ရှေးဟောင်းပစ္စည်း(၃၂၄)ခုနိုင်ငံတော်သိုအပ်နှံခဲ့

‘လာရောက်အပ်နှံခဲ့တဲ့ ရှေးဟောင်းပစ္စည်းတွေကတော့ ကျောက်လက်နက်၊ကျောက်ကွင်း၊ကျောက်မို၊ ကျောက်ပုတီးစေ့၊ကြေးလက်နက်၊ကြေးအလေး၊သံလက်နက်၊ငွေပြား၊ငွေဒင်္ဂါး၊မြေပုတီး၊မြေနားဋောင်း၊ မြေဆေးတံ၊ဖန်ပုတီးစေ့၊အရိုးပုတီးစေ့စတဲ့ရှေးဟောင်းပစ္စည်း(၃၂၄)ခုဖြစ်ပါတယ်’ ရှေးဟောင်းသုတေသနနှင့်အမျိုးသားပြတိုက်ဦးစီးဌာန(မန္တလေးဌာနခွဲ)
Yangon_Time/tthl
#Local_News
#Published 24 July 2023
#YMG #Yangon_Times

‘ဧရာဝတီမြစ်ရေဟာ မင်းဘူး၊မကွေး၊အောင်လံ၊ပြည်၊ဆိပ်သာ၊ဟင်္သာတ၊ဇလွန်တိုမှာ အခုရက်ပိုင်း အတွင်းမြစ်ရေတွေတိုးဖိုရှိတယ်။မြစ်အောက်ပိုင်းဒေသတွေမှာမြစ်ရေစုပြီး မြစ်ရေကြီးနိုင်တယ်’ မိုးလေဝသနှင့်ဇလဗေဒညွှန်ကြားမှုဦးစီးဌာန
Yangon_Time/tthl
#Local_News
#Published 24 July 2023
#YMG #Yangon_Times

ကာယဗလနှင့် ကာယကြံ့ခိုင်မှုပြိုင်ပွဲတွင် ရန်ကုန်တိုင်းအသင်း တံခွန်စိုက်ဒိုင်းဆု ရရှိ

ရန်ကုန်တိုင်းဝန်ကြီးချုပ် ဦးစိုးသိန်းက တံခွန်စိုက်ဒိုင်းနှင့် ဂုဏ်ပြုချီးမြှင့်ငွေများ ပေးအပ်ခဲ့
Yangon_Time/my
#Local_News
#Published 24 July 2023
#YMG #Yangon_Times

‘ မြန်မာနဲ့ဘန်ကောက်နဲ့ကြားမှာ လေယာဉ်ကြောင်းလိုင်းပျံသန်းမှုတွေဟာ တစ်နေ့ကို (၇)ကြောင်း ၊(၈)ကြောင်းလောက်ရှိနေပြီး လေယာဉ်စရိတ်တွေကလည်းသင့်တင့်တဲ့အတွက် ပွင့်လင်းရာသီမှာ ထိုင်းခရီးသွားတွေ အများဆုံးလာရောက်နိုင်တယ်’ဦးနောင်းနောင်းဟန်၊(ဥက္ကဌ၊ မြန်မာနိုင်ငံခရီးသွားလုပ်ငန်းရှင်များအသင်း)
Yangon_Time/tthl
#Local_News
#Published 24 July 2023
#YMG #Yangon_Times

Published_24 July 2023

ရုပ်ရှင်ထဲတွင် အင်္ဂလိပ်အရာရှိကြီးအသွင်ဖြင့်မောင်မင်းလူကလေး ဟု သုံးနှုန်းရသူ သခင်ကြီး အဖြစ်သရုပ်ဆောင်သည့် ဇာတ်ပို့ ဦးစံမြင့် ယနေ့ ကွယ်လွန်ခဲ့ရှာပြီ ဖြစ်ကြောင်း သိရသည်။

မြန်မာရိုးရာဝတ်စုံများကို မြတ်နိုးဝတ်ဆင်တတ်သော၊ခေတ်ဟောင်းတေး သီချင်းများ ကို ပင် သီဆိုနိုင်သူဖြစ်သော ဦးစံမြင့် သည် ယနေ့ ဇူလိုင်လ၂၄ ရက် မွန်းလွဲ ၁၂နာရီ၂၀ မိနစ် က ပဲခူးတိုင်းဒေသကြီး ပဲခူးမြို့ ရှိ နေအိမ်တွင် ၉၆ ပါးသောရောဂါ ဖြင့် ကွယ်လွန်သွားခြင်းဖြစ်သည်။

သူသည် ရုပ်ရှင်(ဘိုင်စကုပ်)ထဲတွင် အင်္ဂလိပ်အရာရှိကြီးအသွင်ဖြင့် လွန်ခဲ့သော ၁၉၈၇ ခုနှစ်ကပင် ဇတ်ပို့သရုပ်ဆောင်အဖြစ်အသက်မွေးလာခဲ့သူ ဖြစ်သည်။ ယင်းအပြင် ရန်ကုန်တိရစ္ဆာန်ဥယျာဉ်မှတိရစ္ဆာန် ဆေးဘက်ဆိုင်ရာကျွမ်းကျင်သူတစ်ဦးလည်းဖြစ်ခဲ့သည်။

ယခုအခါရုပ်ရှင်နှင့်ဗွီဒီမောင်မင်းလူကလေးဟုခေါ်ကာသခင်ကြီးအဖြစ်သရုပ်ဆောင်သည့် ထင်ရှားသော ဇာတ်ပို့ သရုပ်ဆောင် ဦးစံမြင့် ကွယ်လွန်ရှာပြီ ဖြစ်ကာ ကွယ်လွန်ချိန်တွင် အသက် ၉၄ နှစ် အရွယ်ရှိပြီ ဖြစ်ကြောင်း သိရသည်။
Yangon/Times/PP
#Local_News
#YMG #Yangon_Times

Published_ 24 July 2023

ငွေစက္ကူအသစ် နှစ်သောင်းကျပ်တန်ထုတ်ဝေမည်ကို အကြောင်းပြု၍ ကုန်စည်ဈေးနှုန်းများနှင့် နိုင်ငံခြာငွေလဲလှယ်နှုန်းမြင့်တက်ရန် ကြိုးစားနေသူများကို ဖော်ထုတ်ပြီး အရေးယူမှာဖြစ်တယ်လို့ ဗဟိုဘဏ်က သတိပေးပြောကြားလိုက်ပါတယ်။

ဟောင်းနွမ်းငွေစက္ကူများကို ဖျက်ဆီးမည့် စာရင်းနှင့် ဖျက်ဆီးမည့် ငွေစက္ကူလက်ကျန်အတွင်းသို့ ထည့်သွင်းပြီး ဖျက်ဆီးသွားမည် ဖြစ်သဖြင့် အထက်ပါ ကျပ်နှစ်သောင်းတန် ငွေစက္ကူများထုတ်ဝေခြင်းကြောင့် ငွေကြေးပမာဏ တိုးတက်ရန် လုံးဝအခြေအနေ မရှိဘူးလို့ ဗဟိုဘဏ်က ပြောပါတယ်။

အဲဒါကြောင့် ဤအခြေအနေတွင် အကြောင်းအမျိုးမျိုးဖော်ပြပြီး ကုန်စည်ဈေးနှုန်းများ ဆွဲတင်ရန်လှုံ့ဆော်နေသူများ၊ နိုင်ငံခြားငွေလဲလှယ်နှုန်း မြင့်တက်စေရန် ကြိုးစားနေသူတွေဟာ ပြည်သူအများ၏ အကျိုးစီးပွားကို ပျက်စီးရာပျက်စီးကြောင်း ဆောင်ရွက်နေသူများဖြစ်သဖြင့် ထိုသူတွေကို ဖော်ထုတ်ပြီး အရေးယူနိုင်ရန် တရားဥပဒေစိုးမိုးရေး အဖွဲ့အစည်းများနှင့် ပူးပေါင်း ဆောင်ရွက်လျက်ရှိနေတယ်လို့ ဗဟိုဘဏ်က သတိပေးပြောကြားခဲ့ခြင်းဖြစ်ပါတယ်။

ကျပ်နှစ်သောင်းတန် ငွေစက္ကူထုတ်ဝေခြင်းသည် နိုင်ငံစီးပွားရေး စနစ်အတွင်း လှည့်လည်သုံးစွဲငွေ (Currency in Circulation – CIC) အတွင်းသို့ထည့်သွင်းခြင်းမဟုတ်ဘဲ ဟောင်းနွမ်းငွေစက္ကူ လာရောက်လဲလှယ်သူ တစ်ဦးလျှင် ဥပမာငွေစက္ကူ အဟောင်းကျပ် သိန်း ၁၀၀ လာရောက်လဲလှယ်သူအား ငွေစက္ကူအသစ် ကျပ်သိန်း ၁၀၀ ပြန်ပေးသည့်အခါတွင် အမှတ်တရအဖြစ် ကျပ် နှစ်သောင်းတန် ငွေစက္ကူ ၃ရွက် သာ ထည့်သွင်းလဲလှယ်ပေးရန် လျာထားဆောင်ရွက်နေတယ်လို့လည်း ဗဟိုဘဏ်ကဆက်လက်ပြောကြားပါတယ်။

အဆိုပါသတိပေးပြောကြားမှုနှင့်အတူ ရွှေဈေးကွက်နှင့် နိုင်ငံခြားငွေကြေး ဈေးကွက်မှ အရောင်းအဝယ်လုပ်သူအချို့ကို ခေါ်ယူမေးမြန်းမှုအချို့ရှိနေတယ်လို့လည်း သတင်းများထွက်ပေါ်နေပါတယ်။
-ymg/knl
#Local_News
#YMG #Yangon_Times

Published_ 24 July 2023

ကျပ်နှစ်သောင်းတန် ငွေစက္ကူထုတ်ဝေခြင်းမှာ အထိမ်းအမှတ်၊ အမှတ်တရအနေဖြင့်လည်းကောင်း၊ အကန့်အသတ်ဖြင့်သာ ငွေစက္ကူအဟောင်းအား အစားထိုးလဲလှယ်ပေးခြင်းဖြစ်၍လည်းကောင်း၊ငွေကြေးဖောင်းပွမှု မဖြစ်နိုင်ကြောင်း မြန်မာနိုင်ငံတော် ဗဟိုဘဏ်က ပြောကြားပါတယ်။

နိုင်ငံ၏စီးပွားရေးစနစ်အတွင်းရှိ စုစုပေါင်း ငွေကြေး ပမာဏကို စဉ်ဆက်မပြတ်စောင့်ကြည့် စိစစ်လျက်ရှိပြီး၊ ရည်မှန်းချက် ပမာဏအတွင်း တွင်သာ ရှိစေရန် ယင်းပမာဏကို နှုတ်သိမ်းခြင်း၊ ထည့်သွင်းခြင်းတို့ကို အချိန်နှင့် တစ်ပြေးညီ ဆောင်ရွက် လျက်ရှိတဲ့အတွက် မြန်မာနိုင်ငံတော်ဗဟိုဘဏ်သည် အတန်အသင့် တင်းကြပ်သောငွေကြေးမူဝါဒကို ကျင့်သုံးလျက် ရှိတာဖြစ်တယ်လို့လည်း ဗဟိုဘဏ်ရဲ့ရှင်းလင်းချက်ထဲမှာဖော်ပြထားပါတယ်။

စီးပွားရေးလုပ်ငန်းများကို ပိုမိုအရှိန်မြှင့်ဆောင်ရွက်နိုင်ရန် အတိုးနှုန်း မြှင့်တင်ခြင်းထက်စီးပွားရေးစနစ်အတွင်း ထားရှိသင့်သည့် သီးသန့်ငွေကြေးပမာဏအား အတိုး/ အလျော့ပြုလုပ်နိုင်သည့် ဘဏ်များက ဗဟိုဘဏ်တွင် ထားရှိရမည့် သီးသန့်ငွေကြေး ပမာဏအချိုး(Reserve Requirement Ratio) မြှင့်တင်ခြင်း/ လျော့ချခြင်းဖြင့် ဆောင်ရွက်လျက်တာဖြစ်တယ်လို့လည်း ဗဟိုဘဏ်ကပြောပါတယ်။

နိုင်ငံစီးပွားရေး စနစ်အတွင်း လှည့်လည်သုံးစွဲငွေ (Currency in Circulation - CIC) များ လျော့နည်းကျဆင်းခဲ့ကြောင်း၊ CICတိုးတက်မှုနှုန်းသည် ၂၀၂၁ ခုနှစ်တွင် ၄၈ ရာခိုင်နှုန်း ရှိခဲ့ရာမှ ၂၀၂၂ ခုနှစ်တွင် ၂၉ရာခိုင်နှုန်း သို့လည်းကောင်း ၂၀၂၃ ခုနှစ် မေလတွင် ၁၁ ရာခိုင်နှုန်းသို့ လည်းကောင်းကျဆင်းခဲ့တယ်လို့လည်း ဗဟိုဘဏ်က ဆက်လက်ပြောဆိုပါတယ်။

ဗဟိုဘဏ်ဟာ နေ့စဉ် နိုင်ငံခြားငွေ စီးဝင်မှု/ စီးထွက်မှုအား နီးကပ်စွာ စောင့်ကြည့်စိစစ်လျက်ရှိပြီး ဈေးကွက်အတွင်း နိုင်ငံခြားငွေ လိုအပ်ချက်များရှိလာပါက Financing ပေးခြင်း၊ ရောင်းချပေးခြင်းနှင့် နိုင်ငံခြားငွေဝယ်ယူ ထိန်းသိမ်းထားသည့် ဘဏ်များအား နိုင်ငံခြားငွေလိုအပ်သော သွင်းကုန် တင်သွင်းသူများနှင့်စီးပွားရေးလုပ်ငန်းများထံသို့ ရောင်းချစေခြင်းတို့ကို ဆောင်ရွက်လျက်ရှိတယ်လို့လည်းသိရပါတယ်။

ယခုအခြေအနေအရ နိုင်ငံခြားငွေလဲလှယ်နှုန်း အတက်အကျ မကြမ်းဘဲ တည်ငြိမ်နေကြောင်း၊မြန်မာနိုင်ငံတော်ဗဟိုဘဏ်က ဦးစီး ဆောင်ရွက်လျက်ရှိသည့် ဘဏ်များအကြား Onlineနိုင်ငံခြားငွေကြေးဈေးကွက်တွင် ဖြစ်ပေါ်လျက်ရှိသည့် Exchange Rate ကို ကြည့်နိုင်ပါကြောင်းနှင့် Online နိုင်ငံခြားငွေကြေးဈေးကွက်တွင် သွင်းကုန်တင်သွင်းသူများ အတွက်လိုအပ်သည့် နိုင်ငံခြားငွေအားရယူနိုင်လျက်ရှိသဖြင့် စီးပွားရေးလုပ်ငန်းများ အတွက်လိုအပ်သော သွင်းအားစုများနှင့် ဈေးကွက်အတွင်း လိုအပ်သော သွင်းကုန်များကို တင်သွင်းနိုင်လျက်ရှိကြောင်းနှင့်ယခုထုတ်ဝေသည့် ကျပ်နှစ်သောင်းတန် ငွေစက္ကူထုတ်ဝေခြင်းသည် အထက်ပါ နိုင်ငံခြားငွေကြေးဈေးကွက်၏ နေ့စဉ် အရောင်းအဝယ်များအား သက်ရောက်မှု မရှိနိုင်လို့လည်း ဗဟိုဘဏ်က ထပ်လောင်းပြောဆိုပါတယ်။

ငွေကျပ်နှစ်သောင်းတန်ငွေစက္ကူအသစ်များ ထုတ်ဝေမည်ဟုကြေညာပြီးနောက် ဈေးကွက်များအတွင်း လှုပ်ခါမှုများရှိခဲ့ပြီး ပြည်သူများအကြား စိုးရိမ်စိတ်များရှိနေချိန်တွင် ဗဟိုဘဏ်ရဲ့ပြောကြားချက် ပေါ်ထွက်လာခြင်းဖြစ်ပါတယ်။
-ymg/knl
#Local_News
#YMG #Yangon_Times

Published_ 24 7 2023

ယခုနှစ်ကုန်ပိုင်းအတွင်း အပြင်းစားအယ်လ်နီညို ဖြစ်ပေါ်လာနိုင်ဖွယ်ရှိ‌သည်ဟု မိုးဇလပညာရှင်များသုံးသပ်ထားသည်။

ကမ္ဘာ့သမုဒ္ဒရာများ၌ ယခုနှစ်အတွင်း စံချိန်တင်အပူချိန်မြင့်တက်လာခြင်းကြောင့် ဖြစ်ပေါ်လာနိုင်ခြင်းဖြစ်သည်ဟုဆိုသည်။

ယင်းဖြစ်စဉ်ကြောင့် ထိုင်း၊ လာအို၊ မြန်မာနှင့် ဗီယက်နမ်နိုင်ငံ မြောက်ပိုင်းဒေသများတွင် ရာသီဥတုပိုမိုပူနွေးလာပြီး အင်ဒိုနီးရှား၊ ဖိလစ်ပိုင်၊ မလေးရှား၊ ကမ္ဘောဒီယားနှင့် ဗီယက်နမ် နိုင်ငံတောင်ပိုင်းဒေသများတွင် ပူနွေးပြီးခြောက်သွေ့‌ သောရာသီဥတုမျိုးဖြစ်ပေါ်လာနိုင်ကြောင်း သိရသည်။

ထို့ကြောင့် ဆန်စပါးစိုက်ပျိုးရေးဇုန်များအပေါ်တွင် သက်ရောက်မှုများရှိလာနိုင်ပြီး၊  မိုးစပါးရိတ်သိမ်းချိန်နှင့် နွေစပါးစိုက်ပျိုးမည့် အချိန်ကာလများတွင် ပိုမိုသက်ရောက်လာနိုင်ကြောင်း သိရသည်။

အယ်လ်နီညိုဖြစ်စဉ်ကြောင့် အရှေ့ တောင်အာရှဒေသများတွင် မိုးနှင့် နွေစပါးထုတ်လုပ်မှုများ လျော့ကျသွားနိုင်တယ်ကြောင်း ခန့်မှန်းထားကြသည်။
YMG/my
#Local_News
#YMG #Yangon_Times

Published 24-7-2023

ဗေဒင်နှင့်အကြားအမြင်ဟောတမ်းထုတ်သူများ လိုင်စင်ပြုလုပ်ရမည်ဆိုသည်မှာ သတင်းအမှားတစ်ခုသာဖြစ်ကြောင်း သာသနာရေးဝန်ကြီးဌာန တုန့်ပြန်ဖြေကြားထားသည်။

ယင်းနှင့်ပတ်သက်၍ ပြည်တွင်းမီဒီယာတစ်ခုက သာသနာရေးဝန်ကြီးဌာနအား မေးမြန်းခဲ့ရာတွင် အဆိုပါ ထုတ်ပြန်ချက်သည် သတင်းအမှားဖြစ်သည်ဟု ပြန်လည်ဖြေကြားထားခြင်းဖြစ်သည်။

ယမန်နေ့ ဇူလိုင် (၂၃) ရက် က လူမှုကွန်ရက်စာမျက်နှာပေါ်တွင် အကြား အမြင်ဟောတမ်းထုတ်သူများ အနေဖြင့် ဟောတမ်းထုတ်ခွင့်လိုင်စင် ပုံစံ-က၊ ပုံစံ-ခ၊ ပုံစံ-ဂ နှင့် ပုံစံအထူးတို့ကို လျောက်ထားရမည်ဟု ကျယ်ကျယ်ပြန့်ပြန့်ထွက်ပေါ်လာခဲ့သည်။

အဆိုပါထုတ်ပြန်ချက်အတုတွင် သာသ နာရေးဝန်ကြီးဌာနက အမိန့်ကြော်ငြာစာ အမှတ် (၃၇/၂၀၂၃) ဖြင့် ဗေဒင်နှင့်အကြားအမြင်ဟောတမ်းထုတ်သူများအတွက် မြန်မာနိုင်ငံသာသနာပိုင် အက် ဥပဒေ ပုဒ်မ ၁၄ နှင့် ၁၇ အရ အဆိုပါ အမိန့်ကို ထုတ်ပြန်လိုက်သည်ဟု ဖော်ပြထားသည်။

ထို့အပြင် ဟောတမ်းထုတ်ခွင့်လိုင်စင်မရဘဲ၊ ကိုယ်တိုင်သော်လည်းကောင်း၊ လူမှုကွန်ရက်စာမျက်နှာများကသော်လည်း ကောင်း၊ အခြားဆက်သွယ်ရေးကွန်ရက်တစ်ခုခုက သော်လည်းကောင်ဆောင် ရွက်သည်ကို တွေ့ရှိပါက မြန်မာနိုင်ငံ သာသနာပိုင် အက်ဥပဒေ ပုဒ်မတို့ဖြင့် အရေးယူမည်ဖြစ်ကြောင်း ထုတ်ပြန်ချက်အတုတစ်စောင် ထွက်ပေါ်ခဲ့သည်။

ယင်းအပေါ် လူမှုကွန်ရက်စာမျက်နှာပေါ်တွင် ဝေဖန်သုံးသပ်မှုများ ကျယ်ကျယ်လောင်လောင် ထွက်ပေါ်လာခဲ့သေးသည်။

YMG/my
#Local_News
#YMG #Yangon_Times

Published_ 24 July 2023

ရုရှားတို့စတင်ကျူးကျော်စဥ် သိမ်းပိုက်ထားတဲ့ နယ်မြေတွေရဲ့ တဝက်လောက်ကို ယူကရိန်းက ပြန်လည်သိမ်းယူနိုင်ခဲ့ပြီ ဖြစ်ကာ နောက်ထပ်သိမ်းယူနိုင်ဖို့အတွက် ယူကရိန်းအနေနဲ့ အတော်လေးခက်ခဲနေကြောင်း အမေရိကန် နိုင်ငံခြားရေးဝန်ကြီး 'အန်တိုနီဘလင်ကန်'က ပြောကြားလိုက်ပါတယ်။

"အစပိုင်းက သိမ်းပိုက်ခံခဲ့ရတဲ့ နယ်မြေတွေရဲ့ ၅၀ ရာခိုင်နှုန်းလောက်ကို ပြန်လည်သိမ်းယူနိုင်ခဲ့ပြီး ဖြစ်ပါတယ်" လို့ ဘလင်ကန်က တနင်္ဂနွေနေ့က CNN နဲ့ အင်တာဗျူးမှာ ပြောပြခဲ့ပါတယ်။

"ဒါဟာ တန်ပြန်ထိုးစစ်ရဲ့ အစောပိုင်းကာလတွေပဲ ရှိသေးပြီး ခက်ခဲကြမ်းတမ်းလှပါတယ်။

နောက်တစ်ပတ် နှစ်ပတ်နဲ့ ပြီးဦးမှာ မဟုတ်ပါဘူး။ လပေါင်းများစွာ ကြာမြင့်ဦးမယ်လို့ ခန့်မှန်းရပါတယ်" လို့ ဆိုပါတယ်။

ရုရှားတပ်တွေကို တန်ပြန်ထိုးစစ်ဆင်ခြင်းရဲ့ အခြေအနေက ဖြစ်ချင်တာထက် နှောင့်နှေးနေကြောင်း ယူကရိန်းသမ္မတ 'ဗိုလိုဒီမီယာဇယ်လန်စကီ'က ပြီးခဲ့တဲ့လက ပြောကြားခဲ့ပါတယ်။

တောင်ပိုင်းရှိ ရွာအချို့၊ အရှေ့ဘက် ဘက်ခ်မွတ်မြို့ပျက်အနီးတဝိုက် နယ်မြေတွေကို ယူကရိန်းက ပြန်လည်သိမ်းပိုက်နိုင်ခဲ့ပေမယ့် ရုရှားတို့ အင်အားကြီးမားစွာ ခုခံကာကွယ်နေတဲ့ နေရာတွေမှာတော့ ကြီးကြီးမားမား ဖြတ်ကျော်နိုင်ခြင်း မရှိသေးပါဘူး။

ယူကရိန်းကို အမေရိကန်ထုတ် F-16 တိုက်လေယာဉ်တွေ ပေးမှာလားဆိုတာကို မေးမြန်းခဲ့ရာမှာ ရောက်နိုင်မယ်လို့ ယုံကြည်ကြောင်း ဘလင်ကန်က ပြောကြားခဲ့ပါတယ်။

အဓိကအာရုံစိုက်ရမှာက ဒီလေယာဉ်တွေကို ယူကရိန်းတို့ ပါးနပ်စွာအသုံးချနိုင်ဖို့၊ ထိန်းသိမ်းတတ်ဖို့ သေချာစွာ လေ့ကျင့်သင်ကြားရမှာဖြစ်ကြောင်း ဆိုပါတယ်။

ယူကရိန်းလေယာဉ်မှူးများ F-16 တိုက်လေယာဉ် မောင်းနှင်နိုင်ရန် မဟာမိတ် ၁၁ နိုင်ငံက ဩဂုတ်လအတွင်း ဒိန်းမတ်နိုင်ငံမှာ စတင်လေ့ကျင့်သင်ကြားသွားမှာဖြစ်ပြီး ရိုမေးနီးယားမှာ လေ့ကျင့်ရေးစင်တာ တည်ဆောက်သွားမှာ ဖြစ်ပါတယ်။

F-16 ထောက်ပံ့ပေးရန် ယူကရိန်းဘက်က ကာလကြာရှည်စွာ တောင်းဆိုထားပြီး ဝါရှင်တန်အနေနဲ့ ထိုလေယာဉ်များ ပေးပို့ရန် နောက်ဆုံးဆုံးဖြတ်ချက် မချသေးကြောင်း အမေရိကန်လုံခြုံရေးအကြံပေး 'ဂျိတ်ခ်ဆာလီဗန်'က ပြီးခဲ့တဲ့လက ပြောကြားသွားပါတယ်။

လေယာဉ်များ ပေးပို့ရန်နဲ့ လေ့ကျင့်သင်ကြားရေးအတွက် အနည်းဆုံး ၁၈ လကြာမြင့်လိမ့်မယ်လို့ အမေရိကန်အရာရှိများက ခန့်မှန်းထားပါတယ်။

၂၀၂၂ ဖေဖော်ဝါရီလ ရုရှားတို့ စတင်ကျူးကျော်ပြီးကတည်းက အမေရိကန်ဟာ ယူကရိန်းအတွက် စစ်ရေးအကူအညီ ဒေါ်လာ ၄၁ ဘီလီယံကျော် ထောက်ပံ့ပေးပြီး ဖြစ်ပါတယ်။
Source: Reuters
#World_Military
#YMG #Yangon_Times

#World_Health
Published 24 July 2023

ခံတွင်းနံ့ဆိုးခြင်းဟာ အဖြစ်များတဲ့ ခံတွင်းကျန်းမာရေး ပြဿနာဖြစ်ပြီး စိုးရိမ်မှုနဲ့ ရှက်စိတ်ကိုဖြစ်စေပါတယ်။

လျှာနဲ့ လည်ချောင်းမှာ ကပ်နေထိုင်နေတဲ့ ဆာလ်ဖာထုတ်လုပ်ဘက်တီးရီးယားကြောင့် အဓိကဖြစ်တတ်တာပါ။

ဒီဘက်တီးရီးယားတွေဟာ ပါးစပ်ခြောက်ခြင်း၊ အချို့သော အစားအစာများ၊ ဆေးလိပ်သောက်ခြင်း၊ ခံတွင်းသန့်ရှင်းမှုမရှိခြင်းတို့ကြောင့် ပေါက်ဖွားတတ်ကြပါတယ်။

အပြင်ပန်းအခြေအနေတွေကြောင့် ခံတွင်းအနံ့ဆိုးခြင်းတွေထဲမှာ ခံတွင်းမသန့်ရှင်းခြင်း၊ အစာညပ်ခြင်း၊ သွားဖုံးရောဂါတို့ကြောင့် ဖြစ်တတ်ပြီး ရောဂါအခြေအနေတွေဖြစ်တဲ့ ဆီးချိုအက်ဆစ်ဓာတ်များခြင်း၊ အစာအိမ်ပြဿနာ၊ မျက်လုံးနဲ့ခံတွင်းခြောက်ခြင်းဖြစ်စေတဲ့ ဂျိုဂရင်ဆင်ဒရုန်းတို့ကြောင့်လည်း ဖြစ်တတ်ပါတယ်။

ဒေါက်တာ'အန်ကီတာဒေလီယာ'က ခံတွင်းအနံ့ဆိုးခြင်း သက်သာစေမယ့် နည်းလမ်းတွေကို မျှဝေခဲ့ပါတယ်။

- သွားကြားပွတ်ဆွဲခြင်း

သွားတွေကြားထဲမှာ စားစရာညပ်ကျန်မနေအောင် ပွတ်ဆွဲပေးသင့်ပါတယ်။

စားစရာတွေ ညပ်နေတယ်ဆိုရင် ခံတွင်းအနံ့ဆိုး ထွက်နိုင်ပါတယ်။

- လျှာပွတ်ခြင်း

လျှာပွတ်ခြင်းဖြင့် သွားဖုံးရောင်ရမ်းခြင်း၊ သွားပိုးစားခြင်း၊ ခံတွင်းနံ့ဆိုးခြင်းတို့ကို ဖြစ်ပေါ်စေတဲ့ အန္တရာယ်ပြုဘက်တီးရီးယားတွေကို ဖယ်ရှားပေးပြီး ခံတွင်းသန့်ရှင်းစေပါတယ်။

- ဆီငုံခြင်း

သွားဖုံးကျန်းမာရေး၊ သွားကျန်းမာရေး၊ ခံတွင်းခြောက်ခြင်းတို့အတွက် ဆီငုံခြင်းက အကောင်းဆုံးနည်းလမ်း တစ်မျိုးဖြစ်ပါတယ်။

အုန်းဆီ သို့မဟုတ် နှမ်းဆီ ၁၀ မီလီလီတာကို ပါးစပ်ထဲထည့်ကာ ၅-၇ မိနစ်ခန့် လှုပ်ရှားပေးရမှာဖြစ်ပါတယ်။

- စမုန်နက်အစေ့

အစာစားပြီးနောက် ခံတွင်းကို သဘာဝအတိုင်းသန့်ရှင်းစေဖို့ စမုန်နက်အစေ့ လက်တစ်ဆုပ်ခန့်ကို ဝါးစားပေးရပါမယ်။

ခံတွင်းနံ့ဆိုးခြင်းအတွက် အရေးကြီးတာတွေကတော့ တစ်နေ့ ၂ ကြိမ်သွားတိုက်ခြင်း၊ သွားကြား သန့်ရှင်းရေးပြုလုပ်ခြင်း၊ ကျန်းမာမျှတတဲ့ အစားအစာ စားသုံးခြင်း၊ သကြားစားသုံးမှုလျှော့ချခြင်း၊ သွားဆေးခန်းသို့ ပုံမှန်သွားရောက်စစ်ဆေးခြင်းတို့ ပြုလုပ်ရမှာဖြစ်ပါတယ်။

သွားတိုက်ဆေးထဲကို လက်ဖက်ပင်ဆီထည့်ပြီး သွားတိုက်ခြင်းဖြင့်လည်း အိမ်မှာပင် ခံတွင်းနံ့ဆိုးခြင်းကို သက်သာအောင် ပြုလုပ်နိုင်ပါတယ်။

#World_Health #ခံတွင်းနံ့ဆိုးခြင်းကိုသက်သာစေနိုင်မည့်အိမ်တွင်းနည်းများ
Source: India Today

#World_Science
Published 24 July 2023

သက်သက်လွတ်စားသုံးခြင်းဟာ ပတ်ဝန်းကျင်အပေါ် များစွာသက်ရောက်မှုရှိစေပြီး ရာသီဥတုအပူထုတ်လွှတ်ခြင်း၊ ရေထုညစ်ညမ်းခြင်း၊ သတ္တဝါပျက်စီးခြင်း၊ ရေသုံးစွဲခြင်းတို့ သိသိသာသာ လျော့ကျစေနိုင်ကြောင်း လေ့လာတွေ့ရှိထားပါတယ်။

ယူကေမှ လူပေါင်း ၅၅,၀၀၀ နဲ့ ၁၁၉ နိုင်ငံမှ ခြံပေါင်း ၃၈,၀၀၀ ထံမှ အချက်အလက်များ ရယူကာ သက်သက်လွတ်စားသုံးခြင်းရဲ့ ပတ်ဝန်းကျင် အကျိုးဖြစ်ထွန်းမှုတွေကို သက်သေပြခဲ့ကြပါတယ်။

လူတွေရဲ့ အစားအသောက် ရွေးချယ်မှုက ကမ္ဘာမြေအပေါ် ကြီးမားစွာသက်ရောက်နေပြီး အသားနဲ့ နို့ထွက်ပစ္စည်းများ လျှော့ချခြင်းဖြင့် များစွာခြားနားစေနိုင်ကြောင်း အောက်စ်ဖို့ဒ်တက္ကသိုလ်မှ ပရော်ဖက်ဆာ'ပီတာစကာဘိုရော့'က ပြောပြခဲ့ပါတယ်။

သက်သက်လွတ်စားခြင်းဖြင့် သတ္တဝါပျက်စီးမှု ၆၆ ရာခိုင်နှုန်း၊ ရေသုံးစွဲမှု ၅၄ ရာခိုင်နှုန်း လျှော့ချပေးနိုင်ပါတယ်။

အခုသုတေသနက ပတ်ဝန်းကျင်သက်ရောက်မှုကို ပိုမိုတိကျစွာ သုံးသပ်တင်ပြထားပါတယ်။

ထုတ်လုပ်တဲ့နည်းလမ်း နေရာထက်စာရင် စားသုံးတဲ့ စားစရာအမျိုးအစားတွေက ပတ်ဝန်းကျင်အပေါ် ပိုမိုထိရောက်မှုရှိပါတယ်။

အော်ဂဲနစ်ဝက်သားဆိုရင် အစေ့အဆန်ထက် ရာသီဥတုထိခိုက်မှု ၈ ဆပိုဖြစ်စေနိုင်ပါတယ်။

ပတ်ဝန်းကျင်ထိခိုက်မှု လျှော့ချဖို့ရာ စားစရာရွေးချယ်မှု အရေးကြီးပုံကို သိပ္ပံပညာရှင်များနဲ့ ကျွမ်းကျင်သူများက အလေးပေးဖော်ပြနေကြပါတယ်။

အသားစားများသူတွေကို အသားလျှော့စားဖို့ တိုက်တွန်းခြင်းဖြင့် ရာသီဥတုလိုအပ်ချက် ကိုက်ညီဖို့ရာ အရေးပါနေပါတယ်။

ဒါဟာ အသားလျှော့စားရန် လိုအပ်နေတဲ့ ချမ်းသာတဲ့နိုင်ငံတွေမှာ အကျိုးဖြစ်ထွန်းစေမယ့် အစားအစာမျိုးကို ထောက်ခံပေးနိုင်မယ့် ပေါ်လစီတွေ လိုအပ်နေပါတယ်။

နွားတွေ သိုးတွေကနေ ထုတ်လုပ်တဲ့ မီသိန်းဓာတ်ငွေ့ထုတ်လွှတ်မှု သိသိသာသာကွဲပြားတာကိုလည်း ဖော်ပြထားပါတယ်။

သက်သက်လွတ်စားသောက်ခြင်းက အသားစားသောက်ခြင်းထက် မီသိန်းထုတ်လွှတ်မှု ၉၃ ရာခိုင်နှုန်း လျော့နည်းတာကို တွေ့ရှိခဲ့ကာ အပင်အခြေပြု စားစရာတွေက ပတ်ဝန်းကျင်အပေါ် ကောင်းကျိုးသက်ရောက်မှုကို အလေးပေးဖော်ပြခဲ့ကြပါတယ်။

လူတစ်ယောက်ချင်းစီက ကိုယ်ပိုင်စားသောက်ပုံစံကို ရွေးချယ်ကြတာမှန်ပေမယ့် ပေါ်လစီတွေနဲ့ ဆန်းသစ်တဲ့ စိုက်ပျိုးမွေးမြူရေး အလေ့အကျင့်တွေကလည်း ရေရှည်အကျိုးရှိစေမယ့် စားစရာမျိုးထုတ်လုပ်ရာမှာ အရေးပါနေပါတယ်။

မီသိန်းထုတ်လွှတ်မှုနည်းပါးတဲ့ မျိုးဗီဇပြုပြင်နွားများကိုလည်း ပြဿနာဖြေရှင်းချက်နည်းလမ်းအဖြစ် မွေးမြူရေးဝန်ကြီးက စိတ်ဝင်စားနေပါတယ်။

Source: WION #World_Science #သဘာဝပတ်ဝန်းကျင်ပျက်စီးမှု
#Yangon_Times