#World_Health
Published 30 June 2025

▪️ သံလွင်ဆီမှာပါဝင်တဲ့ အိုလစ်အက်ဆစ်ဟာ ခန္ဓာကိုယ်ထဲက အဆီဆဲလ်ကြီးထွားမှုကို အလွန်အားပေးပြီး အဝလွန်ခြင်းကို ဖြစ်စေနိုင်တယ်လို့ လေ့လာချက်အသစ်မှာ တွေ့ရှိထားပါတယ်။

▪️ အဆီများတဲ့ အစားအစာတွေကို အလွန်အကျွံစားခြင်းက အဝလွန်စေတာလား ဒါမှမဟုတ် ဖက်တီးအက်ဆစ်တွေက ဝစေတာလားဆိုတာကို အုက်လာဟိုမာဆေးကောလိပ်တက္ကသိုလ်မှ လက်ထောက်ပရော်ဖက်ဆာ မိုက်ကယ်ရူဒေါ့ဖ်က ပြောပါတယ်။

▪️ ဓာတ်ခွဲခန်းထဲက ကြွက်တွေကို အုန်းဆီ၊ ပဲဆီ၊ နို့၊ ပဲပိစပ်ဆီတို့မှာ တွေ့ရတဲ့ အမျိုးမျိုးသော အဆီတွေပါဝင်တဲ့ စားစရာများကို ကျွေးခဲ့ပါတယ်။

▪️ သံလွင်ဆီနဲ့ အဆင့်ဆင့်ထုပ်ပိုးစားစရာတွေမှာ ပေါများစွာပါဝင်တဲ့ အိုလစ်အက်ဆစ်ကသာ အဆီဆဲလ်တွေ ပွားများခြင်းကို မြင့်မားစေတာ တွေ့ခဲ့ရပါတယ်။

▪️ အဆီဆဲလ်တွေ ပိုများလာရင် အဆီတွေပိုစုလာပြီး ခါးပိုတုတ်လာစေပါတယ်။

▪️ အိုလစ်အက်ဆစ်က စစချင်းမှာ အဆီဆဲလ်တွေ မြင့်တက်လာစေကာ အလွန်များလာတဲ့အခါ အဆီဆဲလ်တွေ များလာစေပြီး အဝလွန်စေပြီးတော့ နှလုံးသွေးကြောရောဂါများ ဆီချိုရောဂါများ ဖြစ်လာစေနိုင်ပါတယ်။

▪️ အိုလစ်အက်ဆစ် မျှတတဲ့ပမာဏဆိုရင် အကျိုးပြုပေမယ့် ပမာဏကြာရှည်စွာ များလာရင်တော့ ရောဂါအန္တရာယ်တွေ ဖြစ်လာနိုင်ပါတယ်။

▪️ ဒါပေမဲ့လည်း သံလွင်ဆီဟာ အဆီတွေထဲမှာ ကျန်းမာရေးနဲ့ အညီညွတ်ဆုံးဖြစ်ပြီး ညီညွတ်မျှတစွာ စားသုံးရင် အကျိုးကျေးဇူးများ ရနိုင်တာကို မှတ်သားသင့်ပါတယ်။

#Source: New York Post

#World_Health
Published 30 June 2025

▪️ အိန္ဒိယမြောက်ပိုင်းပြည်နယ်တွေမှာ အပူလှိုင်းအန္တရာယ်များ ဆက်ရှိနေပြီး အပူချိန် ၄၅ ဒီဂရီဆဲလ်စီးယပ်စ်အထိ မြင့်တက်နေကာ အစိုးရက အဲကွန်းအပူချိန်နဲ့ ပတ်သက်ပြီး ချိန်ညှိမှုတွေပြုလုပ်ဖို့ စီစဉ်လာပါတယ်။

▪️ ပြည်ထောင်စုအိုးအိမ်နဲ့ မြို့ပြရေးရာဝန်ကြီး မနိုဟာလယ်ခက်တာက အဲကွန်းစံနှုန်းအပူချိန်သတ်မှတ်ချက်တစ်ခု မကြာခင်ချမှတ်သွားမယ်လို့ ကြေညာထားပါတယ်။

▪️ စည်းမျဉ်းသစ်အရ အဲကွန်းအသုံးပြုသူတွေဟာ အပူချိန် ၂၀ ဒီဂရီအောက်နဲ့ ၂၈ ဒီဂရီအထက်မှာ ထားရှိလို့ရမှာ မဟုတ်ပါဘူး။

▪️ ဒါဟာ စွမ်းအင်အလွန်အကျွံသုံးစွဲခြင်းကို ကန့်သတ်ဖို့နဲ့ ပတ်ဝန်းကျင်ထိခိုက်မှု လျှော့ချဖို့ ရည်ရွယ်ကာ အဆောက်အအုံတွေရော ယာဉ်တွေမှာပါ သက်ရောက်စေမှာ ဖြစ်ပါတယ်။

▪️ ဒါက ရာသီဥတု စိုးရိမ်ရခြင်းနဲ့ စွမ်းအင်လိုအပ်ချက် များပြားလာတဲ့အပေါ် တုံ့ပြန်ဆောင်ရွက်တာဖြစ်သလို ပူပြင်းတဲ့နွေရာသီကာလတွေမှာ ခန္ဓာကိုယ်အတွက် အကျိုးပြုစေမယ့် ဆုံးဖြတ်ချက်ဖြစ်တယ်လို့ ဆရာဝန်တွေ ပြောပါတယ်။

▪️ အဲကွန်းအပူချိန်အေးလွန်းအောင် ထားလိုက်ရင် ခန္ဓာကိုယ်ရဲ့ အပူထိန်းညှိနိုင်စွမ်း ထိခိုက်စေသလို ရုတ်တရက် ပူပြင်းတဲ့အပြင်ဘက်ကို ထွက်လိုက်ရင် အပူလျှပ်တာမျိုး ဖြစ်တတ်ပါတယ်။

▪️ ဒေါက်တာချက်တာဂျီက လူအများစုအတွက် ဖြစ်သင့်တဲ့အပူချိန်က ၂၂ ဒီဂရီနဲ့ ၂၄ ဒီဂရီဆဲလ်စီးယပ်စ်ကြား ဖြစ်တယ်လို့ ဆိုပါတယ်။

▪️ ညအိပ်တဲ့အခါမှာဆိုရင် ချမ်းအေးတဲ့အပူချိန်ထက်စာရင် အနည်းငယ်နွေးတဲ့ အနေအထားက ခန္ဓာကိုယ်ကို ပြေလျော့စေပြီး အိပ်စက်မှုကို အားပေးပါတယ်။

▪️ အလွန်အေးမြစေတဲ့ အဲကွန်းအပူချိန်ထားခြင်းကို လျှော့ချခြင်းဖြင့် လျှပ်စစ်မီတာခ သက်သာစေနိုင်တဲ့အပြင် နွေရာသီလိုကာလမျိုးမှာ လျှပ်စစ်စွမ်းအင်အသုံးများခြင်းကိုလည်း လျှော့ချနိုင်မှာ ဖြစ်ပါတယ်။

#Source: India Today

၂၈ ဇွန် ၂၀၂၅

ကမ္ဘာ့ ဒုတိယမြောက် အချမ်းသာဆုံးနှင့် အမေဇုန်တည်ထောင်သူ ဂျက်ဘီဇိုဟာ လောရင်း ဆန်ရှက် ဘီဇိုနှင့် စနေနေ့က လက်ထပ်လိုက်ပါတယ်။ လက်ထပ်ပွဲအခမ်းအနားကို အီတလီနိုင်ငံ ဗင်းနစ်မြို့မှာ ၃ ရက်တိတိကျင်းပခဲ့ပြီး ကမ္ဘာ့အကျော်အမော်များစွာတက်ရောက်ခဲ့ပါတယ်။

လောရင်းဆန်ရှက်ဟာ သတင်းစာဆရာမတစ်ဦးဖြစ်ခဲ့ပြီး လိုင်စင်ရ လေယာဉ်မှူး၊ စာရေးဆရာနှင့် ပရိဟိတသမားတစ်ဦးလည်းဖြစ်ပါတယ်။

သူတို့ဟာ အီတလီနိုင်ငံ ဗင်းနစ်မြို့ကြီးက ဆန်ဂျော်ဂျီယို မက်ဂီယိုကျွန်းပေါ်မှာ ဇွန်၂၇ ရက်က တစ်သီးတစ်သန့်  လက်ထပ်ပွဲပြုလုပ်ခဲ့ပြီး အဲဒီပွဲကို အထူးဖိတ်ကြားထားတဲ့ ဧည့်သည်တော် ၂၀၀ခန့် တက်ရောက်ခဲ့ကြ ပါတယ်။

လက်ထပ်ပါတီပွဲ နောက်ဆုံးနေ့ကိုတော့ ဇွန် ၂၈ရက်က သမိုင်းဝင် မီဒီဗယ်သင်္ဘောကျင်းမှာကျင်းပ  ခဲ့ပါတယ်။အဲဒီသင်္ဘောကျင်းဟာ ၁၃ရာစုခေတ် တော်ဝင်သင်္ဘောကျင်းကြီးတစ်ခုဖြစ်ပါတယ်။

သုံးရက်တာ လက်ထပ်ပွဲရဲ့ ကုန်ကျစရိတ်ဟာ ဒေါ်လာ သန်း၅၀ နှင့် ၅၆ သန်းအကြားရှိပါတယ်။ လက်ထပ်ပွဲတက်လာသူတွေကို ဇိမ်ခံဟိုတယ်ကြီးတွေမှာ တည်းခိုစေပြီး Usher လို အနုပညာ ရှင်တွေကလည်း ဖျော်ဖြေခဲ့ကြပါတယ်။

သတို့သမီး ဆန်ရှက်ဟာ Houseboat  ဇာတ်ကားထဲက မင်းသမီးကြီး ဆိုဖီယာလောရင်းရဲ့ ဝတ်စုံကို အတူယူထားတဲ့ Dolce & Gabbana သတို့သမီးဝတ်စုံကို ဆင်မြန်းထားပါတယ်။အဲဒီဝတ်စုံအတွက် ဖန်တီးတာ နာရီပေါင်း ၉၀၀ ကြာခဲ့တယ်လို့ဆိုပါတယ်။ ဘီဇိုကတော့ ဂန္တဝင်စတိုင် tuxedo အနက်ရောင်ဝတ်စုံဝတ်ဆင်ခဲ့ပါတယ်။

တက်ရောက်လာကြတဲ့ အကျော်အမော်တွေဟာ နယ်ပယ်အသီးသီးဖြစ်တဲ့ ဖျော်ဖြေရေး၊ အားကစား နှင့် စီးပွားရေးနယ်ပယ်တွေက ထိပ်တန်း အထင်ကရတွေဖြစ်ကြပါတယ်။ဟောလီဝုဒ်ကဆိုရင် မင်းသား လီယို နာဒိုဒီကာပရီယို၊အိုလန်ဒိုဘလွမ်း၊အိုပရောဝင်းဖရေး၊ဂေလီကင်းတို့လို နာမည်ကြီးတွေ တက်ရောက်ခဲ့ကြ ပါတယ်။

ရုပ်သံ Royalty အစီအစဉ်တွေက ကရစ်ဂျင်နာ၊ကမင်ကာဒက်ရှန်၊ကလို ကာဒက်ရှန်။ ကင်ဒဲလ် နှင့် ကီလီ ဂျင်နာတို့ပါဝင်ကြပါတယ်။

အားကစားနှင့် ဂီတနယ်ပယ်ကဆိုရင် တွမ် ဘရန်ဒီ၊ Usher တို့ပါဝင်ကြပါတယ်။

စီးပွားရေးနှင့်နိုင်ငံရေးနယ်ပယ်တွေထဲက ဘီလ်ဂိတ်၊ အင်ဗန်ကာထရမ့်၊ ဂျားကူရှ်နာ၊ ဂျော်ဒန်ဘရင်မ ရာနီယာတို့တက်ရောက်လာကြပါတယ်။

ဘီဇိုလက်ထပ်ပွဲကို “ဘီဇိုအတွက်နေရာမရှိ” ဆိုတဲ့ခေါင်းစဉ်နှင့် လူအချို့က ဗင်းနစ်မှာ ကန့်ကွက်ခဲ့ကြပါ သေးတယ်။

လက်ထပ်ပွဲဟာ ချမ်းသာခြင်းမညီမျှမှု၊ ရာသီဥတုကွာခြားမှုနှင့် အလွန်အကျွံခရီးသွားလုပ်ငန်းတို့ရဲ့ အမှတ်သင်္ကောတေဖြစ်တယ်ဆိုပြီး သူတို့ကဝေဖန်ကြပါတယ်။

Source: News Wires

#World_Science
Published 29 June 2025

▪️ နာဆာပတ်လမ်းကြောင်းဂြိုဟ်တုတစ်ခုကနေ မားစ်ဂြိုဟ်(အင်္ဂါဂြိုဟ်)ပေါ်မှ မီးတောင်ကြီးတစ်ခုရဲ့ ဓာတ်ပုံကို ရိုက်ကူးရရှိခဲ့ပါတယ်။

▪️ ဒီပုံကို မေလ ၂ ရက်နေ့က နာဆာရဲ့ Mars Odyssey ဂြိုဟ်တုယာဉ်ကနေ ရိုက်ကူးမိခဲ့ကာ မားစ်ဂြိုဟ်ပေါ်မှ အကြီးမားဆုံးမီးတောင်တွေထဲက တစ်ခုဖြစ်တဲ့ Arsia Mons ကို တွေ့ရှိခဲ့ပါတယ်။

▪️ ဓာတ်ပုံထဲမှာဆိုရင် မီးတောင်က ၁၂ မိုင်မြင့်မားပြီး အာရုံတက်ချိန်မတိုင်ခင် တိမ်တိုက်တွေထဲကနေ မြင်တွေ့နိုင်ပါတယ်။

▪️ Arsia Mons နဲ့အတူ နောက်ထပ်မီးတောင်နှစ်ခုတို့ဖြင့် Tharsis Mountain တွေ ဖြစ်ပေါ်နေပါတယ်။

▪️ ဒီဂြိုဟ်ရဲ့ မိုးကုတ်စက်ဝိုင်းပေါ်ကနေ မီးတောင်တစ်ခုရဲ့ ပုံရိပ်ကို ရိုက်ကူးမိတာဟာ ပထမဆုံးအကြိမ် ဖြစ်တယ်လို့ နာဆာက ပြောပါတယ်။

▪️ ယခု မားစ်ဂြိုဟ်ကို ကြည့်တဲ့ရှုထောင့်ဟာ နိုင်ငံတကာ အာကာသစခန်းကနေ ကမ္ဘာဂြိုဟ်ကို ကြည့်တဲ့ရှုထောင့်နဲ့ တူညီပါတယ်။

▪️ Odyssey ဂြိုဟ်တုဟာ မားစ်ဂြိုဟ်မျက်နှာပြင် လေ့လာဖို့အတွက် ၂၀၀၁ ခုနှစ်က လွှတ်တင်ခဲ့ပြီး အချိန်အကြာဆုံးလည်ပတ်နေတဲ့ အာကာသဂြိုဟ်တုတစ်ခု ဖြစ်ပါတယ်။

▪️ ၂၀၂၃ မှာ မားစ်ဂြိုဟ်မိုးကုတ်စက်ဝိုင်းမှ အမြင့်ပေအထက်မာရှိတဲ့ ပုံရိပ်တွေကို စတင်ရှာဖွေရိုက်ကူးလာရာ ထူးခြားဆန်းပြားတဲ့ ပုံရိပ်တွေကိုရိုက်ကူးမိဖို့ ၉၀ ဒီဂရီ လှည့်ပတ်နေပါတယ်။

▪️ ဒီလိုရှုထောင့်ကနေဆိုရင် ရာသီအလိုက် ပြောင်းလဲမှုများနဲ့ တိမ်တိုက်တွေ အမှုန်တွေကို ကောင်းစွာမြင်စေနိုင်ပါတယ်။

▪️ ဒီလိုပုံရိပ်တွေကနေ ရာသီအလိုက်ပြောင်းလဲမှုများကို မြင်တွေ့နိုင်ပြီး မားစ်ဂြိုဟ်လေထုမှာ အချိန်နဲ့အမျှ ပြောင်းလဲနေတဲ့ အရိပ်အယောင်တွေ မြင်တွေ့ရစေတယ်လို့ နာဆာဂြိုဟ်တုသိပ္ပံပညာရှင် မိုက်ကယ်စမစ်က ဖော်ပြထားပါတယ်။

#Source: ABC News

#World_Health
Published 29 June 2025

▪️ မီးခိုးငွေ့တွေမှာ အမှုန်တွေ၊ ဓာတ်ငွေ့တွေ၊ အစအနတွေ ပါဝင်နေပြီး ပါဖလိုရိုအယ်ကိုင်း၊ ပိုလီဖလိုရိုအယ်ကိုင်းပစ္စည်းများ (PFAS)၊ အဆိပ်သင့်သတ္တုများ၊ ကင်ဆာဖြစ်စေတဲ့ ဒြပ်ပေါင်းများနဲ့ ထိတွေ့တဲ့အခါ လူတွေရဲ့ ဆဲလ်အဆင့်ကနေ ကိုယ်ခံအားစနစ်ကို ပြောင်းလဲနိုင်ဖွယ်ရှိတယ်လို့ Harvard T.H. Chan ပြည်သူ့ကျန်းမာရေးကျောင်းမှ သုတေသီများ လေ့လာတွေ့ရှိခဲ့ပါတယ်။

▪️ မီးခိုးငွေ့တွေဆိုတာက အသက်ရှူလမ်းကြောင်း၊ နှလုံး၊ အာရုံကြောတို့ကို ထိခိုက်စေပြီး ကိုယ်ဝန်ဆောင်တွေမှာလည်း ဒုက္ခရောက်စေနိုင်တယ်ဆိုတာ သိရှိထားပြီးဖြစ်ကြောင်း ပတ်ဝန်းကျင်ကျန်းမာရေးဌာနမှ ပရော်ဖက်ဆာ ဂျွန်ရော့ခ်၊ ကာရီနာဒူတို့က ဖော်ပြထားပါတယ်။

▪️ မီးခိုးငွေ့တွေနဲ့ ထိတွေ့ရတဲ့ မီးသတ်သမားတွေနဲ့ အရပ်သား ၃၁ ဦး၊ မီးခိုးငွေ့မထိတွေ့သူ ၂၉ ဦးတို့ထံမှ သွေးနမူနာများ ရယူခဲ့ကြပြီး ဘယ်သူမှ ရောဂါလက္ခဏာတွေ မရှိခဲ့ကြပါဘူး။

▪️ မီးခိုးငွေ့ထိတွေ့သူတွေမှာ ဆဲလ်အဆင့် ပြောင်းလဲမှုအများအပြား တွေ့ခဲ့ကြပါတယ်။

▪️ ဓာတ်မတည့်ခြင်း၊ ရင်ကြပ်ခြင်းတို့နဲ့ ဆက်စပ်တဲ့ မျိုးဗီဇပစ္စည်း ၁၃၃ ခုမှာ ပြောင်းလဲကြသလို ကိုယ်ခံအားဆဲလ်အများစုက မာကျူရီ၊ ကဒ်မီယံတို့လို အဆိပ်သင့်သတ္တုတွေနဲ့ ပေါင်းစည်းနေကြပါတယ်။

▪️ မီးခိုးငွေ့တွေကြောင့် ကိုယ်ခံအားစနစ် ပျက်ယွင်းတဲ့အကြောင်းကို စောစီးစွာ သိရှိနိုင်ရင် ဒီလိုသက်ရောက်မှုတွေကို လျှော့ချကာကွယ်နိုင်မယ့် နည်းလမ်းသစ်တွေ သိရှိလာနိုင်မယ်လို့ ဦးဆောင်သုတေသီ မယ်ရီဂျွန်ဆန်က ပြောပါတယ်။

▪️ မီးခိုးငွေ့ထိတွေ့ခြင်းက ခန္ဓာကိုယ်ထိခိုက်စေပုံကို သိရှိခြင်းဖြင့် တောမီးလောင်ကျွမ်းတဲ့ ဖြစ်စဉ်တွေမှာ ထွက်ပြေးတိမ်းရှောင်ကြဖို့ အသိရှိလာမှာ ဖြစ်ပြီး မီးခိုးငွေ့ဘယ်လောက်ပမာဏက အဆိပ်အတောက်ဖြစ်စေလဲဆိုတာကို ထပ်မံသုံးသပ်သွားဦးမယ်လို့ နာဒူက ပြောသွားပါတယ်။

#Source: Harvard T.H. Chan

ဂါဇာမှာ အစ္စရေးလ်တို စစ်ရေးဆောင်ရွက်တာတွေနဲ့ ပတ်သက်ပြီး ဘယ်လိုတုံ့ပြန်ကြမလဲဆိုတဲ့အပေါ် သဘောထားကွဲလွဲနေတဲ့အချိန်မှာ ဥရောပသမဂ္ဂမှ နိုင်ငံခြားရေးဝန်ကြီးများ ဘရူဆဲလ်မြို့မှာ တနင်္လာနေ့က တွေ့ဆုံခဲ့ကြပါတယ်။
‌‎#World_News
‎Published 28 June 2025
#ဂါဇာအရေးတုံ့ပြန်ဆောင်ရွက်ချက်များ #နိုင်ငံခြားရေးဝန်ကြီး
‎#YMG #Yangon_Times #Yangon_Media_Group