၇ စက်တင်ဘာ ၂၀၂၃

ခေတ်အဆက်ဆက်တွင် နိုင်ငံဝင်ငွေရရှိရေးအတွက် သစ်များထုတ်ယူရောင်းချခဲ့  သဖြင့် သစ်တောဖုံးလွှမ်းမှု သည် ၄၂ ရာခိုင်နှုန်းခန့်အထိ ကျဆင်းလာခဲ့တယ် လို့ နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ်ဗိုလ်ချူပ်မှူးကြီးမင်းအောင်လှိုင်က ပြောပါတယ်။

စက်တင်ဘာ (၇)ရက် ကြာသပတေးနေ့က နေပြည်တော်၊ ဇေယျာသီရိမြို့နယ်၊ ရေဆင်းဆည်အနီး၌ ကျင်းပပြုလုပ်တဲ့  ၂၀၂၃ ခုနှစ်၊ ကာကွယ်ရေးဦးစီးချုပ်ရုံး (ကြည်း၊ ရေ၊ လေ) မိသားစု များ၏ စတုတ္ထအကြိမ်မိုးရာသီသစ်ပင်စိုက်ပျိုးပွဲ အခမ်းအနားမှာ တပ်မတော်ကာကွယ်ရေးဦးစီးချုပ်က ယခုလိုထုတ်ဖော်ပြောကြားခဲ့တာဖြစ်ပါတယ်။

သစ်တောထူထပ်ပြီး အဖိုးတန်သစ်တောတွေရှိသည့် မိမိတို့နိုင်ငံကို နယ်ချဲ့ များက မတရားကျူးကျော်မှုများ ပြုလုပ်ခဲ့ကြပြီး အတိုင်းအဆမရှိ သစ်တောများကို ခုတ်လှဲယူခဲ့ကြတယ်လို့လည်းဗိုလ်ချူပ်မှူးကြီးကပြောတယ်လို့ နစကရဲ့ သတင်း   ထုတ် ပြန်ချက်မှာဖော်ပြထားပါတယ်။

သစ်တောသစ်ပင်များပြန်လည်ထူထောင် ဖြည့်တင်းခြင်း များကို မှန်မှန်ကန် ကန်ဆောင်ရွက်မှုမရှိပါက သဘာဝတရား၏ရိုက်ခတ်မှုဒဏ်ကို ခံကြရမှာဖြစ်လို့ သစ် တောများနှင့်နီးကပ်နေသည့် ကျေးလက်ဒေသများတွင် သစ်ပင်သစ်တောများကို ထိန်း သိမ်းကြရေးနှင့် မြို့ပြများတွင် နေထိုင်ကြ သူများအနေဖြင့်လည်း မိမိပတ်ဝန်းကျင် စိမ်းလန်းစိုပြေမှု ရရှိစေရေးကို အမျိုးသားရေး တာဝန်တစ်ရပ်အနေဖြင့် လွှမ်းခြုံ  ဆောင်ရွက်ဖို့လိုတယ်လို့လည်း ဗိုလ်ချူပ်မှူးကြီးက ပြောပါတယ်။

မြန်မာနိုင်ငံသည်လည်း ရာသီဥတုပြောင်းလဲမှုများကို ကြုံတွေ့နေရပြီး ယခင်   နေပြည်တော်ဒေသ၏ ရာသီ ဥတုသည် ၂၀၀၆ ခုနှစ်တွင် ပျမ်းမျှအပူချိန် ၂၆ ဒသမ ၉၇ ဒီဂရီစင်တီဂရိတ်ခန့်သာ ရှိခဲ့ရာ ယခုအချိန်တွင် ပျမ်းမျှ အပူချိန် ၂၈ ဒသမ ၅ ဒီဂရီစင်တီ ဂရိတ်အထိ တိုးမြင့်လာတယ်လို့ တပ်မတော်ကာကွယ်ရေးဦီးစီးချုပ်က သတိပေး  ပြောဆိုပါတယ်။

၂၀၁၁ ခုနှစ်မှစပြီး သစ်ပင် စိုက်ပျိုးပွဲတွေကို နှစ်စဉ်ကျင်းပပြုလုပ်ပေးခဲ့ရာမှာ ၂၀၂၃ ခုနှစ် တတိယအကြိမ် သစ်ပင် စိုက်ပျိုးပွဲအထိ သစ်ပင်ပေါင်း ၁၉၀,၄၇၃ ပင် စိုက်ပျိုးနိုင်ခဲ့ပြီး ရှင်သန်မှုအနေဖြင့် ၁၀၉,၈၈၅ ပင်ရှင်သန်ဖြစ်ထွန်းခဲ့တဲ့အတွက် ၅၅ ရာခိုင်နှုန်းခန့်သာ ရှင်သန်ဖြစ်ထွန်းသည်ကို တွေ့ရှိရတယ်လို့လည်း နစက ဥက္ကဋ္ဌက ဆက်လက်ပြောဆိုပါတယ်။

အဲဒါကြောင့် စိုက်ပျိုးကြသည့်  သူများက ရှင်သန်မှုရှိအောင် စိုက်ပျိုးကြရန် လို  သကဲ့သို့ ထိန်းသိမ်းရန် တာဝန်ရှိသူများအနေဖြင့်လည်း ရာနှုန်းပြည့် ဖြစ်ထွန်းအောင် ဆောင်ရွက်ကြဖို့ကိုလည်း ဗိုလ်ချူပ်မှူးကြီးကအလေးပေးပြောကြားခဲ့ပါတယ်။

ယခုသစ်ပင်စိုက်ပျိုးပွဲတွင် ရတနာတန်းဝင် ကျွန်းပင် ၁၇၆၄ ပင်၊ မန်ဂျန်ရှား ၈၈၂ ပင်၊ ပိတောက် ၈၈၂ ပင် စုစုပေါင်း ၃,၅၂၈ ပင်အား စုပေါင်း စိုက်ပျိုးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

သစ်ပင်စိုက်ပျိုးပွဲသို့ နစကဥက္ကဋ္ဌနှင့်ဇနီး၊ဒုတိယဥက္ကဋ္ဌနှင့်ဇနီး၊ တပ်မတော် ထိပ်တန်းနှင့် အဆင့်မြင့်အရာရှိကြီးများအပါအဝင် အရာရှိ၊စစ်သည်နှင့် မိသားစုဝင်များ တက်ရောက်စိုက်ပျိုးခဲ့ကြတယ်လို့ နစကရဲ့သတင်းထုတ်ပြန်ချက်အရသိရပါတယ်။

-ymg/knl

#Daily_News
Published_ 7 September 2023

၁။ ရန်ကုန်အပြင် ဒေသ(၁၁)ခုကို စားအုန်းဆီပေပါများ ရည်ညွှန်းဈေး ကျပ်(၄၁၆၀)ဖြင့် ရောင်းချပေးထားဟုဆို

၂။ လေးနှစ်ပြည့် MOU လုပ်သားတွေကို ပြုလုပ်ပေးမယ့် One Stop Service အစီစဉ် အခုလ ဒုတိယအပတ် စတင်နိုင်ဖို့ ဆောင်ရွက်နေ 

၃။ ဖီဖာ နိုင်ငံတကာခြေစမ်းပွဲအတွက် ထိုင်းလိဂ်နှင့် အင်ဒိုနီးရှားလိဂ်တွင် ကစားနေသည့် မြန်မာ့လက်ရွေးစင်တိုက်စစ်မှူးများ ရွေးချယ်ထား

၄။ တရုတ်တွင်တစ်ပတ်ရစ် လျှပ်စစ်ကားများ ဝယ်ယူချင်သူများပြားလာသဖြင့် ဈေးနှုန်းများမတည်မငြိမ်ဖြစ်လာ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 7 September 2023

ပြည်ပ ဝယ်လိုအား များခဲ့သဖြင့် ဈေးမြင့် ခဲ့သည့် ကြက်သွန်ဈေးကွက်မှာ ယခု ရက်ပိုင်းအတွင်း ဈေးပြန်ကျ ပြီး ပြည်တွင်း အရောင်းဝယ် သွက်နေတယ်လို့ ဒညင်းကုန်းဈေးရှိ ကြက်သွန်လက်လီလက်ကားရောင်းဝယ်ပြုနေတဲ့ ပွဲရုံ များထံ က သိရသည်။

ယခင် တပတ်ထက် ကြက်သွန်ဖြူ တစ်ပိသာကို ကျပ်၃၀၀ ခန့့်ပြန်ကျခဲ့ ပြီး ကြက်သွန်နီတစ်ပိသာ ကို ၅၀၀ကျပ်ခန့် ပြန်ကျလာရကြောင်း သိရသည်။

'' ကြက်သွန်နီ ကော အဖြူရော ဈေး ပြန်ကျတယ် ၊ကုန်ကတော့ အဝင် ပုံမှန်ပဲ ရှိတယ်၊အရောင်းဝယ်ကတော့လကုန်ရက်ဆိုတော့နေ့တိုင်းအရောင်းသွက်နေတယ်''ဟု မြလေးငုံ ကြက်သွန်ပွဲရုံမှ တာဝန်ရှိသူကပြောသည်။

ကြက်သွန်နီ တစ်ပိသာလျှင် ကျပ်၂၈၀၀မှ၃၂၀၀ကျပ်၊ကြက်သွန်ဖြူတစ်ပိသာလျှင် (ရှမ်း)၇၄၅၀ကျပ်မှ ၉၅၀၀ကျပ်၊ကြူကုန် တစ်ပိသာလျှင် ၇၇၅၀ ကျပ် ရှိကြောင်း သိရသည်။
Yangon Times/LW
#Local_News
#YMG #Yangon_Times

ယ‌နေ့တစ်လီတာ လက်လီဈေး (၂၂၅၅)ကျပ် သတ်မှတ်

ယနေ့ ဈေးနှုန်းတွေဟာ MOPS ဈေးနှုန်းပေါ်မှာ အခြေခံတွက်ချက်ထားခြင်းဖြစ်တာကြောင့်  ဈေးနှုန်းအပြောင်းအလဲရှိနိုင်
Yangon_Times/MY
#Local_News
#Published_ 7 September 2023
#YMG #Yangon_Times

ဒေသအချို့တွင် ဧရာဝတီမြစ်ရေတက်ပြီး ကမ်းပါးပြိုနေ

‘ဧရာဝတီမြစ်ရေတက်နေတဲ့အတွက် မြစ်ရေတိုက်စားမှုကြောင့် ကမ်းပါးပြိုကျတာ၊မြစ်ရေဝင် ရောက်တာတွေ ဖြစ်ပွားနေပြီး ဟင်္သာတ၊ညောင်ဦး၊မြန်အောင်၊ထုံးဘို၊အင်္ဂါပူမြို့မှ ဒေသခံအချို့ကို ဘေးလွတ်ရာသို့ ကူညီရွှေ့ပြောင်းပေးနေရတယ်’ မြန်မာနိုင်ငံမီးသတ်တပ်ဖွဲ့
Yangon_Times/tthl
#Local_News
#Published_ 7 September 2023
#YMG #Yangon_Times

ဖီဖာ နိုင်ငံတကာခြေစမ်းပွဲအတွက် ထိုင်းလိဂ်နှင့် အင်ဒိုနီးရှားလိဂ်တွင် ကစားနေသည့် မြန်မာ့လက်ရွေးစင်တိုက်စစ်မှူးများ ရွေးချယ်ထား

တိုက်စစ်မှာကစားမယ် တိုက်စစ်မှူးတွေအနေနဲ့ ထိုင်းလိဂ်မှာကစားနေကြတဲ့ အောင်သူ ၊ သန်းပိုင်၊ အီစိုးနဲ့ အင်ဒိုနီးရှား လိဂ်မှာကစားနေတဲ့ ဝင်းနိုင်ထွန်းတို့ ပါဝင်လာ
Yangon_Times/MY
#Local_News
#Published_ 7 September 2023
#YMG #Yangon_Times

လေးနှစ်ပြည့် MOU လုပ်သားတွေကို ပြုလုပ်ပေးမယ့် One Stop Service အစီစဉ် အခုလဒုတိယအပတ် စတင်နိုင်ဖို့ ဆောင်ရွက်နေ

MoU/ U-Turn စနစ်နဲ့ ထိုင်းနိုင်ငံအတွင်းကို ပြန်လည်ဝင်ရောက်မယ့် မြန်မာအလုပ်သမားတွေအတွက် မြဝတီမြို့နဲ့ ကော့သောင်းမြို့များတို့မှာ ပြုလုပ်ပေမယ့် One Stop Service အစီစဉ်ကို အခုလ ဒုတိယအပတ်မှာ စတင်ဆောင်ရွက်နိုင်ဖို့ လုပ်ဆောင်နေတယ်လို့ အလုပ်သမားဝန်ကြီးဌာန ကနေ သိရပါတယ်။
Yangon_Times/LW
#Local_News
#Published_ 7 September 2023
#YMG #Yangon_Times

ရန်ကုန်အပြင် ဒေသ(၁၁)ခုတွင် စားအုန်းဆီဈေး သက်သာစွာရောင်းပေးထား

‘မုံရွာအတွက်က အခုပထမဦးဆုံးအကြိမ်အဖြစ် ရည်ညွှန်းလက်ကားဈေးအတိုင်း စားအုန်းဆီပေပါ (၁၇၀)ရရှိထားတာဖြစ်ပြီး သယ်ယူပို့ဆောင်စရိတ် တစ်ပိဿကိုကျပ်(၄၀၀) အမြတ်(၂)ရာခိုင်နှုန်းပေါင်းပြီးကျပ် (၄၇၀၀) (၄၈၀၀)ဝန်းကျင်နဲ့ ပြန်ရောင်းပေးသွားမှာဖြစ်တယ်’ မုံရွာမြို့အခြေစိုက် ဆီလက်ကားဒိုင်မှ တာဝန်ရှိသူတစ်ဦး
Yangon_Times/tthl
#Local_News
#Published_ 7 September 2023
#YMG #Yangon_Times

Published_ 7 September 2023

မြဝတီ ကုန်သွယ်ရေးဇုန်မှ တစ်ဆင့် ထိုင်း-မြန်မာ နှစ်နိုင်ငံ နယ်စပ်ကုန်သွယ်မှု ကို စက်တင်ဘာ ၂ရက်မှ ၄ ရက် အထိ ပို့ကုန်၊သွင်းကုန် ပမာဏ အမေရိကန်ဒေါ်လာ၁၅ဒသမ၅၁၃ သန်း အထိ ကုန်သွယ်မှု ပြုလုပ်နိုင်ခဲ့ကြောင်း နိုင်ငံ ပိုင်သတင်းစာ ၏ ထုတ်ပြန်ကြေညာချက် အရ သိရသည်။

ပို့ ကုန်တင်ပို့ မှု အနေဖြင့် လယ်ယာထွက်ကုန် ပစ္စည်းများ ဖြစ်သည့် ပြောင်း၊ငရုတ်၊ဂေါ်ဖီ၊နှမ်း၊ကြက်သွန်နီ၊ကွမ်းရွက်၊ကွမ်းသီးခြောက်နှင့်ရေထွက် ပစ္စည်းများ ဖြစ်သည့် ခုံး၊ကဏန်း၊ငါးမြွေထိုး ငါးခွေးလျှာ ၊ငါးကြင်းဆီဖောင်းတို့ကို အမေရိကန်ဒေါ်လာ ၃ဒသမ ၁၄၂သန်းဖိုးတင်ပို့နိုင်ခဲ့ကြောင်း သိရသည်။

သွင်းကုန်ပစ္စည်းများအနေဖြင့်တိရိစ္ဆာန်အစာ၊စက်ဘီး၊စက်ဘီးပိုပစ္စည်း၊အဝတ်အထည်၊စာရေး ကိရိယာများ ၊ကားအပိုပစ္စည်း၊ဆောက် လုပ်ရေး လုပ်ငန်းသုံးပစ္စည်း စက်ဆီ၊ချောဆီ၊အိမ်သုတ်ဆေး၊လျှပ်စစ်ပစ္စည်း၊အလှကုန်ပစ္စည်း၊ဆေးဝါးပစ္စည်းများ၊ဖိနပ်၊သစ်သီးမျိုစုံ၊အိမ်သုံးပစ္စည်းများလူသုံးကုန်ပစ္စည်းများ၊ဓါတ်မြေသြဇာနှင့်ငါးဖမ်းပစ္စည်း စသည့် တို့ ကို ၁၂ဒသမ၃၇၁သန်းဖိုး
တင်သွင်းနိုင်ခဲ့ကြောင်း ဖေါ်ပြထားသည်။

လက်တလောတွင် ထိုင်းနိုင်ငံမှ စားသောက်ကုန်လုပ်ငန်းများ တွင် ကျယ်စွာ ဆောင်ရွက်လာတာကြောင့်စားသောက်ကုန်ကုန်ကြမ်းဝယ်လိုအားမြင့်တတ်ကြောင်းထု့ိကြောင့်ပုတ်သိုးလွယ်သည့် ရေထွက်ကုန်ပစ္စည်းများ နှင့် ကုန်စိမ်းပို့ ကုန်များ ကို လွယ်ကူလျင်မြန်စွာ တင်ပို့နိုင်ရေး အတွက် လိုင်စင်ထုတ်ပေးခြင်း၊ကုန်ပစ္စည်း စစ်ဆေးမှု များ ကို ဦးစားပေးဆောင်ရွက်လျက်ရှိကြောင်း သိရသည်။

ပြီးခဲ့သည့် သြဂုတ် လတွင်လည်း မြဝတီ အာရှလမ်း မြေပြိုကျမှု ဖြစ်ခဲ့သော်လည်း ထိုင်း-မြန်မာနယ်စပ် မြဝတီကုန်သွယ်ရေးဇုန် မှပို့ကုန်၊သွင်းကုန်အမေရိကန်ဒေါ်လာ ၅၅သန်းကျော် ကုန်သွယ်မှု ပြုလုပ်နိုင်ခဲ့ကြောင်း သိရသည်။
Yangon Time/LW
#Local_News
#YMG #Yangon_Times

Published_ 7 September 2023

တရုတ်နိုင်ငံက Apple ကုမ္ပဏီထုတ် iPhone တွေနဲ့ အခြားနိုင်ငံခြားအမှတ်တံဆိပ်ဖုန်းများကို လုပ်ငန်းခွင်မှာ အသုံးမပြုရန်နဲ့ ရုံးခန်းသို့ ယူဆောင်မလာရန် ဗဟိုအစိုးရလုပ်ငန်းများမှ အရာရှိများကို အမိန့်ပေးလိုက်ကြောင်း ထိုကိစ္စနဲ့ နီးစပ်သူတွေထံမှ ပြောကြားချက်ကို ဝေါလ်စထရိဂျာနယ်က ဗုဒ္ဓဟူးနေ့မှာ ဖော်ပြခဲ့ပါတယ်။

ဒီအမိန့်တွေကို အထက်လူကြီးတွေက မကြာသေးမီရက်များအတွင်း သက်ဆိုင်ရာဝန်ထမ်းများထံ ပေးခဲ့တာဖြစ်ပြီး ဘယ်လောက်အထိ ကျယ်ကျယ်ပြန့်ပြန့် အမိန့်ချမှတ်ထားလဲဆိုတာ သေချာမသိရသေးပါဘူး။

အခုလို တားမြစ်မိန့်ဟာ လာမယ့်ရက်သတ္တပတ် Apple ပြပွဲကြီးတစ်ခု မပြုလုပ်ခင်မှာ ထွက်ပေါ်လာတာ ဖြစ်ပါတယ်။

တရုတ်-အမေရိကန် တင်းမာမှုမြင့်မားနေတဲ့အတွက် တရုတ်နိုင်ငံမှာ လည်ပတ်နေတဲ့ နိုင်ငံခြားကုမ္ပဏီများမှာလည်း စိုးရိမ်နေကြရပါတယ်။

တရုတ်က နိုင်ငံခြားနည်းပညာများအပေါ် မှီခိုမှုကို လျှော့ချရန် ကြိုးစားနေရာ ဆယ်စုနှစ်တစ်ခုကျော် ကြာပြီဖြစ်ပြီး ဘဏ်လိုမျိုး ပြည်တွင်းလုပ်ငန်းတွေမှာ ပြည်တွင်းထုတ်ဆော့ဖ်ဝဲကို ပြောင်းလဲအသုံးပြုရန်နဲ့ ပြည်တွင်းထုတ် ဆားကစ်ပြားထုတ်လုပ်မှုတို့ကို မြှင့်တင်ဆောင်ရွက်ရန် တောင်းဆိုထားပါတယ်။

တရုတ်က သူတို့ရဲ့ ဒေတာလုံခြုံရေး စိုးရိမ်မှုပြဿနာ ကြီးထွားလာတဲ့အတွက် နိုင်ငံခြားဈေးကွက်နဲ့ နည်းပညာများအပေါ် မှီခိုအားထားမှုကို လျှော့ချကာ ပြည်တွင်း၌ပင် လည်ပတ်ဖွံ့ဖြိုးရေးပုံစံကို ခေါင်းဆောင်များက ၂၀၂၀ မှာ ချပြခဲ့ပါတယ်။

နည်းပညာပိုင်းမှာ ကိုယ်တိုင်အားထားနိုင်ရန် နိုင်ငံပိုင်လုပ်ငန်းစုကြီးများ အဓိကပါဝင်အားစိုက်ထုတ်ပေးဖို့ မေလက တိုက်တွန်းခဲ့ပါတယ်။

ဆားကစ်ပြားစက်မှုလုပ်ငန်း ဆက်လက်ယှဥ်ပြိုင်နေနိုင်ရန် တရုတ်အတွက် လိုအပ်တဲ့ပစ္စည်းများ ရယူသုံးစွဲခွင့်ကို အမေရိကန်နဲ့ မဟာမိတ်နိုင်ငံများက ပိတ်ဆို့လိုက်တဲ့အတွက် တရုတ်-အမေရိကန် တင်းမာမှုမြင့်တက်နေပြီး တရုတ်ဘက်ကလည်း အမေရိကန်မှ အထင်ကရလုပ်ငန်းများဖြစ်တဲ့ လေယာဥ်ထုတ်လုပ်ရေး ဘိုးအင်းကုမ္ပဏီ၊ ဆားကစ်ပြားကုမ္ပဏီ မိုက်ခရွန်တက်ခ်နော်လော်ဂျီတို့လို လုပ်ငန်းများမှ တင်ပို့မှုများကို ပိတ်ပင်တားမြစ်လိုက်ပါတယ်။

တရုတ်မှာ ရင်းနှီးမြှုပ်နှံပြီး လုပ်ကိုင်ရတာဟာ ဒဏ်ကြေးဆောင်ရတာတွေ၊ ဝင်ရောက်စီးနင်းမှုတွေ၊ အခြားလုပ်ရပ်များကြောင့် စီးပွားရေးလုပ်ကိုင်ရတာ အလွန်အန္တရာယ်များလာတယ်လို့ အမေရိကန်ကုမ္ပဏီတွေက တိုင်ကြားလာကြကြောင်း အမေရိကန်စီးပွားကူးသန်းဝန်ကြီး ဂျီနာရေမွန်ဒိုက ပြီးခဲ့တဲ့ရက်သတ္တပတ် တရုတ်ကို လာရောက်လည်ပတ်စဥ် ပြောကြားခဲ့ပါတယ်။

အမေရိကန်ပြည်ထောင်စုမှာ တရုတ်စမတ်ဖုန်းထုတ်လုပ်ရေး ဟွာဝေးကုမ္ပဏီ၊ တစ်တော့တို့ကို ပိတ်ပင်လိုက်သလိုမျိုး တရုတ်ကလည်း အလားတူပိတ်ပင်မှုမျိုး ချမှတ်လိုက်တာ ဖြစ်ပါတယ်။
တရုတ်နိုင်ငံဟာ Apple အတွက် ဈေးကွက်အကြီးမားဆုံးတွေထဲက တစ်နေရာဖြစ်ပြီး  ထိုကနေ ဝင်ငွေ ၅ ပုံ ၁ ပုံခန့်နီးပါး ရရှိထားပါတယ်။
Source: NDTV
#World_News
#YMG #Yangon_Times

Published_ 7 September 2023

နှလုံးသွေးကြောရောဂါက  ကမ္ဘာပေါ်မှာ အဓိကသေဆုံးရတဲ့ အကြောင်းအရင်းတွေထဲက တစ်ခုဖြစ်ပါတယ်။

အစားအစာနဲ့ နှလုံးရောဂါများကြား ဆက်စပ်မှုကို အများအပြားတွေ့ရှိထားသလို လတ်တလော လေ့လာချက်အရ အဓိကအစားအစာကြီး ၆ မျိုးကို နေ့စဥ်စားသုံးခြင်းဖြင့် နှလုံးသွေးကြောရောဂါ ဖြစ်နိုင်ချေ လျှော့ချနိုင်ပုံကို တွေ့ရှိထားပါတယ်။

ဒါဟာ နိုင်ငံပေါင်း ၈၀ မှ စမ်းသပ်ပါဝင်သူ ၂၄၀,၀၀၀ ကျော်ထံမှ အချက်အလက်များရယူထားပြီး စားသောက်ခြင်း အလေ့အထတွေကို စစ်တမ်းကောက်ယူခဲ့ကြပါတယ်။

ထိုအစားအစာတွေဟာ ကမ္ဘာတဝှမ်းမှာ နှလုံးသွေးကြောရောဂါများနဲ့ အသက်အန္တရာယ်များကို လျှော့ချပေးနိုင်မှာ ဖြစ်ပါတယ်။

 (၁) အသီးအနှံများ
အသီးအနှံတွေက ကိုယ်ခံအားမြှင့်တင်ပေးခြင်း၊ အစာအိမ်နဲ့ အစာချေစနစ် ကောင်းမွန်စေခြင်း၊ အမျှင်ဓာတ်ပေးစွမ်းကာ အူထဲရှိ ကိုလက်စ်ထရောလ်များ လျှော့ချပေးခြင်းတို့ ပြုလုပ်ပေးပါတယ်။
 
(၂) ဟင်းသီးဟင်းရွက်များ
ဟင်းသီးဟင်းရွက်တွေမှာ ဖော့စ်ဖရပ်စ်၊ မဂ္ဂနီဆီယမ်၊ ဆိုဒီယမ်၊ ပိုတက်ဆီယမ်၊ ကယ်လ်ဆီယမ်၊ ကလိုရိုက်ဒ်တို့ ပါဝင်ပြီး နှလုံးခုန်ခြင်းကို ထောက်ပံ့ပေးကာ သွေးပေါင်ချိန်ကို လျှော့ချပေးပါတယ်။
 
(၃) ပဲအမျိုးမျိုး
ပဲတွေက သက်သက်လွတ်သမားတွေအတွက် ပရိုတိန်းရရှိကာ အဓိကရင်းမြစ်ဖြစ်ပြီး ကြွက်သားများ၊ အင်္ဂါများ၊ ဆဲလ်များ ကျန်းမာသန်စွမ်းအောင် ကူညီပေးပါတယ်။
 
(၄) ငါး
ငါးနဲ့ ပင်လယ်စာတွေမှာ ပရိုတိန်း၊ ဗိုက်တာမင်၊ သတ္တုဓာတ်၊ ကျန်းမာရေးနဲ့ ညီညွတ်တဲ့ ဆီများပါဝင်ကာ အိုမီဂါ-၃ဖက်တီးအက်ဆစ်က သွေးကြောများရဲ့ ကျုံ့နိုင်ဆန့်နိုင်အားကို ထောက်ပံ့ပေးပါတယ်။
 
(၅) အခွံမာသီးများ
အခွံမာသီးတွေမှာ နှလုံးအတွက် အကျိုးပြုတဲ့ အဆီများပါဝင်ပြီး ရောင်ရမ်းခြင်းကို လျှော့ချပေးကာ နှလုံးရောဂါများ ဖြစ်ခြင်းမှ ကာကွယ်ပေးပါတယ်။
 
(၆) နို့ထွက်ပစ္စည်းများ
နို့ထွက်ပစ္စည်းများကို သင့်တင့်စွာ စားသုံးပါက နှလုံးကျန်းမာရေးကို အထောက်အကူ ဖြစ်စေပါတယ်။
Source: India Today.
#World_Health
#YMG #Yangon_Times

Published 7 September 2023

မရေရာ မသေချာတဲ့အလုပ်တွေမှာ လုပ်ကိုင်နေရခြင်းက စောစီးစွာ အသက်ဆုံးပါးနိုင်ချေ မြင့်မားတယ်လို့ Science Daily မှာ လေ့လာချက်အသစ်ကို ဖော်ပြထားပါတယ်။

ထိုလေ့လာချက်ကို ဆွီဒင်မှ ကူညီထောက်ပံ့ကာ မရေရာပြီး ဘေးကင်းမှုမရှိတဲ့ အလုပ်လုပ်ရခြင်းက အသက်အန္တရာယ်အပေါ် သက်ရောက်မှုများကို လေ့လာခဲ့ကြပါတယ်။

ထိုအလုပ်တွေထဲမှာ ရေတိုကာလအလုပ်မျိုး၊ လစာနည်းပါးတဲ့အလုပ်မျိုး၊ ဘေးအန္တရာယ်ရှိတဲ့ အလုပ်မျိုး၊ ရပိုင်ခွင့်မရှိတဲ့ အလုပ်မျိုးတွေ ပါဝင်ပါတယ်။

ဒီလိုအလုပ်တွေက ကြိုတင်တွက်ဆလို့ မရသလို ဘေးကင်းလုံခြုံမှုလည်း မပေးနိုင်ပါဘူး၊
ဒီလေ့လာချက်က မရေရာမသေချာတဲ့ အလုပ်ကနေ တည်တံ့ခိုင်မာတဲ့ အလုပ်ကို ပြောင်းလဲခြင်းက အသက်ဆုံးပါးနိုင်ချေ လျှော့ချနိုင်တာကို ပြသနေတဲ့ ပထမဆုံးလေ့လာချက် ဖြစ်ကြောင်း ကယ်ရိုလင်စကာတက္ကသိုလ်မှ တွဲဖက်ပရော်ဖက်ဆာ သီယိုဘိုဒင်က ဖော်ပြထားပါတယ်။

သုတေသီတွေက ၂၀၀၅ ခုနှစ်မှ ၂၀၁၇ ခုနှစ်အတွင်း  ဆွီဒင်မှ အသက် ၂၀ နှစ်မှ ၅၅ နှစ်ကြားရှိ ဝန်ထမ်း ၂ သိန်းခွဲကို လေ့လာခဲ့ကြပါတယ်။

မသေချာ မရေရာတဲ့အလုပ်ကနေ ခိုင်မာသေချာတဲ့ အလုပ်ကို ကူးပြောင်းလာတဲ့သူတွေရော၊ မတည်မြဲနိုင်တဲ့ အလုပ်မျိုးမှာပဲ ဆက်လက်လုပ်ကိုင်နေသူတွေရော ပါဝင်ခဲ့ပါတယ်။

မရေရာတဲ့အလုပ်ကနေ သေချာရေရာတဲ့ အလုပ်ကို ပြောင်းသွားသူတွေဟာ မပြောင်းတဲ့သူတွေထက် စောစီးစွာ အသက်ဆုံးပါးနိုင်ချေ ၂၀ ရာခိုင်နှုန်း လျော့နည်းနေပါတယ်။

သေချာခိုင်မြဲတဲ့အလုပ်မှာ ဆက်လုပ်နေသူတွေက ၃၀ ရာခိုင်နှုန်းအထိ လျော့နည်းတာကို တွေ့ရှိခဲ့ပါတယ်။

လူဦးရေအများအပြားကို စမ်းသပ်ထားတာကြောင့် အသက်အရွယ်၊ ရောဂါအခြေအနေများ၊ အခြားပြဿနာရေးရာများကိုလည်း ထည့်သွင်းစဥ်းစားရတယ်လို့ စာတမ်းပြုစုသူ နူရီယာမာတီလာဆန်တန်ဒါက ဖော်ပြထားပါတယ်။

ဒါပေမဲ့ လေ့လာတဲ့နည်းလမ်းများအရ စောစီးစွာ အသက်ဆုံးပါးနိုင်ချေ မြင့်မားတာက ပုဂ္ဂိုလ်ရေးရာ အချက်အလက်များထက် မရေရာ မသေချာတဲ့အလုပ်နဲ့ ပိုပြီးသက်ဆိုင်နေတယ်ဆိုတာ သေချာကြောင်း၊ အလုပ်အကိုင်တွေထဲမှာ မရေရာပြီး လုံခြုံမှုမရှိတဲ့ အလုပ်တွေကိုလျှော့ချနိုင်ရင် အရွယ်မတိုင်ခင် သေဆုံးမှုတွေကိုလည်း လျှော့ချနိုင်မှာဖြစ်ကြောင်း ပြောပြသွားပါတယ်။

ယာယီအလုပ်မျိုးကနေ ခိုင်မာသေချာတဲ့ အလုပ်မျိုးကို ပြောင်းလဲလုပ်ကိုင်လာသူတွေက အသက်အန္တရာယ်ဆုံးရှုံးနိုင်ချေ နည်းပါးသွားကြောင်း ဖင်လန်နိုင်ငံနဲ့ ပြင်သစ်နိုင်ငံတို့မှ လေ့လာချက်တွေမှာလည်း တွေ့ရှိခဲ့ပါတယ်။

ဝင်ငွေမတည်မြဲခြင်းနဲ့ အသက်အန္တရာယ်မြင့်မားမှုတို့ကြား တိုက်ရိုက်ဆက်စပ်မှုကိုလည်း အမေရိကန်တို့က လေ့လာတွေ့ရှိထားပါတယ်။

လုံခြုံမှုမရှိဘဲ ရေရာမှုမရှိတဲ့ အလုပ်တွေမှာ လုပ်ကိုင်ရသူတွေက စီးပွားရေးအာမခံမှု မရှိခြင်း၊ ဘေးအန္တရာယ်ကာကွယ်ရေးအတွက် လုံလောက်တဲ့ ပစ္စည်းကိရိယာများ မရှိခြင်း၊ ရေရှည်စိတ်ဖိစီးမှု ခံစားရခြင်းတို့က စောစီးစွာ အသက်ဆုံးပါးလာဖို့ ဖြစ်လာတာဖြစ်ပါတယ်။
Source: The Jerusalem Post.
#World_Health
#YMG #Yangon_Times