#Local_News
Published 4 June 2024
▪️ ရန်ကုန်-မန္တလေးအမြန်လမ်းမကြီးမိုင်တိုင်အမှတ်(၃၄၆/၆/၆)ဖာလုံကြားတွင် Hino Rainbow ယာဉ်သည် လမ်းချော်၍ လမ်းလယ်ကျွန်းပေါ်သို့ လဲကျမှုဖြစ်ပွားခဲ့ကြောင်း မီးသတ်တပ်ဖွဲ့ထံက သိရသည်။
▪️ ဇွန်လ ၃ရက် ၄နာရီ ၁၅မိနစ် ခန့်က မိတ္ထီလာဘက်မှ မန္တလေးဘက်သို့မောင်းနှင်လာသော၊Hino Rainbow အမျိုးစားယာဉ် မောင်းနှင်လာစဉ် အဆိုပါ မိုင်တိုင်အရောက်တွင် အရှိန်မထိန်းနိုင်ဘဲ လမ်းမပေါ်တွင် တိမ်းမှောက်ရပ်တန့်သွားခဲ့ကြောင်း သိရသည်။
▪️ ယာဉ်မတော်တဆမှုကြောင့်၊ယာဉ်ပေါ်တွင် ယာဉ်မောင်းအပါအဝင် အမျိုးသား(၃)ဦးအနက် အမျိုးသား (၁)ဦး ထိခိုက်ဒဏ်ရာများရရှိခဲ့သဖြင့် တံတားဦးမြို့နယ်ပြည်သူ့ဆေးရုံသို့ ပို့ဆောင်ကူညီပေးခဲ့ကြောင်း သိရသည်။
▪️ အဆိုပါယာဉ်တိုက်မှုကို တံတားဦးမြို့နယ် မီးသတ်စခန်းနှင့် စကားအင်းအမြန်လမ်းမီးသတ်စခန်းတို့မှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ပေးခဲ့ကြောင်း သိရသည်။
#YMG/LW #Yangon_Times
