#World_News
Published 23 April 2026

■ အမေရိကန် ရေတပ်ဝန်ကြီး ဂျွန်ဖီလန် ရာထူးမှထုတ်ပယ်ခံရတယ်လို့ သတင်းရင်းမြစ်နှစ်ဦး ဗုဒ္ဓဟူးနေ့မှာ ပြောပါတယ်။

■ ကာကွယ်ရေးဝန်ကြီး ပီ့ဟက်ဆက်က တပ်မတော် ထိပ်သီးဗိုလ်ချုပ်တွေကို ထုတ်ပယ်ပြီး ရက်သတ္တပတ်တွေအကြာမှာ နောက်ထပ်ထုတ်ပယ်မှု ပြုလုပ်တာ ဖြစ်ပါတယ်။

■ ဂျွန်ဖီလန်ထုတ်ပယ်ကြောင်းကို ပင်တဂွန်စစ်ဌာနချုပ် ကြေညာခဲ့ပြီး ချက်ချင်းထွက်ခွာရမှာဖြစ်ကာ ဒါဟာ ထွက်ခွာဖို့ သူဆုံးဖြတ်တာ ဟုတ်လားမဟုတ်လားတော့ မပြောထားပါဘူး။

■ အမည်မဖော်လိုသူ သတင်းရင်းမြစ် ပြောကြားချက်အရ ဖီလန်ဟာ သင်္ဘောဆောက်လုပ်ရေး အရှိန်မြှင့်တင်ဖို့ ပြန်လည်ဖွဲ့စည်းပုံဖော်ရာမှာ နှေးလွန်းပြီး ပင်တဂွန်အကြီးအကဲတွေနဲ့ အဆင်မပြေတာကြောင့်လို့ ဆိုပါတယ်။

■ ဟက်ဆက်နဲ့ လက်ထောက်ဖြစ်သူ စတိဗ်ဖိုင်းဘာ့ဂ်၊ ရေတပ် အမှတ် ၂ အရပ်ဘက်အရာရှိ ဟွန်ချိုတို့နဲ့ ဆက်ဆံရေး အဆင်မပြေဘူးလို့ သိရပါတယ်။

■ ဒါတွေက ဖီလန်ရဲ့ရုံးကို စုံစမ်းစစ်ဆေးတာတွေနဲ့ သက်ဆိုင်ပါတယ်။

■ ယင်းက သမ္မတဒေါ်နယ်ထရမ့်နဲ့ နီးစပ်ပြီး ထရမ့်သမ္မတရာထူး ပြန်ရပြီးနောက် ဒီအစိုးရကပဲ ရွေးချယ်တဲ့ ဝန်ကြီးတွေထဲမှာ ပထမဆုံးအထုတ်ခံရသူ ဖြစ်လာပါတယ်။

■ ဟက်ဆက်လက်အောက် ပင်တဂွန်ထိပ်သီးပိုင်းအားလုံးမှာ မငြိမ်မသက်ဖြစ်နေပြီး စစ်ဦးစီးချုပ်ဥက္ကဌ၊ လေတပ်ဗိုလ်ချုပ်ကြီး စီကျူဘရောင်း၊ ရေတပ်နှင့်လေတပ် ဒုဦးစီးချုပ်တို့လည်း ထုတ်ပယ်ခံခဲ့ရပါတယ်။

■ အမေရိကန်က အီရန်နဲ့ တင်းမာနေချိန် အရှေ့အလယ်ပိုင်းသို့ ရေတပ်ပိုစေလွှတ်နေတဲ့အချိန်မှာ အခုလို ပြောင်းလဲသွားတာ ဖြစ်ပါတယ်။

■ အမေရိကန်ရေတပ် တိုးချဲ့ဖို့ ဖိအားများနေကာ တရုတ်သင်္ဘောဆောက်လုပ်ရေးက အမေရိကန်ကို ကျော်လွန်နေပြီ ဖြစ်ပါတယ်။

Source: Reuters