၁၁ စက်တင်ဘာ ၂၀၂၃

အမျိးသမီးတစ်ဦး အမေရိကန်နိုင်ငံက Walmart ဆိုင်တစ်ဆိုင်ထဲဝင်ပြီး ဝိုင်ပုလင်းတွေကို စိတ်ဆိုးမာန်ဆိုးနှင့် ရိုက်ခွဲနေတဲ့ ဗွီဒီယို ဆိုရှယ်မီဒီယာတွေမှာ ပျံ့နှံ့နေပါတယ်။

ဘယ်နေရာကဆိုင်မှာ ဘယ်တုန်းကလဲဆိုတာတော့ ဖော်ပြမထားပါဘူး။

ပြီးခဲ့တဲ့နှစ်တွေမှာ ကုန်ဈေးနှုန်းကြီးမြင့်မှုတွေကြောင့် ဝေါလ်မတ်အပါအဝင် အမေရိကန်စတိုးဆိုင်ကြီးတွေမှာ အကြမ်းဖက် ဖျက်ဆီးအလစ်သုတ်မှုတွေတိုးပွားလာတာကို ရင်ဆိုင်နေကြရပါတယ်။ အဲဒါကြောင့် အချို့သော နေရာတွေက ဆိုင်တွေဆိုပိတ်ပစ်လိုက်ရတဲ့ အခြေအနေတွေအထိ ကြုံတွေ့နေကြရပါတယ်။

Source : CJ in media

Published_ 11 September 2023

YBS နံပါတ် ၇၆ ပေါ်က ပြုတ်ကျ၍ ယနေ့ စက်တင်ဘာလ ၁၁ ရက် နံနက်က လူငယ်တစ်ဦးသေဆုံးကာ တစ်ဦးဒဏ်ရာရမှု သာကေတမြို့နယ်တွင်ဖြစ်ပွားခဲ့သည်။

ရန်ကုန်တိုင်းဒေသကြီး သာကေတမြို့နယ် အနော်မာ မှတ်တိုင်အနီးတွင် အထက်ပါအတိုင်း ဖြစ်ပွားခဲ့ကြောင်းသာကေတမြို့နယ် လူမှုကူညီရေးအသင်းကနေ သိရသည်။

ပြည့်ကျပ်နေ‌သော အဆိုပါကားပေါ်အတက်တွင် ပြုတ်ကျခဲ့ခြင်းဖြစ်ပြီး နောက်ဘီးဖြင့် တက်ကြိတ်မိကာ သေဆုံးခဲ့ခြင်းဖြစ်ကြောင်း ၊သေဆုံးသူနှင့်ဒဏ်ရာ ရသူ နှစ်ဦးတို့မှာ အသက် ၂၀ ခန့်အရွယ် လူငယ်များဖြစ်ကြကာ ခရီးသည်များကြိတ်တိုးဝှေ့၍ YBS ပေါ်တက်သည့်အချိန်နှင့် ယာဉ်အးထွက်သည့်အချိန် တိုက်ဆိုင်ရာမှ ပြုတ်ကျခဲ့ခြင်းဖြစ်ကြောင်း သိရသည်။

"တစ်ယောက်က သေတယ်၊တစ်ယောက်က နဖူးပေါက်တယ်၊ သေသူရော ဒဏ်ရာ ရသူရော ရန်ကုန်ဆေးရုံကြီးကိုပို့လိုက်ပါတယ်"ဟု သာကေတလူမှူကူညီရေးအဖွဲ့တာဝန်ရှိသူကပြောသည်။

အဆိုပါအခင်းဖြစ်နေရာသို့အမတ္တဂဝေသီလူမှုကူညီရေးအသင်း ၊မနောဖြူလူမှုကူညီရေးအသင်း သာကေတလူမှုကူညီရေးအသင်းတို့က လိုက်ပါကူညီပေးခဲ့ကြကြောင်းသိရသည်။
Yangon _Times/PP
#Local_Nwes
#YMG #Yangon_News

၁၁ စက်တင်ဘာ ၂၀၂၃

ရုရှားနိုင်ငံမှ ရေနံထုတ်ကုန်များ ဝယ်ယူရာတွင် တရုတ်ယွမ်ငွေဖြင့်ပေးချေနေတယ်လို့ မြန်မာနစက ရင်းနှီးမြှပ်နှံမှုနှင့် နိုင်ငံခြား စီးပွားဆက်သွယ်ရေးဝန်ကြီးဌာန ဝန်ကြီး ဒေါက်တာကံဇော်ကပြောကြားလိုက်တယ်လို့ Sputnik သတင်းအေဂျင်စီက သတင်းရေးသားပါတယ်။ 

မြန်မာနှင့်ရုရှားတို့ဟာ နိုင်ငံတွေရဲ့ငွေကြေးတွေကို အပြန်အလှန်ပြောင်းလဲခြင်းအတွက်လည်း စီစဉ်နေတယ်လို့ ဒေါက်တာကံဇော်က ဆက်လက်ပြောဆိုပါတယ်။

“ ကျွန်တော်တို့ဟာ လောလောဆယ် ရူဘယ်ကိုမသုံးသေးဘဲ ယွမ်ကိုသုံးနေပါတယ်။  ဒါပေမယ့် ကျွန်တော်တို့ဟာ ကျပ်-ရူဘယ် အပြန်အလှန်ပြောင်းလဲခြင်းသဘောတူညီချက်အတွက် ကြိုးစားဆောင်ရွက်နေကြပါတယ်။ မကြာမီမှာ လက်မှတ်ရေးထိုးဖို့ရှိနေပါတယ်လို့ ရုရှားနိုင်ငံ ဗလက်ဒီဗိုစတော့ခ်မြို့မှာ အရှေ့ဖျားဒေသ စီးပွားရေးဖိုရမ်တက်ရင်းရောက်ရှိနေတဲ့  ဒေါက်တာကံဇော်က Sputnik ကို ပြောပါတယ်။

အဲဒီအပြင် မြန်မာနိုင်ငံဟာ ရုရှားနှင့် ခရီးသွားကဏ္ဍသဘောတူညီချက်လည်း ယခုဖိုရမ်နှင့်ဆက်စပ်ပြီး မကြာမီ အပြီးသတ်လိမ့်မယ်လို့ သူမျှော်လင့်ထားတယ်လို့လည်း ဒေါက်တာကံဇော်ကပြောပါတယ်။

ပြီးခဲ့တဲ့နှစ်စက်တင်ဘာလတုန်းက ဝန်ကြီးချုပ် ဗိုလ်ချူပ်မှူးကြီးမင်းအောင်လှိုင်က ရုရှားထံမှ ရေနံထုတ်ကုန်များကို စတင်ဝယ်ယူနေပြီလို့ Sputnik ကိုပြောခဲ့တယ်လို့ သတင်းမှာဖော်ပြထားပါတယ်။

(၈)ကြိမ်မြောက် အရှေ့ဖျားဒေသစီးပွားရေးဖိုရမ်ကို ရုရှားနိုင်ငံ ဗလက်ဒီဗိုစတော့ခ်မြို့ရဲ့ အရှေ့ဖျားဒေသ ဖက်ဒရယ်တက္ကသိုလ်ဝင်းထဲမှာ စင်တက်ဘာ ၁၀ရက်မှ ၁၃ရက်အထိကျင်းပနေပြီး မြန်မာနိုင်ငံမှ နစကဝန်ကြီးများတက်ရောက်လျက်ရှိနေတာဖြစ်ပါတယ်။

Published_ 11 September 2023

 အိန္ဒိယလိုနိုင်ငံတစ်နိုင်ငံဟာ ကုလသမဂ္ဂ လုံခြုံရေးကောင်စီမှာ အမြဲတမ်းအဖွဲ့ဝင်နိုင်ငံ ဖြစ်လာပါက တူရကီနိုင်ငံအနေနဲ့ ဂုဏ်ယူရမှာဖြစ်ကြောင်း တူရကီသမ္မတ ရီဆပ်တာယစ်ပ်အာဒိုဂန်က တနင်္ဂနွေနေ့မှာ ပြောကြားလိုက်ပါတယ်။

တဆက်တည်းမှာပဲ ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင် မဟုတ်တဲ့နိုင်ငံများကလည်း အလှည့်ကျစနစ်ဖြင့် အဖွဲ့ဝင်ဖြစ်လာရန် အခွင့်အရေးရသင့်ကြောင်း ပြောကြားသွားပါတယ်။

အာဒိုဂန်က မီဒီယာရှင်းလင်းပွဲတစ်ခုမှာ မေးခွန်းတစ်ခုကို တုန့်ပြန်ဖြေကြားသွားတာ ဖြစ်ပါတယ်။

ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင် ၅ နိုင်ငံထဲမှာ တရုတ်၊ ပြင်သစ်၊ ရုရှား၊ ဗြိတိန်၊ အမေရိကန်တို့ ပါဝင်ပြီး ကမ္ဘာကြီးဟာ ထိုနိုင်ငံထက် ပိုပိုပြီး ကြီးမာလာပြီလို့ ပြောပြခဲ့ပါတယ်။
ကမ္ဘာကြီးမှာ အမေရိကန်၊ ဗြိတိန်၊ ပြင်သစ်၊ တရုတ်၊ ရုရှားတို့သာ အရေးပါတာမဟုတ်ကြောင်း၊ လုံခြုံရေးကောင်စီထဲမှာ ဒီ ၅ နိုင်ငံချည်းသက်သက် ဖြစ်မနေစေချင်ကြောင်း မှတ်ချက်ပြုသွားပါတယ်။
Source: NDTV
#World_Politics
#YMG #Yangon_Times

Published 11 September 2023

တရုတ်သိပ္ပံပညာရှင်များက လူသားဆဲလ်တွေနဲ့ ဝက်ဆဲလ်များ ဖက်စပ်ပါဝင်တဲ့ ကျောက်ကပ်တွေကို ဝက်တွေထဲမှာ အောင်မြင်စွာ ထုတ်လုပ်နိုင်ခဲ့ပြီ ဖြစ်ပါတယ်။

ဒီသုတေသနက နှလုံး၊ ပန်ကရိယတို့လို လူသားအင်္ဂါတွေကို ဝက်တွေထဲမှာ ထုတ်လုပ်နိုင်မယ့် နည်းလမ်းရရှိရန် လမ်းစဖြစ်လာပြီး လူသားအင်္ဂါ အစားထိုးခွဲစိတ်ခြင်း နည်းပညာပိုင်းမှာ အဆင့်မြင့်ဆုံး ရည်မှန်းချက် ဖြစ်လာပါတယ်။

ဒီအောင်မြင်မှုက လူသားအင်္ဂါတစ်ခုလုံးကို အခြားသတ္တဝါမျိုးစိတ်ထဲမှာ ပထမဆုံးအနေဖြင့် ထုတ်လုပ်နိုင်ခဲ့တာ ဖြစ်ပါတယ်။

ကွမ်ကျိုးဇီဝဆေးဘက်ဆိုင်ရာနဲ့ ကျန်းမာရေးတက္ကသိုလ်မှ အဖွဲ့ကဦးဆောင်ကာ အများဆုံးအစားထိုးခွဲစိတ်လေ့ရှိတဲ့ ကျောက်ကပ်အင်္ဂါကို ဦးစားပေး ထုတ်လုပ်ခဲ့ကြတာ ဖြစ်ပါတယ်။

လူသားအင်္ဂါတွေကို ဝက်တွေမှာ အစားထိုးရန် ယခင်ကကြိုးပမ်းရာမှာ မအောင်မြင်ခဲ့ပေမယ့် အခုနည်းလမ်းကတော့ လူသားဆဲလ်တွေကို လက်ခံတစ်ရှူးတွေထဲ ထည့်သွင်းနိုင်ခဲ့ကာ ဝက်တွေထဲမှာ လူသားအင်္ဂါ ထုတ်လုပ်နိုင်ခဲ့ကြောင်း စာတမ်းပြုစုသူ ပရော်ဖက်ဆာ လဲ့လျန်ရှူက ပြောပြခဲ့ပါတယ်။

လူသားနဲ့ ဝက်ကြားရှိ ဇီဝဖြစ်စဥ်ကွဲပြားမှုတွေကြောင့် လူသားပင်မစတမ်းဆဲလ်တွေကို ဝက်သန္ဓေထဲထည့်သွင်းဖို့ ခက်ခဲနေခဲ့တယ်လို့ သုတေသီများ ရှင်းပြပါတယ်။

သူတို့ရဲ့ နည်းလမ်းထဲက အဓိကကျတဲ့ နည်းပညာ ၃ မျိုးကတော့..
(၁) CRISPR နည်းလမ်းအသုံးပြုပြီး ဝက်ဆဲလ်များ ပြန်လည်တုန့်ပြန်ခြင်း မဖြစ်အောင် ဝက်သန္ဓေထဲမှာ အခြေအနေတစ်ခု ဖန်တီးရပါတယ်။

ကျောက်ကပ်ဖွံ့ဖြိုးမှုအတွက် မရှိမဖြစ်လိုအပ်တဲ့ မျိုးရိုးဗီဇ ၂ ခုမရှိအောင် ပြုပြင်လိုက်တာ ဖြစ်ပါတယ်။
(၂) ဘယ်လိုဆဲလ်မဆို ဖြစ်လာနိုင်တဲ့ လူသားပင်မစတမ်းဆဲလ်တွေကို ပေါင်းစည်းမှုနဲ့ ရှင်သန်မှု တိုးတက်လာအောင် ပြုပြင်ရပါတယ်။

ဒါကတော့ ဆဲလ်သေဆုံးခြင်း ပရိုဂရမ်ကို ယာယီတားဆီးလိုက်တာ ဖြစ်ပါတယ်။

(၃) အထူးအခြေအနေတစ်ခုမှာ ပြုပြင်ထားတဲ့ ပင်မစတမ်းဆဲလ်တွေကို လူသားအစောပိုင်းသန္ဓေဆဲလ်များအဖြစ် ပြောင်းလဲလိုက်တာ ဖြစ်ပါတယ်။

သုတေသီအဖွဲ့က သန္ဓေပေါင်း ၁,၈၂၀ ကို ဝက်မိခင် ၁၃ ကောင်ထဲသို့ ထည့်လိုက်ပါတယ်။

၂၅ ရက်မှ ၂၈ ရက်ကြာပြီးနောက် သန္ဓေသားတွေကို လေ့လာကြည့်ရာမှာ ကျောက်ကပ်တွေက ပုံမှန်တည်ဆောက်ပုံရှိပြီး ဖွံ့ဖြိုးဆဲအဆင့်မှာ လူသားဆဲလ် ၅၀ မှ ၆၀ ရာခိုင်နှုန်း ပါဝင်ဖွဲ့စည်းနေတာကို မြင်တွေ့ခဲ့ကြပါတယ်။

အင်္ဂါတွေဟာ ဆဲလ်မျိုးရိုးတစ်ခုတည်းဖြင့် ဖွဲ့စည်းထားတာ မဟုတ်တာကြောင့် လူသားအင်္ဂါတစ်ခု ရဖို့ဆိုရင် ဝက်တွေမှာ ဒီထက်ပိုမိုရှုပ်ထွေးတဲ့ နည်းလမ်းဖြင့် မျိုးရိုးဗီဇ ပြုပြင်ရမှာဖြစ်ကြောင်း၊ ထည့်သွင်းလိုက်တဲ့ လူသားဆဲလ်တွေကို လိုက်လံစစ်ဆေးနိုင်ပြီး လိုအပ်သလို ထိန်းချုပ်နိုင်ကြောင်း စာတမ်းပြုစုသူ ဒေါက်တာအက်စ်တဲဘန်က ဖော်ပြခဲ့ပါတယ်။
Source: StudyFinds
#World_Science
#YMG #Yangon_Times

Published_ 11 September 2023

ကော်တီဆောလ်ဟော်မုန်းက အိပ်ရေးပျက်ရတဲ့ အကြောင်းအရင်းတစ်ခု ဖြစ်တယ်လို့ ဆိုရှယ်မီဒီယာမှာ ဖော်ပြနေကြပါတယ်။

ကော်တီဆောလ်ကို ဖိစီးမှုဟော်မုန်းလို့လည်း ခေါ်ပြီး အက်ဒရီနယ်ဂလင်းနှစ်ခုကနေ ထုတ်လုပ်ပေးကာ စိတ်ဖိစီးမှု ဖြစ်ပေါ်တဲ့အခါ ခန္ဓာကိုယ်ထဲမှာ ကော်တီဆောလ် ထွက်ရှိမှုများလာပါတယ်။

ဒီဟော်မုန်းက ဇီဝကမ္မဖြစ်စဥ် ထိန်းသိမ်းခြင်း၊ သွေးပေါင်ချိန်ထိန်းပေးခြင်း၊ ရောင်ရမ်းမှုကို လျှော့ချပေးခြင်း၊ သွေးတွင်းသကြားဓာတ် ထိန်းညှိပေးခြင်းတို့ကို ကူညီပေးတာကြောင့် သင့်လျော်စွာ ရှိနေဖို့တော့ လိုအပ်ပါတယ်။

ကော်တီဆောလ်ကို စွမ်းအင်ပေးတဲ့ ဟော်မုန်းလို့ပြောရင် ပိုပြီးသင့်လျော်တယ်လို့ ဗြိတိန် နော်သမ်ဘရီယာတ္ကသိုလ်မှ စိတ်ကျန်းမာရေး ပရော်ဖက်ဆာ မာ့ခ်ဝစ်သရယ်လ်က ပြောပြသွားပါတယ်။

ကော်တီဆောလ်ပမာဏ မြင့်မားပါက ကိုယ်အလေးချိန်တက်ခြင်း၊ ဆီးချိုတက်ခြင်း၊ ကြွက်သားအာနည်းခြင်း၊ အရေပြားထိခိုက်လွယ်ခြင်းတို့ ဖြစ်စေနိုင်ပါတယ်။

ရေတိုမှာ ခန္ဓာကိုယ်တွင်းစနစ်များအတွက် အဆင်ပြေစေမယ့် မကြာခဏ ဖိစီးမှုဖြစ်နေရင်တော့ ရေရှည်ပြဿနာတွေ ဖြစ်လာနိုင်ပါတယ်။

ကော်တီဆောလ်ပမာဏက ညသန်းခေါင်အချိန်မှာ အနည်းဆုံးဖြစ်နေပြီး အိပ်ပျော်ပြီး ၂ နာရီ ၃ နာရီအကြာမှာ မြင့်တက်လာကာ မနက်ခင်း အိပ်ရာနိုးတဲ့အချိန်မှာ အမြင့်ဆုံးပြန်ဖြစ်လာပါတယ်။

ဒီနောက် တစ်နေ့လုံးမှာ အတက်အကျဖြစ်ပေါ်နေပြီး ဖိစီးမှုကြောင့် ကော်တီဆောလ် မြင့်တက်လာကာ အိပ်ပျော်စေဖို့ ခက်ခဲပါတယ်။

ကော်တီဆောလ်ပမာဏ မြင့်မားခြင်းက အိပ်စက်မှုကို သေချာပေါက် သက်ရောက်နေကာ လူတွေရဲ့ အပြုအမူ အနေအထားတွေက ဟော်မုန်းအတက်အကျ ဖြစ်ခြင်းရဲ့ အကြောင်းအရင်း ဖြစ်နေပြီး စစ်ဆေးနေဖို့က အလွန်အရေးကြီးပါတယ်။

ကော်တီဆောလ် မရှိဘူးဆိုရင်လည်း မနက်ခင်းမှာ နိုးထလာမှာ မဟုတ်တာကြောင့် သူ့ပမာဏနဲ့သူ ညီညွတ်မျှတစွာ ရှိနေဖို့ လိုအပ်တယ်လို့ စိတ်အထူးကုဆရာဝန် မိုက်ကယ်ဘရုစ်က ပြောပြသွားပါတယ်။
Source: WION.
#World_Health
#YMG #Yangon_Times

၁၀ စက်တင်ဘာ ၂၀၂၃

လွတ်လပ်ပြီးတရားမျှတတဲ့ ရွေးကောက်ပွဲပြန်လည်ကျင်းပနိုင်ရန် နယ်မြေအလိုက် လက်နက်ကိုင်ပဋိပက္ခများချုပ်ငြိမ်းစေရေးဆောင်ရွက်ပေးကြဖို့ နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ရှမ်းပြည်နယ် (မြောက်ပိုင်း)ပြည်သူ့စစ်ဌာနခေါင်းဆောင်တွေကို တိုက်တွန်းခဲ့ပါတယ်။

စက်တင်ဘာ ၁၀ရက် မနက်ပိုင်းက ရှမ်းပြည်နယ် (မြောက်ပိုင်း)အတွင်းရှိ ပြည်သူ့စစ် ဌာနေတပ်ဖွဲ့ဝင်များအား အရှေ့မြောက်တိုင်း စစ်ဌာနချုပ်၊ ရွှေလီရတနာခန်းမ၌ တွေ့ဆုံရာမှာ ဗိုလ်ချုပ်မှူးကြီးမင်းအောင်လှိုင်ကတွေ့ဆုံရာမှာ ယခုလိုတိုက်တွန်း ခဲ့ခြင်းဖြစ်တယ်လို့ နစကသတင်းထုတ်ပြန်ချက်အရသိရပါတယ်။

တည်ငြိမ်အေးချမ်းမှုရှိမှသာလျင် လွတ်လပ်ပြီး တရားမျှတသည့် ရွေးကောက်ပွဲ ပြန် လည်ကျင်းပနိုင်ရေးအတွက် မဲစာရင်းများကောက်ယူခြင်း လုပ်ငန်းများကို ဆောင် ရွက် နိုင်မှာဖြစ်တယ်လို့လည်း တပ်မတော်ကာကွယ်ရေးဦးစီးချုပ်က ဆက်လက်ပြောဆို ပါတယ်။

ပြည်သူ့စစ်ဌာနေတပ်ဖွဲ့ဝင်များသည် မိမိတို့၏ သဘောဆန္ဒအလျောက် မိမိတို့၏ နယ်မြေတည်ငြိမ်အေးချမ်းမှုရှိစေရေး ဆောင်ရွက် နေသည့်အဖွဲ့များဖြစ်သည့်အတွက် လေးစားအသိအမှတ်ပြုတယ်လို့လည်လည်း ဗိုလ်ချုပ်မှူးကြီးမင်းအောင်လှိုင်က ပြောတဲ့အကြောင်း သတင်းထုတ်ပြန်ချက်မှာဖော်ပြထားပါတယ်။

ပြည်သူ့စစ်ဌာနေတပ်ဖွဲ့ဝင်တွေဟာ နိုင်ငံတော်ကို လုံခြုံရေးအရ အင်အားဖြည့် ပေးနေ သည့် အင်အားစုတစ်ရပ်ပင်ဖြစ်ပြီး နိုင်ငံချစ်စိတ်ဖြင့် နယ်မြေတည်ငြိမ်အေးချမ်း အောင်  တာဝန်သိစိတ်ဖြင့်တာဝန်ထမ်းဆောင်နေကြသူတွေဖြစ်တယ်လို့လည်းဗိုလ်ချူပ်မှူးကြီး က ပြောပါတယ်။

ငြိမ်းချမ်းရေးဆွေးနွေးမှုများတွင် တိုင်းရင်း သားလက်နက်ကိုင်အဖွဲ့များအနေဖြင့် တိုင်းရင်းသားတို့၏အရေးကိုသာ တောင်းဆို လျက်ရှိပြီး ဒေသအရေးကို တောင်းဆိုမှု အားနည်းနေကြတယ်လို့ ဗိုလ်ချူပ်မှူးကြီးက ထောက်ပြပြောဆိုခဲ့ပြီး ဒေသကိုအခြေခံ သည့် ဖက်ဒရယ်စနစ်သည်သာလျင် မြန်မာနိုင်ငံနှင့်အသင့်တော်ဆုံး ဖြစ်တယ်လို့လည်း ဆက်လက်ပြောဆိုပါတယ်။

အဲဒီ့အပြင်ရှမ်းပြည်နယ် (မြောက်ပိုင်း) အတွင်းရှိ ပြည်သူ့စစ်ဌာနေတပ်ဖွဲ့ဝင်များ အနေ ဖြင့် ငြိမ်းချမ်းရေးလုပ်ငန်းစဉ်တွင် တိုင်းရင်းသားလက်နက်ကိုင်အဖွဲ့အားလုံး ပါဝင်လာ နိုင်ရေး ဝိုင်းဝန်းတိုက်တွန်း ဆောင်ရွက်ကြဖို့လည်း ဗိုလ်ချုပ်မှူးကြီးက တိုက်တွန်းခဲ့ တယ်လို့ သတင်းထုတ်ပြန်ချက်မှာဖော်ပြထားပါတယ်။

ဒေသခံပြည်သူ့စစ်ခေါင်းဆောင်များကလည်း ဒေသတွင်း၌ တိုင်းရင်းသား လက်နက် ကိုင်အဖွဲ့များ၏ အဖျက်အမှောင့်လုပ်ရပ်များကြောင့် အချို့ ဒေသခံများအနေဖြင့် ဒေသ စွန့်ခွာတိမ်းရှောင်နေရသည့်အခြေအနေများ၊ ဒေသတွင်းစီးပွားရေး ဖွံ့ဖြိုးတိုးတက်စေ  ရေးအတွက် စက်ရုံ၊ အလုပ်ရုံများ တည်ဆောက်နိုင်ရေး နိုင်ငံတော်မှ ပံ့ပိုးကူညီပေးဖို့၊  ဒေသ ထုတ်ကုန်များ ပြည်ပသို့ တင်ပို့ရာတွင် လွယ်ကူချောမွေ့ စေရေး ကူညီဆောင် ရွက်ပေးဖို့၊မုန်းဝန်းဗမာတိုင်းရင်းသားများ‌ဒေသ ဖွံ့ဖြိုးတိုးတက်ရေးအတွက် နိုင်ငံတော် နှင့်တပ်မတော်မှဖြည့်ဆည်းဆောင်ရွက်ပေးလျက်ရှိမှုစတဲ့အခြေအနေတွေကို တင်ပြခဲ့ ကြရာ ဗိုလ်ချူပ်မှူးကြီးက လိုအပ်သည်များ ဖြည့်ဆည်းဆောင်ရွက်ပေးခဲ့တယ်လို့ သတင်းထုတ်ပြန်ထားပါတယ်။

တွေ့ဆုံပွဲသို့ နယ်ခြားစောင့်တပ်ဖွဲ့ ကြီးကြပ်ရေးခေါင်းဆောင် ဗိုလ်မှူးကြီး ဝေဆန်း (အငြိမ်းစား)၊ နမ့်ခမ်းမြို့မ ပြည်သူ့စစ် ခေါင်းဆောင် ဦးအိုက်ဆမ်၊ ပန်ဆေးပြည်သူ့စစ် ခေါင်းဆောင် ဦးကျော်မြင့်၊ မန်ပန် ပြည်သူ့စစ်ခေါင်းဆောင် ဦးစိုင်းမွန်း၊ စိန်ကြော့ ပြည်သူ့ စစ်ခေါင်း ဆောင် ဦးလွယ်မောင်၊ မုံးစီးပြည်သူ့ စစ်ခေါင်းဆောင် ဦးစိုင်းမွန်းနှင့် ထင်ပါကျိုင်းပြည်သူ့စစ် ခေါင်းဆောင် ဦးခင်မောင်လွင်တို့တက်ရောက်ခဲ့ကြတယ်လို့ သိရပါတယ်။

ဗိုလ်ချုပ်မှူးကြီးနှင့်အဖွဲ့သည် အရှေ့မြောက်တိုင်းစစ်ဌာနချုပ်ကုန်းမြင့်(၁) စိုက်ပျိုး မွေးမြူရေးစခန်း သို့လည်းသွားရောက်ကြည့်ရှုစစ်ဆေးခဲ့တယ်လို့ သိရှိရပါတယ်။

ထို့အပြင် လားရှိုးမြို့ သီရိမင်္ဂလာမန်ဆူရှမ်းကျောင်းတိုက် ဆရာတော်ကြီး အဂ္ဂမဟာ ဂန္ထဝါစကပဏ္ဍိတ အဂ္ဂမဟာကမ္မဌာနာစရိယ အဂ္ဂမဟာ သဒ္ဓမ္မ ဇောတိကဓဇ ဒေါက်တာ ဘဒ္ဒန္တ ပုညနန္ဒ အား သွားရောက်ဖူးမြော်ကြည်ညိုပြီး လှူဖွယ်ပစ္စည်းများ ဆက်ကပ်လှူဒါန်းခဲ့ကြောင်းလည်းသိရှိရပါတယ်။

-ymg/knl

မော်ရိုကိုနိုင်ငံ သမိုင်းဝင် မာရက်ကားမြို့တွင် သောကြာနေ့ညက ပြင်းအား၇.၀ အဆင့်ရှိ ငလျင်လှုပ်ရှားရာ လူ ၂၀၁၂ ဦး သေဆုံးပြီး ၂၀၅၉ ဦးဒဏ်ရာရရှိခဲ့ပါတယ်။

ဒဏ်ရာရသူများအထဲတွင် ၁၄၀၄ ဦးမှာ စိုးရိမ်ရတဲ့အနေအထားရှိတယ်လို့ ပြည်ထဲရေးဝန်ကြီးဌာနကပြောပါတယ်။

မော်ရိုကိုနိုင်ငံ အယ်လ်ဟောင်းပြည်နယ် ယူနက်စကို ကမ္ဘာ့အမွေအနှစ်စာရင်းဝင် မာရက်ကားမြို့မှ ၇၀ ကီလိုမီတာအကွာရှိ အစ်ဟေးလ်မြို့အနီး ဗဟိုပြုကာ ငလျင်လှုပ်ရှားခဲ့တာဖြစ်ပါတယ်။  CCTV +

ပုဂံဘုရားများပေါ်ရှိ အပင်များ ထပ်မံဖယ်ရှားရှင်းလင်းမည်

‘စက်တင်ဘာလထဲမှာ ပုဂံမြို့သစ်မှာရှိတဲ့ သင်္ဃရာဇာဘုရားစုရှိဘုရား(၅)ဆူပေါ်မှာ ပေါက်ရောက်နေတဲ့ အပင်တွေကို ရှင်းလင်းဖယ်ရှားသွားမှာဖြစ်တယ်’ Bagan Heritage Trustအဖွဲ့ တွဲဖက်အတွင်းရေးမှူး
#Yangon_Times/tthl
#Published_ 9 September 2023
#Local_News
#YMG #Yangon_Times

Published 10 September 2023 

ကုန်ကြမ်းဈေးမြင့်တက်နေပြီး ဘဲဥဈေးမတည်ငြိမ်မှုကြောင့် လုပ်ငန်းရှင်များ အခက်ကြုံနေဟုဆို

နိုင်ငံတော်အနေနဲ့ သက်သာတဲ့ဈေးနှုန်းနဲ့ ချေးငွေထုတ်ပေးမယ်ဆိုရင် ဘဲမွေးမြူရေးလုပ်ငန်း တွင်ကျယ်လာနိုင်
#Yangon_Times/MY
#Published_ 9 September 2023
#Local_News
#YMG #Yangon_Times

Published_ 10 September 2023

အစ္စရေးလ်နိုင်ငံ ဝစ်ဇ်မန်းသိပ္ပံတက္ကသိုလ်မှ သုတေသီများက ဓာတ်ခွဲခန်းမှ ထုတ်လုပ်တဲ့ ပင်မစတမ်းဆဲလ်တွေကနေ ရရှိလာတဲ့ ၁၄ ရက်သက်တမ်းရှိ လူသားသန္ဓေသားပုံစံများကို ပထမဆုံးအနေဖြင့် အောင်မြင်စွာဖန်တီးနိုင်ခဲ့ပါတယ်။

ဒါဟာ လူသားဖြစ်ပေါ်မှု အစောဆုံးအဆင့်တွေကို ဝင်ရောက်ဖန်တီးနိုင်ခဲ့တာ ဖြစ်ပြီး မျိုးမအောင်ခြင်း၊ မမွေးဖွားနိုင်ခြင်း၊ အတွင်းအင်္ဂါကြီးထွားမှု ပြဿနာတွေကို သုတေသနပြုလုပ်ဖို့ နည်းလမ်းတွေ ထွက်ပေါ်လာစေပါတယ်။

မော်လီကျူးဇီဝပညာရှင် ပရော်ဖက်ဆာ ဂျေကော့ဟန်နာ ဦးဆောင်တဲ့ ဝစ်ဇ်မန်းသုတေသီအဖွဲ့က ပင်မစတမ်းဆဲလ်နှစ်မျိုးဖြင့် စတင်စမ်းသပ်ခဲ့ကာ လူ့အရေပြားဆဲလ်များမှ ပြန်လည်ပြုပြင်ထားတဲ့ ဆဲလ်တွေနဲ့ ဓာတ်ခွဲခန်းထုတ် ပင်မစတမ်းဆဲလ်တွေကနေ ရရှိတဲ့ ဆဲလ်တွေ ဖြစ်ပါတယ်။

၂၀၁၃ ခုနှစ်က ဂျေကော့ဟန်နာမှ ဖန်တီးခဲ့တဲ့ အထူးနည်းပညာဖြင့် ထိုဆဲလ်တွေကို ၇ ရက်သက်တမ်းရှိ အစားထိုးခွဲစိတ်နိုင်မယ့် သန္ဓေသားအဖြစ်သို့ ပြောင်းလဲနိုင်ခဲ့ပါတယ်။

အရိုးစင်းဆုံး ပင်မစတမ်းဆဲလ်တွေကို သန္ဓေသား၊ သန္ဓေအိတ်၊ အချင်းဆိုပြီး ၃ ခုခွဲခြားလိုက်ပါတယ်။

ဓာတုပစ္စည်းများ၊ အခြားအခြေအနေများနဲ့ ပေါင်းစပ်လိုက်တဲ့အခါ ၁ ရာခိုင်နှုန်းလောက်က ၁၄ သက်တမ်းရှိ လူသားသန္ဓေတည်ဆောက်မှုကို မြင်တွေ့ခဲ့ရပါတယ်။

မိုက်ခရိုစကုပ်ဖြင့် ကြည့်ရှုရာမှာ အတွင်းဖွဲ့စည်းပုံတွေက လူသားသန္ဓေသားပုံသဏ္ဍာန်တွေနဲ့ ကိုက်ညီနေပါတယ်။

ပထမဆုံးလက အရေးကြီးပြီး ထည့်သွင်းလိုက်တဲ့ ဆဲလ်တွေက အင်္ဂါစုံပါဝင်တဲ့ သန္ဓေသားဖြစ်လာချိန်မှာတော့ နားလည်ရခက်နေပါတယ်။

သူတို့အဖွဲ့ဟာ သန္ဓေသား ကောင်းစွာမဖွံ့ဖြိုးဘဲ ကိုယ်ဝန်စောစီးစွာ ပျက်ကျရတဲ့ဖြစ်စဥ်တွေကို လေ့လာထားပြီးဖြစ်ပြီး နောက်ထပ်လေ့လာမှုများ ပြုလုပ်ခြင်းဖြင့် မွေးဖွားမှုချို့ယွင်းခြင်း မျိုးမအောင်ခြင်း ပြဿနာများရဲ့ အကြောင်းအရင်းများကို သိရှိလာနိုင်ဖွယ်ရှိကာ ဆဲလ်တစ်ရှူးတွေနဲ့ အင်္ဂါတွေ အစားထိုးခွဲစိတ်နိုင်ဖို့ အရေးပါလာမှာဖြစ်ပါတယ်။

သူတို့ရဲ့တွေ့ရှိချက်တွေက ဖြေရှင်းချက်အခွင့်အလမ်း များစွာပေါ်ပေါက်လာနိုင်ပြီး သန္ဓေသားဖွံ့ဖြိုးမှု ပြဿနာများကို ဖော်ထုတ်လာနိုင်ဖွယ်ရှိကြောင်း ပြောကြားသွားပါတယ်။  
Source: India Today
#World_Science
#YMG #Yangon_Times