Published 18 November 2023

လူတွေ အသက်ကြီးလာတာနဲ့အမျှ ဦးနှောက်သိရှိမှုစွမ်းရည် ကျဆင်းလာတာ သဘာဝပါပဲ။
ဒါပေမဲ့ ခွေးတွေ ကြောင်တွေမွေးထားတဲ့ သူတွေက ဦးနှောက်သိရှိမှုစွမ်းရည် ကျဆင်းမှုနှုန်း နှေးသွားကြောင်း မကြာသေးမီက လေ့လာတွေ့ရှိထားပါတယ်။

 အိမ်မွေးတိရိစ္ဆာန်များနဲ့ လမ်းလျှောက်ထွက်သူတွေဟာ အသက်အရွယ် ကြီးလာသည့်တိုင်အောင် အသိဉာဏ်စွမ်းရည် ထိန်းသိမ်းထားနိုင်တယ်လို့ တွေ့ရှိခဲ့ပါတယ်။

သိပ္ပံပညာရှင်များက သက်ကြီးရွယ်အိုတွေမှာ အသိဉာဏ်စွမ်းရည် ကျဆင်းမှုကို နှောင့်နှေးအောင် ပြုလုပ်နိုင်မယ့် နည်းလမ်းတွေ ရှာဖွေနေပါတယ်။

အသက် ၅၁ မှ ၁၀၁ နှစ်အတွင်းရှိ လူပေါင်း ၆၃၇ ဦးထံမှ အချက်အလက်များ ကောက်ယူခဲ့ကြပါတယ်။

အချက်အလက် ကောက်ယူခြင်းကို အချိန်မှန် ပြုလုပ်ခဲ့ပြီး ဦးနှောက်အသိဉာဏ် စွမ်းရည်ကို စမ်းသပ်နည်းလမ်းများဖြင့် စမ်းသပ်ခဲ့ကြပါတယ်။

ထိုအခါမှာ အိမ်မွေးတိရိစ္ဆာန် ရှိသူတွေက မရှိသူတွေထက် ဦးနှောက်အသိဉာဏ်စွမ်းရည် ကျဆင်းမှု များစွာနှေးသွားတာကို တွေ့ရှိခဲ့ကြပါတယ်။

အိမ်မွေးတိရိစ္ဆာန်တွေနဲ့ လမ်းလျှောက်ထွက်သူတွေက ပိုပြီးတော့ ကျဆင်းမှုနှေးသွားတာကိုလည်း တွေ့ရှိခဲ့ပါတယ်။

ဒါတွေဟာ အသက်အရွယ်၊ ရောဂါဖြစ်နိုင်ခြေတို့ကို ထည့်သွင်းစဥ်းစားပြီးတာတောင် ဆက်လက်မှန်ကန်နေပါတယ်။

အိမ်မွေးတိရိစ္ဆာန်ရှိသူတွေမှာ မှတ်ဉာဏ်ပိုင်း၊ လုပ်ကိုင်နိုင်စွမ်း၊ ဘာသာစကား၊ စိတ်နှင့်လှုပ်ရှားမှု ညီညွတ်မှု၊ စဥ်းစားသုံးသပ်နှုန်းတို့ဟာ ကျဆင်းမှုပိုနှေးသွားပြီး ကြောင်ပိုင်ရှင်တွေက မှတ်ဉာဏ်နဲ့ ဘာသာစကားပိုင်းမှာ ယိုယွင်းမှု ပိုနှေးပြီး ခွေးပိုင်ရှင်တွေကလည်း ဦးနှောက်သိရှိမှုစွမ်းရည် ယိုယွင်မှု ပိုမိုနှေးကွေးကြောင်း တွေ့ရှိထားကြောင်း သုတေသနပြုစုသူများက ဖော်ပြခဲ့ပါတယ်။  
Source: WION.
#World_Health
#YMG #Yangon_Times #Yangon_Media_Group

Published 18 November 2023

အမေရိကန်ကနေ ဖိလစ်ပိုင်သို့ နျူကလီးယား နည်းပညာနဲ့ ပစ္စည်းကိရိယာများ တင်ပို့ခွင့်ရှိမယ့် သမိုင်းဝင် သဘောတူညီချက်တစ်ခုကို သောကြာနေ့က နှစ်နိုင်ငံလက်မှတ်ရေးထိုးခဲ့ကြပါတယ်။

ဖိလစ်ပိုင်နိုင်ငံဟာ ကာဗွန်ထုတ်လွှတ်မှု ပပျောက်ရေးနဲ့ စွမ်းအင်အမှီအခိုမရှိ ထုတ်လုပ်နိုင်ရေးတို့ကို မြှင့်တင်ရန်အတွက် နျူကလီးယားစွမ်းအင် အသုံးချဖို့ နည်းလမ်းရှာဖွေနေတာ ဖြစ်ပါတယ်။

‘’အမေရိကန်က ဖိလစ်ပိုင်ကို ပစ္စည်းကိရိယာများ မျှဝေသွားမှာဖြစ်ပြီး ဖိလစ်ပိုင်တို့က မော်ဂျူလာ ဓာတ်ပေါင်းဖိုငယ်များနဲ့ အခြားအရပ်ဘက် နျူကလီးယားစွမ်းအင် အခြေခံအဆောက်အအုံများ တည်ဆောက်ရန် ကြိုးပမ်းနေတာ ဖြစ်ပါတယ်’’ လို့ ဆန်ဖရန်ဆစ္စကိုမှာ ကျင်းပတဲ့ APEC ထိပ်သီးအစည်းအဝေးပွဲအပြီး လက်မှတ်ရေးထိုးပွဲ အခမ်းအနားမှာ အမေရိကန် နိုင်ငံခြားရေးဝန်ကြီး အန်တိုနီဘလင်ကန်က ပြောပြသွားပါတယ်။

၁၂၃ သဘောတူညီချက်အတွက် ညှိနှိုင်းချက်တွေက ၂၀၂၂ နိုဝင်ဘာလမှာ စတင်ခဲ့တာ ဖြစ်ပါတယ်။

၂၀၃၂ အတွက် သတ်မှတ်ထားတဲ့ ဖိလစ်ပိုင်စွမ်းအင်ရောယှက်ရေး တစ်စိတ်တစ်ပိုင်းအဖြစ် နျူကလီးယားစွမ်းအင်ကို ရှုမှတ်ထားပြီး အမေရိကန်နဲ့အတူ ဒီလမ်းကြောင်းကို လျှောက်လှမ်းခွင့်ရတာ အတိုင်းထက်အလွန် ဝမ်းသာကြောင်း၊ နျူကလီးယားစွမ်းအင် ကဏ္ဍက ဖိလစ်ပိုင်နဲ့ အမေရိကန်တို့ရဲ့ လက်တွဲလုပ်ကိုင်ခြင်း အမှန်တကယ် အလုပ်ဖြစ်တယ်ဆိုတာကို ပြသနေကြောင်း ဖိလစ်ပိုင်သမ္မတ ဖာဒီနန်မားကို့စ်ဂျူနီယာက မိန့်ခွန်းပြောကြားခဲ့ပါတယ်။

သဘောတူညီချက်အတွက် အမေရိကန် ကွန်ဂရက်လွှတ်တော်မှ ခွင့်ပြုချက်ရရန် လိုအပ်ပြီး နျူကလီးယား ပစ္စည်းကိရိယာများ၊ အချက်အလက်များကို ငြိမ်းချမ်းစွာ ပြောင်းရွှေ့ခွင့်ရမှာဖြစ်ပါတယ်။

၂၀၂၂ နှစ်ကုန်ပိုင်းက အမေရိကန်ဟာ နိုင်ငံတကာ နျူကလီးယားစွမ်းအင် အေဂျင်စီ၊ ထိုင်ဝမ်အပါအဝင် နိုင်ငံပေါင်း ၄၇ နိုင်ငံနဲ့ သဘောတူညီချက် ၂၃ ခု ရရှိခဲ့ပါတယ်။

ဖိလစ်ပိုင်ဟာ ရာသီဥတု ထိန်းသိမ်းရေး ရည်မှန်းချက်များ ပြည့်မီရန်နဲ့ စွမ်းအင်လုံလောက်မှုတို့ မြှင့်တင်ရန် ကျောက်မီးသွေးစက်ရုံများကို ရပ်ဆိုင်းရန်ကြံရွယ်နေကာ နျူကလီးယားစွမ်းအင်ကို အခြားရွေးချယ်စရာ စွမ်းအင်ရင်းမြစ်အနေနဲ့ အသုံးပြုချင်နေတာ ဖြစ်ပါတယ်။

ဖိလစ်ပိုင်ဟာ ကမ္ဘာလုံးဆိုင်ရာ လောင်စာဆီဈေးနှုန်း မြင့်တက်ခြင်း၊ ရာသီအလိုက် လျှပ်စစ်ဓာတ်အား ပြတ်တောက်ခြင်း၊ မီတာခနှုန်းထား မြင့်မားခြင်းတို့နဲ့ ကြုံတွေ့နေရပါတယ်။

နျူကလီးယားစွမ်းအင်ကို ယခင်ကတည်းက ကြိုးပမ်းခဲ့ပေမယ့် ဘေးကင်းလုံခြုံရေးကိစ္စများကြောင့် ရပ်ဆိုင်းထားခဲ့ရပါတယ်။

စွမ်းအင်အကြပ်အတည်း ဖြစ်ပေါ်လာတဲ့အချိန်မှာတော့ အသုံးမပြုဘဲ ပစ်ထားရတဲ့ နျူကလီးယားစက်ရုံတစ်ခုကို ပြန်လည်ဖွင့်လှစ်ရန် မားကို့စ်က ဆွေးနွေးခဲ့ပါတယ်။

၁၉၈၄ ခုနှစ်မှာ ဆောက်လုပ်ပြီးစီးခဲ့တဲ့ ဘေတန်နျူကလီးယားစက်ရုံဟာ ယခင်မားကို့စ် ရာထူးမှဖယ်ရှားခံရခြင်း၊ ချာနိုဘိုင်းလ်နျူကလီးယားဘေး ဖြစ်ရပ်၊ အကျင့်ပျက်ခြစားခြင်းတို့ဖြစ်ပြီး ၂ နှစ်အကြာမှာ အသုံးမပြုဘဲ ပစ်ထားခဲ့ရတာ ဖြစ်ပါတယ်။
Source: Reuters
#World_News
#Published_ 18 November 2023
#YMG #Yangon_Times #Yangon_Media_Group

Published 18 November 2023

ဟေမိုဂလိုဘင်က သွေးနီဥဆဲလ်တွေထဲမှာ တွေ့ရတဲ့ ပရိုတိန်းတစ်မျိုးဖြစ်ပြီး အဆုတ်ကနေ အောက်ဆီဂျင်တွေကို ခန္ဓာကိုယ် အစိတ်အပိုင်းအနှံ့သို့ သယ်ဆောင်သွားပြီး ကာဗွန်ဒိုင်အောက်ဆိုဒ်တွေကို အဆုတ်သို့ ပြန်ပို့ပေးပါတယ်။

အဆိုပါ ဟေမိုဂလိုဘင်တွေ ထုတ်လုပ်ရန် သံဓာတ်က မရှိမဖြစ် အာဟာရဓာတ်ဖြစ်ပါတယ်။
ဒါကြောင့် သံဓာတ်ကြွယ်ဝတဲ့ အစားအစာများ စားသုံးခြင်းဖြင့် သွေးနီဥဆဲလ်သစ်များ ဖြစ်ပေါ်စေပြီး ဟေမိုဂလိုဘင် များစေမှာ ဖြစ်ပါတယ်။
 
(၁) ဟင်းနုနွယ်
ဟင်းနုနွယ်ဟာ သံဓာတ်ကြွယ်ဝပြီး ခန္ဓာကိုယ်ကနေ သံဓာတ်ကို အလွယ်တကူ စုပ်ယူပေးပါတယ်။
 
(၂) ပဲနီလေး
ပဲနီလေးဟာ သံဓာတ်သာမက ဖောလိတ်လည်း ကြွယ်ဝကာ ဟေမိုဂလိုဘင်ကို ပိုမိုထွက်ရှိစေပါတယ်။
 
(၃) ခြေလေးချောင်းအသား
အမဲသား သိုးသားတို့လို့ အသားကြီးမျိုးတွေဟာ သံဓာတ်ပေါများပြီး ဟေမိုဂလိုဘင်ကို သိသိသာသာ တိုးများစေပါတယ်။
 
(၄) ဖရုံစေ့
ဖရုံစေ့မှာ သံဓာတ်၊ မဂ္ဂနီဆီယမ်၊ ဓာတ်တိုးဆန့်ကျင်ပစ္စည်းများ ကြွယ်ဝစွာ ပါဝင်ပါတယ်။
 
(၅) တိုဖူး
အပင်အခြေပြု သံဓာတ်နဲ့ ပရိုတိန်းပါဝင်တာကြောင့် သက်သက်လွတ် စားသုံးသူတွေမှာ ဟေမိုဂလိုဘင်ကို ထိန်းသိမ်းပေးပါတယ်။
 
(၆) အခွံကာပင်လယ်စာ
ဂုံး၊ ကရုကမာတို့က သံဓာတ်နဲ့ ဗိုက်တာမင် ဘီ၁၂ ကြွယ်ဝစွာ ပါဝင်ပါတယ်။
 
(၇) စားတော်ပဲစေ့
သံဓာတ်၊ ပရိုတိန်း၊ အခြားအာဟာရဓာတ်များ ပါဝင်ကာ ပုံမှန်စားပေးပါက ဟေမိုဂလိုဘင်ကို မြှင့်တင်ပေးပါတယ်။
 
(၈) ချောကလက်မည်း
သံဓာတ်နဲ့ ဓာတ်တိုးဆန့်ကျင်ပစ္စည်းများ ပါဝင်ပြီး သင့်တင့်ရုံ စားပေးပါက အလုံးစုံကျန်းမာရေးကို ကောင်းမွန်စေပါတယ်။
 
(၉) ပဲစေ့များ
ပဲကြီး၊ ကုလားပဲတို့ဟာ သံဓာတ်ကြွယ်ဝတဲ့အပြင် အစာကြေခြင်း၊ ကိုလက်စ်ထရောလ် လျှော့ချပေးခြင်းတို့ ပေးစွမ်းနိုင်ပါတယ်။
 
(၁၀) နေကြာစေ့
သံဓာတ်၊ ဗိုက်တာမင်အီး၊ မဂ္ဂနီဆီယမ်တို့ ကြွယ်ဝကာ ဟေမိုဂလိုဘင်ပမာဏကို မြှင့်တင်ပေးပါတယ်။
 
အဆိုပါ သံဓာတ်ကြွယ်ဝတဲ့ အစားအစာတွေကို ဗိုက်တာမင်စီပါဝင်တဲ့ အစားအစာတွေနဲ့ တွဲဖက်စားသုံးပေးပါက သံဓာတ်စုပ်ယူခြင်းကို အားကောင်းစေသလို ညီညွတ်မျှတစွာ စားသုံးခြင်းဖြင့် အလုံးစုံကျန်းမာရေးကို အထောက်အကူ ဖြစ်စေပါတယ်။
Source: DoctorNDTV
#World_Health
#YMG #Yangon_Times #Yangon_Media_Group

Published_17 Nov 2023

ကယားပြည်နယ်အတွင်း ပို့ဆောင်မည့် လက်နက်၊ ခဲယမ်းများနှင့် ပို့ဆောင်သူများအား နိုဝင်ဘာလ ၁၆ ရက် ညပိုင်းတွင် ဖမ်းဆီးရမိခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

လက်နက်၊ ခဲယမ်းများ သယ်ယူပို့ဆောင်ပေးနေသူမှာ ပင်လုံမြို့၊ ပန်မုန့်အုပ်စု၊ လွယ်တပ် ကျေးရွာ၊ New Power စက်သုံးဆီဆိုင်ပိုင်ရှင် ခွန်သောင်းထွန်း ဆိုသူ ဖြစ်ကြောင်း ၊ယင်းဖမ်းဆီးရမိသူ ခွန်သောင်းထွန်း၏ ထွက်ဆိုချက်အရ ပင်လုံမြို့၊ ပန်မုန့် ကျေးရွာနေ ပေတူး(ခ)မာရီယာနို ၏နေအိမ်ခြံဝင်းအတွင်းရှိ ဂိုထောင်အ ဆောက်အဦ၌ ခွန်အောင်မင်း၊ ခွန်နေမျိုး၊ ကျော်ဇင်ထွန်း၊ ခွန်အောင်ကျော်မြင့်နှင့် ခွန်အောင်ကျော်တို့ ၅ ဦးတို့ အား KNPP အဖွဲ့နှင့် PDF များထံသို့ ပို့ဆောင်မည့် လက်နက်၊ ခဲယမ်းများနှင့် အတူ ထပ်မံ ဖမ်းမိခဲ့ကြောင်း သိရသည်။

ယင်းတို့နှင့်အတူ RPG ဒုံးပစ်လောင်ချာ ၁၂ လက်၊ တရုတ် စက်လတ် ၉ လက်၊ Type-81 မောင်းပြန်ရိုင်ဖယ် ၁၀၉ လက်၊ စုစုပေါင်းလက်နက်မျိုးစုံ ၁၃၀ လက်၊ RPG ဒုံးသီး ၁၀၆ လုံး၊ အီနာဂါ ဗုံးသီး ၆၁၀၀ လုံး၊ တရုတ်ကြိုးဆွဲ လက်ပစ်ဗုံး ၁၄၂၆ လုံး၊ စုစုပေါင်း ဗုံးသီးမျိုးစုံ ၇၆၃၂ လုံး၊ ၇.၆၂ ကျည် ၁၃၆၇၀ တောင့်၊ ၁၀၇ မမ စနက်အုံ ၁၀၀ ခု၊ လက်နက်ငယ်ပြောင်း အပို ၅၀၀ ချောင်း၊ ကျည်အိမ်မျိုးစုံ ၁၈၂၉ ခု၊ TNT ယမ်း ၉၅၀ ကီလိုဂရမ်၊ အမိုနီယမ် နိုက်ထရိတ် ၂၀၀ ကီလိုဂရမ်၊ Equipment ၂၀၀၀ စုံ၊ Canter အမျိုးအစား (လိုင်စင်မဲ့) (၆)ဘီးယာဉ် ၃ စီး၊ Ford အမျိုးအစား (လိုင်စင်မဲ့) မော်တော် ယာဉ် ၁ စီးနှင့် Vigo အမျိုးအစား(လိုင်စင်မဲ့) မော်တော်ယာဉ် ၁ စီးတို့ သိမ်းဆည်း ရမိခဲ့ကြောင်း သိရသည်။

ဖမ်းဆီးရမိတရားခံများ၏ ထွက်ဆိုချက်အရ ယနေ့ နိုဝင်ဘာလ ၁၇ ရက် နံနက်ပိုင်းတွင် ကယား ပြည်နယ် ဘက်သို့ လက်နက်၊ ခဲယမ်းများ အဓိကပို့ဆောင်ပေးနေသည့် ထွက်ပြေး တိမ်းရှောင်နေသူ တရားခံပြေး ပေတူး(ခ)မာရီယာနို ကို ထပ်မံဖမ်းဆီးရမိခဲ့ကြောင်း သိရသည်။

ဖမ်းဆီးရမိတရားခံ ခွန်သောင်းထွန်းနှင့် ပေတူး(ခ)မာရီယာနိုတို့၏ ထွက်ဆိုရာတွင် ယင်းလက်နက်ခဲ ယမ်းများ ကို ကယားပြည်နယ်ရှိ KNPP အဖွဲ့နှင့် PDF များ၏ စေခိုင်းမှုဖြင့် ပင်လုံမြို့နယ်၊ ကုန်းကျောင်း ကျေးရွာသို့ လာ ရောက်ပို့ဆောင်သည့် SSPP/SSA ယူနီဖောင်း ဝတ်ဆင်ထားသူ ၁၀ ဦးထံမှ (၄)ကြိမ်ခွဲ၍ သွားရောက်သယ်ယူ ခဲ့ကြောင်း၊ ယင်းနောက် နေအိမ်ခြံဝင်းအတွင်းရှိ ဂိုထောင်အ ဆောက်အဦတွင် စုစည်းထားကာ Canter ခြောက်ဘီးယာဉ်တို့ဖြင့် ကယားပြည်နယ်ဘက်သို့ ဆက်လက်ပို့ဆောင်ရန် စီစဉ် နေစဉ် ဖမ်းဆီးခံရခြင်းဖြစ် ကြောင်း သိရသည်။
Yangon_Times/PP
#YMG #Yangon_Times #Yangon_Media_Group

၁၇ နိုဝင်ဘာ ၂၀၂၃

Onlineလိမ်လည်မှု၊ကယားပြည်နယ် KNPP နဲ့ PDFတွေထံပို့မည့်လက်နက်၊များ ဖမ်းဆီးရမိမှု၊

၁၇-၁၁-၂၀၂၃ရက်နေ့ထိတွေ့တိုက်ပွဲများနှင့်ဘဏ် ကောလာဟလသတင်းများအပေါ် နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြောကြားချက်ကို မီဒီယာများသို့ ဖြန့်ဝေပေးခဲ့ပါတယ်။ အဆိုပါရှင်းလင်းပြောကြားချက်ကိူ မူရင်းအတိုင်းအပြည့်အစုံပြန်လည်ဖော်ပြပေးပါတယ်။

-ymg/knl

တောင်အာဖရိကမှာ ရင်းနှီးမြှုပ်နှံမှုများ ပိုမိုပြုလုပ်လာတဲ့ Ford ကုမ္ပဏီဟာ နောက်နှစ်မှာ စွမ်းအင်နှစ်မျိုးသုံး ရိန်းဂျားကားများကို ထုတ်လုပ်သွားမှာဖြစ်ပြီး တောင်အာဖရိကနိုင်ငံဟာလည်း လျှပ်စစ်မော်တော်ယာဥ် ထုတ်လုပ်ရာနေရာ ဖြစ်လာတော့မှာ ဖြစ်ပါတယ်။
#World_Industry
#Published_ 17 November 2023
#YMG #Yangon_Times #Yangon_Media_Group

#Daily_News
Published_ 17 November 2023

၁။ ပြတ်ရွေ့အသေး များစွာရှိသည့် ကျိုင်းတုံဧရိယာတွင် ငလျင်ပြင်းနှင့် ငလျင်ငယ်များ မကြာခဏလှုပ်၊ ယခုလှုပ်သည့် ငလျင်ပြင်းကြောင့် သစ်သားအိမ်များထိခိုက်ခဲ့

၂။ လမ်းပန်းဆက်သွယ်ရေး အခက်ခဲကြောင့် အခြေခံစားသောက်ကုန်အချို့ ဈေးမြင့်လာပြီး ရန်ကုန်ဈေးကွက်တွင် အရောင်းဝယ်ပုံမှန်သာရှိဟုဆို

၃။ ငပလီဆောင်းဦးပွဲတော် ယာယီရွှေ့ဆိုင်း

၄။ စွမ်းအင်နှစ်မျိုးသုံး ရိန်းဂျားကားများကို တောင်အာဖရိကရှိ စက်ရုံမှ Fordကုမ္ပဏီ ထုတ်လုပ်သွားမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

17 November 2023

ကမ္ဘာ့ဖလားဒုတိယအဆင့်ခြေစစ်ပွဲ ဒုတိယပွဲစဉ် အဖြစ်မြန်မာအသင်းသည်မြောက်ကိုရီးယား အသင်းနှင့် နိုဝင်ဘာ ၂၁ရက်တွင်ရန်ကုန်မြို့၊သုဝဏ္ဏ‌ဘောလုံးကွင်း၌ကျင်းပသွားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှသိရသည်။

မြန်မာအသင်းအနေဖြင့် မြောက်ကိုရီးယားအသင်းဆီကနေ အမှတ်ရအောင်ယူမည်ဟု မြန်မာလက်ရွေးစင်နည်းပြချုပ်က ဂျပန်နှင့်ပွဲစဉ်အပြီးသတင်းစာရှင်းလင်းပွဲတွင်ထည့်သွင်းပြောထားသည်။

မြန်မာ - မြောက်ကိုရီးယား ပွဲစဥ်အတွက် လက်မှတ်များကို အထူးတန်း ၅၀၀၀ ကျပ်၊ ရိုးရိုးတန်း ၂၀၀၀ ကျပ်ဖြင့် ရောင်းချသွားမည်ဖြစ်သည်ဟုဆိုသည်။

ယင်းပွဲစဥ်အတွက် လက်မှတ်များကို နိုဝင်ဘာ ၂၀ရက်တွင် နံနက် ၁၀နာရီမှ ညနေ ၄ နာရီအထိလည်းကောင်း ၊ နိုဝင်ဘာ ၂၁ရက်တွင် နံနက် ၁၀နာရီမှ နေ့လယ် ၂နာရီအထိ လည်းကောင်းမြန်မာနိုင်ငံ ဘောလုံး အဖွဲ့ချုပ်တွင် ဝယ်ယူနိုင်မည် ဖြစ်ကြောင်း၊

 ပွဲကျင်းပမည့်ရက် နိုဝင်ဘာ ၂၁ ရက် ၊ နေ့လယ် ၂နာရီမှ စတင်၍ အထူးတန်း လက်မှတ်များကိုသုဝဏ္ဏကွင်း (Gate-2) ၌ လည်းကောင်း၊ ရိုးရိုးတန်း လက်မှတ်များကို သုဝဏ္ဏကွင်း (Gate-8)၌ လည်း ကောင်း ဝယ်ယူနိုင်မည်ဖြစ်ကြောင်း ဖော်ပြထားသည်။

အဆိုပါပွဲစဉ်ကို sky netရုပ်သံလိုင်းမှလည်း တိုက်ရိုက်ထုတ်လွှင့်သွားမည်ဖြစ်ကြောင်း သိရသည်။
#Yangon_Times/tthl
#Local_News
#Published_ 17 November 2023
#YMG #Yangon_Times #Yangon_Media_Group

Published_17 Nov 2023

စစ်ရေး နှင့် လုံးဝသက်ဆိုင်ခြင်းမရှိဘဲ အတင်း အဓမ္မဖမ်းဆီး ချုပ်နှောင်ခံထားရသော ကယားပြည်နယ်၊ လွိုင်ကော်တက္ကသိုလ်မှ တက္ကသိုလ် ဆရာ၊ဆရာမများ၊ ပညာရေး ဆိုင်ရာ ဝန်ထမ်းများ၊ ကျောင်းသား၊ ကျောင်းသူများနှင့် ၎င်းတို့၏ မိသားစုဝင်များအား ထိခိုက်မှု မရှိစေဘဲ အမြန်ဆုံး ပြန်လွှတ်ပေးသွား ရန် နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ က ထုတ်ပြန်လိုက်သည်။

ယင်းထုတ်ပြန်ချက်တွင် နိုဝင်ဘာ ၁၃ ရက်နှင့် ၁၄ ရက်တို့တွင် စစ်ရေးနှင့်သက်ဆိုင်သောပစ်မှတ်မဟုတ်သည့် ကယားပြည်နယ်၊ လွိုင်ကော်တက္ကသိုလ်အား လက်နက်ကြီး၊ လက်နက်ငယ်များဖြင့် ရည်ရွယ်ချက်ရှိရှိ လာ ရောက် ပစ်ခတ်တိုက်ခိုက်ခဲ့ပြီး တက္ကသိုလ်တွင် လုံခြုံရေးတာဝန် ထမ်းဆောင်နေ သည့် လုံခြုံရေးအဖွဲ့များကိုလ ည်း သာလွန်အင်အားများဖြင့် အလစ်အငိုက် ဝင်ရောက် တိုက်ခိုက် စီးနင်းခဲ့ကြောင်း ဖော်ပြထားသည်။

KNPP အဖွဲ့နှင့် PDF အဖွဲ့များအနေဖြင့် တက္ကသိုလ်အတွင်းသို့ ရောက်ရှိစီးနင်းပြီးနောက် ပညာရေးဆိုင်ရာ အဆောက်အဦများကို ဖျက်ဆီးကာ တက္ကသိုလ် တွင် တာဝန်ထမ်းဆောင်လျက်ရှိသည့် ပါမောက္ခချုပ်အပါအဝင် ဆရာ၊ ဆရာမများ၊ ပညာရေးဆိုင်ရာဝန်ထမ်းများနှင့် ပညာသင်ကြားလျက်ရှိသည့် ကျောင်းသား၊ ကျောင်း သူများအား အတင်းအဓမ္မ ဖမ်းဆီးချုပ်နှောင်ထားရှိကြောင်း သိရှိရသဖြင့် ဆရာ၊ ဆရာမများနှင့် ကျောင်းသား၊ ကျောင်းသူများ ထိခိုက်ဒဏ်ရာရရှိမှုမရှိစေရေး၊ ဘေးကင်းလုံခြုံမှုရှိစေရေးအတွက် လုံခြုံရေးတပ်ဖွဲ့ဝင် များအနေဖြင့် အချိန်မီကယ် ထုတ်နိုင်ရေး လိုအပ်သည်များ ဆောင်ရွက်ခဲ့ရကြောင်း သိရသည်။

သို့သော်လည်း KNPP အဖွဲ့နှင့် PDF များအနေဖြင့် ပညာရေးဝန်ထမ်းများနှင့် ကျောင်းသား၊ ကျောင်းသူများကို လူသား တံတိုင်းအနေဖြင့် အကာအကွယ်ပြုတိုက်ခိုက်ခဲ့သဖြင့် လုံခြုံရေးတပ်ဖွဲ့ဝင်များအနေ ဖြင့် ပညာရေး ဆိုင်ရာဝန်ထမ်းများနှင့် ကျောင်းသား၊ ကျောင်းသူများ မလိုလားအပ်ဘဲ ထိခိုက်ဒဏ်ရာရရှိမှုမရှိစေရေး ထိန်း ထိန်း သိမ်းသိမ်းဆောင်ရွက်ခဲ့ရသောကြောင့် အချို့ကိုသာ ပြန်လည်ကယ်ထုတ်နိုင်ခဲ့ပြီး ပါမောက္ခချုပ်အပါအဝင် ဆရာ၊ ဆရာမများ၊ ပညာရေးဆိုင်ရာဝန်ထမ်းများနှင့် ကျောင်းသား၊ ကျောင်းသူအချို့တို့ မှာ KNPP အဖွဲ့နှင့် PDF အမည်ခံအကြမ်းဖက်အဖွဲ့များ၏ အတင်းအဓမ္မဖမ်းဆီးခေါ်ဆောင်သွား ခြင်းကိုခံခဲ့ရကြောင်း သိရသည်။

ထို့ပြင် KNPP အဖွဲ့နှင့် PDF အဖွဲ့များ အနေဖြင့် ဆရာ၊ ဆရာမ အချို့ကိုလည်း ရက်စက်စွာသတ်ဖြတ်ထားရှိခဲ့ ကြောင်း လည်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

KNPP အဖွဲ့နှင့် PDF အဖွဲ့များ၏ လုပ်ရပ်သည် စစ်ရေး နှင့်သက်ဆိုင်သော ပစ်မှတ်မဟုတ်ဘဲ နိုင်ငံ အတွက် အရေးကြီးသည့် ပညာရေးဆိုင်ရာ အဆောက်အဦများကို အကာအကွယ်ရယူပစ်ခတ်တိုက်ခိုက်ခဲ့ခြင်း၊ ဆရာ၊ ဆရာမများ၊ ပညာရေးဆိုင်ရာ ဝန်ထမ်းများနှင့် ကျောင်းသား၊ ကျောင်းသူများကို အသက်အန္တရာယ် ဇုံမှ ကင်းလွတ်အောင် ထွက်ခွာခွင့်ပြုရမည့်အစား အတင်းအဓမ္မဖမ်းဆီးချုပ်နှောင်၍ လူသားတံတိုင်း အဖြစ် အသုံးချခဲ့ခြင်း၊ ပညာရေးဆိုင်ရာဝန်ထမ်းများနှင့် ကျောင်းသား၊ ကျောင်းသူ အင်အား ရာဂဏန်းမျှရှိသည့် တက္ကသိုလ်ကို ရည်ရွယ်ချက်ရှိစွာဖြင့် ဦးတည် တိုက်ခိုက်ခဲ့ခြင်း၊ ပညာရေးဆိုင်ရာအဆောက်အဦများကို ဖျက်ဆီးခြင်း၊ အကာအကွယ် ရယူ တိုက်ခိုက်ခြင်းဖြစ်၍ ဂျီနီဗာကွန်ဗန်းရှင်း (၄) ရပ်၏ ဘုံအာတီကယ် (၃) နှင့် နောက် ဆက်တွဲစာချုပ် (၁)၏ အာတီကယ်(၅၂) တို့အရ စစ်ရာဇဝတ်မှု (War Crime) ကျူးလွန်ရာရောက်ပြီး ၎င်းအခြေခံသဘောတရားများသည် အပြည်ပြည်ဆိုင်ရာ ဓလေ့ထုံးတမ်းဥပဒေသဘောလည်း သက်ဝင်လျက်ရှိကြောင်း သိရသည်။

ထို့အပြင် ၂၀၂၁ ခုနှစ်၊ အောက်တိုဘာလ ၂၉ ရက်တွင် ကုလသမဂ္ဂလုံခြုံရေး ကောင်စီအဖွဲ့ဝင် ၁၅ နိုင်ငံတို့ သည် စာသင်ကျောင်းများ၊ ကလေးသူငယ်များနှင့် ဆရာ၊ ဆရာမ များအပေါ် ပစ်မှတ်ထား တိုက်ခိုက်ခြင်းကို ရှုတ်ချပြီး ပဋိပက္ခတွင် ပါဝင်သူ များအနေဖြင့် ပညာသင်ကြားခွင့် အခွင့်အရေးကို အကာအကွယ်ပေးရန် တိုက်တွန်းသည့် ဆုံးဖြတ်ချက်အမှတ် ၂၆၀၁(၂၀၂၁)အပေါ် တညီတညွတ်တည်း ချမှတ်ခဲ့ကြပြီးဖြစ်ကြောင်း သိရသည်။

ယင်းကြောင့် KNPP အဖွဲ့နှင့် PDF အဖွဲ့များ၏ ယခုလုပ်ရပ်သည် ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်အမှတ် ၂၆၀၁(၂၀၂၁) UN Security Council Resolution 2601(2021) – the protection of Education in armed conflict ကိုလည်း ချိုးဖောက်ရာ ရောက်ကြောင်းလည်း နစက သတင်းထုတ်ပြန်ရေးက ထုတ်ပြန်ထားသည်။
#Yangon_Times/PP
#Local_News
#Published_ 17 November 2023
#YMG #Yangon_Times #Yangon_Media_Group

ဈေးကစားသူများနှင့် ကောလဟာလများ ထုတ်လွင့်၍ ရွှေဈေးကို မြင့်တက်ရန် လုပ်သူများကိုလည်း အရေးယူဖေါ်ထုတ်သွားမည်ဟု ရန်ကုန်ရွှေအသင်းဆို

တာဝန်ရှိသူများက ရွှေဈေးကျရန် ညွှန်ကြားထားသည်၊ ရွှေဈေး ဖွင့်သူဘယ်သူလဲ ? ရွှေကိုဈေးဆွဲတင် ဆွဲချလုပ်ပြီးကစားသူ၊လမ်းကြောင်းလုပ်သူများအား ထိရောက်စွာ ဖေါ်ထုတ်အရေးယူသွားမည်။
#Yangon_Times/NN
#Local_News
#Published_ 17 November 2023
#YMG #Yangon_Times #Yangon_Media_Group

မူဆယ်တွင် ကုန်သွယ်ရေးလမ်းကြောင်းပြတ်နေ၊တရုတ်ဘက်မှ ဆန်ပြန်ဝယ်ရမည့်အခြေအနေဖြစ်လာ

‘မူဆယ်ဆန်စပါးကုန်စည်ဒိုင်အနေနဲ့ ဆန်စပါးရောင်းချတာ၊တင်ပို့တာတွေ ယာယီ ရပ်ဆိုင်းထားရပြီး ဒေသခံတွေကတော့ အရင်လက်ကျန်ဆန်စပါးရိက္ခာတွေကိုသာ စားသုံးနေရတယ်။တရုတ်ဘက်မှ ဆန်စပါး ပြန်ဝယ်ယူပြီး ဒေသခံတွေကို ပြန်ရောင်းချနိုင်ပါက အဆင်ပြေသွားနိုင်ခြေရှိတယ်’ မူဆယ်ဆန်စပါးကုန်စည်ဒိုင်မှ တာဝန်ရှိသူတစ်ဦး
#Yangon_Times/tthl
#Local_News
#Published_ 17 November 2023
#YMG #Yangon_Times #Yangon_Media_Group

Published_ 17 November 2023

ဒဂုံမြို့သစ်တောင်ပိုင်း၌ ဆောက်လုပ်ထားသည့်သုခဒဂုံအငှားအိမ်ရာ၌ နေထိုင်ခွင့်ရှိသူများကို အခန်း ၂,၀၀၀ စအပ်မည်ဖြစ်ပြီး ကျန်လျောက်ထားသူများအား ထပ်မံမဲနှိုက်ခွင့်ပြုမည် ဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဦးစီးဌာန(ရန်ကုန်)၏ပြောကြားချက်အရသိရသည်။

ပြီးခဲ့သည့် နိုဝင်ဘာလ ၁၃ ရက်နှင့်၁၄ ရက်နေ့များ၌ စိစစ်ရွေးချယ်ထားသည့် လျှောက်ထားသူ (၆,၂၈၇) ဦးကို နှစ်သုတ်ခွဲကာ မဲနှိုက်စေခဲ့ပြီး ငှားရမ်းနေထိုင်ခွင့်ရရှိသူ ၂၀၀၀ ခန့် ထွက်ပေါ်လာခဲ့ကြောင်းသိရသည်။

'ပထမအသုတ်နဲ့ဒုတိယအသုတ်မဲပေါက်ပြီး ငှားရမ်းခွင့်ရှိသူတွေအားလုံးဟာ ဒီဇင်ဘာနဲ့ဇန်နဝါရီလတွေထဲမှာ နေထိုင်ခွင့်ပြုသွားမှာပါ၊အခု ကျန်နေတဲ့ ၄၀၀၀ ကျော်ရယ်။

လျှောက်လွှာထပ်ရောင်းရင် တက်လာမယ့် အုပ်စုရှိမယ်။ အဲ့အုပ်စုနှစ်ခုပေါင်းပြီး မဲနှိုက်ခွင့်ပြုသွားမယ်' ဟု အိမ်ရာဖွံ့ဖြိုးရေးဦးစီးဌာန(ရန်ကုန်)မှ တာဝန်ရှိသူ တစ်ဉီးက ပြောသည်။

ကနဦးအနေဖြင့် နိုဝင်ဘာ ၁၃ ရက်နေ့၌ မဲနှိုက်သည့် ပထမအုပ်စုမှ အဖွဲ့ အားလုံးသည် ဒီဇင်ဘာလ ၁ ရက်မှာ နေခွင့်ရရှိမည်ဖြစ်ပြီးနိုဝင်ဘာ ၁၄ ရက်နေ့၌ မဲနှိုက်သည့် ဒုတိယအုပ်စုမှ အဖွဲ့ အားလုံးသည်၂၀၂၄ ခုနှစ် ဇန်နဝါရီလပိုင်းမှာ နေထိုင်ခွင့်ရရှိမည်ဖြစ်ကြောင်းသိရသည်။

ထို့အပြင် အငှားအိမ်ရာများနေထိုင်ခွင့်အတွက် လျှောက်ထားသူ ၆၂၀၀ ကျော်မှ ဦးရေ ၂၀၀၀ ခန့်သာ စတင် ငှားရမ်းခွင့်ပြုထားခြင်းဖြစ်ကာ ကျန်ရှိသည့် လျှောက်ထားသူ ၄၀၀၀ ကျော်အတွက် ထပ်မံပြီးစီးမည့် အငှားတိုက် ၇၁ လုံးအတွက် ထပ်မံလျှောက်ထားခွင့်ပြုသွားမည်ဖြစ်ကြောင်းသိရသည်။

သုခဒဂုံပြည်သူ့အငှားအိမ်ရာစီမံကိန်းကို ၂၀၂၀ ခုနှစ်မှ စတင်အကောင်အထည်ဖော်ခဲ့ပြီး လေးခန်းတွဲ ငါးထပ်အဆောက်အအုံတြွေဖစ်ကာ အခန်းပေါင်း ၄၃၅၂ ခန်း ပါဝင်ကြောင်း သိရသည်။
#Yangon_Times/NN
#Local_News
#Published_ 17 November 2023
#YMG #Yangon_Times #Yangon_Media_Group