#Local_News
Published_12 June 2023

ပြည်တွင်း စားသုံးဆီစျေးနူန်းများ ဆက်တိုက်ဆိုသလို စျေးနူန်းကျဆင်းနေပြီး စားသုံးဆီ တင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ဇွန်လ ၁၂ ရက်နေ့က နေ ၁၈ ရက်နေ့အထိ ရည်ညွှန်းသတ်မှတ်စျေးမှာ တစ်ပိဿာကို ၁၇၅၀ ကျပ်သတ်မှတ်ထားတယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားပါတယ်။

#Local_News #စားသုံးဆီစျေးဆက်တိုက်ကျဆင်း #လက္ကားရည်ညွှန်စျေး၁၇၅၀စျေးရှိ
#YMG #Yangon_Media_Group

#Local_News
Published_ 12 June 2023

မြန်မာ့ကော်ဖီကို နိုင်ငံပေါင်း ၁၄နိုင်ငံသို့တင်ပို့နေပြီး ဂျပန်အပါအ၀င်  ၄နိုင်ငံက သွင်းကုန်ခွင့်ကောက်ခံခြင်းအပေါ် သုညရာခိုင်နှုန်းသတ်မှတ်၍ အခွန်ကင်းလွတ်ခွင့် ပြုထားကြောင်း မြန်မာ့ကုန်သွယ်မှုမြှင့်တင်ရေးအဖွဲ့(MTPO) မှ သိရသည်။

ဂျပန်၊ တရုတ်၊ ဆော်ဒီအာရေးဗျ၊ ယူအေအီ နိုင်ငံ ၄နိုင်ငံက မြန်မာ့ကော်ဖီတင်သွင်းမှုအ တွက် အခွန်ကင်းလွတ်ခွင့်ပြုထားခြင်းဖြစ်ကြောင်းသိရသည်။

လက်ရှိတွင်မြန်မာ့ကော်ဖီကို အမေရိကန်၊ ဥရောပနှင့်အာရှဒေသရှိ နိုင်ငံပေါင်း(၁၄)နိုင် ငံသို့တင်ပို့ရောင်းချနေရပြီးစျေးကွက်သစ်များထပ်မံရှာဖွေ၍ တိုးမြှင့်တင်ပို့ကြရန်စီးပွား ရေးနှင့်ကူးသန်းရောင်း၀ယ်ရေး၀န်ကြီးဌာနကတိုက်တွန်းထားကြောင်းလည်းသိရသည်။

မြန်မာ့ကော်ဖီကို ပင်လယ်ရေကြောင်းမှ အမေရိကန်၊ ကနေဒါ၊ အီးယူ၊ ဂျပန်နှင့်ကိုးရီး ယားနိုင်ငံသို့တင်ပို့နေပြီးနယ်စပ်လမ်းကြောင်းမှတစ်ဆင့် တရုတ်နိုင်ငံနှင့် ထိုင်းနိုင်ငံသို့ ရောင်းချနေကြောင်းသိရသည်။

လက်ရှိတွင် တစ်နိုင်ငံလုံးအတိုင်းအတာနှင့်ကော်ဖီစိုက်ဧက ၅သောင်းခန့်ရှိပြီး အထူးတန်း၀င် အမျိုးအစားကော်ဖီစေ့ တစ်တန်ပေါက်စျေး ကန်ဒေါ်လာ(၇၅၀၀) ခန့်ရှိပြီး ပုံမှန်စျေးကွက်၀င် ကော်ဖီအမျိုးအစားက တစ်တန်လျှင် ကန်ဒေါ်လာ (၃၀၀၀)မှ (၄၅၀၀) ကြားစျေးရရှိကြောင်းသိရသည်။
#ymg/BM
#YMG #Yangon_Media_Group

#Local_News
Published_ 12 June2023

ကိုရီးယားနိုင်ငံတွင် မြန်မာစိုက်ပျိုးရေးလုပ်သားတစ်ဦးတစ်ညလုံး ပန်ကာဖွင့်အိပ်ရာမှ သေဆုံးသွားခဲ့ကြောင်းတောင်ကိုရီးယားရောက် မြန်မာလုပ်သားများကို ကူညီပေးနေသည့် ကိုဇော်မိုးအောင်(ကိုရီးယား)ထံမှ သိရသည်။

အိပ်နေရင်း သေဆုံးသွားခဲ့သူ မှာ ကိုရီးယားနိုင်ငံ ဂယောင်နမ်ပြည်နယ် ချန်းဝမ်မြို့ ချန်းညောင်းမြို့နယ် ဂျန်းမာရပ်ကွက်ရှိ နေအိမ်တွင် နေထိုင်သည့် အသက် ၃၃ နှစ်အရွယ် ကိုသူရဖြိုး ဆိုသူဖြစ်ပြီး ဇွန်လ ၁၀ ရက် နံနက်ပိုင်းက သိခဲ့ရခြင်း ဖြစ်ကြောင်း သိရသည်။

“ကိုသူရဖြိုးဟာ တစ်ညလုံး ပန်ကာဖွင့် အိပ်ခဲ့ပြီးတော့မနက်ပိုင်း ထမလာမှ အလုပ် အတူလုပ်နေတဲ့ မြန်မာ လုပ်သား သူငယ်ချင်းက သွားနိုးတဲ့အခါ အသက် မရှိတော့တာကြောင့် အလုပ်ရှင်ကို အကြောင်းကြားခဲ့ပါတယ်”ဟု ကိုဇော်မိုးအောင် က ယင်း၏ လူမှုကွန်ရက်တွင် ရေးသားထားသည်။

အဆိုပါ သေဆုံးသွားသော ကိုသူရဖြိုး မှာ ၁၁ နှစ်အရွယ် သမီးငယ်တစ်ဦး ၏ ဖခင်ဖြစ်ကာ ပဲခူးတိုင်းဒေသကြီး၊ ပဲခူးမြို့ ကျောက်တံခါးမြို့နယ် အင်းပတ်လည်အုပ်စု ကြို့ကုန်းရွာ၌ နေထိုင်သူဖြစ်ကြောင်း၊ ကိုရီးယားနိုင်ငံသို့ ဒုတိယ အကြိမ် ပြန်လည်ရောက်ရှိလာသူဖြစ်ကာ ၄ လခန့်သာ ရှိသေးကြောင်း၊ မှို စိုက်ပျိုးရေးခြံတွင် အလုပ်လုပ်ကိုင်နေခြင်းဖြစ်ကြောင်းသိရသည်။

#ymg/BM
#Local_News #ကိုရီးယား #မြန်မာလုပ်သားတစ်ဦးတစ်ညလုံးပန်ကာဖွင့်အိပ်နေစဉ်သေဆုံး
#YMG #Yangon_Media_Group

#World_Politics
Published_ 12 June 2023

ဆော်ဒီအာရေးဗီးယားက တရုတ်နဲ့ ပြိုင်ဆိုင်မှုမပြုဘဲ ပူးပေါင်းရန်ဆန္ဒရှိကြောင်း စွမ်းအင်ဝန်ကြီးက တနင်္ဂနွေနေ့က ကြေညာလိုက်ကာ သူတို့နှစ်နိုင်ငံဆက်ဆံရေးတိုးတက်လာခြင်းအပေါ် အနောက်နိုင်ငံသံသယရှိလာတာကို လျစ်လျူရှုထားကြောင်း ပြောကြားခဲ့ပါတယ်။

ကမ္ဘာ့ထိပ်သီးရေနံတင်ပို့ရာ ဆော်ဒီအာရေးဗီးယားနဲ့ ကမ္ဘာ့စွမ်းအင်အများဆုံးသုံးစွဲရာ တရုတ်နိုင်ငံတို့ရဲ့ နှစ်နိုင်ငံဆက်ဆံရေးမှာ ဟိုက်ဒရိုကာဗွန်ကဏ္ဍဖြင့် အခြေပြုတည်ဆောက်ထားပါတယ်။

အမေရိကန်ဘက်က စိုးရိမ်ပူပန်နေရတဲ့ နိုင်ငံရေးဆက်ဆံမှုများကြား တရုတ်နဲ့ဆော်ဒီတို့ဟာ လုံခြုံရေးနဲ့ နည်းပညာပိုင်းတို့မှာလည်း ပိုမိုပူးပေါင်းဆောင်ရွက်လာပါတယ်။

အာရပ်-တရုတ်စီးပွားရေးအစည်းအဝေးပွဲအတွင်း နှစ်နိုင်ငံဆက်ဆံရေးအပေါ် ဝေဖန်မှုများနဲ့ပတ်သက်ပြီး မေးမြန်းရာမှာ မင်းသား'အက်ဘ်ဒူလာဇစ်ဘင်ဆယ်လ်မန်'က "ကျွန်တော်က စီးပွားရေးသမားဖြစ်တဲ့အတွက် အခွင့်အလမ်းပေါ်လာရင် လျှောက်သွားမှာဖြစ်ပြီး ဒါတွေကိုလျစ်လျူရှုထားပါတယ်" လို့ ပြောပြသွားပါတယ်။

အမေရိကန်နိုင်ငံခြားရေးဝန်ကြီး 'အန်တိုနီဘလင်ကန်'ခရီးစဉ်လာရောက်ပြီး ရက်ပိုင်းအတွင်းမှာပဲ တရုတ်စွန့်ဦးတီထွင်သူများနဲ့ ရင်းနှီးမြှုပ်နှံသူတွေက ဆော်ဒီမှာ အစည်းအဝေးတက်ရောက်ဖို့ ရောက်ရှိလာကြပါတယ်။

မတ်လက နိုင်ငံပိုင်ရေနံကုမ္ပဏီ Saudi Aramco က တရုတ်မှာ ဒေါ်လာဘီလီယံပေါင်းများစွာ ရင်းနှီးမြှုပ်နှံမှုကို မြှင့်တင်ရန်နဲ့ တရုတ်နိုင်ငံအတွက် ထိပ်တန်းရေနံထောက်ပံ့သူအဖြစ် ဆက်လက်မြှင့်တင်ရန် အဓိကသဘောတူညီချက်နှစ်ခုကို ကြေညာခဲ့ပါတယ်။

တရုတ်သမ္မတ'ရှီကျင့်ဖင်'က ဒီဇင်ဘာလတုန်းက ဆော်ဒီအာရေးဗီးယားသို့ လာရောက်ကာ ဒေါ်လာလွှမ်းမိုးမှုအားနည်းသွားစေရန် ရေနံရောင်းဝယ်ရေးမှာ ယွမ်ငွေဖြင့်ပြုလုပ်ဖို့ ပြောကြားခဲ့ကြပါတယ်။

ရေနံမဟုတ်တဲ့စီးပွားရေးကဏ္ဍများဆီသို့ ကွဲပြားနေတာကြောင့် ဘယ်လိုသဘောတူညီချက်ပဲဖြစ်ဖြစ် ပေါ်ထွန်းလာတဲ့ ပင်လယ်ကွေ့စက်မှုလုပ်ငန်းများကို ကာကွယ်ပေးနိုင်ရမှာဖြစ်ကြောင်း ဆော်ဒီရင်းနှီးမြှုပ်နှံရေးဝန်ကြီး'ခါလိအယ်ဖာလစ်'က ပြောပြခဲ့ပါတယ်။

"ကျွန်တော်တို့စက်မှုလုပ်ငန်းများကို တင်ပို့စွမ်းဆောင်နိုင်စေရန် လိုအပ်ပါတယ်။

ဒါကြောင့် လွတ်လပ်စွာ ကုန်သွယ်ရေးသဘောတူညီချက်များအတွက် ညှိနှိုင်းနေတဲ့နိုင်ငံများအားလုံးဟာ အသစ်ပေါ်ပေါက်လာတဲ့ စက်မှုလုပ်ငန်းများကို အကာအကွယ်ပေးရန် လိုအပ်ကြောင်း သိထားဖို့မျှော်လင့်ပါတယ်" လို့ ပြောကြားသွားပါတယ်။
Source: Reuters
#World_Politics #ဆော်ဒီအာရေးဗီးယား #အနောက်အုပ်စု၏စိုးရိမ်ပူပန်မှု #တရုတ်နှင့်ပူးပေါင်းမည်
#YMG #Yangon_Media_Group

#Local_News
Published_12 June 2023

ရန်ကုန်တိုင်းဒေသကြီး၊မင်္ဂလာဒုံစမ်းကြီးဝကွင်း ပုံစံ-၃ မြေပေါ် စိုက်ပျိုးထားသောစပါးများကို လယ်သမားများ ရိတ်သိမ်းလိုနေကြကြောင်း အဆိုပါ လယ်သမားများက ပြောသည်။

တပ်မတော်မှ ပြန်လည်စွန့်လွှတ်ထားပြီးဖြစ်သည့် မင်္ဂလာဒုံမြို့နယ် စမ်းကြီးဝကွင်း (State Land) ရှိ မြေဧရိယာ (၇၀၉ ဒသမ ၁၄) ဧက မှာ စမ်းကြီးဝရပ်ကွက် ပေါက်ကုန်းရပ်ကွက်နှင့် သင်္ဃန်းကျွန်းကြီးကျေးရွာအုပ်စု အုပ်ချုပ်မှုဧရိယာအတွင်း တည်ရှိခြင်း ဖြစ်သည်။

ပြီးခဲ့သည့် အစိုးရလက်ထက်တွင် မင်းကင်းမြို့နယ် ပြည်သူ့လွှတ်တော်ကိုယ်စားလှယ် ဦးမောင်မြင့်က ရန်ကုန်တိုင်းအတွင်းရှိ သိမ်းဆည်းခံလယ်ယာမြေများနှင့် ပက်သက်၍ မေးခွန်းမေးမြန်းခဲ့စဉ်တွင် စမ်းကြီး၀ ကွင်းနှင့်ပတ်သက်၍လည်းထည့်သွင်းမေးမြန်းခဲ့ရာ စမ်းကြီးဝကွင်း မြေဧက ၇၀၉ ဒသမ ၁၄ ဧကကို ကာကွယ်ရေးဝန်ကြီးဌာနသို့ ၁၉၉၇ ခုနှစ်တွင် လွှဲပြောင်းပေးခဲ့ကြောင်း ၊တပ်မတော်မှ အသုံးမလိုတော့သည့် အတွက် ပြန်လည်အပ်နှံခဲ့ရာ ပြည်ထဲရေးဝန်ကြီးဌာနမှ ၂၀၁၅ ခုနှစ်ဇွန်လ ၂၃ ရက်ရက်စွဲဖြင့် နိုင်ငံတော်မှစီမံခန့်ခွဲခွင့်ရှိသည့် State Land အဖြစ် သတ်မှတ်ခဲ့ကြောင်း မေးခွန်းအပေါ် ပြည်ထောင်စု အစိုးရအဖွဲ့ရုံးမှ ပြန်ကြားခဲ့ခြင်း ဖြစ်သည်။

အဆိုပါ မြေဧရိယာ ၇၀၉ ဒသမ ၁၄ ဧက အနက် ၉၂ ဒသမ ၆၀ ဧကကို တောင်သူ ၁၈ ဦးအား ၂၀၁၆ ခုနှစ် ဖေဖော်ဝါရီလ ၁၈ ရက်တွင် ယာယီလုပ်ကိုင်ခွင့်ပုံစံ ၃ ကို ပေးအပ်ထားခဲ့ကာ ကျန် လယ်သမားများအားလည်း ရန်ကုန်မြို့တော်စည်ပင်သာယာရေးကော်မတီ စီစစ်ရေး အဖွဲ့မှ အတည်ပြုနိုင်ရန် စိစစ်မှုများ အကြိမ်ကြိမ်ဆောင်ရွက်ခဲ့ကြောင်းလည်း သိရသည်။

ယခုအခါ မင်္ဂလာဒုံမြို့နယ်အုပ်ချုပ်ရေးအဖွဲ့က အဆိုပါ တပ်မတော်မှ ပြန်လည်စွန့်လွှတ်ထားပြီးဖြစ်သည့် State Land အဖြစ်သတ်မှတ်ထားပြီး စမ်းကြီးဝကွင်း မြေအကျယ် ၇၀၉ ဒသမ ၁၄ ဧက ပေါ် လယ်ယာမြေလုပ်ကိုင်ခွင့်လက်မှတ် သတ်မှတ်ပုံစံ (၃) ရရှိထားခြင်း မရှိသေးသူများက လယ်ယာမြေများကိုအဆင့်ဆင့် လက်လွှဲရောင်းချခြင်း၊ ခွင့်ပြုချက်မဲ့ အဆောက်အအုံများ ဆောက်လုပ်ခြင်း၊ ဆိုလာလုပ်ငန်းဆောင်ရွက်ခြင်းနှင့် စိုက်ပျိုးမွေးမြူရေးလုပ်ငန်းများ လုပ်ကိုင်လျက်ရှိသည်ဆိုကာ ယင်းတို့ကို ဇွန်လ ၆ ရက် နောက်ဆုံးထား ဖယ်ရှားပေးရန် အကြောင်းကြားခဲ့ခြင်း ဖြစ်သည်။

ယင်းသို့ လယ်သမားများထံ အကြောင်းကြားခဲ့ပြီးနောက် ဇွန်လ ၇ ရက် နံနက်ပိုင်းက မင်္ဂလာဒုံမြို့နယ်အုပ်ချုပ်ရေးအဖွဲ့အနေဖြင့် လာရောက် ဖယ်ရှားရှင်းလင်းမှုများကို ပြုလုပ်ခဲ့ကြောင်း ၊ယင်းသို့ ဖယ်ရှားရာတွင် ပုံစံ(၃) ရထားသူများ၏ လယ်တဲများ၊ ဂိုထောင်များပါ ဖယ်ရှားခံခဲ့ကြရခြင်း ဖြစ်ကြောင်းသိရသည်။

အထက်ပါအတိုင်း ဖယ်ရှားရှင်းလင်းခံရသော ပုံစံ(၃)လက်ဝယ်ရှိပြီး လက်ရှိလယ်စိုက်နေသူလယ်သမားများက ၎င်းတို့ စိုက်ပျိုးထားသည့် စပါးများနှင့်ပတ်သက်၍ ရိတ်သိမ်းနိုင်ရန် ရန်ကုန်တိုင်းဒေသကြီးအစိုးရအဖွဲ့ဝန်ကြီးချုပ်ထံသို့ မေလနောက်ဆုံးပတ်ကအသနားခံစာတင်ပြထားခဲ့ကြောင်းလည်း သိရသည်။
ymg/BM
#YMG #Yangon_Media_Group

#Local_News
Published_ 12 June 2023

ရန်ကုန်တိုင်းဒေသကြီး ၊ မရမ်းကုန်း‌မြို့နယ်နှင့် လှိုင်မြို့နယ် ကြား ၊ ပါရမီလမ်းပေါ်တွင် ဇါန်လ ၁၁ ရက် ည က အိမ်စီးကား ၂ စီးတိုက်မိခဲ့သောကြောင့် လူသုံးဦး ဒဏ်ရာရသွားကြောင်း သိရသည်။

တိုက်မိသော ကားအမျိုးအစားများမှာ Parado နှင့် Salon Q အမျိုးအစားများဖြစ်ပြီး ကွေ့ကြောမှ မောင်းလာသော ကားနှင့် တည့်တည့်ယာဉ်ကြောမှ မောင်းလာသော ကားတို့ တိုက်မိကြခြင်း ဖြစ်ကြောင်း သိရသည်။

အဆိုပါ ကားတိုက်မှုကြောင့် Salon Q ကားပေါ်ပါ အမျိုးသားတစ်ဦးနှင့် အမျိုးသမီး တစ်ဦး ပြင်းထန်ဒဏ်ရာများရရှိခဲ့ကာ Parado ကားပေါ်မှ အမျိုးသားတစ်ဦး ထိခိုက်ဒဏ်ရာ အနည်းငယ် ရရှိခဲ့ကြောင်း သိရသည်.

"ပါရမီလမ်းနဲ့ပြည်လမ်းထောင့်၊မင်းလမ်းမုန့်တီဆိုင်အရှေ့မှာဖြစ်တာပါ။ ပွန်းပဲ့ဒဏ်ရာရပြီး သတိလစ်တဲ့ အမျိုးသမီးတစ်ယောက်ကို ရန်ကုန်ပြည်သူ့ဆေးရုံကြီးကို ပို့ဆောင်ကူညီပေးခဲ့ပါတယ်"ဟု မာဃရိပ်ငြိမ် လူမှုကူညီရေးအသင်း၏တာဝန်ရှိသူကပြောသည်။

အခင်းဖြစ်ပွားရာနေရာသို့ လူမှုကူညီရေးအသင်းများက သွားရောက်ကူညီကယ်ဆယ်ရေးလုပ်ဆောင်ခဲ့ကာ ထိခိုက်ဒဏ်ရာရရှိထားသည့် သူများအား မာဃရိပ်ငြိမ် လူမှုကူညီရေးအသင်း၊ မေတ္တာသီတာရေစင် လူမှုကူညီရေးအသင်းမှ သူနာတင်ယာဉ်များဖြင့် ရန်ကုန်ဆေးရုံကြီး အရေးပေါ်ကုသဌာနသို့ ပို့ဆောင်ခဲ့ကြောင်း သိရသည်။

ymg/BM
#YMG #Yangon_Media_Group

#World_Science
Published 12 June 2023

အာကာသယာဉ်မှူးတွေ အာကာသဆီသွားနေတာ ဆယ်စုနှစ်တွေကြာလာပြီဖြစ်ပြီး နောက်ထပ်လည်း လဂြိုဟ်နဲ့ မားစ်ဂြိုဟ်တို့ဆီထပ်လွှတ်ဖို့ စီစဉ်နေကြပါတယ်။

ဆွဲငင်အားမရှိတဲ့နေရာကို အာကာသယာဉ်မှူးတွေသွားတဲ့အခါ ဦးနှောက်မှာဘာဖြစ်လဲဆိုတာကို လေ့လာခဲ့ကြပါတယ်။

နိုင်ငံတကာအာကာသစခန်း (ISS) သို့မဟုတ် NASA အာကာသလွန်းပျံယာဉ်မှာ အနည်းဆုံး ၆ လကြာ တာဝန်ထမ်းဆောင်ခဲ့တဲ့ အာကာသယာဉ်မှူးတွေမှာ ဦးနှောက်အမြှေးပါးအရည်များပါဝင်တဲ့ ဦးနှောက်အလယ်မှာ အရည်အိတ်အခန်းများ သိသိသာသာချဲ့ထွင်လာတာကို တွေ့ရှိခဲ့ပါတယ်။

အဆိုပါ အရောင်အဆင်းမရှိတဲ့အရည်တွေဟာ ဦးနှောက်နဲ့ ကျောရိုးတဝိုက်မှာ စီးဆင်းနေပြီး ရုတ်တရက်ထိခိုက်မှုများမှ ကာကွယ်ခြင်း၊ စွန့်ပစ်ပစ္စည်းများဖယ်ရှားခြင်းတို့ ပြုလုပ်ပေးပါတယ်။

အာကာသမှာ အချိန်ကြာကြာတာဝန်ထမ်းဆောင်တဲ့သူတွေမှာ ညာခြမ်းနဲ့ တတိယအခန်းတို့က အတော်လေးချဲ့ထွင်လာကြကြောင်း Scientific Reports ဂျာနယ်မှာ ဖော်ပြခဲ့ပါတယ်။

အာကာသမှာ အချိန်ကြာကြာနေလေလေ ဦးနှောက်အရည်အိတ်အခန်းတွေ ပိုကျယ်လာလေဖြစ်ပြီး အပြည့်အဝပြန်ကောင်းဖို့အတွက် အချိန် ၃ နှစ်လောက်ယူရကြောင်း စာတမ်းပြုစုသူ'ရေချယ်ဆစ်ဒ်လာ'က ပြောကြားခဲ့ပါတယ်။

အာကာသယာဉ်မှူးအယောက် ၃၀ မှာ ၈ ယောက်က ၂ ပတ်၊ ၁၈ ယောက်က ၆ လ၊ ၄ ယောက်က တစ်နှစ်ခန့် အာကာသသို့စေလွှတ်ကာ ဆန်းစစ်ခဲ့ပါတယ်။

၂ ပတ်သာကြာတဲ့အချိန်မှာ သိသိသာသာပြောင်းလဲခြင်းမျိုးမရှိဘဲ ၆ လကြာတဲ့အခါမှာတော့ အတော်လေးကွာခြားသွားပါတယ်။

အဆိုပါအရည်အိတ်အခန်းတွေ ကျယ်လာတာဟာ အာကာသယာဉ်မှူးတွေမှာ နောက်ဆက်တွဲကျန်းမာရေး ဘယ်လောက်ထိခိုက်လဲဆိုတာကို သိရဖို့လိုအပ်နေပြီး ဒီလိုအရည်အိတ်အခန်းတွေကြီးမားလာတာက ဘေးနားရှိ ဦးနှောက်တစ်ရှူးတွေကို ဖိထားနိုင်ဖွယ်ရှိပါတယ်။

ကမ္ဘာမြေမှာဆိုရင် ဆွဲငင်အားကြောင့် သွေးတွေခြေထောက်မှာ အိုင်မနေစေရန် သွေးကြောစနစ်တွေမှာ အဆို့ရှင်တွေရှိပေမယ့် ဆွဲငင်အားမရှိတဲ့နေရာမှာတော့ ပြောင်းပြန်ဖြစ်သွားပြီး အရည်တွေက ဦးခေါင်းမှာစုပြုံလာကာ အရည်အိတ်အခန်းတွေ ပိုကျယ်လာတာဖြစ်နိုင်ပါတယ်။

ဒါပေမဲ့ ၆ လကျော်နေထိုင်တဲ့အခါ နောက်ထပ်ကျယ်လာတာမျိုးမရှိတော့တာကြောင့် ၂ နှစ်လောက်ကြာနိုင်တဲ့ မားစ်ဂြိုဟ်ခရီးစဉ်တွေအတွက်တော့ သတင်းကောင်းလို့ ဆိုရမလိုပါပဲ။

Source: India Today #World_Science #ဦးနှောက်တွင် ထူးခြားသောပြောင်းလဲမှု
#YMG #Yangon_Media_Group

#World_Health
Published 12 June 2023

သွေးနီဥထုတ်လုပ်ခြင်း၊ DNA ထုတ်လုပ်ခြင်း၊ အာရုံကြောဆဲလ်များလုပ်ဆောင်ချက်များအတွက် ဗိုက်တာမင်-ဘီ၁၂ က မရှိမဖြစ်အရေးကြီးပါတယ်။

ထိုဗိုက်တာမင် လုံလောက်စွာမရတဲ့အခါ ခန္ဓာကိုယ်မှာ ဖြစ်ပေါ်နိုင်တဲ့ကျန်းမာရေး ပြဿနာများက..

- ပင်ပန်းနွမ်းနယ်ခြင်း - ခန္ဓာကိုယ်ထဲမှာ အောက်ဆီဂျင်ကိုသယ်ဆောင်ပေးတဲ့ သွေးနီဥများထုတ်လုပ်ရာမှာ ဘီ၁၂ က လိုအပ်တာကြောင့် ချို့တဲ့တဲ့အခါ ပင်ပန်းခြင်းနဲ့ အားနည်းခြင်းတို့ဖြစ်ပေါ်စေပါတယ်။

- ခြေလက်တွေမှာ သွေးလည်ပတ်မှုလျော့နည်းစေပါတယ်။

- စဉ်းစားတွေးခေါ်ခြင်း၊ မှတ်ဉာဏ်ပိုင်းတို့မှာ ချို့ယွင်းလာပြီး စိတ်ဓာတ်ကျခြင်းကိုပင် ဖြစ်စေနိုင်ပါတယ်။

- သွေးအားနည်းခြင်းဖြစ်ပေါ်နိုင်ကာ အရေပြားက ဖြူဖျော့ပြီး အဝါရောင်သမ်းလာပါတယ်။

- လျှာမှာ ရောင်ရမ်းနာကျင်ခြင်းဖြစ်ပေါ်စေပြီး ပါးစပ်အနာများဖြစ်ပေါ်စေနိုင်ပါတယ်။

- ဝမ်းချုပ်ခြင်း၊ ဝမ်းလျှောခြင်း၊ စားချင်စိတ်လျော့နည်းခြင်းစတဲ့ အစာချေပြဿနာများ ပေါ်ပေါက်လာပါတယ်။

ဘီ၁၂ ကို အသားမှာတွေ့ရတာကြောင့် သက်သက်လွတ်စားသုံးသူများမှာ ဘီ၁၂ ချို့တဲ့ခြင်းဖြစ်ပေါ်နိုင်ပါတယ်။

အသက်အရွယ်ကြီးလာတဲ့အခါမှာလည်း ခန္ဓာကိုယ်က ဘီ၁၂ လိုအာဟာရဓာတ်တွေကို စုပ်ယူနိုင်စွမ်းလျော့ကျလာပါတယ်။

အချို့သောဆေးဝါးတွေဟာလည်း ဘီ၁၂ ချို့တဲ့ခြင်းကို ဖြစ်စေနိုင်ပါတယ်။

အသား၊ ငါး၊ ကြက်သား၊ ကြက်ဥ၊ နို့ထွက်ပစ္စည်းများစားသုံးပေးသင့်ပြီး သက်သက်လွတ်သမားဆိုရင်တော့ ဘီ၁၂ ချို့တဲ့နိုင်ချေများပါတယ်။

သက်သက်လွတ်စားသုံးသူတွေအတွက်တော့ ဘီ၁၂ ဖြည့်စွက်အားဆေးသောက်သုံးခြင်းက အသင့်တော်ဆုံးဖြစ်ပါတယ်။

ဘီ၁၂ စုပ်ယူမှုအားကောင်းစေရန် ဇီဝပိုးသတ်ဆေး၊ အစာချေအင်ဇိုင်း၊ ဟိုက်ဒရိုကလိုရစ်အက်ဆစ်တို့ဖြင့် ပံ့ပိုးသင့်ပါတယ်။

အရက်အလွန်အကျွံသောက်ခြင်းကလည်း ဘီ၁၂ စုပ်ယူမှုကို ချို့ယွင်းစေနိုင်ပါတယ်။

Source: The Jerusalem Post #World_Health #ဗိုက်တာမင်- ဘီ ၁၂ ချို့တဲ့ခြင်း
#YMG #Yangon_Media_Group

Published 11 June 2023

တရုတ်နိုင်ငံရဲ့ ၂၀၂၃ခုနှစ် နဂါးလှေလှော်ပြိုင်ပွဲ ပထမအဆင့် ကို ဇွန်လ ၁၁ရက်နေ့က ကျန်စူးပြည်နယ် အရှေ့ပိုင်း ယန်ချိန်းမြို့တွင် ကျင်းပရာ အသင်းပေါင်း၃၈သင်းမှ လှေလှော်အားကစားသမား ၈၀၀ ဦးဝင်ရောက်ယှဉ်ပြိုင်ခဲ့ကြပါတယ်။

ပြိုင်ပွဲမှာ မီတာ ၁၀၀ မီတာ ၂၀၀နှင့် မီတာ ၅၀၀ ပြိုင်ပွဲတွေမှာ  ယခင်နှစ်ရက်အပါအဝင် တနင်္ဂနွေအထိ သုံးရက်တိတိ ဝင်ရောက် ယှဉ်ပြိုင်ကြရတာဖြစ်ပါတယ်။

#TV Yangon Times Matters အစီအစဉ်
Published_ 11 June 2023

အစီအစဉ်တင်ဆင်သူ ဆရာဟိန်းလတ်က (အိမ်ထောင်ရှင်အလှမယ်) မခရေနှင့်အတူ

အသက် (၄ဝ)ကျော်အရွယ် ရင်သွေး (၁၃)ယောက်ရဲ့မိခင်ဖြစ်ပြီး ဆရာဖြစ်သူရဲ့တိုက်တွန်းမှုကြောင့် အိမ်ထောင်ရှင်အလှမယ်ပြိုင်ပွဲဝင်ပြိုင်ခဲ့ရာမှ သရဖူရရှိခဲ့တာဖြစ်ကြောင်း

မဆလာသယ်၊ ကောက်စိုက်၊ စပါးရိတ်အလုပ်တွေနဲ့အချိန်ကုန်လေ့ရှိတာဖြစ်ပြီး ငွေကြေးမတက်နိုင်လို့ ဂျင်မကစားဖြစ်ပေမယ့် အလုပ်ကြမ်းလုပ်နေရတာကပဲ အဆီပိုတွေမရှိစေတာဖြစ်ကြောင်း

အမျိုးသမီးတိုင်း အလှကိုယ်စီရှိတာမို့ ယုံကြည်ချက်ထားပြီးနောက်ထပ်ပြိုင်ပွဲတွေ ဆက်ပြိုင်သွားဖို့ရှိကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(အိမ်ထောင်ရှင်အလှမယ်) မခရေ #YMG #Yangon_Media_Group

#Local_News
Published_11 June 2023

အခု ၂၀၂၃ ခုနှစ်တွင် ရော်ဘာတန်ချိန် သုံးသိန်းဝန်းကျင်ခန့်အထိ ပြည်ပတင်ပို့ရန် လျာထားပြီး လက်ရှိဇွန်လအထိ ရော်ဘာတန်ချိန် နှစ်သိန်းခန့် တင်ပို့ထားကြောင်း စီးပွားရေးနှင့်ကူးသန်းရောင်း၀ယ်ရေး၀န်ကြီးဌာနမှ သိရပါတယ်။

#Local_News #ရော်ဘာတန်ချိန် နှစ်သိန်းခန့်တင်ပို့
#YMG #Yangon_Media_Group

#TV Yangon Times Matters အစီအစဉ်
Published_ 11 June 2023

အစီအစဉ်တင်ဆင်သူ ဆရာဟိန်းလတ်က (အိမ်ထောင်ရှင်အလှမယ်) မခရေနှင့်အတူ

အသက် (၄ဝ)ကျော်အရွယ် ရင်သွေး (၁၃)ယောက်ရဲ့မိခင်ဖြစ်ပြီး ဆရာဖြစ်သူရဲ့တိုက်တွန်းမှုကြောင့် အိမ်ထောင်ရှင်အလှမယ်ပြိုင်ပွဲဝင်ပြိုင်ခဲ့ရာမှ သရဖူရရှိခဲ့တာဖြစ်ကြောင်း

မဆလာသယ်၊ ကောက်စိုက်၊ စပါးရိတ်အလုပ်တွေနဲ့အချိန်ကုန်လေ့ရှိတာဖြစ်ပြီး ငွေကြေးမတက်နိုင်လို့ ဂျင်မကစားဖြစ်ပေမယ့် အလုပ်ကြမ်းလုပ်နေရတာကပဲ အဆီပိုတွေမရှိစေတာဖြစ်ကြောင်း

အမျိုးသမီးတိုင်း အလှကိုယ်စီရှိတာမို့ ယုံကြည်ချက်ထားပြီးနောက်ထပ်ပြိုင်ပွဲတွေ ဆက်ပြိုင်သွားဖို့ရှိကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(အိမ်ထောင်ရှင်အလှမယ်) မခရေ #YMG #Yangon_Media_Group