#Local_News
Published_ 31 May 2023

မကွေးတိုင်းဒေသကြီး၊ မကွေးခရိုင်၊ ချောက်မြို့နယ်၊ အမှတ်(၁၄)၊ ဇောတိကရပ်ကွက်တွင်ရှိနေအိမ်တစ်အိမ်ပေါ်သို့ မေလ ၃၀ရက်နေ့ ညနေပိုင်းက သစ်ပင်တစ်ပင်လဲကျမူဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့မှသိရသည်။

အဲ့ဒီသစ်ပင်လဲကျမူကြောင့် နေအိမ်အတွင်းရှိ ကျား(၁)ဦး၊ မ(၆)ဦး၊ စုစုပေါင်း(၇)ဦးအနက် ကလေး မ(၁)ဦး(သေဆုံး)၊ ကျား(၁)ဦး၊ မ(၅)ဦး ထိခိုက်ဒဏ်ရာများရရှိခဲ့ပေမယ့် မစိုးရိမ်ရကြောင်း မြန်မာနိုင်ငံမီးသတ်တပ်ဖွဲ့ကထုတ်ပြန်ထားသည်။

အခင်းဖြစ်နေရာသို့ ချောက်မြို့နယ်မီးသတ်စခန်းမှ တပ်ဖွဲ့ဝင်များနှင့်လူမှုကူညီရေးအ သင်းဝင်များက ကူညီကယ်ဆယ်ရေးလုပ်ငန်းများ ရှင်းလင်းရေးလုပ်ငန်းများ လုပ်ဆောင်ခဲ့ရကြောင်း သိရသည်။

သေဆုံးသူရုပ်အလောင်းနှင့်ဒဏ်ရာရရှိသူတွေက်ိုမနောဖြူလူမှုကူညီရေးအသင်းယာဉ်ဖြင့် ချောက်မြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်းသိရသည်။
ymg/ynzw
#YMG #Yangon_Media_Group

#Local_News
Published_ 31 May 2023

နစက ငြိမ်းချမ်းရေးဖော်ဆောင်မှုညှိနှိုင်းရေးကော်မတီနှင့် မြောက်ပိုင်းမဟာမိတ် ညီနောင်သုံးဖွဲ့တို့ မနက်ဖြန် ဇွန်လ ၁ ရက်တွင် ဆွေးနွေးကြမည်ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

မြောက်ပိုင်းမဟာမိတ် ညီနောင်သုံးဖွဲ့မှာ မြန်မာနိုင်ငံအမှန်တရားနှင့်တရားမျှတသောအမျိုးသားပါတီ-မြန်မာအမျိုးသားဒီမို ကရက်တစ်မဟာမိတ်တပ်မတော်(MNTJP/MNDAA)၊ ပလောင်ပြည်နယ်လွတ်မြောက်ရေးတပ် ဦး-တအောင်းအမျိုးသားလွတ်မြောက်ရေးတပ်မတော်(PSLF/TNLA)၊ ရက္ခိုင်အမျိုးသားအဖွဲ့ ချုပ်-ရက္ခိုင့်တပ်တော်(ULA/AA)တို့ ဖြစ်ပြီး ယင်းတို့မှ ကိုယ်စားလှယ်များ ရှမ်းပြည်နယ်အရှေ့ပိုင်း၊ အထူး ဒေသ(၄) မိုင်းလားမြို့ သို့ မေလ ၃၀ ရက်က ရောက်ရှိနေကြပြီ ဖြစ်ကြောင်း သိရသည်။

အထက်ပါအတိုင်း တွေ့ဆုံဆွေးနွေးရန် တရုတ်နိုင်ငံ သက်ဆိုင်ရာဌာနများက ကြားဝင်ညှိနှိုင်းပေးခြင်း ဖြစ်ကြောင်း ၊ ယင်းဆွေးနွေးပွဲတွင် ကိုယ်စားလှယ်အဖြစ် ပါဝင်မည့် တရုတ်နိုင်ငံ၊ ယူနန်ပြည်နယ် နိုင်ငံခြားရေးရာ အထူးသံတမန် မစ္စတာ ကောပေါင် လည်း မိုင်းလားမြို့ သို့ ရောက်ရှိနေပြီဖြစ်ကြောင်း သိရသည်။

ယင်း ကိုယ်စားလှယ်က ဆွေးနွေးပွဲအောင်မြင်စွာ ဖြစ်မြောက်ရေးအတွက် ပါဝင်ခြင်း ဖြစ်ကြောင်းနှင့်ရှမ်းပြည်နယ်အရှေ့ပိုင်း၊ အထူး ဒေသ(၄)ဘက်မှ နေထိုင်စားသောက်မှုနှင့် လုံခြုံရေးများကို တာဝန်ယူသွားမည်ဖြစ်ကြောင်း သိရသည်။
ymg/pl
#YMG #Yangon_Media_Group

#Asia_Politics
Published_ 31 May 2023

ထိုင်းနိုင်ငံမှ Move Forward Party (MFP) ပါတီဦးဆောင်တဲ့ ပါတီ ၈ ခုမဟာမိတ်အဖွဲ့ဟာ အာဏာကူးပြောင်းရေးပြင်ဆင်ရန် ကော်မတီတစ်ရပ်ကို ဖွဲ့စည်းလိုက်ကာ ဝန်ကြီးချုပ်'ပရာယွတ်ချန်အိုချာ'ကတော့ မဆီလျော်တဲ့လုပ်ရပ်လို့ သတ်မှတ်လိုက်ပါတယ်။

ပရာချာချတ်ပါတီရုံးချုပ်မှာပြုလုပ်တဲ့ ညွန့်ပေါင်းအစည်းအဝေးအပြီး MFP ခေါင်းဆောင်နဲ့ ဝန်ကြီးချုပ်လောင်း'ပီတာလင်ဂျာရိုအင်ရတ်'တို့က အသွင်ကူးပြောင်းညှိနှိုင်းရေးကော်မတီဖွဲ့စည်းလိုက်ကြောင်း အင်္ဂါနေ့က ကြေညာလိုက်ပါတယ်။

ပါတီ ၈ ခုစလုံးမှ ခေါင်းဆောင်တွေက မစ္စတာ'ပီတာ' ဥက္ကဌအဖြစ်ဆောင်ရွက်မယ့် ကော်မတီဖွဲ့စည်းတည်ဆောက်ရန် သဘောတူညီခဲ့ကြပါတယ်။

ကူးပြောင်းညှိနှိုင်းရေးကော်မတီအပြင် လျှပ်စစ်၊ ဒီဇယ်၊ စွမ်းအင်ဈေးနှုန်းများ၊ မိုးခေါင်ရေရှားမှု၊ အယ်လ်နီညိုပြဿနာများကို ကိုင်တွယ်ဖြေရှင်းရန် လုပ်ငန်းအဖွဲ့အစည်း ၇ ခုကိုလည်း ဖွဲ့စည်းခဲ့ပါတယ်။

အဖွဲ့အစည်းတစ်ခုစီမှာ ပါတီ ၈ ခုမှ ကိုယ်စားလှယ်များပါဝင်ပြီး တိုးတက်မှုပိုင်းမှာ နောက်ဆုံးရရှိသတင်းတွေကို ကူးပြောင်းညှိနှိုင်းရေးကော်မတီထံပေးအပ်ရန် ပုံမှန်အစည်းအဝေးများ ကျင်းပမှာဖြစ်ပါတယ်။

အပြီးသတ်မူဝါဒများကို လွှတ်တော်မှာကြေညာပြီး အုပ်ချုပ်ရေးနဲ့ ဥပဒေပြုရေးမဏ္ဍိုင်နှစ်ခုစလုံးက အကောင်အထည်ဖော်မှာဖြစ်ကြောင်း မစ္စတာပီတာက ပြောကြားခဲ့ပါတယ်။

ယင်းတို့ရဲ့လုပ်ငန်းများ ချောမွေ့စွာလည်ပတ်နေပြီး ပြည်သူတွေရဲ့ပြဿနာများကို တတ်နိုင်သမျှအကောင်းဆုံးဖြေရှင်းနိုင်ရန် အတူတကွလုပ်ဆောင်သွားမယ်လို့ ကတိပြုခဲ့ပါတယ်။

အမှုဆောင်ဌာနခွဲအတွင်း ရာထူးနေရာလွှဲပြောင်းခြင်းက ပြည်သူတွေရဲ့အကျိုးစီးပွားကို အမြဲဦးစားပေးသွားမယ်လို့လည်း ဆိုပါတယ်။

MFP ရဲ့ကူးပြောင်းရေးအစီအစဉ်များအကြောင်း သတင်းထောက်တွေက ဗိုလ်ချုပ်ကြီးပရာယွတ်ကိုမေးမြန်းခဲ့ရာ ယင်းက ထိုလှုပ်ရှားမှုကိုဝေဖန်လိုက်ကာ အစိုးရအေဂျင်စီကိုယ်စားလှယ်များနဲ့ တွေ့ဆုံရန် အစီအစဉ်များကို သတိပေးလိုက်ပါတယ်။

MFP က ရွေးကောက်ပွဲအနိုင်ရပေမယ့် အစိုးရအဖွဲ့ထဲ မရောက်ရှိသေးပါဘူး။

ဒါဟာ ဆီလျော်မှုမရှိဘဲ အစိုးရအဖွဲ့အစည်းတွေဟာ လက်ရှိအစိုးရအောက်မှာပဲ ရှိသေးတာဖြစ်ပြီး အနာဂတ်မှာ ကူးပြောင်းရေးအစီအစဉ်အတွက် အချက်အလက်များပြင်ဆင်သွားမှာဖြစ်တယ်လို့ ပရာယွတ်ကဆိုပါတယ်။

MFP အနေနဲ့ ပုဂ္ဂလိကကဏ္ဍများမှ ကိုယ်စားလှယ်တွေနဲ့တွေ့ဆုံနိုင်ပေမယ့် လက်ရှိအချိန်မှာတော့ အစိုးရအဖွဲ့အစည်းများနဲ့တွေ့ဆုံရန် မသင့်လျော်ကြောင်း ဝန်ကြီးချုပ်ကဆိုပါတယ်။

ရွေးကောက်ပွဲအပြီးမှာ နိုင်ငံခြားရင်းနှီးမြှုပ်နှံသူများ တုန့်ပြန်ပုံများအကြောင်းမေးမြန်းခဲ့ရာ အစိုးရအသစ်ရုပ်လုံးပေါ်လာတဲ့အထိ စောင့်ဆိုင်းနေကြောင်း ပြောကြားခဲ့ပါတယ်။
Source: Bangkok Post
#Asia_Politics #ထိုင်းနိုင်ငံ #အာဏာလွှဲပြောင်းရေး #ထိုင်းဝန်ကြီးချုပ်ဝေဖန်
#YMG #Yangon_Media_Group

#World_Health
Published_ 31 May 2023

အသက် ၅၀ နဲ့အထက် အမျိုးသားထက်ဝက်ကျော်ခန့်ဟာ ဆီးကျိတ်ကြီးခြင်းဝေဒနာအပျော့စား ခံစားရတတ်ပြီး အသက်ကြီးလာတာနဲ့အမျှ ဖြစ်နိုင်ချေပိုများလာကြောင်းကို တော်တော်များများ မသိရှိကြပါဘူး။

ဒီအတွက် ယနေ့ခေတ်မှာ ဖြေရှင်းနည်းတွေရှိလာပြီး အလျင်အမြန်သက်သာစေခြင်း၊ ဘေးအန္တရာယ်အနည်းဆုံး၊ အရေးကြီးဆုံးက လိင်ပိုင်းဆိုင်ရာစွမ်းဆောင်မှုကို မထိခိုက်စေတဲ့ နည်းလမ်းများဖြင့် ကုသနိုင်ပြီဖြစ်ပါတယ်။

ဆီးကျိတ်ဟာ အမျိုးသားမျိုးပွားစနစ်ရဲ့ အစိတ်အပိုင်းတစ်ခုဖြစ်ပါတယ်။

ဆီးအိမ်အောက်မှာ တည်ရှိပြီး ဆီးလမ်းကြောင်းပြွန်ကို ရစ်ပတ်ထားပါတယ်။

ဆီးကျိတ်အရွယ်အစားက အသက်ကြီးလာတာနဲ့အမျှ သဘာဝအတိုင်း ကြီးထွားလာတာဖြစ်ပါတယ်။

ဒီလိုကြီးထွားလာခြင်းက ဆီးလမ်းကြောင်းပြွန်ကို ထိရောက်စေကာ ဆီးသွားခြင်းကို ခက်ခဲစေပါတယ်။

သူ့ရဲ့လက္ခဏာတွေကတော့ ဆီးသွားရခက်ခြင်း၊ ဆီးလမ်းကြောင်းအားနည်းခြင်း၊ မကြာခဏဆီးသွားချင်သလိုဖြစ်ခြင်း၊ ဆီးကျန်သလိုခံစားရခြင်းတို့ဖြစ်ပါတယ်။

တစ်ခါတလေမှာ ဆီးကျန်တာမျိုးဖြစ်ပေါ်တတ်ကာ ဆီးပိုက်အရေးပေါ်ထည့်ရခြင်မျိုး လိုအပ်တတ်ပါတယ်။

ညနေခင်းမှာ ကော်ဖီ၊ အယ်လ်ကိုဟောသောက်သုံးခြင်း ရှောင်ရှားခြင်းဖြင့် ပြောင်းလဲကုသသင့်ပါတယ်။

ဒီနည်းလမ်းဖြင့် မသက်သာဘူးဆိုရင် ဆေးဝါးသောက်သုံးနိုင်ပြီး အချိန်အတိုင်းအတာတစ်ခုအထိပဲ အကျိုးရှိကာ ကြာလာရင် ပျောက်ကွယ်သွားတတ်ပါတယ်။

ဆေးဝါးမှာဘေးထွက်ဆိုးကျိုးရှိတတ်ပြီး လိင်ပိုင်းဆိုင်ရာစွမ်းဆောင်ရည်ကျဆင်းတာမျိုး ရင်သားကြီးထွားလာတာမျိုး ဖြစ်တတ်ပါတယ်။

ဆေးနဲ့အလုပ်မဖြစ်ဘူးဆိုရင် ဆီးကျိတ်ကိုခွဲစိတ်ဖယ်ရှားတာမျိုး ပြုလုပ်နိုင်ပါတယ်။

နှစ်များစွာ နည်းလမ်းသစ်များတီထွင်ထုတ်လုပ်ရန် ကြိုးပမ်းခဲ့ကြပြီး ဘေးထွက်ဆိုးကျိုး ပြင်းပြင်းထန်ထန်မရှိစေဘဲ အောင်မြင်နိုင်ချေများပြီး ရေရှည်ခံနိုင်အောင် ကုသနိုင်မယ့်နည်းလမ်းတွေ ရှာဖွေခဲ့ကြပါတယ်။

နည်းပညာမြင့်ကုသမှုဆိုရင် ခွဲစိတ်စရာမလိုဘဲ ထိရောက်အောင် ကုသပေးနိုင်မှာဖြစ်ပါတယ်။

ဆီးကျိတ်အနည်းငယ်ကြီးလာခြင်းကြောင့် ဆီးကျန်ခြင်းနဲ့ ဆီးလမ်းကြောင်းအောက်ပိုင်းလက္ခဏာများကို ကုသနိုင်မယ့် ဘေးကင်းထိရောက်တဲ့ လုပ်ထုံးလုပ်နည်းတစ်ခုဖြစ်ပါတယ်။

သွေးကြောထုံးခြင်းလိုကုသနည်းက ခွဲစိတ်မှုနဲ့ဆင်တူပြီး ဆီးသွားရာမှာ ပိုပြီးအဆင်ပြေစေမှာဖြစ်ပါတယ်။

သာမန်ကုထုံးတွေထက် အဆင်ပြေသလို ဆီးပိုက်ထည့်ရတာမျိုး မလိုအပ်သလို လိင်ပိုင်းဆိုင်ရာစွမ်းဆောင်ရည်ကိုလည်း မထိခိုက်စေပါဘူး။
Source: The Jersualem Post.
#World_Health #ဆီးကျိတ်ပြဿနာ #ဖြေရှင်းလာနိုင်ပြီ
#YMG #Yangon_Media_Group

#World_Health

Published_ 31 May 2023

ပန်းဂေါ်ဖီစိမ်းစွပ်ပြုတ်က ဆီးချိုရောဂါဒုတိယအမျိုးအစားဖြစ်နိုင်ချေရှိသူများအတွက် ကောင်းမွန်တဲ့ရွေးချယ်မှု ဖြစ်လာပါတယ်။ 

Smarter Food ကုမ္ပဏီမှ နှစ်ပေါင်းများစွာ သုတေသနပြုလုပ်ကာ အပင်စိုက်ပျိုးပြီးနောက် GRextra လို့ခေါ်တဲ့ ပန်းဂေါ်ဖီစိမ်းမျိုးကွဲအသစ်ကို တီထွင်ခဲ့ကာ စကော့တလန်မှာ ဟင်းချိုအဖြစ်ဖန်တီးလာပါတယ်။ 

သူတို့မှာ ပွင့်ဖတ် ၄ ဖတ်ပါတဲ့ပန်း၊ ကြက်ခြေခတ်ပုံစံပွင့်ဖတ်၊ ထူးခြားတဲ့အနံ့စူးရှရှ ပါဝင်ပါတယ်။ 

ဒီလိုဟင်းသီးဟင်းရွက်ဥပဒေတွေကတော့ ပန်းဂေါ်ဖီစိမ်း၊ ပန်းဂေါ်ဖီ၊ ဂေါ်ဖီထုပ်တို့ဖြစ်ပါတယ်။ 

ဒီဟင်းရွက်တွေမှာ ဂလူကိုရာဖာနင်လို့ခေါ်တဲ့ ဒြပ်ပေါင်းပါဝင်ကာ ကျန်းမာရေးအကျိုးကျေးဇူးများကြောင့် စိတ်ဝင်စားလာကြပါတယ်။ 

စားသုံးလိုက်တဲ့အခါ ဆာလ်ဖိုရာဖိန်းဒြပ်ပေါင်းအဖြစ် ပြောင်းလဲသွားကာ ဓာတ်တိုးဆန့်ကျင်ခြင်းနဲ့ ရောင်ရမ်းမှုဆန့်ကျင်ခြင်း ဂုဏ်သတ္တိများရှိတယ်လို့ ကျော်ကြားပါတယ်။ 

Smarter Food ကုမ္ပဏီဟာ အစိုးရထောက်ပံ့ထားတဲ့ ယူကေသုတေသနနဲ့ ဖန်တီးမှုအဖွဲ့အစည်းတို့ကနေ ငွေကြေးထောက်ပံ့ထားတာဖြစ်ပါတယ်။ 

ဂလူကိုရာဖာနင်နဲ့ ဆာလ်ဖိုရာဖိန်းတို့အကြောင်း အချက်အလက်အထောက်အထား များစွာရရှိထားကာ ပညာရှင်အချင်းချင်းသုံးသပ်ထားပြီးဖြစ်သလို သိပ္ပံနည်းကျဖော်ပြထားကြောင်း၊ ဒီဒြပ်ပေါင်းအများအပြားပါဝင်တဲ့ ထုတ်ကုန်ကို ဖန်တီးနိုင်ခဲ့ကြောင်း ကုမ္ပဏီအမှုဆောင်ချုပ်'လော်ရာနိုက်'က ပြောပြခဲ့ပါတယ်။ 

ကုမ္ပဏီစမ်းသပ်ချက်များအရ တစ်ပတ်ကို စွပ်ပြုတ်တစ်ပန်းကန်သောက်သုံးခြင်းဖြင့် သွေးတွင်းဂလူကို့စ်ပမာဏကို လျော့ကျစေပြီး အချိန်ကြာတဲ့အထိထိန်းထားနိုင်ပါတယ်။ 

ဒါဟာ သွေးတွင်းသကြားဓာတ်များပြီး ဆီးချိုဖြစ်နိုင်ချေများတဲ့သူတွေအတွက် အထူးကောင်းမွန်ပါတယ်။ 

အရင်လေ့လာချက်တွေမှာ ဂလူကိုရာဖာနင်ပါဝင်မှုမြင့်မားတဲ့ အစားအစာတွေစားသုံးခြင်းနဲ့ ကျန်းမာရေးနဲ့ညီညွတ်အောင် နေထိုင်ခြင်းတို့က နာမကျန်းရောဂါအမျိုးမျိုးအပြင် ကင်ဆာကိုလည်း ကာကွယ်ပေးပြီး သွေးပေါင်ချိန်နဲ့ ကိုလက်စ်ထရောလ်တို့ကို လျှော့ချပေးနိုင်ကြောင်း တွေ့ရှိခဲ့ပါတယ်။ 

SmarterNaturally အဖွဲ့က သူတို့ရဲ့ထုတ်လုပ်မှုကို ချဲ့ထွင်ရန် ဒေါ်လာ ၁.၈ သန်းမြှင့်တင်ပြီးနောက် မေလကုန်မှာ နောက်ထပ် ဒေါ်လာ ၆၁၇,၃၀၀ ထပ်မံအသုံးပြုချင်နေပါတယ်။ 
Source: WION  
#World_Health #ပန်းဂေါ်ဖီစိမ်းဟင်းချို #ဆီးချိုရောဂါဒုတိယအမျိုးအစား #စမ်းသပ်တွေ့ရှိ
#YMG #Yangon_Media_Group

Published 30 May 2023

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား မြန်မာနိုင်ငံသို့ရောက်ရှိနေတဲ့ ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယဥက္ကဋ္ဌ H.E. Mr.Sholban Kara-Ool က မြန်မာနိုင်ငံ၌ရွေးကောက်ပွဲကျင်းပချိန်တွင် လွှတ်လပ်၍တရားမျှတသည့် ရွေးကောက်ပွဲတစ်ရပ်ဖြစ်စေရေး ရုရှားနိုင်ငံမှ ကူညီဆောင်ရွက် ပေးသွားမည့်ကိစ္စကို ဆွေးနွေးခဲ့တယ်လို့ နစကရဲ့သတင်းထုတ်ပြန်ချက်အရသိရပါတယ်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ထံသို့ ဒူးမားလွှတ်တော် ဒုတိယဥက္ကဋ္ဌ H.E. Mr.Sholban Kara-Ool ဦးဆောင်သည့်အဖွဲ့ဝင်များက ယနေ့မေလ ၃၀ရက် ညနေပိုင်းတွင် တောင်ကြီး မြို့ရှိ ပင်လုံရိပ်သာ ဧည့်ခန်းမဆောင်၌ လာရောက်ဂါရဝပြုတွေ့ဆုံခဲ့ရာမှာ ဒူးမားလွှတ်တော်ဒုတိယဥက္ကဋ္ဌက ဆွေးနွေးခဲ့တာ ဖြစ်တယ်လို့ သတင်း ထုတ်ပြန်ချက်မှာဖော်ပြထားပါတယ်။

ထိုသို့ဆွေးနွေးရာတွင် ယခုနှစ်သည် မြန်မာ-ရုရှား နှစ်နိုင်ငံ သံတမန်ဆက်ဆံမှု ၇၅ နှစ် ပြည့်မြောက်သည့်နှစ်ဖြစ်ပြီး ရှိရင်းစွဲချစ်ကြည်ရင်းနှီးမှုများကို ဆက်လက်တိုး မြှင့် ဆောင်ရွက်သွားနိုင်မည့် အခြေအနေများ၊ နှစ်နိုင်ငံ ကဏ္ဍပေါင်းစုံတွင် အကျိုးတူ ပူးပေါင်းဆောင်ရွက်မှုများ ပိုမိုတိုးမြှင့်ဆောင်ရွက်နိုင်မည့် အခြေအနေများ၊ မြန်မာနိုင်ငံ ၏ သယ်ယူပို့ဆောင်ရေးကဏ္ဍနှင့် လျှပ်စစ်ဓာတ်အားထုတ်လုပ်ရေးကဏ္ဍများ ဖွံ့ဖြိုး တိုးတက်ရေးအတွက် ပူးပေါင်းဆောင်ရွက်လျက်ရှိမှု အခြေအနေများ၊ သိပ္ပံနှင့် နည်းပညာရပ်ပိုင်းဆိုင်ရာ ပညာရပ်များအပါအဝင် လူသားအရင်းအမြစ်များ ဖွံ့ဖြိုးတိုး တက်ရေးအတွက် ရုရှားဖက်ဒရေးရှင်းနိုင်ငံသို့  မြန်မာနိုင်ငံမှ ပညာတော်သင်များ စေလွှတ်လျက်ရှိသည့် အခြေအနေများကို ဆွေးနွေးခဲ့တယ်လို့ သိရပါတယ်။

အဲဒီအပြင် အားကောင်းသော ဆိုင်ကလုန်းမုန်တိုင်း (Severe Cyclonic Storm) "မိုခါ" (MOCHA) ဝင်ရောက်မှုကြောင့် သဘာဝဘေးဒဏ် သင့်ခဲ့ရသည့် ဒေသများအတွက် ရုရှားဖက်ဒရေးရှင်းနိုင်ငံမှ ကူညီထောက်ပံ့မှုများ ပေးအပ်သွားမည့် အခြေအနေများ၊ နှစ်နိုင်ငံပြည်သူများအချင်းချင်း ထိတွေ့ဆက်ဆံမှု များ တိုးမြှင့်နိုင်ရေးအတွက် အပြန်အလှန်ခရီးသွားလာရေးကဏ္ဍကို မြှင့်တင် ဆောင်ရွက်သွားမည့် အခြေအနေများ၊ မြန်မာနိုင်ငံနှင့် ရုရှားနိုင်ငံတို့အကြား ဘက်ပေါင်းစုံတွင်ပူးပေါင်းဆောင်ရွက်မှုများ ဆက်လက်တိုးမြှင့် ဆောင်ရွက် သွားမည့် အခြေ အနေများ၊ နှင့်စပ်လျဉ်းပြီး ရင်းရင်းနှီးနှီး ဆွေးနွေးခဲ့ကြတယ်လို့ သတင်းထုတ်ပြန်ချက်မှာ ဖော်ပြထား  ပါတယ်။

တွေ့ဆုံပွဲသို့ နစက ဥက္ကဋ္ဌနှင့်အတူ ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ဝန်ကြီးဦးဝင်းရှိန်၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မောင်မောင်အေး နှင့် တာဝန်ရှိသူများတက်ရောက်ကြပြီး ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယ ဥက္ကဋ္ဌနှင့်အတူ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E.Mr. Nikolay LISTOPADOV နှင့် ဒူးမားလွှတ်တော်မှတာဝန်ရှိသူများ တက်ရောက်ခဲ့ကြပါတယ်။

Source- ymg/knl

#ဗိုလ်ချူပ်မှူးကြီးမင်းအောင်လှိုင်

#ဒူးမားလွှတ်တော် ဒုတိယဥက္ကဋ္ဌH.E. Mr.Sholban Kara-Ool

#မြန်မာ့နိုင်ငံရေး

#YangonMediaGroup

#Local_News
Published_ 30 May 2023

ယခု တစ်ပတ်ဈေးကွက်အတွင်း စက်သုံးဆီဈေးမှာ နှုန်းထားအပြောင်းအလဲမရှိ တည်ငြိမ်နေပြီး ၉၂ တစ်လီတာလျှင် ၁၉၈၅ကျပ်ပေါက်ဈေးရှိနေကြောင်း ယနေ့ဈေးနှုန်းထုတ်ပြန်ချက်များအရ သိရပါတယ်။

#Local_News #စက်သုံးဆီနှုန်းဈေး
#YMG #Yangon_Media_Group

#Asia_Culture
Published_ 30 May 2023

ကိုဗစ်ကပ်ရောဂါကြောင့် ၃ နှစ်ကြာမကျင်းပရတဲ့ ပေါက်စီပွဲတော်ကို ဟောင်ကောင်ကျွန်းချွန်ချောင်မှာ အတီးအမှုတ်၊ နဂါးအကများဖြင့် ပြန်လည်ကျင်းပနိုင်ခဲ့ပါတယ်။

#Asia_Culture #ပေါက်စီပွဲတော် #ဟောင်ကောင်ကျွန်း
#YMG #Yangon_Media_Group

#Local_News
Published_30 May 2023

တိုင်ဖွန်းမုန်တိုင်း “ မဝါ” (Mawar)ကြောင့် ရန်ကုန်အပါအဝင် တိုင်းနဲ့ပြည်နယ်အချို့မှာ ယနေ့ မိုးကြီးမယ်လို့ မိုး/ဇလက ယနေ့မေလ ၃၀ ရက်နေ့ နံနက်ပိုင်းက ထုတ်ပြန်လိုက်ပါတယ်။

#Local_News #တိုင်ဖွန်းမုန်တိုင်း #တိုင်းနဲ့ပြည်နယ်အချို့မှာယနေ့မိုးကြီးမယ်
#YMG #Yangon_Media_Group

#Local_News
Published_ 30 May 2023

ကျန်းမာရေးဝန်ကြီးဌာနရဲ့ မေ ၂၉ရက်နေ့ ည၈နာရီ ထုတ်ပြန်ချက်အရ ပြည်တွင်းမှာ ဓာတ်ခွဲနမူနာ ၆၆၉၃ ဦးကို ဓာတ်ခွဲစစ်ဆေးခဲ့ရာ ကိုဗစ်(၁၉)လူနာသစ် ၅၈ဦး ထပ်မံတွေ့ရှိခဲ့တယ်လို့ကျန်းမာရေး၀န်ကြီးဌာနက ထုတ်ပြန်ထားပါတယ်။

#Local_News #ကိုဗစ်လူနာသစ် #ရာခိုင်နူန်း
#YMG #Yangon_Media_Group

#Local_News
Published_ 30 May 2023

ဗိုလ်တထောင်ကျိုက်ဒေးအပ်ဆံတော်ဦးစေတီတော်ကို ဒုတိယကမ္ဘာစစ်အပြီး ပြန်လည်တည်ထား ကိုးကွယ်ခဲ့တာဟာ အခုနှစ်မှာဆိုရင်(၇၅)နှစ်တိုင်ခဲ့ပြီဖြစ်ပါတယ်၊၊

#Local_News #ဗိုလ်တထောင်စေတီ #စိန်ရတုအထိမ်းအမှတ် #ဗုဒ္ဓပူဇာပွဲ
#YMG #Yangon_Media_Group

#Daily_News
Published_ 30 May 2023

၁။ ဗိုလ်တထောင်စေတီတွင် စိန်ရတုအထိမ်းအမှတ်အဖြစ် ဗုဒ္ဓ၊ ဓမ္မ၊ သံဃပူဇာပွဲများ ကျင်းပမည်၊နယုန်လပြည့်နေ့၌ ဗုဒ္ဓပူဇာပွဲကျင်းပမည်

၂။ ကိုဗစ်လူနာသစ် (၅၈) ဦး ထပ်တွေ့ရှိပြီး ရာခိုင်နူန်းဖြင့် ၀ ဒသမ ၈၇ ရာခိုင်နူန်းရှိနေ

၃။ တိုင်ဖွန်းမုန်တိုင်း “ မဝါ”(Mawar)ကြောင့် ရန်ကုန် အပါအဝင် တိုင်းနဲ့ ပြည်နယ် အချို့မှာ ယနေ့ မိုးကြီးမယ်

၄။ (၃)နှစ်ကြာ မကျင်းပရသည့် ပေါက်စီပွဲတော် ဟောင်ကောင်ကျွန်းတစ်ခုတွင် ပြန်လည်ကျင်းပ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG