Published_ 19 September 2023

ကိုရီးယားကုမ္ပဏီ(၂၀၀)ခန့်ပါဝင်မည့်‘ကိုရီးယားအစားအစာပြပွဲ’မြန်မာတွင် လာရောက်ကျင်းပရန်ရှိကြောင်း ကုန်သည်စက်မှုအသင်းချုပ်မှသိရသည်။

ယင်းကဲ့သို့ ‘ကိုးရီးယားအစားအစာပြပွဲ’မြန်မာနိုင်ငံတွင်ကျင်းပနိုင်ရန် CMS KOREAမှ ကိုယ်စားလှယ်နှင့် အဖွဲ့ဝင်များသည် စက်တင်ဘာလ ၁၈ရက်တွင်ကုန်သည်စက်မှုအသင်းချုပ်မှတာဝန်ရှိသူများနှင့်တွေ့ဆုံဆွေး နွေးခဲ့သည်ဟုဆိုသည်။

အဆိုပါပြပွဲကို၂၀၂၄ခုနှစ် မတ်လ(၂၄)ရက်တွင် ကုန်သည်စက်မှုအသင်းချုပ်နှင့်ပူးပေါင်းပြီး ကိုရီးယားအစားအစာ ပြပွဲကိုကျင်းပပြုလုပ်သွားမည်ဖြစ်ပြီး ယခုနှစ်ဒီဇင်ဘာလတွင် ကိုရီးယားနိုင်ငံ၊ Chungjiမြို့ ၊ပြည်နယ်အစိုးရ ကိုယ်စားလှယ်များဦးဆောင်ကာ ကုန်သည်စက်မှုအသင်းချုပ်တာဝန်ရှိသူများနှင့်ပြပွဲကျင်းပနိုင်ရေးတွေ့ဆုံ ဆွေးနွေးကြမည်ဖြစ်သည်။

ပြပွဲကို ကိုရီးယားကုမ္ပဏီ(၂၀၀)ခန့်ဖိတ်ခေါ်ကျင်းပသွားမည်ဖြစ်ကြောင်း၊ယခုလာရောက်တွေ့ဆုံမှုသည် အစား အစာပြပွဲကိုကျင်းပရန်အတွက်ပမာဏလာရောက်ဆွေးနွေးခြင်းဖြစ်ကြောင်းနှင့် ကိုရီးယားအစားအစာပြပွဲ ကျင်းပနိုင်အောင် သက်ဆိုင်ရာဌာနများ၊အဖွဲ့အစည်းများနှင့်ချိတ်ဆက်ဆောင်ရွက်နိုင်ရေးဆွေးနွေးခဲ့ကြောင်း ဖော်ပြထားသည်။
Yangon_Times/tthl
#Local_News
#YMG #Yangon_Times #Yangon_Media_Group

အခုရက်ပိုင်းအတွင်း ရန်ကုန်အပါအဝင် ဒေသ(၅)ခုတွင် မိုးကြီးမည်

‘မုတ်သုန်အားကောင်းပြီး လေဖိအားနည်းရပ်ဝန်းလည်း ဖြစ်ပေါ်နိုင်လို့ လာမယ့်နှစ်ရက်အတွင်း ရန်ကုန်တိုင်း၊ ဧရာဝတီတိုင်း၊ ကချင်ပြည်နယ်၊ ချင်းပြည်နယ်နဲ့ ရခိုင်ပြည်နယ်တို့မှာ နေရာကွက်ပြီး မိုးကြီးနိုင်ပါတယ်’မိုးလေဝသနှင့် ဇလဗေဒညွှန်ကြားမှုဦးစီးဌာန
Yangon_Times/tthl
#Local_News
#Published_ 19 September 2023
#YMG #Yangon_Times #Yangon_Media_Group

သယ်ယူစရိတ်နှင့် အလုပ်သမားခ ပိုပေးလာရပေမယ့် ဈေးကွက်အနေထားအရ အုန်းသီးဈေးမြင့်
ရောင်းလို့မရ

သယ်ယူစရိတ်နဲ့ အလုပ်သမားခ ကုန်ကျမှု ပိုများလာပေမယ့် ပြည်တွင်းဝယ်လိုအားကိုသာ အားထားနေရတဲ့ အုန်းသီးဈေးကွက်ဟာ ဈေးမြင့်ရောင်းဖို့ မလွယ်ကူဖြစ်နေတယ်လို့ အုန်းခြံစိုက်ပျိုးရေးသမားတွေထံက သိရပါတယ်။
Yangon_Times/LW
#Local_News
#Published_ 19 September 2023
#YMG #Yangon_Times #Yangon_Media_Group

ရန်ကုန်အပါအဝင် ဒေသ(၁၁)ခုတွင် စားအုန်းဆီများကို ရည်ညွှန်းဈေးဖြင့်ရောင်းထား

‘စားအုန်းဆီဈေးဟာ အခုတစ်ပတ်မှာ ရည်ညွှန်းဈေး ကျပ်၄၄၄၀ သာ ရှိတဲ့အတွက် လက်လီဆိုင်တွေကို လက်လီဈေး ကျပ်၄၆၀၀နှုန်းနဲ့ ရောင်းချပေးထားတယ်။ရန်ကုန်ကပြည်သူတွေကိုကျပ် ၅၀၀၀ အောက်နဲ့သာ ရောင်းသင့်တယ်’ ဘုရင့်နောင်စားအုန်းဆီလက်ကားဒိုင်မှ တာဝန်ရှိသူတစ်ဦး
Yangon_Times/tthl
#Local_News
#Published_ 19 September 2023
#YMG #Yangon_Times #Yangon_Media_Group

၁၉ စက်တင်ဘာ ၂၀၂၃

ခါလစ်စတန်နီ အကြမ်းဖက်သမား ဆင်းနစ်ဂျာ အသတ်ခံရမှုနှင့် ချိတ်ဆက်ပြီး ကနေဒါနိုင်ငံက အိန္ဒိယသံတမန်တစ်ဦးကို နှင်ထုတ်ပြီးနောက် နာရီအနည်းငယ်အကြာတွင် အိန္ဒိယကလည်း ကနေဒါ အကြီးတန်းသံတမန်တစ်ဦးကို နိုင်ငံမှ ငါးရက်အတွင်းအပြီးထွက်သွားရန် ချက်ခြင်း တုန့်ပြန်ဆောင်ရွက်လိုက်ပါတယ်။

“ ကနေဒါနိုင်ငံသံအမတ်ကြီးကိုအိန္ဒိယက ဒီကနေ့ ဆင့်ခေါ်လိုက်ပြီး အိန္ဒိယမှာရှိတဲ့  ကနေဒါအကြီးတန်းသံတမန်တစ်ဦးကို  နှင်ထုတ်တဲ့ အိန္ဒိယအစိုးရရဲ့ ဆုံးဖြတ်ချက်ကို အကြောင်းကြားခဲ့ပါတယ်။  သက်ဆိုင်တဲ့ အဲဒီသံတမန်ဟာ  လာမယ့်(၅)ရက်အတွင်း အိန္ဒိယနိုင်ငံက အပြီးထွက်ခွာပေးရပါမယ်” လို့ အစိုးရအရာရှိတစ်ဦးက ဆုံးဖြတ်ချက်ကိုဖတ်ပြပါတယ်။

“ ဒီဆုံးဖြတ်ချက်ဟာ အိန္ဒိယနိုင်ငံရဲ့ ပြည်တွင်းရေးမှာ ကနေဒါသံတမန်တွေရဲ့ ဝင်ရောက်စွက်ဖက်မှုနှင့် အိန္ဒိယဆန့်ကျင်ရေးလှုပ်ရှားမှုတွေ မှာ သူတို့ပါဝင်ပတ်သက်မှုတွေနှင့်ပတ်သက်လို့ အိန္ဒိယရဲ့ စိုးရိမ်ပူပန်မှုကြီးထွားလာခြင်းကို ထင်ဟပ်နေပါတယ်”  လို့ ကြေညာချက်မှာ ဖော်ပြထားပါတယ်။

အိန္ဒိယနိုင်ငံခြားရေးဝန်ကြီးဌာနရဲ့ ဆင့်ခေါ်ခြင်းခံရတဲ့ အိန္ဒိယနိုင်ငံဆိုင်ရာ ကနေဒါသံအမတ်ကြီး ကင်မရွန် မက်ကေးဟ နယူးဒေလီမြို့တော်  ရိုင်စင်နာဟေးလ် ရဲ့ တောင်ဘက်မုဒ်ဦးမှာသတင်းထောက်တွေကို ရှောင်ပတ်ထွက်သွားတာတွေ့ရပါတယ်။

အိန္ဒိယနှင့်ကနေဒါတို့ရဲ့ဆက်ဆံရေးတွေ ဆိုးရွားလာနေတာကို ယခုဖြစ်ရပ်တွေက သိသိသာသာထင်ဟပ်နေပါတယ်။  ဒီနှစ်ထဲမှာ နယူးဒေလီမှာ ကနေဒါသံတမန်တွေဟာ ပါကစ္စတန်သံတမန်တွေထက် အကြိမ်များစွာပိုပြီးဆင့်ခေါ်ခြင်းခံနေရပါတယ်လို့ , WION သတင်းဌာနက သတင်းပေးပို့ပါတယ်။

ကနေဒါသံအမတ်ကြီးဟာ ၂၀၂၀ဒီဇင်ဘာ၊၂၀၂၃ ဇူလိုင်နှင့် ၂၀၂၃ မတ်လတွေမှာ နိုင်ငံခြားရေးဝန်ကြီးဌာနသို့  ဆင့်ခေါ်ခံခဲ့ရပြီးဖြစ်ပါတယ်။

ကနေဒါက အိန္ဒိယနိုင်ငံရဲ့ ထိပ်တန်းသံတမန်တစ်ဦးကို ဆစ်ခ်ခေါင်းဆောင် ဟာဒိ(ပ်)ဆင်းနစ်ဂျာ အသတ်ခံရမှုနှင့် ဆက်နွယ်မှုရှိတယ်လို့ စွပ်စွဲကာ နှင်ထုတ်ပြီးနောက် အိန္ဒိယက ကနေဒါသံတစ်ဦးကို ပြန်နှင်ထုတ်ပြခဲ့တာပါ။ ဟာဒိ(ပ်) ဆင်းနစ်ဂဓျာဟာ ယခုနှစ် ဇူလိုင် ၂၈ ရက်နေ့မှာ ဗြိတိသျှကိုလံဘီယာရှိ ဆစ်ခ်ယဉ်ကျေးမှု စင်တာအရှေ့မှာ သေနတ်ပစ်လုပ်ကြံခံခဲ့ရတာဖြစ်ပါတယ်။

သူကွယ်လွန်တဲ့အချိန်က နစ်ဂျာဟာ အိန္ဒိယနိုင်ငံမှ ဆစ်ခ်နိုင်ငံခွဲထွက်ဖို့ တရားမဝင်ဆန္ဒခံယူပွဲတစ်ခုကို စီစဉ်ခဲ့တာဖြစ်ပါတယ်။

Source WION

Published_ 19 September 2023

ဂျပန်နိုင်ငံတွင် ကျင်းပသည့် (၈) ကြိမ်မြောက် ဗုဒ္ဓထိပ်သီးညီလာခံနှင့် နာလန္ဒာ မဟာဝိဟာရ ဗုဒ္ဓတက္ကသိုလ် ဖွင့်ပွဲအခမ်းအနားသို့ မြန်မာနိုင်ငံမှ နိုင်ငံတော်သံဃမဟာ နာယကအဖွဲ့၊ အကျိုးတော်ဆောင်ဆရာတော်၊ ဒေါက်တာ ဘဒ္ဒန္တ စန္ဒိမာဘိဝံသ၊ ရှမ်းပြည်နယ် ဗုဒ္ဓတက္ကသိုလ်(တောင်ကြီး)၊ ပါမောက္ခချုပ်ဆရာတော်၊ ဒေါက်တာ ဘဒ္ဒန္တ ဓမ္မသာမိ (အောက်စဖို့ဒ်ဆရာတော်)နှင့်မြန်မာသံအမတ်ကြီးနှင့်အဖွဲ့ဝင်များ တက်ရောက်ခဲ့ကြောင်း သိရသည်။

ဂျပန်နိုင်ငံ၊ Kato City ရှိ Nenbutsushu Sampozan Muryojuji Temple မှ ကြီးမှူး၍ (၈) ကြိမ်မြောက် ဗုဒ္ဓထိပ်သီးညီလာခံ (The Eight Buddhist Summit) နှင့် နာလန္ဒာ မဟာဝိဟာရ ဗုဒ္ဓတက္ကသိုလ် (Nalanda Mahavihara) ဖွင့်ပွဲအခမ်းအနား တို့အား စက်တင်ဘာ၁၃ရက်မှ၁၅ရက် အထိ ကျင်းပခဲ့ရာ ဂျပန်နိုင်ငံဆိုင်ရာ မြန်မာသံအမတ်ကြီး ဦးစိုးဟန်နှင့် ကိုယ်စားလှယ်အဖွဲ့ဝင်များ ပါဝင်တက်ရောက်ခဲ့ကြသည်။

သံအမတ်ကြီး ဦးစိုးဟန် သည် စက်တင်ဘာ၁၃ရက်၊ နံနက်ပိုင်းတွင် Nenbutsushu Sampozan Muryojuji Temple ၌ ကျင်းပသည့် နာလန္ဒာ မဟာဝိဟာရ ဗုဒ္ဓတက္ကသိုလ် Nalanda Mahavihara ဖွင့်ပွဲအခမ်းအနားသို့ တက်ရောက်ခဲ့ပါသည်။ အခမ်းအနားတွင် သံအမတ်ကြီးသည် နိုင်ငံပေါင်း (၁၄)နိုင်ငံမှ သံရုံးအကြီးအကဲများ၊ သံရုံးကိုယ်စားလှယ်များ၊ Nenbutsushu Sampozan Muryojuji Temple မှ ဆရာတော်ကြီးများနှင့်အတူ ဗုဒ္ဓတက္ကသိုလ် ဖွင့်ပွဲအခမ်းအနားကို ဖဲကြိုးဖြတ်၍ ဖွင့်လှစ်ပေးခဲ့ပါသည်။ အဆိုပါအခမ်းအနားသို့ ထိုင်းနိုင်ငံ အိမ်ရှေ့မင်းသမီး မဟာချက်ကရီသီရိဒုံ မှ အဓိကဧည့်သည်တော်အဖြစ် တက်ရောက်ခဲ့ပါသည်။

သံအမတ်ကြီး ဦးစိုးဟန် ဦးဆောင်သော မြန်မာကိုယ်စားလှယ်အဖွဲ့သည် ၁၄-၉-၂၀၂၃ ရက်၊ နံနက်ပိုင်းတွင် The Royal Grand Hall of Buddhism တွင် ကျင်းပခဲ့သည့် (၈) ကြိမ်မြောက် ဗုဒ္ဓထိပ်သီးညီလာခံ (The Eight Buddhist Summit) ဖွင့်ပွဲအခမ်းအနားသို့ နိုင်ငံပေါင်း (၃၂) နိုင်ငံမှ ဆရာတော်ကြီးများ၊ ဗုဒ္ဓဘာသာအဖွဲ့ဝင်များနှင့် ကုလသမဂ္ဂအဖွဲ့အစည်း ကိုယ်စားလှယ် အဖွဲ့ဝင်များ၊ ဂျပန်နိုင်ငံအခြေစိုက် သံရုံးအသီးသီးမှ သံအမတ်ကြီးများ၊ သံရုံးကိုယ်စားလှယ်များ၊ အဖွဲ့ဝင်များနှင့်အတူ တက်ရောက်ခဲ့သည်။

ဗုဒ္ဓထိပ်သီးညီလာခံသို့ မြန်မာနိုင်ငံမှ နိုင်ငံတော် သံဃမဟာ နာယကအဖွဲ့၊ အကျိုးတော်ဆောင် ဆရာတော်၊ ဒေါက်တာ ဘဒ္ဒန္တ စန္ဒိမာဘိဝံသ၊ ရှမ်းပြည်နယ် ဗုဒ္ဓတက္ကသိုလ်(တောင်ကြီး)၊ ပါမောက္ခချုပ်ဆရာတော်၊ ဒေါက်တာ ဘဒ္ဒန္တ ဓမ္မသာမိ (အောက်စဖို့ဒ်ဆရာတော်)၊ သာသနာရေးနှင့်ယဉ်ကျေးမှုဝန်ကြီးဌာနမှ တာဝန်ရှိသူများ ပါဝင် တက်ရောက်ခဲ့ကြကြောင်း သိရသည်။
Yangon_Times/tthl
#Local_News
#YMG #Yangon_Times #Yangon_Media_Group

Published_ 19 September 2023

  မြန်မာ-တရုတ် နယ်စပ်ဒေသတစ်လျှောက် ငြိမ်းချမ်းရေးနှင့်တည်ငြိမ်ရေးကို ပိုမိုမြှင့်တင်ရန်အတွက် ဆက်လက်ပူးပေါင်းဆောင်ရွက်သွားရေး ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာနဝန်ကြီး ဦးသန်းဆွေ သည် တရုတ်နိုင်ငံ၊ နိုင်ငံခြားရေးဝန်ကြီးဌာန၊ အာရှရေးရာအထူး ကိုယ်စားလှယ် မစ္စတာ တိန့်ရှီးကျွင်း နှင့် စက်တင်ဘာ ၁၈ ရက်တွင် နေပြည်တော်၌ တွေ့ဆုံစဉ်ဆွေးနွေးခဲ့ပါတယ်။

  တွေ့ဆုံစဉ် နှစ်နိုင်ငံအကြား ဆွေမျိုးပေါက်ဖော်ဆက်ဆံရေးကို ပိုမိုတိုးတက် ခိုင်မာရေး၊ နှစ်ဖက်အပြန်အလှန် အကျိုးဖြစ်ထွန်းစေမည့် ပူးပေါင်းဆောင်ရွက်မှုများကို အရှိန်အဟုန် မြှင့်တင်ရေး ဆွေနွေးခဲ့ပါတယ်။

  ထို့ပြင် ပြည်တွင်းငြိမ်းချမ်းရေးနှင့် အမျိုးသားပြန်လည်သင့်မြတ်ရေးလုပ်ငန်းစဉ်နှင့် ပတ်သက်၍ နောက်ဆုံးဖြစ်ပေါ်တိုးတက်မှု အခြေအနေများကိုလည်းဆွေးနွေးခဲ့ကြောင်း သိရပါတယ်။

  မြန်မာနိုင်ငံဖွံ့ဖြိုးတိုးတက်ရေး ကြိုးပမ်းအားထုတ်မှုများတွင် တရုတ်နိုင်ငံမှ အပြုသဘော ဆက်လက်ကူညီဆောင်ရွက်ပေးသွားမည့်ကိစ္စရပ်များနှင့် ဒေသတွင်းနှင့် နိုင်ငံတကာမျက်နှာစာ အထူးသဖြင့် အာဆီယံနှင့် ကုလသမဂ္ဂတို့တွင် ပိုမိုနီးကပ်စွာ ပူးပေါင်းဆောင်ရွက်သွားရေးကိစ္စတို့ကိုလည်း ဆွေးနွေးခဲ့ကြောင်း သတင်းရရှိပါတယ်။
ygm_mnn
#Local_News
#Yangon_Media_Group
#YMG #Yangon_Times

Published_ 19 September 2023

ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီမှတစ်ဆင့် EPS စနစ်ဖြင့် မြန်မာလုပ်သား(၁၄၈)ဦးကို စက်တင်ဘာလ ၁၉ရက်(ယနေ့)ထပ် မံစေလွှတ်ခဲ့ပြီး ယခုလအတွင်း မြန်မာလုပ်သား (၇၀၀)ကျော်စေလွှတ်ခဲ့ပြီးကြောင်း ဆိုလ်းမြို့၊ မြန်မာသံရုံးကသိရသည်။

စက်တင်ဘာလ ၁၉ရက်တွင် ကုန်ထုတ်လုပ်သားသစ် (၇၂)ဦးနှင့် စိုက်ပျိုးရေးလုပ်သားသစ် (၇၆)ဦး စုစုပေါင်း (၁၄၈) ဦးကို စေလွှတ်ခဲ့ပြီး လုပ်သားများ ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ရာ မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက် များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းသိရသည်။

စက်တင်ဘာလအတွင်း ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့်စေလွှတ်သော ကုန်ထုတ်လုပ်သားသစ် (၁၅၁)ဦးကို စက်တင်ဘာ ၁၃ရက်တွင်လည်းကောင်း၊ ကုန်ထုတ်လုပ်သားသစ် (၁၄၇)ဦး ကိုစက်တင်ဘာလ ၁၂ရက်တွင်လည်းကောင်း၊ ကုန်ထုတ်လုပ်သားသစ်(၁၀၅)ဦးနှင့်စိုက်ပျိုးရေးနှင့်မွေးမြူရေးလုပ်သားသစ်(၄၀)ဦးကို စက်တင်ဘာလ ၆ရက်တွင်လည်းကောင်း၊ ကုန်ထုတ်လုပ်သားသစ် ၁၄၂ဦးကို စက်တင်ဘာလ ၅ရက်တွင်လည်းကောင်း စေလွှတ်ခဲ့ကြောင်း သံရုံးမှသိရသည်။

ပြီးခဲ့သည့်သြဂုတ်လအတွင်းကလည်း မြန်မာလုပ်သား (၁၀၀၀) ကျော်စေလွှတ်ခဲ့ကြောင်းသိရသည်။
#Yangon -Times/PP
Photo-Myanmar Embassy, Seoul
#Local_News
#YMG #Yangon_Times

Published_ 19 September 2023

ပြီးခဲ့တဲ့ဇွန်လက ခါလစ္စတန်အကြမ်းဖက်သမား အသတ်ခံရတဲ့ကိစ္စမှာ အိန္ဒိယပါဝင်ပတ်သက်နေတယ်လို့ ကနေဒါနိုင်ငံက တနင်္လာနေ့က စွပ်စွဲလိုက်ကာ အော့တာဝါမြို့ရှိ နယူးဒေလီ ထောက်လှမ်းရေးအကြီးအကဲကို နိုင်ငံမှ နှင်ထုတ်ခဲ့ပါတယ်။

ယခင်ကတည်းက ကနေဒါနဲ့ အိန္ဒိယတို့ကြား ယိုယွင်းနေတဲ့ သံတမန်ဆက်ဆံရေးက အခုဆိုရင် အတော်လေး ဆိုးရွားနေပြီဖြစ်ပါတယ်။

ပြီးခဲ့တဲ့ဇွန်လ ဗြိတိန်ကိုလံဘီယာမှာ ခါလစ္စတန်အကြမ်းဖက်သမား ဟာဒိဆင်းနစ်ဂျာ အသတ်ခံရတဲ့ကိစ္စမှာ အိန္ဒိယအေးဂျင့်တွေနဲ့ ဆက်စပ်နေတယ်ဆိုတဲ့ စွပ်စွဲချက်များ လက်ခံရရှိထားတယ်လို့ ကနေဒါဝန်ကြီးချုပ် ဂျက်စတင်ထရူဒေါက်က ပါလီမန်အတိုက်အခံ အရေးပေါ်ဆွေးနွေးပွဲမှာ ပြောကြားခဲ့ပါတယ်။

ဝန်ကြီးချုပ်က ထိုကိစ္စကိုရှင်းလင်းရာမှာ ပူးပေါင်းပါဝင်ပေးဖို့ အိန္ဒိယအစိုးရကို အခိုင်အမာတောင်းဆိုလိုက်ပါတယ်။

ကနေဒါအစိုးရဘက်က ချက်ချင်း အရေးယူတုန့်ပြန်မှု ပြုလုပ်လိုက်ပြီးဖြစ်ကြောင်း နိုင်ငံခြားရေးဝန်ကြီး မယ်လာနီဂျိုလီက ပြောကြားလိုက်ပါတယ်။

အိန္ဒိယအကြီးတန်းသံတမန်တစ်ဦးကို ယနေ့ပြည်နှင်လိုက်ပြီလို့ ကြေညာခဲ့တာ ဖြစ်ပါတယ်။
နှင်ထုတ်ခံရတဲ့ ပုဂ္ဂိုလ်ဟာ ကနေဒါရှိ အိန္ဒိယနိုင်ငံခြားရေး ထောာက်လှမ်းရေးအဖွဲ့ RAW မှ အကြီးအကဲတစ်ဦးဖြစ်တယ်လို့ မစ္စဂျိုလီက ဆိုပါတယ်။

အိန္ဒိယဘက်မှ အလိုရှိနေခဲ့တဲ့ အကြမ်းဖက်သမား နစ်ဂျာဟာ ဗန်ကူဗာဆင်ခြေဖုံးရပ်ကွက်ဆာရေးမှာ ဇွန်လ ၁၈ ရက်နေ့က သေနတ်ပစ်သတ်ခံခဲ့ရပါတယ်။

သူဟာ အိန္ဒိယမှာ အကြမ်းဖက်တိုက်ခိုက်မှုများ လုပ်ဆောင်ခဲ့တယ်လို့ စွပ်စွဲခံခဲ့ရပါတယ်။

အကြမ်းဖက်သမားများအပေါ် ကနေဒါရဲ့ ထိန်းချုပ်ဆောင်ရွက်မှုကို အိန္ဒိယက မကျေနပ်ဖြစ်နေသလို လူသတ်မှုကိစ္စ မဖြေရှင်းနိုင်တဲ့ အကြောင်းအရင်းတွေကြောင့် အိန္ဒိယနဲ့ ကနေဒါတို့ကြား တင်းမာမှု မြင့်မားလာပါတယ်။

ခါလစ္စတန်ထောက်ခံသူတွေရဲ့ လှုပ်ရှားမှုတွေကို ကနေဒါက မျက်စိစုံမှိတ်ပေးထားတယ်လို့ အိန္ဒိယက စွပ်စွဲထားပါတယ်။

ကနေဒါဘက်က စွပ်စွဲချက်ဟာ ကမ္ဘာတဝှမ်းမှ ပေါက်ကွဲတော့မယ့် ဗုံးတစ်လုံးကို အားပေးရာရောက်တယ်လို့ ထရူဒေါက်ရဲ့ အကြံပေးပုဂ္ဂိုလ်ဟောင်း ဟိုဆလင်းကူလုံက ပြောကြားလိုက်ပါတယ်။

၂၀၁၈ ခုနှစ်က တူရကီမှာ သတင်းထောက် ဂျာမယ်ခါရှိုဂီ သတ်ဖြတ်ခံရခြင်းနဲ့ ပတ်သက်ပြီး ဆော်ဒီအာရေဗျ ဆက်စပ်ပါဝင်နေသလိုမျိုး အိန္ဒိယဟာလည်း နိုင်ငံရပ်ခြားမှ နိုင်ငံရေးပြိုင်ဘက်တွေကို သတ်ဖြတ်တဲ့ တိုင်းပြည်စာရင်းထဲ ပါဝင်သွားလိမ့်မယ်လို့ ဆိုပါတယ်။

ယခုလအစောပိုင်းက အိန္ဒိယဝန်ကြီးချုပ် နရန်ဒရာမိုဒီနဲ့ ကနေဒါဝန်ကြီးချုပ် ထရူဒေါက်တို့ ဂျီ-၂၀ ထိပ်သီးအစည်းအဝေးပွဲမှာ တွေ့ဆုံစဥ်ကလည်း ကနေဒါရှိ အိန္ဒိယဆန့်ကျင်ရေး အစွန်းရောက်လှုပ်ရှားမှုများ ဆက်လက်တည်ရှိနေတာကို အလွန်စိုးရိမ်မိကြောင်း မိုဒီက ထုတ်ဖော်ပြောကြားခဲ့ပါတယ်။
Source: NDTV
#World_News
#YMG #Yangon_Times

Published_ 19 September 2023

ထိုင်း-မြန်မာ နယ်စပ်၊ မဲဆောက်-မြဝတီ ချစ်ကြည်ရေးအမှတ် (၁) တံတား၊ မဲဆောက်ဘက်ခြမ်း တွင် ဈေးရောင်းနေသည့် မြန်မာနိုင်ငံသား အမျိုးသမီးလေးဦး အဖမ်းခံရကြောင်း ထိုင်းလူဝင်မှု ကြီးကြပ်ရေးဦးစီးဌာနမှဌာနများ၏ ထုတ်ပြန်ချက် အရ သိရသည်။

စက်တင်ဘာ ၁၈ ရက် နေ့ လယ် ပိုင်းက အဖမ်းခံရခြင်း ဖြစ်ပြီး အဆိုပါ မြန်မာနိုင်ငံသား အမျိုးသမီးလေးဦးမှာ မြဝတီ ဘက်မှ လာရောက် ရောင်းချသည့် ခေါင်းရွက်ဗျတ်ထိုးဈေးသည်များဖြစ်ကြောင်း သိရသည်။

အဆိုပါ ဖမ်းဆီးခံရသူ ၄ ဦးအနက် ၃ ဦးမှာ အလုပ်လုပ်ရန်ခွင့်မပြုထားသည့် နယ်စပ်ဖြတ်ကျော်လက်မှတ် ၇ ရက်နေထိုင်ခွင့်ကဒ်ပြုလုပ်၍ ဝင်သူများဖြစ်ကာ ဈေးလာရောက် ရောင်းချ ခြင်းကြောင့် ဖမ်းစီးခံ ရ ခြင်း ဖြစ်ကြောင်း သိရသည်။

ဖမ်းဆီးရမိသူများကို ထိုင်းနိုင်ငံအတွင်း တရားမဝင် ဝင်ရောက်လာမှု၊ တရားမဝင် အလုပ်လုပ်ကိုင်မှုတို့ဖြင့် စွဲချက်တင်ကာ ဥ‌ပဒေအရ အရေးယူဆောင်ရွက်ဖို့ မဲဆောက်ရဲစခန်းကို ပို့ဆောင်ထားကြောင်း သိရသည်။
YMG/LW
#Local_News
#YMG #Yangon Time

Published_ 19 September 2023

နနွင်းဟာ အစာမကြေခြင်းအတွက် ဆေးစွမ်းကောင်းတစ်လက် ဖြစ်တယ်လို့ လေ့လာချက်အသစ်မှာ တွေ့ရှိထားပါတယ်။

နနွင်းမှာပါဝင်တဲ့ ကာကူမင်လို့ခေါ်တဲ့ သဘာဝဒြပ်ပေါင်းက  ရောင်ရမ်းခြင်းကို ကျစေပြီး ပိုးမွှားသေစေနိုင်တဲ့ အစွမ်းသတ္တိ ရှိပါတယ်။

အရှေ့တောင်အာရှမှ စတင်ပေါ်ထွက်လာတဲ့ နနွင်းရဲ့  အစာကြေစေတဲ့ အာနိသင်ကို အစာအိမ်အက်ဆစ်များခြင်းအတွက် အသုံးပြုတဲ့ အိုမီပရာဇိုးလ်ဆေးနဲ့ နှိုင်းယှဥ်ကြည့်ခဲ့ပါတယ်။

အစာမကြေခြင်းအတွက် ကာကူမင်နဲ့ အိုမီပရာဇိုးလ်တို့ရဲ့ အာနိသင်က ယှဥ်သာလို့ရတဲ့ အနေအထားရှိကြောင်း လေ့လာဖော်ပြခဲ့ပါတယ်။

အစာအိမ်အခြေအနေ မကောင်းတဲ့ လူနာ ၂၀၆ ဦးကို အဖွဲ့ ၃ ဖွဲ့ခွဲကာ ၂၈ ရက်တာ ကုသလေ့လာခဲ့ပါတယ်။

တစ်ဖွဲ့ကို ကာကူမင်ဆေးတောင့် ၂ တောင့်ဖြင့် တစ်နေ့ ၄ ကြိမ်၊ နောက်တစ်ဖွဲ့ကို အိုမီပရာဇိုးလ် ၂၀ မီလီဂရမ် တစ်နေ့တစ်လုံး၊ ကျန်တစ်ဖွဲ့ကို နနွင်းနဲ့ အိုမီပရာဇိုးလ် ရောစပ် အသုံးပြုစေခဲ့ပါတယ်။

နနွင်းက အစာမကြေခြင်းကို သက်သာစေခဲ့ကာ အဖွဲ့ ၃ ဖွဲ့စလုံးက ရောဂါလက္ခဏာများ သက်သာခဲ့ပါတယ်။

ကာလကြာရှည်စွာ စမ်းသပ်ပြီး နနွင်းရဲ့ အကျိုးအာနိသင်ကို ဆက်လက်လေ့လာသွားဖို့ သုတေသီများ အကြံပြုခဲ့ပါတယ်။

ယခုစမ်းသပ်ချက်အရ နနွင်းဟာ အစာမကြေခြင်းကို သက်သာစေနိုင်တယ်လို့ စိတ်ချရတဲ့ အထောက်အထား တွေ့ရှိထားကြောင်း စာတမ်းပြုစုသူများက ဆိုပါတယ်။

အသည်းထိခိုက်ခြင်း အခြေအနေမှာလည်း နနွင်းနဲ့ ဆက်စပ်နေပုံကို ယခင်က တွေ့ရှိခဲ့ပြီး နနွင်းက အခြားဆေးတွေနဲ့ ဆိုးကျိုးသက်ရောက်စေနိုင်သလား ဆိုတာကို သေချာအောင် လေ့လာရဦးမှာ ဖြစ်ပါတယ်။
Source: India Today
#World_Health
#YMG #Yangon_Times

Published_ 19 September 2023

ဝက်ခြံထွက်ရတဲ့ အကြောင်းအရင်းတွေထဲမှာ ဖိစီးမှုကလည်း မလွဲမသွေပါဝင်ပြီး ခန္ဓာကိုယ်ထဲမှာ ကော်တီဆောလ်ဟော်မုန်း အချိန်ကြာမြင့်စွာ မြင့်တက်လာတဲ့အခါ ဝက်ခြံဖြစ်ပေါ်လာစေပါတယ်။

စိတ်ဖိစီးမှုနဲ့ ဝက်ခြံဖြစ်ခြင်းကို သက်သာစေမယ့် နည်းလမ်းတွေ ဖော်ပြပေးလိုက်ပါတယ်။
 
(၁) လေ့ကျင့်ခန်းအချိန်မှန်ပြုလုပ်ခြင်း
လှုပ်ရှားလေ့ကျင့်ခန်း ပြုလုပ်ခြင်း၊ နေ့စဥ်မိနစ် ၃၀ မျှ လမ်းလျှောက်ပေးခြင်းတို့ဖြင့် စိတ်ဖိစီးမှု ပြေလျော့စေနိုင်ပါတယ်။

ထိုကဲ့သို့ပြုလုပ်ခြင်းဖြင့် သွေးလည်ပတ်မှု ကောင်းမွန်ကာ အရေပြားဆဲလ်တွေကို အာဟာရဓာတ်နဲ့ အောက်ဆီဂျင်ဓာတ်တို့ ပေးစွမ်းနိုင်ပါတယ်။
 
(၂) အိပ်စက်ခြင်းနဲ့ ပတ်သက်တဲ့ကျန်းမာရေးကို ဦးစားပေးခြင်း
ညဘက် အိပ်ချိန်ပုံမှန် သတ်မှတ်အိပ်စက်ခြင်းဖြင့် ဖိစီးမှုတွေကို ဖြေလျှော့ပေးနိုင်ပါတယ်။
 
(၃) တစ်နေ့  ၂ ကြိမ် မျက်နှာသစ်ခြင်း
မနက်အိပ်ရာထတစ်ကြိမ်၊ ညအိပ်ရာဝင်ခါနီး တစ်ကြိမ် မျက်နှာသစ်ဆေးဖြင့် သစ်ပေးရပါမယ်။

အဆီပြန်တဲ့ အသားအရေအတွက် ဆယ်လီစလစ်အက်ဆစ် ပါဝင်တာကို ရွေးချယ်သင့်ပြီး ထိခိုက်လွယ်တဲ့ အသားအရေအတွက် ဂလစ်ဆရင်းနဲ့ ဆယ်ရာမိုက်တို့ကို ရွေးချယ်သင့်ပါတယ်။
 
(၄) ကော်ဖီလျှော့သောက်ခြင်း
ကော်ဖီအများအပြား သောက်တဲ့အခါ ပူပန်စိတ်နဲ့ စိတ်တင်းမာမှုကို မြင့်မားစေပြီး ကဖင်းဓာတ်ရဲ့ ဆီးသွားများတဲ့ သက်ရောက်မှုကြောင့် ဝက်ခြံပိုဖြစ်စေပါတယ်။
 
(၅) အဆီဓာတ်များတဲ့ နို့ထွက်ပစ္စည်းများရှောင်ခြင်း
ရေခဲမုန့်၊ ချောကလက်တို့လို နို့ထွက်ပစ္စည်းများဖြင့် ထုတ်လုပ်တဲ့ စားစရာတွေက ဝက်ခြံပိုမိုထွက်စေပါတယ်။
 
(၆) အချိုဓာတ်နှင့် ကာဗိုဟိုက်ဒရိတ်မြင့်မားတဲ့ စားစရာများလျှော့စားခြင်း
ဒီလိုအစားအစာတွေက သွေးထဲက သကြားဓာတ်ကို များပြားစေကာ အရေပြားမှာ အဆီထွက်စေပြီး ဝက်ခြံဖြစ်ပေါ်စေပါတယ်။
 
စိတ်ဖိစီးမှု မဖြစ်မနေ ကြုံရတဲ့ အခြေအနေတွေရှိပေမယ့် အထက်ပါနည်းလမ်းများဖြင့် အတတ်နိုင်ဆုံး ဖိစီးမှုကို လျှော့ချနိုင်ပါတယ်။  

Source: DoctorNDTV
#World_Health
#Published_ 19 September 2023
#YMG #Yangon_Times #Yangon_Media_Group