#DailyNews
Published - 25 July 2022

၁။ ရွှေချည်ထိုးဝတ်စုံလုပ်ငန်းများ ပြည်တွင်း၌အရောင်းပြန်ဖြစ်နေ၊ ပြည်ပဈေးကွက်အေးစက်ဆဲဖြစ်

၂။ ဒေါ်လာဈေး အတက်အကျပေါ် မူတည်၍ ရွှေဈေးကွက်အပြောင်းအလဲရှိမည်

၃။ နေ့စဉ်မိုးလေဝသသတင်း။

၄။ မိဘမဲ့ကြံ့ပေါက်လေးများအား တောင်အာဖရိကသို့ ပြောင်းရွှေ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Military
Published 25 July 2022

ယူကရိန်းမှ ဆန်စပါးတင်ပို့ရေး သဘောတူညီချက်အရ အဓိကကျတဲ့ယူကရိန်းဆိပ်ကမ်းမြို့ကို ရုရှားတို့ဒုံးကျည်များဖြင့် ပစ်ခတ်တိုက်ခိုက်ခဲ့ရာ အမေရိကန်မှ ထောက်ပံ့ကူညီပေးတဲ့ လက်နက်ပစ္စည်းကို ထိမှန်ခဲ့ကြောင်း ရုရှားတို့က ဇူလိုင် ၂၄ ရက်နေ့မှာ ထုတ်ပြန်လိုက်ပါတယ်။

ထိုအချိန်မှာ ရုရှားနိုင်ငံခြားရေးဝန်ကြီး'ဆာဂျီလက်ဗ်လော့ဗ်'က အာဖရိကနိုင်ငံများသို့ အလည်အပတ်ခရီးသွားလာလျက်ရှိပြီး အီဂျစ်ကိုရောက်ရှိနေစဉ်မှာ ရုရှားဆန်စပါးကို ဆက်လက်ထောက်ပံ့သွားဖို့ အီဂျစ်နိုင်ငံခြားရေးဝန်ကြီး'ဆာမက်ရှောကရီ'နဲ့တွေ့ဆုံကာ အာမခံခဲ့ပါတယ်။

ယူကရိန်းသမ္မတ'ဗိုလိုဒီမီယာဇယ်လန်စကီ'က ရုရှားတို့အနေနဲ့ အိုဒီဆာဆိပ်ကမ်းကို တိုက်ခိုက်တာဟာ ယုတ်မာရိုင်းစိုင်းတဲ့ လုပ်ရပ်ဖြစ်ကြောင်း ရှုတ်ချလိုက်ပါတယ်။

စစ်ဖြစ်နေတဲ့ ၂ နိုင်ငံစလုံးက စက်ရုံများမှ ပို့ကုန်များကိုတင်ပို့ဖို့ သဘောတူညီမှုရယူပြီး နောက်တစ်ရက်မှာပဲ အခုလိုတိုက်ခိုက်ခဲ့တာဖြစ်ပါတယ်။

ထိုသဘောတူညီချက်ကို တူရကီမှ ကြားဝင်ကူညီပေးခဲ့ပြီး ယခုဒုံးကျည်ထိမှန်ခဲ့ခြင်းက ရုရှားတပ်ဖွဲ့များမှာ တာဝန်မရှိကြောင်း ရုရှားရဲ့အာမခံချက်ကိုရရှိထားတယ်လို့ တူရကီက ဆိုခဲ့ပါတယ်။

ဒါပေမဲ့ ရုရှားရဲ့ပစ်ခတ်မှုက ယူကရိန်းစစ်သင်္ဘောတစ်စင်းနဲ့ အမေရိကန်မှပေးပိုထားတဲ့ သင်္ဘောဖျက်လက်နက်များကို ဖျက်ဆီးနိုင်ခဲ့ကြောင်း ရုရှားကာကွယ်ရေးဝန်ကြီးဌာနက တနင်္ဂနွေနေ့မှာ ထုတ်ပြန်လိုက်ပါတယ်။

ကမ္ဘာလုံးဆိုင်ရာ စားနပ်ရိက္ခာကျပ်တည်းခြင်းကို ဖြေလျှော့နိုင်ဖို့ လအတန်ကြာညှိနှိုင်းခဲ့ရပြီး တူရကီနိုင်ငံအစ္စတန်ဘူလ်မှာ လက်မှတ်ရေးထိုးခဲ့တဲ့ သဘောတူညီချက်မှတ်ကျောက်ကတော့ ယခုလိုက်ပစ်ခတ်မှုတွေကြောင့် ပျက်သုဉ်းဖို့ နီးစပ်လာပါတယ်။

စားနပ်ရိက္ခာ အလွန်ကျပ်တည်းလားတဲ့ ကမ္ဘာ့အဆင်းရဲဆုံး အာဖရိကတိုက်မှာ ကုန်ဈေးနှုန်းများ မြင့်တက်နေရပါတယ်။

'လက်ဗ်ရော့ဗ်'က ယူဂန်ဒါ၊ အီသီယိုးပီးယား၊ ကွန်ဂိုဘရက်ဇာဗီးလ်တို့ကိုလည်း သွားရောက်လည်ပတ်ခဲ့ပြီး ဆန်စပါးမှာယူမှုများကို ရုရှားကဖြည့်ဆည်းပေးမယ်လို့ ပြောပြခဲ့ပါတယ်။

အိုဒီဆာဆိပ်ကမ်းကို တိုက်ခိုက်ခြင်းက ရုရှားတို့ကိုယုံကြည်လို့မရကြောင်းထင်ရှားနေပြီး ရုရှားနဲ့ညှိနှိုင်းဆွေးနွေးမှုတွေကလည်း ပိုမိုခက်ခဲလာဦးမယ်လို့ 'ဇယ်လန်စကီ'က မှတ်ချက်ပြုလိုက်ပါတယ်။

တူရကီသမ္မတ 'ရီဆပ်တာယစ်အာဒိုဂန်'နဲ့ ကုလသမဂ္ဂအကြီးအကဲ'အန်တိုနီယိုဂူတာရက်စ်'တို့ ကြားဝင်ကူညီပေးထားတဲ့ သဘောတူညီမှုအရ အိုဒီဆာဆိပ်ကမ်းဟာ ကုန်တင်ပို့ရေးအချက်အခြာနေရာ ၃ ခုထဲက တစ်ခုဖြစ်ပါတယ်။

ရုရှားတို့တိုက်ခိုက်ချိန်မှာ ဆန်စပါးတွေ သိုလှောင်ထားတာဖြစ်ပြီး စားစရာတွေကိုတော့ မထိခိုက်ခဲ့ကြောင်း ယူကရိန်းအာဏာပိုင်များကဆိုပါတယ်။

သောကြာနေ့က လက်မှတ်ရေးထိုးပွဲမှာ ဦးဆောင်ခဲ့တဲ့'ဂူတာရက်စ်'က ထိုတိုက်ခိုက်မှုကို ပြတ်ပြတ်သားသားရှုတ်ချလိုက်ပါတယ်။

ရုရှားရဲ့သဘောတူညီမှု ကတိကဝတ်တွေကိုလည်း ယုံကြည်ဖို့သံသယရှိလာကြောင်း အမေရိကန်က ထုတ်ဖော်ပြောကြားလိုက်ပါတယ်။

တနင်္ဂနွေနေ့ မတိုင်ခင်အထိ ရုရှားဘက်က တုံ့ပြန်ပြောကြားခြင်းမရှိဘဲ တူရကီကာကွယ်ရေးဝန်ကြီးကတော့ ရုရှားတို့က သူတို့တိုက်ခိုက်တယ်ဆိုတာကို ငြင်းဆိုထားကြောင်း ပြောကြားခဲ့ပါတယ်။

တိုက်ခိုက်မှုကြောင့် ထိခိုက်ဒဏ်ရာရရှိသူအရေအတွက်ကို ယူကရိန်းဘက်ကအတိအကျ မထုတ်ပြန်ထားပါဘူး။

ယူကရိန်းကို ရုရှားကျူးကျော်ခဲ့တဲ့စစ်ဘေးဒဏ်ကြောင့် လူပေါင်း ၄၇ သန်းလောက် အငတ်ဘေးဆိုက်ရောက်နေမှုကို ဖြေလျှော့နိုင်ရန် ထိုနိုင်ငံများအကြား အဓိကကျတဲ့ ပထမဆုံးသဘောတူညီချက်ကို လက်မှတ်ရေးထိုးခဲ့ကြတာ ဖြစ်ပါတယ်။

ထိုသဘောတူညီချက်ထဲမှာ ယူကရိန်းဆန်စပါးတွေသယ်ဆောင်လာတဲ့သင်္ဘောများ ဘေးကင်းစိတ်ချစွာသွားလာနိုင်ရေးအချက်တွေ ပါဝင်နေပါတယ်။

Source: CNA
#Yangon_Media_Group

#World_Health
Published 25 July 2022

ပေါင်မုန့်မီးကင်ကို ထောပတ်သီးနဲ့ စားသုံးသင့်တဲ့အကြောင်းအရင်းကို သိပ္ပံပညာရှင်များက ဖော်ထုတ်လိုက်ပါပြီ။

သတ်လတ်ပိုင်းလူအများစု နှစ်သက်လေ့ရှိတဲ့ထောပတ်သီးဟာ နှလုံးအတွက်ကောင်းမွန်စေကြောင်း သုတေသီများက သုံးသပ်ထားပါတယ်။

သူတို့ရဲ့တွေ့ရှိချက်အရ ပိုတက်ဆီယမ်ကြွယ်ဝတဲ့ ထောပတ်သီးနဲ့ ငှက်ပျောသီးတို့ကို စားသုံးပေးခြင်းဖြင့် နှလုံးရောဂါ၊ လေဖြတ်ခြင်းတို့ကို ကာကွယ်စေနိုင်ပါတယ်။

ဒါပေမဲ့ ထိုအကျိုးကျေးဇူးက အမျိုးသမီးတွေအတွက်သာဖြစ်ပါတယ်။

တစ်နေ့ကို ပိုတက်ဆီယမ် ၁ ကီလိုဂရမ် တစ်နည်းအားဖြင့် ထောပတ်သီး ၉၇၅ မီလီဂရမ်စားသုံးပေးပါက အပေါ်သွေး ၂.၄ မီလီမီတာမာကျူရီလျော့နည်း စေနိုင်ပါတယ်။

ငှက်ပျောသီး ၃ လုံး ဒါမှမဟုတ် နို့ ၃ ခွက်မှာလည်း အဆိုပါပမာဏအတိုင်း ပါဝင်ပါတယ်။

ပိုတက်ဆီယမ်ဓာတ်က ခန္ဓာကိုယ်ထဲက ဆိုဒီယမ်ကို ဆီးထဲသို့ပါသွားစေပြီး ခန္ဓာကိုယ်တွင်းအရည်ပမာဏကို ထိန်းညှိပေးပါတယ်။

ထိုလေ့လာမှုမှာ လူပေါင်း ၂၅,၀၀၀ နီးပါးကို နှစ်ပေါင်း ၂၀ တိုင်အောင်စောင့်ကြည့်လေ့လာခဲ့ပါတယ်။

စတင်စောင့်ကြည့်ချိန်တုန်းက ပါဝင်အစမ်းသပ်ခံတဲ့ လူတွေရဲ့အသက်ဟာ အသက် ၄၀ မှ ၇၉ နှစ်ကြားဖြစ်ပါတယ်။

သူတိုရဲ့ နေထိုင်စားသောက်မှုပုံစံကို မေးမြန်းခဲ့ကြပြီး သွေးပေါင်ချိန်တိုင်းတာခဲ့ကြပါတယ်။

နေ့စဉ် ဆိုဒီယမ်နဲ့ ပိုတက်ဆီယမ်စားသုံးသလဲဆိုတာကိုသိရဖို့ ဆီးနမူနာစစ်ခဲ့ကြပါတယ်။

ပိုတက်ဆီယမ်စားသုံးမှု အနည်းအများပေါ်မူတည်ပြီး စမ်းသပ်ခံသူများကို အဖွဲ့များ ခွဲခြားခဲ့ပါတယ်။

လူလတ်ပိုင်းအရွယ်တွေမှာ တစ်နေ့ကို ပိုတက်ဆီယမ် ၃.၅ ဂရမ်ခန့်စားသုံးသင့်ကြောင်း WHO က အကြံပြုထားပါတယ်။

ဆန်းစစ်လေ့လာမှုအရ ပိုတက်ဆီယမ်အများဆုံးစားသုံးထားတဲ့အမျိုးသမီးတွေဟာ သွေးပေါင်ချိန်အနည်းဆုံးဖြစ်နေကြပါတယ်။

ပိုတက်ဆီယမ်ပမာဏ ၁ ဂရမ် ပိုမိုစားသုံးတိုင်း သွေးပေါင်ချိန် ၂.၄ မီလီမီတာမာကျူရီလျော့နည်းလာပါတယ်။

ဒါ့အပြင် ပိုတက်ဆီယမ်အများဆုံး စားသုံးတဲ့အမျိုးသမီးတွေက ပိုတက်ဆီယမ် အနည်းဆုံးစားသုံးသူတွေထက် နှလုံးရောဂါနဲ့လေဖြတ်ခြင်းအန္တရာယ်ဖြစ်နိုင်ချေ ၁၃ ရာခိုင်နှုန်းပိုနည်းပါတယ်။

အစားအစာထုတ်လုပ်ရေး ကုမ္ပဏီတွေအနေနဲ့ ဆိုဒီယမ်ပါဝင်တဲ့ဆားတွေအစား ပိုတက်ဆီယမ်ပါဝင်တဲ့ ဆားတွေနဲ့ အစားထိုးထုတ်လုပ်သင့်ကြောင်း အမ်စတာဒမ်တက္ကသိုလ်မှ ပရော်ဖက်ဆာ'လစ်ဖာ့ဗော့'က ပြောပြခဲ့ပါတယ်။

ပိုတက်ဆီယမ် ပိုမိုရရှိရန်အတွက် အသီးအနှံ၊ ဟင်းသီးဟင်းရွက်၊ ပဲမျိုးစုံ၊ ငါး၊ နို့တို့ကို စားသုံးသင့်ပါတယ်။

ကျန်းမာစေဖို့အတွက်က အစားအစာချည်းသက်သက်အပေါ် မူတည်နေတာမဟုတ်ဘဲ အယ်လ်ကိုဟောသောက်သုံးမှုထိန်းချုပ်ခြင်းနဲ့ လှုပ်လှုပ်ရှားရှားနေဖို့ကလည်း အရေးကြီးပါတယ်။

Source: DailyMail
#Yangon_Media_Group

#World_Science
Published 25 July 2022

လူသားများ ကမ္ဘာမြေပေါ်မှာ မနေထိုင်ခင်က အခြားသက်ရှိ ဂြိုဟ်သားများနေထိုင်ခဲ့ဟန်ရှိကြောင်း BIZARRE လေ့လာချက်မှာ ဖော်ပြထားပါတယ်။

ကျွန်ုပ်တို့လူသားတွေဟာ စကြဝဠာတစ်ခုလုံးမှာ ပထမဦးဆုံးနဲ့ တိုးတက်ဖွံ့ဖြိုးတဲ့ တစ်ခုတည်းသောလူ့အဖွဲ့အစည်းဟုတ်/မဟုတ်ကို သိချင်နေတဲ့ ဆန္ဒရှိပြီး သုတေသီတွေက ထိုဆန္ဒအတိုင်း လေ့လာခဲ့ကြတာဖြစ်ပါတယ်။

လွန်ခဲ့တဲ့နှစ်သန်းပေါင်း ၂.၅ သန်းတုန်းက ကမ္ဘာမြေပေါ်မှာ ဖွံ့ဖြိုးတိုးတက်ခဲ့တဲ့ သက်ရှိဂြိုဟ်သားများရှိ/မရှိကို သုတေသီများက စူးစမ်းခဲ့ကြပါတယ်။

စက်မှုထွန်းကားတဲ့ ခေတ်ကြီးမှာ လူသားတွေနေထိုင်လာတာ နှစ် ၃၀၀ ရှိလာပြီဖြစ်ကြောင်း၊ မနက်ဖြန်သာ ဒီလူသားတွေပျောက်ကွယ်သွားရင် နှစ်သန်းပေါင်းချီကြာရှိနေတဲ့ ကမ္ဘာကြီးမှာ လူသားတွေရဲ့အစိတ်အပိုင်းက အနည်းငယ်မျှသာ ကျန်ခဲ့မှာဖြစ်ကြောင်း ရှင်းပြထားပါတယ်။

ထိုအရင်အချိန်က တိုးတက်ခဲ့တဲ့သက်ရှိအသိုင်းအဝိုင်းရဲ့ ရုပ်ခန္ဓာနဲ့တည်ဆောက်ပုံတွေကို တွေ့ရှိနိုင်ချေအလွန်နည်းပါးပါတယ်။

ကျောက်ဖြစ်ရုပ်ကြွင်းကျန်ခဲ့တဲ့ သက်ရှိအစိတ်အပိုင်းတွေက အလွန်သေးငယ်ပြီး အချိန်၊ နေထိုင်ရာနေရာ၊ ကိုယ်တွင်းတစ်ရှူး၊ အရိုးဖွဲ့စည်းပုံများအရ ကွဲပြားသွားကြပါတယ်။

ပျက်စီးမှုများကြောင့် သက်ရှိမျိုးနွယ်တစ်ရပ် ပျောက်ကွယ်သွားကာ ရှင်သန်နေထိုင်ခဲ့ဖူးတဲ့ ခြေရာလက်ရာများကို တွေ့ရှိဖို့အလွန်ခက်ခဲပါတယ်။

ကမ္ဘာမြေရဲ့သမိုင်းအထောက်အထားမှာ လူသားမျိုးနွယ်တွေရဲ့သက်ရောက်မှုက နှစ်သန်းပေါင်းများစွာနဲ့ယှဉ်ရင် အနည်းငယ်မျှသာရှိနေမှာဖြစ်ကြောင်း IFLScience သတင်းထောက်'ဂျိမ်းစ်ဖယ်လ်တန်'က သုံးသပ်ခဲ့ပါတယ်။

သက်တမ်းပိုမိုကြာရှည်စွာ နေထိုင်နိုင်တဲ့သက်ရှိမျိုးနွယ်က ကမ္ဘာမြေပေါ်မှာ အထောက်အထားပိုမိုကျန်ရစ်မှာ ဖြစ်ပါတယ်။

ကိုယ့်ဘာသာရှင်းလင်းနေထိုင်တတ်တဲ့ မျိုးနွယ်တွေကို သေချာမလေ့လာဘဲနဲ့တော့ ရှာဖွေတွေ့ရှိမှာ မဟုတ်ပါဘူး။

လူသားတွေကလည်း သူတို့တည်ရှိခဲ့တယ်ဆိုတဲ့ အထောက်အထားများကို အာကာသထဲမှာ ထားရစ်ခဲ့ပါတယ်။

သုတေသနလုပ်ငန်းများက မနုဿဗေဒ၊ ဒဿနိကဗေဒနဲ့ ဇီဝဗေဒသဘောတရားများအကြား ပတ်သက်လျက်ရှိနေပါတယ်။

Source: The Sun
#Yangon_Media_Group

Published 24 July 2022

တရုတ်နိုင်ငံ တျန်ဝန်-၁ ဂြိုဟ်ပတ်ယာဉ်က အရည်အသွေးမြင့်မားတဲ့  ပုံရိပ်တွေကို ပြန်ပို့ပေးခဲ့ပါတယ်။ အဲဒီပုံရိပ်တွေဟာ  အင်္ဂါဂြိုဟ်ရဲ့ အတွင်းအကျဆုံးနှင့်ကြီးမားတဲ့  သဘာဝဂြိုဟ်ငယ်”လ” နှစ်စင်းရဲ့ ပုံရိပ်တွေပါဝင်ပါတယ်။

အဲဒီပုံတွေကို တျန်ဝန်-၁ မှာတပ်ဆင်ထားတဲ့ အရည်အသွေးမြင့်ကင်မရာတစ်လုံးကနေ ရိုက်ယူခဲ့တာဖြစ်ပါတယ်။ အဲဒီပုံတွေ ရိုက်ကူးစဉ်မှာ တျန်ဝန်-၁ ဟာ အဲဒီဂြိုဟ်ငယ်နှစ်စင်းကနေ ၅၀၀၀ ကီလိုမီတာအကွာမှာရှိနေပါတယ်။

“ လဂြိုဟ်ငယ်တွေရဲ့ပုံရိပ်တွေကို ဂြိုဟ်ပတ်ယာဉ်ရဲ့ အရည်အသွေးမြင့် ကင်မရာပေါ်က လှိုင်းဖမ်းကိရိယာကနေ ဖမ်းယူခဲ့တာပါ။ ကြိုတင်သတ်မှတ်ထားတဲ့ရည်မှန်းချက်ဖြစ်တဲ့ အင်္ဂါဂြိုဟ်တစ်ခုလုံရဲ့ ပုံတွေကိုရယူပြီးနောက် ဒါဟာ  နောက်တိုးလုပ်ငန်းစဉ်တစ်ခုဖြစ်ပါတယ်” လို့ တျန်ဝန်-၁ ရဲ့ ဒုတိယဒီဇိုင်းအင်ဂျင်နီယာချုပ် ကျူဆင်ဟွာက ပြောပါတယ်။

တျန်ဝန်-၁က ရိုက်ကူးတဲ့ ပုံတွေမှာ အဲဒီ လဂြိုဟ်ငယ်ကလေးတွေဟာ သေးငယ်ပြီး အာလူးတစ်လုံးလို ပုံမကျပန်းမကျ ဖြစ်နေတာတွေ့ရပါလိမ့်မယ်။ လဂြိုဟ်ငယ်ကလေးတွေရဲ့ မျက်နှာပြင်မှာ အစင်းကြောင်းအချို့တွေ့ရပါတယ်။ ဒါတွေဟာ နှစ်ကာလအကြာကြီးတုန်းက  ရိုက်ခတ်မှုတစ်ခုကြောင့် ဖြစ်နိုင်ပါတယ်။ပြီးတော့ အချင်း ၂ ကီလိုမီတာလောက်ရှိတဲ့ ချိုင့်ကြီးတစ်ခုကိုလည်း ပုံရဲ့ အပေါ်ညာထောင့်မှာတွေ့နိုင်ကြပါတယ်။

“ အရည်အသွေးမြင့်ကင်ရာကနေ ပုံတွေရိုက်ယူဖို့ ဂြိုဟ်ပတ်ယာဉ်ဟာ သူ့မှာရှိတဲ့ ထိန်းချုပ်မောင်းနှင်တဲ့ စွမ်းရည်ကို ကျွန်တော်တို့ အသုံးပြုခဲ့ကြပါတယ်။  ဒါဟာ ကျွန်တော်တို့ဟာ အင်္ဂါဂြိုဟ်နှင့်သူ့ရဲ့ လတွေကို သိပ္ပံနည်းကျကျ လေ့လာကြည့်ရှုနိုင်တယ်ဆိုတာ သက်သေပြတာပဲဖြစ်တယ်။ အင်္ဂါဂြိုဟ်ရဲ့ လက ဘယ်လိုဖွဲ့စည်းဖြစ်တည်လာတာလဲ။ အဲဒီလဂြိုဟ်ငယ်ကလေးက တဖြည်းဖြည်းနှင့် အင်္ဂါဂြိုဟ်ထဲ တိုက်မိပျက်ကျသွားမလား။ ဒီမေးခွန်းတွေအတွက် သိပ္ပံနည်းကျအချက်အလက်တွေ ကျွန်တော်တို့လိုအပ်တယ်။ သိပ္ပံပညာရှင်အဖွဲ့ဟာ သူတို့ရဲ့ စွမ်းရည်တွေ အစွမ်းကုန်ထုတ်သုံးပြီး နောက်ထပ်လေ့လာကြည့်ရှုချင်တာတွေ ထပ်တောင်းနိုင်တယ်။ ဥပမာ လဂြိုဟ်ငယ်တွေရဲ့ ထောင့်အမျိုးမျိုးကပုံတွေအပါအဝင်ပေါ့” လို့ ကျူးက ဆက်ပြောပါတယ်။

တျန်ဝန်-၁ ဟာ တရုတ်ရဲ့ ပထမဆုံး အင်္ဂါဂြိုဟ်မစ်ရှင်ဖြစ်ပြီး အဲဒီအထဲမှာ ဂြိုဟ်ပတ်ယာဉ်နှင့် ဂြိုဟ်သွားယာဉ် ကျုရောင်း တို့ ပါဝင်ပါတယ်။

ကျူရောင်းဟာ မေလ၁၅ရက်က အင်္ဂါဂြိုဟ်ပေါ် အန္တရာယ်ကင်းစွာ ဆင်းသက်ခဲ့ပြီးအဲဒီ အောင်မြင်မှဒက တရုတ်နိုင်ငံကို  ဂြိုဟ်နီကြီးပေါ် ယာဉ်ဆင်းသက်နိုင်တဲ့ ကမ္ဘာ့ တတိယနိုင်ငံအဖြစ်‌ ရောက်ရှိစေခဲ့ပါတယ်။

#Source_CCTV+

#China's_Tianwen-1

#Mars’s_Phobos

#China_space_technology

Published: 24 July 2022

တနင်္ဂနွေနေ့က ဖိလစ်ပိုင်နိုင်ငံ မြို့တော်ဒေသမှာ ကျင်းပတဲ့ တက္ကသိုလ်ဘွဲ့နှင်းသဘင်အခမ်းအနားတစ်ခုမှာ သေနတ်ပစ်ခတ်မှု တစ်ခုကြောင့် လူ(၃)ဦးသေဆုံးခဲ့ရပါတယ်။ အဲဒီသေဆုံးသူတွေထဲမှာ မတည်ငြိမ်တဲ့ နိုင်ငံတောင်ပိုင်းက မြို့တော်ဝန်ဟောင်းတစ်ဦးလည်းပါဝင်တယ်လို့ ရဲကပြောပါတယ်။

သေနတ်ပစ်ခတ်မှုဟာ တောင်ပိုင်း လာမီတန်မြို့တော်ဝန်ဟောင်း ရို့စ်ဖူရီဂေးကို လုပ်ကြံသတ်ဖြတ်မှု ဖြစ်ပုံရတယ်လို့ ကွီဇွန်မြို့ရဲဌာနမှဓး ရီမတ်စ် မီဒီနာက ပြောပါတယ်။

ကျောင်းဝင်းလုံခြုံရေးအရာရှိတစ်ဦးရဲ့ ပစ်ခတ်မှုကြောင့် ပစ်ခတ်သူလို့သံသယဖြစ်သူ ဒဏ်ရာရရှိခဲ့ပြီး သူ့ကို ကားနှင့် လိုက်ဖမ်းဆီးရာမှာ ဖမ်းဆီးမိခဲ့ပါတယ်။ ယခုအခါ သူ့ကို စစ်ကြောမေးမြန်းမှုတွေလုပ်နေတယ်လို့ ရဲဌာနမှူးက သတင်းထောက်တွေကိုပြောပါတယ်။

“ သူ့ကြည့်ရတာ စိတ်ပိုင်းဖြတ်ထားတဲ့ လုပ်ကြံရေးသမားတစ်ဦးဖြစ်ပုံရတယ်” လို့ မီဒီနာက ဆက်ပြောပါတယ်။

ကွီဇွန်ဟာ မြို့တော်မနီလာဒေသရဲ့ အစိတ်အပိုင်းဒေသတစ်ခုဖြစ်ပြီး မြို့ပေါင်း ၁၆မြို့နှင့် နေထိုင်င်သူပေါင်း ၁၃သန်းခန့် ရှိပါတယ်။

ဖူရီဂေးဟာ  အန်တီနီယိုဒီ မနီလာ တက္ကသိုလ် ဥပဒေကျောင်းဘွဲ့ရ သမီးဖြစ်သူရဲ့ ဘွဲနှင်းသဘင်ကို တက်ဖို့ဆဲဆဲမှာ သေနတ်နှင့် အပစ်ခံလိုက်ရတာဖြစ်ပါတယ်။အဲဒီတက္ကသိုလ်ဟာ ဖိလစ်ပိုင်ရဲ့ ဂုဏ်သိက္ခာအရှိဆုံး တက္ကသိုလ်တွေထဲမှာ တစ်ုအပါအဝင်ဖြစ်တယ်လို့ မီဒီနာကပြောပါတယ်။

သေနတ်ပစ်သမားလို့သံသယဖြစ်ရသူဟာ ဘွဲ့နှင့်သဘင်တက်တဲ့ ဆွေမျိုးသားချင်းတွေမရှိပါဘူး။ ပြီးတော့ သူဟာ ဘာဆီလန် ပြည်နယ်၊လာမီတန်ဒေသခံတစ်ဦးဖြစ်ပါတယ်။အဲဒီနေရာဟာ  ဓားပြတိုက်မှု၊ပြန်ပေးဆွဲမှုတွေ လုပ်နေတဲ့ အစ္စလမ်ထောက်ခံလိုလားသူ အစွန်းရောက်အဖွဲ့ အာဘူဆေယက်ဖ်ရဲ့ အမာခံနယ်မြေလည်းဖြစ်ပါတယ်။

နောက်ထပ်သေဆုံးသူနှစ်ဦးမှာ တက္ကသိုလ်ဝင်းလုံခြုံရေးအရာရှိနှင့် အမည်မသိ အမျိုးသားတစ်ဦးတို့ဖြစ်တယ်လို့ ရဲကပြောပါတယ်။

သေနတ်ပစ်မှုကြောင့် ဘွဲ့နှင်းသဘင်အခမ်းအနားကို တက္ကသိုလ်က ဖျက်သိမ်းခဲ့ပါတယ်။

ဖိလစ်ပိုင်မှာ သေနတ်ပစ်မှုတွေဟာ ဖြစ်တောင့်ဖြစ်ခဲပါ။ ဘာဖြစ်လို့လဲဆိုတော့ အများပြည်သူရှေ့ သေနတ်ကိုင်ဆောင်ဖို့ လိုင်စင်ရယူရန် လိုအပ်လို့ဖြစ်ပါတယ်။

ဒီလူသတ်မှုကို ဖော်ထုတ်စစ်ဆေးအရေးယူဖို့ ဥပဒေစိုးမိုးရေးအေဂျင်စီတွေက ဆောင်ရွက်မယ်လို့ ကျွန်တော်တို့ကတိပေးပါတယ်လို့ ဖိလစ်ပိုင်သမ္မတ ဖာဒီနန်မားကို့စ်ဂျူနီယာက  သတင်းထုတ်ပြန်ချက်ထဲမှာ ပြောထားပါတယ်။

#Source_Reuters

#Philippines_shooting

#shooting_at_university_graduation

#Philippines_violence