#World_Environment
Published_ 14 June 2023

ဆိုက်ပရပ်စ်ကို ပိုင်းခြားထားတဲ့ လူသူမရောက်တဲ့နေရာမှာ ဆယ်စုနှစ်တွေတိုင်အောင် ကြွက်တွေက လယ်သမားဖြစ်သူခရစ္စတိုဒူလော့စ်ရဲ့ ကောက်ပဲသီးနှံတွေကို ဖျက်ဆီးခဲ့ပေမယ့် အခုတော့ ဇီးကွက်တွေက မောင်းထုတ်ပေးနေပါပြီ။

#YMG #Yangon_Media_Group

#Local_News
Published_ 14 June 2023

ပြည်တွင်းဆန်ထွက်ရှိမူ အားလုံးရဲ့ ၂၀ရာခိုင်နူန်းကိုသာ ပြည်ပကိုတင်ပို့နေတာဖြစ်ပြီး ကျန်တဲ့ ၈၀ ရာခိုင်နူန်းကို ပြည်တွင်းမှာစားသုံးဖို့ ထားရှိတာဖြစ်တဲ့ ဆန်စျေးကွက်အခြေအနေကို စိုးရိမ်ရမရှိဘူးလို့ မြန်မာနိုင်ငံဆန်စပါးအသင်းချုပ် ဥက္ကဌဦးရဲမင်းအောင်က ပြောပါတယ်။

#YMG #Yangon_Media_Group

#Local_News
Published_ 14 June 2023

ပြည်ပနိုင်ငံများကို ကျောက်မြတ်ရတနာများ တင်ပို့ရောင်းချတဲ့အခါမှာ မြန်မာနိုင်ငံတော်ဗဟိုဘဏ်ကို ပေးဆောင်ရတဲ့ ကြိုတင်ငွေ ၂ရာခိုင်နူန်း ကိုလျော့ပေါ့ပေးဖို့ ရွှေလုပ်ငန်းရှင်တွေနဲ့ ကျောက်မြတ်လုပ်ငန်းရှင်တွေစုပေါင်းပြီးတောင်းဆိုထားတယ်လို့ ရွှေလုပ်ငန်းရှင်တွေက YMG ကိုပြောပါတယ်။

#YMG #Yangon_Media_Group

#Local_News
Published_14 June 2023

အခြေခံလူတန်းစားများ အဓိက အားထားစားသုံးနေသည့် ကြက်ဥ၊ ဘဲဥစျေးနူန်းများမြင့်တက်နေပြီး တစ်လုံးကို အရွယ်အစားပေါ်မူတည်ပြီး အမြင့်ဆုံးငွေကျပ် ၃၀၀ ကျော်စျေးရှိနေတယ်လို့ စားသုံးသူတွေစီကသိရပါတယ်။

#YMG #Yangon_Media_Group

#Daily_News
Published_ 14 June 2023

၁။ အခြေခံလူတန်းစားများ အဓိထားစားသုံးသည့် ကြက်ဥ၊ဘဲဥစျေးများ မြင့်တက်နေပြီး တစ်လုံးကို ငွေကျပ် ၃၀၀ ကျော်ရှိနေ

၂။ ပြည်ပသို့ ကျောက်မြတ်ရတနာများ တင်ပို့သည့်အခါ နိုင်ငံတော်သို့ပေးသွင်းရသည့် ကြိုတင်ငွေ ၂ ရာခိုင်နူန်းအား လျော့ပေးဖို့ လုပ်ငန်းရှင်များ တောင်းဆိုထား

၃။ ပြည်တွင်းဆန်ထွက်ရှိမူ၏ ၂၀ ရာခိုင်နူန်းကိုသာ ပြည်ပတင်ပို့သည့်အတွက် ပြည်တွင်းဆန်စျေးအခြေအနေကို စိုးရိမ်စရာမရှိဘူးလို့ ဆန်စပါးအသင်းချုပ်ဥက္ကဌပြော

၄။ ဆိုက်ပရပ်စ်ရှိ လူသူမရောက်ကျွန်းတွင် သောင်းကျန်းနေသည့် ကြွက်များအား ဇီးကွက်များဖြင့် ဖြေရှင်းလျက်ရှိ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_14 June 2023

ပြည်တွင်းပြည်ပ ပညာရှင်တွေရဲ့ အကြံဥာဏ်တွေကို ဆွေးနွေးရယူပြီးမှ သဗ္ဗေညုဘုရားပြုပြင်ထိန်းသိမ်းရေးလုပ်ငန်းတွေ စတင်ဆောင်ရွက်သွားမှာဖြစ်တယ်လို့ ရှေးဟောင်း သုတေသနနှင့်အမျိုးသားပြတိုက်ဦးစီးဌာန (ပုဂံဌာနခွဲ) မှသိရပါတယ်။

#YMG #Yangon_Media_Group

#Local_News
Published_14 June 2023

ဖိလစ်ပိုင်အမျိုးသားရဲတပ်ဖွဲ့မှ ကယ်ထုတ်ခဲ့ရသည့် လုပ်ငန်းခွင်အတွင်း အတင်းအကျပ် စေခိုင်းခံနေရသော မြန်မာနိုင်ငံသား (၆) ဦးအား ဇွန်၆ရက်တွင်တတိယအသုတ်အဖြစ် ပြန်လည်ပို့ဆောင်ခဲ့ကြောင်းသိရသည်။

ဖိလစ်ပိုင်တွင် အတင်းအကျပ်ခိုင်းစေခံခဲ့ရသည့် မြန်မာနိုင်ငံသား ၄၂ဦးအနက် ၄၁ဦးကိုမြန်မာနိုင်ငံသို့ပြန်လည်ပို့ဆောင်ပြီးဖြစ်သည်ဟု မြန်မာနိုင်ငံခြားရေးဝန်ကြီး ဌာန၏ထုတ်ပြန်ချက်အရသိရသည်။

ထုတ်ပြန်ချက်တွင်ဖိလစ်ပိုင်နိုင်ငံ၊ ပမ်ပန်ဂါပြည်နယ် (Pampanga)၊ မာဘလာကတ်မြို့ (Mabalacat City) အနီးရှိ အွန်လိုင်းဂိမ်းလုပ်ငန်းများ ဆောင်ရွက်နေသည့် ကုမ္ပဏီကြီးတစ်ခု၌ အတင်းအကျပ်စေခိုင်းခံနေရသည့် နိုင်ငံခြားသားများရှိကြောင်း သတင်းရရှိသဖြင့် လူကုန်ကူးမှုတိုက်ဖျက်ရေး စစ်ဆင်ရေးအဖြစ် ဖိလစ်ပိုင် အမျိုးသားရဲတပ်ဖွဲ့မှ ဦးဆောင်၍ မေလ၄ရက် ညပိုင်းက ဝင်ရောက်စီးနင်းခဲ့ရာတွင် မြန်မာနိုင်ငံသား (၄၂) ဦး အပါအဝင် နိုင်ငံခြားသား စုစုပေါင်း (၁၁၃၇) ဦးအား ကယ်ထုတ်နိုင်ခဲ့သည်ဟုဆိုသည်။

မနီလာမြို့၊ မြန်မာသံရုံးအနေဖြင့် ဖိလစ်ပိုင် အမျိုးသားရဲတပ်ဖွဲ့မှ ကယ်တင်ပေးရာတွင် ပါဝင်သည့် မြန်မာနိုင်ငံသား (၄၂) ဦးအား မြန်မာနိုင်ငံသို့ အမြန်ဆုံးပြန်လည်ပို့ဆောင်ပေးနိုင်ရေးအတွက် ဖိလစ်ပိုင်နိုင်ငံခြားရေးဝန်ကြီးဌာန၊ ဖိလစ်ပိုင်အမျိုးသားရဲတပ်ဖွဲ့၊ ဖိလစ်ပိုင် လူဝင်မှုကြီးကြပ်ရေးဌာနတို့နှင့် ပူးပေါင်းဆောင်ရွက်ကာ မြန်မာနိုင်ငံသား (၂၀) ဦး (အမျိုးသမီး ၁၅ ဦးနှင့် အမျိုးသား ၅ ဦး) တို့အား ၂၇-၅-၂၀၂၃ ရက်တွင် ပထမအသုတ်အဖြစ် လည်းကောင်း၊ မြန်မာနိုင်ငံသား (၁၅) ဦး (အမျိုးသမီး ၆ ဦးနှင့် အမျိုးသား ၉ ဦး) တို့အား ၂-၆-၂၀၂၃ ရက်တွင် ဒုတိယအသုတ်အဖြစ် လည်းကောင်း ပြန်လည်ပို့ဆောင်ပေးခဲ့သည်။

ယခုအခါ ကျန်ရှိသူ မြန်မာနိုင်ငံသား (၇) ဦးအနက် (၆) ဦး (အမျိုးသမီး ၄ ဦးနှင့် အမျိုးသား ၂ ဦး)တို့အား တတိယအသုတ်အဖြစ် ၁၄-၆-၂၀၂၃ ရက်တွင် အဆင်ပြေချောမွေ့စွာ ပြန်လည်ပို့ဆောင်ပေးနိုင်ခဲ့ပြီး၊ အဆိုပါ မြန်မာနိုင်ငံသားများအား မြန်မာသံရုံးမှ သံရုံးယာယီတာဝန်ခံနှင့် မြန်မာသံရုံး၊ စစ်သံရုံးမှ တာဝန်ရှိသူများ၊ ဖိလစ်ပိုင် လူဝင်မှုကြီးကြပ်ရေးဌာနနှင့် ဖိလစ်ပိုင်နိုင်ငံအခြေစိုက် International Organization for Migration (IOM) တို့မှ တာဝန်ရှိသူများက မနီလာမြို့ အပြည်ပြည်ဆိုင်ရာလေဆိပ်သို့ လိုက်ပါကူညီပို့ဆောင်ပေးခဲ့သည်ဟုဆိုသည်။

ပြန်လည်ပို့ဆောင်ပေးရန် ကျန်ရှိနေသော မြန်မာနိုင်ငံသား (၁) ဦးမှာ လက်ရှိတွင် ဖိလစ်ပိုင်ရဲတပ်ဖွဲ့မှ အွန်လိုင်းကုမ္ပဏီအား တရားစွဲဆိုထားသည့် အမှု၌ အခြားနိုင်ငံခြားသားအချို့နှင့်အတူ သက်သေအဖြစ် တရားရုံးတွင် ထွက်ဆိုနေရပြီး၊ ၎င်းအား တရားရုံးက အပြီးသတ်ဆုံးဖြတ်ချက် ချမှတ်ပြီးမှသာ မြန်မာနိုင်ငံသို့ ပြန်လည်ပို့ဆောင်ပေးနိုင်မည်ဖြစ်ကြောင်း ထုတ်ပြန်ချက်တွင်ဖော်ပြပါရှိသည်။
ymg/tthl
#YMG #Yangon_Media_Group

#Asia_Politics
Published_ 14 June 2023

ထိုင်းနိုင်ငံဖွဲ့စည်းပုံအခြေခံဥပဒေခုံရုံးက Move Forward ပါတီခေါင်းဆောင်'ပီတာလင်မ်ဂျရွန်ရတ်'ကို လွှတ်တော်ကိုယ်စားလှယ်အဖြစ် တာဝန်မထမ်းဆောင်ရန် တားမြစ်ပိတ်ပင်မိန့်ထုတ်လိုက်ပါက သူ့ကို ဝန်ကြီးချုပ်လောင်းအဖြစ် စာရင်းထည့်သွင်းခံရတော့မှာမဟုတ်ကြောင်း အိမ်စောင့်ဒုဝန်ကြီးချုပ်'ဝီဆာနူခရီယာငမ်'က အင်္ဂါနေ့မှာ ပြောကြားလိုက်ပါတယ်။

ပီတာအနေနဲ့ လွှတ်တော်အမတ်ဖြစ်ရန် သတ်မှတ်ချက်ကိုက်ညီခြင်းရှိ/မရှိကို တရားရုံးမှစီရင်ချက်ရယူနိုင်ရန် လွတ်တော်အမတ်များအဖွဲ့မှ ဖွဲ့စည်းပုံအခြေခံဥပဒေပုဒ်မ ၈၂ ကို တင်သွင်းသွားနိုင်ဖွယ်ရှိတယ်ဆိုတဲ့ ထင်မြင်ချက်များနဲ့ပတ်သက်ပြီး ဝီဆာနူက မှတ်ချက်ပေးလိုက်ပါတယ်။

အကယ်၍တရားရုံးက အဆိုပါတင်သွင်းချက်ကိုလက်ခံပြီး ပီတာကို လွှတ်တော်အမတ်အဖြစ် ပိတ်ပင်လိုက်ပါက ဝန်ကြီးချုပ်နေရာအတွက် ဝင်ရောက်ယှဉ်ပြိုင်ခွင့်ရှိမှာ မဟုတ်ကြောင်း ဆိုပါတယ်။

ပီတာကို အုပ်ချုပ်ရေးအာဏာမရစေရန် အထက်လွှတ်တော်ရှိ ပြိုင်ဘက်များက ပုဒ်မ ၈၂ ကိုအသုံးချမယ်လို့ ဖွဲ့စည်းပုံအခြေခံဥပဒေခုံရုံးကို အကြိမ်ကြိမ်ပြောကြားထားပါတယ်။

ပီတာအနေနဲ့ ပါလီမန်ရွေးကောက်ပွဲဥပဒေပုဒ်မ ၁၅၁ ကိုဖောက်ဖျက်ခြင်းရှိ/မရှိ စုံစမ်းစစ်ဆေးရန် ရွေးကောက်ပွဲကော်မရှင်က သောကြာနေ့မှာ အမိန့်ပေးခဲ့ပါတယ်။

ပါလီမန်အမတ်အဖြစ် ရွေးကောက်ပွဲဝင်ရန် မကိုက်ညီကြောင်းသိရှိထားပြီးမှ ရွေးကောက်ပွဲဝင်ရန် လျှောက်ထားသူကို အပြစ်ဒဏ်ပေးသွားမယ်လို့ ဆောင်းပါးမှာဖော်ပြထားပါတယ်။

ပီတာဟာ မီဒီယာကုမ္ပဏီ ITV Plc မှာ အစုရှယ်များကိုင်ဆောင်ထားတာကြောင့် ရွေးကောက်ပွဲဝင်ရောက်ယှဉ်ပြိုင်ရန် အရည်အချင်းမပြည့်မီကြောင်း နိုင်ငံရေးတက်ကြွလှုပ်ရှားသူ'ရွန်ကရိုင်လီကစ်ဝါထာနာ'က စွပ်စွဲခဲ့ပြီးနောက် ရွေးကောက်ပွဲကော်မရှင်က စုံစမ်းစစ်ဆေးရန် အမိန့်ပေးခဲ့ပါတယ်။

ပီတာကို ရွေးကောက်ပွဲဥပဒေပုဒ်မ ၁၅၁ အရ တရားစွဲဆိုရန်ဆုံးဖြတ်လိုက်ပါက ဒီအမှုကို ပြစ်မှုတရားရုံးသို့ပေးပို့မှာဖြစ်ပြီး တရားရုံးမှ စီရင်ချက်မချမီအချိန်ယူရမှာဖြစ်ကြောင်း ဝီဆာနူက ပြောပြခဲ့ပါတယ်။

ရာဇဝတ်ခုံရုံးမှ စီရင်ချက်မချမချင်း ပါလီမန်မှာ ဝန်ကြီးချုပ်အဖြစ် ဝင်ရောက်ယှဉ်ပြိုင်ခွင့် ရှိမှာမဟုတ်ပါဘူး။

ပီတာသာ ဝန်ကြီးချုပ်ရာထူးအတွက် အနိုင်ရခဲ့ပါက လွှတ်တော်ဥက္ကဌအနေနဲ့ ဘုရင်မင်းမြတ်ထောက်ခံမှုရဖို့အတွက် အမည်ပေးသွင်းရမှာဖြစ်ပါတယ်။

ပါလီမန်က ပီတာရဲ့ဥပဒေအမှုကိုဆိုင်းငံ့ထားကြောင်း ဘုရင်ကိုအသိပေးရမှာဖြစ်ပြီး ပီတာကို ဝန်ကြီးချုပ်အဖြစ်ခန့်အပ်ရန်မှာ ဘုရင်အပေါ်မူတည်နေကြောင်း ရှင်းပြသွားပါတယ်။

ဘုရင်ထောက်ခံချက်အတွက် ပီတာရဲ့အမည်ကိုပေးပို့ပါက နောက်ပိုင်းပြဿနာများအတွက် လွှတ်တော်ဥက္ကဌက တာဝန်ယူရမှာဖြစ်ကြောင်းလည်း ပြောပြသွားပါတယ်။
Source: Nation Thailand
#YMG #Yangon_Media_Group

#Local_News
Published_ 14 June2023

ကိုရီးယားသမ္မတနိုင်ငံသို့ အစိုးရပြည်ပ အလုပ်အကိုင်အေဂျင်စီမှတစ်ဆင့် EPS စနစ်ဖြင့်ကုန်ထုတ်လုပ်သားသစ် (၁၄၆) ဦးကို ဇွန်လ၁၃ရက်(ယနေ့) စေလွှတ်ခဲ့ကြောင်း ဆိုလ်းမြို့၊ မြန်မာသံရုံးကသိရသည်။

အဆိုပါအလုပ်သမားများ ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ချိန် မြန်မာသံရုံး၊ ဆိုးလ်မြို့မှ  အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

ဇွန်လ၇ရက်ကလည်းကိုရီးယားသမ္မတ နိုင်ငံသို့ အစိုးရပြည်ပ အလုပ်အကိုင်အေဂျင်စီမှတစ်ဆင့် EPS စနစ်ဖြင့် ကုန်ထုတ်လုပ်သားသစ် (၁၂၁) ဦး၊ ဆောက်လုပ်ရေးလုပ်သားသစ် (၂၉)ဦး၊  (၁၅၀) ဦးကိုစေလွှတ်ခဲ့ကြောင်းသိရသည်။

#ymg/BM
#Local_News #ကိုးရီးယား #EPSစနစ်ဖြင့်မြန်မာလုပ်သား၁၄၆ဦးကိုယနေ့စေလွှတ်
#YMG #Yangon_Media_Group

#World_Health
Published_14 June 2023

အိပ်စက်ရာမှာ ခက်ခဲနေသူတွေ၊ အိပ်မပျော်နိုင်တဲ့ မည်သည့်လက္ခဏာမျိုးရှိသူမဆို လေဖြတ်ခြင်းအန္တရာယ်များနိုင်ကြောင်း လေ့လာတွေ့ရှိထားပါတယ်။

အထူးသဖြင့် အသက် ၅၀ အောက် အိပ်မပျော်တတ်တဲ့သူတွေမှာ လေဖြတ်အန္တရာယ်ပိုများနေနိုင်ပါတယ်။

ပြီးခဲ့တဲ့ ၉ နှစ်အတွင်း လေဖြတ်ဖူးခြင်းမရှိတဲ့ လူပေါင်း ၃၁,၀၀၀ ကို လေ့လာခဲ့ပါတယ်။

ကျန်းမာရေးပြဿနာအမျိုးမျိုးရှိတဲ့ သက်ကြီးရွယ်အိုတွေမှာ လေဖြတ်ခြင်းအန္တရာယ်များတတ်ပါတယ်။

အိပ်မပျော်ခြင်းလက္ခဏာမရှိသူတွေနဲ့ယှဉ်ရင် လက္ခဏာ ၁ မျိုးမှ ၄ မျိုးအထိခံစားရသူတွေက လေဖြတ်နိုင်ချေ ၁၆ ရာခိုင်နှုန်းပိုများနေကြောင်း တွေ့ရှိခဲ့ပါတယ်။

ကောင်းစွာအိပ်စက်နိုင်အောင် ပြုလုပ်ပေးနိုင်မယ့် ကုသနည်းအများအပြားရှိသလို ဘဝနောက်ပိုင်းမှာလည်း လေဖြတ်ခြင်းအန္တရာယ်လျှော့ချနိုင်ကြောင်း စောစီးစွာကုသခံယူသင့်ကြောင်း ရစ်ချ်မွန်ရှိ ဗာဂျီးနီးယားကွန်မန်းဝဲ့တက္ကသိုလ်မှ သုတေသီ'ဝင်ဒမ်မီဆာဝာဒိုဂို'က ဖော်ပြထားပါတယ်။

တစ်ညကိုအိပ်ချိန် ၅ နာရီအောက်သာရှိသူတွေဟာ အိပ်ရေးပျက်တဲ့လက္ခဏာဖြစ်ပြီး ပုံမှန်အိပ်ချိန်ရှိသူတွေထက် လေဖြတ်အန္တရာယ်ဖြစ်နိုင်ချေ ၃ ဆပိုများနေနိုင်ကြောင်း အမေရိကန်ရောဂါထိန်းချုပ်ကာကွယ်ရေးစင်တာက ဆိုပါတယ်။

ကောင်းစွာမအိပ်စက်ရတဲ့အခါ သွေးပေါင်ချိန်ထိခိုက်ပြီး သွေးတိုးဖြစ်နိုင်ကာ လေဖြတ်ခြင်းနဲ့ နှလုံးသွေးကြောရောဂါတို့ ဖြစ်စေနိုင်ပါတယ်။

အခြားသုတေသနတွေမှာလည်း အိပ်ရေးပျက်ခြင်းကြောင့် ဆီးချို၊ နှလုံးရောဂါ၊ မှတ်ဉာဏ်ချို့ယွင်းခြင်းတို့လည်း ဖြစ်နိုင်ကြောင်းဖော်ပြထားပါတယ်။
Source: WION
#World_Health #အိပ်မပျော်ခြင်း #အသက်(၅၀)အောက်လူများ #လေဖြတ်နိုင်ချေများစေကြောင်းလေ့လာတွေ့ရှိ #YMG #Yangon_Media_Group

#World_Health
Published_14 June 2023

အခုဆိုရင် အသက်ရှူပုံစံအမျိုးမျိုးကို စစ်ဆေးခြင်းဖြင့် အစာအိမ်ရောဂါအမျိုးမျိုးကို ဆရာတွေအနေနဲ့ ရှာဖွေတွေ့ရှိနိုင်တော့မှာဖြစ်ပါတယ်။

ခန္ဓာကိုယ်သွေးသားထဲ ဝင်ရောက်စစ်ဆေးစရာမလိုဘဲ အစာအိမ်ရောဂါအမျိုးမျိုးကို ခွဲခြားသိရှိနိုင်ဖို့ လက်တစ်ကမ်းသာလိုပါတော့တယ်။

ဒီစစ်ဆေးနည်းကို အိန္ဒိယအစိုးရ သိပ္ပံနှင့်နည်းပညာဌာနလက်အောက်ရှိ S. N. Bose National Centre မှ ပရော်ဖက်ဆာ'မာနစ်ပရက်ဟန်'နဲ့ သုတေသီအဖွဲ့က စမ်းသပ်ခဲ့တာဖြစ်ပါတယ်။

အသက်ရှူထုတ်ခွဲခြမ်းခြင်းမှ ရလာတဲ့ အချက်အလက်အများအပြားကနေ မှန်ကန်တဲ့အချက်အလက်များရယူရန် စက်ကိရိယာမှ မှတ်သားသင်ယူတဲ့နည်းလမ်းပုံစံကို အသုံးပြုထားပါတယ်။

သိပ္ပံပညာရှင်တွေက Pyro-Breath လို့ခေါ်တဲ့ ကိရိယာကို ဖန်တီးခဲ့ကြပါတယ်။

ဒီစိတ်ကူးနောက်ကွယ်က အခြေခံသဘောတရားကတော့ အစာအိမ်အသွင်အပြင်ဆိုင်ရာ ရောဂါအမျိုးမျိုးဖြစ်ပွားမှုနဲ့ ဆက်စပ်နေတဲ့ ဇီဝဓာတုတုံ့ပြန်မှုများနဲ့ ဆဲလ်တွင်းဆဲလ်ပြင်လုပ်ငန်းစဉ်များကြောင့် ဒြပ်ပေါင်းများရဲ့ အလုံးစုံသက်ရောက်မှုက အသက်ရှူခြင်းပုံရိပ်ထုထည်ကို ထင်ဟပ်နေစေတာပဲဖြစ်ပါတယ်။

အသက်ရှူထုတ်ခြင်းမှ မော်လီကျူးမျိုးစိတ်များကို အစာအိမ်အနာရောဂါခွဲခြားသတ်မှတ်ရှာဖွေခြင်းအတွက် ထိုနည်းလမ်းဖြင့် ရှာဖွေနိုင်မှာဖြစ်ပါတယ်။

ဟယ်လီကိုဘက်တာပိုင်လော်ရီဘက်တီးရီးယားပိုးကြောင့် ဖြစ်ပွားရတဲ့အစာအိမ်အနာရောဂါဟာ လက်ရှိမှာ အရေးကြီးတဲ့ကျန်းမာရေးပြဿနာတစ်ခု ဖြစ်နေပါတယ်။

သမားရိုးကျစစ်ဆေးနည်းလမ်းက နာကျင်ရပြီး ရောဂါအချိန်မီရှာဖွေစစ်ဆေးဖို့ လိုအပ်ပါတယ်။
ဒါကြောင့် အစာအိမ်ပြဿနာရှိသူအများအပြားဟာ ရောဂါရှာဖွေမတွေ့ရှိဘဲ ရှိနေကြတာဖြစ်ပါတယ်။
Source: India Today.
#World_Health #အသက်ရှူပုံစံ #ခွဲခြမ်းစစ်ဆေးခြင်း #အစာအိမ်ရောဂါပြဿနာများ
#YMG #Yangon_Media_Group

#Local_News
Published_ 13 April 2023

ဇွန်လ ၆ ရက်နေ့ညပိုင်းက မိုးကြိုးစက်ကွင်း ထိမှန်ခဲ့တဲ့ ဗူးဘုရားရဲ့လုံးပတ်တော်ထိခိုက်မှုကို (၃)ရက်အတွင်း အပြီးပြုပြင်နိုင်ခဲ့တယ်လို့ ရှေးဟောင်းသုတေသနနှင့် အမျိုးပြတိုက်ဦးစီးဌာန (ပုဂံဌာနခွဲ)မှသိရပါတယ်။

#Local_News #ဗူးဘုရား #ရွှေသင်္ကန်းပြန်ကပ်လှူခြင်းလုပ်ငန်း
#YMG #Yangon_Media_Group