၂၃ ဇူလိုင်၊၂၀၂၃

ထိုင်းရဲတပ်ဖွဲ့ဟာ ဇူလိုင်(၁)ရက်ကစတင်ခဲ့တဲ့ နိုင်ငံအနှံ့ တရားမဝင်လက်နက်ခဲယမ်းမီးကျောက်တွေ နှိမ်နှင်းမှုစစ်ဆင်ရေးတွေအတွင်း သံသယရှိဖွယ်လူပေါင်း ၉၆၆ ဦးကို ဖမ်းဆီးခဲ့ပြီး များပြားလှတဲ့ တရားမဝင်လက်နက်တွေနှင့် ခဲယမ်းမီးကျောက်တွေကို သိမ်းဆည်းရမိခဲ့တယ်လို့ ထိုင်းဒုတိယရဲချုပ် ရဲဗိုလ်ချုပ်ကြီး တောဆက် ဆူဝီမိုလ်က ပြောပါတယ်။

ဇူလိုင် ၂၁ ရက်အထိ ထိုင်းရဲတွေဟာ ထိုင်းတစ်နိုင်ငံလုံးက ပစ်မှတ်နေရာပေါင်း ၁၆၅၈ နေရာကိုရှာဖွေတဲ့အခါ သံသယ တရားခံ၉၆၆ ဦးကိုဖမ်းဆီးခဲ့ပြီး တရားမဝင်လက်နက် ၉၁၁ လက်နှင့် ခဲယမ်းမီးကျောက်မျိုးစုံ ၄၄,၅၄၀ ခုကို သိမ်းဆည်းမိခဲ့ပါတယ်။ အဲဒီအပြင် ပေါက်ကွဲပစ္စည်း နှစ်ခုနှင့်စိတ်ကြွဆေးပြား ၆၂၃၉ ကိုလည်း သိမ်းဆည်းခဲ့တယ်လို့ ဒုရဲချုပ်ကပြောပါတယ်။

အဲဒီစီးနင်းမှုတွေထဲမှာ ကရာဘီပြည်နယ် ကောင်းဖနွမ်ခရိုင်၊ နာကောင်းမြို့က အိမ်တစ်အိမ်မှာ မူးယစ်နှင့်လူသတ်မှု သုံးမှုနှင့် ဝရမ်းထုတ်ထားတဲ့ အသက် ၂၈နှစ်အရွယ်တရားခံ ဘွမ်ကို အသေဖမ်းမိရခဲ့တယ်လို့ သိရပါတယ်။

အိမ်ကိုစီးနင်းစဉ် ဘွမ်ဟာ အိမ်နောက်ဖေးကနေ ဆိုင်ကယ်နှင့်ထွက်ပြေးလို့ ရဲက ပစ်ခတ်ဖမ်းဆီးရင်း အပြန်အလှန်ပစ်ခတ်မှုအတွင်း သူသေသွားရတာဖြစ်တယ်လို့ရဲကပြောပါတယ်။

သူနှင့်အတူ ၉ မမ Mauser ပစ္စတို၊ M67 လက်ပစ်ဗုံးတစ်လုံးနှင့် မီးခိုးဗုံးနှစ်လုံးကိုပါတွေ့ရပါတယ်။

ယခုစစ်ဆင်ရေးဟာ တရားမဝင်လက်နက်တွေနှင့် အငှားသေနတ်သမားတွေ၊ တရားမဝင်လက်နက် ရောင်းဝယ်ရေးတွေကို ပစ်မှတ်ထားခဲ့တာဖြစ်ပြီး ဇူလိုင်၁ရက်မှ ၃၀ရက်အထိ လက်ထောက်ရဲမှူး ရဲဒုဗိုလ်ချုပ်ကြီး ဆာမရန် နူယယ်မာက အနီးကပ်ကြီးကြပ်နေပါတယ်။ သတင်းအချက်အလက်တွေကို မြို့ပြရဲတပ်ဖွဲ့၊ပြည်နယ်ရဲတပ်ဖွဲ့၁မှ ၉၊ ဗဟိုထောက်လှမ်းရေးဌာန၊မူးယစ်ဆေးဝါးတိုက်ဖျက်ရေးဗျူရို၊ ကမ္ဘာလှည့်ခရီးသွားရဲဗျူရို၊ လူဝင်မှုကြီးကြပ်ရေးရဲ ဗျူရို၊ ဆိုက်ဘာမှုခင်းထောက်လှမ်းရေးဗျူရိုနှင့် နယ်စပ်ကင်းလှည့်ရဲတို့ဆီက ရရှိခဲ့တာဖြစ်တယ်လို့ ဘန်ကောက်ပို့စ်သတင်းစာမှာသတင်းဖော်ပြရေးသားထားပါတယ်။

Source: Bangkok Post

#Thailand_crackdown_illegal_guns_trade

‘ပုဂံပုထိုးသားများဘုရားမှာ လင်းနို့တွေဝင်ရောက်မှု၊ ကုတ်ခြစ်မှုတွေကြောင့်နံရံပန်းချီတွေ ထိခိုက်ပျက်စီးမှုမရှိအောင် သံဇကာတွေတပ်ဆင်နေတယ်၊၊ ရှေးလက်ရာတွေမပျက်စေဖို့ သံတွေမရိုက်သွင်းဘဲ ရာဘာတွေ အသုံးပြုကာသံဇကာတပ်ဆင်’ကိုနိုင်( Heritage TRUST Team-Baganအဖွဲ့)
Published 23 July 2023
#Local_News
#ဘုရားတွင်လင်းနို့မဝင်အောင်ဆောင်ရွက်နေ
#tthl #Yangon_Times

မြန်မာနိုင်ငံတော်ဗဟိုဘဏ်က နှစ်သောင်းကျပ်တန် ငွေစက္ကူအမျိုးအစားသစ်ကို ၂၀၂၃ခုနှစ် ဇူလိုင်(၃၁)ရက်နေ့တွင် စတင်ထုတ်ဝေသွားမယ်လို ယနေ့ဇူလိုင် ၂၃ ရက်နေ့စွဲဖြင့် သတင်းထုတ်ပြန်ပါတယ်။

ယင်းငွေစက္ကူကို အရေအတွက် အကန့်အသတ်ဖြင့်သာ ထုတ်ဝေသွားမည် ဖြစ်ပြီး မြန်မာနိုင်ငံတွင် လှည့်လည်သုံးစွဲနေသောငွေစက္ကူများအနက် ဟောင်းနွမ်းပြီးလှည့်လည်သုံးစွဲရန် မသင့်သော ငွေစက္ကူအမျိုးအစား အသီးသီးတို့နှင့် “ တန်ဖိုးတူလဲလှယ်ပေးခြင်း ဖြင့်သာဖြန့်ဝေ သွားမည်ဖြစ်တယ်လို့သိရပါတယ်။

#Local_News
Published-23-7-2023

နိုင်ငံကူးလက်မှတ်ပျောက်ဆုံးသူများအနေဖြင့် ကိုယ်‌ရေးရာဇဝင်အချက် အလက်အပြည့်အစုံဖြင့် နိုင်ငံပိုင်သတင်းစာတွင် ကြော်ငြာထည့်သွင်းပြီးနောက် ာက်လအကြာမှသာ ပြန်လည်လျောက်ထားနိုင်မည်ဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးရုံးက ထုတ်ပြန် သည်။

ထို့အပြင် ကြော်ညာထည့်သွင်းရာတွင် သက်ဆိုင်ရာရပ်ကွက်/ကျေးရွာ အုပ်ချုပ်ရေးမှူးရုံးထောက်ခံစာ၊ သက်ဆိုင်ရာ ရဲ စခန်း ထောက်ခံစာအပါအဝင် ပျောက် ဆုံးသွားသည့် နိုင်ငံကူးလက်မှတ်အမှတ်တို့ကို ပြည့်စုံစွာထည့်သွင်းရမည်ဖြစ် ကြောင်း သိရသည်။

ပြန်လည်လျောက်ထားရာတွင်လည်း သတင်းစာကြော်ငြာမူရင်းနှင့်အတူ ‌နိုင်ငံကူးလက်မှတ်ထုတ်ပေးရေးရုံးသို့ ကိုယ်တိုင်သွားရောက်ကာ ‌ပျောက်ဆုံးကြောင်း ခံဝန်လက်မှတ်ရေးထိုးရမည်ဖြစ်သည်။

လာရောက်လျောက်ထားသူများ အနေ ဖြင့် စာအုပ်အသစ်လျောက်ထားငွေ ကျပ် ၃၅,၀၀၀ နှင့်အတူ ဒဏ်ကြေးငွေ ၅၆,၀၀၀ ကျပ် စုစုပေါင်း ကျပ် ၉၁,၀၀၀ ပေးဆောင်ရမည်ဖြစ်ကြောင်း ထုတ်ပြန်ချက်အရ သိရသည်။

ထို့အတူ ပြည်ပနိုင်ငံများတွင် ရောက်ရှိနေသော နိုင်ငံသားများ နိုင်ငံကူးလက်မှတ်ပျောက်ဆုံး ၊ ပျက်ဆီးပါက သက်ဆိုင်ရာသံရုံးများတွင် စာအုပ်တန်ဖိုးငွေ အမေရိကန်ဒေါ်လာ ၃၅ ဒေါ်လာ၊ ပျောက်ဆုံးဒဏ်ကြေး ၁၀၅  ဒေါ်လာ၊ စုစုပေါင်း ဒေါ်လာ၁၄၀ အား သက်ဆိုင်ရာနိုင်ငံ၏ ငွေကြေးတန်ဖိုးအတိုင်း ပေးသွင်း၍ လျောက်ထားနိုင်ကြောင်း ထုတ်ပြန်ထားသည်။

#Local_News #ပတ်စပို့စ်ပျောက်ဆုံးသူများ
#YMG/my
#Yangon _Times

#Local_News
Published 23 July 2023

မာရဝိဇယဗုဒ္ဓရုပ်ပွားတော်တည်ထားရေးလုပ်ငန်းဆောင်ရွက်ခဲ့ကြသည့်ဆရာတော်ကြီးများနှင့်လူပုဂ္ဂိုလ်များအား ဂုဏ်ထူးဆောင်ဘွဲ့၊ ဂုဏ်ထူးဆောင် တံဆိပ်များချီးမြှင့်လိုက်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းထုတ်ပြန်ချက်တွင် မာရဝိဇယဗုဒ္ဓရုပ်ပွားတော်မြတ်ကြီး တည်ထားကိုးကွယ်ရေးလုပ်ငန်းများ နှင့် နိုင်ငံ တော်တည်ဆောက်ရာတွင် နိုင်ငံတော်လုံခြုံရေး၊ တရားဥပဒေစိုးမိုးရေးနှင့် နိုင်ငံဖွံ့ဖြိုးရေးဆိုင်ရာလုပ်ငန်း များကို စွမ်းစွမ်းတမံဆောင်ရွက်ခဲ့ကြသော အောက်ဖော်ပြပါ ဆရာတော်ကြီးများ၊ လူပုဂ္ဂိုလ်များအား ဂုဏ်ထူးဆောင်ဘွဲ့ များ၊ ဂုဏ်ထူးဆောင် တံဆိပ်များကို ချီးမြှင့်အပ်နှင်းလိုက်ခြင်းဖြစ်ကြောင်းဖော်ပြထားသည်။

ယင်းတွင်ဆရာတော်ကြီးများဖြစ်ကြသော ပြည်ထောင်စုစည်သူသင်္ဂဟဘွဲ့များအဖြစ် သရေစည်သူဘွဲ့ကို ဒေါက်တာ ဘဒ္ဒန္တဉာဏိဿရ (နိုင်ငံတော်ဩဝါဒါ စရိယ၊ ရွှေကျင် နိကာယ ဥက္ကဋ္ဌ ၊ သီတဂူအပြည်ပြည်ဆိုင်ရာ ဝိပဿနာတက္ကသိုလ် (စစ်ကိုင်း)၊ဘဒ္ဒန္တသဒ္ဓိယ ရွှေသုဝဏ်ဆရာတော်ကြီး(ပုညနိမ္မိတာရာမရွှေသုဝဏ်ကျောင်းတိုက်၊ ဆရာတော်ကြီး သင်္ဃန်းကျွန်းမြို့နယ်၊ ရန်ကုန်တိုင်းဒေသကြီး)၊ဒေါက်တာ ဘဒ္ဒန္တသီလာနန္ဒာဘိဝံသ-ပါမောက္ခချုပ် ဆရာတော် (ငြိမ်း)၊(အပြည်ပြည်ဆိုင်ရာထေရဝါဒဗုဒ္ဓသာသနာပြု တက္ကသိုလ်၊ မရမ်းကုန်းမြို့ နယ်၊ ရန်ကုန်တိုင်း ဒေသကြီး)၊ဘဒ္ဒန္တဝိမလဗုဒ္ဓိပါဠိဆရာတော်(ပါဠိတက္ကသိုလ် မင်္ဂလာဇေယျုံပရိယတ္တိ စာသင်တိုက်၊ ပျဉ်းမနားမြို့ နယ်၊ နေပြည်တော်) နှင့် လူပုဂ္ဂိုလ်များ ဖြစ်ကြသော ဒုတိယဗိုလ်ချုပ်ကြီး ညိုစော(နစက အကြံပေးပုဂ္ဂိုလ်)၊ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး ကျော်စွာလင်း ၊ဒုတိယဗိုလ်ချုပ်ကြီး ကံမြင့်သန်း၊ဗိုလ်ချုပ် ကိုကိုလွင် နှင့် အင်ဂျင်နီယာကောင်စီ မှဒေါက်တာ ညီလှငယ်တို့အား ချီးမြှင့်ကြောင်း သိရသည်။

ယင်းအပြင် စည်သူဘွဲ့ကို ဒေါက်တာ ဘဒ္ဒန္တဆေကိန္ဒ(ပါမောက္ခချုပ်ဆရာတော်- အပြည်ပြည်ဆိုင်ရာထေရဝါဒ ဗုဒ္ဓသာသနာပြု တက္ကသိုလ်၊ မရမ်းကုန်းမြို့ နယ်၊ ရန်ကုန်တိုင်း ဒေသကြီး)၊ဘဒ္ဒန္တခေမာနန္ဒ - ပဓာနနာယက (ရန်ကင်းဆရာတော်- အဘိဝိနယာစရိယစာသင်တိုက်၊ ရန်အောင်မြင် တောရကျောင်း (မြို့တော်ဝန်ကျောင်း)၊ ဒက္ခိဏ သီရိမြို့နယ်၊ နေပြည်တော်)၊ပြည်ထောင်စုဝန်ကြီး ဆောက်လုပ်ရေးဝန်ကြီးဌာန ဦးမျိုးသန့် အင်ဂျင် နီယာကောင်စီမှ Structure ပညာရှင် ဒေါက်တာတိုးတိုးဝင်း တို့အား ချီးမြှင့်ခဲ့ကြောင်း သိရသည်။

ယင်းအပြင် တပ်မတော်ဆိုင်ရာစွမ်းရည်သတ္တိဂုဏ်ထားဆောင်ဘွဲ့များအဖြစ် သူရဘွဲ့ကိုကာကွယ်ရေးဝန်ကြီးဌာ နမှဗိုလ်မှူးသော်ဇင်(လေ)နှင့် တပ်ကြပ်ကြီး ဝင်းမြင့်သူတို့အား ချီးမြှင့်ကြောင်း သိရသည်။

အလားတူ စွမ်းဆောင်မှုဆိုင်ရာ ဂုဏ်ထူးဆောင်ဘွဲ့များတွင် သီရိပျံချီဘွဲ့ကို ဘဒ္ဒန္တသိရိန္ဒာဘိဝံသ (ယောဆရာတော်)အပါအဝင် ဆရာတော်ကြီး အပါး ၂၀ နှင့် လူပုဂ္ဂိုလ် ၃ ဦး၊ ဝဏ္ဏကျော်ထင်ဘွဲ့ ၂ ဦး၊သိပ္ပကျော်စွာဘွဲ့ ၄ ဦး၊တပ်မတော်ဆိုင်ရာ စွမ်းရည်သတ္တိဂုဏ်ထူးဆောင်တံဆိပ် (သူရဲကောင်းမှတ်တမ်း ဝင်တံဆိပ် ၂ ဦး၊မြန်မာနိုင်ငံ ရဲတပ်ဖွဲ့ဆိုင်ရာစွမ်းရ်သတ္တိဂုဏ်ထူးဆောင်တံဆိပ်များ(ရဲသူရတံဆိပ်) ၉ ဦး၊ရဲဗလ တံဆိပ် ၃၆ ဦး၊စွမ်းဆောင်မှုဆိုင်ရာ ဂုဏ်ထူးဆောင်တံဆိပ်များ(စီမံထူးချွန်တံဆိပ် ပထမအဆင့်) ၁၄ ဦး၊ (စီမံထူးချွန်တံဆိပ် ဒုတိယအဆင့်) ၂၈ ဦး၊း(စီမံထူးချွန်တံဆိပ် တတိယအဆင့်) ၁၆ ဦး စသည်တို့အား အသီးသီး ချီးမြှင့်ကြောင်း သိရသည်။

#Local_News #ဂုဏ်ထူးဆောင် တံဆိပ်များချီးမြှင့်
#Yangon Times/PP

#Local_News
Published-23-7-2023

ယခု ရက်ပိုင်းအတွင်း တရုတ်ဘက်က  ပဲတီးစိမ်း အဝယ်လိုက်လာသဖြင့် ဈေးကောင်းရလာသည်ဟု ဈေးကွက်အတွင်းက စုံစမ်းသိရှိရသည်။

ပြီးခဲ့သည့် လအနည်းငယ်က ပဲတီစိမ်းအား တရုတ်နိုင်ငံဘက်က အဝယ်ရပ်လိုက်ခြင်းကြောင့် ဈေးများထိုးကျခဲ့ရသည်။

ပဲတီစိမ်း ဈေးကျသည့်ကာလအတွင်း ထိပ်စတစ်အိတ်လျှင် ၁၇၁,၀၀၀ ကျပ်နှင့် အနိမ့်စတစ်အိတ်လျှင် ၁၃၅,၀၀၀ ကျပ်အထိ ဈေးနှုန်းများ ကျဆင်းသွားကြောင်း သိရသည်။

လက်ရှိတွင် မန္တလေး ပဲတီစိမ်းဈေး ကွက်၌ ပဲတီစိမ်း တစ်အိတ်လျှင် ၁၇၃,၀၀၀ ကျပ်နှင့် အနိမ့်စတစ်အိတ်လျှင် ၁၄၅,၀၀၀ ကျပ်အထိ ပေါက်ဈေးရှိလာ ကြောင်း သိရသည်။

မန္တလေးဈေးကွက် ပဲကုန်စည်ဒိုင်များတွင် ပဲတီစိမ်း သုံးတင်းဝင် တစ်အိတ်လျှင် ၁၅၅,၀၀၀ ကျပ်မှ ၁၇၄,၀၀၀ ကျပ်၊ ပဲတီစိမ်းအခွံ သုံးတင်းဝင် တစ်အိတ်လျှင် ၁၃၅,၀၀၀ ကျပ်မှ ၁၄၀,၀၀၀ ကျပ် ရှိလာကြောင်း သိရသည်။

ပဲတီစိမ်း ဈေးကွက်ရလာသဖြင့် အထက်ပိုင်းဒေသရှိ မြို့နယ်များသာမက ဧရာ
ဝတီတိုင်းဒေသမှ ပဲတီစိမ်းများပါ တင်ပို့ရောင်းချမှုများ ရှိနေကြောင်း သိရသည်။

#Ymg/my
#Yangon_ Times

Published -23-7-2023

မန်စီးတီးအသင်းရဲ့ ညာနောက်ခံလူ ကိုင်လီဝေါ့ကာ ဟာ ဘွန်ဒက်စ်လီဂါချန်ပီယံဘိုင်ယန်မြူးနစ်အသင်းကို ပြောင်းရွှေ့ဖို့ စိတ်အားထက်သန်နေတယ်လို့ Skysports သတင်းဌာနရဲ့ သတင်းတစ်ရပ်အရ သိရှိရပါတယ်။အသင်း၂သင်းအကြားဆွေးနွေးမှုတွေပြုလုပ်လျက်ရှိပြီး ဒီသင်းဟာလာ မယ့် အပတ်မှာ ရာသီကြိုခြေစမ်းပွဲယှဉ်ပြိုင်ကြမှာပါ။ဘိုင်ယန်မြူးနစ်က ဝေါ့ကာကို ၂ နှစ် စာချုပ်နဲ့ကမ်းလှမ်းထားပြီးနောက်ထပ် တစ်နှစ်သက်တမ်းတိုးဖို့လည်းထည့် သွင်းချုပ် ဆိုမှာပါ။၂ဖက်အသင်းတာဝန်ရှိသူတွေ လာမယ့်အပတ်ဂျပန်နိုင်ငံမှာ မျက်နှာချင်းဆိုင် ဆက်လက် ဆွေးနွေးကြမယ်လို့ သိရပါတယ်။စီးတီးနဲ့ ဘိုင်ယန်တို့ဟာလာမယ့် ဇူလိုင်၂၆ရက်ကျရင် ဂျပန်မှာခြေစမ်းပွဲယှဉ်ပြိုင်ထားကြမှာပါ။ဝေါ့ကာနဲ့ မန်စီးတီးတို့ရဲ့ စာချုပ်ဟာ တစ်နှစ်သက်တမ်းကျန်သေးပြီး မန်စီးတီးက တစ်နှစ်ပဲ ထပ်မံ သက်တမ်းတိုးဖို့ ဆန္ဒရှိနေပါတယ်။

Ref:skysports.

#World_Health
Published 23 July 2023

တစ်ပတ်အတွင်း မိနစ် ၃၀ ကျော်ကြာအောင် တယ်လီဖုန်းပြောဆိုပါက သွေးပေါင်ချိန်တိုးနိုင်ချေ ၁၂ ရာခိုင်နှုန်းပိုများကြောင်း မေလ ၄ ရက်နေ့က စမ်းသပ်တွေ့ရှိခဲ့ပါတယ်။

ဖုန်းခေါ်ဆိုခြင်းနဲ့ ဖုန်းလက်ခံပြောခြင်းတို့ကြောင့် သွေးတိုးရောဂါဖြစ်နိုင်ချေများကြောင်း The European Heart ဂျာနယ်မှာ ဖော်ပြခဲ့ပါတယ်။

ဖုန်းပြောဆိုရတဲ့ ကြာချိန်မိနစ်တိုင်းက နှလုံးကျန်းမာရေးနဲ့ သက်ဆိုင်နေပြီး အချိန်ပိုများလေ အန္တရာယ်ပိုများလေ ဖြစ်ကြောင်း၊ ထိုတွေ့ရှိချက်တွေ အတည်ပြုနိုင်ဖို့ နောက်ထပ်လေ့လာမှုများ ပြုလုပ်ရန်လိုအပ်သေးကြောင်း တရုတ် ကွမ်ကျိုးရှိ တောင်ပိုင်းဆေးဘက်ဆိုင်ရာတက္ကသိုလ်မှ ပရော်ဖက်ဆာ'ရှန်ဟွေကျင်'က ရှင်းပြခဲ့ပါတယ်။

စမ်းသပ်မှုအတွက် အသက် ၃၇ မှ ၇၃ နှစ်ကြား သွေးတိုးရောဂါမရှိသူပေါင်း ၂၁၂,၀၄၆ ဦးကို လေ့လာခဲ့ပါတယ်။

ဒီအတောအတွင်း စမ်းသပ်ခံသူတွေက လက်ကိုင်ဖုန်းကို ဘယ်လောက်ကြာကြာ အသုံးပြုခဲ့လဲ၊ လက်ဖြင့်မကိုင်ရတဲ့ဖုန်း၊ စပီကာဖုန်းများဖြင့် ဘယ်လောက်ကြာကြာ အသုံးပြုခဲ့လဲဆိုတာတွေကို ကိုယ်တိုင်သတင်းပို့ရပါတယ်။

တစ်ပတ်အတွင်း ကြာချိန် ၅ မိနစ်အောက်သာ ဖုန်းပြောခဲ့တဲ့သူတွေက သွေးတိုးဖြစ်နိုင်ချေ ၈ ရာခိုင်နှုန်းရှိခဲ့ပါတယ်။

တစ်ပတ်အတွင်း ၆ နာရီကျော်အောင် ဖုန်းပြောခဲ့သူတွေကတော့ သွေးတိုးဖြစ်နိုင်ချေ ၂၅ ရာခိုင်နှုန်းများနေပါတယ်။

လက်ကိုင်ဖုန်းဖြင့် ပြောကြားတဲ့ကြာချိန်က တစ်ပတ်အတွင်း နာရီဝက်အောက်ရှိတယ်ဆိုရင်တော့ သွေးတိုးနိုင်ချေမရှိဘူးလို့ ယူဆနိုင်ကြောင်း၊ နောက်ထပ်လေ့လာမှုတွေ ပြုလုပ်ဖို့လိုအပ်ပေမယ့် နှလုံးကျန်းမာရေး ထိန်းသိမ်းဖို့အတွက် လက်ကိုင်ဖုန်းပြောဆိုချိန်ကို အနည်းဆုံးထားသင့်ကြောင်း ပြောပြသွားပါတယ်။

#World_Health #လက်ကိုင်ဖုန်းပြောဆိုချိန်ကြာမြင့်ခြင်းကြောင့် နှလုံးကျန်းမာရေးကိုထိခိုက်စေနိုင်
Source: The Jerusalem Post

#Local_News
Published -23-7-2023

စနစ်သစ် တက္ကသိုလ်ဝင်တန်း စာမေးပွဲအောင်လက်မှတ်များကို လုံခြုံရေးစနစ် မြှင့်တင်ရန် စီစဉ်နေကြောင်း ပညာရေးဝန်ကြီးဌာန က သိရသည်။

 အောင်လက်မှတ်ကတ်ပြားများကို ၂၀၂၄ ခုနှစ်တွင်ထုတ်ပေးနိုင်ရန်စီစဉ်နေပြီး၊ ယခင်ထုတ်ပေးသည့် ပုံစံမျိုးမဟုတ်ဘဲ၊  ကတ်ပြားပေါ်တွင်ပါသည့် ဓာတ်ပုံတွင် တံဆိပ်ခေါင်းကပ်သွားမည်ဖြစ်ကြောင်း သိရသည်။

ထို့ပြင် လုံခြုံရေးစနစ်အတွက် မည်သို့ဆောင်ရွက်မည်ကို အသေးစိတ်မသိရှိရသေးဘဲ၊ ယင်းအတွက် Yangon Times သတင်းဌာနအနေဖြင့်ဆက်လက်စုံစမ်းနေသည်။

၂၀၂၂-၂၀၂၃ ခုနှစ် တက္ကသိုလ်ဝင်အောင် လက်မှတ်များကို ယခု ဇူလိုင်လ (၁၀) ရက်မှစတင်၍ မြန်မာနိုင်ငံ စာစစ်ဦးစီးဌာန နေပြည်တော်နှင့် ရန်ကုန်တို့တွင် ထုတ်ပေးလျက်ရှိကြောင်း သိရသည်။

၂၀၂၂-၂၀၂၃ ပညာသင်နှစ်တွင် တစ်နိုင်ငံလုံးအတိုင်းအတာအရ ကျောင်းသား တစ်သိန်းကျော် အောင်မြင်ခဲ့ပြီး၊ လက်ရှိအချိန်ထိ ရန်ကုန်အပါအဝင် တိုင်းနဲ့ပြည်နယ်များတွင် အောင်လက်မှတ် လာရောက်ထုတ်ယူသူ လေးသောင်းကျော် ရှိကြောင်း သိရသည်။

ယခုနှစ်မှစတင်၍ စနစ်သစ်ဒွါဒဿမတန်း(Grade-12) ကို သင်ကြားခြင်းဖြစ်ပြီး၊ စနစ်ဟောင်းတက္ကသိုလ်ဝင်စာမေးပွဲ ဖြေဆိုခြင်းမရှိသူများ၊ ကျရှုံးသူများအနေဖြင့်  ၂၀၂၄ ခုနှစ်တွင် ကျင်းပမည့်  တက္ကသိုလ်ဝင်စာမေးပွဲအား ပြင်ပဖြေအနေဖြင့် ဖြေဆိုခွင့်ရှိကြောင်း ဇူလိုင် ၁၁ ရက်တွင် မြန်မာနိုင်ငံစာစစ်ဦးစီးဌာနက ထုတ်ပြန်ကြေညာထားသည်။

#YMG/my
#Yangon _Times

အုပ်စု (A)ပွဲစဉ်မှာ မြန်မာ၊ ထိုင်းနဲ့ ဆော်လမွန်ကျွန်းစုအသင်းတို့ ယှဉ်ပြိုင်မည်

Published 23 July 2023
#Local_News
#Continental Futsal Championship 2023 ပြိုင်ပွဲ
#Ymg/my #Yangon_Times

#World_Health
Published 23 July 2023

အက်စ်ပရက်ဆိုကော်ဖီမှာပါဝင်တဲ့ ဒြပ်ပေါင်းတွေက အယ်လ်ဇိုင်းမားရောဂါ ဆိုးရွားလာခြင်းကို ကာကွယ်ပေးနိုင်မယ်လို့ လေ့လာချက်အသစ် တွေ့ရှိထားပါတယ်။

ကော်ဖီသောက်သုံးခြင်းဖြင့် ပါကင်ဆန်နဲ့ အယ်လ်ဇိုင်းမားရောဂါတို့ကို ကာကွယ်ပေးနိုင်တယ်လို့ စာတမ်းပြုစုထားပါတယ်။

အီတလီနိုင်ငံ ဗာရိုနာတက္ကသိုလ်မှ သုတေသီတွေက အက်စ်ပရက်ဆိုမှ ဒြပ်ပေါင်းတွေဟာ အယ်လ်ဇိုင်းမားရောဂါ ဆိုးရွားမလာအောင် ပြုလုပ်နိုင်သလားဆိုတာကို စမ်းသပ်ခဲ့ကြပါတယ်။

'တောင်'လို့ခေါ်တဲ့ပရိုတိန်းက ဦးနှောက်ထဲက တည်ဆောက်ပုံတွေ တည်ငြိမ်အောင် ကူညီပေးကာ မှတ်ဉာဏ်နဲ့ပတ်သက်တဲ့ ဦးနှောက်နေရာတွေမှာ အမျှင်တွေအဖြစ် စုပြုံလာပါတယ်။

ဒါပေမဲ့ အာရုံကြောဆဲလ်တွေကြား ဆက်သွယ်မှုကို နှောင့်ယှက်တဲ့အခါ အယ်လ်ဇိုင်းမားလက္ခဏာတွေဖြစ်တဲ့ မှတ်ဉာဏ်ဆုံးရှုံးမှု၊ ဆုံးဖြတ်ချက်မလုပ်နိုင်ခြင်း၊ ကိုယ်ရည်ကိုယ်သွေး ပြောင်းလဲမှုများ ဖြစ်ပေါ်လာနိုင်ပါတယ်။

အစာမျိုမချနိုင်တာမျိုး၊ အဆုတ်ထဲသို့ အရည်တွေ အစာတွေ ရောက်တာမျိုးတို့မှာ အယ်လ်ဇိုင်းမားကြောင့် အသက်ဆုံးရှုံးနိုင်ပါတယ်။

စမ်းသပ်မှုပြုလုပ်ရာမှာ အက်စ်ပရက်ဆို ဒြပ်ပေါင်းပမာဏများလာတာနဲ့အမျှ တောင်ပရိုတိန်းအမျှင်များ တိုတောင်းလာကာ အစုလိုက်မဖြစ်တော့ဘဲ အယ်လ်ဇိုင်းမားရောဂါကို နှောင့်နှေးရပ်တန့်သွားစေနိုင်ပါတယ်။

နောက်ထပ်သုတေသန လိုအပ်နေပြီး ယခုလေ့လာချက်အသစ်ကြောင့် အယ်လ်ဇိုင်းမားလို အာရုံကြောရောဂါများကို ကာကွယ်နိုင်မယ့် အခြားဒြပ်ပေါင်းများလည်း တွေ့ရှိစေနိုင်ဖွယ်ရှိနေပါတယ်။

ဒီလေ့လာချက်ကို စိုက်ပျိုးမွေးမြူရေးနှင့်အစားအစာဓာတုဂျာနယ်မှာ ဖော်ပြခဲ့တာဖြစ်ပါတယ်။

donanemab ဆေးအသစ်က စမ်းသပ်မှုအောင်မြင်ထားကာ ယခုဆောင်းဦးရာသီမှာ အစားအစာနှင့်ဆေးဝါးကွပ်ကဲရေးမှ ခွင့်ပြုဖို့ မျှော်မှန်းထားပါတယ်။

ဒီဆေးက ဒီမန်ရှာရောဂါဆိုးရွားလာခြင်းကို ၄၀ ရာခိုင်နှုန်း လျှော့ချပေးနိုင်ဖွယ်ရှိပါတယ်။

#World_Health #အက်စ်ပရက်ဆိုကော်ဖီသည်အယ်လ်ဇိုင်းမားရောဂါဆိုးရွားမလာစေရန်ကာကွယ်ပေး
Source: NY Post

ဇူလိုင်၂၃၊၂၀၂၃

မြန်မာနိုင်ငံတော်ဗဟိုဘဏ်က နှစ်သောင်းကျပ်တန် ငွေစက္ကူအမျိုးအစားသစ်ကို ၂၀၂၃ခုနှစ် ဇူလိုင်(၃၁)ရက်နေ့တွင် စတင်ထုတ်ဝေသွားမယ်လို့ ယနေ့ဇူလိုင် ၂၃ ရက်နေ့စွဲဖြင့် သတင်းထုတ်ပြန်ပါတယ်။

မြန်မာနိုင်ငံတွင်ထေရဝါဒဗုဒ္ဓသာသနာတော်ကြီးခိုင်မာစွာထွန်းလင်း တောက်ပမှုအား ပြသရန်၊ ထေရဝါဒဗုဒ္ဓဘာသာ ကိုးကွယ်မှု၏ ဗဟိုချက်ဖြစ်စေရန်၊ တိုင်းပြည်နှင့်ကမ္ဘာကြီးအေးချမ်းသာယာမှုဖြစ်စေရန် ရည်ရွယ်တည်ဆောက်ထားသည့်

“ မာရဝိဇယ ” ဗုဒ္ဓရုပ်ပွားတော်မြတ်ကြီး တည်ဆောက်ပြီးစီးမှု အထိမ်းအမှတ်နှင့် ၂၀၂၂ ခုနှစ် ဇူလိုင် ၂၃ ရက်နေ့တွင် မွေးဖွားသန့်စင်သည့် ဆင်ဖြူတော်ရတနာ ရဋ္ဌနန္ဒက ၏ တစ်နှစ်မြောက်မွေးနေ့အထိမ်းအမှတ်အနေဖြင့်  ထုတ်ဝေတာဖြစ်တယ်လို့ ကြေညာချက်မှာဖော်ပြထားပါတယ်။

ယင်းငွေစက္ကူကို အရေအတွက် အကန့်အသတ်ဖြင့်သာ ထုတ်ဝေသွားမည် ဖြစ်ပြီး မြန်မာနိုင်ငံတွင် လှည့်လည်သုံးစွဲနေသောငွေစက္ကူများအနက် ဟောင်းနွမ်းပြီးလှည့်လည်သုံးစွဲရန် မသင့်သော ငွေစက္ကူအမျိုးအစား အသီးသီးတို့နှင့် “ တန်ဖိုးတူလဲလှယ်ပေးခြင်း ဖြင့်သာဖြန့်ဝေ သွားမည်ဖြစ်တယ်လို့သိရပါတယ်။ ကနဦးအနေဖြင့် မြန်မာနိုင်ငံတော် ဗဟိုဘဏ် - နေပြည်တော်၊ ရန်ကုန်ဘဏ်ခွဲနှင့် မန္တလေးဘဏ်ခွဲ တို့တွင် ဟောင်းနွမ်းငွေစက္ကူများနှင့် “ တန်ဖိုးတူ” လဲလှယ်ပေးမည် ဖြစ်ပါတယ်။

လက်ရှိတရားဝင် လှည့်လည်သုံးစွဲနေသော ငွေစက္ကူများ နှင့် ငွေအကြွေများ သည်လည်း တရားဝင်သုံးစွဲငွေအဖြစ် ဆက်လက် တည်ရှိနေမည်ဖြစ်တဲ့အကြောင်း သတင်းထုတ်ပြန်ချက်မှာဖော်ပြထားပါတယ်။

ငွေစက္ကူသစ်နှင့် ပတ်သက်သည့်အချက်အလက်များမှာ အောက်ပါ

အတိုင်း ဖြစ်တဲ့အကြောင်းသိရပါတယ်။

နှစ်သောင်းကျပ်တန်ငွေစက္ကူ

အရွယ်အစား ။  အလျား(၁၅)စင်တီမီတာ နှင့် အနံ (၇)စင်တီမီတာ

ပေါ်လွင်သောအရောင် ။  အစိမ်းနုရောင်

မျက်နှာစာဘက် ။  နှစ်သောင်းကျပ်တန်ငွေစက္ကူ၏ ထိပ်ပိုင်းတွင်“ မြန်မာနိုင်ငံတော်ဗဟိုဘဏ်”စာတန်းရိုက်နှိပ်ထားပါတယ်။  မျက်နှာစာဘက်အလယ်ပိုင်းတွင် မြန်မာ့အနုပညာလက်ရာမြောက် ရတနာဆင်ဖြူတော်ပုံရိုက်နှိပ်ထားပြီး ငွေစက္ကူ၏ လက်ယာဘက်တွင် ငွေစက္ကူတန်ဖိုးကို မြန်မာစာသားဖြင့် “နှစ်သောင်းကျပ်” ဟု ဖော်ပြထားပါတယ်။ ထောင့်သုံးထောင့် တွင်လည်းငွေစက္ကူ၏တန်ဖိုးကို မြန်မာ၊ အင်္ဂလိပ် ဂဏန်းများဖြင့် ရိုက်နှိပ်ထားပါတယ်။ငွေစက္ကူ နံပါတ်ကို မြန်မာအက္ခရာ မြန်မာဂဏန်းဖြင့် အလျားလိုက်၊ အင်္ဂလိပ်အက္ခရာ အင်္ဂလိပ်ဂဏန်းဖြင့် ဒေါင်လိုက် ရိုက်နှိပ်ထားပါတယ်။ ငွေစက္ကူ၏လက်ဝဲဘက်တွင် ရတနာဆင်ဖြူတော် ဦးခေါင်းပုံရေစာပါရှိပါသည်။ ငွေစက္ကူ၏ဘယ်ညာအစွန်းများတွင်အမြင်အာရုံချို့ယွင်းသူများ အထိအတွေ့ဖြင့် အာရုံခံသိရှိနိုင်သောမျဉ်းတို (၁၂) ချောင်းစီကို ရိုက်နှိပ်ထားပါတယ်။

ကျောဘက်။ နှစ်သောင်းကျပ်တန် ငွေစက္ကူ၏ ကျောဘက်တွင်စစ်ကိုင်းတံတားပုံနှင့်ဧရာဝတီတံတား(ရတနာပုံ)အားရိုက်နှိပ်ထားပြီး အပေါ်ပိုင်း၌ – CENTRAL BANK OFMYANMAR စာတန်း ၊ အောက်ပိုင်း၌ “TWENTYTHOUSAND KYATS”ဟူသောစာတန်းများ ရိုက်နှိပ်ထားပါတယ်။ ထောင့်သုံးထောင့်တွင် ငွေစက္ကူ၏တန်ဖိုးများကို မြန်မာ၊ အင်္ဂလိပ် ဂဏန်းများဖြင့် ရိုက်နှိပ်ထားပါသည်။ နောက်ကျောဘက်တွင် ရှုထောင့်အမျိုးမျိုးမှ ပြောင်းလဲကြည့်လျှင် ရွှေရောင်မှ အစိမ်းရောင်သို့ ပြောင်းလဲသော Colour Shift လုံခြုံရေးကြိုးကို ဒေါင်လိုက် မြှုပ်နှံ ထည့်သွင်းထားပါတယ်။