Published_ 16 November 2023

ဆီးချိုသွေးချိုရောဂါကြောင့် နှစ်စဉ်မြန်မာအပါအဝင်ကမ္ဘာ့လူဦးရေ (၂)သန်းခန့်အသက်ဆုံးရှုးနေရကြောင်းနှင့် မြန်မာနိုင်ငံတွင်ဆီးချိုသွေးချိုကုသမှုစင်တာ Center of Excellence for Diabetes (၅)ခုဖွင့်လှစ်ကာ ခေတ်မီ နည်းပညာကုထုံးများဖြင့် ကုသမှုများဆောင်ရွက်ပေးနေကြောင်း ကျန်းမာရေးဝန်ကြီးဌာနမှသိရသည်။

ဆီးချိုသွေးချိုကုသမှုစင်တာ Center of Excellence for Diabetes များကို ရန်ကုန်၊ မန္တလေးနှင့် နေပြည်တော်ရှိ ဆေးရုံကြီး(၄)ခုနှင့် မကွေးပြည်သူ့ဆေးရုံကြီး၌ ဖွင့်လှစ်ပြီးကုသမှုများဆောင်ရွက်ပေးနေသည်ဟုဆိုသည်။

ကျန်းမာရေးဝန်ကြီးဌာန၊ပြည်ထောင်စုဝန်ကြီးက ‘ကမ္ဘာ့ကျန်းမာရေးအဖွဲရဲ့ စာရင်းဇယားများအရ ကမ္ဘာတစ်ဝှမ်းရှိ အရွယ်ရောက်ပြီးသူ(၁၀)ဦးတွင် (၁)ဦး သည် ဆီးချိုသွေးချိုရောဂါ ခံစားနေရပြီး ဆီးချိုသွေးချို ရောဂါကြောင့် နှစ်စဉ် လူဦးရေ (၂)သန်းခန့် အသက်ဆုံးရှုးနေရကြောင်း၊ဆီးချိုသွေးချိုရောဂါရှိနေသူ (၅၀)ရာခိုင်နှုန်းခန့်သည် ၎င်းတိုကိုယ်တိုင် ရောဂါဖြစ်ပွားနေမှန်း မသိရှိကြောင်း၊ကျန်းမာရေးဝန်ကြီးဌာနအနေဖြင့် ပြည်သူလူထုအတွက် အရည်အသွေးပြည့်ဝသည့် ကုသမှုရရှိစေရန် နှင့် ဆီးချိုသွေးချို ရောဂါဆိုင်ရာကျန်းမာရေး အသိပညာ မြင့်မား စေရန်အတွက် Center of Excellence for Diabetes များကို ရန်ကုန်၊ မန္တလေးနဲ့ နေပြည်တော်မှာရှိတဲ့ ဆေးရုံကြီး (၄)ခုနဲ့ မကွေးပြည်သူ့ဆေးရုံကြီးတွင် ဖွင့်လှစ်၍ ခေတ်မီနည်းပညာကုထုံးများဖြင့် ကုသမှုများ ဆောင်ရွက်ပေး လျက်ရှိကြောင်း’(၂၀၂၃) ခုနှစ်ကမ္ဘာ့ဆီးချိုသွေးချိုရောဂါကာကွယ်ထိန်းသိမ်းရေးနေ့အထိမ်းအမှတ်အခမ်း အနား၌ထည့်သွင်းပြောသည်။

ယင်းစင်တာများအပြင်နိုင်ငံတစ်ဝှမ်းရှိ ကျေးလက်ကျန်းမာရေးဌာနများ၊ ကျေးလက်ကျန်းမာရေးဌာနခွဲများ၊ ဒေသန္တရကျန်းမာရေးဌာနများနှင့် မိခင်နှင့် ကလေးကျန်းမာရေးဌာနများတွင် ဆီးချိုသွေးချိုနှင့် သွေးတိုးရောဂါ စစ်ဆေးကုသမှုဆေးခန်း (၇၄၀၀)ကျော်ကို ဗုဒ္ဓဟူးနေ့တိုင်း ဖွင့်လှစ်ထားပြီး အခြေခံကျန်းမာရေးဝန်ထမ်းများမှ ဆီးချိုသွေးချိုနှင့် သွေးတိုးရောဂါစစ်ဆေးကုသပေးခြင်း၊လိုအပ်ပါက သက်ဆိုင်ရာဆေးရုံများသို လွှပြောင်းပေးခြင်းနှင့် ဆေးနှင့်ဆေးပစ္စည်းများကို နိုင်ငံတော်မှ အခမဲ့စဉ်ဆက်မပြတ်ပံ့ပိုးပေးနေကြောင်း သိရသည်။

ယခုနှစ် ဆီးချိုသွေးချိုရောဂါကာကွယ်ထိန်းသိမ်းရေးနေ့ဆောင်ပုဒ်မှာ ‘Know your risk, Know your response’ “ဆီးချိုသွေးချို အန္တရာယ် ကာကွယ်ဖို၊ ကိုယ်တိုင်သိရှိ ဆင်ခြင်စို’ဖြစ်ပြီးဆောင်ပုဒ်၏ ရည်ရွယ်ချက်မှာ ပြည်သူလူထုမှ မိမိတိုတွင် ဆီးချိုသွေးချိုရောဂါဖြစ်ပွားနိုင်သည့် အန္တရာယ် အခြေအနေကို သိရှိနားလည်၍ အချိန်မီ စစ်ဆေးကုသမှုများရယူရန်ဖြစ်ကြောင်းသိရသည်။
#Yangon_Times/tthl
#Local_News
#Published_ 16 November 2023
#YMG #Yangon_Times #Yangon_Media_Group

Published 16 November 2023

ရခိုင်ဒေသရှိ လက်ရှိအခြေအနေများကြောင့် ကမ်းခြေဒေသများအတွက် တန်ဆောင်တိုင်ပိတ်ရက် ဟိုတယ်ဘိုကင်များ ပယ်ဖျက်လာကြောင်း မြန်မာနိုင်ငံ ခရီးသွား လုပ်ငန်းရှင်များအသင်းမှ ဥက္ကဋ္ဌ ဦးနောင်းနောင်းဟန်က ပြောသည်။

ယခုလအတွင်း ကျရောက်မည့် တန်ဆောင်တိုင်အားလပ်ရက်အတွက် ငပလီအပါအဝင်ကမ်း‌ခြေ‌များရှိ ဟိုတယ်ဘိုကင်ကြိုတင်ယူမှု များပြားခဲ့သော်လည်း ပြီးခဲ့သည့်ရက်ပိုင်းက စတင်ဖြစ်ပွားခဲ့သည့် ရခိုင်ပြည်နယ်ရှိ အခြေအနေများကြောင့် ငပလီဟိုတယ် ကြိုတင်ဘိုကင်များအား ဖျက်သိမ်းလာကြခြင်း ဖြစ်ကြောင်းသိရသည်။

'ငပလီဘက်တွေမှာ တော်တော်များများ cancel လုပ်သွားကြတယ်။ ဒီရက်ထဲမှာတော့ cancel လုပ်တာလေးတွေ တော်တော်များများ တွေ့နေရတယ်၊ ဒီလိုပိတ်ရက်တွေဆိုရင် ကမ်းခြေဒေသတွေကို သွားလေ့ရှိတယ်၊ ပုံမှန်ဆိုဒီအချိန်ကကမ်းခြေမှာ ခရီးသွားလုပ်ငန်းမှာ အမြင့်ဆုံးအချိန်လို့ ပြောလို့ရပါတယ် ၊ အခု လောလောဆယ်တော့ လက်ရှိဖြစ်ပေါ်နေတဲ့ လုံခြုံရေးအခြေအနေတွေအရ လျော့ဖို့ရှိလာတယ်' ဟု ၄ကဆက်ပြောသည်။

ပြီးခဲ့သည့် နိုဝင်ဘာ ၁၃ ရက်နေ့က စတင်ပြီး ရခိုင်ပြည်နယ်တွင် မြန်မာ့တပ်မတော်နှင့် ရက္ခိုင့်တပ်တော် (ULA/AA)တို့ကြား တိုက်ပွဲများ ပြန်လည်ဖြစ်ပွားနေသဖြင့် ကုန်းလမ်းများအား ပိတ်ဆို့ထားမှုကြောင့် ငပလီ ကမ်းခြေဒေသသို့ လာရောက်လည်ပတ်သည့် ခရီးသွားများမှာ ပိတ်မိနေခဲ့ကြပြီးယခုလ၂၃ရက်အထိသံတွဲ_ရန်ကုန် လေယာဉ်လက်မှတ်လည်းပြည့်နေပြီဖြစ်ကြောင်းဒေသခံများထံမှသိရသည်။

' ငပလီဆောင်ဦးပွဲတော်လည်းဒီရက်ထဲရှိတာလုပ်ဖြစ်လား၊မဖြစ်လားမသိဘူး၊လုပ်ဖြစ်ရင်
၁၀ရက်လောက်လုပ်မှာ၊ငပလီတစ်ခုထဲမဟုတ်ဘူးနော်သိသလောက်ကငါးနေရာ၊ဖြစ်မဖြစ်တော့အခုအခြေအနေတွေကြောင့်မသိတော့ဘူး ' ဟု သံတွဲမြို့နယ်မှဒေသခံတစ်ဦးကပြောသည်။

ရခိုင်ပြည်နယ်၌' ဆောင်းဦးပွဲတော် 'ကို ငပလီကမ်းခြေအပါအဝင် မြောက်ဦး ရှေးဟောင်းယဉ်ကျေးမှုနယ်မြေ ၊ စစ်တွေကမ်းခြေ၊ ကျောက်ဖြူကမ်းခြေနှင့်မာန်အောင်ကျွန်းတို့၌နိုဝင်ဘာလ၁၈ ရက်မှစတင်၍ပြုလုပ်သွားမည်ဖြစ်ကြောင်း ကနဦးကြေညာချက်အရသိရသည်။
#Yangon_Times/NN
#Local_News
#Published_ 16 November 2023
#YMG #Yangon_Times #Yangon_Media_Group

Published 16 November 2023

မြန်မာ့စီးပွားရေးလုပ်ငန်းစုကြီး ရိုးမအုပ်စု၏ မြန်မာ့မီးရထားရုံးချုပ်နေရာရှိ ရိုးမစင်ထရယ် စီမံကိန်းကို ယခုနှစ်ကုန်၌ ပြန်လည်စတင်မည်ဖြစ်ကြောင်းသိရသည်။

ရိုးမအုပ်စုသည် ၂၀၂၁ ခုနှစ် ဖေဖော်ဝါရီနောက်ပိုင်း ရပ်တန့်သွားခဲ့သည့် ရန်ကုန်မြို့လယ်ရှိ မြန်မာ့မီးရထားရုံးချုပ်နေရာ ၊Yoma Central စီမံကိန်းကို ယခုနှစ်ကုန်ပိုင်းမှာ ပြန်လည်စတင်နိုင်ရန်မျှော်မှန်းထားခြင်းဖြစ်ပြီး ယင်းစီမံကိန်းပြန်လည်စတင်နိုင်ရေးအတွက် ပြင်ဆင်မှုများကို စီစဉ်ထားသည့်အတိုင်း ဆက်လက်လုပ်ဆောင်နေကြောင်း စင်ကာပူ စတော့အိတ်ချိန်စာရင်းဝင် Yoma Strategic Holdings မှ ပြောရေးဆိုခွင့်ရှိသူက Nikkei Asia သို့ ဖြေကြားထားသည်။

အဆိုပါ စီမံကိန်းပြန်လည်စတင်နိုင်ရေးအတွက် ပြင်ဆင်မှုများကို စီစဉ်ထားသည့်အတိုင်း ဆက်လက်လုပ်ဆောင်နေပြီး စီမံကိန်းတွင်မြေဧရိယာ ၄ ဟက်တာခန့် ကျယ်ဝန်းသည့် စီမံကိန်းမြေပေါ်၌ ရောနှောအသုံးပြု အဆောက်အအုံ လေးလုံးပါရှိပြီး ရိုးမအုပ်စုက စီမံကိန်း၏ ၆၀ ရာခိုင်နှုန်းကို ပိုင်ဆိုင်ကာ ဂျပန်စီးပွားရေးလုပ်ငန်းစု မစ်ဆူဘီရှီကလည်း ရှယ်ယာရှင်အဖြစ် ပါဝင်ထားကြောင်း သိရသည်။

ထို့အပြင် Yoma Strategic ၏ အဆိုအရ လူနေအိမ်တာဝါတည်ဆောက်ခြင်းနှင်ဘ လုပ်ငန်းပြန်လည်စတင်မည်ဖြစ်‌ကြောင်းသိရသည်။

အဆိုပါ စီမံကိန်းကို ၂၀၁၇ ခုနှစ်၌ စတင်တည်ဆောက်ခဲ့ပြီး ၂၀၂၁ ခုနှစ် နှစ်လယ်ပိုင်းတွင် အပြီးသတ်ရန်မူလက ရည်မှန်းထားသော်လည်း ၂၀၂၁ ဖေဖော်ဝါရီ နိုင်ငံရေးအပြောင်းအလဲဖြစ်စဉ်ကြောင့် စီမံကိန်းများရပ်တန့်သွားခဲ့ကြောင်း၊ဆိုင်းငံ့ထားသည့် အခြားစီမံကိန်းထဲတွင် ဟောင်ကောင်နှင့် ရှန်ဟိုင်းဟိုတယ်လုပ်ငန်းစုက အော်ပရေတာအဖြစ် ဆောင်ရွက်နေသည့် The Peninsula Yangon ဟိုတယ်လည်း ပါဝင်ကြောင်းသိရသည်။

မြန်မာနိုင်ငံရှိ ရင်းနှီးမြှုပ်နှံမှုများသည် နိုင်ငံရေးမတည်ငြိမ်မှုများကြောင့် ကျပ်ငွေထက် အိမ်ခြံမြေကဏ္ဍဆီ အများဆုံး စီးဆင်းလျက်ရှိပြီး ခိုင်မာသည့် အိမ်ခြံမြေရောင်းအားကြောင့်လည်း စီမံကိန်းပြန်လည်စတင်နိုင်ရန် Yoma Strategic ကို တွန်းအားဖြစ်စေခဲ့
ကြောင်းသိရသည်။
#Yangon_Times/NN
#Local_News
#Published_ 16 November 2023
#YMG #Yangon_Times #Yangon_Media_Group

ရွှေကုန်ကြမ်း အနည်းငယ်ရှားပါးသည့်အပြင် ဈေးကွက်တွင်း ရွှေဝယ်လိုအားများလာသောကြောင့်ရွှေဈေးနှုန်း ရုတ်တရက်ခုန်တက်

ပွင့်လင်းရာသီဖြစ်ပေမယ့် လတ်တလောဖြစ်နေတဲ့ အခြေအနေတွေကြောင့်‌ ရွှေကုန်ကြမ်းရှားပါးတာ၊ ဈေးကွက်တွင်း ရွှေဝယ်လိုအား မြင့်တက်လာတာအပြင် ဒေါ်လာဈေးလည်း အနည်းငယ်မြင့်တက်လာတာကြောင့် မြန်မာ့ရွှေဈေး တစ်ကျပ်သားကို၃၆သိန်း‌ ကျော်အထိ ခုန်တက်လာတယ်လို့မြန်မာနိုင်ငံ ရွှေလုပ်ငန်းရှင်များအသင်းချုပ်က သိရပါတယ်။
#Yangon_Times/NN
#Local_News
#Published_ 16 November 2023
#YMG #Yangon_Times #Yangon_Media_Group

ကမ္ဘာ့ဖလားဒုတိယအဆင့်ခြေစစ်ပွဲ ဂျပန်-မြန်မာပွဲစဉ် ယနေ့ပြိုင်မည်၊ စောစီးစွာဂိုးမပေးရရေးကြိုးပမ်းမည်

‘မြန်မာအသင်းအနေနဲ့ ဂျပန်အသင်းကို အတတ်နိုင်ဆုံး ပထမပိုင်းရဲ့ အစောပိုင်း မိနစ်တွေမှာ လုံးဝဂိုးမပေးရဖို့ ကြိုးစားဖို့ရှိတယ်၊ မြန်မာအသင်းအနေနဲ့ တစ်ဆင့်ချင်း ရလဒ်ကောင်းအောင် လုပ်သွားဖို့ ရှိပါတယ်” မြန်မာ့လက်ရွေးစင်အသင်းနည်းပြချုပ်
#Yangon_Times/tthl
#Local_Sports
#Published_ 16 November 2023
#YMG #Yangon_Times #Yangon_Media_Group

ဖုန်တွေသဲတွေ ပြည့်နေပြီး ရေရှားပါးတဲ့ ဂိုဘီကန္တာရ အနောက်မြောက်ပိုင်းမှာ နေထိုင်တဲ့ လူငယ်စုံတွဲဟာ ခေတ်မီရေသွင်းစနစ်ကို အသုံးပြုပြီး အသီးအနှံတွေ စိုက်ပျိုးကာ စီးပွားဖြစ်နေပုံကို ဖော်ပြသွားပါတယ်။
#Asia_Development
#Published_ 16 November 2023
#YMG #Yangon_Times #Yangon_Media_Group

၁၆ နိုဝင်ဘာ ၂၀၂၃

ရှမ်းပြည်နယ်၊ ကိုးကန့် ကိုယ်ပိုင်အုပ်ချုပ်ခွင့်ရဒေသအတွင်း Online လိမ်လည်မှုများ၊ လူကို သွေးဆောင် ဆွဲခေါ်မှုများ၊ လူပြန်ပေးမှုများ၊ တရားမဝင်ချုပ်နှောင်မှုများ ခြောက်လှန့်တောင်းယူမှုများကို အားပေး ကူညီခြင်းများကို ကျူးလွန်နေသော တရုတ်နိုင်ငံသား(၄)ဦးကို ဖမ်းဝရမ်းဆင့်ထုတ်ထားရာတွင် အဆိုပါ(၄)ဦးအနက် မြီရှောက်ချန်း၊ မြီကော်ဖျင်း (ခေါ်) မြီရှောက်ဖျင်း နှင့် မြီကျိန်းကျိန် (၃)ဦးးတို့ကို (၁၆-၁၁-၂၀၂၃) ရက်နေ့ မနက်ပိုင်းတွင် ၎င်းတို့အား ကိုးကန့် ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့၌ ဖမ်းဆီးရမိခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

အဆိုပါဖမ်းမိတရားခံ(၃)ဦးကို တရားဥပဒေအရအရေးယူနိုင်ရေးအတွက် တရုတ်ပြည်သူ့သမ္မတနိုင်ငံသို့လွှဲပြောင်းပေးနိုင်ဖို့ ဆက်လက်စီစဉ်ဆောင်ရွက်လျက်ရှိတယ်လို့ သတင်းတွင်ဖော်ပြထားပါတယ်။

မြီရှောက်ချန်း၊ မြီကော်ဖျင်း (ခေါ်) မြီရှောက်ဖျင်း၊ မြီကျွီလန်နှင့် မြီကျိန်းကျိန် (၄)ဦးးတို့ကို နိုဝင်ဘာလ ၁၅ ရက်နေ့တွင် ကိုးကန့်ကိုယ်ပိုင်အုပ်ချုပ်ခွင့်ရဒေသ တရားရုံးက ဖမ်းဝရမ်းထုတ်ဆင့်ထားခဲ့တာဖြစ်ပါတယ်။

-ymg/knl

Published 16 November 2023

ရန်ကုန်တိုင်းဒေသကြီး၊ ဗဟန်းမြို့နယ်၊ အမှတ်(၂၄/C)၊ နတ်မောက်ရိပ်သာလမ်း ၊ ဆရာစံရပ်ကွက်တွင် ဖွင့်လှစ်ထားသည့် Saigon Beauty Skin & Luxury Clinic လုပ်ငန်းမှ ဆေးကုသခွင့်လိုင်စင်မရှိဘဲ အလှအပ ဆိုင်ရာခွဲစိပ်မှု များ ပြုလုပ်နေသည့် အတွက် မြို့နယ်ပြည်သူ့ကျန်းမာရေးဦးစီးဌာနမှုးမှ တရားလို ပြုလုပ်၍ ဗဟန်းမြို့နယ် ရဲစခန်းတွင် အမှု ဖွင့် အရေးယူဆောင်ရွက်ထားကြောင်း ကျန်းမာရေးဝန်ကြီးဌာန၏ သတင်းထုတ်ပြန်ချက် အရ သိရသည်။

အဆိုပါ ဆေးခန်းသည် (၁၄-၁၁-၂၀၂၃) ရက်နေ့တွင် လူမူကွန်ယက်၌ Aesthetic လုပ်ငန်းများဖြစ်သော နှာခေါင်းခွဲစိတ်မှုများ၊ မျက်ရစ်နှင့် နှုတ်ခမ်းခွဲစိတ်ကုသမှုများကို ပြုလုပ်ပေးလျက်ရှိကြောင်း လူမှုကွန်ရက်စာမျက်နှာ၌ ကြော်ငြာထားသည်ကို တွေ့ရှိရသဖြင့် ရန်ကုန်တိုင်းဒေသကြီးကုသရေးဦးစီးဌာနမှ တာဝန်ရှိပုဂ္ဂိုလ်များ၊ မြို့နယ်ပုဂ္ဂလိက ကျန်းမာရေး လုပ်ငန်းဆိုင်ရာ ကြီးကြပ်ရေးကော်မတီဝင်များ၊ မြန်မာနိုင်ငံရဲတပ်ဖွဲ့၊ မြို့နယ်အထွေထွေ အုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးအဖွဲ့မှ တာဝန်ရှိသူများ ပူးပေါင်းပါဝင်သော အဖွဲ့ဖြင့် ရှောင်တခင်ဝင်ရောက်စစ်ဆေးခဲ့ခြင်း ဖြစ်သည်။

ထိုသို့စစ်ဆေးရာတွင်မြန်မာနိုင်ငံတွင်ဆေးကုသခွင့်လိုင်စင်မရှိသည့်ဗီယမ်နမ်နိုင်ငံသားတစ်ဦး နှင့် မြန်မာနိုင်ငံသားဆရာဝန် တစ်ဦးတို့ပါဝင်သောအဖွဲ့မှ တရားမဝင်ခွဲစိတ်ကုသခြင်း၊ တရားမဝင်ဆေးဝါးများအသုံးပြုခြင်းများ အားတွေ့ရှိရကြောင်းသိရသည်။

အဆိုပါSaigon Beauty Skin & Luxury Clinic လုပ်ငန်းအား မြန်မာနိုင်ငံဆေးဝါးဥပဒေ၊ မြန်မာနိုင်ငံဆေးကောင်စီဥပဒေနှင့် ပုဂ္ဂလိကကျန်းမာ‌ရေးလုပ်ငန်းဆိုင်ရာ ဥပ‌ဒေများဖြင့်မြို့နယ်ပြည်သူ့ကျန်းမာရေးဦးစီးဌာနမှူးမှ တရားလိုပြုလုပ်၍ ဗဟန်းမြို့နယ်ရဲစခန်း တွင် အမှုဖွင့်လှစ်ဆောင်ရွက်ထားလျက်ရှိကြောင်း သိရသည်။
#Yangon_Times/LW
#Local_News
#Published_ 16 November 2023
#YMG #Yangon_Times #Yangon_Media_Group

Published 16 November 2023
 
လားရှိုးတက္ကသိုလ် တွင် ၂၀၂၃ခုနှစ် ပညာသင်နှစ်အတွက် ကျင်းပမည့် အဝေးသင်
စာမေးပွဲ ရက်များ ကို ရက်အကန့်သတ်မရှိရွှေ့ဆိုင်းလိုက်ကြောင်း လားရှိုးတက္ကသိုလ်မှ ကြေညာချက်ထုတ်ပြန်ထားသည်။ 

    အဝေးသင် သင်တန်း ၂၀၂၃ပညာသင်နှစ်၊ တတိယသုတ်မှ မြန်မာစာနှင့် သမိုင်း အထူးပြုသင်တန်းနှစ်များအားလုံး၏ ကျင်းပလျက်ရှိသော စာမေးပွဲကို နိုဝင်ဘာ ၁၆ရက်နေ့ နေ့လယ်ပိုင်းမှ စတင်၍ ဖြေဆိုချိန်များအားလုံးကို ရက်ရွှေ့ဆိုင်းလိုက်ခြင်း ဖြစ်ကြောင်း သိရသည်။

    ပညာရေးဝန်ကြီးဌာနမှ  တယ်လီဖုန်းဖြင့်ညွန်ကြားချက်အရ  နိုဝင်ဘာ ၁၆ရက်နေ့ နေ့လည်ပိုင်းမှ စတင်ပြီးတော့ ဖြေဆိုချိန်အားလုံးကို ရွှေ့လိုက်ခြင်းဖြစ်ကြောင်း သိရသည်။ 

     ဒေသတွင်း ပဋိပက္ခများကြောင့် လွိုင်ကော် တက္ကသိုလ်တွင်လည်း နိုဝင်ဘာ ၁၃ရက်၌ စတင်ဖြေဆိုမည့် အဝေးသင် တတိယ အသုတ်စာမေးပွဲများကို လည်း ရက်အကန့်အသတ်မရှိ ရွှေ့ဆိုင်းလိုက်ရကြောင်းသိရသည်။
#Yangon_Times/LW
#Local_News
#Published_ 16 November 2023
#YMG #Yangon_Times #Yangon_Media_Group

နယ်မြေမအေးချမ်းတဲ့အတွက် ပြောင်းခင်းများကို စွန့်ပစ်ထားရသလိုဖြစ်နေ

ရှမ်းပြည်မြောက်ပိုင်းရှိ မြို့နယ်တွေမှာ ရှိတဲ့ ပြောင်းစိုက်တောင်သူတွေထံ လမ်းပန်းဆက်သွယ်ရေး အခက်ခဲကြောင့် လာရောက် ဝယ်ယူသူမရှိတဲ့အတွက် ဆုံးရှုံးမှုတွေ ဖြစ်ပေါ်နေတယ်လို့ ဒေသခံ ပြောင်းစိုက်တောင်သူတွေထံက သိရပါတယ်။
#Yangon_Times/LW
#Local_News
#Published_ 16 November 2023
#YMG #Yangon_Times #Yangon_Media_Group

'အခွန်ကောက်ဖို့မဟုတ်ပါဘူး၊ ခြံတွေကိုစာရင်းလိုက်ကောက်ရင် တောင်သူတွေအနေနဲ့ လိုလိုလားလား စာရင်းပေးဖို့လိုပါတယ် '

ရန်ကုန်တိုင်းအပါအဝင် ပြည်နယ်နဲ့တိုင်းအချို့မှာ ကျွှဲကောစိုက်ဧကနဲ့ အသင်းသက်တမ်းတိုးဖို့ စစ်တမ်း‌ကောက်ယူတာတွေ လုပ်ဆောင်နေတယ်လို့ မြန်မာနိုင်ငံကျွဲကောစိုက်ပျိုး ထုတ်လုပ်တင်ပို့ရောင်းချသူများအသင်းက သိရပါတယ်။
#Yangon_Times/NN
#Local_News
#Published_ 16 November 2023
#YMG #Yangon_Times #Yangon_Media_Group

ဖားအောက်ဆရာတော်ကြီး စင်ကာပူ၌ နှလုံးအထူးကုသမှုအောင်မြင် ၊ရန်ကုန်သို့ ပြန်ရောက်ပြီဖြစ်

‘’ဆရာတော်ဘုရားကြီးက နှလုံးစက်နဲ့နှလုံးစတန့်ထည့်ထားရပြီး အဲဒီ့နှလုံးစက်နဲ့နှလုံးစတန့် အခြေအနေတွေကို ပြန်လည်စစ်ဆေးပြီး ဆေးကုသမှုတွေ၊ အသေးစားခွဲစိတ်ကုသမှုတွေ ခံယူခဲ့တယ်’’ မော်လမြိုင်ဖားအောက်တောရမှ တာဝန်ရှိသူတစ်ဦး
#Yangon_Times/tthl
#Local_News
#Published_ 16 November 2023
#YMG #Yangon_Times #Yangon_Media_Group