၁၉ နိုဝင်ဘာ ၂၀၂၃

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီး မင်းအောင်လှိုင်သည်  နေပြည်တော်၊ တပ်မတော်   ဆေးရုံကုတင် (၁၀၀၀)ရှိ အရိုးရောဂါနှင့် ထိခိုက်ဒဏ်ရာကုသမှုဌာန၌ တက်ရောက်ကုသမှုခံယူလျက်ရှိတဲ့  နိုင်ငံတော်    ကာကွယ်ရေးနှင့် လုံခြုံရေးတာဝန်များ ထမ်းဆောင်စဉ် ထိခိုက်ဒဏ်ရာ ရရှိခဲ့သည့် အရာရှိ၊ စစ်သည်များအား ယနေ့ နိုဝင်ဘာ ၁၉ ရက်နေ့တွင် သွားရောက်ကြည့်ရှုအားပေး စကားပြောကြားခဲ့တယ်လို့ သတင်းထုတ်ပြန်ချက််အရသိရပါတယ်။

အဆိုပါ အရာရှိ၊ စစ်သည်များရဲ့ ထိခိုက်ဒဏ်ရာရရှိခဲ့မှု အခြေအနေများ၊ ရောဂါကုသပျောက်ကင်းမှု အခြေအနေများကို တစ်ဦးချင်းလိုက်လံတွေ့ဆုံ၍ ရင်းနှီးနွေးထွေးစွာမေးမြန်းပြီး အားပေးစကား ပြောကြားခဲ့ပြီး အရာရှိ၊ စစ်သည်   များ၏တင်ပြချက်များအပေါ် လိုအပ်သည်များ ဖြည့်ဆည်း ဆောင်ရွက်ပေးခဲ့တယ်လို့လည်း သတင်းထုတ်ပြန်ချက်မှာ ဖော်ပြထားပါတယ်။

အဲဒီနောက်ဗိုလ်ချူပ်မှူးကြီးသည် ဆေးရုံတက်ရောက်ကုသမှုခံယူလျက်ရှိသည့် အရာရှိ၊ စစ်သည်များအား ဂုဏ်ပြု  ချီးမြှင့် ငွေနှင့် လက်ဆောင်ပစ္စည်းများပေးအပ်ခဲ့ပါတယ်။

ဗိုလ်ချုပ်မှူးကြီးနှင့်အတူလိုက်ပါလာတဲ့  ကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မောင်မောင်အေး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး ထွန်းအောင်နှင့် တပ်မတော်အရာရှိကြီးများကလည်း တစ်ဦးချင်းရင်းနှီးနွေးထွေးစွာဖြင့် လိုက်လံအားပေးစကားပြောကြားပြီး ဂုဏ်ပြုချီးမြှင့်ငွေ  နှင့် လက်ဆောင်ပစ္စည်းများပေးအပ်ခဲ့ကြတယ်လို့ သတင်းထုတ်ပြန်ထားပါတယ်။

-ymg/knl

၁၉ နိုဝင်ဘာ ၂၀၂၃

မြန်မာနိုင်ငံတော် ဗဟိုဘဏ်က ပြည်တွင်းမီဒီယာအချို့နှင့်တွေ့ဆုံကာ ဘဏ်များနှင့်ပတ်သက်သည့် ကောလာဟလများနှင့် ယင်းတို့ကို တုန့်ပြန်ဆောင်ရွက်မှုများအပါအဝင် ဘဏ်ကိစ္စများကို အမေးအဖြေပြုုလုပ်ခဲ့ပါသည်။ ထိုတွေဆုံ   မေးမြန်းမှုအပြည့်အစုံမှာ အောက်ပါအတိုင်းဖြစ်ပါသည်။

၁) မေး။ဒီရက်ပိုင်းအတွင်း ဘဏ်များရှေ့တွင် ပြည်သူများ ငွေထုတ်ယူနိုင်ရေးအတွက် တန်းစီ နေတာ နေရာတော်တော်များမှာ တွေ့ရပါတယ်။ ဘာကြောင့်လို့ ပြောချင်ပါသလဲ။

ဖြေ။ လတ်တလောဖြစ်ပေါ်နေသောအခြေအနေများကို အခွင့်ကောင်းယူ၍ နိုင်ငံတော်တည်ငြိမ် အေးချမ်းသာယာမှုနှင့် စီးပွားရေးတည်ငြိမ်မှုကို မလိုလားသော သတင်းမီဒီယာများ၊ အကြမ်းဖက်အုပ်စုများနှင့် ၎င်းတို့ကိုထောက်ခံ  အားပေးသူများကလူမှုကွန်ယက်စာမျက်နှာ များတွင်သတင်းတု၊ သတင်းအမှားများကို လှုံဆော်ရေးသားမှုများအား ဆက်တိုက်ပြုလုပ်နေခဲ့ပြီး၊ ယင်းသတင်းများအနက် နယ်ဘဏ်ခွဲအချို့မှာ ... လက်နက်ကိုင်အကြမ်းဖက် သောင်းကျန်း သူများကအကြမ်းဖက်တိုက်ခိုက်လုယက်ဖျက်ဆီးမှုများကိုအခွင့်ကောင်းယူ၍ အဆိုပါသတင်းများကို ဓါတ်ပုံများနှင့်   တကွဖော်ပြပြီး ပြည်သူများက ဘဏ်များမှ ငွေများ ထုတ်ယူ၍မရတော့သယောင် သွေးထိုးလှုံဆော်ရေးသားမှုများကြောင့် ပြည်သူများစိုးရိမ် ပူပန်မှုများမြင့်တက်ကာ ဘဏ်များမှငွေများကို လိုသည်ထက်ပို၍ ထုတ်ယူနေခြင်းလို့ ပြောကြားလိုပါတယ်။

၂)မေး။ယခုလတ်တလောအခြေအနေများအရ ဗဟိုဘဏ်အနေဖြင့် ဘဏ်တွေမှာ အများပြည်သူ ငွေသားထုတ်ယူမှုအပေါ် ကန့်သတ်လိုက်ပြီဆိုတာ ဟုတ်ပါသလား။

ဖြေ။ မဟုတ်ပါ။ ပြည်သူတွေရဲ့ အပ်နှံငွေအပေါ် ငွေထုတ်ယူနိုင်ရေးအတွက် ဘဏ်များမှ ဆောင်ရွက်ပေးလျက်ရှိပါတယ်။ မြန်မာနိုင်ငံတော်ဗဟိုဘဏ်မှလည်း ပြည်သူမှအပ်နှံထားသည့် ငွေများအဆင်ပြေပြေထုတ်ယူနိုင်ရေးအပေါ် ပံ့ပိုး ကူညီပေးလျက်ရှိပါတယ်။

၃)မေး။Special Account တွေကနေ အချိန်မရွေး ငွေကြိုက်သလောက် ထုတ်ယူနိုင်တယ်လို့ နားလည်ထားပါတယ်။ ဒီရက်ပိုင်း Special Account တွေမှ ငွေထုတ်ယူမှုကန့်သတ် လိုက်ကြောင်း သတင်းများထွက်ပေါ်နေပါတယ်။ မှန်ပါသလား။ မြေပြင်မှာ ငွေသွား ထုတ်တဲ့အခါမှာ တန်းစီနေပြီး . ကိုယ့်အလှည့် ရောက်သည့်အခါမှာ လိုချင်သလောက်မရ တော့ခြင်း၊ နောက်ရက်မှ လာထုတ်ရန် ထပ်မံချိန်းဆိုခြင်းများ ကြုံတွေ့နေရသည့်အပေါ် ဘာများပြောချင်ပါသလဲ။

ဖြေ။ အပ်နှံငွေရဲ့အနေအထားအရ New Account (Special Account) ဆိုပါက ငွေသားထည့်သွင်းခဲ့သည့်ပမာဏအတိုင်း ငွေသားထည့်သွင်းခဲ့သည့် ဘဏ်များမှာ ပြန်လည် ထုတ်ယူနိုင်ပါတယ်။ ငွေထုတ်ယူသူများပါက ဘဏ်အနေဖြင့် ၎င်းတို့၏ငွေသိုလှောင်ခန်းအကျယ်အဝန်းပေါ်မူတည်၍ ငွေသားများထားရှိရသည့်အတွက် ထုတ်ပေးရန် ငွေပမာဏ များကိုစီစဉ်ဖို့လိုအပ်တာကြောင့်  မိမိငွေထုတ်ယူလိုသည့်ပမာဏကို ဘဏ်သို့ကြိုတင် အသိပေး အကြောင်းကြားထားရင် အဆင်ပြေမှာ ဖြစ်ပါတယ်။

၄)မေး။မြန်မာနိုင်ငံတော်ဗဟိုဘဏ်ရဲ့ သတင်းထုတ်ပြန်ချက်တွေမှာ ငွေထုတ်ကန့်သတ်ချက် မထားရှိဘဲ ငွေသားထုတ်ပေးခြင်းများကို ဆောင်ရွက်ပေးလျက်ရှိတယ်လို့ပါရှိပေမယ့် လက်တွေ့ သွားရောက်ထုတ်ယူသည့်အခါတွင် အချို့ပုဂ္ဂလိကဘဏ်တွေမှာ ကန့်သတ်ချက် တွေရှိနေလို့ ဒီအပေါ်မှာ ဘာများပြောကြားလိုပါသလဲ။

ဖြေ။ အများပြည်သူအနေဖြင့် မိမိအပ်နှံထားသည့် အပ်နှံငွေအမျိုးအစားပေါ် မူတည်ပြီး ဘဏ်မှ ငွေထုတ်ယူရာမှာ ကွဲပြားမှုများရှိနိုင်ပါတယ်။ Special Account ဆိုပါက မိမိငွေသား ထည့်သွင်းခဲ့သည့် ပမာဏအတိုင်း ငွေသားထုတ်ယူနိုင်ပါတယ်။ ငွေစုဘဏ်စာရင်း (Saving Account) ဆိုပါက တစ်ပတ်တစ်ကြိမ် ငွေထုတ်ယူမှု ဆောင်ရွက်နိုင်မှာဖြစ် ပါတယ်။ စာရင်းသေအပ်ငွေ (Fixed Deposit) ဖြစ်ပါက သက်တမ်းပြည့်မည့် အချိန်မှသာ ငွေထုတ်ယူနိုင်မှာဖြစ်ပါတယ်။ Saving Account အပါအဝင် အပ်ငွေစာရင်းအဟောင်းများ နှင့်ပတ်သက်၍ ဘဏ်များမှငွေထုတ်ယူရာတွင် မြန်မာနိုင်ငံတော်ဗဟိုဘဏ်က ၂၀၂၂ ခုနှစ်၊ ဧပြီလတွင် ထုတ်ပြန်ခဲ့သည့် ငွေသားစီမံခန့်ခွဲမှုအဆင်ပြေစေရေး အစီအစဉ်သတ်မှတ်ချက် ပါအတိုင်း ငွေသားထုတ်ယူမှုအပြင် ပြည်သူများအနေဖြင့် ဒစ်ဂျစ်တယ်နည်းလမ်းများဖြစ် သောမိုဘိုင်းဘဏ်လုပ်ငန်း၊ အင်တာနက်ဘဏ်လုပ်ငန်းများ၊ Account Transfer များ ဖြင့်ဘဏ်ဝန်ဆောင်မှုများအား အကန့်အသတ်မရှိ ဆောင်ရွက်နိုင်ပါတယ်။

၅)မေး။ပြည်တွင်း/ပြည်ပမီဒီယာများနှင့် လူမှုကွန်ယက်များတွင် သွေးထိုးလှုံဆော်မှုနှင့် ဝိသမ လောဘသားများ၏ ကိုယ်ကျိုးစီးပွားရှာသွေးထိုးမှုများကြောင့် ပုံမှန်ပြန်လည်လည်ပတ် နေသည့် ဘဏ်တွေမှာ ပြည်သူတွေ စိုးရိမ်တကြီး ငွေတွေထုတ်ပါတယ်။ ဘဏ်တွေ မပြိုလဲဖို့နှင့် ပြည်သူတွေရဲ့ အပ်နှံငွေတွေ မဆုံးရှုံးစေဖို့ ဗဟိုဘဏ်က ဘယ်လိုအာမခံ ချက်တွေ ပေးဖို့ရှိပါသလဲ။

ဖြေ။ ဗဟိုဘဏ်က အပြည့်အဝအာမခံထားပြီးဖြစ်ပါတယ်။ ၂၀၂၁ ခုနှစ်ကာလတွင်သာမက ကောလဟလဖြစ်တိုင်း ဗဟိုဘဏ်က ပြည်သူများ၏ အပ်နှံငွေအပေါ် အပြည့်အဝ အာမခံရှိသည်ကို အကြိမ်ကြိမ်ပြောကြားခဲ့ပါကြောင်း၊ ဘဏ်များက အဆိုပါအပ်နှံငွေများ ပြန်လည်ထုတ်ပေးနိုင်ရန် ဗဟိုဘဏ်၌ အနည်းဆုံးထားရှိရမည့် သီးသန့်ငွေလိုအပ်ချက်ကို အပ်နှံထားရှိလျက်ရှိရာ လက်ရှိတွင် ဘဏ်များက အနည်းဆုံးလိုအပ်ချက်ထက်ပို၍ ဗဟို ဘဏ်ထံ အပ်နှံထားပါကြောင်း၊ ဒါ့အပြင် ပြည်သူလူထုအား ငွေပြန်လည်ထုတ်ပေးနိုင်ရန် ငွေကြေးလွယ်ကူမှုအချိုးများဖြင့်လည်းစောင့်ကြပ်ထိန်းကျောင်း လျက် ရှိရာဘဏ်များ အနေဖြင့် အပ်နှံငွေများ အပြည့်အဝ ပြန်လည်ထုတ်ပေးဖို့ အဆင်သင့်ရှိပါကြောင်း၊ ဗဟိုဘဏ်အနေဖြင့် ဘဏ်များကိုစောင့်ကြည့်ကြပ်မတ်လျက်ရှိသောကြောင့် ဘဏ်များအနေဖြင့်လည်းအဆင်ပြေချောမွေ့စွာ သတ်မှတ်စည်းကမ်း  ချက်များနှင့်အညီ ဆက်လက်ဝန်ဆောင်မှုပေးလျက်ရှိသည့်အတွက် ပြည်သူများ စိုးရိမ်ကြောင့်ကြမှုမရှိဘဲ ပုံမှန်အတိုင်း ဘဏ်လုပ်ငန်းဝန်ဆောင်မှုများ ဆောင်ရွက်ရန် လိုအပ်ပါတယ်။

၆။မေး။ဘဏ်ကပိုက်ဆံတွေ အလုအယက်ထုတ်အောင် ... ကောလဟလတွေထုတ်ပြီး ရွှေနှင့် ဒေါ်လာဈေးကို ဆွဲတင်နေတဲ့သူတွေကို ထိထိရောက်ရောက်အရေးယူမည့် အစီအစဉ်များ ရှိပါသလား။

ဖြေ။ ဘဏ်တွေမှာ ငွေကြေးခဝါချမှုဗဟိုအဖွဲ့က သတ်မှတ်ထားသည့် ငွေကြေး ကျပ်သန်း ထက်ကျော်လွန်၍ ထုတ်ယူသည့်ပမာဏအားလုံးကို ငွေကြေးဆိုင်ရာ စုံစမ်းထောက်လှမ်း ရေးအဖွဲ့ (FIU)ထံပေးပို့ရကြောင်း၊ ယခုငွေထုတ် များနေသည့်လူများအားလုံးကို ဗဟိုဘဏ်၊ စစစ၊ FIU တို့က အနီးကပ်ကြီးကြပ်စောင့်ကြည့်နေတာဖြစ်၍ ဈေးကစားမှုများ ပါဝင်ပတ်သက်နေပါက ထိရောက်စွာ အရေးယူသွားမည်ဖြစ်ပါကြောင်း၊ဘဏ်တွေထံမှ ပြည်သူတွေ ငွေထုတ်  ယူရန် လှုံဆော် ရေးသား၊ဝါဒဖြန့်နေသူများကိုလည်း ဥပဒေပြဋ္ဌာန်းချက်များနှင့်အညီ ဖော်ထုတ်အရေးယူပြီး ထိရောက် ဟန့်တားသော  ပြစ်ဒဏ်များ ချမှတ်နိုင်ရန်တရားဥပဒေစိုးမိုးရေး အဖွဲ့အစည်းများနှင့် ပူးပေါင်းဆောင်ရွက်လျက်ရှိကြောင်းပြောကြားလိုပါ   တယ်။

၇)မေး။ပြည်သူတွေက စိုးရိမ်ပူပန်မှုတွေမြင့်တက်မှုအပေါ် ဗဟိုဘဏ်အနေဖြင့် မည်သည့် သတင်း စကားပါးလိုပါသလဲ။

ဖြေ။ မြန်မာနိုင်ငံတော်ဗဟိုဘဏ်သည် ငွေသားသုံးစွဲမှုလျှော့ချပြီး ဒစ်ဂျစ်တယ်ပေးချေမှုများ တိုးတက်စေရန်အတွက် ဒစ်ဂျစ်တယ်ပေးချေမှုနည်းလမ်းများဖြစ်သည့် အီလက်ထရောနစ် ကတ်များဖြင့်လည်းကောင်း၊ ဘဏ်များ၏ မိုဘိုင်းဘဏ်လုပ်ငန်းနှင့် မိုဘိုင်း Pay များ၊ အင်တာနက်ဘဏ်လုပ်ငန်း၊ မိုဘိုင်း Wallet များအသုံးပြု၍ အများပြည်သူအနေဖြင့် ဒစ်ဂျစ်တယ်နည်းလမ်းများအသုံးပြုပြီး လုံခြုံစိတ်ချသည့် စရိတ်စကသက်သာစွာဖြင့် အကျွမ်းတဝင်ကောင်းမွန်စွာ လည်ပတ်ပြီး ငွေပေးချေမှုပြုလုပ်နိုင်ရန် ပြည်သူများက သုံးစွဲနေပြီး တိုးတက်မှုများလည်း နေ့စဉ် တွေ့ရှိနေရပြီး ဖြစ်ပါတယ်။ ဘဏ်စနစ်ကို ကောင်းမွန်စွာ ... အသုံးပြုနေသည့် လုပ်ငန်းရှင်ကြီးများနှင့် ကုန်သည်များသာမက ကျေးလက် ဒေသရှိ ပြည်သူများကလည်း (ဥပမာ KBZ Pay ) ကို လူကြီးလူငယ်များက အကျွမ်းတဝင် အသုံးပြုနေပြီးဖြစ်ပါတယ်။ လက်ရှိ   ကောလဟလနှင့် ငွေကြေးစနစ်ကို မတည်ငြိမ်အောင် နှောက်ယှက်နေသော အဖျက်မီဒီယာများကြောင့် ပြည်သူများ အနေဖြင့် အဖျက်မီဒီယာများ၏ သွေးထိုးလှုံဆော်မှုများကို ယုံကြည်ပြီး ငွေသားကိုင်ဆောင်မှုကို ပြန်လည်၍ လိုက်ပါရန်  မလိုအပ်ပဲ ပုံမှန်အတိုင်း မိမိတို့၏ ဘဏ်စနစ်နှင့် ငွေပေးချေမှုများကို ဆက်လက်သုံးစွဲရန် လိုအပ်ပါတယ်။

ဘဏ်စနစ် ခိုင်မာယုံကြည်မှုရှိရန် မြန်မာနိုင်ငံတော်ဗဟိုဘဏ်မှ ဆုံးရှုံးနိုင်ခြေများကို အခြေခံပြီး စောင့်ကြပ်ကြီးကြပ် နေသည့်အတွက် အများပြည်သူ၏ အပ်နှံငွေများ ဆုံးရှုံးမှုမရှိနိုင်ပါကြောင်းနှင့် မြန်မာနိုင်ငံတော်ဗဟိုဘဏ်ကအပြည့်အဝ အာမခံပါကြောင်း၊ ဘဏ်များနှင့် ဗဟိုဘဏ်ထံတွင် ငွေသားအလုံအလောက် ရှိပါကြောင်းနှင့် မြန်မာနိုင်ငံ၏ ဘဏ်လုပ်ငန်  းစနစ်သည် ဘဏ်ခွဲအချင်းချင်း ချိတ်ဆက်ဝန်ဆောင်မှု ပေးသည့် (Core Banking System) အသုံးပြုလျက်ရှိပါတယ်။ ဘဏ်ခွဲတစ်ခုခု၏ ဝန်ဆောင်မှုသည် အကြောင်းအမျိုးမျိုးကြောင့်ရပ်တန့်သွားပါက ပြည်သူများအနေဖြင့် အပ်ငွေများ  ထုတ်ယူ၍ မရတော့သည့်အခြေအနေမျိုး ဖြစ်ပေါ်သွားမည်မဟုတ်ဘဲ နိုင်ငံတစ်ဝန်းရှိ မည်သည့် ဘဏ်ခွဲတွင်မဆို ဘဏ်လုပ်ငန်းဝန်ဆောင်မှုများရယူနိုင်ပြီး၊ မိမိအပ်နှံထားသည့် အပ်ငွေ အမျိုးအစားအလိုက် ငွေသားထုတ်ယူနိုင်ပါတယ်။

ဘဏ်များတွင် ယုံကြည်စိတ်ချစွာ အပ်နှံထားခြင်းသည် မည်သည့်အခြေအနေ၊ မည်သည့် အချိန်တွင်မဆို မိမိ၏ငွေပင်ဖြစ်ပြီး၊ အဆိုပါငွေများသည် ကိန်းဂဏန်းအတိအကျ၊ ပိုင်ရှင် အမည်အတိအကျဖြင့်ရှိနေကာ . မြန်မာနိုင်ငံတော်ဗဟိုဘဏ်၏ တာဝန်ယူမှုနှင့် အကာ အကွယ်ပေးမှုအပြည့်အဝရရှိနေမှာ ဖြစ်ပါတယ်။

ယခင်အတွေ့အကြုံများအရ ကောလဟလများကြောင့် ပြည်သူများက ဘဏ်များမှ ငွေများစုပြုံထုတ်ယူခဲ့မှုအပေါ် မြန်မာနိုင်ငံတော်ဗဟိုဘဏ်ကကောင်းမွန်စွာစီမံထိန်းကျောင်းနိုင်ခဲ့ပြီး ဘဏ်များ၏ ဝန်ဆောင်မှုများ ကောင်းမွန်စွာ ဆက်လက်လည်ပတ်နိုင်ခဲ့ပါတယ်။ ပြည်သူများ စိုးရိမ်ပူပန်မှုလွန်ကဲပြီး၊ ငွေများကိုလိုသည်ထက်ပိုမိုထုတ်ယူ၍ လက်ဝယ်ထား ရှိခြင်းကြောင့် လုယက်၊ ဓါးပြတိုက်ခြင်းများကို ခံရနိုင်ပြီး မိမိတို့ငွေများဆုံးရှုံးနိုင်သည့် အခြေအနေမျိုး ဖြစ်ပေါ်နိုင်ပါတယ်။

ဘဏ်များ၏ ပြင်ပတွင် ငွေသားများလိုသည်ထက် ပိုမိုရောက်ရှိလည်ပတ်နေခြင်းအားဖြင့် အိမ်ခြံမြေဈေး၊ ရွှေဈေး၊ငွေဈေး  ကစားသူများ၏ လှည့်ကွက်တွင် ပါဝင်ခဲ့ပါက ကုန်ဈေးနှုန်း ကြီးမြင့်ခြင်းများ ဖြစ်ပေါ်လာနိုင်ကာ ပြည်သူလူထုသာလျှင် အခက်အခဲဒုက္ခရောက်နိုင်ပြီး စီးပွားရေး၊ လူမှုရေးတည်ငြိမ်မှုများကို ပျက်ပြားစေနိုင်မှာဖြစ်တဲ့အတွက် အဖျက်သမားများ၏ သတင်းမီဒီယာများက အခြေအမြစ် မရှိရေးသားဖော်ပြနေသည်ကို စဉ်းစားချင့်ချိန် ပြီးပြုမှုဆောင်ရွက်ရန်လိုအပ်ကြောင်း ပြောကြားလိုပါတယ်။

ယခင်ကလည်း ဘဏ်များထံမှ မိမိငွေများကို ရာခိုင်နှုန်းတစ်ရပ်ပေးပြီး လဲလှယ်ရယူခြင်း များကို ပြန်လည်ဖိတ်ခေါ်နေသကဲ့သို့ ဖြစ်လာမည်ဖြစ်ကြောင်း၊မြန်မာနိုင်ငံတော်ဗဟိုဘဏ်သည် နေ့စဉ် အချိန်နှင့်အမျှ ဘဏ်များ၏ ငွေသွင်း/ငွေထုတ် အပ်နှံငွေအခြေအနေများကို ... စောင့်ကြည့်ထိန်းကျောင်းနေတာကြောင့် ပြည်သူလူထု အနေဖြင့် ကောလဟလအပေါ် နားယောင်နေရန် မလိုအပ်ဘဲ ယုံကြည်စွာဖြင့် အများ ပြည်သူအကျိုးကိုကြည့်၍ ပူးပေါင်းဆောင်ရွက်သွားရန် ပြောကြား လိုပါတယ်။

လုံခြုံမှုရှိပြီး လူအများသုံးစွဲနိုင်သည့် ATM များတွင်လည်း ငွေများဖြည့်တင်းပေးထားပြီး ငွေကြေးစနစ်ကို ထိန်းချုပ်ရာတွင်လည်း နိုင်ငံတကာနည်းတူ စည်းမျဉ်းစည်းကမ်းအတိုင်း အသေးသုံးငွေများအား ATM များတွင် သတ်မှတ်ပမာဏအတိုင်း ထုတ်ယူနိုင်မှာဖြစ်ပါတယ်။ဒစ်ဂျစ်တယ်နည်းလမ်းဖြင့်လည်းကောင်း၊ပြည်တွင်သုံး ကတ်စနစ်ဖြင့် လည်းကောင်း၊ CBM Net System ဖြင့် တစ်ဘဏ်မှ တစ်ဘဏ် ကန့်သတ်ချက်မရှိဘဲ လွတ်လပ်စွာ ငွေလွှဲပြောင်းနိုင်ပြီး ပြည်သူများမှ Account Transfer နည်းများဖြင့်လည်းကောင်း ငွေပေးချေမှုနည်းလမ်းများကို အကန့်အသတ်မရှိ အသုံးပြု နိုင်မှာဖြစ်ပါတယ်။

၈) မေး။ လတ်တလောဖြစ်ပွားနေသည့် တိုက်ပွဲဖြစ်ပွားမှုဖြစ်စဉ်တွေမှာ ဘဏ်အချို့ကို ဝင်ရောက် တိုက်ခိုက်ပြီး ငွေကြေးကို လက်နက်ကိုင်အဖွဲ့အစည်းအချို့က သိမ်းသွားတာမျိုးရှိတယ်။ ဒီဖြစ်စဉ်မှာ ဆုံးရှုံးသွားတဲ့ ငွေကြေးတွေနဲ့ပတ်သက်ပြီး ဘယ်လိုစီမံဆောင်ရွက်သွားဖို့ရှိ ပါသလဲ။

ဖြေ။ အဲဒီဖြစ်စဉ်မှာပါရှိတဲ့ ဘဏ်များ၏ Customer များက မိမိတို့ ငွေကြေးများကို အထောက်အထားများဖြင့် တင်ပြလာပါက ဘဏ်များအနေဖြင့် ထုတ်ပေးနိုင်ရန် စီမံဆောင်ရွက်ထား ရှိကြောင်းပြောကြားလိုပါတယ်။ ဘဏ်များတွင်လည်း ၎င်းတို့၏ Customer များ၏ စာရင်းများသိမ်းဆည်းထားပြီးဖြစ်၍ ဘဏ်များ၏ မည်သည့်ဘဏ်ခွဲမဆို တိုက်ဆိုင် စစ်ဆေး ဆောင်ရွက် ပေးနိုင်မှာဖြစ်ပါတယ်။

၁၉ နိုဝင်ဘာ ၂၀၂၃

ရီပတ်ဗလီကင်ပါတီရဲ့ သမ္မတလောင်းအဖြစ် ထိပ်ဆုံးမှာပြေးနေတဲ့ ဒေါ်နယ်ထရမ့်က သူသာ ၂၀၂၄ခုနှစ် ရွေးကောက်ပွဲမှာ အနိုင်ရခဲ့ပြီး အိမ်ဖြူတော်ပြန်ရောက်ရင် သမ္မတဂျိုးဘိုင်ဒင်ရဲ့ ခရီးရောက်နေတဲ့ အာရှပစိဖိတ် ကုန်သွယ်ရေးကတိကဝတ်ကို အဆုံးသတ်ပစ်မယ်လို့ ပြောကြားလိုက်ပါတယ်။

အိုင်အိုဝါမှာ ထရမ့်က သတင်းထောက်တွေကို ပြောကြားရာမှာ  နိုင်ငံပေါင်း ၁၃နိုင်ငံနှင့် ဆက်စပ်ဆောင်ရွက်နေတဲ့ ဘိုင်ဒင်အစိုးရက စေ့စပ်ညှိနှိုင်းဆောင်ရွက်နေတဲ့ ဒေသဆိုင်ရာကုန်သွယ်ရေး ကတိကဝတ်ကို ဆန့်ကျင်တယ် လို့ ဆိုလိုက်ပါတယ်။ အဲဒါဟာ အမေရိကန်ရဲ့ ကုန်ထုတ်မှုကို ဟောင်းလောင်းဖြစ်စေပြီး အလုပ်လက်မဲ့တွေလည်း များပြားလာလိမ့်မယ်လို့ ထရမ့်က စောဒကတက်လိုက်ပါတယ်။

ထရမ့်ပြောတဲ့  အင်ဒိုပစိဖိတ်စီးပွားရေးမူဘောင် (IPEF) ဟာ တရုတ်ရဲ့ တိုးပွားလာနေတဲ့ ကုန်သွယ်ရေးဩဇာကို တန်ပြန်တဲ့ အခြားနည်းလမ်းတစ်ခုဖြစ်ပါတယ်။ အဲဒီအဖွဲ့ဟာ မကြာသေးမီက အဖွဲ့ရဲ့ကုန်သွယ်ရေးကဏ္ဍခွဲ ဆွေးနွေးမှုတွေလုပ်ခဲ့ပြီး ဗီယက်နမ်နှင့် အင်ဒိုနီးရှားအပါအဝင် အချို့သော နိုင်ငံတွေက အလုပ်သမားနှင့် ပတ်ဝန်းကျင်ဆိုင်ရာ စံနှုန်းတွေအင်အားကောင်းကောင်းလုပ်ဖို့ ငြင်းဆိုခဲ့ကြလို့ အခြေယိုင်မလိုဖြစ်ခဲ့ရပါတယ်။

ဘိုင်ဒင်က အဆိုပါ IPEF ကို ထရမ့်လက်ထက်ကဖျက်ခဲ့တဲ့ TPP အစီအစဉ်အမှတ်၂ 'TPP Two' အဖြစ် သတ်မှတ်ထားပါတယ်။

“ နောက်အစိုးရလက်ထက်ကြရင် ဘိုင်ဒင်စီစဉ်တဲ့ 'TPP Two' ကို အစိုးရသစ်ရဲ့ပထမနေ့မှာပဲ နိဂုံးချုပ်ပစ်လိုက် မယ်” လို့ ထရမ့်က ဖော့တ်ဒေါ့ချ်မှာပြုလုပ်တဲ့ မဲဆွယ်စည်းရုံးပွဲတစ်ခုမှာ ပြောပါတယ်။

“ အခုဟာက ပထမဟာထက်တောင်ဆိုးသေးတယ်။ လယ်သမားတွေနှင့်ကုန်ထုတ်လုပ်သူတွေက အခြား အင်နှင့် အားနှင့်ကြောက်စရာကောင်းတာတွေက အမှုန့်ချေပစ်ပြီး အာရှကို လုပ်ငန်းတွေခွဲလုပ်ပေးဖို့ အရှိန်မြှင့်ပေးသလို ခြိမ်းခြောက်နေတယ်” လို့ ထရမ့်ကပြောပါတယ်။

ဘိုင်ဒင်အစိုးရက ယခုအာရှပစိဖိတ်စီးပွားရေးပူးပေါင်းဆောင်ရွက်ရေး(အေပက်)ရဲ့ အစည်းအဝေးမှာ IPEF ရဲ့ အဓိက အခန်းတွေကို အပြီးသတ်ဖို့မျှော်လင့်ထားခဲ့တာဖြစ်ပါတယ်။ဆက်ပြီးညှိနှိုင်းကြဖို့လောက်တော့ သဘောတူခဲ့ကြပေမယ့် ရွေးကောက်ပွဲဖိအားနှင့် အချို့သော နိုင်ငံတွေက ပြင်းထန်တဲ့ကတိကဝတ်တွေအပေါ် ဆန့်ကျင်နေကြတာတွေကြောင့် အပေးအယူက ဖြစ်နိုင်မယ့်ပုံမပေါ်ဘူးလို့ သုံးသပ်သူတွေက ပြောဆိုနေကြပါတယ်။

Source Reuters

-ymg/knl

မူဆယ်မှလားရှိးသို့ သွားရောက်နိုင်သည့် တောလမ်း မိုးရွာသွန်းမှုကြောင့် လမ်းပျက်စီးပြီး သွားလာရ ခက်ခဲနေဟုဆို

မူဆယ်မှလားရှိးကို သွားရောက်နိုင်တဲ့ နမ့်ခမ်း-မိုင်းဝီး-နမ်မတူ လမ်းပိုင်းဟာ အခုရက်ပိုင်း ရွာသွန်းတဲ့မိုးကြောင့် လမ်းပျက်စီးမှု ဖြစ်ပေါ်နေတဲ့အတွက် သွားလာရ ခက်ခဲနေတယ်လို့ မူဆယ်ဒေသခံတွေထံက သိရပါတယ်။
#Yangon_Times/LW
#Local_News
#Published_ 18 November 2023
#YMG #Yangon_Times #Yangon_Media_Group #YMG_News

၁၉ နိုဝင်ဘာ ၂၀၂၃

အမေရိကန်ပြည်ထောင်စုမှာ ပြသနေတဲ့  “ အယ်လ်အေ ကားပြပွဲÓမှာ လျှပ်စစ်ကားတွေဟာ ရေပန်းစားနေပြီး လူတွေအပြောအများဆုံးဖြစ်နေပါတယ်။ ကမ္ဘာ့ထိပ်တန်းကားကုမ္ပဏီတွေက လာရောက်ပြသတဲ့ အဲဒီကားပြပွဲမှာ သူတို့ရဲ့  စွမ်းအင်အသစ်သုံးတဲ့ ကားတွေကို နောက်ဆုံးပေါ်ဒီဇိုင်းအသစ်တွေ နည်းပညာအသစ်တွေနှင့် ပရိသတ်ကို စွဲဆောင်ထားကြပါတယ်။

Source CCTV+

Published 19 November 2023

အသည်းအင်္ဂါက ခန္ဓာကိုယ်ထဲမှာ အရေးကြီးဆုံး အစိတ်အပိုင်းတွေထဲက တစ်ခုဖြစ်ပြီး ပျက်စီးသွားရင် ပြန်မရနိုင်ပါဘူး။

အသေးစား အသည်းရောဂါကစလို့ နာတာရှည် အသည်းခြောက်ရောဂါအထိ ဖြစ်ပွားတတ်ကာ အသည်းရောင်ရောဂါ ကြာရှည်လာရင် အသည်းထိခိုက်ပျက်စီးသည်အထိ ဖြစ်တတ်ပါတယ်။

ဒါပေမဲ့ အသည်းကို ကာကွယ်ပေးနိုင်မယ့် နည်းလမ်းများလည်း ရှိနေပါတယ်။

အသည်းရောင်ရောဂါ ဖြစ်စေတဲ့ ဗိုင်းရပ်စ်အများအပြားဟာ အသည်းအပေါ် ဆိုးရွားစွာ သက်ရောက်စေပါတယ်။

အသည်းရောင်အသားဝါ ကူးစက်မှုကြောင့်ဖြစ်တဲ့ အသည်းထိခိုက်ခြင်း အန္တရာယ် လျှော့ချနိုင်မယ့် နည်းလမ်းများကတော့..
(၁) ကိုယ်အလေးချိန်ထိန်းပါ
အဝလွန်ခြင်းကြောင့် အသည်းခြောက်ခြင်းနဲ့ အသည်းအဆီဖုံးခြင်းတို့ ဖြစ်လာနိုင်ပြီး အသည်းကျန်းမာရေး ထိန်းသိမ်းဖို့အတွက် အဆီနည်းတဲ့ အစားအစာတွေ စားသုံးသင့်ပါတယ်။

(၂) သင့်တင့်ရုံသာ အရက်သောက်ပါ
အယ်လ်ကိုဟော အလွန်အကျွံ သောက်သုံးပါက အသည်းကို ပျက်စီးစေကာ ရှိပြီးသား အသည်းရောဂါများကို ပိုဆိုးစေပြီး အသည်းခြောက်ခြင်း ဖြစ်နိုင်ခြေ ပိုများစေပါတယ်။

(၃) သတိထားပြီး ဆေးသောက်ပါ
ပါရာစီတမောလ်၊ အက်စ်ပရင်၊ အိုင်ဗျူပရိုဖန်တို့ဟာ အသည်းကိုထိခိုက်စေပြီး အကိုက်အခဲပျောက်ဆေးတွေကို အတတ်နိုင်ဆုံး ရှောင်ကြဥ်သင့်ပါတယ်။

(၄) ကာကွယ်ဆေးထိုးထားပါ
အသည်းရောင်အသားဝါ အေနဲ့ ဘီကာကွယ်ဆေးတွေက အသည်းရောဂါပိုး ကူးစက်ခြင်းမှ ကာကွယ်နိုင်ပြီး ဆေးပတ်လည်အောင် ထိုးထားသင့်ပါတယ်။

(၅) တစ်ကိုယ်ရည်သန့်ရှင်းရေး ဂရုစိုက်ပါ
အသည်းရောင်ရောဂါ ကာကွယ်ရေးနည်းလမ်းများထဲမှာ လက်ဆေးခြင်း၊ သန့်ရှင်းသောရေ သောက်သုံးခြင်း၊ သန့်ရှင်းစွာ စားသုံးခြင်းတို့ ပါဝင်ပြီး အဆိုပါဗိုင်းရပ်စ်ဟာ လူချင်းတိုက်ရိုက် ထိတွေ့ရာကနေ ကူးစက်နိုင်ပါတယ်။

(၆) သင့်တင့်မျှတစွာ စားသုံးပါ
အသည်းကျန်းမာရေးနဲ့ ကိုယ်အလေးချိန် ထိန်းသိမ်းရန်အတွက် တွက်ချက်စားသုံးသင့်ပြီး အသီးအနှံများ၊ ဟင်းသီးဟင်းရွက်များ၊ ပရိုတိန်း၊ ကာဗိုဟိုက်ဒရိုက်တို့ဟာ အသည်းကို အထောက်အကူ ဖြစ်စေပါတယ်။
Source: DoctorNDTV
#World_Health
#YMG_News #Yangon_Times #Yangon_Media_Group

တိုက်ပွဲရှောင် မသန်စွမ်းများကို စားနပ်ရိက္ခာနှင့် မသန်စွမ်းအထောက်အကူပြုပစ္စည်းများ လှူရန်ရှိ

‘ရှမ်း၊ရခိုင်၊ကချင်နဲ့အညာဒေသမှာ ပိတ်မိနေတဲ့ မသန်စွမ်းတွေများစွာရှိတယ်။ ရှမ်းမြောက်ပိုင်းက မသန်စွမ်းတွေအနေနဲ့ အိမ်သာသွားဖို့ ခက်ခဲနေတဲ့အတွက် မသန်စွမ်းတွေအသုံးပြုတဲ့ ကမုတ်အိမ်သာလေးတွေ ထောက်ပံ့ပေးရသလို ပြင်းထန်မသန်စွမ်းတွေကို စားဝတ်နေရေး ကူညီပံ့ပိုးပေးနေတာတွေရှိတယ်’ ရွှေမင်းသားဖောင်ဒေးရှင်း(မြန်မာ)ဥက္ကဌ ဦးမြတ်သူဝင်း
#Yangon_Times/tthl
#Local_News
#Published_ 18 November 2023
#YMG #Yangon_Times #Yangon_Media_Group #YMG_News

Published 19 November 2023

အိမ်တွင်းနည်းလမ်းများ အသုံးပြုတဲ့ ကိုဗစ်လူနာတွေဟာ အိမ်တွင်းနည်းလမ်းများ အသုံးမပြုသူများထက် ဆေးရုံတက်ကုသခံယူရမှုနှုန်း နည်းပါးကြောင်း သုတေသီများ တွေ့ရှိထားပါတယ်။

ဆားရေပလုတ်ကျင်းခြင်း၊ နှာခေါင်းသန့်စင်ခြင်းတို့ဟာ အကုန်အကျသက်သာပြီး အလွယ်တကူ ပြုလုပ်နိုင်ကြောင်း တက္ကဆပ် ကျန်းမာရေးသိပ္ပံတက္ကသိုလ်မှ သုတေသနပြုစုသူ ဂျင်မီအက်စ်ပီနိုဇာက ပြောပြသွားပါတယ်။

ကိုဗစ်ရောဂါ ကူးစက်ခြင်းရဲ့ ဝေဒနာဒဏ်များ ခံစားရနိုင်သူတွေဟာ သက်ကြီးရွယ်အိုများ၊ ကိုယ်ခံအားနည်းသူများ ဖြစ်ပြီး သာမန်ထက်ပိုတဲ့ စောင့်ရှောက်ကုသမှုများ လိုအပ်ပါတယ်။

ပုံမှန်အရည်သောက်သုံးခြင်း၊ အနားယူခြင်း၊ ဆေးဝါးများအသုံးပြုခြင်းတို့ဖြင့် ရောဂါလက္ခဏာများ သက်သာစေနိုင်ပါတယ်။

လက်ဖက်ကြမ်းခြောက်ကို ပျားရည်နဲ့ ပူပူနွေးနွေး သောက်သုံးတာက လည်ချောင်းနာခြင်းနဲ့ ချောင်းဆိုးခြင်းကို သက်သာစေသလို ရေနွေးဖြင့်ရေချိုးခြင်း၊ လေသန့်စင်စက် အသုံးပြုခြင်းတို့ဖြင့် ရင်ဘတ်ကြပ်ခြင်းကို သက်သာစေနိုင်ပါတယ်။

တမာရွက်က ဓာတ်တိုးဆန့်ကျင်ခြင်းနဲ့ ရောင်ရမ်းမှုကျစေခြင်း အာနိသင်ရှိကာ ဗိုင်းရပ်စ်ကို ခန္ဓာကိုယ်ဆဲလ်တွေနဲ့ မပေါင်းစည်းနိုင်အောင် တားဆီးပေးပါတယ်။

တမာရွက် ပြုတ်သောက်ခြင်းဖြင့် ကိုဗစ်ရောဂါကို ကာကွယ်နိုင်တယ်လို့လည်း ၂၀၂၂ ခုနှစ်က ဂါနာမှာ လေ့လာတွေ့ရှိခဲ့ပါတယ်။

လှုပ်ရှားလေ့ကျင့်ခန်း ပြုလုပ်ခြင်းကလည်း အသက်ရှူလမ်းကြောင်း ရောဂါကူးစက်ခြင်းကို လျှော့ချပေးနိုင်တယ်လို့ ပညာရှင်များ ထောက်ပြထားပါတယ်။

ဒါ့အပြင် အသီးအနှံနဲ့ ဟင်းသီးဟင်းရွက်များ၊ အသီးဖျော်ရည်များဟာလည်း ရောဂါကာကွယ်နိုင်တဲ့ နည်းလမ်းများ ဖြစ်ပါတယ်။

ယင်းတို့မှာပါဝင်တဲ့ အာဟာရဓာတ်များက ရောဂါပိုးမွှားတွေကို တိုက်ထုတ်ပေးတဲ့ ကိုယ်ခံအားစနစ်ကို ထောက်ပံ့ပေးပါတယ်။

အဆိုပါ အိမ်တွင်းကုထုံးနည်းလမ်းတွေဟာ ဆေးရုံဆေးခန်းများမှ စောင့်ရှောက်ကုသမှုများကို အစားမထိုးနိုင်တာကို သိရှိထားရန်လိုအပ်ပါတယ်။

၂၀၂၀ မှ ၂၀၂၂ အတွင်း ဆားရေပလုတ်ကျင်းခြင်းနဲ့ နှာခေါင်းသန့်စင်ခြင်းတို့ဖြင့် ကိုဗစ်လူနာများကို လေ့လာခဲ့ကြပါတယ်။

သာမန်အတိုင်း အကြောဆေးသွင်းသူများဟာ ဆားရေပလုတ်ကျင်းသူများထက် ဆေးရုံတက်ကုသခံယူရမှုနှုန်း ၂ ဆကျော်ပိုများကြောင်း တွေ့ရှိခဲ့ပါတယ်။

ဒီတွေ့ရှိချက်တွေကို နောက်ထပ်လေ့လာမှုများက အထောက်အကူ ပြုနိုင်တယ်ဆိုရင် ဆားရေပလုတ်ကျင်းခြင်း၊ နှာခေါင်းသန့်စင်ခြင်းတို့က သမားရိုးကျကုသနည်းလမ်းတွေမှာ ပါဝင်အားပေးနိုင်ဖွယ် ရှိနေပါတယ်။
Source: New York Post.
#World_Health
#YMG #Yangon_Times #Yangon_Media_Group

၁၈ နိုဝင်ဘာ ၂၀၂၃

၂၀၂၆ ကမ္ဘာ့ဖလားခြေစစ်ပွဲ ဒုတိယအဆင့်ပွဲစဉ်အဖြစ် မြန်မာလက်ရွေးစင်ဘောလုံးအသင်း နှင့် ယှဉ်ပြိုင်မယ့် မြောက်ကိုရီးယားလက်ရွေးစင်ဘောလုံးအသင်း ရန်ကုန်အပြည်ပြည်ဆိုင်ရာလေဆိပ်သို့ ယနေ့ နိုဝင်ဘာ ၁၈ရက် ညပိုင်းက ရောက်ရှိခဲ့တယ်လို့ မြန်မာနိုင်ငံဘောလုံးအဖွဲ့ချုပ်ရဲ့ သတင်းထုတ်ပြန်ချက်အရသိရပါတယ်။ 

မြောက်ကိုရီးယားအသင်းဟာ ရန်ကုန်မြို့ Inya Lake Hotel တွင် တည်းခိုမည်ဖြစ်ပြီး ‌နိုဝင်ဘာလ ၁၉ရက်နေ့မှ စတင်ကာ လေ့ကျင့်ရေးအစီအစဉ်များ စတင်လုပ်ဆောင်မှာဖြစ်ပါတယ်။

မြန်မာအသင်းနှင့်မြောက်ကိုရီးယားအသင်းတို့သည် နိုဝင်ဘာ ၂၁ ရက် ညနေ (၄)နာရီတွင် ရန်ကုန်မြို့ သုဝဏ္ဏအားကစားကွင်းကြီးထဲတွင် ယှဉ်ပြိုင်ကစားကြပါလိမ့်မယ်။

မြန်မာ - မြောက်ကိုရီးယား ပွဲစဥ်အတွက် လက်မှတ်များကို အထူးတန်း ၅၀၀၀ ကျပ်၊ ရိုးရိုးတန်း ၂၀၀၀ ကျပ်ဖြင့် ရောင်းချသွားမယ်လို့ သတင်းထုတ်ပြန်ထားပါတယ်။

ယင်းပွဲစဥ်အတွက် လက်မှတ်များကို နိုဝင်ဘာ ၂၀ရက်တွင် နံနက် ၁၀နာရီမှ ညနေ ၄ နာရီအထိလည်းကောင်း ၊ နိုဝင်ဘာ ၂၁ရက်တွင် နံနက် ၁၀နာရီမှ နေ့လယ် ၂နာရီအထိ လည်းကောင်းမြန်မာနိုင်ငံ ဘောလုံး အဖွဲ့ချုပ်တွင် ဝယ်ယူနိုင်ကြပါတယ်။ ယင်းအပြင် နိုဝင်ဘာ ၂၁ ရက် ၊ နေ့လယ် ၂နာရီမှ စတင်၍ အထူးတန်း လက်မှတ်များကိုသုဝဏ္ဏကွင်း (Gate-2) ၌ လည်းကောင်း၊ ရိုးရိုးတန်း လက်မှတ်များကို သုဝဏ္ဏကွင်း (Gate-8)၌ လည်း ကောင်း ဝယ်ယူနိုင်မယ်လို့လည်းသိရပါတယ်။

-ymg/knl

ဥရောပကော်မရှင် စီးပွားရေး ခန့်မှန်းချက်အရ ဥရောပသမဂ္ဂရဲ့ စီးပွားရေးဟာ ၂၀၂၃ ခုနှစ်မှာ အရှိန်ရပ်တန့်သွားတယ်လို့ သိရပါတယ်။ ဥရောပသမဂ္ဂနဲ့ ဥရောပဇုန်တို့မှာ ယခုနှစ်အတွင်း ယခင်စီးပွားရေးဖွံ့ဖြိုးမှု ခန့်မှန်းချက် ၀.၈ ရာခိုင်နှုန်းကနေ ၀.၆ ရာခိုင်နှုန်းသို့ လျှော့ချခန့်မှန်းလိုက်ပါတယ်။ ဥရောပသမဂ္ဂရဲ့ GDP က ၂၀၂၃ ပထမ ၉ လအတွင်းမှာ တိုးတက်မှုမရှိသလောက် ဖြစ်ခဲ့ကြောင်း ကော်မရှင်က ပြောကြားလိုက်ပါတယ်။
#World_Economy
#Published_ 18 November 2023
#YMG #Yangon_Times #Yangon_Media_Group #YMG_News

၁၈ နိုဝင်ဘာ ၂၀၂၃

ဘဏ်များနှင့်ပတ်သက်သည့် ကောလာဟလသတင်းများ၊ မန္တလေး-မူဆယ် ပြည်ထောင်စုလမ်းမကြီးပေါ်ရှိ အကြမ်းဖက်သောင်းကျန်းသူများ ဖျက်ဆီးခံသွားသည့်  တံတားများပြန်လည်ပြင်ဆင်ပြီးစီးမှုအခြေအနေများ

၁၈-၁၁-၂၀၂၃ ရက်နေ့ ရှမ်းပြည်နယ်(မြောက်ပိုင်း)၊ ကယားပြည်နယ်လွိုင်ကော်၊ ရခိုင်ပြည်နယ်နှင့် ကရင်ပြည်နယ် ချောင်းနှစ်ခွ တို့တွင်ထိတွေ့တိုက်ပွဲများဖြစ်ပွားမှုအနေများအား နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ နေ့စဉ် ရှင်းလင်းပြောကြားချက်ကို YMG ကရရှိခဲ့ပါတယ်။ အဆိုပါရှင်းလင်းပြောကြားချက် အပြည့်အစုံကို ပြန်လည်ဖော်ပြပေး အပ်ပါတယ်။

-ymg/knl

#Daily_News
Published_ 18 November 2023

၁။ တန်ဆောင်တိုင်တွင် နဂါးမောက်ဘုရား၌ ဆီမီးငါးထောင်ပူဇော်ပွဲနှင့် စတုဒိသာနိဗ္ဗာန်ဈေးအလှူပွဲရှိ၊ လူဦးရေသောင်းချီကို စတုဒိသာကျွေးမည်

၂။ ရခိုင်ပြည်နယ်ရှိ အချို့မြို့နယ်များတွင် စက်သုံးဆီပြတ်လပ်မှု ဖြစ်ပေါ်နေပြီး ဒေသအတွင်းသွားလာရေး ခက်ခဲနေဟုဆို

၃။ ကားဝယ်‌ရောင်းဈေးကွက် ရပ်ဆိုင်းနေသော်လည်း နာမည်ရ Show Room များ အရောင်းအဝယ်ကောင်းနေ

၄။ (၂၀၂၃)တွင် ဥရောပသမဂ္ဂ၏ စီးပွားရေးဖွံ့ဖြိုးမှုနှုန်း အရှိန်ရပ်တန့် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG