#World_Health
Published 29 May 2023

အခုလိုဒီဂျစ်တယ်ခေတ်ကြီးမှာ အသက်အရွယ်မရွေး ခါးကိုက်ကျောကိုက်တာတွေ ပိုပြီးအဖြစ်များလာကြပါတယ်။

ခါးကိုက်ရတဲ့အကြောင်းအရင်းများစွာရှိပေမယ့် အဓိကကတော့ နာရီပေါင်းများစွာကြာအောင် ထိုင်နေရတာနဲ့ စိတ်ဖိစီးမှုတွေကြောင့် ဖြစ်ပါတယ်။

ဒါ့အပြင် ဒဏ်ရာအနာတရ၊ ကိုယ်နေဟန်မမှန်ခြင်း၊ အသက်အရွယ်ကြောင့် ရုပ်ပိုင်းဆိုင်ရာပြောင်းလဲခြင်းတို့ ပါဝင်ပါတယ်။

အသက်ကြီးလာတာနဲ့အမျှ ခါးအောက်ပိုင်းကိုက်ခြင်းအဖြစ်များလာကြောင်း တွေ့ရှိထားပါတယ်။

ခါးကိုက်ခါးနာခြင်းသက်သာစေမယ့် လေ့ကျင့်ခန်းတွေကတော့..

- ဒူးခေါင်းမှ ရင်ဘတ်သို့တွန်းတင်ခြင်း

ဒူးတွေကွေးပြီး လှဲနေပါ။

ဒူးတစ်ဖက်ကို ရင်ဘတ်သို့ပင့်ပြီး လက်နှစ်ဖက်ဖြင့် စက္ကန့် ၃၀ ထိန်းထားပါ။

နောက်တစ်ဖက်ကိုလည်း ထိုနည်းတူပြုလုပ်ပေးပါ။

- ကြောင်-နွားပုံသဏ္ဍာန်ဆန့်ခြင်း

ကျောကိုဆန့်ဆန့်ထားပြီး လက်တွေ ဒူးတွေထောက်ထားပါ။

အသက်ရှူသွင်းကာ ခါးကိုကိုင်းပြီး မျက်နှာကျက်သို့မော့ကြည့်ပါ။

အသက်ရှူထုတ်ကာ ခါးကိုကုန်း မေးစေ့ကို ရင်ဘတ်ဘက်သို့ စေ့ခြင်းဖြင့် ၁၀ ကြိမ်ပြုလုပ်ပေးပါ။

- တံတားပုံသဏ္ဍာန်ပြုလုပ်ခြင်း

ဒူးတွေကွေး ကြမ်းပြင်မှာခြေပြားထောက်ပြီး လှဲနေပါ။

ဒူးနဲ့ ပခုံးတို့ တတန်းတည်းဖြစ်တဲ့အထိ တင်ပါးကိုကြမ်းပြင်ကနေ မြှင့်တင်ပါ။

ထိုပုံစံအတိုင်း ၅ စက္ကန့်ထိန်းထားပြီး ခါးကိုပြန်နှိမ့်ကာ ၁၀ ကြိမ်ပြုလုပ်ပေးပါ။

- ငှက်-ခွေးလေ့ကျင့်ခန်း

ကျောကိုဆန့်ထားကာ ညာဘက်လက်ကို ရှေ့သို့ဆန့်ထုတ်၊ ဘယ်ခြေထောက်ကိုကွေးပြီး ၅ စက္ကန့်ကြာထိန်းထားပါ။

မူလအနေအထားပြန်သွားကာ ဆန့်ကျင်ဘက်လက်၊ ခြေထောက်တို့ဖြင့် ထပ်မံပြုလုပ်ပါ။

- ဒိုက်ထိုးခြင်း

ကြမ်းပြင်မှာ လက်ထောက်ထားပြီး ခေါင်းမှ ဖနောင့်အထိ စက္ကန့် ၃၀ ကြာအောင် တစ်တန်းတည်းထိန်းထားပါ။

ခါးကိုက်ခါးနာတယ်ဆိုရင် လေ့ကျင့်ခန်းအသစ်မပြုလုပ်ခင် ဆရာဝန်နဲ့ဆွေးနွေးဖို့အရေးကြီးပါတယ်။

ခါးကိုက်ခါးနာခြင်း သက်သာစေရန် အခြားပြုလုပ်နိုင်တာတွေကတော့ ကိုယ်နေဟန်မှန်အောင် ထိန်းခြင်း၊ အဝလွန်နေရင် လျှော့ချခြင်း၊ ပစ္စည်းအလေးအပင် မ'မခြင်း၊ ပုံမှန်အကြောလျှော့ခြင်း၊ နေ့စဉ် ၇-၈ နာရီအိပ်စက်ခြင်း၊ စိတ်ဖိစီးမှုလျှော့ချခြင်း၊ အချိန်ကြာကြာထိုင်ပြီးနောက် မကြာမကြာအနားယူခြင်းတို့ ပြုလုပ်နိုင်ပါတယ်။

Source: India Today #World_Health #ခါးကိုက်ခြင်းသက်သာစေမည့်လေ့ကျင့်ခန်းနည်း
#YMG #Yangon_Media_Group

Published 29 May 2023

၂၃ကြိမ်‌မြောက် နိုင်ငံတကာအိန္ဒိယရုပ်ရှင်ပွဲတော်ကို ယူအေအီးနိုင်ငံ အဘူဒါဘီမှာ စနေနေ့ကကျင်းပခဲ့ပါတယ်။

အဲဒီပွဲတော်မှာ စွန့်စားခန်းဇာတ်ကားဖြစ်တဲ့ "Brahmastra: Part One -- Shiva" ဟာ ဆုများစွာရရှိခဲ့ပါတယ်။

နာမည်ကျော် နောက်ခံသီချင်းအဆိုတော် ရှရီယာဂိုရှယ်လ်ဟာ အကောင်းဆုံးအမျိုးသမီးနောက်ခံသီချင်းအဆိုတော်ဆုကို ရရှိခဲ့ပါတယ်။ ယခုပွဲကို ရေနံသူဋ္ဌေးနိုင်ငံ ယူအေအီးမြို့တော်မှာ ကျင်းပတာဖြစ်ပြီး အဲဒီနိုင်ငံရဲ့ လူဦးရေသုံးပုံတစ်ပုဟာ အိန္ဒိယအနွယ်ဝင်တွေဖြစ်ကြပါတယ်။

Source: AFP

#နိုင်ငံတကာအိန္ဒိယရုပ်ရှင်ပွဲတော်

#ယူအေအီး_အဘူဒါဘီ

#ဘောလီဝုဒ်

#YangonMediaGroup

#TV Yangon Times Matters အစီအစဉ်
Published_ 28 May 2023

အစီအစဉ်တင်ဆင်သူ ဆရာဟိန်းလတ်က (အဆိုတော်) အိအိလှိုင်နှင့်အတူ

ဆယ်နှစ်အရွယ်မှာ အဆိုပြိုင်ပွဲစပြိုင်ခဲ့ပြီး ဆိုကရေးတီးပြိုင်ပွဲမှာ ဓမ္မတေး၊ ကာလပေါ်တေးများဖြင့် ရွှေတံဆိပ် (၅)ဆု၊ ငွေတံဆိပ် (၂)ဆု၊ ကြေး တံဆိပ် (၁)ဆုရရှိခဲ့တာဖြစ်ကြောင်း

အန်ကယ်မြန်မာပြည်သိန်းတန်ရဲ့ Love Peace Joy လွတ်လပ်ချစ်ခင်ပျော်ပျော်ရွှင် ဆိုတဲ့အဖွဲ့လေးမှာ ပါဝင်သီဆိုဖျော်ဖြေဖြစ်နေတဲ့အကြောင်း

ကိုယ်ပိုင်သံစဉ်သင်္ကြန်သီချင်းလေးတွေ ထွက်ရှိထားသလို နောက်ထပ်သီချင်းအသစ်လေးတွေထွက်ရှိဖို့ပြင်ဆင်နေတာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(အဆိုတော်) အိအိလှိုင်
#YMG #Yangon_Media_Group

#Local_News
Published_ 28 May 2023

မေလ(၂၅)ရက်မှာ တနင်္သာရီ၊ မွန်၊ ကရင်စတဲ့တောင်ပိုင်းဒေသတွေကို မုတ်သုန်လေစတင်ဝင်နေခဲ့ပြီးဖြစ်ပေမယ့် ရန်ကုန်အပါအဝင်မြစ်ဝကျွန်းပေါ်ဒေသတွေကို မုတ်သုန်လေအဝင်နောက်ကျဦးမှာဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #မုတ်သုန်လေအဝင်နောက်ကျမည် #မိုးသက်လေပြင်းတော့တိုက်ခတ်နိုင်
#YMG #Yangon_Media_Group

#TV Yangon Times Matters အစီအစဉ်
Published_ 28 May 2023

အစီအစဉ်တင်ဆင်သူ ဆရာဟိန်းလတ်က (အဆိုတော်) အိအိလှိုင်နှင့်အတူ

ဆယ်နှစ်အရွယ်မှာ အဆိုပြိုင်ပွဲစပြိုင်ခဲ့ပြီး ဆိုကရေးတီးပြိုင်ပွဲမှာ ဓမ္မတေး၊ ကာလပေါ်တေးများဖြင့် ရွှေတံဆိပ် (၅)ဆု၊ ငွေတံဆိပ် (၂)ဆု၊ ကြေး တံဆိပ် (၁)ဆုရရှိခဲ့တာဖြစ်ကြောင်း

အန်ကယ်မြန်မာပြည်သိန်းတန်ရဲ့ Love Peace Joy လွတ်လပ်ချစ်ခင်ပျော်ပျော်ရွှင် ဆိုတဲ့အဖွဲ့လေးမှာ ပါဝင်သီဆိုဖျော်ဖြေဖြစ်နေတဲ့အကြောင်း

ကိုယ်ပိုင်သံစဉ်သင်္ကြန်သီချင်းလေးတွေ ထွက်ရှိထားသလို နောက်ထပ်သီချင်းအသစ်လေးတွေထွက်ရှိဖို့ပြင်ဆင်နေတာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(အဆိုတော်) အိအိလှိုင်
#YMG #Yangon_Media_Group

#Local_News
Published_ 28 May 2023

မူဆယ်နယ်စပ်ကနေ တရုတ်နိုင်ငံသို့ ဆန်နဲ့ဆန်ကွဲတင်ပို့မှုဟာ မတ်လ ၁ရက်ကစပြီး လက်ရှိ မေလတတိယပတ်ကာလအထိ လုံးဝရပ်ဆိုင်းနေတယ်လို့ မူဆယ်ဆန်စပါးကုန်စည်ဒိုင် သိရပါတယ်။

#Local_News #မူဆယ်နယ်စပ်ကနေဆန်တင်ပို့မှုရပ်ဆိုင်း
#YMG #Yangon_Media_Group

#TV Yangon Times Matters အစီအစဉ်
Published_ 28 May 2023

အစီအစဉ်တင်ဆင်သူ ဆရာဟိန်းလတ်က (အဆိုတော်) အိအိလှိုင်နှင့်အတူ

ဆယ်နှစ်အရွယ်မှာ အဆိုပြိုင်ပွဲစပြိုင်ခဲ့ပြီး ဆိုကရေးတီးပြိုင်ပွဲမှာ ဓမ္မတေး၊ ကာလပေါ်တေးများဖြင့် ရွှေတံဆိပ် (၅)ဆု၊ ငွေတံဆိပ် (၂)ဆု၊ ကြေး တံဆိပ် (၁)ဆုရရှိခဲ့တာဖြစ်ကြောင်း

အန်ကယ်မြန်မာပြည်သိန်းတန်ရဲ့ Love Peace Joy လွတ်လပ်ချစ်ခင်ပျော်ပျော်ရွှင် ဆိုတဲ့အဖွဲ့လေးမှာ ပါဝင်သီဆိုဖျော်ဖြေဖြစ်နေတဲ့အကြောင်း

ကိုယ်ပိုင်သံစဉ်သင်္ကြန်သီချင်းလေးတွေ ထွက်ရှိထားသလို နောက်ထပ်သီချင်းအသစ်လေးတွေထွက်ရှိဖို့ပြင်ဆင်နေတာဖြစ်ကြောင်း"စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#TV Yangon Times Matters #ဆရာဟိန်းလတ် #(အဆိုတော်) အိအိလှိုင်
#YMG #Yangon_Media_Group

Published 28 May 2023

အိန္ဒိယနိုင်ငံမှ အစိုးရအရာရှိတစ်ဦးဟာ သူ့ကိုယ်သူဆဲလ်ဖီဆွဲရင်း ရေလှောင်တမံထဲ ပြုတ်ကျသွားခဲ့တဲ့ သူ့စမတ်ဖုန်းကို ပြန်ဆယ်ယူဖို့ ရေလှောင်တမံထဲမှ ရေတွေကို စုပ်ထုတ်ခိုင်းခဲ့တဲ့အတွက် ရာထူးအချခံခဲ့ရပါတယ်။

အစားအသောက်စစ်ဆေးရေးအရာရှိ ရာဂျက် ဗစ်ရှ်ဝပ်စတ်ဟာ ဆဲလ်ဖီးဆွဲရင်း အိန္ဒိယနိုင်ငံ အလယ်ပိုင်း ချက်တစ်ဂတ်   ပြည်နယ်က ခါကာတာဆည်ထဲ သူ့ရဲ့ ဆမ်ဆောင်းစမတ်ဖုန်းလွတ်ကျသွားခဲ့တာဖြစ်ပါတယ်လို့ တိုင်းအော့်ဖ်အိန္ဒိယ သတင်းစာကရေးသားပါတယ်။

ဗစ်ရှ်ဝပ်စ်က ပထမဆုံး ဒေသခံရေငုပ်သမားတွေကို ရေလှောင်တမံထဲ ခုန်ဆင်းပြီး သူ့စမတ်ဖုန်းကိုရှာခိုင်းပါတယ်။ သူက သူ့ဖုန်းထဲမှာ အရေးကြိးတဲ့ အစိုးရသတင်းအချက်အလက်တွေပါလို့ ဆိုပြီး အကြောင်းပြပါတယ်။ ရေငုပ်ရှာကြပေမယ့် ဖုန်းကိုရှာမတွေ့တဲ့အခါ သူက ဒီဇယ်ရေစုပ်စက်တွေသုံးပြီး ရေတွေကို ကုန်အောင်ထုတ်ပစ်ခိုင်းတာဖြစ်ပါတယ်။

ရက်ပေါင်း (၃)ရက်ကျော်ကြာပြီးတဲ့အခါမှာ ရေလှောင်တမံထဲက ရေထုထည်စုစုပေါင်း လီတာ နှစ်သန်းကျော် စုပ်ထုတ်ခဲ့ ပါတယ်။ အဲဒီပမာဏဟာ နွေရာသီလိုကာလမျိုးမှာ မြေဧက ၁၅၀၀ခန့်ကို ရေပေးနိုင်ပါတယ်လို့ ဒေသခံမီဒီယာတွေက သတင်းရေးသားပါတယ်။

ဆိုရှယ်မီဒီယာတွေပေါ်ပျံ့နှံ့သွးတဲ့ ဗွီဒီယိုတွေမှာ ဗစ်ရှ်ဝပ်စ်ဟာ အနီရောင်ထီးကြီးတစ်ခုအောက်မှာ ထိုင်နေပြီး ရေလှောင် တမံထဲကရေတွေကို ဒီဇယ်ရေစုပ်စက်တွေနှင့် စုပ်ထုတ်နေတာကို မြင်တွေ့ကြရပါတယ်။

ဒီရေလှောင်တမံထဲက ရေတွေဟာ အသုံးပြုလို့မရတဲ့ရေတွေဖြစ်တာကြောင့် သူ့အထက်က အရာရှိရဲ့ ခွင့်ပြုချက်နှင့် ရေတွေကိုစုပ်ထုတ်ပစ်တာဖြစ်တယ်လို့ သူက မီဒီယာတွေကိုပြောပါတယ်။

စမတ်ဖုန်းကိုနောက်ဆုံးမှာ ရှာတွေ့ခဲ့ပါတယ်။ ဒါပေမယ့် ရေတွေဝင်နေလို့ ပြန်ဖွင့်လို့တောင်မရပါဘူး။

ရေအရင်းအမြစ်တွေကို ဖြုန်းတီးပစ်တယ်လို့ သူ့ကို အများက ကျယ်ကျယ်ပြန့်ပြန့် ဝေဖန်ခဲ့တာကြောင့် အာဏာပိုင်တွေက နောက်ပိုင်းမှာ သူ့ကို ရာထူးချထားခဲ့ပါတယ်။

အိန္ဒိယနိုင်ငံဟာ ရေရှားပါးဆုံးနိုင်ငံတွေထဲမှာ တစ်နိုင်ငံဖြစ်ပြီး ပူပြင်းလွန်းတဲ့ရာသီဥတုကြောင့် ရေရှားပါးမှုဖြစ်ကာ သီးနှံတွေပျက်စီးဆုံးရှုံးခြင်း၊ တောမီးလောင်ခြင်းနှင့် လျှပ်စစ်မီးပြတ်တောက်ခြင်းတွေကြုံတွေ့နေရတာဖြစ်ပါတယ်။

Source AP

#အိန္ဒိယ

#ရေလှောင်တမံကရေတွေစုပ်ထုတ်ပြီးစမတ်ဖုန်းပြန်ရှာ

#အိန္ဒိယလူမှုဘဝ

#YangonMediaGroup

Published 28 May 2023

တရုတ်ပြည်တွင်းထုတ် အကြီးစား ခရီးသည်တင်လေယာဉ်အသစ် C919 ဟာ ယနေ့ မေ ၂၈ ရက် တနင်္ဂနွေနေ့က ပထမဆုံး သော ခရီးသည်တင်လေယာဉ်ခရီးစဉ်တစ်ခု အောင်မြင်စွာ ပြီးဆုံးခဲ့ပါတယ်။

တရုတ်အရှေ့ပိုင်းလေကြောင်းလိုင်းက ပြေးဆွဲတဲ့ အဆိုပါ MU9191 ခရီးစဉ်လေယာဉ်အသစ်ကြီးဟာ ဘေဂျင်းမြို့တော် လေဆိပ်ကို ဆိုက်ရောက်လာရာမှာ ရေစင်များဖြန်းပက်ကြိုဆိုခဲ့ကြပါတယ်။

ယင်းလေယာဉ်ဟာ ရှန်ဟိုင်း ဟုံးချောင်း နိုင်ငံတကာလေဆိပ်ကနေ တနင်္ဂနွေနေ့မနက် ၁၀နာရီ ၃၂မိနစ်မှာထွက်ခွာခဲ့ပြီး နှစ်နာရီအကြာမှာ ဘေဂျင်းကိုဆိုက်ရောက်ခဲ့ပါတယ်။

ယခုလေယာဉ်ရဲ့မှတ်ပုံတင်အမှတ်ဟာ B-919A ဖြစ်ပြီး ကမ္ဘာပေါ်ပထမဆုံးရောင်းချတဲ့ C919 ဂျက်လေယာဉ်ဖြစ်ပါတယ်။

Source CCTV+

✅Telegram>>>

#C919

#တရုတ်ထုတ်ဂျက်လေယာဉ်အသစ်C919

#တရုတ်လေကြောင်းနည်းပညာ

#YangonMediaGroup

#World_Health
Published 28 May 2023

လူတွေက အိပ်စက်ခြင်းအစောဆုံးအဆင့်ကနေ နိုးလာတယ်ဆိုရင် ပိုပြီးဖန်တီးနိုင်စွမ်းပိုကောင်းကြောင်း MIT သုတေသီတွေက လေ့လာဖော်ပြခဲ့ပါတယ်။

စတင်အိပ်ပျော်တဲ့အချိန်နဲ့ နိုးကြားချိန်ကြားရှိအဆင့်ကို ရောက်နေတဲ့အချိန်မှာ စိတ်ကူးစိတ်သန်းကောင်းတွေ ပေါ်ထွက်လာတာဖြစ်ပါတယ်။

ထိုအဆင့်မှာ အိပ်မက်မက်မယ်ဆိုရင် ထိုအကြောင်းအရာနဲ့ပတ်သက်ပြီး ဖန်တီးမှု ၃ ခုလောက်အထိ လုပ်ခိုင်းမယ်ဆိုရင် ပိုပြီးစိတ်ကူးဉာဏ်ရလာတတ်ပါတယ်။

အိပ်မက်ဖြစ်ပေါ်တဲ့အချိန်နိုးတဲ့လူတွေဟာ တစ်ရေးအိပ်သူတွေ လုံးဝမအိပ်သူတွေထက် ပိုမိုဖန်တီးနိုင်စွမ်းရှိကြောင်း လေ့လာတွေ့ရှိရပါတယ်။

ထိုတွေ့ရှိချက်များအရ အိပ်မက်အဆင့်ဟာ ကွဲပြားနေတဲ့အယူအဆများကြား ဦးနှောက်ကိုချိတ်ဆက်စေကာ တီထွင်ဖန်တီးနိုင်စွမ်းကို မြှင့်တင်ပေးပါတယ်။

အိပ်စက်ခြင်းနဲ့ ဖန်တီးနိုင်စွမ်းတို့ကြားဆက်စပ်မှုကို N1 လို့ခေါ်ဆိုကြောင်း ဦးဆောင်သုတေသီဖြစ်တဲ့ 'အဒမ်ဟားဟိုရိုဝစ်ဇ်'က ပြောကြားခဲ့ပါတယ်။

ဒီဆက်စပ်မှုက လူတွေရဲ့အိပ်မက်အကြောင်းအရာကို လမ်းညွှန်ပေးခြင်းရှိ/မရှိ၊ ဖန်တီးနိုင်စွမ်းအပေါ် ဘယ်လိုသက်ရောက်သလဲဆိုတာကို လေ့လာချင်ခဲ့ကြပါတယ်။

ဒီအတွက် ဒေါ်မီယိုလို့ခေါ်တဲ့ ကိရိယာဖြင့် အိပ်မက်ဖြစ်ပေါ်မှုအဆင့်ကို ပစ်မှတ်ထားလိုက်ပါတယ်။

ကြွက်သားလှုပ်ရှားမှု၊ နှလုံးခုန်နှုန်း၊ အရေပြားထိတွေ့မှုတို့မှာ အိပ်စက်ခြင်းနဲ့ဆိုင်တဲ့ ဇီဝကမ္မဖြစ်စဉ်အမှတ်အသား ၃ ခုကို စမတ်ဖုန်း၊ ကွန်ပျူတာများဖြင့်ချိတ်ဆက်တဲ့ လက်အိတ်ဖြင့် တိုင်းတာခဲ့ပါတယ်။

ပါဝင်စမ်းသပ်ခံသူ ၄၉ ဦးကို လက်အိတ်ဝတ်ခိုင်းကာ အိပ်စက်စေခဲ့ပါတယ်။

N1 အဆင့်ကိုရောက်ရှိတာနဲ့ အက်ပလီကေးရှင်းကနေ တစ်စုံတစ်ခုအကြောင်း အိပ်မက်မက်စေဖို့ လှုံ့ဆော်လိုက်ပါတယ်။

နောက်ထပ်အိပ်စက်ခြင်းအဆင့်သို့ မကူးပြောင်းခင် အက်ပလီကေးရှင်းက နှိုးလိုက်ပြီး အိပ်မက်အကြောင်းမေးမြန်းကာ တုန့်ပြန်မှုများကို မှတ်သားလိုက်ပါတယ်။

၄၅ မိနစ်တိုင်အောင် အိပ်စက်တဲ့သူတွေက ဖန်တီးနိုင်မှုစွမ်းရည်အကောင်းဆုံး ရရှိခဲ့ကြောင်း ရလဒ်တွေကဖော်ပြနေပါတယ်။

နိုးကြားနေတဲ့အချိန်တွေမှာ မရရှိတဲ့စိတ်ကူးတွေကို စတင်အိပ်စက်ချိန်အတွင်း ဦးနှောက်ကယူဆောင်လာပေးပါတယ်။

Source: WION #World_Health ##အိပ်စက်ခြင်းနှင့်စိတ်ကူးဖန်တီးနိုင်စွမ်း #သိပ္ပံပညာရှင်များလေ့လာဖော်ထုတ် #YMG #Yangon_Media_Group

#World_Health
Published 28 May 2023

ယူကေမှ အသက် ၃၀ နှစ်ရှိပြီဖြစ်တဲ့ ကလေးအမေဖြစ်သူ'ဆိုဖီစမောလ်'ဟာ ပထမအကြိမ်ကိုယ်ဝန်ရပြီး ၄ ပတ်အကြာမှာပဲ ဒုတိယကလေးကိုယ်ဝန်ရခဲ့ကာ ကလေးမမွေးမီအထိ မသိရှိခဲ့ပါဘူး။

၂၀၂၀ ဩဂုတ်လမှာ 'ဟိုလီ'နဲ့'ဒါစီ'ဆိုတဲ့ သမီးနှစ်ယောက်ကိုမွေးဖွားခဲ့ပြီး အစကတော့ အမွှာမိန်းကလေးတွေအဖြစ် အမှတ်မှားခဲ့ကြပါတယ်။

သားဖွားဆရာမများက သူတို့ရဲ့ကိုယ်အလေးချိန်ဟွာဟချက်နဲ့ပတ်သက်ပြီး စဉ်းစားစရာဖြစ်ခဲ့ကာ ဒါစီက ၄ ပေါင် ၂ အောင်စရှိပြီး နောက်မှမွေးတဲ့ဟိုလီက ၆ ပေါင် ၁ အောင်စရှိခဲ့ပါတယ်။

ပထမကိုယ်ဝန်ရပြီး တစ်လအကြာမှာ ဒုတိယကိုယ်ဝန်ရခဲ့ကာ ထပ်ဆင့်ကိုယ်ဝန်ဆောင်အခြေအနေအဖြစ် ဆရာဝန်များတွေ့ရှိခဲ့ပါတယ်။

သူမဟာ ကိုယ်ဝန်ဆောင်မူးဝေခြင်းမျိုး ဆိုးဆိုးရွားရွားခံစားခဲ့ရကာ ၇ ပတ်တာကာလအတွင်း ၈ ကြိမ်ဆေးရုံတက်ခဲ့ရပါတယ်။

သန္ဓေအဆင့်မတူတဲ့ ကလေးနှစ်ယောက်ကို ကိုယ်ဝန်လွယ်ထားရပေမယ့် မသိခဲ့ကြောင်း၊ အမွှာလို့မျှော်လင့်ထားပေမယ့် တစ်ယောက်က နောက်တစ်ယောက်ထက် အရွယ်အစားပိုကြီးနေခဲ့ကြောင်း ဆိုခဲ့ပါတယ်။

သူတို့အချင်းနဲ့သူတို့ရှိနေပြီး စားချင်တဲ့အချိန်စားနိုင်ပေမယ့် တစ်ယောက်ကဘာလို့ ပိုကြီးနေလဲဆိုတာ ဆရာဝန်တွေမသိခဲ့ဘူးလို့ ဆိုပါတယ်။

အရွယ်အစားကွာပြီးမွေးတာကြောင့် ဆရာဝန်တွေက စမ်းသပ်မှုပြုလုပ်ရာမှာ ကလေးတွေက အမွှာမဟုတ်ဘူးလို့ သိခဲ့ကြပါတယ်။

ဒါစီက နှစ်မိနစ်စောမွေးပေမယ့် ကိုယ်ဝန်ဆောင်ကာလ ၄ ပတ်ပိုငယ်ပါတယ်။

ထပ်ဆင့်ကိုယ်ဝန်ဆောင်ဆိုတာ တပြိုင်တည်းကိုယ်ဝန် ၂ ခုဆောင်ခြင်းကို ခေါ်ပါတယ်။

ပထမ'မမျိုးဥက သားအိမ်မှာတည်ပြီး ရက်ပိုင်းအကြာမှာ နောက်ထပ်မျိုးဥက သုတ်ပိုးနဲ့မျိုးအောင်သွားတာဖြစ်ပါတယ်။

တစ်ရက်တည်းမှာပဲ မွေးဖွားနိုင်ချေရှိပြီး အမွှာနဲ့မှားတတ်ကြပါတယ်။

Source: WION #World_Health #ကလေးနှစ်ဦးမွေးဖွားနိုင်ခဲ့
#YMG #Yangon_Media_Group

Published 28 May 2023.

အမေရိကန်သမ္မတ ဂျိုးဘိုင်ဒင်နှင့် ရီပတ်ဗလီကန် ကွန်ဂရက်ထိပ်တန်းအမတ် ကေဗင်မက္ကာသီတို့ အစိုးရရဲ့ ဖက်ဒရယ် ကြွေးမြီကန့်သတ်ချက် ဒေါ်လာ ၃၁.၄ဘီလျံကို ထပ်မြှင့်ပေးဖို့ အပေးအယူလုပ်ခဲ့တာ သဘောတူညီမှုတစ်ခုရရှိခဲ့ပြီလို့  ရိုက်တာသတင်းကရေးသားပါတယ်။ ဒါဟာ တစ်လကြာ မတိုးသာမဆုတ်သာအခြေအနေတစ်ခု အဆုံးသတ် သွားတာလည်း ဖြစ်ပါတယ်။

ဒါပေမယ့် အခုသဘောတူညီမှုဟာ ပြီးပြည့်စုံမှုရှိခဲ့ပုံမပေါ်ပါဘူး။ နှစ်ဘက်လုံး အောင်ပွဲခံမှုမရှိဘဲ သဘောတူညီမှုရခဲ့တာ ကြောင့်ပါ။  ဒါဟာ စေ့စပ်ညှိနှိုင်းရာမှာ ခါးခါးသီးသီးဖြစ်ခဲ့တာကိုပြသနေပြီး ဇွန်လဆန်းမှာ အမေရိကန်အစိုးရအနေနှင့် ပေးစရာပိုက်ဆံကုန်မသွားခင် ကွန်ဂရက်ကို ခက်ခက်ခဲခဲဖြတ်သန်းရဦးမှာဖြစ်ပါတယ်။

“ မကြာသေးခင်က ကျွန်တော် သမ္မတနှင့်ဖုန်းပြောခဲ့တာချခဲ့တာပါ။ သူဟာ လပေါင်းများစွာ စေ့စပ်ညှိနှိုင်းဖို့ ငြင်းပယ်ခဲ့ပြီး အချိန်တွေဖြုန်းခဲ့တယ်။ အခုတော့ အမေရိကန်ပြည်သူတွေအတွက် တန်ဖိုးရှိတဲ့ အခြေခံမူကို ကျွန်တော်တို့ သဘောတူခဲ့ ပါတယ်” လို့ မက္ကာသီက တွစ်တာမှာရေးခဲ့ပါတယ်။

သဘောတူညီချက်အရ ကြွေးမြီကန့်သတ်ချက်ကို (၂)နှစ်တာအထိ တိုးပေးမှာဖြစ်ပါတယ်။ ပြီးတော့ အဲဒီအချိန်မှာ အသုံးစရိတ်တွေကိုလည်းဖြတ်တောက်ပေးရမှာဖြစ်ပါတယ်။ အဲဒီအသုံးစရိတ်တွေထဲမှာ ဆင်းရဲသားတွေအတွက် လိုအပ် တဲ့ အပိုဆောင်းအစီအစဉ်အချို့လည်းပါဝင်ပါတယ်။

စနေနေ့ ညနေခင်းမှာ ဘိုင်ဒင်နှင့် မက္ကာသီတို့ မိနစ်၉၀အကြာ ဖုန်းနှင့် အပေးအယူလုပ်ခဲ့ကြတာဖြစ်ပါတယ်။

“ ဒါကို အပြီးသတ်ရေးသားနိုင်အောင် ဒီည ကျွန်တော်တို့ ဆက်ပြီးအလုပ်လုပ်ကြရဦးမယ်” လို့လည်း သူက သတင်း  ထောက်တွေကို ပြောပြပါတယ်။စနေနေ့မှာ ဥပဒေကြမ်း အပြီးရေးဖို့ သူမျှော်လင့်ထားတယ်။ ပြီးရင် ဘိုင်ဒင်နှင့်စကား ပြောမယ်။ အဲဒီနောက်ဗုဒ္ဓဟူးနေ့မှာ မဲခွဲဆုံးဖြတ်ကြမယ်လို့ သူက ဆက်ပြောပါတယ်။

အောက်လွှတ်တော်ကို ကြီးစိုးထားတဲ့ ရီပတ်ဗလီကန်တွေက  အသုံးစရိတ်တွေကို သိသိသာသာဖြတ်တောက်ပစ်ဖို့နှင့် အခြားအခြေအနေတွေကို  တွန်းအားပေးခဲ့ကြတာဖြစ်ပါတယ်။ ယခုအခါ အမေရိကန်ရဲ့ တစ်နှစ်တာစီးပွားရေးပမာဏနှင့် အကြမ်းဖျင်းအားဖြင့် တူညီနေတဲ့ အမေရိကန်ရဲ့ ကြွေးမြီတွေတက်လာနေတာကို ရီပတ်ဗလီကန်တွေက နှေးကွေးလိုက်ချင်ကြတာဖြစ်ပါတယ်။.

Source: Reuters

#အမေရိကန်ကြွေမြီကန့်သတ်ချက်

#အမေရိကန်နိုင်ငံရေး

#အမေရိကန်ကြွေးမြီအခက်အခဲ

#YangonMediaGroup