#World_Health
Published 22 June 2023

လူ့ခန္ဓာကိုယ်ထဲမှာ HIV ပုန်းခိုနေနိုင်တဲ့နေရာကို သိပ္ပံပညာရှင်များဖော်ထုတ်နိုင်ခဲ့ပါတယ်။

ဦးနှောက်ထဲမှာရှိတဲ့ ခုခံအားဆဲလ်ဖြစ်တဲ့ မိုက်ခရိုဂလီယယ်ဆဲလ်များဟာ ဗိုင်းရပ်စ်ပေါက်ဖွားရာနေရာဖြစ်နိုင်ကြောင်း လေ့လာချက်ထဲမှာ အတည်ပြုခဲ့ပါတယ်။

မိုက်ခရိုဂလီယယ်ဆဲလ်တွေဟာ ဦးနှောက်အတွင်း ဆယ်စုနှစ်တစ်ခုခန့်သက်တမ်းရှိတဲ့ ကိုယ်ခံအားဆဲလ်များဖြစ်ပါတယ်။

HIV က ထိုဆဲလ်တွေထံကူးစက်ကာ အချို့က ငုပ်လျှိုးနေတဲ့အခြေအနေသို့ ကူးပြောင်းသွားတတ်ပါတယ်။

HIV ကုသဆေး ART တွေကိုရပ်ဆိုင်းလိုက်ပါက ဗိုင်းရပ်စ်က ငုပ်လျှိုးနေရာကနေ ပြန်လည်အသက်ဝင်လာနိုင်ပြီး HIV ကူးစက်မှုမှ AIDS သို့ ဖြစ်ပွားလာနိုင်တဲ့အထိ ဖြစ်လာနိုင်ပါတယ်။

အဆိုပါတွေ့ရှိမှုက HIV ကို လုံးဝပပျောက်အောင် ရှင်းထုတ်နိုင်စွမ်းရှိနေနိုင်ပါတယ်။

အရင်ကတည်းက ဒီလိုဖြစ်ရပ်ကို သံသယရှိနေပေမယ့် လူသားတွေမှာ လက်တွေ့သက်သေမပြနိုင်ခဲ့ကြောင်း၊ ဦးနှောက်ဆဲလ်တွေကို ခွဲခြားလိုက်ခြင်းဖြင့် ဗဟိုအာရုံကြောစနစ်ကို ပိုမိုလေ့လာနိုင်ပြီး HIV ပပျောက်အောင် ကြိုးပမ်းသွားမှာဖြစ်ကြောင်း စာတမ်းပြုစုသူ'ယူယန်တန်'က ပြောပြပါတယ်။

ဦးနှောက်ရှိ HIV ဗိုင်းရပ်စ်က များသောအားဖြင့် ပုန်းကွယ်နေတတ်ကာ HIV ပျောက်ကင်းအောင်ပြုလုပ်ဖို့ အလွန်ခက်ခဲပါတယ်။

ဦးနှောက်အတွင်းရှိ HIV ဟာ ကိုယ်ခံအားကင်းရှင်းမှုမှ ပွားများပြီး ဖုံးကွယ်ဖို့ထူးခြားတဲ့လက္ခဏာများ လိုက်လျောညီထွေဖြစ်အောင် လုပ်ဆောင်နေတယ်လို့ သံသယရှိပါတယ်။

ဦးနှောက်အခန်းကဏ္ဍမှာ HIV အခိုင်အမာရှိရာနေရာအဖြစ် ဖော်ပြနေပြီး ဗဟိုအာရုံကြောစနစ်မိုက်ခရိုဂလီယယ်ဆဲလ်များအတွင်း ဗိုင်းရပ်စ်ဆက်ရှိနေခြင်းကို ဖြေရှင်းရန် သုတေသနကဖော်ပြနေပါတယ်။

အနာဂတ်မှာ ခန္ဓာကိုယ်တွင်းရှိ အခြားနေရာတွေမှာ HIV ဖြစ်ပေါ်ခြင်းကိုထိန်းချုပ်ရာ အဓိကလမ်းကြောင်းကနေ ဦးနှောက်အတွင်း ငုပ်လျှိုးနေတဲ့ HIV ကိုမထိခိုက်စေကြောင်း သိရှိရန်ရည်ရွယ်ပါတယ်။

ဦးနှောက်အတွင်း HIV ပုန်းခိုရာနေရာရဲ့ တကယ့်အရွယ်အစားကိုလည်း သိရှိနိုင်ရန် လေ့လာနေကြပါတယ်။

Source: The Jerusalem Post #World_Health #HIVသည်ဦးနှောက်ထဲတွင်ပုန်းလျှိုနေနိုင်
#Yangon_Time

#World_Climate
Published 22 June 2023

ရာသီဥတုပြောင်းလဲမှုများကြောင့် ဥရောပမှာ နောက်ထပ်အန္တရာယ်ရှိအပူလှိုင်းဒဏ်များ ပိုမိုခံစားရနိုင်ပြီး ကမ္ဘာမှာ ပူနွေးလာမှုအမြန်ဆုံးတိုက်ကြီးဖြစ်လာနိုင်ကာ ယမန်နှစ်ကဆိုရင် စက်မှုခေတ်မတိုင်မီအချိန်တွေကထက် အပူချိန် ၂.၃ ဒီဂရီဆဲလ်စီးယပ်စ် မြင့်တက်လာခဲ့ပါတယ်။

အပူချိန်မြင့်တက်လာခြင်းက မကြုံစဖူးရေခဲမြစ်များ အရည်ပျော်ခြင်းနဲ့ သီးနှံများညှိုးနွမ်းစေလောက်တဲ့ မိုးခေါင်ခြင်းတို့ဖြစ်စေကာ ပင်လယ်ရေမျက်နှာပြင် စံချိန်တင်မြင့်တက်ခြင်းတို့ ဖြစ်ပေါ်စေနိုင်ကြောင်း ကမ္ဘာ့မိုးလေဝသအဖွဲ့နဲ့ ဥရောပသမဂ္ဂ Copernicus ရာသီဥတုပြောင်းလဲမှုစောင့်ကြည့်အရေးအဖွဲ့တို့က တင်ပြခဲ့ပါတယ်။

၁၉၈၀ ပြည့်နှစ်ကျော်ကတည်းက ဥရောပဟာ ကမ္ဘာ့ပျမ်းမျှအပူချိန်ထက် နှစ်ဆပိုပူနွေးလာခဲ့ပြီး ပြင်သစ်၊ ဂျာမနီ၊ အီတလီ၊ ပေါ်တူဂီ၊ စပိန်၊ ဗြိတိန်တို့လိုနိုင်ငံတွေမှာ ယမန်နှစ်က အပူနွေးဆုံးနှစ်အဖြစ် စံချိန်တင်ခဲ့ပါတယ်။

၁၈၀၀ အလယ်ပိုင်းနှစ်တွေကတည်းက ကမ္ဘာကြီးဟာ ပျမ်းမျှ ၁.၂ ဒီဂရီခန့်ပူနွေးလာခဲ့ပြီး ရာသီဥတုဒဏ်ပိုမိုပြင်းထန်လာကာ မိုးခေါင်မှုများ၊ ပိုမိုပြင်းထန်တဲ့အပူလှိုင်းများနဲ့ မုန်တိုင်းများဖြစ်ပေါ်လာပြီး ပင်လယ်ရေများ ကြောက်စရာကောင်းလောက်အောင် မြင့်တက်လာပါတယ်။

ကမ္ဘာ့အဆင်းရဲဆုံးနိုင်ငံတွေနဲ့ အထိခိုက်လွယ်ဆုံးလူတွေဟာ အထိခိုက်နိုင်ဆုံးဖြစ်လာနိုင်ပါတယ်။

ရာသီဥတုပြောင်းလဲမှုဒဏ်က ကမ္ဘာတဝှမ်းမှာ အတော်လေးပြင်းထန်နေကာ မြောက်ပိုင်းနဲ့ ဝင်ရိုးစွန်းဒေသတွေမှာ အလျင်အမြန်ပူနွေးလာပါတယ်။

ဥရောပမှာ ၁၉၉၁ မှ ၂၀၂၁ အတွင်း နှစ်ပေါင်း ၃၀ အတွင်း အပူချိန် ၁.၅ ဒီဂရီဆဲလ်စီးယပ်စ်မြင့်တက်ခဲ့ကြောင်း ၂၀၂၂ ဥရောပရာသီဥတုအစီရင်ခံစာမှာ ဖော်ပြခဲ့ပါတယ်။

ယမန်နှစ်က ဆိုးရွားလှတဲ့အပူချိန်ကြောင့် လူပေါင်း ၁၆,၀၀၀ ကျော်သေဆုံးခဲ့ပြီး ရေလျှံခြင်းနဲ့ မုန်တိုင်းတို့ကြောင့် ပျက်စီးမှုပေါင်းဒေါ်လာ ၂ ဘီလီယံခန့်ရှိခဲ့ပါတယ်။

အပူချိန်မြင့်တက်လာခြင်းကြောင့် စီးပွားရေးနဲ့ ဂေဟနစ်များထိခိုက်နစ်နာခဲ့ရကြောင်း အစီရင်ခံစာမှာ ဖော်ပြထားပါတယ်။

ပူပြင်းတဲ့နွေရာသီ၊ ဆောင်းရာသီဆီးနှင်းအလွန်နည်းပါးခြင်း၊ လေတိုက်ပြီး ဆာဟာရဖုန်မှုန့်များအနည်ကျခြင်းတို့ကြောင့် ၂၀၂၂ ခုနှစ် အဲလ်ပ်တောင်တန်းရှိရေခဲမြစ်များ စံချိန်တင်ရေခဲဆုံးရှုံးမှုဖြစ်ထားပါတယ်။

လွန်ခဲ့တဲ့နှစ် ၃၀ အတွင်း ဥရောပမှာ လေတိုက်ခြင်း၊ မိုးရွာသွန်းမှုပုံစံများ သိသာထင်ရှားစွာဖြစ်ပေါ်ခြင်းမရှိပေမယ့် နေရောင်ခြည်သိသိသာသာများလာပြီး ၂၀၂၂ မှာ ဓာတ်ရောင်ခြည်ပမာဏအများဆုံး ဖြစ်ခဲ့ပါတယ်။

Source: WION #ရာသီဥတုအစီရင်ခံစာ #ကမ္ဘာပေါ်တွင်အမြန်ဆုံးပူနွေးလာသည့်နေရာဖြစ်နေကြောင်း
#YMG #Yangon_Time

“flying taxis" လို့သိကြတဲ့ အငှားယာဉ်ပျံဟာ ပြင်သစ်လေကြောင်းပြပွဲမှာ အတော်ကလေးရေပန်းစားနေပါတယ်။ ထိုင်ခုံနှစ်လုံးပါ အဲဒီ ရဟတ်ယာဉ်ကို လျှပ်စစ်ဘက်ထရီနှင့်မောင်းနှင်တာဖြစ်ပါတယ်။ ပါရီ လေယာဉ်ပြပွဲမှာ အငှားယာဉ်ပျံကို ၁၅မိနစ်ခရီးမောင်းနှင်ပြခဲ့ပါတယ်။

ဂျာမန်ကုမ္ပဏီ ဗိုလိုကော်ပတာက ထုတ်လုပ်တဲ့ အဲဒီ ဗိုလိုစီးတီး ယာဉ်ဟာ ၂၀၂၄ အိုလံပစ်အားကစားပွဲမှာ မြိုတော်ပါရီကနေ ခရီးသာ်တွေကို သယ်ယူပေးမှာဖြစ်ပါတယ်။

Source AFP

#flyingtaxis

#parisairshow

#yangonmediagroup

#World_Health
Published 21 June 2023

ဂျပန်ယဉ်ကျေးမှုအယူအဆတစ်ခုကို ပျင်းရိခြင်းကိုကျော်လွှားနိုင်မယ့် နည်းလမ်းတစ်ခုအဖြစ် အသုံးချနိုင်ပါတယ်။

ဒီအယူအဆက အချိန်နဲ့အမျှ သိသာထင်ရှားတဲ့ခြားနားမှုကို ဦးတည်နေပြီး အပြောင်းအလဲငယ်များ ပြုလုပ်ရန်ရည်ရွယ်ကာ ဆက်တိုက်တိုးတက်မှုကို အလေးထားတာဖြစ်ပါတယ်။

ထိုနည်းလမ်းကိုကျင့်ကြံခြင်းဖြင့် လူတွေဟာ ပျင်းရိခြင်းသံသရာမှ လွတ်မြောက်နိုင်ပြီး အကျိုးရှိတဲ့အတွေးအခေါ်များ မွေးမြူနိုင်ကာ ကိုယ့်ဘာသာထိန်းကျောင်းဆုံးမမှုလည်း မြင့်မားလာမှာဖြစ်ပါတယ်။

ပျင်းရိခြင်းကိုကျော်လွှားဖို့ ပထမဆုံးခြေလှမ်းက ပျင်းရိနေတယ်ဆိုတာကို ကိုယ်တိုင်သိရှိဖို့လိုပြီး မိမိပျင်းရိတတ်တဲ့ အကြောင်းအရာတွေမှာ နားလည်ဖို့အတွက် အပြုအမူ၊ လုပ်ရိုးလုပ်စဉ်၊ တွေးခေါ်မှုပုံစံများကို အရင်အာရုံစိုက်ရပါမယ်။

တစ်မိနစ်အာရုံစိုက်ခြင်းနည်းလမ်းက ပျင်းရိခြင်းကိုကျော်လွှားဖို့ အသုံးဝင်တဲ့နည်းလမ်းတစ်ခုဖြစ်ပါတယ်။

မလုပ်ချင်တဲ့အလုပ်တစ်ခုလုပ်ဖို့ရာ အချိန်တစ်မိနစ်ပေးခြင်းဖြင့် အလုပ်ကိုစလုပ်မိတာနဲ့ ခက်ခဲလွန်းတဲ့အလုပ်ကိုတောင် ပြီးမြောက်အောင် ဆောင်ရွက်နိုင်မှာဖြစ်ပါတယ်။

အလုပ်၊ လေ့ကျင့်ခန်း၊ အနားယူခြင်း၊ အခြားအရာများအတွက် အချိန်ဇယားသတ်မှတ်ပေးကာ မိမိကိုယ်ကို ထိန်းသိမ်းသင့်ပါတယ်။

'ပိုမိုဒိုရို'နည်းလမ်းက အချိန်စီမံခန့်ခွဲခြင်းကျွမ်းကျင်မှုကို တိုးတက်စေပြီး အလုပ်အကိုင်ဖြစ်မြောက်မှုကို တိုးတက်စေနိုင်ပါတယ်။

ဒီနည်းလမ်းက အလုပ်တွေကို ၂၅ မိနစ်တစ်ချိန် အပိုင်းပိုင်းဖြတ်ပြီး အနားယူဆောင်ရွက်ခြင်းဖြစ်ပါတယ်။

အလုပ်ကြီးတွေကို အပိုင်းပိုင်းပြတ်အောင် ပြုလုပ်ပြီး ရည်မှန်းချက်ပြည့်မြောက်အောင် ဆောင်ရွက်စေနိုင်မှာဖြစ်ပါတယ်။

ပျင်းရိခြင်းဟာ ကိုယ်တိုင်စည်းကမ်းမရှိခြင်းကြောင့် ဖြစ်တတ်ပြီး အချိန်ဆွဲခြင်း၊ နှောင့်ယှက်မှုများ သွေးဆောင်ခြင်းတို့ကို ရှောင်ရှားနိုင်ဖို့ လေ့ကျင့်ရမှာဖြစ်ပါတယ်။

သတ်မှတ်ရက်များထားခြင်း၊ အာရုံစူးစိုက်မှု၊ စည်းကမ်းများတိုးတက်လာစေမယ့်အလုပ်များ ဦးစားပေးခြင်းဖြင့် အောင်မြင်နိုင်မှာဖြစ်ပါတယ်။

တိုးတက်မှုအတွက် ကိုယ့်ကိုယ်ကိုဂုဏ်ပြုခြင်းလိုမျိုး အပြုသဘောဆောင်တဲ့ လုပ်ရပ်တွေကို လုပ်ဆောင်ပေးသင့်ပါတယ်။

ဒီလိုနည်းနဲ့ လမ်းကြောင်းအတိုင်းဆက်သွားရန် လှုံ့ဆော်နိုင်ပြီး ပျင်းရိခြင်းကို အနိုင်ယူနိုင်မှာဖြစ်ပါတယ်။

လူတစ်ယောက်က အတားအဆီးတွေကို စိတ်ပျက်အားလျော့နေမယ့်အစား ကြီးပွားတိုးတက် သင်ယူလေ့လာခြင်းကို အာရုံစိုက်ပါက အလုပ်တာဝန်တွေကနေ ပိုမိုမြင့်မားတဲ့အခွင့်အလမ်းတွေ ရလာနိုင်မှာဖြစ်ပါတယ်။

Source: The Jerusalem Post #World_Health #ဘဝတိုးတက်စေမည့်နည်းလမ်းများ
#YMG #Yangon_Media_Group

#World_Health
Published 21 June 2023

ကိုယ်ဝန်ဆောင်အမျိုးသမီးများမှာ ဆိုးဆိုးရွားရွားပျို့အန်ရခြင်း အကြောင်းအရင်းကို သိပ္ပံပညာရှင်များဖော်ထုတ်ရာမှာ သိသိသာသာတိုးတက်မှုများ ရှိလာပါတယ်။

ထိုအကြောင်းအရင်းကတော့ GDF15 လို့ခေါ်တဲ့ ဟော်မုန်းတစ်ခုကြောင့် ဖြစ်ပါတယ်။

ကိုယ်ဝန်ဆောင်အမျိုးသမီး ၃ ပုံ ၂ ပုံခန့်လောက်က နေ့တစ်နေ့အတွင်း ပျို့အန်ခြင်းအခြေအနေအမျိုးမျိုး ကြုံတွေ့နေရကြောင်း သိရှိရပါတယ်။

အခြေအနေဆိုးရွားလာတဲ့အခါ ကိုယ်အလေးချိန်ကျခြင်း၊ ရေဓာတ်ခန်းခြောက်ခြင်း၊ မိခင်ရော သန္ဓေသားပါ အသက်ဘေးအန္တရာယ်ရှိခြင်းတို့ ကြုံတွေ့နိုင်ပါတယ်။

GDF15 ဟော်မုန်းကို ၁၉၉၀ နှစ်တွေမှာ စတွေ့ရှိခဲ့ပြီး ၂၀၁၇ ခုနှစ်မှာတော့ ခန္ဓာကိုယ်အတွင်း စိတ်ဖိစီးမှုဖြစ်တဲ့အခြေအနေတွေမှာ မူးဝေပျို့အန်ခြင်းတို့ကို ဖြစ်စေနိုင်ကြောင်း တွေ့ရှိခဲ့ပါတယ်။

ကိုယ်ဝန်ဆောင်ချိန်ပျို့အန်တတ်တဲ့ အမျိုးသမီးတွေမှာ GDF15 ဟော်မုန်းများပြားကြောင်း ကိမ်းဘရစ်ဂျ်တက္ကသိုလ်က သုတေသနတွေ့ရှိခဲ့ပါတယ်။

GDF15 နဲ့ဆက်စပ်နေတဲ့ မျိုးဗီဇကွဲအချို့မှာလည်း ပျို့အန်ခြင်းပြင်းပြင်းထန်ထန်ဖြစ်နိုင်ချေ များနေပါတယ်။

သာမန်လက္ခဏာလောက်သာ ခံစားရသူတွေထက်စာရင် ပျို့အန်ခြင်းပိုမိုပြင်းထန်တဲ့ ကိုယ်ဝန်ဆောင်အမျိုးသမီးတွေမှာ GDF15 ဟော်မုန်းသိသိသာသာများပြားကြောင်း တွေ့ရှိထားပါတယ်။

ကိုယ်ဝန်မဆောင်မီမှာ GDF15 များပြားအောင်ပြုလုပ်နိုင်ရင် ဒီလိုအခြေအနေတွေကို ကာကွယ်ပေးနိုင်ချေရှိနေပါတယ်။

မူးဝေပျို့အန်ခြင်းဖြစ်စေတဲ့ အခြားသောကျန်းမာရေးအခြေအနေတွေအတွက် GDF15 လျှော့ချနိုင်မယ့် ကုသနည်းလမ်းတွေကို အချို့ကုမ္ပဏီတွေ စမ်းသပ်နေပြီဖြစ်ပါတယ်။

၁၉၅၀ ခုနှစ်တွေတုန်းက ကိုယ်ဝန်ဆောင်အမျိုးသမီးတွေမှာ ပျို့အန်ခြင်းအတွက် သာလီဒိုမိုက်ဆေးကို အသုံးပြုခဲ့ကြကာ မွေးရာပါချို့ယွင်းမှုဖြစ်တတ်ကြောင်း ဆက်စပ်တွေ့ရှိထားပါတယ်။

Source: WION #World_Health #ကိုယ်ဝန်ဆောင်များမူးဝေပျို့အန်ခြင်းအကြောင်းအားသိပ္ပံပညာရှင်များရှာဖွေတွေ့ရှိ #YMG #Yangon_Media_Group

#World_Business
Published 20 June 2023

ဗြိတိန်ရဲ့ဒုတိယအကြီးဆုံးမြို့ထဲက နာမည်ကိုပေးထားပေမယ့် ဘာမင်ဂမ်ရှိ ဘာတီစားသောက်ဆိုင်တွေဟာ ဆက်လက်ရှင်သန်ရန် ရုန်းကန်နေရပါတယ်။

#YMG #Yangon_Media_Group