‘တနင်္သာရီဒေသရဲ့ရိုးရာဓလေ့တွေကို မတိမ်ကောမပပျောက်အောင်ထိန်းသိမ်းဖို့လိုအပ်တဲ့အတွက် တနင်္သာရီရိုးရာနဂါးလှေတော်ပွဲပြန်လည်ကျင်းပလိုပါတယ်’
တနင်္သာရီတိုင်းယဥ်ကျေးမှုအမွေအနှစ် စောင့်ရှောက်ရေးအဖွဲ့ဝင်တစ်ဦး

Published_ 13 September 2023
#tthl #နဂါးလှေတော်ပွဲ #တနင်္သာရီတိုင်းယဥ်ကျေးမှုအမွေအနှစ်
#Yangon_Times

#World_Health
Published 13 September 2023

အီလက်ထရွန်နစ် စီးကရက်တွေက ကြွက်တွေရဲ့ ဝှေးစေ့အရွယ်အစားနဲ့ သုတ်ပိုးအရေအတွက်တို့အပေါ် သက်ရောက်နေပုံကို သိပ္ပံပညာရှင်များ လေ့လာခဲ့ကြပါတယ်။

ကြွက်တွေဟာ ခန္ဓာဗေဒ၊ ဇီဝကမ္မဖြစ်စဥ်၊ မျိုးဗီဇပိုင်းတွေမှာ လူသားတွေနဲ့ ဆင်တူတာကြောင့် ယင်းတို့ဖြင့် စမ်းသပ်မှုတွေ ပြုလုပ်ကြတာ ဖြစ်ပါတယ်။

ဒါကြောင့် ကြွက်တွေကို စမ်းသပ်မှုလုပ်ရာကနေ ရလာတဲ့ရလဒ်တွေဟာ အီး-စီးကရက်သုံးစွဲတဲ့ သူတွေမှာလည်း ယူဆလို့ ရနိုင်ပါတယ်။

သာမန်ကြွက်တစ်ကောင်ဟာ ပုံမှန်အားဖြင့် သုတ်ရည် ၁ မီလီလီတာမှာ သုတ်ပိုးကောင် ၉၈.၅ သန်း ပါဝင်ပါတယ်။

ကြွက်တွေကို အဖွဲ့ ၃ ဖွဲ့ခွဲလေ့လာခဲ့ရာ Winston အမှတ်တံဆိပ် စီးကရက်ငွေ့နဲ့ ထိတွေ့တဲ့အဖွဲ့၊ အီး-စီးကရက်ငွေ့နဲ့ ထိတွေ့တဲ့အဖွဲ့၊ ဘာစီးကရက်ငွေ့မှ မထိတွေ့တဲ့ အဖွဲ့ဆိုပြီး ခွဲခြားခဲ့ကြပါတယ်။

ဆေးလိပ်ငွေ့တွေကို တစ်ခါထိတွေ့ရင် တစ်နာရီဖြင့် တစ်နေ့ကို နှစ်ကြိမ်ထိတွေ့စေပါတယ်။

ထိုအခါမှာ အီး-စီးကရက်ငွေ့ရှူရတဲ့ ကြွက်တွေမှာ သုတ်ပိုးကောင် ၉၅.၁ သန်းခန့် ကျဆင်းသွားပြီး သာမန်စီးကရက်ငွေ့ ရှူရတဲ့ကြွက်တွေမှာတော့ ၈၉ သန်း ကျဆင်းသွားပါတယ်။

အီး-စီးကရက်ငွေ့တွေကို အရင်က ဘေးအန္တရာယ်မရှိဘူးလို့ ယူဆခဲ့ကြပေမယ့် ဓာတ်တိုးမှုများ ဖြစ်နိုင်ပြီး ဝှေးစေ့မှာ ပြောင်းလဲမှုတွေ ဖြစ်ပေါ်နိုင်တယ်လို့ တွေ့ရှိခဲ့ကြတာ ဖြစ်ပါတယ်။

အထီးမျိုးပွားစနစ်နဲ့ သုတ်ပိုးကောင်ကျဆင်းမှုများအပေါ် ဆေးလိပ်ငွေ့ရဲ့ သက်ရောက်မှုတွေကို အလုံးစုံသိရှိနားလည်ဖို့ နောက်ထပ်သုတေသန ပြုလုပ်ရန်လိုအပ်ကြောင်း၊ ဒီလေ့လာချက်က အမျိုးသားမျိုးပွားစနစ် ကျန်းမာရေးအပေါ် စီးကရက်သောက်ခြင်းရဲ့ သက်ရောက်မှုတွေကို နားလည်စေနိုင်မယ့် အခွင့်အရေးဖြစ်နေပါတယ်။  

#World_Health #အီး-စီးကရက် #သုတ်ပိုးအရေအတွက်
Source: The Jerusalem Post

#Local_News
Published_ 13 September 2023

၂၀၂၃−၂၀၂၄ဘဏ္ဍာနှစ်အတွင်း ဧရာဝတီတိုင်းဒေသကြီးအတွင်းရှိ ကိုယ်ဝန်ဆောင်မိခင်နဲ့ကလေးငယ် တစ်သိန်းကျော်၊ အသက်(၈၅)နှစ်အထက်ဘိုးဘွားသုံးသောင်းကျော်ကို ထောက်ပံ့ကြေး များပေးသွားမည် ဖြစ်ကြောင်း လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနမှ သိရသည်။

ယင်းကဲ့သို့ထောက်ပံ့ပေးမည့်အကြောင်းကို လူမှုဝန်ထမ်း၊ကယ်ဆယ်ရေးနှင့်ပြန်လည် နေရာချထားရေးဝန်ကြီးဌာန၊ ပြည်ထောင်စုဝန်ကြီးဦးစိုးဝင်း ဧရာဝတီတိုင်း၊ ပုသိမ်မြို့၌ကျင်းပသည့် ကိုယ်ဝန်ဆောင်၊ ကလေးငယ် နှင့်သက်ကြီးဘိုးဘွားများ၊ စေတနာဝန်ထမ်းအဖွဲ့အစည်းများကို ထောက်ပံ့ကြေးပေးအပ်သည့် အခမ်းအနားတွင် ထည့်သွင်းပြောကြားခဲ့ခြင်းဖြစ်သည်။

ပြည်ထောင်စုဝန်ကြီးက ‘၂၀၂၃−၂၀၂၄ဘဏ္ဍာနှစ်အတွက် ဧရာဝတီတိုင်းဒေသကြီးမှ အကျိုးခံစားခွင့်ရှိသူ ကိုယ်ဝန်ဆောင်မိခင်နှင့် ကလေးငယ် (၁၁၈၇၆၆)ဦးအတွက်ထောက်ပံ့ပေးသွားမည်ဖြစ်ကြောင်း၊ လူမှုရေးပင်စင်အစီအစဉ်အနေဖြင့် အသက်(၈၅)နှစ်အထက်သက်ကြီးဘိုးဘွား(၃၁၇၇)ဦးကို ထောက်ပံ့ နိုင်ရေးဆောင်ရွက်ပေးသွားမည်’ ဖြစ်ကြောင်း ပြောခဲ့သည်။

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနအနေဖြင့် ၂၀၂၃−၂၀၂၄ဘဏ္ဍာနှစ် ဒုတိယသုံးလပတ်အတွင်း ကိုယ်ဝန်ဆောင်မိခင်များ၊ အသက်နှစ်နှစ်အောက်ကလေးငယ်များ၊ အသက်(၈၅)နှစ်အထက်သက်ကြီးဘိုးဘွားများနှင့် စေတနာ့ဝန်ထမ်းအဖွဲ့အစည်းများကို ငွေကျပ်၆၂၇၉ ဒသမ ၅၄၉ သန်းပေးအပ်ခဲ့ကြောင်း သိရသည်။

#tthl #Local_News #ဧရာဝတီတိုင်း #ကလေးငယ်တစ်သိန်းကျော် #ထောက်ပံ့ကြေးပေးမည်
#Yangon_Times

မြန်မာပြည်က ထွက်ရှိတဲ့ ဂျင်းကိုဘင်္ဂလားဒေ့ရှ်နဲ့ အိန္ဒိယတို့ကဝယ်ယူတာရှိပေမယ့်နှစ်စဉ်ဝယ်ယူတာမျိုးမဟုတ်ဘဲ တစ်နှစ်ခြားစီ ဝယ်ယူကျတာမျိုးဖြစ်ကာ အခုနှစ်မှာတော့ ငွေကြေးတန်ဖိုးကျတာကြောင့် ဘင်္ဂလားဒေ့ရှ်ဘက်မှကုန်သည်တွေအနေနဲ့ ပြန်ရောင်းရာမှာ
အမြတ်ငွေ ပိုများတဲ့အတွက် ဝယ်လိုအားများလာတာ ဖြစ်တယ်လို့ သိရပါတယ်။
Published_ 13 September 2023
#ဂျင်းဝယ်ယူမှုပိုများ #ဘင်္ဂလားဒေ့ရှ်ဘက်
#YMG/LW
#Yangon_Times

၁၃ စက်တင်ဘာ ၂၀၂၃

မြန်မာနိုင်ငံဟာ  အာရှအားကစားပြိုင်ပွဲကို အားကစားသမား ၁၁၁ဦးစေလွတ်မှာြဖစ်ပြီး အားကစားအမျိုးအစား ၄၀ အနက် (၇)မျိုးကို ဝင်ရောက်ယှဉ်ပြိုင်မှာဖြစ်တယ်လို့ ဦးမင်းသိန်းဇံက ပြောကြားပါတယ်။

၁၉ကြိမ်မြောက် ဟောင်ကျိုး အာရှအားကစားပွဲဟာ အရှေ့တောင်အာရှရဲ့ အားကစားကိုမြှင့်တင်ပေးလိမ့်မယ်လို့ မြန်မာနိုင်ငံ အားကစားနှင့်လူငယ်ရေးရာ ဝန်ကြီး ဦးမင်းသိန်းဇံက ဆက်လက်ပြောကြားလိုက်ပါတယ်။

Source CCTV+

‘မွန်၊ ကရင်၊ တနင်္သာရီဒေသတွေမှာ မိုးသည်းထန်တဲ့အတွက် ကားလမ်းရေကျော်တာ၊ မြေပြိုတာတွေလည်းဖြစ်ပေါ်နိုင်လို့ အဲဒီ့ဒေသတွေကို ခရီးသွားမယ့်သူတွေ သတိပြုသွားလာဖို့လိုအပ်ပါတယ်’
ဦးလှထွန်း(ညွှန်ကြားရေးမှူး၊ မိုးလေဝသနှင့်ဇလဗေဒညွှန်ကြားမှုဦးစီးဌာန)
Published_ 13 September 2023

#tthl #မိုးသည်းထန်ပြီးရေကျော်နိုင် #ဇလဗေဒညွှန်ကြားမှုဦးစီးဌာန
#Yangon_Times

#Local_News
Published 13 Setember 2023

မြန်မာနိုင်ငံသားများသည် အဓမ္မလုပ်အားခိုင်းစေမှု၊ လိင်ပိုင်းဆိုင်ရာ ခေါင်းပုံဖြတ်မှု၊ အဓမ္မလက်ထပ်ထိမ်းမြားမှု စသည့် လူကုန်ကူးမှုပုံစံများဖြင့် ပြည်တွင်းအပါအဝင် အိမ်နီးချင်းနိုင်ငံများနှင့် အခြားနိုင်ငံများသို့ နှစ်စဉ်လူကုန်ကူးခြင်း ခံနေရကြောင်း ဒုတိယဗိုလ်ချုပ်ကြီး ရာပြည့်ကပြောသည်။

စက်တင်ဘာ၁၃ရက်တွင် ကျရောက်သည့် ဧကာဒသမအကြိမ်မြောက် မြန်မာနိုင်ငံလူကုန်ကူးမှုတိုက်ဖျက်ရေးနေ့သို့ ပေးပို့သည့် သဝဏ်လွှာတွင်ယင်းသို့ထည့်သွင်း ပြောကြားခဲ့ခြင်းဖြစ်သည်။

အစီရင်ခံစာထဲတွင် ပြည်တွင်းအလုပ်အကိုင်ရှားပါးမှု၊ လုပ်ခလစာနည်းပါးမှုအပါအဝင် ဘဝရပ်တည်ရန်ခက်ခဲသည့် အခြေအနေများကြောင့် ပြည်ပနိုင်ငံအသီးသီးသို့ တရားဝင်/တရားမဝင် ရွှေ့ပြောင်းသွားလာလုပ်ကိုင်ကြရာမှ ပွဲစားများ၏ မက်လုံးပေး စည်းရုံးမှုကြောင့်လည်းကောင်း၊ တရားဝင် အလုပ်သမားစေလွှတ်ရန် သဘောတူညီချက် လက်မှတ်ရေးထိုးထားခြင်းမရှိသော နိုင်ငံများသို့ တရားမဝင်ပို့ဆောင်ခံရခြင်းကြောင့်လည်းကောင်း လုပ်အားခေါင်းပုံဖြတ်မှုနှင့် လိင်ပိုင်းဆိုင်ရာ ခေါင်းပုံဖြတ် အမြတ်ထုတ်မှုတို့ကို ခံနေကြရကြောင်း ၎င်းကသဝဏ်လွှာတွင်ထည့်သွင်း ပြောကြားထားသည်။

မြန်မာနိုင်ငံအနေဖြင့် လူကုန်ကူးမှုတိုက်ဖျက်ရေးနေ့ကို ၂၀၀၇ ခုနှစ်က စပြီး ငါးနှစ်စီမံကိန်းချမှတ်ဆောင်ရွက်လာခဲ့ရာ လက်ရှိကာလမှာ စတုတ္ထငါးနှစ်စီမံကိန်း၂၀၂၂-၂၀၂၆ ခုနှစ်၏ ဒုတိယနှစ်ကာလကိုရောက်ရှိခဲ့ရာ ၂၀၂၂ စက်တင်ဘာလမှ ၂၀၂၃ ခုနှစ် သြဂုတ်လအထိ လူကုန်ကူးမှု ၃၇ ခုကို ဖေါ်ထုတ်အရေးယူနိုင်ခဲ့ပြီး အမှုများထဲကအမျိုးသား၁၉ ဦးနှင့် အမျိုး
သမီး၆၁ ဦး စုစုပေါင်း ၈၀ဦး ကို ကယ်ယူနိုင်ခဲ့ကြာင်း သိရပါသည်။

လူကုန်ကူးခံရသူများကို မူဆယ်၊ မန္တလေး၊ ကော့သောင်း၊ မြဝတီနှင့်ရန်ကုန်တို့တွင် ယာယီ လက်ခံစောင့်ရှောက်ရေးဂေဟာများ ဖွင့်လှစ်ထားပြီး လူကုန်ကူးခံရသူတွေရဲ့ အခြေခံလိုအပ်ချက်များဖြည့်ဆည်းဆောင်ရွက်ပေးနေကြောင်း သိရသည်။

၂၀၂၂ ခုနှစ်ဇန်နဝါရီမှ ၂၀၂၃ ခုနှစ် သြဂုတ်လ အထိ လူကုန်ကူးခံရသူကိန်းဂဏန်းများ အရ ၆၉ ဒသမ၄၂ရာခိုင်နှုန်းမှာ အမျိုးသမီးများနှင့် ကလေးသူငယ်များ ဖြစ်ပြီး၊ အဓမ္မလုပ်အားခိုင်းစေမှု မှာ၃၆ဒသမ၄ရာခိုင်နှုန်းရှိပြီးလိင်ပိုင်းဆိုင်ရာ ခေါင်းပုံဖြတ်မှုနှင့် အဓမ္မလက်ထပ်ထိမ်းမြားမှု မှာ၃၂ဒသမ၇ ရာခိုင်နှုန်းရှိတယ်လို့ လူကုန်ကူးမှုကာကွယ်တားဆီးနှိမ်နှင်းရေးအဖွဲ့၏အစီရင်ခံစာအရ သိရသည်။

#YMG/LW #Local_News #အဓမ္မလုပ်အားခိုင်းစေမှု #လူကုန်ကူးမှုခံနေရဟုဆို
#Yangon_Times

#World_News
Published 13 September 2023

လစ်ဗျားနိုင်ငံမှာ မက်ဒီတာရေးနီးယန်း မုန်တိုင်းကြီး ဝင်ရောက်တိုက်ခတ်သဖြင့် ရေကြီးရေလျှံခြင်းများ ဖြစ်ပေါ်ကာ လူပေါင်းထောင်ချီသေဆုံးပြီး အနည်းဆုံးလူ ၁ သောင်းခန့် ပျောက်ဆုံးနေပါတယ်။

မုန်တိုင်းကြောင့် ဆည်များ ကျိုးပြီး အဆောက်အအုံများကို တိုက်စားသွားကာ အရှေ့ဘက် ဒါနာကမ်းရိုးတန်းမြို့ရဲ့ ၄ ပုံ ၁ ပုံခန့်ကို ပျက်စီးသွားခဲ့ပါတယ်။

လူ ၂ ထောင်ကျော် သေဆုံးထားတယ်လို့ ဒါနာမှ အကြီးတန်းဆေးပညာရှင်တစ်ဦးက ရိုက်တာသတင်းဌာနကို ပြောကြားခဲ့ကာ လစ်ဗျားအရာရှိများကတော့ ရုပ်သံသတင်းဌာနများရဲ့ ဖော်ပြချက်များအရ သေဆုံးသူ ၅ ထောင်ဝန်းကျင်ရှိမယ်လို့ ခန့်မှန်းထားကြပါတယ်။

မုန်တိုင်းဒန်နီယယ်ဟာ မက်ဒီတာရေးနီးယန်းကို ဝင်ရောက်ဖြတ်ကျော်ကာ ဆယ်စုနှစ်ကျော်ကြာအောင် ပဋိပက္ခဖြစ်ပွားနေခဲ့တဲ့ နိုင်ငံကို ဖျက်ဆီးသွားတာပဲ ဖြစ်ပါတယ်။

နေထိုင်သူလူဦးရေ ၁၂၅,၀၀၀ ရှိတဲ့ ဒါနာမြို့မှာ လုံးဝပျက်စီးသွားပုံကို ရိုက်တာသတင်းထောက်များ မြင်တွေ့ခဲ့ကြပါတယ်။

မြို့ရဲ့ ခရိုင် ၂ ခုထဲက တစ်ခုမှာ လူ ၁,၇၀၀ သေဆုံးခဲ့ပြီး နောက်ခရိုင်မှာတော့ လူ ၅၀၀ သေဆုံးခဲ့ကြောင်း ဝါဒါဆေးရုံ ညွှန်ကြားရေးမှူး မိုဟာမက်အယ်ကာဘီစီက ပြောကြားခဲ့ပါတယ်။

ဆေးရုံစင်္ကြံလျှောက်လမ်းတွေမှာ အလောင်းတွေ စုပုံထားတာကိုလည်း သတင်းထောက်များ မြင်တွေ့ခဲ့ကြပါတယ်။

အရှေ့တိုင်း ပြည်ထဲရေးဝန်ကြီးက လူပေါင်း ၅ ထောင်ကျော်သေဆုံးခဲ့တယ်လို့ ပြောကြားခဲ့ကြောင်း အယ်မာဆာရုပ်သံဌာနက ထုတ်လွှင့်ခဲ့ပါတယ်။

လစ်ဗျားနိုင်ငံရဲ့ ဒုတိယအကြီးဆုံးမြို့ ဘင်ဂါဇီအပါအဝင် အခြားအရှေ့ပိုင်းမြို့များမှာလည်း မုန်တိုင်းဝင်ရောက်ခဲ့ကာ သေဆုံးသူအရေအတွက် အလွန်များပြားနိုင်ပြီး အခြားသတင်းရင်းမြစ်များအရ ပျောက်ဆုံးသူအရေအတွက် ၁ သောင်းခန့် ရှိနေပြီလို့ နိုင်ငံတကာ ကြက်ခြေနီကိုယ်စားလှယ်အဖွဲ့ အကြီးအကဲ တေမာရာမာဒန်က ပြောပြသွားပါတယ်။

ကုလသမဂ္ဂလူသားချင်း စာနာထောက်ထားခြင်း ပူးပေါင်းဆောင်ရွက်မှုရုံးက အရေးပေါ်ကယ်ဆယ်ရေးအဖွဲ့များ စေလွှတ်ထားတယ်လို့ ဆိုပါတယ်။

တူရကီနဲ့ အခြားနိုင်ငံများက လစ်ဗျားနိုင်ငံအတွက် ရှာဖွေကယ်ဆယ်ရေးယာဥ်များ၊ လှေများ၊ မီးစက်များ၊ အစားအစာများကို အလျင်အမြန် ထောက်ပံ့ကူညီလာကြပါတယ်။

အစကတော့ မိုးသည်းထန်စွာ ရွာတယ်လို့ပဲ ထင်ခဲ့ကြပေမယ့် ညသန်းခေါင်ကြီး ပေါက်ကွဲသံကြားတဲ့အချိန်မှာ ရေကာတာကြီး ပေါက်သွားတာပဲ ဖြစ်တယ်လို့ အသက်ရှင်ကျန်ရစ်သူ ရာဂျာဆာဆီက ပြောပြခဲ့ပါတယ်။

ရေတပ်အဖွဲ့တွေက ပင်လယ်ထဲမျောပါသွားတဲ့ လူတွေကို လိုက်လံရှာဖွေနေကြောင်း ပြည်ထဲရေးဝန်ကြီးဌာနမှ ပြောရေးဆိုခွင့်ရှိသူတစ်ဦးက အယ်လ်ဂျာဇီရာသတင်းဌာနကို ပြောကြားသွားပါတယ်။

#World_News #လစ်ဗျား #ဆည်များကျိုး #မြို့၏လေးပုံတစ်ပုံခန့်ပျက်စီး
Source: Reuters

#World_Health
Published 13 September 2023

မနက်ခင်းမှာ အကြမ်းခြောက် လက်ဖက်ရည်သောက်သုံးရင် လူကိုအာရုံနိုးကြားစေပြီး တစ်နေ့တာကို လန်းဆန်းစေမှာ ဖြစ်ပါတယ်။

လူအချို့က အကြမ်းခြောက် လက်ဖက်ရည်သောက်တာကို မကောင်းဘူးလို့ ပြောကြပေမယ့် တကယ်တမ်းတော့ ကျန်းမာရေးအကျိုးကျေးဇူးတွေ ရှိနေပါတယ်။

လက်ဖက်ရည် ပေါ်ပေါက်လာရတဲ့ သမိုင်းကြောင်းက လွန်ခဲ့တဲ့နှစ်ပေါင်းများစွာကတည်းက စတင်ခဲ့ပါတယ်။

လက်ဖက်ရည်သောက်ခြင်းရဲ့ အကောင်းမွန်ဆုံး အကျိုးကျေးဇူးတွေကို ဖော်ပြလိုက်ပါတယ်။
 

(၁) ကိုယ်ခံအားကို မြှင့်တင်ပေးခြင်း

လက်ဖက်ခြောက်က ခန္ဓာကိုယ်အတွက် ဓာတ်တိုးဆန့်ကျင်ပစ္စည်းများ ပေးစွမ်းနိုင်ကာ ကိုယ်ခံအားစနစ်ကို မြှင့်တင်ပေးပါတယ်။

 
(၂) နှလုံးကျန်းမာရေးကို အထောက်အကူပြုခြင်း

တရုတ်နိုင်ငံမှ လူပေါင်း ၃ သိန်းခွဲကို လေ့လာခဲ့ရာ လက်ဖက်ရည်သောက်သုံးခြင်းဖြင့် နှလုံးရောဂါဖြစ်နိုင်ချေကို လျှော့ချပေးနိုင်တယ်လို့ တွေ့ရှိခဲ့ပါတယ်။

ဒါ့အပြင် ထိုထဲမှာပါဝင်တဲ့ သီယိုဖိုင်လင်းက အသက်ရှူလမ်းကြောင်း ကြွက်သားများကို ပြေလျော့စေကာ အသက်ရှူရ လွယ်ကူစေပါတယ်။

 
(၃) ဝေဒနာများသက်သာစေခြင်း

လက်ဖက်ခြောက်မှာပါဝင်တဲ့ ကဖင်းဓာတ်က ဗဟိုအာရုံကြောစနစ်ကို လှုံ့ဆော်ပေးကာ လူကိုနိုးကြားစေပြီး ငိုက်မျဥ်းခြင်းကို ကင်းဝေးစေပါတယ်။

လက်ဖက်ရည် ပုံမှန်သောက်ခြင်းဖြင့် ဦးနှောက်ထဲက အစိတ်အပိုင်းတွေ အစီအစဥ်တကျ ဖြစ်စေကာ မှတ်ဉာဏ်ပိုင်းလုပ်ဆောင်ချက် ကောင်းမွန်စေတယ်လို့ တွေ့ရှိထားပါတယ်။
 
(၄) အလှအပရေးရာအတွက် အထောက်အကူဖြစ်ခြင်း

လက်ဖက်ရည်သောက်ခြင်းဖြင့် အသားအရေကို ရေဓာတ်ဖြည့်ပေးပြီး နုပျိုကျန်းမာစေတဲ့အပြင် ရောင်ရမ်းခြင်းကိုလည်း လျှော့ချပေးပါတယ်။

 
(၅) ကိုယ်အလေးချိန်လျော့ကျစေနိုင်ခြင်း

လက်ဖက်ရည် မသောက်သူတွေထက်စာရင် သေက်သုံးလေ့ရှိသူတွေဟာ ခန္ဓာကိုယ် အဆီအချိုးနှုန်းကို လျော့ကျစေကာ ခါးပိုမိုသွယ်လျစေပါတယ်။

 
သတိထားရမှာကတော့ တော်သင့်ရုံသာ သောက်သုံးဖို့နဲ့ ညပိုင်းမှာရှောင်ရှားဖို့ပါပဲ။

#World_Health #လက်ဖက်ရည်သောက်သုံးခြင်း #ကျန်းမာရေးအကျိုးကျေးဇူးများ
Source: NDTV

အခုအချိန်မှာ ကမ္ဘာ့လျှပ်စစ်ကားဈေးကွက်အတွင်း ဂျာမနီကားထုတ်လုပ်ရေးကုမ္ပဏီတွေ ဆက်လက်နာမည်ရဖို့အရေး ခက်ခဲလာပါတယ်။

Published_ 12 September 2023
#World_Industry #ကမ္ဘာ့လျှပ်စစ်ကားဈေးကွက် #တရုတ်နိုင်ငံထုတ်ကား

#Daily_News
Published_ 12 September 2023

၁။ ကြက်မဲမွေးမြူလိုသူများလာသဖြင့် ကြက်မဲဥ၊ ကြက်မဲမျိုးဥနှင့် ကြက်မဲအကောင်ပေါက်များအရောင်းသွက်နေ

၂။ တညင်းကုန်းလက်ကားဈေးကြီးတွင် ဆိုင်ခန်းပေါင်း ၁၀၀၀ ကျော်ပါဝင်တဲ့ သစ်သီးဝလံဈေးရုံကြီးအောက်တိုဘာ ၁ ရက်တွင်ဖွင့်လှစ်မည်

၃။ အခုရက်ပိုင်းအတွင်း ရန်ကုန်အပါအဝင်ဒေသ(၆)ခုတွင် မိုးသည်းမည်

၄။ ကမ္ဘာ့လျှပ်စစ်ကားဈေးကွက်တွင် တရုတ်နိုင်ငံထုတ်ကားများအား ဂျာမနီယှဥ်ပြိုင်ရန်ခက်ခဲလာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

၁၂ စက်တင်ဘာ ၂၀၂၃

အာဖရိကနိုင်ငံတွေဟာ သူတို့ရဲ့ကလေးငယ်တွေကို ဥရောပအင်အားကြီးနိုင်ငံတွေက လူကုန်ကူးပြီး လှောင်အိမ်တွေထဲ ထည့်ပြသခဲ့ကြတဲ့ ကိုလိုနီဖိနှိပ်ချုပ်ခြယ်မှုတွေရဲ့ အမှောင်ခေတ်ကို အမြဲသတိရနေကြလိမ့်မယ်လို့ ရုရှားသမ္မတ ဗလာဒီမာပူတင်က အင်္ဂါနေ့က ပြောဆိုတဲ့အကြောင်း ရုရှားမီဒီယာများက ရေးသားကြပါတယ်။

အဲဒီနိုင်ငံတွေကပဲ သူတို့ရဲ့ ကိုလိုနီနိုင်ငံဟောင်းတွေကို သူ့ကျွန်ခိုင်းဖတ်ဘဝထဲ အတင်းဆွဲသွင်းနေကြတယ်လို့ သူက ဆက်လက်ပြောဆိုပါတယ်။

ရုရှားနိုင်ငံ ဗလက်ဒီဗိုစတော့ခ်မြို့မှာ ကျင်းပနေတဲ့ အရှေ့ဖျားဒေသစီးပွားရေးဖိုရမ် ဖွင့်ပွဲမှာ ပူတင်က ပြောခဲ့တာဖြစ်ပြီး  မော်စကိုက စီးပွားရေးအကူအညီတွေ အလျှံပယ်ပေးခဲ့တဲ့ ဆိုဗီယက်ခေတ်အနေအထားအတိုင်း အာဖရိကနှင့် နီးစပ်တဲ့ဆက်ဆံရေး ပြန်လည်ထူထောင်ဖို့ သိပ်ခက်ခဲမယ်မဟုတ်ဘူးဆိုတာ သူအသေအချာပြောနိုင်တယ်လို့လည်း ဆက်ပြောပါတယ်။

လွတ်လပ်ရေးကြိုးပမ်းစဉ်ကာလမှာ ကိုလိုနီပြုသူလို ဘယ်တော့မှမလုပ်ခဲ့တဲ့ မော်စကိုရဲ့ကူညီမှုတွေကို အာဖရိကနိုင်ငံတွေ သတိရနေမှာ ဖြစ်တယ်လို့လည်းပူတင်ကပြောပါတယ်။ “  ကျွန်တော်တို့ရဲ့ ပူးပေါင်းဆောင်ရွက်မှုဟာ အမြဲတမ်း အပြန်အလှန်ဆောင်ရွက်မှု ဒါမှမဟုတ် ကူညီလိုတဲ့စိတ်ဆန္ဒတွေအပေါ်မှာ အခြေခံခဲ့ကြတယ်” လို့ ပူတင်ကပြောပါတယ်။

ဒါပေမယ့် အဲဒီနိုင်ငံတွေဟာ ဆိုဗီယက်ရဲ့အကူအညီတွေသာမက အနောက်ရဲ့ ရက်စက်ယုတ်မာမှုတွေကိုပါ သတိရနေကြတယ်လို့ ပူတင်က မှတ်သားပြောဆိုပါတယ်။ “ အာဖရိကက ပြည်သူတွေကို လှောင်အိမ်တွေထဲထည့်ခေါ်သွားကြတယ်။ ဒါကို မျက်ရည်မကျဘဲ ကြည့်လို့ကို မရဘူး။ ကလေးငယ်တွေဟာ လှောင်အိမ်တွေထဲ ထိုင်နေကြရပြီး လူတိုင်းမြင်နေအောင် ခင်းကျင်းပြသထားတာခံခဲ့ကြရတယ်။ အာဖရိကနိုင်ငံတွေက ဘယ်သူတစ်ဦးတစ်ယောက်မျှ ဒါကိုမေ့လိမ့်မှာမဟုတ်ဘူး”

အနောက်ဟာ သူတို့ရဲ့ လက်အောက်သွတ်သွင်းမှုတွေကို ဘယ်တော့မှမစွန့်လွှတ်ကြဘူး။ အခုလဲ သူတို့ဟာ အရှင်သခင်ပုံစံဖမ်းနေကြတယ်။ သူတို့ရဲ့ ကိုလိုနီလက်သစ်ဝါဒကို သွတ်သွင်းနေကြတယ်” လို့ ပူတင်က ပြောပါတယ်။ အနောက်နိုင်ငံတွေဟာ အာဖရိကကို ဒေါ်လာထရီလီယံတန်ဖိုးချီတဲ့ ချေးငွေတွေ ထုတ်ပေးနေတယ်လို့ ပူတင်က ရှင်းပြပါတယ်။ ဒါတွေဟာ ချေးငွေတွေဆိုတာထက် လျော်ကြေးငွေလိုမျိုးဖြစ်တယ်လို့လည်းသူကဆိုပါတယ်။

ရုရှားဟာ ပြီးခဲ့တဲ့နွေရာသီတုန်းက စိန့်ပီတာစဘတ်မြို့မှာ ရုရှား-အာဖရိက ဖိုရမ်ကျင်းပခဲ့ပြီး နယ်ပယ်အစုံမှာ သဘောတူစာချုပ်များစွာ ချုပ်ဆိုခဲ့ပါတယ်။  အဆိုပါအစည်းအဝေးကိုမတက်ဖို့ အနောက်က ဖိအားပေးခဲ့သည့်တိုင် အာဖရိက ကိုယ်စားလှယ်အဖွဲ့ ဒါဇင်များစွာ တက်ရောက်ခဲ့ကြတာဖြစ်တယ်လို့ သတင်းများမှာဖော်ပြထားပါတယ်။

-knl/ymg