#World_Exhibition
Published_ 19 May 2023

ကမ္ဘာကြီးပူနွေးလာမှု အန္တရာယ်များကို နားလည်စေချင်ရုံသာမက တစ်ဦးချင်းစုပေါင်းလုပ်ဆောင်ရမယ့်အရာများကို သိရှိစေမည့် ရာသီဥတုအရေးပေါ်ပြခန်းအသစ်ကို ပဲရစ်မြို့ရှိ ဆီတဲဒက်စ်ဆိုင်းယန့်စ်မှာ အင်္ဂါနေ့က ဖွင့်လှစ်လိုက်ပါတယ်။

#World_Exhibition #ရာသီဥတုပြောင်းလဲမှု #ရာသီဥတုအရေးပေါ်ပြခန်းကြီး# ပဲရစ်တွင်ဖွင့်လှစ်ပြသ #YMG #Yangon_Media_Group

#Local_News
Published_ 19 May 2023

မိုခါမုန်တိုင်းကြောင့် ထိခိုက်ပျက်စီးမှုတွေကိုထပ်မံစစ်ဆေးခဲ့ရာမေလ(၁၈)ရက်အထိစာရင်းတွေအရ ဒေသ(၁၁)ခုတွင် ဒေသခံပြည်သူ(၅၄)ဦးသေဆုံးခဲ့ပြီးရခိုင်ပြည်နယ်မှာသေဆုံးသူ(၁၄၅)ဦးအထိရှိလာသလို လူနေအိမ်နဲ့အဆောက်အဦ(၁)သိန်း(၈)သောင်း (၆)ထောင်ကျော်ထိခိုက်ပျက်စီးခဲ့တယ်လိုနစကရဲ့ထုတ်ပြန်ချက်အရသိရပါတယ်၊၊

#Local_News #မိုခါမုန်တိုင်း #ဒေသခံပြည်သူ #လူနေအိမ်နှင့်အဆောက်အဦး
#YMG #Yangon_Media_Group

#Local_News
Published_ 19 May 2023

ကျန်းမာရေးဝန်ကြီးဌာနရဲ့ မေ ၁၈ရက်နေ့ည၈နာရီထုတ်ပြန်ချက်အရ ပြည်တွင်းမှာ ဓာတ်ခွဲနမူနာ ၈၄၂၃ ဦးကိုဓာတ်ခွဲစစ်ဆေးခဲ့ရာ ကိုဗစ်(၁၉)လူနာသစ် ၁၃၃ ဦး ထပ်မံတွေ့ရှိခဲ့ကြောင်း ထုတ်ပြန်ချက်အရသိပါတယ်။

#Local_News #ကိုဗစ်လူနာသစ်၁၃၃ ဦး
#YMG #Yangon_Media_Group

#Local_New
Published_ 19 May 2023

ယခု တစ်ပတ်ဈေးကွက်အတွင်း စက်သုံးဆီဈေးမှာ နှုန်းထားတစ်ရာဝန်းကျင် ပြန်ဈေးတက်လာပြီး ၉၂တစ်လီတာလျှင် ၁၉၈၅အထိ ရောက်ရှိလာကြောင်း ယနေ့ဈေးနှုန်း ထုတ်ပြန်ချက်များအရ သိရပါတယ်။

#Local_New #စက်သုံးဆီဈေးနှုန်း #၂၀၀၀ဝန်းကျင်
#YMG #Yangon_Media_Group

#Daily_News
Published_ 19 May 2023

၁။ စက်သုံးဆီဈေးနှုန်း ၂၀၀၀ဝန်းကျင်သို့ ပြန်တက်လာ

၂။ မြန်မာတွင် ကိုဗစ်လူနာသစ် ၁၃၃ ဦး ထပ်တွေ့ရှိ

၃။ မိုခါမုန်တိုင်းကြောင့် ဒေသ(၁၁)ခုတွင်ဒေသခံပြည်သူ(၅၄)ဦးသေဆုံး၊လူနေအိမ်နှင့်အဆောက်အဦး(၁)သိန်း(၈)သောင်းကျော် ထိခိုက်ပျက်စီးခဲ့ ၊ရခိုင်တွင်သေဆုံးသူ(၁၄၅)ဦးအထိရှိလာ

၄။ ရာသီဥတုပြောင်းလဲမှုကို နားလည်စေရန် နှင့် ထိန်းသိမ်းနိုင်ရန် ရည်ရွယ်သည့် ရာသီဥတုအရေးပေါ်ပြခန်းကြီးအား ပဲရစ်တွင်ဖွင့်လှစ်ပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 19 May 2023

ကမ္ဘာ့ရွှေပေါက်စျေးဟာ မေလ ၁၉ရက်နေ့ မနက်ပိုင်းမှာ တစ်အောင်စကို ၁၉၆၇ ဒေါ်လာပေါက်စျေးရှိနေပြီး စျေးအနည်းငယ်ကျဆင်းလာတယ်လို ရန်ကုန်ရွှေလုပ်ငန်းရှင်တွေကပြောပါတယ်။ရန်ကုန်တိုင်းရွှေအသင်းကတော့ ၂၃သိန်း၁သောင်းကျော်ရည်ညွှန်းသတ်မှတ်ထားပါတယ်။

#Local_News #ကမ္ဘာ့ရွှေစျေး #ဒေါ်လာပေါက်စျေး #ပြင်ပရွှေပေါက်စျေး
#YMG #Yangon_Media_Group

#Local_News
Published_ 19 May 2023

တောင်ငူထောင်(သီးသန့်) တရားရုံး၌ရုံးထုတ်စစ်ဆေးစဉ်အချုပ်သားများက သေနတ် ၂ လက်လုယူထွက်ပြေးမှု ဖြစ်ပွားခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ချက်အရ သိရသည်။

မေလ ၁၈ ရက် ညညနေ ၃ နာရီချိန်ခန့်တွင် တောင်ငူမြို့အမှတ်(၇)ရပ်ကွက် တောင်ငူအကျဉ်းထောင်ဝင်ပေါက်၏တောင်ဘက် လမ်းတစ်ဖက်ခြမ်းရှိ(သီးသန့်) တရားရုံး၌ လုံခြုံရေးတပ်ဖွဲ့ဝင်အစောင့်အရှောက်များလိုက်ပါလျက် အမျိုးသား ၃၄ ဦး၊ အမျိုးသမီး ၇ ဦးတို့အား ရုံးထုတ်စစ်ဆေးစဉ် ယင်းအထဲမှ အမျိုးသား ၉ ဦးနှင့် အမျိုးသမီး ၁ ဦးတို့က ယာယီအချုပ်ခန်းတံခါးကို တွန်းဖွင့်ကာ လုံခြုံရေးအဖွဲ့ထံမှ သေနတ် ၂ လက် လုယူထွက်ပြေးသွားခဲ့ခြင်း ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ယခုအခါ လုံခြုံရေးတပ်ဖွဲ့ဝင်များက ပိတ်ဆို့ရှာဖွေခြင်းများဆောင်ရွက်လျက်ရှိကြောင်း နစက သတင်းထုတ်ပြန်ရေးအဖွဲ့က ထုတ်ပြန်ရာတွင် ဖော်ပြထားသည်။
#ymg/pl
#YMG #Yangon_Media_Group

#Local_News
Published_ 19 May 2023

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ထံ မြန်မာနိုင်ငံဆိုင်ရာကမ္ဘောဒီးယားနိုင်ငံသံအမတ်ကြီး သံအမတ်ခန့်အပ်လွှာကို ပေးအပ်ခဲ့ကြောင်း သိရသည်။

ယနေ့ မေလ ၁၉ ရက် နံနက်က ယနေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံး၊ သံတမန်ဆောင်ဧည့်ခန်းမ၌ မြန်မာနိုင်ငံဆိုင်ရာ ကမ္ဘောဒီးယားနိုင်ငံအမတ်ကြီးအဖြစ် ခန့်အပ် ရန် သဘောတူညီပြီးဖြစ်သော သံအမတ်ကြီး H.E. Mr. CHUM Angvichet က ၎င်း၏သံအမတ်ခန့်အပ်လွှာကို ပေးအပ်ခဲ့ခြင်း ဖြစ်ကြောင်း သိရသည်။

ကမ္ဘောဒီးယားနိုင်ငံအနေဖြင့် မြန်မာနိုင်ငံဘက်မှရပ်တည်နေမှုနှင့် မြန်မာနိုင်ငံ၏ တည်ငြိမ်အေးချမ်းရေး ဖော်ဆောင်နေမှုအပေါ် ကမ္ဘောဒီးယားနိုင်ငံမှ ယုံကြည်မှုရှိသည့်အခြေအနေများ၊ နှစ်နိုင်ငံသံတမန် ဆက်ဆံရေး၊ ချစ်ကြည်ရင်းနှီးမှု နှင့် ပူးပေါင်းဆောင်ရွက်မှုများ တိုးမြှင့်ဆောင်ရွက်သွားမည့် ကိစ္စများ၊ မြန်မာနိုင်ငံ တွင်ကိုဗစ် - ၁၉ ရောဂါ ဖြစ်ပွားချိန်၌ ကမ္ဘောဒီးယားနိုင်ငံမှ အကူအညီများပေးခဲ့မှုနှင့် ကိုဗစ်- ၁၉ ကာကွယ်ဆေးများ ထပ်မံပေးအပ်သွားမည့် အခြေအနေ၊ နှစ်နိုင်ငံခရီးသွား လုပ်ငန်းများ ဖွံ့ဖြိုးတိုးတက်ရေးအတွက် လေကြောင်းတိုက်ရိုက်ပျံသန်းပြေးဆွဲမှုတိုးချဲ့ ရေးကိစ္စ၊ သာသနာရေး၊ ပညာရေးနှင့် ကုန်သွယ်မှုကဏ္ဍများတွင် ပူးပေါင်း ဆောင်ရွက်မှုများ မြှင့်တင်ဆောင်ရွက်သွားမည့် ကိစ္စရပ်များကိုလည်း ဆွေးနွေးခဲ့ကြကြောင်း သိရသည်။
ymg/pl
#YMG #Yangon_Media_Group

#Local_News
Published_ 19 May 2023

ဆိုင်ကလုန်းမုန်တိုင်း မိုခါ သဘာဝဘေးအန္တရာယ်သင့်ခဲ့သည့် ဒေသများရှိ ပြည်​ပြည်သူများအတွက် ဂျပန်နိုင်ငံရောက် မြန်မာနိုင်ငံသားများနှင့် စေတနာရှင်များက စုပေါင်းလှူဒါန်းငွေ ယန်း ၂၁၃၈၅၀၀(ယန်း ၂သန်း ၁သိန်း ၃သောင်း ၈ထောင့်ငါးရာ)ကို နိုင်ငံခြားရေးဝန်ကြီးဌာနမှတစ်ဆင့်ပေးပို့လှူဒါန်းသွားမည်ဖြစ်ကြောင်း တိုကျိုမြို့ မြန်မာသံရုံးက သိရသည်။

အလွန့်အလွန်အားကောင်းသော ဆိုင်ကလုန်းမုန်တိုင်း မိုခါ (Mocha) သည် မြန်မာနိုင်ငံ အတွင်းသို့ ရခိုင်ပြည်နယ်၊ စစ်တွေမြို့အနီးမှ ဖြတ်ကျော်ဝင်ရောက်ခဲ့သဖြင့် ထိခိုက်ပျက်စီး ဆုံးရှုံးမှုများ ဖြစ်ပေါ်ခဲ့ကာ ရခိုင်ပြည်နယ်အတွင်းရှိ မြို့နယ် ၁၇ မြို့နယ်၊ ချင်းပြည်နယ်အတွင်းရှိ မြို့နယ် ၄ မြို့နယ်ကို သဘာဝဘေးအန္တရာယ် ကျရောက်သော ဒေသများအဖြစ် သတ်မှတ် ကြေညာထားသည်။

အဆိုပါသဘာဝဘေးအန္တရာယ်သင့်ခဲ့ရသည့် ဒေသများရှိ ပြည်သူများအတွက် ကူညီ ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် မြန်မာသံရုံး၊ တိုကျိုမြို့ရှိ သံအမတ်ကြီးနှင့် သံရုံးဝန်ထမ်းများ၊ နာဂိုယာမြို့နှင့် ကိုဘေးမြို့များရှိ မြန်မာ ဂုဏ်ထူးဆောင်ကောင်စစ်ဝန်များ၊ ဂျပန်စီးပွားရေးကုမ္ပဏီများ၊ ဂျပန်နိုင်ငံရောက် မြန်မာ နိုင်ငံသား စေတနာရှင်များ၊ ဂျပန်နိုင်ငံသားစေတနာရှင်များ၊ ဂျပန်နိုင်ငံရှိတက္ကသိုလ်အသီးသီး တွင် ပညာသင်ကြားနေကြသော အစိုးရပညာတော်သင်များမှ စုပေါင်းလှူဒါန်းငွေ ယန်း ၂,၁၃၈,၅၀၀ (ယန်း နှစ်သန်းတစ်သိန်း သုံးသောင်းရှစ်ထောင့်ငါးရာ) အား အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီသို့ နိုင်ငံခြားရေးဝန်ကြီးဌာနမှတစ်ဆင့် ပေးပို့ လှူဒါန်းသွားမည် ဖြစ်ကြောင်း သံရုံးထုတ်ပြန်ချက်တွင်ပါရှိသည်။
 
ယင်းအ​ပြင်စေတနာရှင်များ၏ ထပ်မံထည့်ဝင်လှူဒါန်းငွေများ ရရှိလာပါကလည်း ဆက်လက်ပေးပို့ လှူဒါန်းသွားမည် ဖြစ်ကြောင်းလည်း ပါရှိသည်။
#ymg/pl
#Yangon-Media-Group

#Local_News
Published_ 19 May 2023

ရခိုင်ပြည်နယ်ရှိ မိုခါမုန်တိုင်းဒဏ်သင့်ဒေသများရှိ ပြည်သူများ အဆင်ပြေစေရန်ရည်ရွယ်ပြီး ကမ္ဘောဇဘဏ်မှ မေ ၁၇ ရက် မှ ဇွန် ၃၀ ရက်အတွင်း ငွေလွှဲခဝန်ဆောင်မှု အခမဲ့အစီအစဉ် ရယူနိုင်ကြောင်း ထုတ်ပြန်ကြေညာထားပါသည်။

Customer များအနေဖြင့် မေ ၁၇ ရက်မှ ဇွန် ၃၀ ရက်အတွင်း ရခိုင်ပြည်နယ်ရှိ ကမ္ဘောဇဘဏ်ခွဲများတွင် ဖွင့်လှစ်ထားသည့် ဘဏ်စာရင်းတစ်ခုသို့/မှဖြစ်စေ၊ ဘဏ်စာရင်းဖွင့်လှစ်ထားသော အခြား ဘဏ်ခွဲထံသို့ဖြစ်စေ/ မှဖြစ်စေ Cash Deposit - ငွေသွင်းခြင်း၊ Cash Withdrawal - ငွေထုတ်ခြင်း၊ Inhouse Cheque Deposit (Debit Account  အနေဖြင့်ဖြစ်စေ၊ Credit Account အနေဖြင့်ဖြစ်စေ ချက်လက် မှတ်ဖြင့် ငွေသွင်း/ငွေထုတ်ခြင်း)၊ Account to Account Transfer (Debit Account အနေဖြင့်ဖြစ်စေ၊ Credit Account အနေဖြင့်ဖြစ်စေ account အချင်းချင်းငွေလွှဲခြင်း)စသည့် transaction များကို ပြုလုပ်သည့်အခါ ဝန်ဆောင်ခ ကင်းလွတ်ခွင့်ရရှိမည် ဖြစ်ကြောင်း သိရသည်။

ယင်းအပြင် ဆိုင်ကလုန်းမုန်တိုင်းမိုခါကြောင့် မုန်တိုင်းဒဏ်ခံစားခဲ့ရသော ပြည်သူများအတွက် စုပေါင်းပါဝင်ကူညီနိုင်ရန် KBZPay Marketနှင့်မြန်မာနိုင်ငံ ကြ က်ခြေနီအသင်း (MRCS)တို့ပူးပေါင်း၍အရေးပေါ်လိုအပ်မည့်အစားအ သောက်၊ ဆေးဝါးနှင့်အသုံးအဆောင် ပစ္စည်းများကို KBZ Marketနှင့် KBZ Payကနေ အလှူခံအစီအစဥ်များပြုလုပ်ထားပြီး အလှူ ပစ္စည်းများနှင့်ဆေးဝါးများကို လိုအပ်သည့်နေရာများသိူ့အရောက်ပို့ဆောင်သွားမည်ဖြစ်ကြောင်းလည်း အသိပေးထားသည်။

#ymg/pl
#YMG #Yangon_Media_Group

#Local_News
Published_19 May2023

မကွေးမြို့၊ ကွန်ပျူတာ တက္ကသိုလ််အရှေ့ဘက်အနီးတွင် အမျိုးသား၁ဦး ကားကြိတ်ခံရကြောင်းယူဆရသူတစ်ဦး ဝမ်းဗိုက်အတွင်းမှ အူများထွက်ကာ သေဆုံးနေကြောင်း ရောင်စုံ မေတ္တာလူမှုကူညီရေးအသင်းကသိရသည်။

မေလ၁၉ရက် နံနက် ၄နာရီ ၄၉မိနစ်က မကွေးမြို့၊ တောင်တွင်းလမ်း ၊ ကွန်ပျူတာ တက္ကသိုလ််အရှေ့ဘက်နားတွင် အမျိုးသားတစ်ဦး ဗိုက်က အူတွေထွက်ပြီးသေဆုံးနေကြောင်းဖုန်းဆက်အကြောင်းကြားလာခဲ့ကြောင်း သိရသည်။

"ရောက်သွားတော့ လူက အူတွေထွက်ပြီးသေနေပြီ။ ကားကြိတ်ခံရတယ်လို့ ယူဆရတယ်"ဟု ယင်းအသင်းကသိရသည်။

ယင်းသေဆုံးသူ အမျိုးသားတစ်ဦးအား လိုအပ်သောဆေးစစ်ချက် များရယူနိုင်ရန်မကွေးတိုင်းပြည်သူ့ဆေးရုံကြီးရင်ခွဲရုံသို့ကူညီပို့ဆောင်ပေးခဲ့ကြောင်းသိရသည်။

သေဆုံးသူအားသိရှိပါက ဆက်သွယ်ပေးကြရန်လည်း မြန်မာနိုင်ငံလူမှုကယ်ဆယ်ရေးအဖွဲ့ရောင်စုံ မေတ္တာ လူမှုကူညီရေးအသင်းက အသိပေးထားသည်။

#ymg/pl
#YMG #Yangon_Media_Group

#Local_News
Published_ 19 May 2023

၂၀၂၃-၂၀၂၄ ဘဏ္ဍာရေးနှစ်တွင် ပညာရေးဝန်ကြီးဌာန အပါအဝင် ပညာရေးနှင့်ဆက်စပ်နေသည့် ဝန်ကြီးဌာနများအတွက် ပညာရေးအသုံးစရိတ် စုစု ပေါင်း ၃၁၄၆ ဒသမ ၁၄၉ ဘီလီယံကို ခွင့်ပြုထားကြောင်း မေလ ၁၈ ရက် က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ ၌ ကျင်းပခဲ့သော မြန်မာနိုင်ငံလုံးဆိုင်ရာပညာရေးညီလာခံ(၂၀၂၃) ဖွင့်ပွဲအခမ်းအနားအတွင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ပြောကြားခဲ့သည်။

အဆိုပါခွင့်ပြုပေးထားသည့် ပညာရေးအသုံးစရိတ်သည် ပြည်ထောင်စုအသုံးစရိတ်၏ ၉ ဒသမ ၄၈ ရာခိုင်နှုန်းနှင့် ဂျီဒီပီ၏ ၂ ဒသမ ၁၈ ရာခိုင်နှုန်းရှိကြောင်း၊ နစက တာဝန်ယူခဲ့သည့် ၂ နှစ်တာကာ လအတွင်း ၂၀၂၁ ခုနှစ်၊ အောက်တိုဘာလကစတင်ပြီး သင်ကြားရေးဆရာ ဆရာမများအား ပညာအရည်အချင်းအလိုက် ချီးမြှင့်ငွေများပေးအပ်ခဲ့ရာတွင် ပါရဂူဘွဲ့အတွက် သုံး သောင်းကျပ်နှုန်း၊ မဟာဘွဲ့အတွက် နှစ်သောင်းငါးထောင်ကျပ်နှုန်းဖြင့် ဘွဲ့လွန် ဒီပလိုမာအတွက် တစ်သောင်းကျပ်နှုန်းဖြင့် လစဉ်ချီးမြှင့်ပေးအပ်လျက်ရှိကြောင်းလည်း ၎င်းကပြောသည်။

၂၀၂၂ ခုနှစ်၊ ဧပြီလ ၁ ရက်က စတင်၍ အုပ်ချုပ်မှုစရိတ်အဖြစ် တက္ကသိုလ် ပါမောက္ခချုပ်၊ ပညာရေးဒီဂရီကောလိပ်ကျောင်းအုပ်ကြီးများနှင့် မူလတန်း၊ အလယ် တန်း၊ အထက်တန်းကျောင်းအုပ်ကြီးများအား ကနဦးလစာ၏ ၁၀ ရာခိုင်နှုန်းကို လစဉ်ထပ်ဆောင်း ချီးမြှင့်ပေးအပ်လျက် ရှိကြောင်း၊ ၂၀၂၁ ခုနှစ်၊ အောက်တိုဘာလမှ စတင်ပြီး တိုင်းရင်းသား နေ့စားလပေး သင်ကြားရေးအထောက်အကူပြု ဆရာ (Teaching Assistant) များအား မူလက တစ်လလျှင် ကိုးသောင်းခြောက်ထောင်ကျပ်မှ တစ်သိန်း သုံးသောင်းကျပ်ကိုလည်းကောင်း၊ တိုင်းရင်းသားဘာသာစကားသင် ဆရာ (Language Teacher)များအား ပုတ်ပြတ်တစ်လလျှင် သုံးသောင်းကျပ်နှုန်းမှ ခြောက် သောင်းကျပ်ကိုလည်းကောင်း တိုးမြှင့်ပြီးလစဉ်ချီးမြှင့်ပေးအပ်လျက်ရှိကြောင်းလည်း ယင်းကဆိုသည်။

၂၀၂၂ ခုနှစ်၊ ဩဂုတ်လကစတင်၍ အိမ်ငှားစရိတ်အဖြစ် လူပျို၊ အပျိုများအတွက် မူရင်းလစာ၏ ၄ ရာခိုင်နှုန်းနှင့် အိမ်ထောင်သည်များအတွက် မူရင်းလစာ၏ ၈ ရာခိုင် နှုန်း၊၂၀၂၂ - ၂၀၂၃ ဘဏ္ဍာရေးနှစ်မှစတင်ပြီး ဝတ်စုံစရိတ်အဖြစ် ဘဏ္ဍာရေးနှစ်တစ်နှစ်အတွက် တစ်ဦးလျှင်သုံးသောင်းကျပ် ထောက်ပံ့ လျက်ရှိကြောင်းလည်း သိရသည်။

ထို့ပြင် ထိရောက်သည့် သင်ကြားသင်ယူမှုမြှင့်တင်နိုင်ဖို့အတွက် ဆရာကျောင်း သားအချိုးမျှတရန်လိုအပ်သည်နှင့်အညီ ပညာရေးဝန်ကြီးဌာနတွင် ဆရာဆရာမ အသစ်များကိုခန့်ထားပေးခဲ့ရာ မူလတန်းပြ၊ အလယ်တန်းပြ၊ အထက်တန်းပြ ဆရာ ဆရာမပေါင်း ၁၃၉၀၃ ဦး၊ တက္ကသိုလ်နည်းပြ၊ သရုပ်ပြ ၅၈၉၉ ဦးနှင့် ပညာရေးဒီဂရီ ကောလိပ် နည်းပြ၊ သရုပ်ပြ ၃၃၃ ဦး၊၊ အခြားဝန်ကြီးဌာန များက ကျောင်းအသီးသီးတွင်လည်း ဆရာ၊ ဆရာမ ၇၅၃၇ ဦး ခန့်အပ်ခဲ့ကြောင်း၊ယခင်က ပညာရေးတက္ကသိုလ် နှစ်ခုမှာသာဖွင့်လှစ်ခဲ့သည့် ဘီအီးဒီ (စာပေးစာယူ) ဘွဲ့သင်တန်းကို ပညာရေးဒီဂရီကောလိပ် ၂၅ ကျောင်းတွင် တစ်နှစ်လျှင် နှစ်သုတ်နှုန်း ဖြင့် တိုးချဲ့ဖွင့်လှစ်ပေးလျက်ရှိကြောင်းလည်း နစက ဥက္ကဌက ပြောသည်။

အရည်အသွေးရှိသည့် ပညာရေးကို သင်ကြားနိုင်ခွင့်ရရှိရန်နှင့် သင်ကြား သင်ယူမှုဝန်းကျင်ကောင်းများ ဖန်တီးပေးနိုင်ရန်အတွက် အခြေခံပညာကဏ္ဍတွင် စာသင်ဆောင်အသစ် ၅၈၃၅ ဆောင်၊ စာကြည့်တိုက် ၁၂၅ ဆောင်၊ အဆင့်မြင့် ပညာကဏ္ဍ တက္ကသိုလ်များမှာ စာသင်ဆောင်အသစ် ၂၁ ဆောင်၊ ကျောင်းသား၊ ကျောင်းသူ အိပ်ဆောင် ၂၂ ဆောင်၊ ဆရာ ဆရာမအဆောင် ၃ ဆောင်၊ ဘွဲ့နှင်းသဘင်ခန်းမ ၃ ခု၊ သုတေသနစင်တာ ၅ ခု၊ စာကြည့်တိုက် ၃ ခု၊ အားကစားရုံ ၁ ရုံနဲ့ ပညာရေးဒီဂရီကောလိပ်များမှာ စာသင်ဆောင်အသစ် ၂၃ ဆောင်၊ ကျောင်းသား၊ ကျောင်းသူ အိပ်ဆောင် ၄၀ ၊ ဝန်ထမ်းအိမ်ရာ ၂၇ ခု၊ စာကြည့်တိုက် ၁ ခု၊ အားကစားရုံ ၂ ရုံတို့ဆောက်လုပ်ပေးခဲ့သည့်အပြင် တက္ကသိုလ်၊ ဒီဂရီကောလိပ်နှင့် ကျောင်းတိုင်းတွင် သင်ထောက်ကူ ပစ္စည်း၊ စက်ပစ္စည်း၊ ပရိဘောဂ၊ ဓာတ်ခွဲခန်းသုံးပစ္စည်း၊ ရည်ညွှန်း စာအုပ်များကို ဖြည့်ဆည်းပေးခဲ့ပါကြောင်း၊ အခြားဝန်ကြီးဌာနများမှ ကျောင်းအသီးသီး တွင် အဆောက်အဦ ၁၄၈ လုံးဆောက်လုပ်ပေးနိုင်ခဲ့ကြောင်းလည်း ပညာရေးဝန်ကြီးဌာန စာရင်းများအရ သိရသည်။

ယခုကျင်းပသည့် မြန်မာနိုင်ငံလုံးဆိုင်ရာ ပညာရေး ညီလာခံ(၂၀၂၃) တွင် ဝန်ကြီးဌာနပေါင်းစုံမှ ပညာရှင်များက အနာဂတ်မြန်မာ့ပညာရေး ပိုမိုကောင်းမွန် စေရေးအတွက် ရှုထောင့်စုံမှရင်းနှီးပွင့်လင်းစွာ သုံးသပ်ဆွေးနွေးကြရန်လည်း နစက ဥက္ကဌက အဆိုပါ အခမ်းအနားတွင် ပြောကြားခဲ့ကြောင်း သိရသည်။
ymg/pl
#Local_News #၂၀၂၃-၂၀၂၄ ဘဏ္ဍာရေးနှစ် #ပညာရေးအသုံးစရိတ် #နစကဥက္ကဌ
#YMG #Yangon_Media_Group