#World_Health
Published 07 July 2024

▪️ ဆေးခြောက်ပင် အသုံးပြုခြင်းဟာ ကိုဗစ်-၁၉ ရောဂါကူးစက်မှု ပြင်းထန်စေနိုင်ဖွယ်ရှိတယ်လို့ လေ့လာတွေ့ရှိထားပါတယ်။

▪️ ကိုဗစ်ပြင်းထန်စွာ ဖြစ်ပွားနိုင်ခြေ များစေတဲ့အထဲမှာ ဆေးခြောက်သုံးစွဲခြင်းလည်း ပါဝင်တယ်လို့ JAMA Network ဂျာနယ်မှာ ဖော်ပြထားပါတယ်။

▪️ မစ်ဆူရီနဲ့ အီလီနွိုက်တို့ရှိ BJC HealthCare ဆေးရုံဆေးခန်းများမှ အချက်အလက်များကို ရယူခဲ့ပါတယ်။

▪️ ထိုအခါမှာ ဗိုင်းရပ်စ်မကူးစက်ခင်နှစ်တွေမှာ ဆေးခြောက်ကို တစ်နည်းနည်းသုံးစွဲထားသူတွေက ဆေးရုံတက်ရောက်ကုသမှုနှုန်း ပိုများနေခဲ့ပါတယ်။

▪️ ဆေးခြောက်ပင်ဟာ သုံးစွဲရန် ဘေးကင်းစိတ်ချရပြီး ဆေးလိပ်သောက်ခြင်း၊ အရက်သောက်ခြင်းတို့လို ကျန်းမာရေးမထိစေဘူးလို့ အများကထင်ကြကြောင်း စိတ်ကျန်းမာရေးဆရာဝန် ပရော်ဖက်ဆာ လီရွှန်ချန်းက ဆိုပါတယ်။

▪️ ကိုဗစ်မကူးစက်ခင် ဆေးခြောက်သုံးစွဲခဲ့သူတွေဟာ ဆေးရုံတက်ကုသခံယူရမှု ၈၀ ရာခိုင်နှုန်းနဲ့ အထူးကြပ်မတ် ကုသရမှု ၂၇ ရာခိုင်နှုန်း ပိုမိုလိုအပ်ခဲ့ပါတယ်။

▪️ ဆေးလိပ်သောက်ခြင်းကတော့ ကိုဗစ်ကူးစက်တဲ့အခါ ပို၍ပင် အသက်အန္တရာယ်ပိုများပါတယ်။

▪️ ဆေးရွက်ကြီးသောက်ခြင်းက ကိုဗစ်ကြောင့် ဆေးရုံတက်ကုသမှုနှုန်း ၇၂ ရာခိုင်နှုန်းနဲ့ အထူးကြပ်မတ်ကုသမှုနှုန်း ၂၂ ရာခိုင်နှုန်း ပိုမိုလိုအပ်ခဲ့ပါတယ်။

▪️ ဆေးခြောက်က ကိုဗစ်ပိုမိုဆိုးရွားစေတဲ့ အကြောင်းအရင်းကတော့ ဆေးခြောက်ရှူတဲ့အခါ အဆုတ်တစ်ရှူးကို ထိခိုက်စေတာကြောင့် ဖြစ်နိုင်ပါတယ်။

▪️ ဆေးခြောက်ပင်က ကျန်းမာရေးအတွက် ကောင်းတယ်လို့ အထောက်အထားတွေလည်း ရှိထားပေမယ့် ယခုလေ့လာချက်က တကယ့်လက်တွေ့ အချက်အလက်တွေကို အချိန်ကြာမြင့်စွာ လေ့လာထားတာ ဖြစ်ပြီး သေချာအတည်ပြုထားတာ ဖြစ်ပါတယ်။

▪️ ဆေးခြောက်ရွက်ကို ဝါးစားတာကလည်း ခန္ဓာကိုယ်ခုခံအားကို နိမ့်ကျစေပြီး ဗိုင်းရပ်စ်ကို မတိုက်ထုတ်နိုင်ဘူးလို့ သုတေသီများက ဆိုပါတယ်။

#Source: The Jerusalem Post

ဂျပန်ယန်းငွေတန်ဖိုး ကျဆင်းနေတာကြောင့် ဂျပန်နိုင်ငံမှာ စားသောက်ကုန် အမျိုးအစားပေါင်း ၄၀၀ ကျော် ဈေးတက်နေသလို အမျိုးမျိုးသော တင်သွင်းအသီးအနှံများလည်း စံချိန်တင်မြင့်တက်နေပါတယ်။
#World_Business
Published 06 July 2024
#ဂျပန်ယန်းငွေတန်ဖိုးကျဆင်း #အမျိုးအစားပေါင်း(၄၀၀)ကျော်
#YMG #Yangon_Times #Yangon_Media_Group

#Daily_News
Published 06 July 2024

၁။ ရန်ကုန်တွင် ဝမ်းပျက်ဝမ်းလျောလူနာထက် ကလေးဖျားနာလူနာနှင့် သွေးလွန်တုပ်ကွေးလူနာများပိုများနေ

၂။ စက်သုံးဆီ ဈေးများဆက်တက်၊ တစ်လတာအတွင်းတစ်လီတာကို ကျပ် ၁၀၀ ကျော်မှ  ၅၀၀ကျော်အထိမြင့်တက်လာ

၃။ ဘောလုံးနည်းပြဖြစ်လိုသူများ နိုင်ငံတကာအသိအမှတ်ပြုဘောလုံးနည်းပြ ဒီပလိုမာသင်တန်း တက်ရောက်နိုင်ပြီ

၄။ ဂျပန်ယန်းငွေတန်ဖိုးကျဆင်းခြင်းကြောင့် စားသောက်ကုန်အမျိုးအစားပေါင်း(၄၀၀)ကျော်ဈေးနှုန်းမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Politics
Published 06 July 2024

▪️ ဗြိတိန်ဝန်ကြီးချုပ်အသစ် ဖြစ်လာတဲ့ ကီယာစတားမားက အပြတ်အသတ် မဲအနိုင်ရရှိခဲ့တာနဲ့အတူ တိုင်းပြည်ကို ပြန်လည်တည်ဆောက်သွားမယ်လို့ သောကြာနေ့က ကတိပြုလိုက်ကာ နှစ်ပေါင်းများစွာတိုင်အောင် ဆူပူအုံကြွတာတွေ၊ ပဋိပက္ခတွေ ဖြစ်ပြီးနောက် နိုင်ငံရေးဖိအားတွေကို လျှော့သွားချင်တယ်လို့ ဆိုလိုက်ပါတယ်။

▪️ ကွန်ဆာဗေးတစ်အစိုးရ ၁၄ နှစ်အုပ်ချုပ်ခဲ့ပြီးနောက် စတားမားရဲ့ အလုပ်သမားပါတီက လွှတ်တော်ရွေးကောက်ပွဲမှာ အပြတ်အသတ် အနိုင်ရခဲ့တာဖြစ်ကာ တွေ့ကြုံလာရမယ့် အခက်အခဲ ဘယ်လောက်ကြီးမားလဲဆိုတာကို သိရှိထားတယ်လို့ စတားမားက နံပါတ်(၁၀)ဒေါင်းနင်းလမ်းရှိ ဝန်ကြီးချုပ်ရုံးနေအိမ်အပြင်ဘက်ကနေ ပြောကြားသွားပါတယ်။

▪️ တိုးတက်ရေးမှန်သမျှက အချိန်ယူရမှာဖြစ်ပြီး အရင်ဆုံး နိုင်ငံရေးမှာ ယုံကြည်မှုရအောင် ပြန်လည်တည်ဆောက်ဖို့ လိုအပ်ကြောင်း သတိပေးလိုက်ပါတယ်။

▪️ အခုလို မယုံကြည်တာတွေကို စကားလုံးတွေနဲ့တင် မဟုတ်ဘဲ လုပ်ရပ်တွေနဲ့သာ ပြန်ဖြေရှင်းရမှာဖြစ်ကြောင်း ဆိုပါတယ်။

▪️ စတားမားကို ခမ်းခမ်းနားနား ကြိုဆိုခဲ့ကြပြီး မိန့်ခွန်းမပြောခင်မှာ လုပ်ဖော်ကိုင်ဖက်တွေနဲ့ လက်ဆွဲနှုတ်ဆက်ခဲ့ပါတယ်။

▪️ ကွန်ဆာဗေးတစ်တွေ လက်ထက်မှာ အရှုပ်တော်ပုံတွေ ဖြစ်ပြီးနောက် ပြည်သူတွေက နိုင်ငံရေးကို အမြင်မှားလာကြတာ သဘောပေါက်ထားတယ်လို့လည်း ပြောပါတယ်။

▪️ ကြာသပတေးနေ့ ရွေးကောက်ပွဲမှာ ကွန်ဆာဗေးတစ်တွေ အပြတ်အသတ် ရှုံးနိမ့်ခဲ့တာဟာ ဗြိတိန်နိုင်ငံသားတွေက ပြောင်းလဲစတင်မှုကို အလိုရှိနေကြပြီဆိုတဲ့ အဓိပ္ပာယ်ဖြစ်တယ်လို့ စတားမားက ပြောပါတယ်။

▪️ ဗဟို-လက်ဝဲရောက် အလုပ်သမားပါတီက လွှတ်တော်နေရာ ၆၅၀ ဖြင့် မဲအပြတ်အသတ် အနိုင်ရခဲ့ကာ ဝန်ကြီးချုပ်ဟောင်း ရီရှီဆူနက်ခ်ကတော့ ‌သောကြာနေ့နံနက်မှာ ရာထူးမှနုတ်ထွက်ခဲ့ပါတယ်။

▪️ ဗြိတိန်မှာ မူဝါဒလမ်းစဉ်တွေကြောင့် ဝန်ပိနေတာမျိုးမရှိတဲ့ အစိုးရမျိုး ဖြစ်စေရမယ်လို့ ဆိုပါတယ်။

▪️ ရီရှီဆူနက်ခ်ရဲ့ ကွန်ဆာဗေးတစ်တွေက သမိုင်းတလျှောက် အဆိုးရွားဆုံး မဲပေးမှုရရှိခဲ့ပြီး ယင်းတို့လက်ထက် နေထိုင်စရိတ် မြင့်မားလာခြင်း၊ အများပြည်သူ ဝန်ဆောင်မှုစနစ်များ ကျဆင်းလာခြင်း၊ အရှုပ်တော်ပုံများ ကြုံတွေ့လာရခြင်းတို့ကြောင့် မဲပေးသူတွေက မဲမပေးကြတော့တာ ဖြစ်ပါတယ်။

▪️ စတားမားအစိုးရအဖွဲ့ထဲမှာ ရေချယ်ရိဗ်စ်က ဗြိတိန်ရဲ့ ပထမဆုံး အမျိုးသမီးဘဏ္ဍာရေးဝန်ကြီး ဖြစ်လာကာ အိန်ဂျလာရေနာက လက်ထောက်ဝန်ကြီးချုပ်၊ ဒေးဗစ်လမ်မီက နိုင်ငံခြားရေးဝန်ကြီး ဖြစ်လာပါတယ်။

▪️ အလုပ်သမားပါတီက လွန်ခဲ့တဲ့ ၃ နှစ်လောက်က ပျောက်ကွယ်လုနီးပါး ဖြစ်ခဲ့ရာကနေ အံ့အားသင့်ဖွယ် ပြန်လာနိုင်ခဲ့တာ ဖြစ်တယ်လို့ ထောက်ခံသူများနဲ့ ဝေဖန်ရေးများက ဆိုခဲ့ကြပါတယ်။

#Source: Reuters

#World_News
Published 06 July 2024

▪️ အလုပ်မလုပ်တော့တဲ့ ရုရှားဂြိုဟ်တုတစ်လုံးဟာ ပျက်စီးပြီး ပတ်လမ်းကြောင်းအတွင်း အစအနပေါင်း ၁၀၀ ကျော် လွင့်စင်ထွက်ခဲ့တာကြောင့် နိုင်ငံတကာ အာကာသစခန်းမှာ အာကာသယာဉ်မှူးများ တစ်နာရီခန့် ပုန်းခိုနေခဲ့ရကြောင်း အမေရိကန် အာကာသအေဂျင်စီများက ဖော်ပြလိုက်ပါတယ်။

▪️ ၂၀၂၂ ခုနှစ်က ရုရှားတို့ဘက်က အလုပ်မလုပ်တော့ဘူးလို့ ကြေညာခဲ့တဲ့ Resurs-P1 ရုရှားစောင့်ကြည့်ရေး ဂြိုဟ်တု ကျိုးပျက်ခဲ့ရတဲ့ အကြောင်းအရင်းနဲ့ ပတ်သက်လို့ သတင်းမရသေးပါဘူး။

▪️ အခြားဂြိုဟ်တုတွေတော့ ခြိမ်းခြောက်မှုမရှိခဲ့ဘူးလို့ အမေရိကန် အာကာသကွပ်ကဲရေးက ဆိုလိုက်ပါတယ်။
အာကာသစခန်းနဲ့နီးစပ်တဲ့ ပတ်လမ်းကြောင်းမှာ ကျိုးပျက်ခဲ့တာဖြစ်ပြီး အမေရိကန် အာကာသယာဉ်မှူးတွေ တစ်နာရီနီးပါးခန့် ပုန်းခိုခဲ့ရတယ်လို့ နာဆာအာကာသစခန်းရုံးက ဆိုပါတယ်။

▪️ ဂြိုဟ်တုအသေးကနေ အကြီးစားအထိ ဂြိုဟ်တုပေါင်းထောင်ဂဏန်းခန့်ရှိတဲ့ ပတ်လမ်းကြောင်းမှာ ပျက်စီးခဲ့တာ ဖြစ်ပါတယ်။

▪️ အပျက်အစီး အစအနတွေ ပတ်လမ်းကြောင်းအနိမ့်မှာ ရှိတာကြောင့် အန္တရာယ်ကင်းဖို့ ရက်သတ္တပတ် လတွေအထိ ကြာမြင့်နိုင်တယ်လို့ ခန့်မှန်းရပါတယ်။

▪️ အပျက်အစီးတွေနဲ့ ဂြိုဟ်တုတွေ ပွတ်တိုက်မိခြင်းဖြင့် အန္တရာယ်ဇုံဖြစ်ပေါ်နိုင်ပါတယ်။

▪️ ရုရှားဘက်ကနေ ဂြိုဟ်တုကို ဒုံးကျည်ဖြင့် ပစ်ခတ်တာမျိုး မရှိခဲ့ဘူးလို့ အာကာသခြေရာခံစောင့်ကြည့်သူ ဂျိုနသန်မက်ဒေါင်ဝဲလ်က ပြောပါတယ်။

▪️ ဥပမာအားဖြင့် အာကာသယာဉ်ထဲက လက်ကျန်လောင်စာတွေ ပေါက်ကွဲပြီး ပျက်စီးတာမျိုး ဖြစ်နိုင်တယ်လို့ သုံးသပ်နေကြပါတယ်။

#Source: WION

#World_Health
Published 06 July 2024

▪️ အလုပ်စားပွဲမှာဖြစ်ဖြစ် အိမ်ကထိုင်ခုံမှာဖြစ်ဖြစ် အချိန်ကြာမြင့်စွာ ထိုင်ခြင်းက ကျန်းမာရေးကို ထိခိုက်စေနိုင်ပေမယ့် ကော်ဖီပုံမှန်သောက်ခြင်းဖြင့် ထိုပြဿနာကို လျှော့ချနိုင်ဖွယ် ရှိပါတယ်။

▪️ အမေရိကန်မှာ လူပေါင်း ၁ သောင်းကျော်ကို လေ့လာခဲ့ရာမှာ ကော်ဖီနေ့စဉ်သောက်သူတွေက တစ်နေ့ကို ၆ နာရီ‌ကျော် ထိုင်ခြင်းကြောင့် ဖြစ်နိုင်တဲ့အန္တရာယ်တွေကနေ ကာကွယ်နိုင်ဖွယ်ရှိပါတယ်။

▪️ လေ့လာချက်အရ အထိုင်များပြီး ကော်ဖီသောက်သူတွေဟာ ကော်ဖီမသောက်သူတွေထက် ၁၃ နှစ်ကာလအတွင်း အကြောင်းတစ်ခုခုကြောင့် သေဆုံးနိုင်ခြေ ၁.၅၈ ဆပိုနည်းပါတယ်။

▪️ တရုတ်ပြည် ဆူချောင်တက္ကသိုလ်မှ သုတေသီများ လေ့လာရာမှာ အထိုင်များတဲ့ နေထိုင်ပုံစံနဲ့ နှလုံး‌သွေးကြောရောဂါများကြောင့် သေဆုံးခြင်းတို့ကြား ဆက်စပ်မှုကို ကော်ဖီသောက်ခြင်းက ချေဖျက်နိုင်တယ်လို့ တွေ့ရှိခဲ့ကြပါတယ်။

▪️ လေ့လာသူတွေထဲမှာ တစ်နေ့ကို ၈ နာရီကျော် ထိုင်သူတွေဟာ တစ်နေ့ကို ၄ နာရီအောက် ထိုင်သူတွေထက် အကြောင်းအမျိုးမျိုးကြောင့် သေဆုံးနိုင်ခြေ ပိုများပါတယ်။

▪️ ကော်ဖီကို ပုံမှန်သောက်သူတွေကတော့ ထိုကဲ့သို့ သေဆုံးနိုင်ခြေ နည်းပါးခဲ့ပါတယ်။

▪️ ကော်ဖီက ဘာကြောင့် ဒီလိုကာကွယ်မှုမျိုး ပေးသလဲဆိုတာ သေချာမသိရပေမယ့် ယခင်သုတေသနတွေမှာ ကော်ဖီသောက်ခြင်းက အသက်ရှည်ခြင်းနဲ့ ဆက်စပ်နေပါတယ်။

▪️ ကဖင်းဓာတ်က ဆီးချိုနဲ့ နှလုံးသွေးကြောရောဂါများ ဖြစ်နိုင်ခြေလျှော့ချပေးသလို ဓာတ်တိုးဆန့်ကျင်ပစ္စည်းများလည်း ပါဝင်ပါတယ်။

#Source: India Today