#Local_News
Published- 24 May 2023

ရခိုင်ပြည်နယ်ရှိ ဆိုက်ကလုန်းမုန်တိုင်း မိုခါမုန်တိုင်းသင့်ပြည်သူများအတွက်  ကူညီထောက်ပံလှူဒါန်းထားသော Sleeping Bag အရေအတွက် ၅၀ ကို မြန်မာအမျိုးသားလေကြောင်းမှ စင်ကာပူ-ရန်ကုန်ခရီးစဉ် အခမဲ့သယ်ယူပို့ဆောင်ပေးခဲ့ကြောင်း MNA က သိရသည်။

မုန်တိုင်းသင့်ပြည်သူများအတွက် အ ထောက်အကူ ပစ္စည်းများအား မြန်မာအမျိုးသားလေကြောင်းမှ အခမဲ့သယ်ယူပို့ဆောင်မည်ဖြစ်ကြောင်းလည်း မေလ၁၈ရက်က အသိပေးထား သည်။

မုန်တိုင်းသင့်ပြည်သူများအတွက်အထောက်အကူ ပစ္စည်းများအား မြန်မာ့အမျိုးသားလေကြောင်းလိုင်း၏ နိုင်ငံခြားခရီးစဉ်များအပါ စစ်တွေခရီးစဉ်တွင် အခမဲ့သယ်ယူပို့ဆောင်လိုပါက
+95943039152,+958762370,+959458041082 ,This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it. This email address is being protected from spambots. You need JavaScript enabled to view it.  ဆက်သွယ်စုံစမ်းနိုင်ကြောင်း အသိပေးထားသည်။

လှူဒါန်းမည့် ပစ္စည်းမှန်ကန်ကြောင်း အာမခံစာပါဝင်ရမည်ဖြစ်ပြီး လေကြောင်းလိုင်းနှင့်မသက်ဆိုင်သော အခွန်အခများရှိပါက ပစ္စည်းပို့ဆောင်သူမှကျခံရမည်ဖြစ်ကြောင်းလည်း ပါရှိသည်။

#ymg/pl #Local_News #မုန်တိုင်းသင့်ပြည်သူများ #Sleeping Bag
#စင်ကာပူ-ရန်ကုန်ခရီးစဉ်အခမဲ့ #YMG #Yangon-Media-Group

#Local_News
Published_ 24 May 2023

ပဲခူးတိုင်း၊ညောင်လေးပင်မြို့နယ်တွင် မေလ(၂၄)ရက်က လေပြင်းတိုက်ခတ်ခြင်းနှင့်မွန်ပြည်နယ်၊သံဖြူဇရပ်မြို့နယ်တွင် လေဆင်နှာမောင်းတိုက်ခြင်းကြောင့် လူနေအိမ်များထိခိုက်ပျက်စီးခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သိရသည်၊၊

မေလ(၂၄)ရက် မနက်ပိုင်းတွင် ပဲခူးတိုင်းဒေသကြီး၊ ညောင်လေးပင်မြို့နယ်တွင် လေပြင်းတိုက်ခတ်မှုကြောင့် မြို့မ(၁)ရပ်ကွက်၊ ကန်တော်ဦး(၆)လမ်းတွင် လူနေအိမ်များ အမိုးလန်ခြင်းနှင့် ပြိုကျပျက်စီးခြင်းများဖြစ်ပွားကြောင်း သတင်းရရှိသဖြင့် ညောင်လေးပင်မြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ညောင်လေးပင်ပရဟိတအသင်းဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့သည်ဟုဆိုသည်၊၊

မေလ(၂၄)ရက်၊ ၀၅ ၃၀ အချိန်ခန့်၊ မွန်ပြည်နယ်၊ သံဖြူဇရပ်မြို့နယ်၊ စက်စဲကျေးရွာအုပ်စု၊ ရသေ့တောင်ကျေးရွာတွင် လေဆင်နှာမောင်းတိုက်ခတ်မှုကြောင့် နေအိမ်များ အမိုးလန်ပျက်စီးသွားကြောင်းသတင်းရရှိသဖြင့် သံဖြူဇရပ်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြောင်းသိရသည်၊၊

ယင်းအပြင် မေလ(၂၃)ရက်ညနေပိုင်းအချိန်က မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင် လေပြင်းတိုက်ခတ်မှုကြောင့် မလွန်ကျေးရွာ၊ ညောင်ပင်ကျင်းရွာ၊ ကဒကျေးရွာနှင့် ရေခါးကျေးရွာများရှိ ဘုန်းကြီးကျောင်းများ၊ စာသင်ကျောင်းများနှင့် လူနေအိမ်များ အမိုးလန်ပျက်စီးမှုများ၊ သစ်ပင်လဲကျမှုများဖြစ်ပွားသဖြင့် ၂၄.၅.၂၀၂၃ ရက်နေ့၊ ၀၇ ၃၀ အချိန်တွင် မင်းလှမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့်ပူးပေါင်း၍ ပြန်လည်ထူထောင်ရေးနှင့် ရှင်းလင်းရေးလုပ်ငန်းများ ဆောင်ရွက်လျက်ရှိကြောင်းဖော်ပြထားသည်၊၊

#ymg/tthl #Local_News #ပဲခူးတိုင်း၊မကွေးတိုင်းနှင့်မွန်ပြည်နယ် #လေဆင်နှာမောင်းတိုက်ခတ်
#YMG #Yangon_Media_Group

#Local_News
Published_ 24 May 2023

ရန်ကုန် မှော်ဘီမြို့နယ် Star High စက်သုံးဆီ ဆိုင်အနီးကား သုံးစီးတိုက်မိပြီး တစ်ဦးသေဆုံးပြီး ၂ ဦး ထိခိုက်မှုမေလ ၂၃ ရက်က ဖြစ်ပွားခဲ့ကြောင်း ဒေသခံတွေက ပြောပါသည်။

မေလ ၂၃ ရက်ရက်နေ့ ညနေ ၃ နာရီခွဲခန့်တွင် မှော်ဘီမြို့နယ် ပြည်လမ်း Star High စက်သုံးဆီဆိုင်အနီးမှာ ပရိုဘောက်ကား၊ ဟိုက်ဂျက်ကား နဲ့ Kluger အမျိုးအစား ကားသုံးစီးတိုက်မိခဲ့ခြင်းဖြစ်ပြီး ယင်းယာဉ်တိုက်မှုကြောင့် ပရိုဘောက်ကာမှာ ပက်လက်လန်တိမ်းမှောက်ခဲ့တယ်လို့ သိရသည်။

အဆိုပါ ဖြစ်စဉ်အတွင်း ၁ ဦးသေဆုံး ကာ ၂ ဦး ထိခိုက် ဒဏ်ရာရတယ်လို့လည်း သိရပါသည်။

#ymg/ppk #Local_News #ကားသုံးစီးတိုက်မိပြီးတစ်ဦးသေဆုံး
#YMG #Yangon-Media-Group

#World_Politics
Published 24 May 2023

ဗြိတိန်အစိုးရဝန်ကြီးအဖွဲ့ရုံးက ဝန်ကြီးချုပ်ဟောင်း'ဘောရစ်ဂျွန်ဆန်'ကို ရဲတပ်ဖွဲ့ထံလွှဲပြောင်းပေးခဲ့ကြောင်း မီဒီယာများက အင်္ဂါနေ့မှာ ဖော်ပြခဲ့ပါတယ်။

ဂျွန်ဆန်ဟာ ဝန်ကြီးချုပ်နေအိမ်မှာ မိသားစုဝင်တွေ မိတ်ဆွေတွေကိုဧည့်ခံခဲ့ပြီး ကိုရိုနာဗိုင်းရပ်စ်လော့ဒေါင်းစည်းမျဉ်းတွေကို ချိုးဖောက်ခဲ့တယ်လို့ တာဝန်ရှိသူများက အခိုင်အမာဆိုထားပါတယ်။

ကိုဗစ်လော့ဒေါင်းချိုးဖောက်တယ်လို့ စွပ်စွဲရတဲ့ အချက်အလက် ၂ ခုကို အစိုးရဝန်ကြီးဌာနက ရဲတပ်ဖွဲ့နှစ်ဖွဲ့ထံ ပေးအပ်ခဲ့တာဖြစ််ပါတယ်။

ဝန်ကြီးအဖွဲ့ရုံးက အစိုးရရဲ့ လုပ်ငန်းဆောင်ရွက်မှုများကို ကြည့်ရှုစစ်ဆေးခဲ့ပြီး ကပ်ရောဂါဖြစ်ပွားမှုနဲ့ပတ်သက်ကာ အများပြည်သူစုံစမ်းစစ်ဆေးမှုအတွက် တင်ပြချက်များပြင်ဆင်နေချိန်မှာ တွေ့ရှိရတဲ့အချက်အလက်များအပေါ် အခြေခံပြီး ရဲတပ်ဖွဲ့ထံ လွှဲပြောင်းပေးခဲ့ကြောင်း သိရပါတယ်။

ဒါကြောင့် ဂျွန်ဆန်ဟာ ပါတီအရှုပ်တော်ပုံနဲ့ပတ်သက်ပြီး ရဲတပ်ဖွဲ့စုံစမ်းစစ်ဆေးမှုများနဲ့ ထပ်မံကြုံတွေ့နေရတာဖြစ်ပါတယ်။

ဇွန်လ ၂၀၂၀ နဲ့ မေလ ၂၀၂၁ ကြား ဒေါင်းနင်းလမ်း ဝန်ကြီးချုပ်နေအိမ်မှာ ကိုဗစ်လမ်းညွှန်ချက်ချိုးဖောက်မှု ဖြစ်နိုင်ချေများနဲ့ပတ်သက်ပြီး လန်ဒန်ရှိ မက်ထရိုပိုလီတန်ရဲတပ်ဖွဲ့က ပြီးခဲ့တဲ့သီတင်းပတ်အတွင်း ရရှိခဲ့တဲ့ လတ်တလောအချက်အလက်များကို အကဲဖြတ်နေတယ်လို့ ပြောကြားခဲ့ပါတယ်။

ထိုကဲ့သို့စည်းမျဉ်းချိုးဖောက်မှုများနဲ့ပတ်သက်ပြီး သိမ်းတောင်ကြားရဲတပ်ဖွဲ့ကလည်း အထောက်အထားသစ်များ ဆန်းစစ်နေတယ်လို့ The Times မှ ဖော်ပြထားပါတယ်။

ဂျွန်ဆန်ရဲ့ပြောရေးဆိုခွင့်ရှိသူပြောကြားရာမှာ ဂျွန်ဆန်ရဲ့တရားဝင်ဒိုင်ယာရီထဲမှ လုပ်ဆောင်ချက်အချို့ကို ဝန်ကြီးများရုံးက ကိုဗစ်စုံစမ်းစစ်ဆေးမှုပြင်ဆင်နေစဉ်အတွင်း မေးမြန်းခဲ့တယ်လို့ ရိုက်တာသတင်းဌာနက ဖော်ပြခဲ့ပါတယ်။

စစ်ဆေးပြီးနောက် ဖြစ်ရပ်တွေဟာ ဥပဒေညီပြီး ကိုဗစ်စည်းမျဉ်းများချိုးဖောက်ထားခြင်းမရှိဘူးလို့ ဂျွန်ဆန်ရဲ့ရှေ့နေတွေက ဝန်ကြီးများရုံးနဲ့ အခွင့်အရေးကော်မတီထံ ရေးသားဖော်ပြခဲ့ပါတယ်။

ဒါဟာ ဘာအကြောင်းပြချက်မှမရှိဘဲ နိုင်ငံရေးလှုံ့ဆော်မှုတစ်ခုဆိုတာ သိသာထင်ရှားတယ်လို့ ဂျွန်ဆန်ရဲ့အဖွဲ့က သတ်မှတ်လိုက်ပါတယ်။

ဒါပေမဲ့ အစိုးရအဖွဲ့ရုံးက ပြည်သူ့ဝန်ထမ်းဥပဒေဆိုင်ရာ တာဝန်များနဲ့အညီ ရဲတပ်ဖွဲ့ထံ အချက်အလက်များပေးပို့ထားကြောင်း အတည်ပြုလိုက်ပါတယ်။

ဗြိတိန်မှာ ကိုဗစ်လော့ဒေါင်းကာလအတွင်း ပါတီစုဝေးပွဲများကို ပိတ်ပင်ထားစဉ် ဂျွန်ဆန်အစိုးရအဖွဲ့က ဒေါင်းနင်းလမ်းဝန်ကြီးချုပ်ရုံးမှာ ပါတီအများအပြား စီစဉ်ပြုလုပ်ခဲ့တဲ့အတွက် ပြစ်တင်ရှုတ်ချခံခဲ့ရပါတယ်။

သူ့ပါတီဟာလည်း စွပ်စွဲချက်အများအပြားကြုံတွေ့ခဲ့ကာ ပြီးခဲ့တဲ့နွေရာသီက ဝန်ကြီးချုပ်အဖြစ်မှ ရာထူးဖယ်ရှားခံခဲ့ရပါတယ်။

Source: WION #World_Politics ##ကိုဗစ်-၁၉စည်းမျဉ်းချိုးဖောက်
#ဗြိတိန်ဝန်ကြီးချုပ်ဟောင်းဘောရစ်ဂျွန်ဆန် #YMG #Yangon_Media_Group

#Local_News
Published_ 24 May 2023

မုန်တိုင်းဒဏ်သင့်ခဲ့သည့် ရခိုင်ဒေသကိုသွားရောက်အကူညီပေးနေသည့် စာရေးဆရာဝေဟင်အောင်ကို မေလ ၂၃ ရက်နေ့ နေ့လည်ပိုင်းက ဖမ်းဆီးထိန်းသိမ်းခံခဲ့ရကြောင်း ဒေသခံများနှင့် ရခိုင်အခြေစိုက်ပြည်တွင်းသတင်းမီဒီယာတချို့ရဲ့ပြောဆိုချက်များအရသိသည်။

မေ ၂၃ ရက်၊ ညနေ ၃ နာရီဝန်းကျင်ခန့်တွင် စာရေးဆရာ ဝေဟင်အောင်နှင့် လေဘေးကယ်ဆယ်ရေးအဖွဲဝင် ၅ ဦးသည် မုန်တိုင်းဒဏ်သင့် ပြည်သူများကို စာနပ်ရိက္ခာများ အကူအညီပေးရန် စစ်တွေမြို့မှ ပုဏ္ဏားကျွန်းမြို့သို့အသွား စစ်တွေမြို၊ အမြင့်ကျွန်းကျေးရွာအနီး၌ ဖမ်းဆီးထိန်းသိမ်းခံခဲ့ရခြင်းဖြစ်ပြီး မည်သည့်အကြောင်းအရင်းကြောင့် ဖမ်းဆီးထိန်းသိမ်းခံခဲ့ရခြင်းမသိသေးကြောင်း ရခိုင်ပရဟိတအသင်း လူမှုကွန်ယက်စာမျက်နှာများတွင်ဖော်ပြနေကြသည်။

ရခိုင်လူငယ်စာရေးဆရာတစ်ဦးဖြစ်သည့် ကိုဝေဟင်အောင်သည် ၂၀၁၈ ခုနှစ်က ပုဒ်မ ၅၀၅၊ ပုဒ်မ ၁၀၂ တို့ဖြင့်ထောက်ဒဏ်နှစ်၂၀ ချမှတ်ခဲ့ပြီး ပြီးခဲ့သည့် ၂၀၂၁ ခုနှစ်တွင် လွတ်ငြိမ်းချမ်းသာခွင့်ဖြင့်ပြန်လည်လွတ်မြောက်လာသူဖြစ်သည်။

#ymg /ynzw #Local_News #စာရေးဆရာဝေဟင်အောင်ပြန်လည်အဖမ်းဆီးခံရ
#YMG #Yangon-Media-Group

#Local_News
Published_ 24 May 2023

ပဲခူးတိုင်းဒေသကြီး၊ ပဲခူးခရိုင်၊ ညောင်လေးပင်မြို့နယ်၊ မြို့မ(၁)ရပ်ကွက်၊ ညောင်လေးပင်-မဒေါက်ကားလမ်းဘေး၊ ကမ္မဌာန်းဘုန်းကြီးကျောင်းအတွင်းရှိ ကျောင်းဆောင်ပေါ်သို့ မေလ ၂၃ရက်နေ့ ညနေ ၆ နာရီကျော်ကခန့်က ကုက္ကိုပင်လဲကျသဖြင့် ဆရာလေးတစ်ပါးနှင့် လူသုံးဦးထိခိုက်ဒဏ်ရာရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

အဆိုပါ ထိခိုက်ဒဏ်ရာရရှိသူ ဆရာလေးတစ်ပါးနှင့် လူသုံးဦးအနက် ကျောင်းဆောင်အတွင်းတွင် နေထိုင်သော ဆရာလေးတစ်ပါး၊ ကျား(၂)ဦး ၊မ(၁)ဦးအနက် ဆရာလေးတစ်ပါးမှာ ထိခိုက်ဒဏ်ရာရ(ဦးခေါင်းပေါက်)၊ ကျား(၂)ဦး ထိခိုက်ဒဏ်ရာရ(မစိုးရိမ်ရ)၊ မ(၁)ဦး(သေဆုံး)ခဲ့ကြောင်း သိရသည်။

အဆိုပါဖြစ်စဉ်ကို သတင်းရရှိသဖြင့် ညောင်လေးပင်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများဆောင်ရွက်ခဲ့ကြောင်း မြန်မာနိုင်ငံမီးသတ်တပ်ဖွဲ့မှာ ထုတ်ပြန်ထားသည်။

ထိခိုက်ဒဏ်ရရှိသူများနှင့် သေဆုံးသူများအား စေတနာလူမှုကူညီရေး အသင်းယာဉ်ဖြင့် ညောင်လေးပင်မြို့နယ် ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#ymg/ynzw #Local_News #ဘုန်းကြီးကျောင်း #ကျောင်းဆောင်ပေါ်ကုက္ကိုပင်လဲကျ
#YMG #Yangon-Media-Group

#World_Health
Published 24 May 2023

လူတစ်ဦးဟာ သူ့ရဲ့အံကပ်ကို မတော်တဆမျိုချမိပြီး တစ်ဆို့နေခဲ့ကာ သေလုမြောပါးဖြစ်ပြီးနောက် ကံကောင်းပြီးအသက်ဆက်ရှင်ခဲ့ပါတယ်။

ဝစ္စကွန်ဆင်မှ အမည်မဖော်လိုသူ အသက် ၂၂ နှစ်အရွယ်အမျိုးသားဟာ ငွေရောင်သွားတုတပ်ဆင်ထားရင်း မတော်တဆဖြစ်သွားကာ အပြင်းအထန်ချောင်းဆိုးပြီး အသက်ရှူကြပ်နေခဲ့ပါတယ်။

ဆေးရုံရောက်သွားပြီး ဓာတ်မှန်ရိုက်ခဲ့ရာမှာ အဆုတ်လမ်းကြောင်းမှာ ၁ လက်မခွဲအရွယ်အစားရှိ အံကပ်ညပ်နေခဲ့တယ်လို့ Cureus medical ဂျာနယ်က ယခုအပတ်မှာဖော်ပြခဲ့ပါတယ်။
အဲဒီနောက် ဆရာဝန်တွေကအလျင်အမြန်ဖြင့် အသက်ရှူလမ်းကြောင်းချဲ့ကိရိယာကိုအသုံးပြုကာ လည်ချောင်းကနေ ဖယ်ရှားလိုက်ကြပါတယ်။

တဖြည်းဖြည်းနဲ့ သူ့ရဲ့အဆုတ်လေကြောင်းမှ သွားတုကို အောင်မြင်စွာဖယ်ထုတ်နိုင်ခဲ့ပါတယ်။

လူနာဟာ ခွဲစိတ်နေစဉ် အဆုတ်လေလမ်းကြောင်းရှိ ကြွက်သားများကျုံ့သွားတာကြောင့် စတီးရွိုက်ပေးခဲ့ရပါသေးတယ်။

မေလအစောပိုင်းကလည်း အမျိုးသမီးတစ်ဦးဟာ မွေးနေ့ကိတ်ကိုက်လိုက်စဉ် သွားတုပြုတ်ကျသွားတဲ့ဗီဒီယိုဟာ တစ်တော့မှာ ပျံ့နှံ့သွားခဲ့ပါတယ်။

ထိုဖြစ်ရပ်ကတော့ ရယ်မောအဖြစ်နဲ့သာ ပြီးဆုံးသွားခဲ့ပါတယ်။

Source: NY Post #World_Health #သွားတုကိုမတော်တဆမျိုချမိ
#YMG #Yangon_Media_Group

#Local_News
Published _ 24 May 2023

(၇၅)ကြိမ်မြောက် စိန်ရတုတိပိဋကဓရတိပိဋကကောဝိဒစာအောင် သာသနာ့အာဇာနည် အရှင်သူမြတ် ၁၅၂ ပါး တို့အား အောင်လက်မှတ်နှင့်ဘွဲ့တံဆိပ်တော်များ ဆက်ကပ်လှူဒါန်းပွဲကို မေ ၂၃ တွင် ကျင်းပခဲ့ပါတယ်။

အဆိုပါအခမ်းအနားသို့ နစက ဒုတိယဥက္ကဋ္ဌ၊ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းတက်ရောက်၍ တိပိဋကဓရတိပိဋကကောဝိဒစာအောင် သာသနာ့အာဇာနည် အရှင်သူမြတ်တို့အား အောင်လက် မှတ်နှင့်ဘွဲ့တံဆိပ်တော်များ ဆက်ကပ်လှူဒါန်းခဲ့ကြောင်း သိရပါတယ်။

(၇၅)ကြိမ်မြောက် စိန်ရတု တိပိဋကဓရ တိပိဋကကောဝိဒ ရွေးချယ်ရေးစာမေးပွဲကြီးတွင် သုတ္တန္တပိဋက ဒီဃနိကာယ်ရေးဖြေအောင် ဒီဃနိကာယကောဝိဒ ဘွဲ့ရသာသနာ့ အာဇာနည်အရှင်မြတ် ၃ ပါး၊ ဝိနယပိဋက ဝိနည်းတစ်ပုံရေးဖြေအောင် ဝိနယ ကောဝိဒဘွဲ့ရ သာသနာ့အာဇာနည်အရှင်မြတ် ၈ ပါး၊ ဝိနယပိဋက ဝိနည်း(ပထမပိုင်း) ရေးဖြေအောင် ဉဘတောဝိဘင်္ဂကောဝိဒဘွဲ့ရ သာသနာ့အာဇာနည်အရှင်မြတ် ၇ ပါး၊ အဘိဓမ္မဝိဋက အဘိဓမ္မာ (ပထမပိုင်း)ငါးကျမ်းအာဂုံအောင် မူလအာဘိဓမ္မိကဘွဲ့ရ သာသနာ့အာဇာနည်အရှင်မြတ် ၄ ပါး၊ သုတ္တန္တပိဋက ဒီဃနိကာယ်အာဂုံအောင် ဒီဃဘာဏကဘွဲ့ရ သာသနာ့အာဇာနည် အရှင်မြတ် ၈ ပါး၊ ဝိနယပိဋက ဝိနည်း(ဒုတိယပိုင်း) အာဂုံအောင် ဝိနယဓရဘွဲ့ရ သာသနာ့အာဇာနည် အရှင်မြတ် ၃၇ ပါး၊ ဝိနယပိဋကဝိနည်း(ပထမပိုင်း) အာဂုံအောင် ဉဘတော ဝိဘဂံဓရဘွဲ့ရ သာသနာ့အာဇာနည်အရှင်မြတ် ၈၅ ပါး ၊ စုစုပေါင်း ၁၅၂ ပါး အောင်မြင်တော်မူခဲ့ပါတယ်။

ယခုကျင်းပပြီးစီးခဲ့သည့် (၇၅)ကြိမ်မြောက် စိန်ရတုတိပိဋကဓရ တိပိဋကကောဝိဒ ရွေးချယ်ရေး စာမေးပွဲအထိ (၇၅) နှစ်တာကာလအတွင်း တိပိဋကဓရ တိပိဋကကောဝိဒဘွဲ့ တံဆိပ်တော်ရ သာသနာ့အာဇာနည်အရှင်သူမြတ်(၁၅)ပါး၊ တိပိဋကဓရ ပိဋကတ်သုံးပုံအာဂုံ‌ဆောင် သာသနာ့အာဇာနည်အရှင်သူမြတ်(၇)ပါး ပေါ်ထွန်းခဲ့ပြီး သာသနာ့အကျိုးကို ဆက် လက်သယ်ပိုး ဆောင်ရွက်တော်မူလျက်ရှိကြောင်း သတင်းရရှိပါတယ်။

#ymg_mnn #Local_News #တိပိဋကဓရတိပိဋကကောဝိဒစာအောင် #အောင်လက်မှတ်နှင့်ဘွဲ့တံဆိပ်တော်များဆက်ကပ်
#YMG #Yangon_Media_Group

#World_Health
Published 24 May 2023

ယခုအချိန်မှာ ရာသီစာဖြစ်တဲ့ သရက်သီးတွေ ဈေးကွက်ထဲဝင်လာကြပြီး အသီးလိုက်စားသုံးကြသလို ဖျော်ရည်အဖြစ်လည်း သောက်သုံးကြပါတယ်။

အရသာရှိရုံမက မရှိမဖြစ်ဗိုက်တာမင်များ၊ သတ္တုဓာတ်များ၊ ဓာတ်တိုးဆန့်ကျင်ပစ္စည်းများပါဝင်ကာ ခန္ဓာကိုယ်ကို ရေဓာတ်ဖြည့်ပေးပြီး ရောဂါဘယများမှကာကွယ်ပေးပါတယ်။

ဒါပေမဲ့ သရက်သီးအလွန်အကျွံစားမိရင်တော့ ခန္ဓာကိုယ်အတွက်ဘေးဖြစ်စေပြီး အစာအိမ်ရောဂါပိုးဝင်ရောက်ခြင်းတို့ ဖြစ်တတ်ပါတယ်။

ဖောရောင်ခြင်း၊ ဝမ်းပျက်ခြင်း၊ ဗိုက်နာခြင်း၊ အနာများနဲ့ အစာမကြေခြင်းတို့ ဖြစ်တတ်ပါတယ်။

သရက်သီးဟာ ကျန်းမာရေးနဲ့သင့်လျော်ပေမယ့် ပိုးသတ်ဆေး၊ ရင့်မှည့်စေတဲ့ဆေးတွေပါဝင်တာကြောင့် အနည်းဆုံး ၂ နာရီစိမ်ပြီးမှ စားသုံးသင့်သလို သေချာဆေးကြောသင့်ကြောင်း Aster CMI ဆေးရုံမှ အာဟာရပညာရှင်ဒေါက်တာ'အက်ဒ်ဝီနာရာဂျ်'က ပြောပြခဲ့ပါတယ်။

သရက်သီးမှာ ဖရပ်တို့စ်လို့ခေါ်တဲ့ ကာဗိုဟိုက်ဒရိတ်များပါဝင်ကာ သွေးတွင်းသကြားဓာတ်ကို မြင့်တက်စေပါတယ်။

သရက်သီးမှည့်ဆေးတွေနဲ့ ပိုးသတ်ဆေးအသုံးပြုခြင်းကြောင့် သွေးတွင်းသကြားဓာတ် မညီမမျှဖြစ်စေကာ သင့်တင့်ရုံမျှသာ စားသုံးသင့်ပါတယ်။

သရက်သီးကို တစ်ထိုင်တည်းနဲ့ တစ်လုံးအပြည့်စားတာမျိုးထက် တစ်ခြမ်းခြမ်းပြီး တစ်နေ့ကို နှစ်ခါစားသုံးသင့်ကြောင်း၊ အဓိကအစားအစာမဟုတ်ဘဲ သရေစာအဖြစ်သာ သဘောထားသင့်ကြောင်း၊ ဖရပ်တို့စ်ကြွယ်ဝတာကြောင့် သွေးတွင်းသကြားဓာတ်ကိုမြင့်တက်စေကြောင်း ဒေါက်တာ'ရာဂျ်'က ပြောကြားခဲ့ပါတယ်။

သရက်သီးအများကြီးစားပြီး ဓာတ်မတည့်တာမျိုးဖြစ်တယ်ဆိုရင် ကျန်းမာရေးပညာရှင်နဲ့ ချက်ချင်းပြသသင့်ပါတယ်။

အကျိုးပြုအစားအစာတွေဖြစ်တဲ့ နို့ဆီ၊ ထောပတ်နို့တို့စားသုံးရမှာဖြစ်ပြီး ရေအများအပြားသောက်သုံးပေးရပါမယ်။

ဝမ်းပျက်ခြင်း၊ အစာအိမ်ရောဂါပိုးကူးခြင်းတို့ သက်သာစေရန် အမျှင်ဓာတ်များတဲ့ အစားအစာတွေ၊ အသီးအနှံတွေ ကန့်သတ်စားသုံးရမှာဖြစ်ပြီး ရေဓာတ်ဖြည့်ပေးရမှာဖြစ်ပါတယ်။

Source: India Today #World_Health #သရက်သီး
#YMG #Yangon_Media_Group

#Local_News
Published_ 23 May 2023

လာမယ့်ဇွန်လ(၂၇)ရက်နေ့ဟာ 'မြန်မာနိုင်ငံဂီတနေ့' ဖြစ်ပြီး 'မြန်မာနိုင်ငံဂီတနေ့'အခမ်းအနားနဲ့ဂုဏ်ပြုဂီတဖျော်ဖြေရေး အစီအစဉ်တွေကျင်းပပြုလုပ်သွားဖို့ရှိတယ်လို့ မြန်မာနိုင်ငံဂီတအစည်းအရုံးမှ သိရပါတယ်၊၊

#Local_News #'မြန်မာနိုင်ငံဂီတနေ့' #ဂုဏ်ပြုဂီတဖျော်ဖြေပွဲပြုလုပ်
#YMG #Yangon_Media_Group

#World_Animal
Published 23 May 2023

တရုတ်အနောက်တောင်ဘက် ချုံချင်မြို့မှာ မွေးခဲ့တဲ့ ဘင်္ဂလားကျားပေါက် ၅ ကောင်ကို တစ်လသားပြည့်တဲ့အချိန်မှာ လူမြင်ကွင်းသို့ ပထမဆုံး ပြသသွားမှာဖြစ်ပါတယ်။

#World_Animal #ဘင်္ဂလားကျားပေါက်(၅)ကောင်
#YMG #Yangon_Media_Group

#Local_News
Published_ 23 May 2023

ကမ္ဘာ့ရွှေဈေးဟာ ပြီးခဲ့တဲ့ လပိုင်းအတွင်းမှာ တစ်အောင်စကို ဒေါ် ၂၀၀၀ ကျော်အထိ ဈေးမြင့်တက်ခဲ့ပေမယ့် လက်ရှိမေလ အလယ်လောက်ကစပြီး ၂၀၀၀ အောက်ကိုပြန်လည်ကျဆင်းနေပါတယ်။

#Local_News #ကမ္ဘာ့ရွှေဈေးစံချိန်တင်မြင့်တက်
#YMG #Yangon_Media_Group