangon_Times / PP