#World_Health
Published 25 February 2023

အီရန်နိုင်ငံ ဘာဂျန်ဆေးသိပ္ပံတက္ကသိုလ်မှ သုတေသီများက ဦးနှောက်နဲ့ သိမြင်မှုစွမ်းရည်တို့အပေါ် သစ်ကြံပိုးခေါက်ရဲ့ သက်ရောက်မှုတွေကို အနီးကပ်လေ့လာခဲ့ကြပါတယ်။

လေ့လာချက်များကို ခွဲခြမ်းစိတ်ဖြာကြပြီးနောက် ယူဂျီနောလ်၊ စင်နာမယ်ဒီဟိုက်ဒ်၊ စင်နာမစ်အက်ဆစ်တို့ရဲ့ အစိတ်အပိုင်းတွေဟာ ဦးနှောက်သိမြင်မှုစွမ်းရည်အပေါ် ကောင်းမွန်တဲ့ပြောင်းလဲမှုတွေ ဖြစ်ပေါ်စေကြောင်း တွေ့ရှိခဲ့ကြပါတယ်။

နောက်ထပ်လေ့လာတစ်ခုဆိုရင် သစ်ကြံပိုးခေါက်ပါဝင်တဲ့ ပီကေဝါးခြင်းဖြင့် မှတ်ဉာဏ်စွမ်းရည်တိုးတက်စေကာ စိုးရိမ်ပူပန်မှုကိုပင် လျော့ကျစေပါတယ်။

ဒီလေ့လာချက်က သစ်ကြံပိုးခေါက်နဲ့ ပါဝင်ပစ္စည်းတွေဟာ မှတ်ဉာဏ်စွမ်းရည်နဲ့ သင်ယူမှုစွမ်းရည်တို့မှာ ပါဝင်ပတ်သက်နေပုံကို လေ့လာရန်ဖြစ်ပါတယ်။

ဦးနှောက်အပေါ် သစ်ကြံပိုးခေါက်ရဲ့ အာနိသင်များကို အခြားသိပ္ပံပညာရှင်များပါ လေ့လာစေဖို့ လှုံ့ဆော်ပေးနိုင်မယ်လို့ မျှော်လင့်နေကြပါတယ်။

ဒါမှ ဦးနှောက်လုပ်ဆောင်ချက်ကို ထိန်းသိမ်းရန်နဲ့ မှတ်ဉာဏ်ချို့ယွင်းမှုကို နှောင့်နှေးစေရာမှာ အသုံးပြုနိုင်ရန် အကြံပြုနိုင်မှာဖြစ်ပါတယ်။

သစ်ကြံပိုးခေါက်ထဲမှာ ထူးခြားတဲ့ရနံ့ကိုဖြစ်စေတဲ့ စင်နာမယ်ဒီဟိုက်ဒ်မော်လီကျူးကို ကြွက်တွေနဲ့ လူသားတွေထံမှရယူထားတဲ့ အဆီဆဲလ်တွေအပေါ် သက်ရောက်မှုကို မီချီဂန်တက္ကသိုလ်မှ သုတေသီများလေ့လာခဲ့ကြပါတယ်။

ကြွက်နဲ့လူတွေရဲ့ဆဲလ်တွေဟာ သစ်ကြံပိုးခေါက်ဆီနဲ့ထိတွေ့တဲ့အခါ ကယ်လိုရီစတင်လောင်ကျွမ်းလာကြောင်း တွေ့ရှိခဲ့ကြပါတယ်။

ထိုဆီက မျိုးဗီဇအမျိုးမျိုး၊ အင်ဇိုင်းတွေနဲ့ ပရိုတိန်းတို့လှုပ်ရှားမှုကို တိုးပွားစေကာ ဇီဝဖြစ်ပျက်မှုဖြစ်စဉ် မြန်ဆန်စေပါတယ်။

ဒါ့အပြင် သစ်ကြံပိုးခေါက်က အစာစားပြီးနောက် ဗိုက်ဆာတဲ့စိတ်ကိုလျှော့ချပေးကာ သွေးအတွင်းသကြားဓာတ်များပြားခြင်းကိုလည်း လျှော့ချပေးပါတယ်။

ဆီးချိုလူနာတွေမှာ အင်ဆူလင်ထွက်စေတဲ့ ဆဲလ်တွေကိုလှုံ့ဆော်ပေးပြီး သွေးတွင်းသကြားဓာတ်ညီမျှအောင် ကူညီပေးပါတယ်။

#Source: The Jerusalem Post #World_Health #သစ်ကြံပိုး #အီရန်သုတေသီ #YMG #Yangon_Media_Group

#World_Record
Published 24 February 2023

ချီလီနိုင်ငံမှ ရေကူးသမား'ဘာဘရာဟာနန်ဒက်ဇ်'ဟာ တောင်ပိုင်းသမုဒ္ဒရာရေပြင်မှာ ၂.၅ ကီလိုမီတာကူးခတ်နိုင်ခဲ့တဲ့ ပထမဆုံးလူသားအဖြစ် မှတ်တမ်းတင်နိုင်ခဲ့ပါတယ်။

#World_Record #အန္တာတိကရေခဲပြင် #ချီလီနိုင်ငံ
#YMG #Yangon_Media_Group

Published 24 Feb 2023

Nord Stream ပိုက်လိုင်းကို ဖျက်ဆီးပစ်တဲ့နောက်ကွယ်မှ, အမေရိကန်ပြည်ထောင်စုရှိနေတယ်လို့ အမေရိကန်သတင်းစာဆရာ ဆေမော ဟတ်ချ်က ရေးသားခဲ့တဲ့အတိုင်းဟုတ်တယ်ဆိုရင် ဂျာမန်အစိုးရအနေနှင့် အမေရိကန်နှင့် ဆက်ဆံရေးကို ပြန်လည်သုံးသပ်ရလိမ့်မယ်လို့ ဂျာမန်အရာရှိတစ်ဦးကပြောလိုက်ပါတယ်။

၂၀၂၂ခုနျစ် ဇွန်လက အမေရိကန်နှင့်နော်ဝေးတို့ဟာ ထိပ်တန်းလျှို့ဝှက် စစ်ဆင်ရေးတစ်ခုကိုပူးပေါင်းကြံစည်ခဲ့ကြြပြီးနောက် သုံးလအကြာမှာ အဆိုပါ Nord Stream ပိုက်လိုင်းလေးလိုင်းထဲက သုံးလိုင်းကို အဝေးထိန်းစနစ်နှင့် ဖောက်ခွဲဖျက်ဆီးခဲ့ကြတယ်လို့ ယခုနှစ်ဖေဖော်ဝါရီလဆန်းပိုင်းက ပူလစ်ဇာဆုရ အမေရိကန်သတင်းစာဆရာ ဆေမောဟတ်ချ်က ဖွင့်ချရေးသားခဲ့ပါတယ်။

ပြီးခဲ့တဲ့ စက်တင်ဘာလက Nord Stream ပိုက်လိုင်းဖောက်ခွဲဖျက်ဆီးမှုဟာ အကြမ်းဖက်တိုက်ခိုက်မှုတစ်ခုဖြစ်တယ်လို့ ဂျာမာန်ဖက်ဒရယ်ပါလီမန်ရဲ့ နိုင်ငံခြားရေးရာကော်မတီအဖွဲ့ဝင် ပက်တာဘိုင်စထရွန်က တရုတ်မီဒီယာအုပ်စုကိုပြောခဲ့ပါတယ်၊

“ အစိုးရနှစ်ခုက ဂျာမနီအပေါ် ဒီအကြမ်းဖက်တိုက်ခိုက်မှုလုပ်ခဲ့တယ်ဆိုရင် အမေရိကန်ဟာ ကျွန်တော်တို့ရဲ့  မဟာမိတ်မဟုတ်တော့သလို ကိုယ့်အကျိုးစီးပွားသက်သက်ကြည့်တဲ့ သိပ်တစ်ကိုယ်ကောင်းဆန်သူလည်း ဖြစ်တယ်ဆိုတာကိုပြန်စဉ်းစားသုံးသပ်ရလိမ့်မယ်။ အဲဒါကြောင့် အမေရိကန်ပြည်ထောင်စုနှင့်ပတ်သက်တဲ့ ဂျာမနီရဲ့ နိုင်ငံခြားရေးမူဝါဒကို သိသိသာသာ ပြောင်းလဲရလိမ့်မယ်Ó လို့ သူကပြောပါတယ်။

တစ်နှစ်ကြာ ယူကရိန်းပဋိပက္ခနှင့်ပတ်သက်ပြီးတော့လည်း ကာလရှည်ပဋိပက္ခတစ်ခုကို မီးမွှေးခြင်းဖြင့် အမေရိကန်ဟာ အမြတ်အကြီးအကျယ်ထုတ်နေတယ်လို့လည်း ဘိုင်စထရွန်က စွပ်စွဲလိုက်ပါတယ်။

“ အစကနေ အဆုံးအထိ ကြည့်ရင် အမေရိကန်ဟာ ဒီစစ်ပွဲထဲကို ရုရှားကိုဆွဲသွင်းခဲ့တယ်ဆိုတာ သိပ်ကိုထင်ရှားတယ်။ အထူးသဖြင့် ယခုနေအခါမှာ  အမေရိကန်ဟာ ယူကရိန်းကို စစ်ပွဲဆက်တိုက်ဖို့ မြှောက်ပေးနေတယ်။ အများသိကြရတဲ့ သတင်းအချက်အလက်တွေအရ ပြီးခဲ့တဲ့ နွေဦးတုန်းက အစ္စတန်ဘူမှာ ရုရှားနှင့်ယူကရိန်းကိုယ်စားလှယ်တွေဟာ ငြိမ်းချမ်းရေးသဘောတူညီချက်တွေရဖို့ အတော်ကြီးနီးကပ်ခဲ့ကြတယ်။ ဒါပေမယ့် အဲဒီတုန်းက ဗြိတိန်ဝန်ကြီးချုပ် ဘောရစ်ဂျန်ဆင်နှင့် အမေရိကန်တွေက ကြားဝင်စွက်ဖက်ခဲ့ကြတယ်။ သူတို့ဟာ မီးလောင်ရာလေပင်ဆက်လုပ်နေ ကြပြီးယူကရိန်းကိုလက်နက်တွေဆက်ပေးမယ်လို့ ကတိတွေပေးခဲ့ကြတယ်” လို့လည်း သူကပြောပါတယ်။

အမေရိကန်က  ပထဝီနိုင်ငံရေးဩဇာတွေ တက်လာနေပြီး လက်နက်တွေရောင်းပြီး စွမ်းအင်တွေတင်ပို့နေပေးနေရာကနေ အမြတ်တွေထွက်လာပေမယ့် ရုရှားဆီက စွမ်းအင်ကိုမှီခိုနေရတဲ့ ဂျာမနီအဖို့တော့ အမေရိကန်နှင့်ဆန့်ကျင်ခြားနားစွာ အရှုံးကြီးရှုံးနေတယ် လို့လည်း သူကပြောပါတယ်။

“ စစ်ပွဲကရှည်ကြာတယ်။ ဂျာမနီ အထူးသဖြင့်ဂျာမန်စက်မှုလုပ်ငန်းတွေနှင့် ပြည်သူတွေဟာ ဒီအပေါ်မှာ အဲဒီဒဏ်တွေကို ခံနေကြရတယ်။ ရုရှားအပေါ် ညံ့ဖျင်းတဲ့ နိုင်ငံရေးဆုံးဖြတ်ချက်တွေနှင့် အရေးယူပိတ်ဆို့မှုတွေဟာ စွမ်းအင်ဈေးနှုန်းတွေ မြင့်တက်လာတာပဲ အဖတ်တင်တယ်။ လူတွေက စစ်ပွဲခပ်မြန်မြန်ပြီးဆုံးဖို့ သိပ်ကိုလိုလားနေကြတယ်” လို့ သူကပြောကြားခဲ့ပါတယ်။

Source: CCTV

#NordStreamပိုက်လိုင်း

#ဂျာမနီ

#အမေရိကန်

#ထိပ်တန်းလျှို့ဝှက်စစ်ဆင်ရေး

#WorldNews

#YangonMediaGroup

#DailyNews
Published_ 24 February 2023

၁။ ဆန်နှင့်ဆန်ထွက်ပစ္စည်းများ နိုင်ငံခြားတင်ပို့မှုမှရရှိသည့် နိုင်ငံခြားငွေ ၆၅ ရာခိုင်နှုန်းကို ဗဟိုဘဏ်သတ်မှတ်နှုန်းအတိုင်းလဲလှယ်ရမည်

၂။ ကမ္ဘာ့ရွှေဈေး ၁၈၂၂ ဒေါ်လာ ပေါက်ဈေးရှိပြီး ပြည်တွင်ရွှေဈေးဆက်တိုက်ကျဆင်းနေ

၃။ ရုပ်ရှင်ဇာတ်ကားများကို တရားမဝင်ပြသရောင်းချနေသည့် Channel များ၊ Website များ၊ Page များကို အရေးယူရန်ရှိဟုဆို

၄။ အန္တာတိကရေခဲပြင်တွင်(၂.၅)ကီလိုမီတာ ရေကူးခတ်ပြီး စံချိန်တင်ခဲ့သည့် ချီလီရေကူးမယ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Business
Published 24 February 2023

ကမ္ဘာ့ဘဏ်ကို ဦးစီးရန်အတွက် MasterCard Inc ရဲ့ အမှုဆောင်အရာရှိချုပ်ဟောင်း 'အာဂျေးဘန်ဂါ'ကို အမေရိကန်သမ္မတ'ဂျိုးဘိုင်ဒင်'က အဆိုပြုလိုက်ပါတယ်။

အိန္ဒိယနွယ်ဖွားအမှုဆောင်ဟာ ပုဂ္ဂလိကရေးရာကဏ္ဍမှာ ဆက်ဆံရေးကောင်းရှိထားပြီး သက်တမ်း ၇၇ နှစ်ရှိတဲ့ အဖွဲ့အစည်းအနေနဲ့ ရာသီဥတုဖောက်ပြန်မှုကို ကောင်းစွာဖြေရှင်းနိုင်ရန် အရှိန်အဟုန်ဖြင့် ပြုပြင်မွမ်းမံသွားမှာ ဖြစ်ပါတယ်။

အမေရိကန်နိုင်ငံသားဖြစ်နေပြီး အသက် ၆၃ နှစ်ရှိပြီဖြစ်တဲ့ ဘန်ဂါကို ကြာသပတေးနေ့မှာ ဘိုင်ဒင်က အဆိုပြုလိုက်ကာ ဖွံ့ဖြိုးဆဲနိုင်ငံတွေမှာ ရာသီဥတုပြောင်းလဲမှုကို ဖြေရှင်းရန်ကြိုးပမ်းနေတဲ့ ကမ္ဘာ့ဘဏ်ရဲ့ ဘီလီယံဒေါ်လာငွေကြေးတွေကို တာဝန်ယူကိုင်တွယ်ဖို့ သေချာသလောက်ဖြစ်နေပါတယ်။

ပြီးခဲ့တဲ့အပတ်က ရာထူးကနေနှုတ်ထွက်မယ်လို့ ကြေညာခဲ့တဲ့ ဥက္ကဌ'ဒေးဗစ်မယ်လ်ပတ်စ်'ရဲ့နေရာမှာ မေလအစောပိုင်းအတွင်း ဥက္ကဌအသစ်အစားထိုးရန် ကမ္ဘာ့ဘဏ်က မျှော်မှန်းထားပါတယ်။

ဒေးဗစ်မယ်လ်ပတ်စ်ဟာ ရာသီဥတုပြောင်းလဲမှုနဲ့ ပတ်သက်တဲ့ သိပ္ပံနည်းကျဘုံသဘောတူညီချက်ကို လက်ခံမလားဆိုတာကို အစပိုင်းမှာ ငြင်းပယ်ခဲ့ပြီး ခိုင်မာတဲ့ပြုပြင်ရေးများ ဆောင်ရွက်ရန် ဘဏ္ဍာရေးဝန်ကြီး'ဂျဲနတ်ယယ်လန်'ကလည်း ဖိအားပေးနေခဲ့တာကြောင့် အငြင်းပွားစရာများ ဖြစ်ခဲ့ပါတယ်။

အခုလိုမျိုး ပုဂ္ဂိုလ်တစ်ဦးကို အလျင်အမြန်ပဲ အဆိုပြုလိုက်တာကြောင့် အခြားယှဉ်ပြိုင်ချင်တဲ့သူတွေအတွက် အားလျော့သွားစေကြောင်း အမေရိကန်ဘဏ္ဍာရေးမှူးဟောင်း 'စကော့မောရစ်'က ဆိုပါတယ်။ နှစ်
ဘန်ဂါက ရာသီဥတုပြောင်းလဲမှုတုန့်ပြန်ရေးအတွက် ကမ္ဘာ့ကုမ္ပဏီတွေ၊ ပုဂ္ဂလိကမိတ်ဖက်အဖွဲ့အစည်းတွေနဲ့ ဆောင်ရွက်ခဲ့တဲ့ အတွေ့အကြုံတွေ ဆယ်စုနှစ်ချီရှိနေပြီး ကမ္ဘာ့ခေါင်းဆောင်တွေနဲ့ အလုပ်လုပ်ဖူးတဲ့ မှတ်တမ်းတွေရှိထားကြောင်း ဘိုင်ဒင်က မှတ်ချက်ပြုလိုက်ပါတယ်။

ဘန်ဂါက ဘဏ္ဍာရေးတိုးချဲ့ခြင်းတွေ၊ နည်းပညာအသစ်ကျွမ်းကျင်ခြင်းတွေအပေါ် စိတ်ပါဝင်စားခြင်းက ချမ်းသာတဲ့နိုင်ငံတွေနဲ့ ကျယ်ပြန့်စဈေးကွက်တွေကြား ကူးပေါင်းပေးနိုင်မှာဖြစ်ကြောင်း အင်တာအမေရိကန်ဖွံ့ဖြိုးရေးဘဏ်ဥက္ကဌဖြစ်ပြီး ဘန်ဂါနဲ့နီးစပ်စွယလုပ်ကိုင်နေတဲ့ လူးဝစ္စအယ်လ်ဘတ်တိုမိုရီနိုက ဆိုပါတယ်။

အိန္ဒိယကလည်း ဘန်ဂါပါဝင်ယှဉ်ပြိုင်မယ့်အပေါ် ထောက်ပံ့ပေးဖို့ မျှော်လင့်နေကြောင်း နိုင်ငံတကာငွေကြေးရန်ပုံငွေအဖွဲ့မှ အိန္ဒိယအမှုဆောင်ညွှန်ကြားရေးမှူးက ပြောကြားသွားပါတယ်။

#Source: Reuters #World_Business #ဘိုင်ဒင်အဆိုပြု
#YMG #Yangon_Media_Group

#World_Health
Published 24 February 2023

ဘရာဇီးလ်မှ မိခင်တစ်ဦးဟာ ၆၀ စင်တီမီတာမြင့်ပြီး ကိုယ်အလေးချိန် ၇.၃ ကီလိုဂရမ် (၁၆ ပေါင်)ရှိတဲ့ ကလေးငယ်ကို မွေးဖွားခဲ့ပါတယ်။

အသက် ၂၇ နှစ်ရှိ 'ကလီဒီယန်ဆန်းတို့စ်ဒေါ့ဆန်းတို့စ်'ဟာ အမေဇုံပြည်နယ် ပဲရင်တင်စ်ရှိ ပက်ဒရီကိုလမ်ဘိုဆေးရုံမှာ ဇန်နဝါရီ ၁၈ ရက်နေ့က သားယောက်ျားလေးကို ဗိုက်ခွဲမွေးခဲ့ပါတယ်။

ဆန်းတို့စ်က ပုံမှန်အတိုင်းဆရာဝန်နဲ့ တိုင်ပင်ဆွေးနွေးရန် ဆေးရုံကိုသွားခဲ့တာဖြစ်ပေမယ့် သန္ဓေသားကို နေ့စေ့လစေ့ကိုယ်ဝန်ဆက်လွယ်ထားဖို့ ကြီးလွန်းနေကြောင်း ဆရာဝန်က သတိထားမိပြီး ဗိုက်ခွဲမွေးဖွားခဲ့ရာ ကလေးရောမိခင်ပါ ကျန်းမာလျက်ရှိပါတယ်။

ကလေးရဲ့အလေးချိန်များလွန်းတာဟာ ဒါပထမဆုံးဖြစ်ရပ်မဟုတ်ပါဘူး။

၈ ကီလိုဂရမ် (၁၇.၆ ပေါင်)ရှိခဲ့တဲ့ကလေးနဲ့ ၁၀ ကီလိုဂရမ် (၂၂ ပေါင်)ဖြင့်မွေးဖွားခဲ့တဲ့ ဖြစ်ရပ်တွေတောင် ရှိခဲ့ပါတယ်။

ကလေးရဲ့အရွယ်အစား ပုံမှန်မဟုတ်တာက မိခင်မှာ ဆီးချိုရောဂါရှိနေနိုင်တာကြောင့် ဖြစ်နိုင်ချေများပါတယ်။

ကလေးက ကြီးလွန်းနေတာကြောင့် မိဘတွေဝယ်ထားတဲ့ ကလေးအဝတ်တွေ မတော်ဘဲ ဆေးရုံမှ အဝတ်အစားတွေ တောင်းခံထားရပါတယ်။

ဒီကလေးအတွက် ၉ လကနေ ၁ နှစ်အရွယ်ကလေးတွေဝတ်တဲ့ ကလေးအနှီးတွေလည်း စုဆောင်းနေရပါတယ်။

"ကျွန်မ မထင်ခဲ့မိပါဘူး၊ ၈ ပေါင် ၉ ပေါင်လောက်ပဲရှိမယ်ထင်ထားတာ၊ အခုတော့ ၁၆ ပေါင်ဖြစ်နေပါတယ်၊ ကျွန်မဒီကိုရောက်ကတည်းက စောင့်ရှောက်ပေးပြီး အားပေးခဲ့တဲ့ ဆေးရုံကဝန်ထမ်းတွေကို ကျေးဇူးတင်ပါတယ်၊ သူတို့သာမရှိရင် ကျွန်မဘာလုပ်ရမလဲသိမှာ မဟုတ်ပါဘူး" လို့ မိခင်ဖြစ်သူက ပြောကြားခဲ့ပါတယ်။

Source: The Jerusalem Post
#World_Health #ဘရာဇီးလ် #ကိုယ်အလေးချိန် (၁၅.၄ပေါင်)#baby
#YMG #Yangon_Media_Group