#World_Health
Published 12 November 2023

ဆီးချိုရောဂါ ဒုတိယအမျိုးအစား ဖြစ်လာမှာကို စိုးရိမ်နေတဲ့သူတွေ အနေနဲ့ သကြားကိုသာ စိတ်ပူသင့်တာ မဟုတ်ပါဘူး။

ဆားအလွန်အကျွံ စားသုံးတာကလည်း ဆီးချိုရောဂါ ဖြစ်လာနိုင်ခြေကို မြင့်မားစေကြောင်း လေ့လာချက်တစ်ခုမှာ တွေ့ရှိထားပါတယ်။

ဗြိတိန်ဘိုင်အိုဘဏ်မှာ စာရင်းသွင်းထားတဲ့ လူပေါင်း ၄ သိန်းကျော်မှာ ဆားစားသုံးမှုနဲ့ ပတ်သက်ပြီး စစ်တမ်းကောက်ယူ လေ့လာခဲ့ပါတယ်။

အချိန် ၁၁.၈ နှစ်ကြာ လေ့လာခဲ့ရာမှာ ဆီးချိုဖြစ်ပွားသူ ၁၃,၀၀၀ ကျော်ရှိခဲ့ပါတယ်။

ဆားကို တစ်ခါတရံ၊ များသောအားဖြင့်၊ အမြဲတမ်း စားသုံးလေ့ရှိသူတွေဟာ ဆားကို မစားတဲ့သူတွေနဲ့ယှဥ်ရင် ဆီးချိုဖြစ်နိုင်ခြေ ၁၃၊ ၂၀ ၊ ၃၉ ရာခိုင်နှုန်း အသီးသီး ပိုများနေပါတယ်။

ဆားကို လျှော့ချစားသုံးပါက နှလုံးသွေးကြောရောဂါနဲ့ သွေးတိုးရောဂါတို့ ဖြစ်နိုင်ခြေနည်းစေတာကို သိရှိထားပြီးဖြစ်ပေမယ့် ဆီးချိုရောဂါနဲ့လည်း ဆက်စပ်နေတာကိုတော့ ပထမဆုံးအကြိမ် တွေ့ရှိခဲ့တာဖြစ်ကြောင်း တူလိန်းတက္ကသိုလ်မှ သုတေသနပြုစုသူ ဒေါက်တာလုကျီက ပြောပြသွားပါတယ်။

ဆားအများအပြား စားသုံးခြင်းက ဆီးချိုရောဂါ ဖြစ်နိုင်ခြေနဲ့ တိုက်ရိုက်ဆက်စပ်နေတာကို ထပ်မံလေ့လာဖို့ လိုအပ်သေးပေမယ့် ဆားပါတဲ့အခါ စားစရာကို များစွာစားမိကာ အဝလွန်ခြင်းနဲ့ ရောင်ရမ်းခြင်းတို့ ဖြစ်လာနိုင်စေပါတယ်။

မကြာခဏ ဆားစားသုံးခြင်းနဲ့ BMI ၊ ခါးမှတင်အတိုင်းအတာအချိုးတို့ကြား ဆက်စပ်မှုကို တွေ့ရှိထားပါတယ်။

ဆားသုံးစွဲမှု လျှော့ချရန် လက်တွေ့စမ်းသပ်မှုများ ပြုလုပ်ဖို့ အရေးကြီးကြောင်းကိုလည်း ဒေါက်တာလုကျီက ပြောပြသွားပါတယ်။

လူတွေအနေနဲ့ ဆားအစားထိုးပစ္စည်းများဖြင့် အနံ့အရသာ ဖန်တီးဖို့ကြိုးစားရန် အကြံပြုလိုက်ပါတယ်။

ရိုးရှင်းစွာ ပြောင်းလဲအသုံးပြုရုံဖြင့် ကျန်းမာရေးအပေါ် သိသာစွာ အကျိုးပြုနိုင်မှာ ဖြစ်ပါတယ်။

#World_Health  #ဆီးချိုရောဂါ #သကြားအပြင်အခြားပစ္စည်းတစ်မျိုး #Source: India Today

'အရင်ကထက်စာရင်တစ်နိုင်ငံလုံးလိုလိုမြေပဲပေါ်နေတော့ဈေးကျနေတာပါ၊ နောက်
တရုတ်အိပ်စပို့မရှိ‌တော့ နည်းနည်းအတာလည်းပါတယ်'

‌‌#Local_News
Published_ 12 November 2023
#မြေပဲဆံ‌ဈေး #ပဲဆီဈေး
#YMG/NN #Yangon_Times

#World_Health
Published 12 November 2023

နေ့စဥ်သုံး ကိုယ်ဝန်တားဆေးတွေဟာ ဆုံးဖြတ်ချက်ချခြင်းနဲ့ စိတ်ထိန်းချုပ်ခြင်းတို့ကို ဆောင်ရွက်ပေးတဲ့ ဦးနှောက် အစိတ်အပိုင်းတွေကို ပါးလွှာစေနိုင်ကြောင်း ကနေဒါမှ သုတေသနအသစ်မှာ တွေ့ရှိထားပါတယ်။

အသက် ၁၅ နှစ်မှ ၄၉ နှစ်ကြား အမေရိကန်အမျိုးသမီးများရဲ့ ၃ ပုံ ၂ ပုံခန့်သုံးစွဲနေကြတဲ့ ကိုယ်ဝန်တားဆေးများရဲ့ ဦးနှောက်အပေါ် သက်ရောက်မှုများကို လေ့လာခဲ့ကြတာ ဖြစ်ပါတယ်။

သဘာဝအရရော ဓာတုနည်းလမ်းများအရ ထုတ်လုပ်ထားတဲ့ ဟော်မုန်းတွေရဲ့ အခန်းကဏ္ဍကို မွန်ထရီယယ်တက္ကသိုလ်မှ သုတေသီများက စူးစမ်းရှာဖွေခဲ့ကြပါတယ်။

တားဆေးသောက်သုံးနေခဲ့ပြီး ရပ်တန့်လိုက်တဲ့ အမျိုးသမီးများ၊ လုံးဝမသောက်သုံးဖူးသူများ ပါဝင်တဲ့ အသက် ၂၃ နှစ်မှ ၃၅ နှစ်ကြားအမျိုးသမီး ၁၃၉ ဦးကို အမျိုးသား ၄၁ ဦးနဲ့ နှိုင်းယှဥ်ခဲ့ကြပါတယ်။

ထိုအခါမှာ တားဆေးအသုံးပြုတဲ့ အမျိုးသမီးများက စိတ်ခံစားချက် ထိန်းချုပ်မှုအပိုင်းကို လုပ်ဆောင်ပေးတဲ့ ဦးနှောက် အစိတ်အပိုင်းနေရာမှာ ပိုမိုပါးလွှာနေကြောင်း သုတေသန ပြုစုသူ အဲလက်ဇန်ဒရာဘရိုင်လဒ်က ပြောပြသွားပါတယ်။

ဦးနှောက် အစိတ်အပိုင်း ပါးလွှာတဲ့အခါ စိတ်ခံစားမှုထိန်းချုပ်တဲ့အပိုင်း ချို့ယွင်းလာတာလို့ မှတ်ချက်ပြုထားပါတယ်။

ဒါပေမဲ့ တားဆေးအသုံးပြုခြင်း ရပ်တန့်လိုက်တဲ့အခါ ပါးလွှာခြင်းက ပုံမှန်ပြန်ဖြစ်သွားပါတယ်။

သုတေသနရဲ့ ရည်ရွယ်ချက်က ဆေးရဲ့သက်ရောက်မှုကို တန်ပြန်ရန်မဟုတ်ဘဲ ဦးနှောက်အပေါ် သက်ရောက်မှုကို သိရှိနားလည်ရန် အရေးကြီးကြောင်းကို ဖော်ပြချင်တာ ဖြစ်တယ်လို့ ဆိုပါတယ်။

အမျိုးသမီးတွေရဲ့ ကျန်းမာရေးမှာ သိပ္ပံနည်းကျ စိတ်ဝင်စားမှုများလာစေရန်၊ အသက်ငယ်ရွယ်ချိန်မှာ ကိုယ်ဝန်တားဆေး အသုံးပြုခြင်းနဲ့ ဦးနှောက်ဖွံ့ဖြိုးမှုတို့အကြောင်း သိရှိစေရန် ဖြစ်ပါတယ်လို့ ဆိုပါတယ်။

ဆယ်ကျော်သက်အရွယ်မှာ တားဆေးစတင်အသုံးပြုတဲ့ မိန်းကလေးတွေမှာ စိတ်ဓာတ်ကျဝေဒနာ ဖြစ်နိုင်ခြေများတယ်လို့လည်း ယခင်သုတေသနမှာ တွေ့ရှိဖူးပါတယ်။

ဆေးအသုံးပြုခြင်း ရပ်ဆိုင်းလိုက်တာနဲ့ သူတို့ရဲ့ မိတ်ဖက်ကြိုက်နှစ်သက်ပုံတွေ၊ စိတ်ဝင်စားမှုတွေ ပြောင်းလဲသွားတယ်လို့ သိရပါတယ်။

မူးဝေအော့အန်ခြင်း၊ ကိုယ်အလေးချိန်တက်ခြင်း၊ စိတ်ပြောင်းလဲခြင်းတို့ ဖြစ်တတ်တယ်ဆိုတာကို သိရှိကြပေမယ့် စိတ်ခံစားချက်များနဲ့ လိုအင်ဆန္ဒများအပေါ် သက်ရောက်တယ်ဆိုတာတော့ မသိခဲ့ကြပါဘူး။

#World_Health #ကိုယ်ဝန်တားဆေး #ဦးနှောက်ကိုပြောင်းလဲစေနိုင် #Source: New York Post

၁၁ နိုဝင်ဘာ ၂၀၂၃

ရှမ်းပြည်နယ်(မြောက်ပိုင်း)အပါအဝင် တိုက်ပွဲဖြစ်စဉ်များနှင့်ပတ်သက်၍ ယနေ့ နိုဝင်ဘာ ၁၁ရက်နေ့အခြေအနေများကို နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း ရှင်းလင်းပြောကြားခဲ့ပါတယ်။ အဆိုပါရှင်းလင်း ပြောကြားချက်ကို မီဒီယာများသို့ ယနေ့ညပိုင်းတွင် ဖြန့်ဝေပေးခဲ့ရာ အဆိုပါရှင်းလင်းပြောကြားချက် အပြည့်အစုံမူရင်းကို ဖော်ပြပေးအပ်ပါတယ်။

-ymg/knl

အရှေ့တောင်အာရှရဲ့ အကြီးဆုံးရေပေါ် ဆိုလာစက်ရုံကြီးကို အင်ဒိုနီးရှားသမ္မတ ဂျိုကိုဝီဒိုဒိုက ကြာသပတေးနေ့မှာ ဖွင့်ပွဲကျင်းပခဲ့ပါတယ်။
#Asia_Development
Published_ 11 November 2023
#အင်ဒိုနီးရှားသမ္မတ #ဆိုလာစက်ရုံဖွင့်ပွဲ

#Daily_News
Published_ 11 November 2023

၁။ ပန်းတစ်ပွင့်တောင်တွင် တန်ဆောင်တိုင်စုပေါင်းမဟာဘုံကထိန်ပွဲနှင့် ဆေးပေါင်းခချိန်ဆေးဖော်ပြီး အာယုဆေးဒါနလှူဒါန်းမည်

၂။ ယခုနှစ် ဆီးဂိမ်းပြိုင်၌ မြန်မာ့ရိုးရာသိုင်းအားကစားသမားများမှ ရွှေတံဆိပ်ခုနှစ်ခုဖြင့် အများဆုံးဆွတ်ခူးပေးခဲ့

၃။ ရှမ်းမြောက်တွင် ဖြစ်ပေါ်နေမှုများကြောင့် နှမ်းဈေးတစ်တင်းကိုတစ်သောင်းကျော်ဈေးကျ

၄။ အရှေ့တောင်အာရှ၏အကြီးဆုံး ရေပေါ်ဆိုလာစက်ရုံဖွင့်ပွဲအား အင်ဒိုနီးရှားသမ္မတတက်ရောက်ဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ရှမ်းပြည်မြောက်ပိုင်းမှာ ဖြစ်ပေါ်နေတဲ့ ထိတွေ့မှုတွေကြောင့် လမ်းပန်းဆက်သွယ်ရေး အခက်ခဲဖြစ်ပေါ်နေတဲ့အတွက် နှမ်းဝယ်လိုအားနည်းလာပြီး တစ်တင်းကို ကျပ်တစ်သောင်းကျော် ဈေးကျလာတယ်လို့ မကွေးတိုင်းရှိ နှမ်းကုန်သည်တွေထံက သိရပါတယ်။
#Local_News
Published_ 11 November 2023
#နှမ်းဝယ်လိုအားနည်း #နှမ်းကုန်သည်
#YMG/LW Yangon_Times

'ဒီနှစ်ဆိုရင်ဆီးဂိမ်းမှာ ရွှေတံဆိပ်အများဆုံးရခဲ့တာ ကျွန်တော်တို့သိုင်းအဖွဲ့ကပါ၊ ဒါပေမယ့်ခေါင်းစဉ်ကတော့"ဗိုဗီနမ်" ၊"အားနစ်" ၊"ခွန်ဘိုကာတာ"ခေါင်းစဉ်တွေနဲ့သွားပြိုင်ရတာပါ 'မြန်မာနိုင်ငံသိုင်းအဖွဲ့ချုပ်၊ ရန်ကုန်တိုင်းဆပ်ကော်မတီ၏ အတွင်းရေးမှူး(သိုင်းပညာရှင်) နိုင်ငံတကာဒိုင်လူကြီး(ပင်စီကလပ်) ဦးကြည်ဝင်း
‌#Local_News
Published_ 11 November 2023
#ဆီးဂိမ်းပြိုင်ပွဲ #သိုင်းအားကစားသမား
#YMG/NN #Yangon_Times

‘နိုဝင်ဘာလ၂၆ရက်မှ၃၀ရက်အတွင်း စုပေါင်းမဟာဘုံကထိန်ပွဲတော်၊ ထီးတော်တင်ပွဲနဲ့ ပန်းတစ်ပွင့်တောင် ဆရာတော်ဝိဇာတမွေးနေ့မင်္ဂလာပွဲတွေကျင်းပသွားမှာဖြစ်ပါတယ်။တန်ဆောင်မုန်းလပြည့်နေ့ ပန်းတစ်ပွင့်တောင်ကိုလာရောက်သူတွေကို ဆေးပေါင်းခချိန်ဖော်ထားတဲ့တိုင်းရင်းဆေးတွေကိုအာယုဆေးဒါန အလှူအဖြစ်အခမဲ့လှူဒါန်းဖို့ရှိပါတယ်’ပန်းတစ်ပွင့်တောင်ဆရာတော်၏တပည့်ဒါယကာရင်း
#Local_News
Published_ 11 November 2023
#တန်ဆောင်တိုင် #ဆေးပေါင်းခချိန်ဆေးဖော်ပြီးလှူ
#tthl #Yangon_Times

#Local_News
Published 11 November 2023

မလေးရှားနိုင်ငံရှိ မြန်မာသံရုံး၏ အမည်ကို အသုံးပြုပြီး မြန်မာနိုင်ငံသားများကို လိမ်လည်အမြတ်ထုတ်သူများက လူမှုကွန်ယက်စာမျက်နှာများဖြစ်သည့် Facebook နှင့် TikTotများတွင် နိုင်ငံကူးလက်မှတ်လုပ်ပေးသည် ဟုဆိုကာ မမှန်ကန်သည့် ရေးသားချက်များ ပြောကြားမှုများ ဖြန့်ဝေပြီး လိမ်လည်မှုတွေရှိနေကြောင်း မလေးရှားနိုင်ငံကွာလာလမ်ပူမြို့ရှိ မြန်မာသံရုံးက အသိပေးချက် ထုတ်ပြန်ထားသည်။

အဆိုပါ လူမှုကွန်ယက် စာမျက်နှာများသည် ကွာလာလမ်ပူမြို့ မြန်မာသံရုံးနှင့် လုံး၀ သက်ဆိုင်မှု မရှိကြောင်းနှင့် ၎င်းတို့နှင့် ပက်သက်သည့် ကိစ္စ အ၀၀ အား မြန်မာသံရုံးမှ တာဝန်ယူဖြေရှင်းပေးမည်မဟုတ်ကြောင်း ထုတ်ပြန်ချက်တွင် ဖေါ်ပြထားသည်။

ယခုကဲ့သို့ မြန်မာနိုင်ငံသားများကို လိမ်လည်လှည့်ဖျားနေသည့်သူများနဲ့ Facebook ၊TikTot အကောင့်ပိုင်ရှင်များကို မြန်မာသံရုံးအနေဖြင့် စုံစမ်းဖေါ်ထုတ်အရေးယူသွားမည် ဖြစ်ကြောင်း သိရသည်။

မြန်မာသံရုံးအနေဖြင့် ကောင်စစ်ဝန်ကိစ္စရပ်များ နှင့်ပတ်သက်ပြီး အချိန်နှင့်တပြေးညီသိရှိစေရန် မြန်မာသံရုံး Facebook နှင့် Webiste တို့တွင် ဖေါ်ပြပေးလျက်ရှိကြောင်း လက်ရှိတွင်နိုင်ငံကူးလက်မှတ်လျှောက်ထားမှုကိုလည်း QRCode ရက်ချိန်းများဖြင့် ပြုလုပ်ပေးနေကြောင်း သိရသည်။

#Local_News #မလေးရှိမြန်မာသံရုံး #လူမှုကွန်ယက် #လိမ်လည်မှုတွေရှိ #သံရုံးအသိပေးထုတ်ပြန် #YMG/LW #Yangon_Times

#Local_News
Published 11 November 2023

ပြည်ပသို့ အလုပ်သမား တရားဝင်စေလွှတ်ပေးနေသည့် အေဂျင်စီများ အနေဖြင့် ပြီးခဲ့သည့် အောက်တိုဘာလအတွင်း စေလွှတ်ခဲ့သည့် အလုပ်သမားဦးရေ စာရင်းကို ဝန်ကြီးဌာနသို့ တင်ပြ ခြင်းမရှိတာကြောင့် သတိပေးရာတွင် ၃ကြိမ် ကျော်လွန်ပါက အရေးယူမှုစတင်မည်ဖြစ်ကြောင်းအလုပ်သမားဝန်ကြီးဌာနက ထုတ်ပြန်ကြေညာထားသည်။

အေဂျင်စီများ အနေဖြင့် မိမိတို့စေလွှတ်ခဲ့သည့် အလုပ်သမားများ၏ စာရင်းများကို လအလိုက် လဆန်း ၅ရက်နေ့တွင် ဝန်ကြီးဌာနသို့ပေးပို့ရမည်ဖြစ်သော်လည်း စာရင်းပေးပို့ရန် ကျန်ရှိသည့် အေဂျင်စီ ၄၀ ခုကို နိုဝင်ဘာ ၈ရက်တွင် နောက်ဆုံးထားပေးပို့ရန် ကြေညာခဲ့ပေမယ့် မပေးပို့သေးသည့်အေဂျင်စီများ ရှိနေသေးသောကြောင့် ယခုကဲ့သို့ထပ်မံထုတ်ပြန်ကြေညာခြင်းဖြစ်ကြောင်း သိရသည်။

လက်ရှိအချိန်ထိစေလွှတ် စာရင်းမပေးပို့သေးသည့် အေဂျင်စီ ၃၂ ခုကို သတိပေးသည့် အကြိမ်ရေ တစ်ကြိမ်မှနှစ်ကြိမ်ထိရှိနေပြီး သတိပေးမှုသုံးကြိမ်ထက်ကျော်လွန်ပါက အရေးယူမှု စတင်မည် ဖြစ်ကြောင်း သိရသည်။

ပြည်ပနိုင်ငံများသို့ တရားဝင်အလုပ်သမားစေလွှတ်နိုင်သည့် လိုင်စင်ရအေဂျင်စီ ၅၀၀ခန့်ရှိပြီး လစဉ်နိုင်ငံအလိုက် စေလွှတ်စာရင်းများကို အပြစ်ရှိသောကြောင့် ယာယီလိုင်စင်ပိတ်ခံထားရသည့် အေဂျင်စီများလဲ စေလွှတ်ရှိသည်ဖြစ်စေမရှိသည်ဖြစ်စေ အခြေနေကိုတင်ပြရမည်ဖြစ်ကြောင်း သိရသည်။

#Local_News #အေဂျင်စီ #စေလွှတ်စာရင်းတင်ပြ #YMG/LW #Yangon_Times

#Local_News
Published_ 11 November 2023

တောင်ကိုရီးယားနိုင်ငံတွင် ကျင်းပပြုလုပ်သည့် ၁၄ ကြိမ်မြောက်ကမ္ဘာ့ကာယဗလနှင့် ကာယကြံ့ခိုင်မှု အားကစားပြိုင်ပွဲတွင် မြန်မာနိုင်ငံမှ ကာယဗလအားကစားသမားများမှ ရွှေတံဆိပ်တစ်ဆု၊ ငွေတံဆိပ်တစ်ဆုရရှိခဲ့ကြောင်း မြန်မာနိုင်ငံကာယဗလနှင့် ကာယကြံ့ခိုင်မှုအားကစားအဖွဲ့ချုပ်မှ သိရသည်။

အဆိုပါပြိုင်ပွဲသို့ မြန်မာနိုင်ငံမှ ကာယဗလနှင့်ကာယကြံ့ခိုင်မှု (Man Sport Physique) အားကစားနည်းနှစ်မျိုးဖြင့် ဝင်ရောက်ယှဥ်ပြိုင်ခဲ့သည်။

ပြိုင်ပွဲတွင် ကာယဗလအားကစားနည်း70 kg တန်းတွင် ရဲထွန်းနောင်မှ ဒုတိယ၊Man Sport Physique up to 175 cm တွင် ​ငြိမ်းချမ်းမှ ရွှေတံဆိပ်ဆုရရှိခဲ့သည့်အတွက်မြန်မာနိုင်ငံကာယဗလနှင့်ကာယကြံ့ခိုင်မှုအားကစားအဖွဲ့ချုပ်မှဝမ်းမြောက်စွာဖြင့်ချီးကျူးဂုဏ်ယူကြောင်း ထုတ်ပြန်ဖော်ပြထားကြောင်း သိရသည်။

တောင်ကိုရီးယားနိုင်ငံတွင်ကျင်းပပြုလုပ်သည့် ၁၄ ကြိမ်မြောက်ကမ္ဘာ့ကာယဗလနှင့်ကာယကြံ့ခိုင်မှုအားကစားပြိုင်ပွဲကို နိုဝင်ဘာလ၆ရက်မှ ၁၂ရက်အထိဆက်လက်ကျင်းပလျက်ရှိကြောင်း သိရသည်။

#Local_News #ကမ္ဘာ့ကာယဗလပြိုင်ပွဲ #ရွှေတစ်ဆုငွေတစ်ဆုဆွတ်ခူး #tthl #Yangon_Times