Published 4 June 2023

ဆော်ဒီအာရေဗျနိုင်ငံဦးဆောင်တဲ့ ရေနံအဓိကထုတ်လုပ်သည့် နိုင်ငံတွေက ယနေ့(တနင်္ဂနွေနေ့)မှာ တွေ့ဆုံကြတဲ့အခါ  ရေနံဈေးနှုန်းတွေကျဆင်းနေတာကို ဇက်ကြိုးဆွဲထားနိုင်ဖို့ ထုတ်လုပ်မှုကို ထပ်လျှော့ဖို့ ဖြစ်နိုင်ချေ ကြီးထွားလာနေတယ်လို့ အေအက်ဖ်ပီကသတင်းရေးပါတယ်။

၁၃ နိုင်ငံပါဝင်တဲ့ ရေနံထုတ်လုပ်ရောင်းချသူနိုင်ငံများအဖွဲ့(အိုပက်)ဟာ ရုရှားအပါအဝင် အခြားသော ရေနံထုတ်လုပ်တဲ့ နိုင်ငံ(၁၀)နိုင်ငံနှင့် တွေ့ဆုံကာ အဖွဲ့ရဲ့ အနာဂတ်ရေနံထုတ်လုပ်မှုမူဝါဒအပေါ်ပြန်လည်သုံးသပ်ဆွေးနွေးဖို့ရှိနေပါတယ်။

လူချင်းတွေ့ကြမယ့် အိုပက်နှင့်အပေါင်း အစည်းအဝေးဟာ ဗီယင်နာမှာ တနင်္ဂနွေနေ့မှာ ကျင်းပမှာဖြစ်ပါတယ်။

သုံးသပ်သူတွေက အိုပက်နှင့်အပေါင်း ရေနံထုတ်လုပ်နိုင်ငံတွေဟာ သူတို့ရဲ့လက်ရှိ မူဝါဒကို ဆက်ထိန်းသွားမယ်လို့ မျှော်လင့်နေပါတယ်။ ဒါပေမယ့် လက်ရှိအတိုင်းဆက်သွားနေရင် ရေနံဈေးကွက်ကို တည်ငြိမ်အောင်လုပ်ဆောင်ဖို့ အတော်လိုအပ်နေမယ်ဆိုတဲ့ အရိပ်အယောင်တွေ ထွက်ပေါ်နေပါတယ်။

ဧပြီလတုန်းက အိုပက်နှင့်အပေါင်း အဖွဲ့ဝင်နိုင်ငံတော်တော်များများက တစ်ရက်ကို ရေနံစိမ်းစည်ပေါင်း တစ်သန်းကျော် လျှော့ချဖို့ ဆန္ဒအလျောက်သဘောတူခဲ့ကြပါတယ်။ ဒါဟာ ဈေးနှုန်းကိုကြားကန်ပေးမယ့် မထင်မှတ်တဲ့ လုပ်ဆောင်  မှုတစ်ခုဖြစ်ခဲ့ပေမယ့် ရေရှည်ထိန်းနိုင်မှုတော့ မရခဲ့ဖြစ်ခဲ့ကြရပါတယ်။

လက်ရှိအကြီးစားထုတ်လုပ်သူတွေဖြစ်တဲ့ ဆော်ဒီနှင့် ရုရှားတို့က ဒီလမ်းကြောင်းအတိုင်း လက်ရှိမူဝါဒနှင့်ပဲ ဆက်နေမှာ လား၊ ဒါမှမဟုတ် အပြောင်းအလဲရှိမလားဆိုတာကိုတော့ သုံးသပ်သူတွေအကြား ဝိဝါဒကွဲပြားနေကြပါတယ်။

အစည်းအဝေးနှင့်နီးစပ်တဲ့သတင်းအရင်းအမြစ်ကတော့ တစ်ရက်ကို ရေနံစိမ်းးစည် ခုနှစ်သိန်းမှ တစ်သန်းအထိ လျှော့ချ ထုတ်လုပ်ဖို့နည်းလမ်းကိုဆွေးနွေးခဲ့ကြတယ်လို့ပြောပါတယ်။ ဒါပေမယ့် အီရန်နိုင်ငံရဲ့ အိုပက်အုပ်ချုပ်ရေးမှူး အမ်မီယာ ဟောစိန်ဇမ်မန်နီနီယားက “ယနေ့ ထုတ်လုပ်မှုပမာဏကိစ္စ မဆွေးနွးခဲ့ဘူး” လို့ အေအက်ဖ်ပီကိုပြောပါတယ်။

ဒါပေမယ့် တနင်္ဂနွေဆွေးနွေးတဲ့အခါ ဖြစ်နိုင်တဲ့ နည်းလမ်းတွေအားလုံးဆွေးနွေးသွားမယ်လို့ သူကဖြည့်စွက်ပြောပါတယ်။

ဧပြီလတုန်းက ထုတ်လုပ်မှုလျှော့ချက်တည်းက ရေနံဈေးနှုန်းဟာ ၁၀ရာခိုင်နှုန်းက ကျဆင်းခဲ့ပါတယ်။ ဘရန့်ရေနံစိမ်း ဈေးနှုန်းဟာ တစ်စည်ကို ဒေါ်လာ၇၀နားကပ်ခဲ့ပါတယ်။ ဒီလိုအဆင့်ကို ၂၀၂၁ ဒီဇင်ဘာကတည်းက မရောက်ခဲ့တာပါ။

အမေရိကန်ရဲ့ ငွေကြေးဖောင်းပွမှုတွေကိုဖြေရှင်းတဲ့ ဘဏ်အတိုးနှုန်းမြင့်တက်မှုတွေနှင့် တရုတ်နိုင်ငံရဲ့ ကိုဗစ်အလွန် စီးပွားရေးထုံ့ပိုင်းသွားမှုပြန်ကျော့တာတွေရှိလာလို့ ကမ္ဘာ့စီးပွားရေးအပေါ် စိုးရိမ်ပူပန်မှုတွေကြောင့် ရေနံလိုအပ်ချက်ဟာ ဆက်ကျဆင်းနေဦးမှာကို ရေနံကုန်သည်တွေက စိတ်ပူနေကြပါတယ်။

“ တနင်္ဂနွေနေ့ ဝန်ကြီးများအစည်းအဝေးဟာ ဈေးကွက်ကိုပြန်လည်ဟန်ချက်ညီဖို့နှင့် မည်သည့် အနာဂတ်စိန်ခေါ်မှုတွေ အတွက်မဆို ကျွန်တော်တို့ အသေအချာအဆင်သင့်ပြင်ဆင်ထားဖို့ဖြစ်တယ်” လို့ အစည်းအဝေးတက်လာတဲ့ ယူအေအီး စွမ်းအင်ဝန်ကြီး ဆူဟေးလ်မိုဟာမက်အယ််မာဇရိုအီကပြောပါတယ်။

ရုရှား ဒုတိယဝန်ကြီးချုပ် အလက်ဇင်းဒါးနိုဗက်ကတော့ “အိုပက်နှင့်အပေါင်းဟာ လမ်းကြောင်းပြောင်းဖို့ မလိုအပ်ဘူး။ ဘာဖြစ်လို့လဲဆုထတော့ ဈေးတက်လို့ အမြတ်ထွက်ဖို့ခက်တယ်လို့ မြင်နေတယ်လို့ Commerzbank က ကုန်စည်လေ့လာ သုံးသပ်သူတွေက ပြောပါတယ်။

ရုရှားဟာ အိန္ဒိယနှင့်တရုတ်နိုင်ငံတို့ကို ရေနံစိမ်း ဈေးနှုန်းချိသာစွာရောင်းချပေးနေပါတယ်။ ဆော်ဒီအာရေဗျကတော့ ဘတ်ဂျက်ကို ဟန်ချက်ညီစေဖို့ ဈေးနှုန်းမြင့်ဖို့လိုတယ်လို့ပြောပါတယ်။ သူတို့ဟာ ရေနံတစ်စည်ဈေးနှုန်း ဒေါ်လာ ၈၀ ကျော်မှအမြတ်ထွက်မှာဖြစ်တယ်လို့ အဆိုပါသုံးသပ်သူတွေကပြောပါတယ်

Source AFP

#YangonMediaGroup

#OPEC+

#အိုပက်နှင့်အပေါင်း

Published 4 June 2023

နိုင်ငံတော်သံဃမဟာနာယကအဖွဲ့ဥက္ကဋ္ဌ၊ နိုင်ငံတော်ပရိယတ္တိသာသနာ့တက္ကသိုလ်များ၏ အဓိပတိ၊ မန္တလေးတိုင်းဒေသကြီး မဟာအောင်မြေမြို့နယ် ဗန်းမော်ကျောင်းတိုက်ကြီး၏ဦးစီးပဓာန မဟာနာယက အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဒေါက်တာဘဒ္ဒန္တကုမာရာ ဘိဝံသမဟာထေရ် မြတ်ကြီး၏အန္တိမဈာပနပူဇာသဘင်အခမ်းအနားတႂင် အရိုးဓာတ်ပြာတော်ရေမျှောပူဇော်မည့် ဧရာဝတီမြစ် မရမ်းခြံဆိပ်ကမ်းနေရာ နှင့် အရိုးဓာတ်ပြာတော်အိုးများ ပင့်ဆောင်မည့် ကရဝိတ်ဖောင်တော်ရေယာဉ်ကြီးအား ပြင်ဆင်ဆောင်ရွက်နေကြောင်းသိရပါတယ်။

ဗန်းမော်ဆရာတော် ဘုရားကြီး၏ အန္တိမဈာပနပူဇာသဘင်အခမ်းအနားအား နိုင်ငံတော်အဆင့်နှင့်လျော်ညီစွာ သာသနာရေး ထုံးတမ်းစဉ်လာများအတိုင်း ကျင်းပမည်ဖြစ်ရာ ဥတုဇရုပ်ကလာပ်တော်အား ယာယီစံကျောင်းတော်မှ ချမ်းမြသာစည် လေဆိပ်ဟောင်းသို့ ကရဝိတ်ဖောင်တော်ယာဉ်ဖြင့် ပင့်ဆောင်၍ လောင်တိုက်ပြဿဒ်၌ တေဇောဓာတ်ပူဇော်ခြင်း၊ အရိုးဓာတ်ပြာတော်အိုးများကို ချမ်းမြသာစည်လေဆိပ်ဟောင်းမှ ဧရာဝတီမြစ် မရမ်းခြံဆိပ်ကမ်းရှိ ကရဝိတ်ဖောင်တော်ရေယာဉ်ပေါ် ပင့်ဆောင်ပူဇော်ခြင်းနှင့် မြစ်အတွင်းရေမျှောပူဇော်ခြင်း အခမ်းအနားများကို‌ အဆင့်ဆင့် ဆောင်ရွက်သွားမှာဖြစ်ပါတယ်။

 ဇွန် ၆ ရက် ညနေပိုင်းတွင် ဗန်းမော်ကျောင်းတိုက်ရှိ အေးကမ္ဘာဗိမာန် ယာယီစံကျောင်းတော်မှ  ကရဝိတ်ဖောင်တော်ယာဉ်ဖြင့် ချမ်းမြသာစည် လေဆိပ်ဟောင်းသို့ ပင့်ဆောင်၍ လောင်တိုက်တော်၌ တေဇောဓာတ်မီးပူဇော်ပြီး ဇွန် ၇ ရက် နံနက်ပိုင်းတွင်  အရိုးဓာတ်ပြာတော် များအား ဧရာဝတီမြစ်အတွင်း ရေမျှောပူဇော်သွားမည့် အခမ်းအနားများကို နိုင်ငံတော်အဆင့်နှင့်လျော်ညီစွာ ကျင်းပသွားမယ်လို့လည်းသိရပါတယ်။

အဆိုပါပြင်ဆင်ဆောင်ရွက်နေမှုတွေကို မန္တလေးတိုင်းဒေသကြီးဝန်ကြီးချုပ် ဦးမျိုးအောင်၊ အလယ်ပိုင်းတိုင်းစစ်ဌာနချုပ် ဒုတိယတိုင်းမှူး ဗိုလ်မှူးချုပ် အောင်ဇော်ထွေး၊နှင့်အဖွဲ့က ယမန်နေ့သွားရောက်ကြည့်ရှုစစ်ဆေးပြီး ကာနိုင်ငံတော်ဗဟိုသံဃဝန်ဆောင်မန္တလေးမြို့မစိုးရိမ်တိုက်သစ် မဟာနာယကဆရာတော် အဂ္ဂမဟာပဏ္ဍိတ ဘဒ္ဒန္တဝါသေဋ္ဌာဘိဝံသနှင့် မန္တလေးတိုင်းဒေသကြီး သံဃနာယကအဖွဲ့ဥက္ကဋ္ဌ၊ မစိုးရိမ်တိုက်သစ် နာယက၊အဂ္ဂမဟာဂန္ထဝါစကပဏ္ဍိတဘဒ္ဒန္တတိက္ခိန္ဒြိယာဘိဝံသ ဆရာတော်တို့ထံမှလည်း ဩဝါဒခံယူခဲ့ကြောင်း သတင်းထုတ်ပြန်ထားပါတယ်။

-ymg/knl

#ဗန်းမော်ဆရာတော်ဘုရားကြီး

#အရိုးပြာဓာတ်တော်အိုးပင့်ဆောင်မည့်ကရဝိတ်ဖောင်တော်ရေယာဉ်

#YangonMediaGroup

Published 4 June 2023

အမေရိကန်ပြည်ထောင်စု လော့အိန်ဂျလိစ်မြို့ပြင်မှာရှိတဲ့ ဟယ်ရီနှင့် မက်ဂန်တို့ရဲ့ ဒေါ်လာ ၁၄သန်းစံအိမ်တော်ကြီးအနီး ပျံသန်းနေတဲ့ ပန်းကန်ပြားပျံတစ်ခုကို မကြာသေးခင်က တွေ့ရှိခဲ့တယ်လို့ နယူးယောက်ပို့စ်သတင်းစာက ရေးသားပါ တယ်။

လျှို့ဝှက်ဆန်းကြယ်လှတဲ့ အဲဒီ အဝိုင်းသဏ္ဍန် အရာဝတ္ထုကို သူတို့စံအိမ်နှင့် ၂၅မိုင်ခန့်အကွာမှာ၊ ဆန်တာဘာဘရာစီရင်စု က ကာချူမာရေကန်အနီးတောင်တန်းတွေအပေါ်မှာ ပျံသန်းသွားတာ တွေ့ကြရတာဖြစ်ပါတယ်။

အဆိုပါ အဝိုင်းပြားပုံစံအရာဝတ္ထုကို ပန်းကန်ပြားပျံ(အမျိုးအမည်မသိယာဉ်ပျံ)တွေကို လိုက်လံထောက်လှမ်းနေသူ တိုနီ မိုရီနိုက Google Earth ကနေတစ်ဆင့်တွေ့ရှိခဲ့ရတာပါ။

(၈)မီတာအကျယ်အဆိုပါအရာဝတ္ထုပေါ်ထူးဆန်းတဲ့စာတွေတွေ့ရပြီး မြေပြင်မှာလည်း ယင်းရဲ့အရိပ်တွေကျနေတယ်လို့ ဆိုပါတယ်။

တော်ဝင်ဇနီးမောင်နှံဟာ အိပ်ခန်း၉ခန်းနှင့် သန့်စင်ခန်း၁၆ခန်းပါ  စတုရန်းပေ ၁၈၀၀၀ရှိတဲ့ မွန်တီစီတိုက အဆိုပါ စံအိမ်ကြီးကို ပြီးခဲ့တဲ့ ၂၀၂၁ နွေရာသီတုန်းက ဝယ်ယူခဲ့တာဖြစ်ပါတယ်။

အဆိုပါနေရာတစ်ဝိုက်ကို အရင်ကလည်း ထူးဆန်းပြီး အမျိုးအမည်မသိအရာဝတ္ထုတွေ ပျံသန်းခဲ့ဖူးတယ်လို့ သတင်းစာက ရေးသားပါတယ်။

ဆန်တာဘာဘရာမှာ ၂၀၀၀ပြည့်နှစ် နိုဝင်ဘာနှင့်ဒီဇင်ဘာအတွင်း အမျိုးအမည်မသိ ပန်းကန်ပြားပျံ ၂၉စီး တွေ့ရှိခဲ့တယ်လို့ The Mutual UFO Network အဖွဲ့က စာရင်းပြုစုထားပါတယ်။

နာဆာအဖွဲ့က အဆိုပါယာဉ်များနှင့်ပတ်သက်လို့ လူသိရှင်ကြား အစည်းအဝေးတစ်ခုကျင်းပနေတဲ့အချိန်မှာ ယခုယာဉ်ပျံတစ်ခုကိုတွေ့ကြရတာဖြစ်ပါတယ်။ လွန်ခဲ့တဲ့ ၂၇နှစ်အတွင်း အမျိုးအမည်မသိယာဉ်ပျံ ၈၀၀ခန့်တွေ့ခဲ့ရတယ် ဆိုတဲ့ သတင်းပေးပို့ချက်တွေကို အမေရိကန်ကာကွယ်ရေးဝန်ကြီးဌာနက ရရှိခဲ့ပါတယ်။

Source New York Post

ဆက်လက်ဖတ်ရှုရန်..⏭⏭⏭

✅Website>>>> https://www.yangonmediagroup.com/index.php/local-news/19-world/12267-2023-05-21-05-28-28

✅Telegram>>>>>https://t.me/yangonmediagroup/19264

#YangonMediaGroup

#UFO

#ပန်းကန်ပြားပျံ-အမေရိကန်

#Local_News
Published_ 4June 2023

ရန်ကုန်-ပြည်ကားလမ်းတွင် ယနေ့ဖြစ်ပွားသော ယာဉ်တိုက်မှုကြောင့် (၂)ဦးဒဏ်ရာရခဲ့ကြောင်း မြန်မာနိုင်ငံ မီသတ်တပ်ဖွဲ့ကသိရသည်။

ယနေ့ ဇွန်လ ၄ ရက် နံနက် ၅ နာရီ ၄၅ မိနစ်ခန့်က ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်၊ သပြေစမ်းရွာအနီး၊ ရန်ကုန်-ပြည်ကားလမ်း၊ မိုင်တိုင်အမှတ် ၁၀၀/၁ အနီးတွင် Hino. Profia အဖြူရောင် (၁၂)ဘီးယာဉ် က (၂၂)ဘီးယာဉ်ကို ဝင်တိုက်ခဲ့ခြင်းဖြစ်သည်။

အဆိုပါသတင်းအရမင်းလှမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ နံနက် ၆ နာရီ ၂၂ မိမိနစ်တွင် ပြီးစီးခဲ့ကြောင်း သိရသည်၊၊

အဆိုပါယာဉ်တိုက်မှုကြောင့် Hino. Profia အဖြူရောင် (၁၂)ဘီးယာဉ်ပေါ်ပါ အမျိုးသားနှစ်ဦး ထိခိုက်ဒဏ်ရာရ (မစိုးရိမ်ရ) တို့အား မင်းလှမြို့နယ် လူမှုကူညီရေးအသင်းယာဉ်ဖြင့် သာယာဝတီပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်၊၊
ymg/BM
#YMG #Yangon_Media_Group

#World_Science
Published_ 4 May 2023

မက်ဆာချူဆက်တက္ကသိုလ်မှ သုတေသီများက လေထုထဲကနေ ရုတ်တရက်ထွက်လာတဲ့စွမ်းအင်ကို ဖန်တီးနိုင်မယ့်နည်းလမ်းအား ရှာဖွေတွေ့ရှိခဲ့ပြီလို့ ဆိုကြပါတယ်။

လေထုစိုထိုင်းဆကနေ လျှပ်စစ်ဓာတ်အားထုတ်လုပ်‌ပေးတဲ့ ကိရိယာလေးတစ်ခုကို တီထွင်ခဲ့ပြီး ကမ္ဘာမြေမှာလိုအပ်တဲ့ သန့်စင်စွမ်းအင်လိုအပ်ချက်အတွက် များစွာမြှင့်တင်ပေးနိုင်ဖွယ် ရှိနေပါတယ်။

လေထုဟာ အချိန်တိုင်းစိုထိုင်းဆရှိနေတာကြောင့် ထိုကိရိယာဖြင့် လေရဲ့အစွမ်းသတ္တိကိုအသုံးချပြီး ၂၄ နာရီ တစ်ပတ်လုံး အကန့်အသတ်မဲ့စွမ်းအင်ရရှိရန် အရင်းအမြစ်ဖြစ်လာနိုင်တယ်လို့ သုတေသီများယူဆနေကြပါတယ်။

ထိုရှာဖွေတွေ့ရှိမှုရဲ့နောက်ကွယ်က သိပ္ပံပညာက အလွန်ရိုးရှင်းပါတယ်။

လေထဲမှာ လျှပ်စစ်ဓာတ်နဲ့ တိမ်တိုက်များစွာပါဝင်ပြီး ရေစက်အမှုန်များအစုလိုက်ပါဝင်ကာ တစ်စက်ချင်းစီက လျှပ်စီးကြောင်းထုတ်လုပ်ပေးနိုင်တဲ့ လျှပ်စီးအားပါဝင်နေပါတယ်။

အရင်ကတော့ လျှပ်စီးကြောင်းကနေ လျှပ်စစ်ကို ဘယ်လိုဘေးကင်းစွာဖမ်းယူရမလဲဆိုတာကို မသိခဲ့ပါဘူး။

Advanced Materials ဂျာနယ်မှာဖော်ပြချက်အရ အော်ဂဲနစ်မဟုတ်တဲ့ပစ္စည်း၊ အော်ဂဲနစ်ပစ္စည်း၊ ဇီဝပစ္စည်းအများအပြားနဲ့ ဖမ်းယူလို့ရတယ်လို့ ဆိုပါတယ်။

သုတေသီတွေက လျှပ်စစ်ဓာတ်အားထုတ်ပေးနိုင်တဲ့ တိမ်တစ်ခုကို ဖန်တီးခဲ့ပါတယ်။

ထိုကိရိယာမှာ ၁၀၀ နာနိုမီတာထက်သေးတဲ့ အပေါက်လေးများပါဝင်ပါက လျှပ်စစ်ဓာတ်အား ထုတ်လုပ်နိုင်မှာဖြစ်ပါတယ်။

"ဒါဟာအလွန်စိတ်လှုပ်ရှားစရာကောင်းပြီး လေထဲကနေ ရုတ်တရက်ထွက်လာတဲ့ သန့်စင်လျှပ်စစ်စွမ်းအင်ကို ရယူနိုင်ဖို့ အခွင့်အလမ်းပေါ်ပေါက်လာပါပြီ" လို့ စာတမ်းပြုစုသူ'ရှောင်မန်လျူ'က ပြောပြခဲ့ပါတယ်။

ဒီလိုလျှပ်စစ်ဓာတ်အားထုတ်ယူတာနဲ့ ပတ်သက်ပြီး မဲလ်ဘုန်းမြို့ မိုနက်ရှ်တက္ကသိုလ်မှသုတေသီများကလည်း အောင်မြင်မှုအချို့ရရှိခဲ့ပါတယ်။

သိပ္ပံပညာရှင်တွေက မြေကြီးဘက်တီးရီးယားမှ ဟိုက်ဒရိုဂျင်အသုံးပြုတဲ့အင်ဇိုင်းကို တွေ့ရှိခဲ့ကာ လေထုကို စွမ်းအင်အရင်းအမြစ်ဖြစ် အသုံးချပြီး လျှပ်စစ်အားထုတ်လုပ်ပေးပါတယ်။

ထိုအင်ဇိုင်းကို လေအားပေးပစ္စည်းငယ်တွေမှာ အသုံးပြုပြီး ဆိုလာစွမ်းအင်သုံးပစ္စည်းတွေအစား အသုံးချတာဖြစ်ပါတယ်။
Source: WION
#World_Science #လေထုထဲမှလျှပ်စစ်ဓာတ်အားထုတ်လုပ် #သိပ္ပံပညာရှင်များရှာဖွေတွေ့ရှိ
#YMG #Yangon_Media_Group

#World_Science
Published_ 4 June 2023

ကမ္ဘာကြီးက ၁.၅ ဒီဂရီဆဲလ်စီးယပ်စ်သတ်မှတ်ချက်ကို ကျော်လွန်ရန်နီးစပ်နေပြီး ရာသီဥတုဖောက်ပြန်မှုကြီး ဖြစ်လာဖွယ်ရှိကာ သတ်မှတ်ထားတဲ့အတိုင်း ကမ္ဘာလုံးဆိုင်ရာပူနွေးလာခြင်းကို တားဆီးနိုင်ရင်တောင် ဖွံ့ဖြိုးဆဲနိုင်ငံတွေမှာ ဒုက္ခခံစားရခြင်းများ သက်သာစေမှာမဟုတ်ကြောင်း လေ့လာတွေ့ရှိခဲ့ပါတယ်။

Nature ဂျာနယ်မှာဖော်ပြချက်အရ အနည်းဆုံးလူသန်း ၂၀၀ လောက်ဟာ မနေနိုင်လောက်တဲ့အပူဒဏ်ခံစားရနိုင်ပြီး လူသန်း ၅၀၀ ကတော့ တစ်ကမ္ဘာလုံးပင်လယ်ရေမျက်နှာပြင်မြင့်တက်ခြင်းကြောင့် ပျက်စီးခြင်းနဲ့ရင်ဆိုင်ရနိုင်တယ်လို့ ဖော်ပြနေပါတယ်။

အပူချိန်သတ်မှတ်ချက်က ၁ ဒီဂရီအောက်သာရှိသင့်ပြီး အခုဆိုရင်ကမ္ဘာမြေရဲ့အပူချိန်က လွန်ခဲ့တဲ့နှစ်ပေါင်း ၁၅၀ ကထက် ၁.၂ ဒီဂရီဆဲလ်စီးယပ်စ်မြင့်တက်နေပြီဖြစ်ပါတယ်။

ကမ္ဘာကြီးပူနွေးလာမှုကို ထိန်းချုပ်ဖို့ ကမ္ဘာလုံးဆိုင်ရာစံသတ်မှတ်ချက်အသစ် ချမှတ်ဖို့ သိပ္ပံပညာရှင်များ တောင်းဆိုနေပါတယ်။

ဒီလိုကူးပြောင်းမှုပြုလုပ်ဖို့အတွက် စွမ်းအင်၊ စားနပ်ရိက္ခာ၊ မြို့ပြ၊ အခြားကဏ္ဍတွေမှာ စနစ်ကျနေရမှာဖြစ်ပြီး စီးပွားရေး၊ နည်းပညာ၊ နိုင်ငံရေးနဲ့ အခက်အခဲဖြစ်သူများအတွက် အရင်းအမြစ်လျှော့ချသုံးစွဲမှုတို့ဖြင့် ဆောင်ရွက်ပေးရမှာဖြစ်တယ်လို့ ဆိုပါတယ်။

ရာသီဥတုပြောင်းလဲမှုနဲ့ပတ်သက်ပြီး လက်ရှိပေါ်လစီများနဲ့ သဘောထားများအတိုင်းဆက်သွားပါက ရာစုနှစ်အကုန်မှာ အပူချိန် ၂.၇ ဒီဂရီဆဲလ်စီးယပ်စ်မြင့်တက်လာနိုင်တယ်လို့ ကျွမ်းကျင်သူများက သတိပေးထားပါတယ်။

ဘေးအန္တရာယ်ဆိုးကြီး ရှောင်လွှဲနိုင်ဖို့ဆိုရင် လက်ရှိအပူချိန်ကို ၁ ဒီဂရီအောက်လျှော့ချနိုင်ဖို့ လိုအပ်ပါတယ်။

နိုင်ငံပေါင်း ၂၀၀ နီးပါးက ကမ္ဘာကြီးပူနွေးမှုကို ၁.၅ ဒီဂရီဆဲလ်စီးယပ်စ်မှာ ကန့်သတ်ထားရှိဖို့ ရည်မှန်းထားတဲ့ ရာသီဥတုအစီအစဉ်အတိုင်း လုပ်ဆောင်နေပါတယ်။

ဒါပေမဲ့ ကာဗွန်ထုတ်လွှတ်မှုနဲ့ ကမ္ဘာ့အပူချိန်မြင့်တက်ခြင်းတို့ကြောင့် ဒီသတ်မှတ်ချက်ထက် ကျော်လွန်ဖွယ်များနေပါတယ်။

ဒီအကြောင်းတွေကို လူသိရှင်ကြားထုတ်ပြောရန် တွန့်ဆုတ်တတ်ကြပြီး လက်ရှိပူနွေးမှုကြောင့် အပူချိန် ၁.၅ ဒီဂရီဆဲလ်စီးယပ်စ် ကျော်သွားမှာကို မရှောင်လွှဲနိုင်ဘူးလို့ ယုံကြည်နေကြပါတယ်။

ဒီလိုအပူချိန်လွန်ကဲလာခြင်းရဲ့ ဂယက်ရိုက်ခတ်မှုတွေက သိပ္ပံအသိုင်းအဝန်းနဲ့ မူဝါဒများကြား အခြေအတင်ဖြစ်စေပြီး ကမ္ဘာလုံးဆိုင်ရာ ရာသီဥတုစီမံကိန်းရဲ့ဗဟိုမဏ္ဍိုင်ကို စိန်ခေါ်လျက်ရှိပါတယ်။
Source: WION.
#World_Science #ကမ္ဘာ့အပူချိန်(၁.၅)ဒီဂရီဆဲလ်စီးယပ်စ်တိုးလာခြင်း #ကမ္ဘာမြေပျက်စီးခြင်းဖြစ်နိုင် #သိပ္ပံပညာရှင်များသတိပေး
#YMG #Yangon_Media_Group

#Local_News
Published_ 3 june 2023

အခုနှစ် အစိုးရပါဠိပထမပြန်စာမေးပွဲ အထူးအောင်ပုဂ္ဂိုလ်များစာရင်းကို ဇွန်လ(၃)ရက်မှာထုတ်ပြန် ကြေညာခဲ့ပြီး ပထမကြီး ၊ပထမလတ်တန်းနဲ့ အခြေပြုမူလတန်းအောင်မြင်တဲ့ ရဟန်းရှင်လူစုစုပေါင်း (၂၁၉၉၀)ဦးအောင်မြင်ခဲ့တယ်လို့ သာသနာရေးနှင့် ယဉ်ကျေးမှုဝန်ကြီးဌာနမှသိရပါတယ်၊၊

#Local_News #အစိုးရပါဠိပထမပြန်စာမေးပွဲ #ရဟန်းရှင်လူ(၂၁၉၉၀)ဦးရှိ
#YMG #Yangon_Media_Group

#Local_News
Published_ 3 june 2023

အခွန်ကောက်ခံမှုနှုန်းထား အပြောင်းအလဲရှိမရှိ စောင့်ကြည့်နေခဲ့ရတဲ့အတွက် အိမ်ခြံမြေဈေးကွက်အရောင်းအဝယ်အေးခဲ့တယ်လို့ အိမ်ခြံမြေအကျိုးတော်ဆောင်လုပ်ငန်းတွေထံမှ သိရပါတယ်၊

#Local_News #အခွန်နှုန်းထားအပြောင်းအလဲ #အိမ်ခြံမြေဈေးကွက်အရောင်းအေးခဲ့
#YMG #Yangon_Media_Group

Published 3 June 2023 ၂၀၂၂ ခုနှစ် ဧပြီလတွင် တရုတ်နိုင်ငံသမ္မတ ရှီကျင့်ဖျင်သည် ဘိုအောအာရှဖိုရမ်ဖွင့်ပွဲအခမ်းအနား၌ ပထမဆုံးအကြိမ်အဖြစ် ကမ္ဘာလုံးဆိုင်ရာ လုံခြုံရေးအဆိုပြုချက်ကို တင်ပြခဲ့ပြီး မြန်မာနိုင်ငံအပါအဝင် ကမ္ဘာ့နိုင်ငံအသီးသီး၏ ကျယ်ကျယ်ပြန့်ပြန့်ထောက်ခံအားပေးမှုနှင့် တက်တက်ကြွကြွတုံ့ပြန်မှုရရှိခဲ့တယ်လို့သိရပါတယ်။ ၂၀၂၃ ခုနှစ် ဖေဖော်ဝါရီလ ၂၁ ရက်နေ့တွင် တရုတ်နိုင်ငံက “ကမ္ဘာလုံးဆိုင်ရာလုံခြုံရေးအဆိုပြုချက် အယူအဆစာတမ်း” ဆိုတာဘာလဲ။

Source : China Embassy Yangon

#World_Politics
Published 2 June 2023

ကမ္ဘာ့ငြိမ်းချမ်းရေးကို မဆောင်ယူနိုင်မယ့် အန္တရာယ်ရှိကာကွယ်ရေးမူဝါဒများ အကောင်အထည်ဖော်ရန် အမေရိကန်က ဂျပန်နိုင်ငံကို တွန်းအားပေးခဲ့ကြောင်း ဂျပန်ပညာရှင်များက ပြောပြခဲ့ပါတယ်။

#World_Politics #အမေရိကန်တွန်းအားပေး #စစ်ကာကွယ်ရေးပြင်ဆင်မှုများဂျပန်အစိုးရလုပ်ဆောင်
#YMG #Yangon_Media_Group

#Health_Matters
Published_ 3 June 2023
- ရာသီဥတုပြောင်းလဲဖောက်ပြန်နေတဲ့ ယခုခေတ်ကြီးမှာ ရာသီပြောင်းတွေကြောင့်ဖြစ်ပေါ်တဲ့ ကျန်းမာရေးအပေါ် အကျိုးသက်ရောက်မှုက ပိုကြီးမားလာပါသလား...??

#Health_Matters #ရာသီပြောင်းနှင့်ကျန်းမာရေးသတိ
#Dr.KML #YMG #Yangon_Media_Group

#Local_News
Published_ 3 june 2023

ဗန်းမော်ဆရာတော်ကြီးရဲ့ အန္တိမဈာပနပူဇာသဘင်အခမ်းအနားကို ဇွန်(၆)ရက်မှာ ကျင်းပမှာဖြစ်ပြီး ကြွင်းကျန်ရစ်တဲ့အရိုးဓာတ်ပြာတော်ကို ဇွန်လ(၇)ရက်မှာ ကရဝိက်ဖောင်တော်ရေယာဉ်နဲ့ပင့်ဆောင်ပြီးဧရာဝတီမြစ်အတွင်း ရေမျှောပူဇော်သွားနိုင်ဖို့ ကြိုတင်ပြင်ဆင်နေတယ်လို့ သိရပါတယ်၊၊

#Local_News #ဗန်းမော်ဆရာတော်ကြီး #အရိုးဓာတ်ပြာကိုရေမျှောပူဇော်ရန်
#YMG #Yangon_Media_Group