#Local_News
Published_ 29 May 2023

လတ်တလောကာလ မြန်မာ့အထည်ချုပ်လုပ်ငန်းတွေမှာ ဥရောပနဲ့ အမေရိကန်တို့က အပ်ထည်အများစုကို လက်ခံချုပ်ပေးနေရတယ်လို့ မြန်မာအထည်ချုပ်လုပ်ငန်းရှင်များအသင်းက သိရပါတယ်။

#Local_News ##မြန်မာ့အထည်ချုပ်လုပ်ငန်း #အမေရိကန် #အော်ဒါအပ်ထည်များ
#YMG #Yangon_Media_Group

#Local_News
Published_ 29 May 2023

စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး လုပ်ငန်းမတီအနေနဲ့ မေလ ၂၉ ရက်နေ့ကနေ ဇွန်လ ၄ရက်နေ့အထိ စားသုံးဆီတစ်ပိဿာကို ငွေကျပ် ၃၉၆၀ကျပ် ရည်ညွှန်းသတ်မှတ်ထားပြီး အရင်အပတ်ထက် စျေးနူန်းကျဆင်းလာကြောင်း ထုတ်ပြန်ချက်အရသိပါတယ်။

#Local_News #စားအုန်းဆီ #အခြေခံလက်ကားရည်ညွှန်းဈေးနှုန်း #အရင်အပတ်ထက်စျေးကျ
#YMG #Yangon_Media_Group

#Local_News
Published_ 29 May 2023

ဟိုးအရင်တုန်းက ပုဂ္ဂလိကပညာရေးဥပဒေမရှိသေးတဲ့အတွက် ပုဂ္ဂလိကကျောင်းအချိုဟာ စည်ပင်နဲ့အခြားအစိုးရဌာနတွေမှာမှတ်ပုံတင်ပြီးဖွင့်လှစ်ခဲ့တာတွေရှိခဲ့ဖူးပါတယ်၊၊

#Local_News #ပုဂ္ဂလိကပညာရေးဥပဒေ #ပုဂ္ဂလိကကျောင်းအားလုံး #ပညာရေးဝန်ကြီးဌာန
#YMG #Yangon_Media_Group

#Daily_News
Published_ 29 May 2023

၁။ ပုဂ္ဂလိကပညာရေးဥပဒေ ရှိလာ၍ ပုဂ္ဂလိကကျောင်းအားလုံး ပညာရေးဝန်ကြီးဌာနမှာပဲမှတ်ပုံတင်ဖွင့်လှစ်ရမည်ဟုဆို

၂။ စားအုန်းဆီ အခြေခံလက်ကားရည်ညွှန်းဈေးနှုန်း တစ်ပိဿာ ကျပ်၃၉၆၀ သတ်မှတ်အရင်အပတ်ထက် စျေးကျ

၃။ မြန်မာ့အထည်ချုပ်လုပ်ငန်းတွေမှာ ဥရောပနဲ့ အမေရိကန်က အော်ဒါအပ်ထည်အများစုရရှိ

၄။ နောက်ဆုံးပေါ် ပြည်တွင်းထုတ် ပဲ့ထိန်းဒုံးကျည်အား အီရန်အောင်မြင်စွာ စမ်းသပ်ပစ်လွှတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_  29 May 2023

လာမယ့်နွေရာသီမှာ အယ်နီညိုဖြစ်စဉ်ကြောင့် မိုးခေါင်၊ရေရှားနိုင်တဲ့အတွက် စိုက်ပျိုးရေးသမားတွေအနေနဲ့ အခုနှစ်မိုးရာသီကာလမှာကတည်းက မိုးရေတွေကြိုတင်စုဆောင်းထားသင့်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်၊

#Local_News #အယ်နီညိုကြောင့်မိုးခေါင် #ရေရှားနိုင် #မိုးရာသီ #စိုက်ပျိုးရေး
#YMG #Yangon_Media_Group

#Local_News
Published_ 29 May 2023

မြန်မာနိုင်ငံအတွင်းက ကျောင်းသားကလေးသူငယ်များ၊ တက္ကသိုလ်ကျောင်းသား၊ ကျောင်းသူများ နျူကလီးယား စွမ်းအင်နှင့်ပတ်သက်သော လေ့လာမှုများကို စိတ်ဝင်စားနေကြကြောင်း သိပ္ပံနှင့် နည်းပညာ ဝန်ကြီးဌာနက သိရသည်။

"အခုလို မြန်မာနိုင်ငံအတွင်းက ကျောင်းသားကလေးသူငယ်တွေ၊ တက္ကသိုလ်ကျောင်းသား၊ ကျောင်းသူတွေ နျူကလီးယား စွမ်းအင်နဲ့ ပတ်သက်တဲ့ လေ့လာမှုတွေကို စိတ်ဝင်တစားပြုလုပ်နေချိန်မှာ သူတို့ကို နျူကလီး ယားစွမ်းအင်အပေါ်ယုံကြည်မှုတွေ၊ ပျော်ရွှင်မှုတွေ ပေးစွမ်းနိုင်မှာလည်း သတင်းမီဒီယာတွေသာ ဖြစ်ပါတယ်၊ ဒါပေမဲ့မြန်မာနိုင်ငံမှာ နျူကလီးယားစွမ်းအင်နဲ့ ပတ်သက်လို့ ကြောက်ရွံမှုတွေနဲ့ သတင်းအမှားတွေ ရှိနေပါတယ်၊ အခုအချိန်မှာ ဘေးအန္တရာယ်ကင်းရှင်းပြီး ယုံကြည်စိတ်ချ မှုရှိတဲ့ နျူကလီးယားစွမ်းအင်နဲ့ပတ်သက်လို့ ရှင်းလင်းပြတ်သားကာ တိကျခိုင်မာမှုရှိတဲ့ သတင်းအချက်အလက်တွေကို မြန်မာ့သတင်းမီဒီယာတွေကို ပံ့ပိုးပေးချင်တဲ့အတွက် အခုလို အခမ်းအနားကို ကျင်းပရတာ ဖြစ်ပါတယ်"ဟု အဆိုပါ ဝန်ကြီးဌာန အမြဲတမ်းအတွင်းဝန် က ပြောသည်။

ယနေ့ မေလ ၂၉ ရက်က နျူကလီးယား သတင်းအချက်အလက် စင်တာ တွင် ပြုလုပ်သော နျူကလီးယားစွမ်းအင်ဆိုင်ရာ အသိပညာ ပေးဆွေးနွေးပွဲအခမ်းအနားအတွင်း ယင်းက အထက်ပါအတိုင်း ပြောကြားခဲ့ခြင်း ဖြစ်သည်။

ရုရှားဖက်ဒရေးရှင်းနိုင်ငံနှင့် ပြည်ထောင်စုသမ္မတမြန်မာနိုင်ငံတို့အကြား ငြိမ်းချမ်းသောရည် ရွယ်ချက်များအတွက် နျူကလီးယားစွမ်းအင် အသုံးချရေးနယ်ပယ်တွင် ပူးပေါင်းဆောင်ရွက်ရန် ပြီးခဲ့သည့် ၂၀၂၂ ခုနှစ်ဇူလိုင်လ ၁၁ ရက်က မော်စကိုမြို့တွင် သိပ္ပံနှင့်နည်းပညာဝန်ကြီးဌာန နှင့် ROSATOM နျူကလီးယား စွမ်းအင်နယ်ပယ်ဆိုင်ရာ လေ့ကျင့်ရေးနှင့် ကျွမ်းကျင်မှုအရည်အသွေး ဖွံ့ဖြိုးတိုးတက်မှု ပူးပေါင်းဆောင်ရွက်ရေးနားလည်မှုစာချွန်လွှာ ၊ နျူကလီးယား စွမ်းအင်အပေါ် ပြည်သူလူထု၏ အပြုသဘောဆောင်သော သဘောထားအမြင်များ ရရှိစေရန်ပူးပေါင်းဆောင်ရွက်ရေး နားလည်မှုစာချွန်လွှာ (၂) စောင်ကို လက်မှတ်ရေးထိုးခဲ့ကြကြောင်း သိရသည်။

ယင်းအပြင် နျူကလီးယားနည်းပညာအသုံးချနယ်ပယ် (၁၄) ခု အတွက်လည်း အစိုးရအချင်းချင်းပူး ပေါင်းဆောင်ရွက်ရေးဆိုင်ရာ သဘောတူညီချက်ကိုလက်မှတ်ရေး ထိုးခဲ့ပြီးဖြစ်ကြောင်း သိရသည်။

"ဒီနေ့ပြုလုပ်တဲ့ ဆွေးနွေးပွဲဟာ ဖေဖော်ဝါရီလကပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန် ဗိုလ်ချုပ်မှူးကြီးမင်းအောင်လှိုင် နဲ့ Rnion ရဲ့ ညွှန်ကြားရေးမှူးချုပ် Mr.Nexey Lilhache. တက်ရောက်ချီးမြှင့်ခဲ့ပြီး နိုင်ငံတော်အဆင့် ပူးပေါင်းဖွင့်လှစ်ခဲ့တဲ့ နျူကလီးယား သတင်းအချက်အလက် စင်တာမှာ ကျင်းပခွင့်ရတာကြောင့်သည့်အတွက်ကျနော်အနေနဲ့ အထူးပင် ဂုဏ်ယူဝမ်းမြောက်မိပါတယ်။

ဒီနေ့ဆွေးနွေးပွဲ ရည်ရွယ်ချက်ကတော့ မြန်မာနိုင်ငံမှာရှိ တဲ့ သတင်းမီဒီယာသမားတွေကို နျူကလီးယားကို ငြိမ်းချမ်းစွာအသုံးပြုပြီး မျက်မှောက်ခေတ်ကမ္ဘာကြီးနဲ့ မိတ်ဆက်ပေးမှာဖြစ်ပြီး သတင်းမီဒီယာသမားတွေအတွက် နျူကပီးယားနည်းပညာနဲ့ပတ်သက်လို့ လိုအပ်တဲ့ တိကျတဲ့ သတင်းအရင်းအမြစ်တွေ၊ ၊ သတင်းအချက်အလက်တွေကို ပွင့်လင်းမြင်သာမှုရှိရှိ ရယူနိုင်ဖို့ ဖြစ်ပါတယ်။

နျူကလီယားစွမ်းအင်နည်းပညာနဲ့တ်သက်လို့ အချိန်အတော်ကြာ သတင်းအမှောင်ဖုံးထားတာတွေ ရှိခဲ့ပါတယ်။

ဒီလိုမျိုး သတင်းအမှောင်ဖုံးထားတဲ့အတွက်၊ နျူကလီယားစွမ်းအင်နည်းပညာနဲ့ပတ်သက်လို့ယုံတမ်းစကားတွေ၊ သတင်းအမှားတွေဟာ ပြည်သူလူထုကြားပေါက်ဖွားလာပြီး ကြောက်ရွံ့မှုတွေကို ဖြစ်ပေါ်စေပါတယ်။

ဒါကြောင့်မိုလို့ သတင်းမီဒီယာသမားတွေရဲ့ အကူအညီနဲ့ ၊ နျူကလီယားစွမ်းအင်နည်းပညာနဲ့ ပတ်သက်လို့ ယုံတမ်းစကားတွေ သတင်းမှားတွေကို ဖျောက်ပျက်နိုင်ပြီး နျူးကလီးယားနည်းပညာ အကျိုးကျေးဇူးတွေ အကြောင်း၊ နျူကလီးယားနည်းပညာကိုငြိမ်းငြိမ်းချမ်းချမ်းအသုံးပြုပြီး တိုင်းပြည်တိုးတက်အောင်ဘာတွေဆောင်ရွက်ပေးနိုင်စွမ်းရှိတယ်ဆိုတာကို နိုင်ငံမှာရှိတဲ့ပြည်သူတွေကို ပြန်ပြီး ပြောပြနိုင်လိမ့်မယ်လို့ ကျွန်တော်ယုံကြည်ပါတယ်"ဟုရုရှားဖက်ဒရေးရှင်းနိုင်ငံ ၊နိုင်ငံပိုင် အနုမြူစွမ်းအင် ကော်ပိုရေးရှင်းမှ တာဝန်ရှိသူက ပြောသည်။

နျူကလီး ယားနည်းပညာသတင်းအချက်အလက်စင်တာတွင် ကျောင်းသားလူငယ်များ၊အများပြည်သူများ အနေဖြင့် ခေတ်မီနျူကလီးယားနည်းပညာများကို လေ့လာရန် အခွင့်အလမ်းများ ရရှိလာမည် ဖြစ်ကြောင်းလည်း အဆိုပါ အခမ်းအနားက သိရသည်။
ymg/pl
#Local_News #ခေတ်မီနျူကလီးယားနည်းပညာ #ကျောင်းသားများစိတ်ဝင်တစားရှိ
#YMG #Yangon_Media_Group

#World_Military
Published_ 29 May 2023

ယူကရိန်းမြို့တော် စတင်တည်ထောက်တဲ့နှစ်ပတ်လည်နေ့အကြို တနင်္ဂနွေနေ့မှာ ယူကရိန်းတို့ ဒရုန်းတိုက်ခိုက်မှုကြီးကြီးမားမား ခံစားခဲ့ရပါတယ်။

ဒရုန်းတိုက်ခိုက်မှုကြောင့် ၇ ထပ်အဆောက်အအုံကနေ အပျက်အစီးအစအနများ ပြုတ်ကျလာသဖြင့် အသက် ၄၁ နှစ်အရွယ်အမျိုးသားတစ်ဦးသေဆုံးခဲ့ပြီး အသက် ၃၅ နှစ်အရွယ်အမျိုးသမီးတစ်ဦး ဆေးရုံတင်ခဲ့ရကြောင်း မြို့တော်ဝန်'ဗီတာလီကလစ်ချ်ကို'က အတည်ပြုလိုက်ပါတယ်။

မြို့တော် ခရိုင်အသီးသီးရှိ အထပ်မြင့်အဆောက်အအုံနှစ်ခုကို ပျက်ကျလာတဲ့ဒရုန်းအစအနများ ထိမှန်ကာ မီးလောင်ကျွမ်းခဲ့ပါတယ်။

တောင်ပိုင်းမှ ဟိုလိုဆီယစ်ဗ်စကီခရိုင်ရှိ ဂိုဒေါင်များလည်း မီးလောင်စွဲခဲ့တယ်လို့ ယူကရိန်းအရာရှိများ ပြောကြားခဲ့ပါတယ်။

ရုရှားဟာ kamikaze အီရန်ဒရုန်း ၅၄ စင်းနဲ့ တိုက်ခိုက်ခဲ့ရာ ၅၂ စင်းကိုပစ်ချနိုင်ခဲ့ပြီး ယူကရိန်းလေကြောင်းကာကွယ်ရေးစွမ်းရည်ကို ပြသရာရောက်ခဲ့တယ်လို့ ယူကရိန်းလေတပ်က ပြောကြားလိုက်ပါတယ်။

"ရန်သူတွေရဲ့ ဒုံးကျည်တွေ၊ လေယာဉ်တွေ၊ ရဟတ်ယာဉ်တွေ၊ ဒရုန်းတွေကို ဖျက်ဆီးဖို့ရှာဖွေနေပြီး ဒီဒရုန်းတွေ ဒုံးကျည်တွေကို ပစ်ချလိုက်တိုင်း အသက်တွေကိုကယ်ဆယ်နိုင်တာဖြစ်တဲ့အတွက် သူရဲကောင်းတွေပါပဲ" လို့ သမ္မတ'ဇယ်လန်စကီ'က လေကြောင်းကာကွယ်ရေးကို ချီးကျူးလိုက်ပါတယ်။

ယူကရိန်းမြို့တော်အုတ်မြစ်ချတာ နှစ်ပေါင်း ၁,၅၀၀ ကျော်ရှိလာပြီး နှစ်ပတ်လည်နေ့အတွက် ပြည်သူများပြင်ဆင်နေကြတဲ့အချိန်မှာ ရုရှားတို့က တမင်ပစ်မှတ်ထားတိုက်ခိုက်ခဲ့တယ်လို့ ယူကရိန်းအရာရှိများက စွပ်စွဲလိုက်ပါတယ်။

ရုရှားတို့ နောက်ထပ်လေကြောင်းတိုက်ခိုက်မှုများ ပြုလုပ်လာနိုင်တာကိုခန့်မှန်းပြီး ယူကရိန်းဒေသ ၁၂ ခုမှာ တနင်္ဂနွေနေ့က လေကြောင်းကျူးကျော်ခြင်းအချက်ပေးဥဩဆွဲခဲ့ပါတယ်။

ရုရှားတို့ဟာ kamikaze ဒရုန်းတွေ၊ အကွာအဝေးအမျိုးမျိုးရှိ ပဲ့ထိန်းဒုံးကျည်တွေဖြင့် ယူကရိန်းကိုပစ်မှတ်ထား တိုက်ခိုက်နေခဲ့ပါတယ်။

ယူကရိန်းဘက်က တန်ပြန်ထိုးစစ်ဆင်ရန်ပြင်ဆင်လာချိန်မှာ အခုလိုမျိုး မကြာခဏတိုက်ခိုက်မှုတွေ ပြုလုပ်လာတာဖြစ်ပါတယ်။

ယူကရိန်းအနေဖြင့် ရုရှားကိုတိုက်ခိုက်ရန် အသင့်ဖြစ်နေပြီလို့ ယူကရိန်းထိပ်သီးလုံခြုံရေးအရာရှိကြီးက BBC ကို စနေနေ့က ပြောကြားခဲ့ပါတယ်။

ပူတင်ရဲ့ကျူးကျော်တပ်တွေ သိမ်းပိုက်ထားတဲ့နယ်မြေတွေကို ပြန်လည်သိမ်းယူရန်တိုက်ခိုက်မှုက ဒီရက်ပိုင်းအတွင်း စတင်သွားဖွယ်ရှိတယ်လို့ ယူကရိန်းအမျိုးသားလုံခြုံရေးနဲ့ ကာကွယ်ရေးကောင်စီ အတွင်းရေးမှူး'အိုလက်ဆီဒန်နီလော့ဗ်'က ပြောပြသွားပါတယ်။
Source: WION
#World_Military #ယူကရိန်းမြို့တော် # ထူထောင်ခြင်းနှစ်ပတ်လည်အကြိုနေ့ #ရုရှားဘက်မှဒရုန်းအများအပြားဖြင့်တိုက်ခိုက်
#YMG #Yangon_Media_Group

#Local_News
Published_ 29 May 2023

ယနေ့ နံနက်ပိုင်းက ရန်ကုန်တိုင်း၊ ဒဂုံမြို့သစ်(တောင်ပိုင်း)မြို့နယ်အတွင်းရှိ ၅၅ရပ်ကွက်က Gas ဆိုင်တစ်ဆိုင် မီးလောင်ကျွမ်းမှုဖြစ်ပွားခဲ့တယ်လို့ မီးသတ်တပ်ဖွဲ့မှသိရသည်။

ယနေ့ မေလ ၂၉ရက်နေ့ နံနက် ၁၀နာရီ ၂၆မိနစ်အချိန်က ဒဂုံမြို့သစ်(တောင်ပိုင်း)မြို့နယ်၊ အမှတ် ၅၅ရပ်ကွက်၊ မင်းရဲကောင်းပုံလမ်းရှိ Gas ဆိုင်တစ်ဆိုင် မီးလောင်ကျွမ်းမှုဖြစ်ပွါးခဲ့ခြင်းဖြစ်သည်။

"ဂတ်စ်ထည့်တဲ့ဆိုင်မီးလောင်တာပါ။ ဂတ်ဆိုင်ဆိုတော့ ပေါက်တဲ့အသံတွေတော့ ကြားရတယ်။ စစချင်းဆိုတော့ မီးခိုးတွေလည်းအရမ်းများတယ်။ ညှော်နံ့တွေလည်းရတယ်။ အခုတော့ မီးငြိမ်းသွားပါပြီ"လို့ ရပ်ကွက်နေပြည်သူတစ်ဦးက ပြောသည်။

အဆိုပါမီးလောင်မှုဖြစ်စဉ်အား Level 1 ယာဉ်အုပ်စုဖြင့် ထွက်ခွာငြိမ်းသတ်ခဲ့ရာ နံနက် ၁၀နာရီ ၄၆မိနစ်အချိန်မှာ မီးငြိမ်းသွားပြီဖြစ်တယ်လို့ မီးသတ်တပ်ဖွဲ့က သတင်းထုတ်ပြန်ထားကြောင်းသိရသည်။
ymg/ppk
#YMG #Yangon_Media_Group

#World_Science
Published_ 29 May 2023

ကမ္ဘာမြေပြင်ပမှ သက်ရှိများကိုရှာဖွေနေတဲ့အချိန်မှာပဲ အင်္ဂါဂြိုဟ်မှ ကမ္ဘာပေါ်သို့ကျရောက်လာတဲ့ ပထမဆုံးဂြိုဟ်သားအချက်ပြချက်တစ်ခုကို တွေ့ရှိခဲ့ပါတယ်။

နောက်ထပ်သက်ရှိကမ္ဘာမှ တကယ့်အချက်ပြချက်တစ်ခုကို လက်ခံရရှိချိန်မှာ ဥရောပအာကာသအေဂျင်စီရဲ့ ExoMars Trace Gas Orbiter (TGO) က ဗုဒ္ဓဟူးနေ့မှာ အင်္ဂါဂြိုဟ်ပတ်လမ်းကြောင်းမှ ကမ္ဘာမြေသို့ ကွယ်ဝှက်ထားတဲ့မက်ဆေ့ချ်ကို ထုတ်လွှင့်ခဲ့ပါတယ်။

သမိုင်းတလျှောက် လူသားမျိုးနွယ်ဟာ စွမ်းအားကြီးမားပြီး ပြောင်းလဲတဲ့ဖြစ်စဉ်အဓိပ္ပာယ်တွေကို ရှာဖွေနေခဲ့ပါတယ်။

ပြင်ပသက်ရှိထံမှ မက်ဆေ့ချ်ရရှိတာဟာ လူသားအားလုံးအတွက် ထူးခြားတဲ့ကူးပြောင်းမှုဖြစ်စဉ်သစ် ဖြစ်နေပါလိမ့်မယ်လို့ ပညာရှင်'ဒန်နီယယ်လာဒီပေါ်လစ်'က ပြောကြားခဲ့ပါတယ်။

ပြင်ပသက်ရှိထံမှလာတဲ့ မက်ဆေ့ချ်ကို ဖြည်ပြီး ဘာသာပြန်နိုင်ဖို့အတွက်ကို နိုင်ငံတကာပညာရှင်များ၊ အာကာသသိပ္ပံပညာရှင်များ၊ အနုပညာရှင်များဖြင့်ဖွဲ့စည်းကာ ပရောဂျက်ဖန်တီးခဲ့ပါတယ်။

ထိုအချက်ပြချက်ကို ပရောဂျက်အစိတ်အပိုင်းအနေနဲ့ ဥရောပစုံစမ်းစစ်ဆေးရေးမှဖြတ်သန်းကာ Green Bank Telescope ၊ Medicina Radio Astronomical Station ၊ Allen Telescope Array ၊ Very Large Array တို့မှ လက်ခံရရှိခဲ့တာဖြစ်ပါတယ်။

မက်ဆေ့ချ်ထဲကအကြောင်းအရာကို ဖြည်ပြီးဘာသာပြန်ဖို့အတွက် တစ်ဦးချင်းစီနဲ့အဖွဲ့လိုက်ကို တောင်းဆိုထားကြောင်း ပရောဂျက်ဝက်ဘ်ဆိုက်မှာ ဖော်ပြထားပါတယ်။

မက်ဆေ့ချ်ကို ဒီပေါ်လစ်နဲ့ အဖွဲ့က ဘာသာပြန်ရန်ကြိုးပမ်းနေပေမယ့် မသိရှိရသေးပါဘူး။

ဒီစမ်းသပ်ချက်ကနေ SETI အဖွဲ့အနေဖြင့် ပြင်ပသက်ရှိအရာမှ အချက်ပြချက်ကို ဘယ်လိုလက်ခံရရှိသလဲ၊ ဆန်းစစ်အကဲဖြတ်လဲ၊ သိရှိနားလည်သလဲဆိုတာကို အတူတကွလုပ်ဆောင်ကြပုံကို မြင်တွေ့နိုင်ကြောင်း ပရောဂျက်သိပ္ပံပညာရှင် ဒေါက်တာ'ဝေလ်ဖာရာ'က ပြောပြခဲ့ပါတယ်။

ဂြိုဟ်သားတွေနဲ့ ဆက်သွယ်ရာမှာ နက္ခတ္တပညာအပြင် အသိပညာကျယ်ကျယ်ပြန့်ပြန့်ရှိဖို့ လိုအပ်ကြောင်း၊ ဒီစိန်ခေါ်မှုကို ကျော်ဖြတ်ဖို့ ကနဦးခြေလှမ်းလှမ်းနိုင်မယ်လို့ မျှော်လင့်ထားကြောင်း ရှင်းပြသွားပါတယ်။
Source: India Today
#World_Science #အင်္ဂါဂြိုဟ် #ဂြိုဟ်သားအချက်ပြချက်လက်ခံရရှိ
#YMG #Yangon_Media_Group

#Local_News
Published_  29 May 2023

ကျေးဇူးတော်ရှင် ဗန်းမော်ဆရာတော်ဘုရားကြီး၏အန္တိမအဂ္ဂိဈာပနအခမ်းအနားကျင်းပပြုလုပ်မည့်အစီအစဉ်များကိုအန္တိမအဂ္ဂိဈာပနပူဇာသဘင်အခမ်း အနားကျင်းပရေးဦးစီးကော်မ တီမှထုတ်ပြန်လိုက်သည်၊၊

ဗန်းမော်ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင်အခမ်းအနားကို နိုင်ငံတော် အဆင့်နှင့်လျော်ညီစွာ ၁၃၈၅ ခုနှစ်၊ နယုန်လပြည့်ကျော် ၄ ရက်၊ ၂၀၂၃ ခုနှစ်၊ ဇွန်လ ၆ ရက်၊ အင်္ဂါနေ့ ညနေပိုင်းတွင် ဗန်းမော်ကျောင်းတိုက်ရှိ ယာယီစံကျောင်းတော်မှ ချမ်းမြသာစည်လေဆိပ်ဟောင်းသို့ အောက်ဖော်ပြပါ လမ်းမများအတိုင်း ပင့်ဆောင်သွားမည်ဖြစ်ပါ၍ ရဟန်းရှင်လူ ပြည်သူများအနေဖြင့် ဗန်းမော်ကျောင်းတိုက်နှင့် ချမ်းမြသာစည်လေဆိပ်ဟောင်းတို့တွင်လည်းကောင်း၊ ပင့်ဆောင်ရာ လမ်းကြောင်းတလျှောက်လမ်း၏ဘေးဘယ်ညာတွင်လည်းကောင်း၊ လာရောက်ဖူးမြော်ကြည်ညိုနိုင်သည်ဟုဆိုသည်၊၊
(က) ၃၉ လမ်း မှ ၇၃ လမ်းအတိုင်း
(ခ ) ၇၃ လမ်း မှ ၃၈ လမ်းအတိုင်း
( ဂ ) ၃၈ လမ်း မှ ၇၈ လမ်းအတိုင်း
(ဃ) ၇၈ လမ်းမှ ချမ်းမြသာစည်လေဆိပ်ဟောင်း
လမ်းမများအတိုင်း ပင့်ဆောင်သွားမည်ဖြစ်၍ ယင်းနေရာများ၌ လာရောက်ဖူးမြော်ကြည်ညိုနိုင်မည်ဖြစ်သည်ဟုဖော်ပြထားသည်၊၊

နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးတိုင်းဒေသကြီး မဟာအောင်မြေမြို့နယ်၊ မဟာနွယ်စဉ်ရပ်ကွက်၊ ဗန်းမော်ကျောင်းတိုက်ကြီး၏ ပဓာနနာယကဆရာတော် အဘိဓဇမဟာရဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တကုမာရာဘိဝံသ မဟာထေရ်မြတ်ကြီး သက်တော်(၉၄)နှစ်၊ သိက္ခာတော်(၇၄)ဝါသည် မြန်မာသက္ကရာဇ် ၁၃၈၅ ခုနှစ်၊ နယုန်လဆန်း ၇ ရက်၊ ၂ဝ၂၃ ခုနှစ်၊ မေလ ၂၅ ရက်၊ (ကြာသပတေးနေ့)၊ ည ၁၁ နာရီ ၁၁ မိနစ်တွင် ဘဝနတ်ထံ ပျံလွန်တော်မူခဲ့ပြီး ဆရာတော်ဘုရားကြီး၏ ဥတုဇရုပ်ကလာပ်တော်အား ဗန်းမော်ကျောင်းတိုက်၌ ပူဇော်ထားရှိပါသဖြင့် ရဟန်းရှင်လူ ပြည်သူအပေါင်းတို့ လာရောက်ဖူးမြော်ကြည်ညိုနိုင်ကြောင်းသိရသည်၊၊

ဗန်းမော်ဆရာတော်ဘုရားကြီး၏ အန္တိမအဂ္ဂိဈာပန ပူဇာသဘင်အတွက် ရဟန်းရှင်လူပြည်သူများမှ နဝကမ္မဝတ္ထုငွေနှင့် လှူဖွယ်ပစ္စည်းများအား ကိုယ်တိုင်ကိုယ်ကျလှူဒါန်းလိုပါက ဗန်းမော်ကျောင်းတိုက်ရှိ အလှူခံမဏ္ဍပ်တွင် လာရောက်လှူဒါန်းနိုင်ပါကြောင်းနှင့် အောက်ပါပုဂ္ဂိုလ်များထံသို့လည်း ဆက်သွယ်လှူဒါန်းနိုင်ပါကြောင်း နိဗ္ဗာန်အကျိုးမျှော်၍ အသိပေးနှိုးဆော်ပန်ကြားထားသည်
(က) ဒေါ်မော်လီစန်း - ဖုန်းနံပါတ်-၀၉-၄၄၁၀၁၉၂၈၃
( ခ ) ဦးစိုးမိုးသိမ်း - ဖုန်းနံပါတ်- ၀၉-၉၇၀၈၂၃၆၈၈
အန္တိမအဂ္ဂိဈာပနပူဇာသဘင်အခမ်းအနားကျင်းပရေး ဦးစီးကော်မတီ၌ပါဝင်လှူဒါန်းနိုင်ကြောင်း သိရသည်၊၊
ymg/tthl
#Local_News #ကျေးဇူးတော်ရှင်ဗန်းမော်ဆရာတော်ဘုရားကြီး #အန္တိမအဂ္ဂိဈာပနအခမ်းအနားကျင်းပ
#YMG #Yangon_Media_Group

#Local_News
Published_ 29 May 2023

ဖိလစ်ပိုင်နိုင်ငံ၊ ပမ်ပန်ဂါပြည်နယ် (Pampanga)၊ မာဘလာကတ်မြို့ (Mabalacat City)အနီးရှိ အွန်လိုင်းဂိမ်းကုမ္ပဏီတွင် အဓမ္မ အလုပ်စေခိုင်းခံနေရသော မြန်မာနိုင်ငံသား ၄၂ ဦးကို ကယ်တင်နိုင်ခဲ့ကြောင်း ဖိလစ်ပိုင်နိုင်ငံဆိုင်ရာ မြန်မာနိုင်ငံ သံရုံးက သိရသည်။

ဖိလစ်ပိုင်နိုင်ငံ၊ ပမ်ပန်ဂါပြည်နယ် (Pampanga)၊ မာဘလာကတ်မြို့ (Mabalacat City)အနီးရှိ အွန်လိုင်းဂိမ်းလုပ်ငန်းများ ဆောင်ရွက်နေသည့် ကုမ္ပဏီကြီးတစ်ခုတွင် အတင်းအကြပ်စေခိုင်းခံနေရသည့် နိုင်ငံခြားသားများရှိကြောင်း သတင်းရရှိသဖြင့် လူကုန် ကူးမှုတိုက်ဖျက်ရေး စစ်ဆင်ရေးအဖြစ် ဖိလစ်ပိုင်အမျိုးသားရဲတပ်ဖွဲ့မှ ဦးဆောင်၍ မေလ ၄ ရက် ညပိုင်းက ဝင်ရောက်စီးနင်းခဲ့ရာတွင် နိုင်ငံခြားသားစုစုပေါင်း (၁၁၃၇)ဦး အား ကယ်ထုတ်နိုင်ခဲ့ရာ ယင်းတွင် မြန်မာနိုင်ငံသား(၄၂)ဦး ပါဝင်ခဲ့ခြင်း ဖြစ်ကြောင်း သိရသည်။

ဖိလစ်ပိုင်အမျိုးသားရဲတပ်ဖွဲ့မှ ကယ်တင်ပေးခဲ့သည့် အဆိုပါ မြန်မာနိုင်ငံသား(၄၂)ဦးအား မြန်မာနိုင်ငံသို့ အမြန်ဆုံး ပြန်လည်ပို့ဆောင်ပေးနိုင်ရေးအတွက် မြန်မာသံရုံးအနေဖြင့် ဖိလစ်ပိုင် နိုင်ငံခြားရေးဝန်ကြီးဌာန၊ ဖိလစ်ပိုင်အမျိုးသားရဲတပ်ဖွဲ့၊ ဖိလစ်ပိုင်လူဝင်မှု ကြီးကြပ်ရေးဌာနတို့နှင့် ပူးပေါင်းဆောင်ရွက်ကာ မေလ ၂၇ ရက်က ပထမ အသုတ်အဖြစ် အမျိုးသမီး ၁၅ ဦးနှင့် အမျိုးသား ၅ ဦး တို့အား အဆင်ပြေချောမွေ့စွာ ပြန်လည်ပို့ဆောင်ပေးနိုင်ခဲ့ကြောင်း အဆိုပါ သံရုံးက သိရသည်။

၎င်း မြန်မာနိုင်ငံသားများအား မြန်မာသံရုံးနှင့် စစ်သံရုံးတာဝန်ရှိသူများမှ မနီလာမြို့ရှိ နီနွိုင်းအကွီနို အပြည်ပြည် ဆိုင်ရာလေဆိပ်သို့ လိုက်ပါကူညီပို့ဆောင်ပေးခဲ့ကြကြောင်း၊သံရုံးအနေဖြင့် ကျန်ရှိသည့် မြန်မာနိုင်ငံသားများအား မြန်မာနိုင်ငံသို့ ဆောလျင်စွာ ပြန်လည်ပို့ဆောင်ပေးနိုင်ရေးအတွက် သက်ဆိုင်ရာဌာနများနှင့် ဆက်လက်ညှိနှိုင်းဆောင်ရွက်လျက်ရှိပါကြောင်း သိရသည်။
ymg/pl
#Local_News #ဖိလစ်ပိုင်အွန်လိုင်းဂိမ်းကုမ္ပဏီ #အဓမ္မအလုပ်စေခိုင်းခံနေရ #မြန်မာနိုင်ငံသားအယောက်၄၀ကျော်
#YMG #Yangon_Media_Group

#World_Health
Published_ 30 May 2023

နှစ်ပေါင်းများစွာသုတေသနပြုချက်များအရ အစိမ်းရောင်ဟင်းသီးဟင်းရွက် များများစားသုံးခြင်းဟာ ရုပ်ပိုင်းဆိုင်ရာကျန်းမာရေးကို အထောက်အကူဖြစ်စေရုံမက စိတ်ပိုင်းဆိုင်ရာကျန်းမာရေးကိုလည်း မြှင့်တင်ပေးနိုင်ကြောင်း တွေ့ရှိထားပါတယ်။

အများကြီးစားစရာမလိုဘဲ နေ့စဉ်အသီးအနှံ ဟင်းသီးဟင်းရွက် အနည်းငယ်ပိုစားသုံးပေးရုံဖြင့် စိတ်ပိုင်းဆိုင်ရာတိုးတက်စေမှာဖြစ်ပါတယ်။

၂၀၂၃ ဗြိတိန်လေ့လာချက်တစ်ခုမှာ အသီးအနှံများများစားပေးခြင်းဖြင့် စိတ်တည်ငြိမ်မှု၊ ကိုယ့်ကိုယ်ကိုယုံကြည်မှု၊ ခွန်အားရရှိစေခြင်းတို့နဲ့ ဆက်စပ်နေပါတယ်။

၂၀၂၂ ဩစတြေးလျလေ့လာချက်မှာ အမျိုးသမီး ၄ ထောင်ကျော်ကို စမ်းသပ်ခဲ့ရာ နေ့စဉ် ဟင်းသီးဟင်းရွက် ၅ ကြိမ်စားသုံးခြင်းဖြင့် တစ်ကြိမ်ထက်ပိုပြီး မစားတဲ့သူထက်စာရင် ၁၅ နှစ်တာကာလအတွင်း စိတ်ဓာတ်ကျအန္တရာယ်ဖြစ်နိုင်ချေ ၁၉ ရာခိုင်နှုန်းလျော့နည်းသွားပါတယ်။

အသီးအနှံကို ၄ ကြိမ်စားသုံးသူတွေကတော့ စိတ်ဓာတ်ကျခြင်းဖြစ်နိုင်ချေ ၂၅ ရာခိုင်နှုန်းလျော့နည်းနေပါတယ်။

ဟင်းသီးဟင်းရွက် ၁၀၀ ဂရမ်စားသုံးတိုင်းမှာ စိတ်ကျရောဂါလက္ခဏာဖြစ်နိုင်ချေ ၃ ရာခိုင်နှုန်းကျဆင်းသွားပါတယ်။

ဟင်းသီးဟင်းရွက် ပိုမိုစားသုံးလို့ရရှိတဲ့အကျိုးကျေးဇူးဟာ ကာလကြာရှည်စွာအလုပ်မရှိဘဲဖြစ်နေရာမှ အလုပ်အသစ်ရသွားတဲ့စိတ်ခံစားမှုမျိုးနဲ့ နှိုင်းယှဉ်ဖော်ပြကြပါတယ်။

နေ့စဉ်အသီးအနှံနဲ့ ဟင်းသီးဟင်းရွက်ကို တစ်ကြိမ်ခန့်ပိုပြီးစားသုံးပေးရုံဖြင့် ၈ ရက်အတွင်း ၁၀ မိနစ်ကြာလမ်းလျှောက်ခြင်းကြောင့် ရရှိတဲ့စိတ်ကျန်းမာရေးတိုးတက်မှုနဲ့ တူညီနေကြောင်း ဗြိတိန်မှသုတေသီများ တွေ့ရှိခဲ့ပါတယ်။

ဟင်းသီးဟင်းရွက်နဲ့ သစ်သီးဝလံ ပိုမိုစားသုံးခြင်းဖြင့် စိတ်ကျန်းမာရေး၊ စိုးရိမ်ပူပန်မှုတွေကို ထိန်းချုပ်ရာမှာ အထောက်အကူဖြစ်စေကြောင်း အထောက်အထား အများအပြားတွေ့ရှိလာပါတယ်လို့ အမေရိကန် မာဆာချူဆက်အထွေထွေဆေးရုံမှ 'အူမာနိုင်ဒူ'က ပြောပြသွားပါတယ်။

Source: The Jerusalem Post
#World_Health #ဟင်းသီးဟင်းရွက်နှင့်အသီးအနှံ #စိတ်ကျန်းမာရေး #
#YMG #Yangon_Media_Group