#World_Innovation
Published_ 5 June 2023
တောင်အာဖရိကမှ လူငယ်စွန့်ဦးတီထွင်သူတစ်ဦးဟာ ဘီးတပ်ကုလားထိုင်အသုံးပြုသူများအနေဖြင့် လှေကားထစ်တွေမှာ ကိုယ်တိုင်တက်နိုင်စေမယ့် ဘီးတပ်ကုလားထိုင်အသစ်ကို တီထွင်လိုက်ပါတယ်။
#World_Innovation #ကိုယ်တိုင်လှေကားထစ်အဆင်းအတက်ပြုလုပ်နိုင် #လူငယ်တစ်ဦးဘီးတပ်ကုလားထိုင်တီထွင် #YMG #Yangon_Media_Group
#Local_News
Published_ 5 June 2023
ကမ္ဘာ့ရွှေပေါက်စျေးဟာ ဇွန်လ ၅ရက်နေ့ မနက်ပိုင်းစျေးနှုန်းများအရ တစ်အောင်စကို ၁၉၄၇ ဒေါ်လာပေါက်စျေးရှိနေပြီး စျေးအနည်းငယ်ပြန်လည်ကျဆင်းလာပါတယ်။
#Local_News #ကမ္ဘာ့ရွှေစျေးတစ်အောင်စ #ရွှေအသင်း ၂၂သိန်း၉သောင်း
#YMG #Yangon_Media_Group
#Local_News
Published_ 5 June 2023
မိုးရာသီကာလမှာ ပြည်ပခရီးသွားတွေနည်းပါးသွားပေမယ့် ပုဂံဒေသလိုမိုးနည်းတဲ့ဒေသတွေကို မိုးရာသီခရီးစဉ်အဖြစ်သွားရောက်လည်ပတ်လိုတဲ့သူတွေရှိနေတယ်လို့ မြန်မာနိုင်ငံခရီးသွားလုပ်ငန်းရှင်များအသင်းမှ သိရပါတယ်၊၊
#Local_News #မိုးရာသီခရီးစဉ်လည်ပတ်
#YMG #Yangon_Media_Group
#Local_News
Published_5 June 2023
စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးလုပ်ငန်းမတီ အနေနဲ့ ဇွန်လ ၅ ရက်နေ့ကနေ ဇွန်လ ၁၁ ရက်နေ့အထိ စားသုံးဆီတစ်ပိဿာကို ငွေကျပ် ၃၇၉၀ ကျပ် ရည်ညွှန်းသတ်မှတ်ထားပြီး အရင်အပတ်ထက် ဈေးနှုန်း ၁၇၀ ကျဆင်းလာကြောင်း ထုတ်ပြန်ချက်အရသိပါတယ်။
#Local_News #စားအုန်းဆီအခြေခံလက်ကားရည်ညွှန်းဈေး #အရင်အပတ်ထက်ဈေးကျ
#YMG #Yangon_Media_Group
#Daily_News
Published_ 5 June 2023
၁။ စားအုန်းဆီ အခြေခံလက်ကားရည်ညွှန်းဈေးနှုန်းတစ်ပိဿာ ကျပ် ၃၇၈၀ သတ်မှတ်အရင်အပတ်ထက်ဈေးကျ
၂။ ပုဂံအပါအဝင် မိုးနည်းသောဒေသများကို မိုးရာသီခရီးစဉ် လည်ပတ်လိုသူများရှိနေ
၃။ ကမ္ဘာ့ရွှေစျေးတစ်အောင်စကို ၁၉၄၅ ဒေါ်လာရှိနေပြီး ရန်ကုန်ရွှေအသင်း ၂၂သိန်း၉သောင်းကျော်သတ်မှတ်
၄။ ဘီးတပ်ကုလားထိုင်အသုံးပြုသူများ ကိုယ်တိုင်လှေကားထစ်အဆင်းအတက်ပြုလုပ်နိုင်စေရန် တောင်အာဖရိကမှလူငယ်တစ်ဦးတီထွင်ထုတ်လုပ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#Local_News
Published_ 5 June 2023
ဗန်းမော်ဆရာတော်ကြီးရဲ့ ဈာပနအခမ်းအနားကျင်းပပုံနဲ့ ရေမျှောပူဇော်သဘင်အခမ်းအနားတွေကို TV Channel တွေမှာ တိုက်ရိုက်ထုတ်လွှင့်သွားမှာ ဖြစ်ပြီး ဇွန်လ(၆) ရက်နဲ့ဇွန်လ(၇)ရက်တိုမှာ ထုတ်လွှင့်သွားမှာဖြစ်တယ်လို့ သိရပါတယ်၊၊
#Local_News #ဗန်းမော်ဆရာတော်ကြီး၏ဈာပနအခမ်းအနား #TV Channelများမှ တိုက်ရိုက်ကြည့်ရှုပူဇော်နိုင် #YMG #Yangon_Media_Group
Published_5 June 2023
Two civilians and four employees were injured due to an explosion at the Inland Revenue Department office in PanSodan of Kyauktada township on the afternoon of 5 June (today).
The explosion occurred on the 3rd floor of the office at the busy time.
As a result of the explosion, Two civilians who were in office for the matter of company’s tax and four employees including deputy division head who were at nearby area of explosion were injured
All injured persons were sent to Yangon General Hospital for necessary treatments.
The motive of explosion was still unknown and it was under investigation.
- ymg/ MNge
#Local_News
Published_5 June 2023
ရန်ကုန်တိုင်းဒေသကြီး ၊ ကျောက်တံတားမြို့နယ် ပန်းဆိုးတန်း(အောက်လမ်း)ရှိ ပြည်တွင်းအခွန်များဦးစီးဌာနရုံးတွင် ယနေ့ ဇွန်လ ၅ ရက် မွန်းလွဲပိုင်းက ပေါက်ကွဲမှုဖြစ်ပွားခဲ့သောကြောင့် ဝန်ထမ်းများနှင့်အရပ်သား ၆ ဦး ထိခိုက်ဒဏ်ရာရရှိခဲ့ကြောင်း သိရသည်။
ကျောက်တံတားမြို့နယ်၊ (၄) ရပ်ကွက်၊ ပန်းဆိုးတန်းလမ်း၊ အလယ်အလတ် အခွန်ထမ်းများဆိုင်ရာ အခွန်ဦးစီးမှူးရုံး(၃)၊ (၃)လွှာတွင် အဆိုပါ ပေါက်ကွဲမှု ဖြစ်ပွားခဲ့ကြောင်းနှင့် ပေါက်ကွဲမှုဖြစ်စဉ်ကြောင့် ပန်းဆိုးတန်းလမ်းကို မဟာဗန္ဓုလလမ်းထိပ်မှ ကမ်းနားလမ်းအထိ ပိတ်ဆို့စစ်ဆေးမှုများပြုလုပ်ခဲ့ကြောင်း သိရသည်။
အဆိုပါပေါက်ကွဲမှုကြောင့် ကုမ္ပဏီများဆိုင်ရာ အခွန်ဌာနမှ မဖြိုးဖြိုးအောင်(ဒုဦးစီးမှူး)၊ မမြတ်မှူးခင်၊ ဒေါ်ခင်လတ်၊ မအဉ္စနတို့နှင့် ကုမ္ပဏီများဆိုင်ရာအခွန်ဌာနသို့ လာရောက်သည့် ပြင်ပ အရပ်သား မဆုနှင်းဦးနှင့် မချယ်ရီတို့ ၆ ဦးတွင် ဒဏ်ရာ များရရှိခဲ့ကြကြောင်း သိရသည်။
အဆိုပါ ဒဏ်ရာများကြောင့် လက်ရှိတွင် ရန်ကုန်ဆေးရုံကြီးသို့ ပို့ဆောင်ထားကာ ကုသမှုခံယူနေကြကြောင်းနှင့် စိုးရိမ်ရန်မရှိကြောင်းလည်း သိရသည်။
#ymg/BM #Local_News #ပြည်တွင်းအခွန်ရုံးပေါက်ကွဲမှုဖြစ် #ဝန်ထမ်းများနှင့် အရပ်သား၆ဦးဒဏ်ရာရ #YMG #Yangon_Media_Group
#Local_News
Published-5 June2023
မန္တလေးတိုင်း၊ မိတ္ထီလာတွင် မေလ ၅ ရက်ကဆိုင်ကယ်ခိုးလာသူက လမ်းဘေးတွင်စျေးရောင်းနေသူထန်းသီးသည်အမျိုးသမီးကြီးကို ဝင်တိုက်၍ ထွက်ပြေးသွားခဲ့ကြောင်း ပြည်သာယာလူငယ်လူမှုကူညီရေးအသင်းက သိရသည်။
မိတ္ထီလာမြို့ စက်မှုဇုန် (၃) လမ်းထိပ်မှ ဆိုင်ကယ်အား ခိုးယူလာသူ အမျိုးသားသည် သဲကုန်းအနီးတွင် အရှိန်မထိန်းနိုင်ဘဲ လမ်းဘေးတွင် စျေးရောင်းနေသူ ထန်းသီးသည်အမျိုးသမီးကြီးအား ဝင်တိုက်မှုဖြစ်ခဲ့ကြောင်း သိရသည်။
ယင်းကဲ့သို့ ဆိုင်ကယ်တိုက်မှုဖြစ်ပွားခဲ့ပြီးနောက် ဆိုင်ကယ်ခိုးသူသည် ဆိုင်ကယ်ထားခဲ့ပြီး အဖော်ပါလာသည့် ဆိုင်ကယ်ဖြင့် ထွက်ပြေးသွားကြောင်း ပြည်သာယာလူငယ်လူမှုကူညီရေးအသင်းက သိရသည်။
ဆိုင်ကယ်တိုက်ခံရသူ ထန်းသီးသည်အမျိုးသမီးကြီးမှာ ဦးခေါင်းပေါက်ပြဲဒဏ်ရာများဖြင့် သတိလစ်နေ၍ လိုအပ်သည်များပြုစု၍ သတိပြန်ရလာချိန်တွင်
ပြည်သာယာ လူငယ်လူမှုကူညီရေးအသင်းလူနာတင်ကားဖြင့် မိတ္ထီလာပြည်သူ့ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
#ymg/BM #Local_News #မိတ္ထီလာ #ဆိုင်ကယ်ခိုးလာသူထွက်ပြေး
#YMG #Yangon_Media_Group
#Local_News
Published_5 June 2023
သွင်းကုန်လုပ်ငန်းရှင်များအနေဖြင့် ပိုမိုလွယ်ကူစွာ အသုံးပြုနိုင်ရေးအတွက် Automatic Licensing နှင့် Non-Automatic Licensing စနစ် စတင်အသုံးပြု ခြင်းကို ၂၀၂၃ ခုနှစ်၊ ဇွန်လ ၁ ရက်နေ့အစား ဇွန်၂၂ ရက်နေ့သို့ပြောင်းလဲဆောင်ရွက်သွားမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေး၀န်ကြီးဌာနက ထုတ်ပြန်လိုက်သည်။
မည်သည့်အကြောင်းရင်းကြောင့် ပြောင်းလဲပြင်ဆင်ရခြင်းကိုမူ ထုတ်ပြန်ချက်တွင်ဖော်ပြထားခြင်း မရှိသေးချေ။
လမည့်ဇွန်လ ၁ ရက်နေ့ မှစတင်ပြီး သွင်းကုန်လိုင်စင်လျှောက်ထားရာတွင် ကုန်စည်လိုင်းပေါင်း ၃၀၇၅ လိုင်းကို အလိုလျောက်စနစ်ဖြင့် စတင်လျှောက်ထားနိုင်မည်ဖြစ်ကြောင်း အကောက်ခွန်ဦးစီးဌာနမှ ပြီးခဲ့သည့်မေလပိုင်းမှာ ထုတ်ပြန်ထားသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ Trade Net 2.0 စနစ်ဖြင့် Automatic Licensing စနစ်ဖြင့် ခွင့်ပြုသွားမည့် သွင်းကုန် ကုန်စည်လိုင်းပေါင်း ၃၀၇၅ လိုင်းအား MACCS စနစ်တွင် သွင်းကုန်လိုင်စင်လိုအပ်သော အကောက်ခွန်နှုန်းလိုင်းများအဖြစ် Setting ထားရှိပြီးဖြစ်ပြီးဖြစ်ကြောင်းသိရသည်။
#ymg/ynzw #Local_News #AUTOMATIC LICENSING #NON-AUTOMATIC LICENSING #YMG #Yangon_Media_Group
#Local_News
Published_5 June 2023
မန္တလေးတိုင်းဒေသကြီး၊ မြင်းခြံမြို့နယ်တွင် အမှတ်(၄)ရပ်ကွက်၊ နယ်မြေ(၁၁)ရှိ ရေတွင်းအတွင်းသို့ ဇွန်လ ၅ ရက်နေ့မနက်ပိုင်းက အမျိုးသား (၂)ဦး ပြုတ်ကျနေကြောင်းသတင်းရရှိတာကြောင့် အချိန်နာရီဝက်ခန့် ကူညီကယ်ဆယ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှသိရသည်။
ကူညီကယ်ဆယ်ပေးခဲ့ပေမယ့်လည်း အဆိုပါအမျိုးသား၂ဦးကို သေဆုံးလျှက် ဆယ်ယူနိုင်ခဲ့ကြောင်း အဖြူရောင်လက်များပရဟိတ လူမှုကူညီရေးအသင်းမှ သိရသည်။
အဆိုပါ ဖြစ်စဉ်အား မြင်းခြံခရိုင်/မြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ပြီး ကျား(၂)ဦး(သေဆုံး)ကို အဖြူရောင်လက်များပရဟိတ လူမှုကူညီရေးအသင်းယာဉ်ဖြင့် မြင်းခြံခရိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
#ymg/ynzw #Local_News #မြင်းခြံ #ရေတွင်းထဲပြုတ်ကျသည့်အမျိုးသားနှစ်ဦး #YMG #Yangon_Media_Group
#Ukraine_Crisis
Published 5 June 2023
ယူကရိန်းတောင်ပိုင်း ဒိုနက်စ်ဒေသရှေ့တန်းတလျှောက်ရှိ နေရာ ၅ နေရာမှာ ရုရှားတပ်တွေက ယူကရိန်းအဓိကထိုးစစ်ကြီးကို တားဆီးခဲ့ပြီး ယူကရိန်းအားပေးတပ်ဖွဲ့ဝင်ရာနဲ့ချီ သေဆုံးခဲ့ကြောင်း ရုရှားဘက်က တနင်္လာနေ့မှာ ပြောကြားလိုက်ပါတယ်။
အဆိုပါတိုက်ခိုက်မှုဟာ ရုရှားတပ်တွေသိမ်းထားတဲ့ နယ်မြေတွေကိုပြန်လည်သိမ်းယူမယ့် ယူကရိန်းတန်ပြန်ထိုးစစ်စတင်ခြင်း ဟုတ်လားမဟုတ်လားဆိုတာတော့ ရှင်းရှင်းလင်းလင်း မသိရသေးပါဘူး။
ရုရှားထိန်းချုပ်နယ်မြေတွေကို စတင်ထိုးဖောက်ဝင်ရောက်မယ်လို့ သံသယရှိထားတဲ့ ဒိုနက်စ်တောင်ပိုင်းမှာ ယူကရိန်းတို့က စက်ယန္တရား ၆ ခုနဲ့ တင့်ကားတပ်ရင်း ၂ ခုကို တိုက်ခိုက်ခဲ့ကြောင်း ရုရှားကာကွယ်ရေးဝန်ကြီးဌာနက ပြောကြားလိုက်ပါတယ်။
"မိမိတို့ရဲ့အရေးအကြီးဆုံးနေရာက ခံတပ်တွေကို ရန်သူက ထိုးဖောက်ကျော်ဖြတ်ဖို့ရည်ရွယ်တယ်လို့မြင်ပြီး ရန်သူတွေ အောင်မြင်မှုမရခဲ့ဘူး" လို့ ကာကွယ်ရေးဝန်ကြီးဌာနက မော်စကိုစံတော်ချိန် နံနက် ၁ နာရီခွဲမှာ တယ်လီဂရမ်၌ ကြေညာခဲ့ပါတယ်။
ယူကရိန်းသံချပ်ကာယာဉ်အများအပြား ကွင်းပြင်ထဲမှာ ထိမှန်ပြီးနောက် ပေါက်ကွဲသွားပုံတွေကို ရုရှားကာကွယ်ရေးဝန်ကြီးဌာနက ဗီဒီယိုထုတ်လွှင့်ပြသခဲ့ပါတယ်။
ရုရှားတပ်တွေက ယူကရိန်းတပ်သား ၂၅၀ ကို သတ်နိုင်ခဲ့ကာ တင့်ကား ၁၆ စင်း၊ ခြေလျင်တိုက်ခိုက်ရေးယာဉ် ၃ စင်း၊ တိုက်ခိုက်ရေးသံချပ်ကာယာဉ် ၂၁ စင်းတို့ကိုလည်း ဖျက်ဆီးနိုင်ခဲ့တယ်လို့ ဆိုပါတယ်။
ယူကရိန်းနယ်မြေရှိ ရုရှားစစ်ဆင်ရေးတွေကို တာဝန်ယူနေတဲ့ ရုရှားစစ်ဦးစီးချုပ်'ဗယ်လာရီဂျရာဆိုင်မော့'က ယူကရိန်းတိုက်ခိုက်တဲ့နေရာမှာ ရှိနေခဲ့ပါတယ်။
ရုရှားတပ်တွေကို တန်ပြန်တိုက်ခိုက်ရန် ယူကရိန်းဘက်က လနဲ့ချီပြင်ဆင်နေခဲ့တယ်လို့ ယူကရိန်းအရာရှိများနဲ့ CIA ညွှန်ကြားရေးမှူး'ဝီလီယံဘန်းစ်'တို့က ပြောကြားလိုက်ကာ ရုရှားသမ္မတ'ဗလာဒီမာပူတင်'ရဲ့မောက်မာမှုကို ထိုးဖောက်နိုင်မယ်လို့ ပြောကြားခဲ့ပါတယ်။
ယူကရိန်းသမ္မတ'ဗိုလိုဒီမီယာဇယ်လန်စကီ'က တန်ပြန်ထိုးစစ်ဆင်ရန် အသင့်ဖြစ်နေပေမယ့် အောင်မြင်မှုရဖို့ အချိန်ယူရမှာဖြစ်ပြီး အဆုံးအရှုံးများနိုင်တယ်လို့ ဝေါလ်စထရိဂျာနယ်နဲ့ အင်တာဗျူးမှာ ပြောကြားခဲ့ပါတယ်။
ရုရှားစစ်သားတွေ ယူကရိန်းနယ်မြေကနေ တစ်ယောက်မကျန် ရှင်းမထုတ်မနိုင်မချင်း ရပ်တန့်သွားမှာမဟုတ်ဘဲ အဆိုပါကျူးကျော်မှုကို နယ်ချဲ့ပုံစံသိမ်းပိုက်မှုအဖြစ် ယူကရိန်းဘက်က ဆိုလိုက်ပါတယ်။
စစ်ပွဲကပြင်းထန်နေပြီး အနောက်နိုင်ငံက ဆက်စပ်တိုက်ခိုက်လာကြောင်းနဲ့ ရုရှားရဲ့သယံဇာတကြီးကို ဖော်ထုတ်ရန် ရည်ရွယ်နေတယ်လို့ ရုရှားကဆိုလိုက်ပါတယ်။
အနောက်နိုင်ငံက ယူကရိန်းအနေနဲ့ ရုရှားကိုအနိုင်ရစေချင်ပေမယ့် ရုရှားကိုပျက်စီးစေချင်တယ်ဆိုတာကိုတော့ ငြင်းဆန်ထားပါတယ်။
နေတိုး(NATO)နဲ့ရုရှားတို့ကြား ထိပ်တိုက်တွေ့ဆုံပါက တတိယကမ္ဘာစစ်ကိုဦးတည်နေကြောင်း အမေရိကန်သမ္မတ'ဂျိုးဘိုင်ဒင်'က မနှစ်က ပြောကြားထားပါတယ်။
Source: Reuters #Ukraine_Crisis #ယူကရိန်းတပ်သားရာနဲ့ချီသေဆုံး
#YMG #Yangon_Media_Group
Page 841 of 1639